PLUZ
Official page of PLUZ 🌿 In simple words PLUZ is going to be a "Knowledge Bank" in near future.
PLUZ is an Advanced eLearning Platform which is developed specially for students as well as for anyone who are seeking for knowledge. This is the first ever eLearning institution established in Sri Lanka and also PLUZ will help anyone all around the world to gain knowledge virtually.
05/10/2023
🏆 | ශ්‍රී ලංකාව රනින් සැරසූ මළල ක්‍රීඩා ශූරිය - තරුෂි කරුණාරත්න 🇱🇰
━━━━━━━━━━━━━━━━
⛹🏻♀️ චීනයේ Hangzhou නුවර පැවැත්වෙන 19 වන ආසියානු ක්‍රීඩා උළෙලේ වයස අවුරුදු 20න් පහළ මීටර් 800 කාන්තා ඉසව්ව මිනිත්තු 02.05.63 ක කාලයකින් නිම කරමින් එම ඉසව්වේ රන් පදක්කම හිමි කරගැනීමට ශ්‍රී ලංකා මළල ක්‍රීඩා ශුරියක වන තරුෂි කරුණාරත්න ඊයේ (ඔක්තෝබර් 04) දිනයේදී සමත් වුණා. 🥇
🧩 ඒ ඉන්දියානු ක්‍රීඩිකා Bains Harmilan ට රිදී පදක්කම සහ චීනයෙන් තරඟ වැදුණු Wang Chunyu ට ලෝකඩ පදක්කම ලබා දෙමින්.
🏵️ ඇය ලබාගත් මෙම රන් පදක්කම,
🥇 2002 වසරෙන් පසු ආසියානු ක්‍රීඩා උළෙලකදී ශ්‍රී ලංකාව හිමිකරගත් පළමු රන් පදක්කම
🥇 19 වන ආසියානු ක්‍රීඩා උළෙලේ ශ්‍රී ලංකාව විසින් දිනාගත් පළමු රන් පදක්කම
🥇 ආසියානු ක්‍රීඩා උළෙලකදී මීටර් 800 ඉසව්වෙන් ශ්‍රී ලංකාව දිනාගත් පළමු රන් පදක්කම,
ද වනවා.
🤹🏻♀️ එමෙන්ම, මෙවර 19 වන ආසියානු ක්‍රීඩා උළෙලේ තරුෂිගේ රන් පදක්කමට අමතරව, රිදී පදක්කම් දෙකක් සහ ලෝකඩ පදක්කම් දෙකක් ද දිනාගැනීමට ශ්‍රී ලාංකික ක්‍රීඩක ක්‍රීඩිකාවන් සමත් වී තිබෙන්නේ 2006 වසරේදී සුසන්තිකා ජයසිංහ විසින් 15වන ආසියානු ක්‍රීඩා උළෙලේදී රිදී සහ ලෝකඩ පදක්කම් දිනාගැනීමෙන් වසර 17කට පසුවයි.
🎯 2023 ජූලි මාසයේ තරුෂි තායිලන්තයේ, Bangkok නුවර පැවැත්වුණු 25වන ආසියානු මළල ක්‍රීඩා ශූරතාවයේදී ද කාන්තා මීටර් 800 ඉසව්ව මිනිත්තු 2:00.66 ක කාලයකින් නිම කරමින් රන් පදක්කමක් දිනාගත්තේ, ඊට පෙර එම ඉසව්ව සඳහා චීනයේ Zhang Sian විසින්1998 වර්ෂයේ දී හිමි කරගෙන තිබුණු මිනිත්තු 2:01.16 ක වාර්තාව ද බිඳ හෙළමින්.
🔰 ඔයාගෙ දැනුමට පොඩි හරි දෙයක් මේ ලිපියෙන් එකතු වුණා නම් තව එක්කෙනෙක් එක්ක හරි මේ විස්තරේ බෙදාගන්න අමතක කරන්නත් එපා. 😍
━━━━━━━━━━━━━━━━
PLUZ 💚
30/09/2023
🥕 | බහුතරයක් කැරට් තැඹිලි පාට වුණේ කොහොමද? ඇත්තටම කැරට් ඔය කියන තරම් ගුණද? 🐰
━━━━━━━━━━━━━━━━
👉 කැරට් කියන්නෙ ගොඩක් අය කන්න කැමති කෑමක් වගේම ගොඩක් පෝෂ්‍යදායී ආහාරයක් කියලා තමයි අපි දන්නෙ. ඇත්තටම මේක පෝෂ්‍යදායී ආහාරයක්ද? කොහොමද කැරට් පාට වෙන්නෙ කියන එක ගැන හරිම නිගමනයකට එන්න පසුගියදා විද්‍යාඥයින් පිරිසක් සමත් වෙනවා.
