EWC Libya

غالبًا لما يقولك حد دير شركة ديما تتخيل أنه ضروري يكون معاك رأس مال كبير باش تبدأ؛ ممكن يكون بسبب التجارب اللي واجهتها في حياتك، وممكن لأنه فعلًا باش تبدأ شركة لازم يكون عندك رأس مال كبير!

شن رأيك أنت؟ هل ضروري يكون في رأس مال كبير وإلا لا؟

ضيف حلقتنا الثالثة من ، عبد الله عريبي، جاوبنا ع النقطة هادي وهو يحكيلنا عن قصته كمدير تنفيذي لشركة أبعاد، و مؤسس لخدمة iSend SMS.

تفرج الحلقة كاملة توا :
https://www.facebook.com/share/v/rqPNSLHcJoW2wrDZ/?mibextid=WC7FNe

#قصة #بزنس #شباب

شفتوا الحلقة الثالثة من ؟
شن رايكم فيها؟ وهل استفدتم منها؟

🔻لو مزال مشفتش الحلقة!
تلقاها في المنشور السابق.

ومتنساش ترجع تحكيلنا رايك.

كيف تحوّل هوايتك لمصدر دخل كبير؟

في حلقتنا الجاية من ، ضيفنا حيكون شاب هاوي للتقنية وألعاب الفيديو، غير إنه شغوف بالبزنس وتأسيس المشاريع من عمر صغير… وهذا اللي خلاه يقرر يدمج هوايته مع شغفه في الريادة باش يأسس واحدة من شركات التقنية الرائدة حاليا في السوق، غير تقديمه لواحدة من الخدمات اللي كانت نادرة أول ما بدي.

هل قدرتوا تخمنوا من هو ضيف الحلقة الجاية؟

شاركونا في التعليقات!

#ليبيا #ريادة #تقنية

مزال ال مستمر في المرحلة التدريبية!

بالتعاون مع حاضنة أعمال جامعة بنغازي - Business Incubator University of Benghazi تم الأسبوع الماضي الإنتهاء من تدريب عدد 100 متدرب من طلاب جامعة بنغازي ليكونوا مؤهلين للتقديم و المنافسة في مسابقة كأس العالم لريادة الأعمال!

حيث اختتمت الحاضنة و شريكها التنفيذي منظمة تنمية 360 التدريب بإقامة حدث تخريج ثاني دفعات برنامج الـ التدريبي، وذلك يوم السبت الموافق 9 مارس 2024.

نتوجه بخالص الشكر والامتنان لحاضنة أعمال جامعة بنغازي و شريكها التنفيذي "منظمة تنمية 360" على جهودهم في تدريب وتخريج عدد 100 طالب و طالبة!
كما نثمّن مساعيهم المستمرة والفعّالة في دعم الطلاب وتمكين الشباب من خلال نشاطاتهم المختلفة.

الجدير بالذكر أن برنامج الـ YEP هو أحد البرامج التدريبية التابعة للـ EWC التي تهدف لتدريب الشباب على أساسيات ريادة الأعمال على مستوى ليبيا لمنحهم فرص أفضل للمشاركة في الـ EWC وتأسيس مشاريع تجارية مستدامة.

يقولك "إن سقطت سبعا فانهض ثمانية"، ويقال أيضًا "الوصول للقمة مش صعب، و لكن الصعب أنك تستمر في القمة" و غيرها من هلبا نصائح تعلمناها من الأستاذ صهيب في حلقة قصة مشروعي الثانية اللي نشرناها قبل يومين.

شن هي النصيحة اللي قدمها الأستاذ صهيب من رحلته في بناء شركة الشاهين اللي كنت تتمنى تسمعها أول ما بديت بزنسك الخاص؟

شاركنا في التعليقات بقصتك حتى يستفيد غيرك!

شفتوا الحلقة الثانية من ؟
شن رايكم فيها؟ وهل استفدتم منها؟

🔻لو مزال مشفتش الحلقة!
تقدر تلقاها في صفحتنا على الفيسبوك.

ومتنساش ترجع تحكيلنا رايك.

ها قد بدأت أول لحظات شهر الصيام والتضرع والتقرب إلى الله..

نتمنى لكم شهرًا مليئًا بالبركات والسعادة. 🌙💫

نسأل الله أن يجعل هذا الشهر المبارك فرصة للتغيير الإيجابي وللتقدم في جميع جوانب حياتنا. نتمنى لكم صيامًا مقبولًا وإفطارًا شهيًا وليالي قيام مليئة بالنور والبركة.

رمضان كريم وكل عام وأنتم بخير! 🌙✨

زعما شن هو سبب عدم تحقيقك للأرباح اللي تطمح ليها؟

وهل تعرف شن اللي ممكن يخلّي مشروعك ناجح؟

البزنس ماليشي حدود، وكل يوم نشوفوا أفكار ومشاريع غريبة تثبتلنا الموضوع!

شن أغرب فكرة بزنس قابلتكم؟



#ليبيا

من ليبيا للصين!

