Simo Finance .

فالعادة وكتقليد , فاللخر ديال un entretien المشغل كيسولك "واش عندك شي أسئلة ؟"

avez-vous des questions ?

وهنا خاصك تكون مريكل باش تعرف شنو الأسئلة لي خاصك تسول وشنو هي الأسئلة لي خاصك تجنبها حيتاش le recruteur غادي ابني آخر تصور عليك من خلال داكشي لي غادي تكول ليه قبل ماتخرج من عندو

فهاد المنشور غادي نبداو بالأسئلة لي خاصك تجنبها وغادي نخليو الأسئلة لي خاصك تسولها لمنشور لاحق

1- كيفاش غادي تكون الكمالة ديال طريقة الإنتقاء ؟
---------------------------------------
أولاً هاد السؤال كيبان إداري ومامركزش على الانتظارات ديال الشركة ؟ من جهة أخرى بحال إلى كتكول للمشغل عفاك دير معايا مقابلة أخرى وهدا كيعطي انطباع بنقص الثقة ، أصلاً الكمالة ديال المقابلة معروفة ، إلا عجبتي le recruteur غادي اعاود إتصل بيك والعكس صحيح

2 - شنو هو logiciel باش كتخدمو ؟
---------------------------------------
بحال هاد السؤال لي كيدخل فالتفاصيل الصغيرة ماعندو حتى قيمة مضافة ، دير فراسك بلي الأسئلة خاصهم ايكونو كايدورو حول انتظارات المشغل ماشي حول المعيش اليومي ديال الشركة

3- شنو هو أكبر poste نقد نوصل ليه عندكم ؟
---------------------------------------
وأسئلة اخرين بحال واش نقد نخدم عن بعد ، واش كتخدمو السبت فالصباح ، ....هاد الأسئلة كيبينو غير الإهتمام ديالك براسك وماشي وقتهم دبا...خليهم تاتوقفو على الصح

4 - واش هدا poste جديد أولا غادي نعوض شي واحد ؟
---------------------------------------
بحال هد السؤال غادي غير افكر le recruteur فالمشاكيل لي كانوا عندو مع الشخص لي كان شاد هاد le poste وماشي مستبعد أنك تستافزو وياخد عليك نظرة خايبة ، حاول تلطف الأجواء وبعد على أي حاجة غادي تعكر الجو

5 - شنو هوما المبادئ أو الإستراتيجيات ديال الشركة ؟
---------------------------------------
أولاً هدا سؤال عام ، ثانياً بحال إلا كتكول للمشغل مالقيت ما نسول وبغيت نعمر بهاد جوج ديال الأسئلة....بعد من بحال هاد الأسئلة العامة

6 - السؤال على le salaire
---------------------------------------
هاد السؤال مخاصوش اتسول حيتاش فالعرف ديال المقابلات, المشغل لي كيطرح عليك هاد السؤال ، لي خاصك دير هو تجمع مايكفي من المعلومات على le poste عاد اقد ايكون عندك فراسك واحد salaire لي تقد طلبو و تدافع عليه فالوقت المناسب من خلال المعلومات لي جمعتي ، حاجة أخرى هي أنه le recruteur غادي ابقى شاد عليك بلي الحافز الوحيد لي جايبك لعندو هو الفلوس ماشي مثلاً باش تعلم أو تزيد بالشركة للقدام

7- السؤال على اختيارات المشغل
---------------------------------------
مثلاً غادي تسولو علاش كتخدمو بهاد logiciel و ماشي واحد آخر ، بحال هاد السؤال كايخلي المشغل غير مرتاح وغادي إخصو ابرر ليك الإختيارات ديالو ، القاعدة العامة متبقاش تهضر على الماضي ديال الشركة حيتاش ماكنتيش فيه وماغادي تبدل فيه والو، ركز كتر على المستقبل

بالتوفيق للجميع

✍simofinance

هاباش كانخدمو la formation عن بعد، la qualité ثم la qualité 👌👌

السلام عليكم

فهاد المنشور غادي نتكلمو على la logique ديال les classes ديال le bilan وديال le CPC أي le compte des produits et charges وكذلك غادي نتكلمو على واحد la logique ديال les comptes لي صراحة ماعمري شفتها مشروحة فشي كتاب أو فشي cours (هادشي ماكايعنيش أنني سباق ليها أو اكتاشفتها)...

إذن بالنسبة ل les comptes ، كيفما كانعرفو عندنا les comptes ديال le bilan لي كايمشيو من la classe 1 حتى la classe 5 وكاينين كذلك les comptes ديال CPC ولي هوما les comptes ديال la classe 6 و la classe 7

هاد les comptes من la classe 1 حتى la classe 7 المنطق كايقتضي أن فيهوم des comptes débiteurs و des comptes créditeurs ،

ملي كانكولو un compte débiteur فهاد le compte كايتزاد ملي كانسجلو فيه un montant ف le débit وكاينقص ملي كانسجلو فيه un montant ف le crédit وفالأساس خاص ايكون le solde ديالو débiteur

وبالعكس un compte créditeur كيتزاد ملي كانسجلو فيه un montant ف le crédit وكاينقص ملي كانسجلو فيه un montant ف le débit وفالأساس خاص ايكون le solde ديالو créditeur