⏳ කැරට් මුලින්ම ජනතාව අතරට එන්නෙ 10වන සියවසේ මධ්‍යම ආසියාව පැත්තෙන්. ඒ දවස්වල මුලින්ම හොයාගත්ත කැරට් දම් පාටින් සහ කහ පාටින් තමා දැකගන්නට ලැබුණේ. තැඹිලි පාට කැරට් මුලින්ම හොයාගෙන තියෙන්නෙ 1400 ගණන්වල බටහිර යුරෝපය පැත්තෙන්. තැඹිලි පාට කැරට්, සුදු සහ කහ කැරට් වල Cross එකක් කියල තමයි ඒ දවස්වල විශ්වාස කරේ.
🍬 ඔන්න එදා ඉඳන් අනික් කැරට් වලට වැඩිය තැඹිලි පාට කැරට් ප්‍රසිද්ධ වුණේ ඒවගෙ තිබුණ ලස්සන දිලිසෙන පාට සහ පැණි රස ගතිය නිසා. 1900 ගණන්වල මුල් භාගයේ තැඹිලි පාට කැරට් වල ජූස් ඖෂධීය ගුණයකින් යුක්ත බව සහ තැඹිලි කැරට් ඉතාමත් පෝෂ්‍යදායී ආහාරයක් බව මහාචාර්ය Massimo Iorizzo උතුරු කැරොලිනා ප්‍රාන්ත විශ්ව විද්‍යාලයේ (North Carolina State University) හි දී පළමු වරට ප්‍රකාශයට පත් කළා.
💡 ඔන්න වර්තමානයේදී මහාචාර්ය Massimo Iorizzo සහ ඔහුගේ සගයන් කිහිප දෙනෙක් එකතු වෙලා කැරට් වල සුවිශේෂී පැහැය සහ පෝෂ්‍ය පදාර්ථ ගැන සම්පූර්ණ නිගමනයකට එන්න සමත් වෙලා තියෙනවා. පර්යේෂකයන් විසින් කැරට් වල ඇති ජෙනෝම (Genomes) 630ක් පමණ හඳුනාගැනීමට සමත් වෙලා තියෙනව වගේම කැරට් වල ඇති විශේෂ ලක්ෂණවලට අදාළව මෙම ජාන සම්බන්ධ වෙන ආකාරය ගැනත් ඔවුන් පර්යේෂණ සිදු කළා.
👨🏻🔬 මේ අතරින් ඔවුන් විශේෂ ජාන ප්‍රභේද වර්ග තුනක් සොයාගෙන ඇති අතර ඒ තුනම තැඹිලි පාට කැරට් වල අක්‍රිය වෙලා තිබුණත්, දම්, සුදු සහ කහ පාට කැරට් වල ඒවායින් එකක් හෝ සක්‍රිය වෙලා තියෙනව කියලා ඔවුන් සොයාගැනීමට සමත් වුණා.
🧬 මෙම ජාන ඇල්ෆා-කැරොටින් සහ බීටා-කැරොටින් මට්ටම නියාමනය කරනු ලබන කැරොටිනොයිඩ් නම් වර්ණක කාණ්ඩයට අයත් රසායනිකයන් වේ. ඇල්ෆා සහ බීටා-කැරොටින් මිනිස් සිරුරේ විටමින් A බවට පරිවර්තනය වන අතර එය ඇස්, ප්‍රතිශක්තිකරණ පද්ධතිය සහ ශරීරයේ අනෙකුත් කොටස්වල සෞඛ්‍යයට වැදගත් වේ.
🔍 තැඹිලි පාට කැරට්වල මේ ජාන වර්ග තුනම අක්‍රිය වීමේ ප්‍රතිඵලයක් විදියට කැරට් තුළ වර්ණක සැදීම සක්‍රිය වන බැවින් ඊටම ආවේණික දීප්තිමත් තැඹිලි පැහැය ලබා දෙන්නට සහ සාපේක්ෂව විටමින් A නිපදවීම සක්‍රිය වීමට ද බලපාන බව මහාචාර්ය Iorizzo ගේ නිගමනයයි. අනෙකුත් කැරට් වර්ගවල Vitamin A ජනනය කිරීමට අසමත් ජාන වැඩි නිසා තැඹිලි පාට කැරට් අනෙකුත් කැරට්වලට වඩා පෝෂ්‍යදායී වන බව ඔහු ප්‍රකාශ කරනවා.
👨🏻🌾 කොහොම වුණත් ශතවර්ෂ ගණනාවක් තිස්සේ නොදැනුවත්වම හෝ කැරට් ගොවියන් විසින් මේ විදියට පෝෂ්‍යදායී කැරට් දිගින් දිගටම වවන්නට සහ ව්‍යාප්ත කරන්නට හැකියාව ලැබීමත් වාසනාවක් කියලා තමා මහාචාර්ය Massimo Iorizzo වැඩිදුරටත් ප්‍රකාශ කළේ.
🍀 අවසානයේ ඔවුන්ගේ මේ නිගමනයන් මඟින් අනාගතයේදී තවත් ගුණදායී කැරට් ප්‍රභේද බිහි කිරීමට හැකි වනු ඇති බව ඔවුන්ගේ මතයයි.
