Chhiwat amina

Slm lbnat ntmna kolxi ikon bikhir libghat tsajl f oriflame tkhdam mn darha o tkon 3andha chahriya marhba doz 3andi lkhas

سلام لبنات نتمنى كلشي إكون بخير مع هاد الصهد و الحرارة جيت بغيت نشارك معاكم Glase اقتصادي بالنسبة للمقادير كيف واضحين في الصورة كنحتاج نصف لتر الحليب من احسن إكون بارد علبة فلو شكلاط كبيرة 3معالق كبار نيدو 3 معالق كبار سنيدة علبة كريم شونتي 100غ كنطرب الكل لمدة 8 دقائق ثم نضيف 2 دانيت شكلاط و نستمر في التطريب الى ان يصبح مثل كريمة من بعد ناخد 2بيسكوي اي واحد كتفضلو نهرمشوه مزيان ونعملوهم في كريمة نخلط غير شوية ثم نصب الكل في قالب من احسن اكون كتحل نعمل في المجمد
للتزيين حسب الرغبة
ملاحظة يمكنكم تعويض دانيت و فلو شكلاط بدانيت كراميل و فلو كراميل
بالصحة و الراحة😋

السلام و عليك نتمنى اكون كلشي بخير و على خير بغيت نشارك معاكم تحلية شكلاط انا ضاعفت المقادير عطاتني 6 زلايف كنحتاج نصف لتر من الحليب فلو واحد شكلاط 4 معالق سنيدة 3 معالق كريم باتيسري كنعمل الكل في كاسرونة نوضعها فوق النار مع التحريك حتى يغلي ثم نعملوه في الثلاجة حتي ابرد من بعد ما يبرد نعمل الخليط في الخلاط نضيف عليه 2ساشي كاكاو ياغورت طبيعي 2بيسكوي شكلاط قليل من المكسرات (اختيارية) من بعد نطحن الكل مزيان نفرغوه في كؤوس نرجعوه الثلاجة حتي يبرد مزيان بالنسبة للتزيين حسب الرغبة
الا بغيتو ضاعفو المقادير كيف موضحاهم في الصورة
بالصحة😋

السلام و عليكم عواشر مباركة نتمنى اكون كلشي بخير ليوم بغيت نشارك معاكم تحلية ساهلة للسحور كنحتاج في المقادير كيف موضحة في الصورة انا ضاعفت المقادير خديت كاسرونة عملت فيها ايطروا حليب 2 فلو شكلاط 4 معالق سنيدة 4 معالق مايزينا 4 معالق كاكاو كنخلط الكل فوق النار حتى اعقاد لينا نعملوه في كؤوس او ليبغيتو تزيين حسب الرغبة
بالصحة😋

السلام عليكم ليوم بغيت نشارك معاكم عصير ساهل ب 4 مكونات فقط كنحتاج 2 موز 2 تفاحات 2 البرتقال دانون ديال موز سنيدة حسب ذوق لتر و نصف من الماء كنخلط الكل في الخلاط من بعد كنصفيه
بالصحة و الراحة😋

سلام لبنات نتمنى كلشي اكون بخير بغيت نشارك معاكم صابلي مالح بالكيتشوب طريقة ساهلة بزاف بالنسبة للمقاير كيف حطيت في الصورة كنحتاج نصف رابعة زبدة اللذة نصف ملعقة صغيرة ملح نصف كأس زيت 2 بيضات ملعقة كبيرة كيتشوب 100 غ فرماج أحمرملعقة كبيرة زعتر دقيق حسب الخليط
كنخدم الزبدة مع الملح مزيان من بعد كنضيف باقي المقادير فرماج كيتشوب زيت البيض زعتر دقيق حتى كتجمع العجين كندلكوها بالمدلك على حساب طوابع لبغيتو كندخلو الفرن فاش اطيب نزينوه بكيتشوب او مايونيز حسب الاختيار و فرماج احمر
بالصحة😋