بالنسبة les comptes débiteurs فهوما les comptes ديال les classes التالية : 2 و 3 و 51 (rubrique) بالنسبة ل le bilan و la classe 6 بالنسبة ل CPC

بالنسبة les comptes créditeurs فهوما les comptes ديال les classes التالية : 1 و 4 و 55 (rubrique) بالنسبة ل le bilan و la classe 7 بالنسبة ل CPC

هاد التصنيف ماكايعنيش أن le compte débiteur كانسجلو فيه غير des montants ف le débit أو أن le compte créditeur كاندوزو فيه غير les montants ف le crédit ، فمثلاً le compte 5141 لي هو compte débiteur ولي هو le compte banque ف ملي كايدخلو ليه الفلوس كنسجلوهوم ف le débit حيتاش كيتزاد ملي كانسجلو فيه un montant ف le débit وملي كايخرجو منو الفلوس كايخصنا نقصوهوم منو وبالتالي غادي ندوزو le montant لي خرج ف le crédit

دبا نجيو لواحد la logique لي نقدو نسميوها "قاعدة المنشأ الأول" ولي كاتكول بلي أي compte débiteur أو créditeur ماغادش يمكن لينا ندوزو فيه un montant ف العكس ديالو إلا ماكانش déjà دوزنا un montant فالأصل ديالو si non غادي تكون l'écriture خاطئة

نعطيكوم مثال باش نبين ليكوم شنو بغيت نقصد، فمثلاً le compte 4411 لي هو un compte créditeur مايمكنش تكون أول écriture غادي دوزها فيه تكون ف le débit ، ضروري ما تكون déjà دوزتي فيه un montant ف le crédit عاد تقد دوز فيه un montant ف le débit على حساب les opérations (ايقد ايكون داك le montant لي داز أول مرة ف le crédit داز ف les exercices لي فاتو ماشي ضروري فنفس l'exercice) ، هادشي كيعني بلي أي compte كنفتاتحو فيه l'écriture بالصفة ديالو, فإلا كان débiteur فأول montant كايتسجل فيه كايخص إتسجل ف le débit وإلا كان créditeur فأول montant كايتسجل فيه كايتسجل ف le crédit

ومن هاد المنطلق و باش تعرف واش واحد l'écriture غادي ديرها صحيحة أو غالطة زيد هاد القاعدة فالحساب ، فمثلاً إلا كنتي غادي débiter واحد le compte créditeur فراه خاصك تأكد بلي déjà دايزا فيه واحد l'écriture ف le crédit وماشي هادي أول écriture غادي تسجلها فيه وكذلك ومثال بالنسبة ل les écritures ف les comptes débiteurs

تهلاو

✍simofinance

السلام عليكم

بزاف ديال الناس كايبغيو إخدمو les appels d'offres أو طلبات العروض ومكيعرفوش منين إبداوهوم

فهاد المنشور غادي نتعرفو على شنو هوما بعدا هاد les appels d'offres ومنين كانجيبوهوم ، عاد كيفاش كانخدموهوم

إذن les appels d'offres أو طلبات العروض هي طريقة من بين الطرق لي كايطلبو بيها مؤسسات الدولة les devis (بين قوسين) ملي كايبغيو إشريو شي حاجة سواءً كانت مادية أو خدمة، إذن أي مؤسسة تابعة للدولة كيكون من الضروري تبع هاد المسطرة (خصوصاً إلا كان الثمن التقديري ديال داك الشراء فايت 50 مليون سنتيم) والهدف من هادشي كامل هو أن ديك المؤسسة تستافد من المنافسة ويجيوها بزاف ديال العروض وبالتالي تشري بأقل ثمن

دبا أنا كمقاولة منين غادي نجيب هاد les appels d'offres ؟

القضية ساهلة ، الدولة دايرة واحد الموقع إلكتروني لي سميتو marchés publics كتلوح فيه كاع طلبات العروض لي كاينين وحتى النتائج ديال القدام، يكفي أنك تسجل فالموقع باش إيكون عندك accès ل les appels d'offres لي فالمجال ديال العمل ديالك وتولي تانتا ممكن تشارك فهاد les appels d'offres ، غير هو باش تسجل فالموقع غادي إخصك ضروري كمرحلة أولى تاخد واحد la clé usb من la poste عبر الموقع barideSign ، هاد la clé usb هي لي غادي تخول ليك أنك تسيني les documents لي كدفع باش تشارك ف les appels d'offres حيتاش le dépôts ديال les dossiers ولا électronique

نكولو خديتي la clé usb وتسجلتي ف site ديال les marchés publics ودخلتي وبان ليك واحد l'appel d'offre فالمجال ديال الشركة ديالك, شنو خاصك دير ؟

- أول حاجة ملي غادي دخل لديك l'appel d'offre غادي télécharger الملف ديال l'appel d'offre لي حاطاه المؤسسة المعنية فالموقع

- ملي غادي دير ليه téléchargement غادي إيعطيك dossier فيه مجموعة ديال les documents ، أهمها l'avis ديال l'appel d'offre ول RC (ماشي registre de commerce) هادا كايتسمى règlement de consultation بالإضافة ل document تالت لي هو CPS ولي هي إختصار ديال Cahier des prescriptions spéciales

- غادي ضرب طلة على l'avis ديال l'appel d'offre هو الأول باش تعرف l'objet ديال l'appel d'offre و le dernier délais ديال dépôt ديال la réponse وغادي تشوف كذلك ف l'avis شحال l'estimation ديال هاد le marché و واش فيه une caution (أي ضمانة) لي خصك تحطها ليهوم باش تشارك أو لا ، إلا كانو طالبين une caution فراه خاصك تزرب عليها هي اللولة وطلب من la banque ديالك ايوجدوها ليك ، هاد الطلب ديال la caution كاديرو بطبيعة الحال فلبلاصة نيت فين كاينة l'appel d'offre ف site (كولشي ولا éléctronique)

يتبع...

