Réseaux informatiques

الفرق بين ألوان الـ USB
1- اللون الأسود:
يرمز الاسود لمنفذ USB 2.x الذي اطلق في عام 2000 وكان يعتبر منفذ ينقل الملفات بسرعة عالية تصل الى 480Mbps/s, وهو ايضا متوافق مع منفذ USB 1.x.
2- اللون الأزرق:
هذا اللون كان يرمز للمنفذ الأسرع وهو USB 3.x الذي اطلق في عام 2008, حيث كان قادر على نقل بسرعة هائلة تصل الى 5Gbps/s. وهو طبعا متوافق مع منفذ USB 2.x.
3- الأحمر او الأصفر:
هذه الألوان عادة ما تكون مرمزه لمنفذ قادر على التميز بشيء واحد وهو انه قادر على شحن أجهزتك المختلفة عن طريق هذا المنفذ حتى وان كان الجهاز مغلق ولا يعمل او في وضعية Sleep, فصحيح ان منافذ USB 2.x و USB 3.x تشحن اجهزتك المختلفة, ولكن هذه المنفذ بتلك الألوان كما ذكرنا قادره على شحن أجهزتك المختلفة سواء كان الجهاز مغلق او لا يعمل او في وضعية Sleep.

ماهو الـ ip الـ ip ؟ والفرق بيناتهم ؟

السلام عليكم
اليوم ان شاء الله راح نسولف شوية عن الببلك ايبي والبرايفت ايبي ( Public ip VS Private ip ) والفرق الي بينهم
بس قبله لازم تعرف ان شكو جهاز يتصل بالانترنت لازم عنده ببلك ايبي(Public ip ) خاص بيه حتى يكون بمثابة عنوانه الخاص

الــ (Public ip)
-----------------
نكدر نعرفه رقم معين (unique) وحيد او فريد من نوعه مراح يتكرر ابدا ويعتبر عنوانك الخاص بيك
انطيك مثال
نكول الايبي مالتك الببلك 172.55.10.3 هذا الايبي راح يكون خاص بيك انته وحدك ومراح يتشابه او يتكرر بالعالم كله وراح يعتبر عنوانك هذا الي عن طريقه راح تكدر تتصفح الانترنت وترسل وتستلم البيانات وطبعا هذا الايبي لازم تشتريه بفلوس من الشركات المجهزة لخدمة الانترنت (ISP)

الــ (Private ip)
------------------

هم راح نكول عليه رقم بس هذا الرقم راح يكون (local) داخلي يعني هذا الرقم راح تلكه هواي عالم مستخدمته بس الفرق انه اثنينكم مو بشبكة وحده او مراح تلتقون لان اذا صار ايبيات متشابهه بنفس الشبكة راح يصير (Conflicted ip) تعارض او تضارب واجهزتكم اثنينهن راح تصير بيهن مشاكل يعني انت وجوارينك نفس الايبي بس كل واحد على راوتر لذلك كل واحد راح نعتبره بشبكة وحده........انطيك مثال
انت بالبيت ومكنك على الانترنت وجهازك بيه ايبي نكول مثلا الايبي مالتك 192.168.1.5 هذا الايبي انته ماخذه من الراوتر فقط يعني الراوتر هوه الي موزع الايبيات هو المسيطر داخل البيت فقط او داخل الشركة هذا الايبي انت مجرد مراح تقطع الاتصال بالراوتر راح يروح هذا الايبي لغيرك وهكذا يضل الايبي مو ثابت ومتغير وطبعا انته بكيفك تكدر اتحدد رقم الايبي من الراوتر
راح تكولي احنه مو كلنه محد يطلع للانترنت بدون الببلك ايبي

راح اكلك حجيك صحيح واصبر عليه شوية وكمل الحجي
شركات الانترنت العالمية المتحكمة بالببلك ايبي مثال ايانا (IANA) والي هيه مسؤولة عن الايبيات وتقسيماته شافت انه الايبيات نوع ipv4 public بدت تنفذ ومتكفي جميع المستخدمين للانترنت والزيادة الحاصلة في عدد المستخدمين للانترنت لان كل واحد يرادله ايبي ببلك خاص بيه
فسوو بروتوكول (NAT) الي هوه وظيفته يحول Private ip =====> Public ip وبالعكس
حتى الكل تكدر تدخل للانترنت بدون مشاكل وان شاء الله في الايام القادمة اشرح الـNAT
وحاليا اخترعوا نوع جديد من الايبيات اسمه ipv6 هذا يكفي العالم كله وزايد.

‏أهم 5 اشياء لحماية نفسك من الأختراق
- أستخدام ميزة المصادقة الثنائية "2FA ".
- عدم أستخدام كلمة المرور نفسها في كل حساباتك
- تحديث أنظمتك بشكل مستمر
- عدم نشر معلوماتك الخاصه كـ رقم تلفونك أو ايميلك الشخصي
- عدم الدخول لـ شبكات المفتوحه
#ادمن

‏▫ أهم مميزات Tor :
1- عنوان الـ IP خاصتك يصعب أن يُكتشف من قِبل المواقعك التي تزورها.
2- مجاني الاستخدام.

▫ عيوب Tor :
1- من أهم عيوبه أنه بطيء بشدة بالنسبة للـ ـVPN .
2- لايمكنك الوصول لشبكة Tor إلاّ عند استخدامك متصفحهم أو برامجهم.
#ادمن