سلام لبنات نتمني اكون كلشي على خير بغيت نشارك معاكم اسرار لزيادة اللذة في الطبخ
بالنسبة بيتزا 2 معالق كبار نيدو يمكن جمع العجين بوالماس او كريم فريش او اللبن
بالنسبة لصوص ليباط قليل من الزعتر و ماعلقة الكمون
بالنسبة للطاجين وضع الماء في الغطاءمعيار لتعرفي انه بحاجة للماء
بالنسبة للدجاج غسله بزنبوع (الليمون المر) اعصاره مع قليل من الماء و بعد غسله نضع الزنجبيل و الملح او الخل و الحامض و في الاخير الدقيق و الماء
بالنسبة للمايونيز يجب على الخلاط الكهربائي ان يكون جاف
بالنسبة لطاجين السمك نقوم بسلق نصف كاس ديال الروز و نترك كاس الماء من الروز جانبا عندما يطهى الطاجين نصب الماء
بالصحة😋

سلام حبابي بغيت نشارك معاكم forêt noire ساهلة او بنينا بالنسبة للمقادير كنحتاج في جينواز 125غ سنيدة 125غ دقيق خمارة 25غ كاكاو بودرة قبصة الملح نضع الكل في عجان آلي و نقوم بخلطهم جيدا ناخد مول مدهون بالزبدة نضع ورق كلاصي ثم ندخله الفرن في الاسفل مدة 10 الى 15 دقيقة بعد خروجها نقوم بسقيها جيدا ب رابعة سنيدة و رابعة الماء فوق النار
ناخد ايطرو لاروب من كريم فريش مع سنيدة نقوم بخلطهم جيدا
ناخد جينواز على شكل اطراف نسقيهاجيدا ثم نضع كريمة ثم جينواز و اعادة كريمة ثلاث طبقات بعد الانتهاء ناخد الجيب الحلواني نملؤه بالكريم و نقوم بتزيين الجينواز ثم نقوم بتغطيتها بالسولوفان ثم توضع في المجمد بعد اخراجها نزينها
بالشكلاط من الفوق و الاجانب و framboise
بالصحة😋

سلام لبنات ليوم بغيت نشارك معاكم حلوى معروفة ديال طابع بطاطا كاتجي هشيشة او بنينا كنحتاج في المقادير 4 بيضات رابعة الزبدة اللذة كاس الزيت كاس سنيدة كاس الكوك فاني خمارة دقيق حسب الخليط
كنجمع البيض مع الزبدة مزيان من بعد كنضيف البيض ثم باقي العناصر الى ان تستجمع ثم نقوم بتكويرها و طبعها
بالصحة😋

سلام نتمنى كلشي اكون بخير ليوم بغيت نشارك معاكم كيكة باردة ساهلة في تحضير فيها ثلاث طبقات وضحت كل حاجة في صور
الطبقة الأولى: 2 بيضات نصف كأس سنيدة دانون ديال درهم زيت معبور بكأس دانون ربع كأس كاكاو خمارة قبصة الملح نصف كأس دقيق كنخلطو كلشي نوضعوها في مول مدهون بالزبدة و مرشوش بدقيق ثم في الفرن مدة 16 دقيقة
الطبقة الثانية: 2 كؤوس دانون مسوس 30غ نيدو 2 ملاعق سنيدة نمزج العناصر جيدا ثم نصبها على الكيك فور خروجها من الفرن و ندخلها الفرن مدة 8 دقائق
الطبقة الاخيرة: كأس و نصف من الماء ساشي فلو شكلاط معلقة سنيدة نمزج جيدا نضعها فوق النار و نستمر في التحريك ثم نضعه جانبا إلى أن يبرد جيدا و نصبه على الكيك ثم إلى الثلاجة
ملاحظة:مقادير ديال مول صغير إلا بغيتو مول كبير غضاعفو و ستعملو غير 3 بيضات المقادير بالصحة😋