✍simofinance

اللهم اسقنا الغيث النافع ولا تجعلنا من القانطين 🤲🤲

📍لايزال التسجيل مستمراً في الدورة التكوينية الخاصة بالمحاسبة التطبيقية (المستوى الأول) formation pratique،

📍جميع المعلومات الخاصة بالدورة تجدونها في المجموعة الخاصة بالإستفسار والتسجيل في الرابط أول التعليق

توجيهات بالنسبة للناس لي كايبغيو إدوزو les concours ديال الدولة فالمجال ديال la finance أو la gestion وماكايعرفوش شنو إيوجدو

- أول نقطة :

خاصك تعرف على الوزارة أو المؤسسة لي غادي دفع ليها ، كيفاش غادي دير ؟ بكل بساطة غادي دخل للموقع الإلكتروني ديال ديك الوزارة وتاخد المعلومات الكافية على شكون هو الوزير أو المدير ديال ديك المؤسسة ، شنو الدور ديالها، شنو هي التوجهات ديالها، إلا كانوا شي تقارير أو مجلة كتصدرها ديك المؤسسة فضروري ماضرب عليها طليلة....

- ثاني نقطة :

ضروري ترجع تشوف كذلك الخطابات الملكية لي عندهم علاقة بالخدمة ديال ديك الوزارة أو كانوا فيها توجيهات لشي أوراش أو إصلاحات لي خاص ديرهوم ديك الوزارة

- ثالث نقطة :

بما أنك غادي ترشح لواحد المنصب عندو علاقة بالمالية فضروري تكون ملم بأهم التغييرات لي جات فقانون المالية ديال العام

- رابع نقطة :

دبا عاد غادي تجي تراجع الجانب التقني ديال le poste بحال la comptabilité générale و la fiscalité وكذلك le juridique

- خامس نقطة :

ضروري ماضبر على les concours القدام لي دازو الأعوام لي فاتو فنفس التخصص لي غادي دفع ليه باش تاخد فكرة على كيفاش كايدوز الكتابي

- سادس نقطة :

ملي دوز ف l'écrit وتمشي l'oral ، وجد la présentation ديالك على تساع وماتكولش تانمشي لتما ولي خرجات من فمي مزيانة...نقطة أخرى ضروري تكون لابس مزيان حيتاش المظهر كيلعب دور كبير فاختيار اللائحة النهائية للمقبولين فالمباراة.

وبالتوفيق للجميع

✍simofinance

الله إيجازيكم بخير لي قد إتواصل مع الأخت لي ربحات فالمسابقة إكول ليها تواصل معايا و شكرا

كما وعدناكم تجدون أسفله المحظوظة التي فازت مع صديقتها بدورة تكوينية مجانية في المحاسبة

المرجو من الفائزة التواصل معي وشكراً

1- شنو هي هاد la RAS ديال TVA لي كولش كايدوي عليها ؟

كتعريف ديال la RAS ديال la TVA أو الحجز في المنبع هي واحد الأسلوب لي فرضاتو الدولة على المساهمين المهنيين (contribuables professionnels) لي كايخلصو les fournisseurs TTC بحيث أنك ك client ملي تبغي تخلص واحد le fournisseur غادي إيكون واجب عليك تقتاطع ليه المبلغ ديال la TVA سواءً كليا أو جزئياً (وفقاً لشروط معينة) و دفعو لمديرية الضرائب (بالعربية الدولة كاتكوليك سير جمع ليا TVA من عند les fournisseurs وفيرسيها ليا، مابقات تيقة)

2- إمتى غادي إبدا التطبيق ديال هاد la RAS ؟

بما أن هاد الإجراء فشكل وغادي إيزيد الخدمة على les comptables وصعيب أنه إيتطبق مع بداية سنة 2024، فمدونة الضرائب اجلات التطبيق ديالو حتى ل 1 يوليوز 2024 أي أنه هاد la RAS غادي تبدا تحيد من les factures fournisseurs ديال les opérations لي غادي إدارو إبتداءً من فاتح يوليوز

3- واش كاع les fournisseurs كيفما كانو غادي نحيدو ليهم la RAS من TVA ؟

- أولاً هاد la RAS ديال la TVA كاتهم جوج ديال الأنواع ديال les fournisseurs ، اللول : les prestataires de services (هوما مقدمي الخدمات) والثاني les fournisseurs d'équipements et de travaux (هوما صحاب التجهيز والأشغال الكبرى)

- ثانياً : كاينين إستثناءات قلال لي ماخاضعينش لهاد la RAS (وخا prestataires de service) منهم مزودي الماء والكهرباء (بحال LYDEC و REDAL...) ، شركات الإتصالات (IAM، INWI، ORANGE) ووسطاء التأمين (courtiers d'assurance)