🗞️ මහාචාර්ය Massimo Iorizzo ඇතුළු විද්‍යාඥයින් පිරිස සිදු කළ පර්යේෂණයේ ලිපිය. 👇
🔺 Nature Plants DOI: 10.1038/s41477-023-01526-6
https://www.nature.com/articles/s41477-023-01526-6
🔰 ඔයාගෙ දැනුමට පොඩි හරි දෙයක් මේ ලිපියෙන් එකතු වුණා නම් තව එක්කෙනෙක් එක්ක හරි මේ විස්තරේ බෙදාගන්න අමතක කරන්නත් එපා. 😍
━━━━━━━━━━━━━━━━
PLUZ 💚
📽️ | ඩම්බල්ඩෝගේ චරිතයට පණ පෙවූ මයිකල් ගැම්බන් ලොවෙන් සමු ගනියි!
━━━━━━━━━━━━━━━━
👉 හැරී පොටර් චිත්‍රපට මාලාවේ මහාචාර්ය ඇල්බස් ඩම්බල්ඩෝගේ චරිතයට රංගනයෙන් දායක වූ අයර්ලන්ත ජාතික සුප්‍රකට නළු මයිකල් ගැම්බන් 2023 සැප්තැම්බර් 28 වනදා අප අතරින් සදහටම සමු ගත්තේ වයස අවුරුදු 82 හි පසු වන විටයි. ඔහු මිය යන විට නිව්මෝනියා රෝගයෙන් පෙළෙමින් හිඳ තිබෙන බවත් විදෙස් මාධ්‍ය වාර්තා කරනවා.
🍃 ගැම්බන් 1960 දශකයේ මුල් භාගයේදී වේදිකාවේ රංගනය ආරම්භ කළ අතර පසුව රූපවාහිනියට සහ චිත්‍රපටයට පිවිසී තිබෙනවා. හැරී පොටර් කතා මාලාවේ ඩම්බල්ඩෝගේ චරිතය හැරුණු විට වෙනත් කැපී පෙනෙන චිත්‍රපට භූමිකාවන් අතරට 1989 දී පීටර් ග්‍රීන්වේගේ The Cook, The Thief, His Wife & Her Lover හි මැර නායකයෙක් ලෙස සහ 2010 දී Tom Hooper ගේ The King's Speech හි වයෝවෘද්ධ පස් වන ජෝර්ජ් රජුගේ චරිතය සඳහා රංගනයෙන් දායක වීම ඇතුළත් කරන්න පුළුවන්.
🔰 ඔයාගෙ දැනුමට පොඩි හරි දෙයක් මේ ලිපියෙන් එකතු වුණා නම් තව එක්කෙනෙක් එක්ක හරි මේ විස්තරේ බෙදාගන්න අමතක කරන්නත් එපා. 😍
━━━━━━━━━━━━━━━━
PLUZ 💚
📱 | "NOTHING IS BIGGER THAN OUR FRIENDSHIP" 💚
━━━━━━━━━━━━━━━━
🔺 Google Pixel and iPhone.
🔰 If you have gained some knowledge from this post, don't forget to share it with someone else. 😍
━━━━━━━━━━━━━━━━
💚
29/09/2023
PLUZ වෙත ඔබ සැම සාදරයෙන් පිළිගනිමු 📗!
🧩 විද්‍යාව, තාක්‍ෂණය, විනෝදාස්වාදය, සමාජයීය, සංස්කෘතික, අභිරහස් වගේ දිනෙන් දිනම වර්ධනය වන ලෝකයේ විවිධ ක්ෂේත්‍ර පිළිබඳ ඔයාගෙ දැනුම වැඩිදියුණු කර ගනිමින් ඔයා එක්කම අනාගතයට පියවර තබන්නට අපි නොඉවසිල්ලෙන් බලාගෙන ඉන්නෙ.
🪴 දිගටම අප සමඟ රැඳී සිටින්න!
මේ ගමනේ ඔයා මඟියෙක් නම්, අපි මාර්ගෝපදේශකයන් වන්නෙමු! 🍃
━━━━━━━━━━━━━━━━
Welcome to PLUZ 📗!
🧩 We are pretty excited to step forward into the future by improving your knowledge in various fields in the ever-growing world, such as science, technology, entertainment, social, cultural, mysterious, etc.
🪴 Just stay connected with us!
You'll be the passengers, and we'll be the guides! 🍃
━━━━━━━━━━━━━━━━
PLUZ 💚
14/04/2023
🟢 ලැබුවා වූ මේ සිංහල සහ හින්දු අලුත් අවුරුද්ද ඔබ සැමට සාමය, සතුට, සශ්‍රීකත්වය සහ සෞභාග්‍ය සපිරුණු සුබම සුබ අලුත් අවුරුද්දක් වේවා! 💚🌿☀️
━━━━━━━━━━━━━━━━
📌 Like 👍🏻 Us on Facebook
https://www.facebook.com/pluz.uniqx
📌 Follow 👋🏻 Us on Instagram
https://instagram.com/pluz.uniqx
📌 Subscribe 🔔 Us on YouTube
https://youtube.com/channel/UCe4c5mnQg1aLrSbFUZh0Hgg
━━━━━━━━━━━━━━━━
Videos (show all)