سلام لبنات لباس عليكم بغيت نحط ليكم ليوم كيكة ديال هيرنيس كتجي ساهلة او خفيفة او المذاق يا سلام بالنسبة المقادير كيف في الصورة كنحتاج 2 بكيات هيرنيس ديال 2 دراهم كاس الحليب كاس سنيدة كاس زيت ماعامرش 2 خمارات 2ساشيات كاكاو 3 بيضات
كنخلط جميع المقادير في مولينيكس مزيان كنكب في المول مدهون نوضوع في الفرن نشعل غير تحت المول اكون فوق فاش طيب نتقبها ب فورشيط ثم نسقيها كاس الماء ساخن و نيسكافي نخليوها تبرد
تزيين دانون شكلاط و اللوز ايفلي او الشعرية سوداء
بالصحة و الراحة😊😋

السلام عليكم لباس عليكم بغيت نشارك معاكم كرواصة ساهلة بالنسبة للمقادير كيف كتلاحظ في الصورة كنحتاج كيلو لاروب دقيق نصف رابعة سنيدة 3 بيضات معلقة كبيرة خميرة فورية 125غ زبدة لعبار نصف ملعقة صغيرة ملح ساشية نيدو صغيرة( 60غ) 15غ محسن الخبز
نجمع المقادير بالماء دافئ تكون قاسحة و ندلكها جيدا و نضعها في الثلاجة ترتاح قليلا
ونحتاج شكلاط كيف باين في الصورة و زبدة الاطلس
غنحط ليكم فيديو فيه الطريقة
بالصحة و الراحة😊😋

سلام لبنات بغيت نشارك معاكم همبرغر بالكفتة
المقادير:670غ دقيق40غ خميرة فورية 40غ سنيدة 130غ زبدة مقطعة شرائح رقيقة 200لتر حلبب بارد 20غ ملح للدهن: بيضة راس م.ص سنيدة راس م.ص ملح نصف ملعقة نصف ملعقة كبيرة الحليب عند جمع العجين نضعها ترتاح ثم نقطعهكل قطعة تساوي90غ نبسطهم قليلا باليد م نتركهم الى ان يخمرو فرن ساخن فوق و تحت 200درجة من 25 دقيقةالى 30 دقيقة ا
للتزيين:زنجلان او الشوفان
المونتاج: نقسم الخبز ندهن القطعة الاولى بمايونيز قطعة الخس قطعة الطماطم قرص الكفتة المايونيز
بالصحة و الراحة😊😋

سلام و عليكم لبنات بغيت نشارك معاكم كلاص بنين و ساهل بزاف مايحتاج مقادير كثيرة كيف بينين في الصورة بكية كريم شونتي نصف ايطرو حليب كل دانون مع نكهة ديال فلو لكم الاختيار من بعد ما طربت حليب و كريم شونتي و سنيدة كنقسم الخليط على ثلاثة كل واحد كنضيف ليه نكهة دانون و فلو و نوضعوه في المجمد
بالصحة😋

سلام لبنات بغيت نشارك معاكم فطيرة شميسة مذاق زوين بزاف بالنسبة للمقادير كيف بينين في صور
المرحلة الاولى:نصف كأس حليب معلقة صغيرة سنيدة معلقة كبيرة خميرة الدارنصف كأس دقيق نخلط العناصر نخليها ترتاح 10 دقائق
المرحلة الثانية:كنحتاج 2 كؤوس دقيق ربع كأس زيت معلقة صغيرة الخل ملح بياض بيضة هاد المقادير غنضيفوهم على المرحلة الأولى من بعد كنعمل 6 كويرات نورقهم بالمدلك كل وحدة نحك فيها زبدة حتى نكمل كرات طريقة في الصور
الحشوة اختيارية انا عملت بصلة فلفل طون زيتون
أسود
بااصحة و الراحة🥰😋