- ثالثاً : كذلك من بين الإستثناءات هي أي facture مافايتاش 5000 درهم بمعنى أي facture كتساوي أو قل من 000 5 درهم ماكادارش عليها la RAS وذلك فحدود 000 50 درهم لكل fournisseur و فنفس الشهر

4- كيفاش كاتحسب هاد la RAS ؟

هاد le taux ديال la RAS كايتبدل على حساب 4 ديال المتغيرات :
الأول : لي غادي إقتاطع ديك la RAS (أي le client لي غادي إخلص le fournisseur) واش établissement public أو privé
الثاني : واش le fournisseur مزود خدمات (prestataire de services) أو fournisseur de biens d'équipements et travaux ؟
الثالث : واش هاد le fournisseur شخص ذاتي (personne physique) خاضع ل RNR أو ل RNS (بمعنى كايحط le bilan) أو شخص معنوي (personne morale)
الرابع : واش هاد le fournisseur عندو attestation de régularité fiscale نقية أو فيها des irrégularités ؟

5- والحساب ؟

**نبداو ب les prestataires de service

هاد les prestataires قسمهوم المرسوم لي خرج فالجريدة الرسمية رقم 7261 بتاريخ 01 يناير 2024 (باللغة العربية) لجوج ديال اللوائح "ألف" و "باء" وكل لائحة كايتقطع ليها وفق واحد le taux معين على حسب معامن تعامل

+ بالنسبة ل les prestataires de services لي هوما أشخاص ذاتيين (personnes physiques)

- بالنسبة لمزودي الخدمات لي كاينين فاللائحة "ألف" فاش كيتعاملو مع شي établissement public و كايجي إخلصهوم فغادي إقتاطع ليهوم 75% من TVA بغض النظر على واش عندهوم attestation de régularité fiscale نقية أو فيها des irrégularités
- بالنسبة لمزودي الخدمات لي فالائحة "باء" و لي تعاملو مع personne physique مهني (ماشي particulier) أو مع شركة privée ، فهاد الحالة غادي نرجعو نشوفو l'attestation de régularité fiscale ، إلا كانت نقية غادي إحيد ليهوم الزبون 75% من TVA أما إلا كان فيها مشكل فغادي إقطع ليهوم 100 % من TVA

+ بالنسبة ل les prestataires de services لي هوما أشخاص معنويين (personnes morales)

-الحالة الوحيدة هي لي بالنسبة لمزودي الخدمات لي كاينين فاللائحة "ألف" فاش كيتعاملو مع شي établissement public و كايجي إخلصهوم فغادي إقتاطع ليهوم 75% من TVA بغض النظر على واش عندهوم attestation de régularité fiscale نقية أو فيها des irrégularités
يعني الدولة هي الوحيدة المخول لها باش تقتاطع من TVA ديال مزود خدمات personne morale

** ندوزو دبا نشوفو les fournisseurs d'équipements et des travaux

كيفما كان النوع ديالو سواءً personne physique أو personne morale (غير مايكونش public) فغادي نرجعو نشوفو l'attestation de régularité fiscale ، إلا كانت نقية ما غادي إحيد ليه الزبون والو من TVA (أي غادي إخلصو ف la facture كاملة) أما إلا كان فيها مشكل فغادي إقطع ليه 100 % من TVA (غادي إعطيه غير l'hors taxe)

6- معلومات تكميلية

+ ديك la TVA لي قطعتي ل le fournisseur ضروري دير ليها versement للدولة فالشهر الموالي لتاريخ الإقتطاع
+ ملي كاطلب ل le fournisseur ديك l'attestation ديال la régularité fiscale خاص ماتكونش فايتة 6 أشهر

أخيرا ولي بان ليا فهادشي هو أن الخدمة قوات على الكونطابل و خاصو إيولي إحضي جنابو مزيان و يتمكن من الضومين بشكل دقيق si non غدي إزكلها و TVA مامعاها لعب ، من جهة أخرى بانت لي الدولة بغات تقضي على les personnes physiques فمرة ، غادا وكاتخنق فيهوم ، بغات كولشي إيولي personne morale

تهلاو

✍simofinance

كما وعدناكم تجدون أسفله المحظوظة التي فازت مع صديقتها بدورة تكوينية مجانية في المحاسبة

المرجو من الفائزة التواصل معي وشكراً

أولا أود أن أشكر الجميع على سؤالهم و دعواتهم وأطلب من الله أن يحفظ الجميع...هاد يوماين فاش كنت عيان كانحس بحال إلا دازو عليا بزاف ديال المعلومات...مابقيتش à jour ..😜

تم إلغاء البث المباشر لهذا اليوم...بالنسبة للمسابقة سيتم إعلان الفائزين غدا إن شاء الله

نظرا لبعض الظروف الطارئة (شي باس ماكاين), سيتم تأجيل البث المباشر لهذا اليوم إلى يوم غد الأحد بحول الله...وشكرا

السلام عليكم،

أي شركة كتكون متبوعة بجوج ديال الأنواع ديال الضرائب ولي هي الضرائب المحلية و أشهرها la taxe professionnelle (الرسم المهني) و الضرائب الوطنية بحال الضريبة على الشركات (IS)، الضريبة على القيمة المضافة (TVA)...