ضيف حلقتنا الجاية من واحد من الناس اللي بدوا مشوارهم مع البزنس كشركة شحن داخلي هو كان المدير والموظف ومندوب التوصيل فيها، لكن مع إصراره واستمراريته، تحوّل بشركته لتصبح واحدة من أكبر وأشهر شركات الشحن الخارجي المشهورة بشحن البضائع من الصين.

زعما عرفتوا من هو ضيف حلقتنا الجاية؟

#ليبيا #ريادة #قصة #نجاح

خلال المرحلة التدريبية من الـ ، وبالتعاون مع مركز دعم وتدريب الخريجين، تم إقامة حدث تخريج أولى دفعات برنامج الـ التدريبي، وذلك يوم السبت الموافق 10 فبراير 2024، في مدرج رشيد كعبار بجامعة طرابلس، بحضور كريم من أ.د خالد عون، رئيس جامعة طرابلس، أ. خالد غومة، وكيل الجامعة للشؤون العلمية، د. فؤاد فضل، مدير مكتب التخطيط الاستراتيجي بالشركة القابضة للاتصالات، م.محمد فؤاد رئيس اللجنة التنفيدية لكاس العالم لريادة الاعمال -ليبيا إلى جانب حضور مميز من عدة وزارات و عدد من رواد مجال الأعمال في ليبيا.

وبهذا الصدد نتوجه بخالص الشكر والامتنان لمركز دعم وتدريب الخريجين على إقامة وتنظيم حدث تخريح أولى دفعات الـ YEP ونثمّن مساعيهم المستمرة والفعّالة في دعم الطلاب وتمكين الشباب من خلال نشاطاتهم المختلفة في جامعة طرابلس.

الجدير بالذكر أن برنامج الـ YEP هو أحد البرامج التدريبية التابعة للـ EWC التي تهدف لتدريب الشباب على أساسيات ريادة الأعمال على مستوى ليبيا لمنحهم فرص أفضل للمشاركة في الـ EWC وتأسيس مشاريع تجارية مستدامة.

فعاليات حدث تكريم الدفعة الأولى لبرنامج YEP

حتى لو مقدرتش تحضر؛ جبنالك الحدث لعندك!

انتظرونا بعد قليل في بث مباشر ينقل لكم فقرات حدث الـ الكبير!

يقولك ديما أول شي من كل شي ما ينتساش، ولأن دفعة الـ الأولى كانت مميزة، قررنا يكون يوم تسليم شهائدهم حتى هو استثنائي، مميز، ومعبي مفاجآت... غير قابل للنسيان.

استنونا غدوة السبت الموافق 10-2-2024
وكونوا من الحاضرين باش تعرفوا أكثر!

مستنينك غدوة!

ندعوكم جميعًا لحضور حدث الـ المميز والاستثنائي اللي حنجاوبوا فيه على كل الأسئلة والاستفسارات اللي سبق وتم طرحها من قبلكم بخصوص الـ YEP أو حتى المشاركة في الـ

الحدث حيقام في جامعة طرابلس، مدرج رشيد كعبار، يوم السبت الموافق 10-2-2024 الساعة 10:30

متخليش الفرصة تفوتك
لأنه حيكون يوم معبي هلبا مفاجآت

يفصلنا يومين بس عن الحدث اللي حيوضّح الرؤية ويجاوب على كل الأسئلة.

خليكم قراب
عندنا ليكم هلبا مفاجآت🥳

مستعدين لحدث الـ ؟

خليكم واتيين، لحدثنا المميز والفريد، اللي حيقام يوم السبت في جامعة طرابلس في مدرج رشيد كعبار لتكريم أولى دفعات برنامج الـ YEP.

الحدث فرصة ذهبية للأشخاص المهتمين بالانضمام للدفعات الجاية من البرنامج، لأن الحضور حتكون ليهم فرص أكبر في اختيارهم للدفعات الجاية، هذا غير فقرة الأسئلة وهلبا معلومات حتهم اللي يبوا يعرفوا أكتر عن الـ YEP والـEWC.

متخليش الفرصة تفوتك!
موعدنا الساعة 10:30 في مدرج رشيد كعبار.

مستعدين؟

تفصلنا 3 أيام بس عن حدث الـ الأول.

بدأنا!

بدينا التدريبات المكثّفة في برنامجنا في عدة أماكن، بس حبينا نسمعوا منكم أسئلتكم واستفساراتكم بالخصوص…

شن حابين تعرفوا عن الـ YEP?

رابط التسجيل لو ما لحقتش:
https://forms.gle/WWmU2zHdGzgY2tqf9

جاهزين ليوم 10/2؟

خليكم واتيين لحدث تكريم أولى دفعات برنامج الـ التدريبي، اللي حيُقام في جامعة طرابلس، بالتزامن مع إعلان إطلاق وتدشين البرنامج في كافة جامعات ليبيا.

إحني متحمسين
إنتم واتيين!

جاهزين لغدوة!

برنامج الـ التدريبي المُكثّف على وشك الانطلاق

شارك توا ومتخليهاش تفوت عليك
https://forms.gle/WWmU2zHdGzgY2tqf9

‏

اسئلنا، فسؤالك هو بداية الفكرة.
شن تبي تعرف عن ?