سلام لبنات لباس عليكم بغيت نشارك معاكم تحلية رائعة او ساهلة بالنسبة للمقادير نصف إيطرو حليب 4 معالق سنيدة 4معالق مايزينا فاني دانون فاني
الطريقة: في كاسرونة كنضيف الحليب سنيدة نحركوه مزيان من بعد كنضبف باقي العناصر نستمر في التحريك حتى يعقاد الخليط نكبوه في زلايف تزيين حسب الرغبة
بالصحة و الراحة🥰

سلام لبنات بشنيخة لواعدتكم بها بالنسبة المقادير نصف كيلو دقيق مغربل 125غ الزبدة قبصة الملح الحليب باش نجمعو العجين تكون قاصحة من بعد نخدموها في لماكينة
بالصحة و الراحة😋😍

سلام لبنات كلشي بخير بغيت نشارك معاكم شباكية ساهلة
المقادير: كيلو دقيق مغربل كاس و نصف زنجلان محمر و مطحون معلقة كبيرة نافع نصف كاس مخلط زيت و زبدة مذوبة خمارة نصف كاس ماء زهر ربع كاس مخلط ضويمة الزعفران و نقوم بخلط جميع المقادير مع بعضها تكون لعجينة
قاصحة بالصحة و الراحة🥰😍
من بعد نحط بشنيخة😋

سلام حبابي ليوم غانحط ليكم رغايف ساهلين كنحتاجو 300غ دقيق صفار بيضة وحدة 2 معالق كبار سنيدة خمارة روح فاني قبصة الملح 2 معالق ماء زهر ماء دافئ
الطريقة: نجمع الخليط و نكورها على شكل مسمن و نتركها ترتاح جانبا و عندما نضغط عليها نقوم بتقطيعها بواسطة الجرارة
بالصحة و الراحة🥰🥰

سلام حبابي غنحط ليكم فقاص بمقادير بساط كنحتاج 8 بيضات 3 كؤوس زيت 3 كؤوس سنيدة نصف رابعة زنجلان نصف رابعة اللوز 2 خمارات قبصة الملح دقيق حسب الخليط
بالصحة و الراحة😍😍

Slm lbnat cv 3likom lyom ghanhat likom thliya zwina bzaf ghanhat lma9adir lifihom
Taba9a lawla: kanakhdo biscuits sabli ola hinris kanratboh f lhlib o nsatfoh f lmol
Tab9a tanya: kanakhdo 3 kiqan kbaf hlib 5 m3al9 kbar d9i9 abyad 2 m3al9 kbar sanida kanharkohom mzn o ndirohom fo9 nar mli ncjofo bda kighla ntfiw 3lih o nzido m3al9a ibira zabda m3al9a kbira ma zhar m3al9a kbira nakha dyal vani o nharkom mzn o n3amloh fo9 tab9a lawla o ndiroh f talaja modat 1h
Tab9a akhira: kanakhdo kas lma kbir nkoboh f kasrona o nzido 3lih flo dyal fraise joj bkiyat o sanida hasab daw9 dyal kol wahd o n3amloh fo9 nar hta ighla o nkoboh 3la taba9a tanya o ndiroh f tlaja midar 1h
Bsaha o raha😋😉

Slm lbnat lyom ghan3tikom kika sahla bzaf ghir b joj baydat
Bnisba lma9adir:2baydat kas sanida kas zit vaniya roh limon kas hlib ola lban 2 kisan d9i9 2 khmarat
Tari9a: nkhalto lbayd m3a sanida zit vani hlib ola lban roh limon mn ba3d nzido d9i9 o khmarat nkhchiwha f faran modat 30 d9i9a fax tkhroj nzaynoha b danit kib9a tazyin hasab raghba bsaha o raha😍