فبعض الأحيان كايجيو ظروف أو أزمات لي كتخلي الشركة توقف النشاط ديالها بشكل مؤقت ولكن فنفس الوقت كاتبقى متبوعة بمجموعة ديال التصاريح الضريبية ويمكن كاع فبعض المرات غادي إخصها تخلص الحد الأدنى ديال بعض الضرائب ولو في غياب النشاط بحال la cotisation minimale وهادشي غادي ازيد إفاقم الأزمة ديال هاد الشركة لي أصلاً متوقفة عن النشاط

ولهذا القانون الخاص بالضرائب المحلية وكذلك مدونة الضرائب خرجات des options للشركات لي متوقفة على النشاط مؤقتاً باش تخفف عليها الآثار المترتبة على هاد les obligations déclaratives

+ في ما يخص الرسم المهني أو la taxe professionnelle ولي هي ضريبة محلية

باش مثلاً واحد الشركة لي توقف النشاط ديالها جزئياً أو كليا تستافد من الإعفاء الجزئي أو الكلي من الرسم المهني ديال السنة المنصرمة فكايخصها تعمر واحد la déclaration لي سميتها déclaration de chômage d’établissement ولي خاص إدار ليها le dépôt قبل 31 يناير, هاد la déclaration كاتحدد فيها الشركة الأسباب لي خلاثها توقف مؤقتاً عن النشاط ديالها وبالتالي كايتم الإعفاء ديالها جزئياً أو كليا من الرسم المهني

+ في مايخص الضريبة على القيمة المضافة la TVA وكذلك الإعفاء من الحد الأدنى من الضريبة cotisation minimale

باش الشركة تهنا من هاد جوج ديال les impôts ولي هوما ضرائب وطنية، فغادي ايخصها تعمر واحد la déclaration لي سميتها La déclaration de cessation temporaire d’activité ولي حتى هي خاص إدار لها le dépôt قبل 31 يناير (أو بالاحرى داخل أجل ديال الشهر الأول لي كايتبع تاريخ حصر الحسابات) ، هاد la déclaration كاتخفف على الشركة التصاريح ديال la TVA بحيث الشركة كاتولي تحط déclaration وحدة فالعام ديال la TVA زائد أنها كاتعفى من la cotisation minimale.

تهلاو

✍simofinance

السلام عليكم،

بما أننا فشهر يناير ولي اللخر ديالو هو آخر أجل باش الأشخاص الذاتيين personnes physiques إخلصو la cotisation minimale (لي هي الحد الأدنى للضريبة على الدخل لي كايتدفع مسبقا قبل dépôt ديال le bilan ف شهر 4 ) فغادي نتكلمو فهاد المنشور على مهنة حرة لي كاتمارس فأغلب الحالات على شكل personne physique ولي عندها واحد le régime خاص ألا وهي مهنة المحاماة

أولاً هاد المهنة عرفات واحد التنزيل ديال un régime fiscal جديد إبتداءًا من سنة 2023 ولي جاو فيه مجموعة ديال المستجدات سواءًا من ناحية la TVA أو من ناحية واحد القاعدة جديدة خاصة ب les acomptes بالإضافة لتقسيم المحامين إلى فئات منها الممارسين والمتدربين وفئات أخرى وكل واحد فيهم عندو traitement spécifique

هادشي كايطول فيه الكلام، غادي نركزو فيه على جوج ديال النقاط أساسية

+ في مايخص la TVA
-------------------------
- أولاً تم تغيير le taux applicable ديال la TVA لي كان 10% ف 2022 ل 20% إبتداءً من 2023 بمعنى أي محامي ملي كايبغي إيدير la facturation كايزيد TVA ديال 20%

- ثانياً أي محامي عندو un chiffre d'affaires قل من 000 500 درهم سنوياً فراه كايتعفى من TVA بمعنى كايدير la facturation HT

+ القاعدة ديال l'acompte prévisionnel
-------------------------
إبتداءًا من 2023 تم وضع قاعدة جديدة بالنسبة للمحامين في مايخص الضريبة على الدخل ولي هي الأداء ديال 100 درهم بشكل مسبق عن كل ملف تم فتحه أمام القضاء وتم استيفاء الأتعاب أو جزء من الأتعاب ديالو ، هاد 100 درهم يا إما كاتخلص فالمحكمة فلحظة فتح الملف أو بعد نهاية كل سنة فمرة وحدة ، هاد الدفوعات كايتم الخصم ديالها من la cotisation minimale لي غادي إيكون الأداء ديالها قبل نهاية شهر يناير ولي كاتحسب بالمناسبة ب 4% من رقم المعاملات السنوي و الحد الأدنى ديالها هو 500 1 درهم .

تهلاو

✍simofinance

#محامي #محامية

شنو لي خاصني نرد ليه البال قبل مانسيني le contrat de travail ؟

أولاً باش تكون العلاقة بين المشغل والأجير صحيحة راه ماشي ضروري إيكون واحد عقد عمل مكتوب خصوصاً إلا تعلق الأمر بعقد غير محدد المدة لي معروف ب CDI ولي هو Contrat à Durée Indéterminée (علاقة الشغل كاتكون مثبتة فهاد الحالة بالتصريح مثلاً ف la CNSS أو le virement ديال le salaire لي كايدير ليك المشغل كل شهر...)

ولكن باش ضمن حقوق أو مزايا كثر من داكشي لي كاين فمدونة الشغل (لأن هاد الأخيرة كاضمن ليك غير الحد الأدنى من الحقوق) غادي يكون من مصلاحتك أنه تم صياغة عقد عمل لي غادي إتم التوقيع ديالو من طرف الأجير والمشغل

نجيو دابا نشوفو أهم النقط لي خاصك ترد ليهم البال قبل ماتسيني عقد العمل

- واحد : la période d'essai
أو فترة الإختبار ولي هي المدة لي من موراها مباشرة كاترسم فالشركة، هاد المدة يمكن توصل ل 3 أشهر ولكن من الممكن التجديد ديالها مرة وحدة (يعني تقد توصل فالمجموع ل 6 أشهر )، هاد فترة الإختبار ماشي ضرورية بمعنى أنه بإمكان المشغل إرسمك من النهار الأول ، لي خاصك تعرف هو أنه إلا المشغل مادارش واحد المراسلة كتابية لي كايخبرك فيها بتجديد فترة الإختبار فراه كتولي تلقائياً مرسم (titularisé)

- جوج : le salaire et les autres avantages
من المهم أن عقد العمل إيكون فيه بند على الأجر ديالك (سواءً الأجر الصافي le salaire net أو الخام le salaire brut) و كذلك الإمتيازات والتعويضات الأخرى لي غادي تستافد منها بحال التعويض عن التنقل أو المخاطر وغيرها بالإضافة لدورية أداء الأجر (périodicité) واش غادي تخلص كل شهر أو كل 15 يوم ...

- ثلاثة : Le poste
هاد القضية مهمة بزاف وكايوقعو فيها بزاف ديال المشاكيل خصوصاً إلا كان عند الشركة فروع فمجموعة ديال المدن أو حتى إلا مكانش عندها راه من الممكن إلا تطور النشاط ديالها تفتح فرع فمدينة أخرى ولهذا ملي غادي إتم تعيين الوظيفة ديالك فالشركة خاصك ضروري تأكد على المدينة لي غادي تخدم فيها باش تزاد حتى هي فالعقد فواحد البند لي كايتسمى clause de mobilité ، أنذاك ماغادي إيمكن للمشغل إنقلك لمدينة أخرى إلا بعد الإستشارة والموافقة ديالك

- ربعة : délais de préavis
أو أجل الإخطار ولي هو واحد الأجل لي خاص ضروري تحتارمو قبل ماتخرج من الشركة وهاد الأجل كايتغير حسب الأقدمية ديالك فالشركة وحسب طبيعة le poste ديالك ويقد إمشي من شهر حتى ل 3 أشهر ، لي مهم فهاد الأجل هو أنه من الضروري ترد ليه البال حيتاش من الممكن المشغل إيكون كاتب ليك فالعقد un délais فايت le délais لي كاين فمدونة الشغل (وهادشي مافيه حتى شي حاجة، عادي قانونياً) غير غادي تبقا مشدود فالشركة مدة أطول من المدة القانونية وهادشي غادي إيضيع عليك فرصة ديال خدمة أخرى.

- خمسة : la caluse de non concurrence
ولي هو شرط عدم المنافسة ، من خلال هاد الشرط كايمكن للمشغل ديالك إمنعك من أنك تخدم عند شي منافس ليه أو أنك تخدم لحسابك الخاص فنفس الخدمة لي كايدير (هادشي إلى حطيتي الإستقالة ديالك من الشركة) ، هاد الشرط إلا كان فعقد العمل خاص إيكونو معاه جوج ديال الحوايج : واحد التعويض لي خاص بهاد الشرط ولي خاصك تاخدو كل شهر مع salaire ديالك زائد المدة ديال الشرط وكذلك المكان فين كايتطبق هاد الشرط حيتاش مايمكنش المشغل إمنعك حياتك كاملة من أنك تدير خدمة بحالو أو إمنعك من الخدمة فالمغرب كامل

- ستة : La couverture sociale
كذلك من المستحب أنه إيكون واحد البند فعقد العمل كايتكلم فيه المشغل على التغطية الصحية لي غادي تكون عندك ولما لا إلا كانت شي تغطية تكميلية.

والله إيسهل على الجميع فشي لحظة لي يتفكرو فيها هاد المنشور

✍simofinance

علاش أصلا هاد la comptabilité ؟

نساو عليا داك الكلام الإنشائي ديال la situation patrimoniale و le résultat ، داكشي كامل غير هضرة، ورقة وستيلو كافيين باش نعرفو واش الشركة خدامة مزيان أو غادا فالخسران خصوصاً إلا عرفنا بلي النسيج الإقتصادي كايتكون بنسبة 90% من مقاولات صغرى إلا ماكلتش جد صغرى و لي كاتعتابر le comptable غير des frais زايدين لي كان من الممكن تسد بيهوم شحال من خصاص...

واش فنظركم مول الحانوت لي فدربكم عندو une comptabilité ؟

إذن بقا سبب واحد هو الإجبارية القانونية أي أن واحد الشركة خاص تكون عندها la comptabilité générale حيتاش بزز منها قانونياً والدليل على هادشي غير شوفو شحال من société عندها la comptabilité analytique لي ماشي إجبارية, غادي تلقا غير les grandes structures ولي كايشكلو 2 % من النسيج الإقتصادي...