سلام لبنات غنحط ليكم فقاص مالح كيف كاتشوفو في تصاور
بالنسبة المقادير: كيلو دقيق رابعة الزبدة اللذة معلقة كبيرة لاموطارد معلقة صغيرة الملح معلقة صغيرة ابزار 2 ضامات كنور معلقة صغيرة تحميرة بصلة محكوكة تصفى من الماء معلقة كبيرة الربيع 4 بيضات بكية كيري او اي نوع كاس الحليب معلقة صغيرة الهريسة خمارة
الطريقة: نقوم بجمع الخليط يجب ان تكون خفيفة نتركها ترتاح قليلا بعد ذلك ننسم كل كرة بالزعتر او الهريسة او كيتشوب او الثومة و معلقة كبيرة مركز الطماطم و يبقى الاختيار حيب الذوق
😍😍

Lbnat l3jina lmwar9a saybt biha hadchi😋

سلام غنحط ليكم العجينة المورقة
المقادير: 750غ دقيق 50غ زبدة قبصة الملح معلقة سنيدة الماء
العجين تكون قاصحة نخليوها ترتاح 15 دقيقة من بهد نضع في وسطها زبدة الاطلس
الطريقة في الصور
😋😍

slm lbnat ghanhat likom parizya m3amr o kitsma hta gristini ndozo lma9adir
Ma9adir 3ajin: kilo d9i9 650l lma 40g khamira hobaybat 20g malh 10g sanida 50l zit zayton nas kas d9i9 l9amh
Tari9a: n3amlo d9i9 o khmira sanida lma dafi n3ajnohom mn ba3d nzido lmalh o zit o nkamlo l3ajin n3amlo l3ajin fo9 tabla marchocha b l9amh nbasto l3jina o nghal9o ljawanib n3amlo nafs l3amaliya kol mara nkhaliwha trtah 10min o n9at3oh o n3amloha f tawa ncha3lo lfaran 200 daraja nracho lma ikon mghali nrachoh bih barizyan ndakhloh faran 25min
Kafta sardin: 2 maticha mhkoka 2 wra9 sidna mosa m3al9a kbira maticha lhok zit zayton 3asir nas hamda m3al9a kbira lasos soja za3tr yazir mathonin zayton khal
Tari9a: f ma9la ndiro maticha wra9 sidna mosa maticha lhok zit zayton soja 3asir hamd mn ba3d nzido kafta sardin fach ntfiw nar ndiro za3tar yazir zayton mgard
F ma9la khora ndiro basla mchalda kornicho m9at3 sghir lmayoniz
Tazyin: zanjlan ola chofan ola zari3a lkatan
Mn ba3d matab parizyan n3amlo tari9a kornicho ntab3oha kafta sardin o f lakhr farmaj sandwich
Bsaha o raha😍

Slm lbnat lyom ghanhat likom pizza😋
lma9adir: nas kilo d9i9 2 danon masos 2 frmajat nas kas zit l3adi o zit l3od m3al9a kbira zabda m3al9a kbira khmira hobaybat za3tar lmalh
Tari9a: nakhdo rab3a d9i9 m3a khmira o kas lma lmalh n3ajnoha o nkhaliwha trtah nas sa3a mn ba3d nzido d9i9 liba9i o ba9i lma9adir o nkhaliwha trtah mara khora nas sa3a mandlkohach ghir njam3oha
M9adir lasos: kilo maticha nas kilo falfla hamea basla kas lma m3al9a sanida
Tari9a: n3amlohom itabkho mn ba3d ntahnohom o nsafiwha o nzido maticha lhok za3tr ibzar malh kamon zit l3od zit l3adiya o nraj3oha fo9 nas hta i39ad
Bnisba lhochwa:basla m3al9a zabda rab3a lkafta
N9at3o badla mchalda r9i9a ndiroha f ma9la m3a zabda mn ba3d nzido kafta o malh o ibzar
Bsaha o raha😍