إذن منين جات هاد الإجبارية القانونية ديال la comptabilité générale ؟

على المستوى الأول غادي نلقاو بلي كاين واحد القانون لي كايلزم كل تاجر باش تكون عندو une comptabilité ولي هو القانون 88-9 الخاص بالإلتزامات المحاسباتية للتجار ولي تم التتميم ديالو بالقانون 03-44 ، هاد القانون هو الأساس ديال فرض la comptabilité ،

فالمستوى الثاني غادي إتزاد عليه حتى القانون الضريبي لي فشكل مدونة الضرائب و لي حتى هو كياخود كقاعدة لحساب الضريبة على الشركات النتيجة المحاسباتية (مع بعض التعديلات) و بالتالي إلا حسبتي النتيجة ديال العام بطريقة أخرى من غير الطريقة المحاسباتية فهاد النتيجة غادي تكون مردودة وبالتالي كذلك الضريبة لي محسوبة إنطلاقاً من هاد النتيجة

فالأخير وبما أن الدولة عارفة بلي ماشي كولشي غادي إيقد أو إيغي تكون عندو la comptabilité لي كانعرفوها (رجعنا لمول الحانوت لي فدربكم) ، فالدولة خرجات des régimes fiscaux لي مبسطين وخفاف ولي ماكانحتاجوش فيهم le bilan باش نحسبو الضريبة بحال نظام المساهمة المهنية الموحدة ولي معروف ب CPU ونظام المقاول الذاتي l'auto-entrepreneur ...

شوية ديال الفلسفة ماكاضرش...تهلاو

✍simofinance

أشهر من نار على علم les normes IFRS

شنو هوما هاد les normes ومنين جاو ولاش كايصلاحو ؟

أولا (بطريقة مبسطة) les normes IFRS هوما des principes لي كايأطرو la comptabilité ، المقابل ديالهم عندنا هوما les principes comptables

ثاني حاجة هاد les normes ماخاصينش بواحد البلد معين إنما هوما des normes internationales والهدف منهم هو توحيد طريقة معالجة البيانات المحاسباتية ديال مجموعة ديال الدول باش فالأخير إوليو دوك الدول إخرجو les sociétés ديالهم des bilans لي مصايبين بنفس القواعد وبالتالي نقدو نقراوهوم بنفس الطريقة وتكون المقارنة بيناتهم صحيحة بلا مانحتاجو ل des reclassements و des retraitements

من الأخير الهدف ديال هاد les normes هو توحيد le langage comptable

هاد les normes تصايبو أول مرة فسنة 1973 من طرف المؤسسات المحاسباتية ديال 9 ديال الدول أوروبية وحاجة مهمة خاصنا نعرفوها هو أنه كاينين جوج ديال les catégories ديال هاد les normes ، هادوك لي تصايبو قبل من 1 أبريل 2001 وهادو غاديين نلقاوهوم تحت مسمى Normes IAS أما هادوك لي جاو مورا هاد التاريخ فهوما لي غاديين نلقاو تحت مسمى Normes IFRS

وكمثال على واحد من هاد les principes ديال les normes IFRS كاين واحد le principe مشهور حيتاش كايمشي عكس les principes لي عندنا ف la comptabilié générale ديال المغرب ولي هو

la préémincence de la réalité économique sur l'apparence juridique

كتطبيق عملي لهاد le principe غادي ناخدو le cas ديال leasing أو le crédit-bail ، ف la comptabilité marocaine ملي كتاخود واحد la société واحد le matériel ب leasing فهاد le matériel ماشي ملكية ديال la société إنما غير كارياه (هادشي من الناحية القانونية juridiquement) وبالتالي ماغاديش ندخلوه ف le bilan ديال la société ، هادي كانت المقاربة ديال la comptabilité marocaine لي كاتسبق الجانب القانوني على الجانب الإقتصادي

بالنسبة ل les normes IFRS فكاتسبق الجانب الإقتصادي على الجانب القانوني بمعنى داك le matériel لي تخاد ب leasing غادي ندخلوه ف l'actif ديال le bilan وخا ماشي ملكية قانونية ديال الشركة وحيتاش الشركة كاتخدم بيه بحال un matériel لي شارياه

هادشي غير غيض من فيض....

تهلاو

✍simofinance

أهم حاجة هي غادي نحاولو نجاوبو على هاد الأسئلة كاملة في شكل منشورات

وحاجة أخرى غداً غادي تكون مسابقة جديدة

وهنيئاً مرة أخرى للفائزة بالمسابقة للحصول على تكوين مجاني في المحاسبة التطبيقية

تذكير :
لايف مع التسعود
الموضوع : قانون المالية 2024

شنو الفرق بين :

Aide comptable
Comptable
Comptable confirmé
Chef Comptable
Responsable Administratif et financier
Directeur Admnistratif et financier

أولاً باش نتافقو هاد les profils ماعندهومش معايير محددة قانونياً إنما كادخل فالعرف ديال الناس لي خدامين ف le domaine financier وكذلك ف les Ressources Humaines باش كايحددو المسؤوليات ديال واحد le poste وكذلك le salaire ديالو

ثانياً غادي نتكلم على كل poste إنطلاقاً من التجربة المتواضعة ديالي فالميدان و دير فبالك بلي ديما غادي تكون واحد المنطقة رمادية ملي غادي تبغي دوز من poste ل poste

نبداو على بركة الله،

أولاً : Aide comptable

ولي هو مساعد المحاسب، هذا هو أول مستوى لي غادي تبدا بيه فالضومين بمعنى إلا دوزتي des stages ف la période fiscale وباقي كاتعلم فإلا مشيتي لشي fiduciaire أو شركة فغادي تبدا بهاد المستوى، هاد المستوى غدي تكون كادير des tâches لي كايتعاودو بحال la saisie ديال les opérations courantes و les déclarations لي كايكونو وسط العام سواءاً fiscale ولا sociale ، بشكل عام غادي تخدم واحد الخدمة ديال la masse ولي ماكاطلبش منك أنك تكون فاهم بعمق شنو كادير لأنك غير كاتنفد الأوامر وكاين شخص فوق منك لي كايفاليدي الخدمة ديالك

ثانياً : Comptable

هي منزلة مابين المنزلة ديال aide comptable و comptable confirmé بمعنى كانتكلمو على profil لي كايدير les procédures juridiques و كايدير la saisie ديال les opérations courantes وكذلك كيخدم les opérations de fin d'exercice ولكن إيلا تحط قدامو شي cas جديد من الضروري إرجع لواحد supérieur لي غادي ايكون chef comptable ولي غادي إوجهو، من جهة أخرى هاد le profil ف les grandes sociétés كاتلقاه شاد حاجة وحدة بمعنى تقد تلقاه مكلف غير ب la saisie ديال les fournisseurs وفهاد الحالة كايتسمى comptable fournisseurs أو مكلف غير ب les clients وفهاد الحالة كايتسمى comptable clients و زيد وزيد

ثالثاً : Comptable confirmé

ملي كانكولو comptable confirmé فكانتكلمو على واحد الشخص لي ملي غادي إيشد un dossier فغادي إخدمو من طاق طاق حتى السلام عليكم من جميع الجوانب، comptable و juridique و fiscal و social ، بالإضافة لخدمة ديال les dossiers comptables كايكون كذلك ملم ب les régimes fiscaux لي كاينين و ايمتى كايتستعملو وبالتالي بالإمكان ديالو اعطي نصائح وتوجيهات فالمجال سواءًا ف la fiscalité أو ف social

رابعاً : Chef comptable

هو comptable confirmé غير ملي كاتولي واحد l'équipe ديال les comptables و les aides comptables تحت منو غادي ايكون الشاف ديالهم وهنا الدور ديالو ماشي la saisie إنما المراقبة و le contrôle ديال داكشي لي كايتسيزا والمراقبة ديال les déclarations ، بمعنى كايدير عندو la centralisation ديال الخدمة باش ايدير ليها la validation

خامسا : Responsable Administratif et financier ولي مشهور ب RAF

هنا ماغاديش تبقا غير مخشي فالوراق إنما غادي إخصك تعامل مع les banques على ود les financements وطلب des délais de paiement ل les fournisseurs وتخدم شوية على l'équilibre financier و la stratégie financière ديال الشركة ومن هاد المنطلق غادي تولي غير تشوف les arrêtés trimestriels أو semestriels ديال الشركة وتخرج منهم des ratios وماغاديش تبقى دخل تشوف واش هاد la facture دارت ليها la saisie أولى لا ...

سادساً : Directeur Administratif et Financier ولي مشهور ب DAF

هنا غادي تولي تمشي فكل ماهو stratégique و غادي تخدم ب des tableaux de bord وغادي تولي طلب des comptes rendus من les services لي تابعين ليك باش دير ليهوم la consolidation وتخرج منهم des graphes لي غادي دير ليهم la présentation فالاجتماعات ديال le Conseil d'Administration ، كذلك غادي تكون عندك صلة مباشرة ب les associés فحالة بغاو شي معلومة وكذلك le commissaire aux comptes وبزاف ديال les tâhes اخرين...

فالأخير باش تمشي بزربة من catégorie ل catégorie فمن الضروري تبدا بعدا بداية صحيحة فالمجال ، بمعنى فكل مرحلة خاصك تكون شاد les tâches ديالها وعارف المرجع القانوني ديال كل حاجة حيتاش كولشي كايعرف ايدير la saisie (ولي موحال واش غادي تبقى مع هادشي ديال الذكاء الإصطناعي) ولكن مكايعرفش واش هاد l'activité خاصها نيت la saisie (أي bilan) أو حاجة أخرى غادي تكون أحسن،

الفرق كايصنعو الشخص لي فاهم المجال على أسس متينة وكايشوف المشهد من الفوق لأن الصعوبة كل الصعوبة كاتكمن فالتشتت ديال المجال بين بزاف ديال les textes

من جهة أخرى عدد السنوات فالمجال ماكايساويش بالضرورة l'expérience إيلا كنتي مكتافي ب les tâches لي عندك وماكاطورش فراسك بالقراية ثم القراية عاد des formations ف le domaine وداكشي لي كاديرو اليوما كتعاودو غدا...

تهلاو

(تحية عطرة لصديق الصفحة سي ابراهيم من أكادير لي اقتارح عليا نتكلم فهاد الموضوع لي صراحة مهم)

✍simofinance