Khbizat m3amrin b créme Pâtissrie
Lma9adir: 350g d9i9 3 m3al9 kbar sanida m3al9a kbira khmira hobaybat khamara vani bayda 3 m3al9 kbar zabda kanjam3oha b hlib
Tari9a: nkhlto kolchi hta nhaslo 3la 3jina motamasika nkhaliwha trtah o tkhmar mn ba3d ntal9oha b lmadlk o ntab3oha 3la chakl daira o n3amroha b créme Pâtissrie wast daira o daira tanya n3amlo fiha khotot b skin had o nghati biha daira lokhra o ntabto jwanib b fourchette o ndahnohom b bayd o lkhal fach itibo nzaynohom b socar s9il

Slm lbnat db ghanhat kika zébra katji bnina bzaf
Ma9adir:4 baydat rab3a sanida kas zit rab3a d9i9 2 khmarat m3al9a wnas ghobra chocolat
Tari9a: kan3amli bayd o sanida nkhdamhom mzn hta iwali 3la chkal créma mn ba3d nzido zit nharko b trab ydawi nzido d9i9 khmarat o n9asmi l3ajin 3la joj nas lawl ib9a byad o nas tani nzido fih ghobra chocolat nakhdo mol mdhon n3amlo 9a3t glaçier o n3amlo m3al9a mara bayda mara kahla hta nkamlo o ndiroha f lfaran o nzaynoha b socar s9il
Molahada: ila wla khalit 3a9d nzidi nas kas mn lma difi
Bsaha o raha😍

Lyom ghanhat sabli liwla howa likayn f so9 o fih achkal zwinin nhat likom lma9adir lifihom rab3a zaba lada rab3a socar s9il 4 baydat kas zit ma3amrch 2 khmarat 9absa lmalh d9i9 hsab lkhalit
Tari9a: kanjam3o zabda o socar hta twali poumad mn ba3d nzido lbayd zit lmalh nstamro f lkhalit o nzido d9i9 o khmarat hta tjm3 ndiroha f talaja modat 10min htal 15min o nbdaw 3la hsab achkal libghina
Bsaha o raha😍

سلام لبنات غنحط ليكم حرشة مالحة😋
المقادير: نصف كيلو سميدة رقيقة معلقة صغيرة الملح معلقة صغيرة سنيدة خمارة معلقة كبيرة خميرة فورية زيتون اسود بصلة واحدة تصفى من الماء معلقة كبيرة المعدنوس الطون بالزيت كاس الزيت و الزبدة مذابة تجمع بالحليب او الماء
الطريقة: كنت حطيتها قبل في الحرشة حلوة
😊😋

سلام لبنات لیوم نقدم لیکم حرشه حلوه کنجتاج نصف کیلو سمیده رقیقه قبصه الملح ١٠٠غ سنیده نصف کاس زیت مخلط مع زبده مذابه خماره معلقه کبیره الخمیره الفوریه معلقه کبیره نیدو تجمع بالحلیب لا یدخل کاملا عند جمعها ترتاح ربع ساعه
و بالصحه☺

سلام لبنات كنحتاج في بغرير ٢ زلايف سبيسيال ٤ زلايف الماء خمارة قبصة الملح قليل من خميرة للدار الكل يطحن ثم فوق النار
بالصحة و الراحة☺

السلام عليكم نقدم ليكم مقادير الكيك
اربع بيضات كاس عنبة الزيت كاس سنيدة قشور ليمونة قليل من فرمسيل اسود نصف كاس كاوكاو محمر و مطحون ٢ خمارات قبصة الملح ساشي فاني نصف كاس ماء بارد دقيق حسب الخليط
بالنسبة صوص بنكهة فرومبواز كنحتاج ٢ كؤوس الحليب ٢ معالق النشا ٢ معالق كبار سنيدة معلقة صغيرة من نكهة فرومبواز الكل فوق النار حتى يعقاد
بالصحة و الراحة☺