Soeurs de Saint-Paul de Fribourg

Miarahaba e!
Mitady olona hiasa. Ho an'izay liana dia antsoy io laharana eo amin'ny sary io
Mirary soa indrindra.

🙏🙏Nitsangan-ko velona tokoa ny Tompo, Aleloia!🙏🙏
Mahafaly anay maseran'ny Saint Paul de Fribourg ny miarahaba antsika rehetra nahatratra ny Paka 2024.
Hanenika ny fiainantsika anie ny hafaliana nentin'i Jesoa nitsangan-ko velona.
Mirary soa ho antsika rehetra.

Mirary antsika hahavita soa ny herinandro masina sy hahazo voka-tsoa ara-panahy amin'izao fankalazana ny hateloana masina izao.Samia hahatratra ny Paka aby.

Miarahaba antsika,
Amin'ny fo feno fitiavana no ankasitrahanay (Masera Rosa, ny fianakaviana manontolo, ny Soeurs de Saint Paul rehetra) anareo rehetra tsy an-kanavaka nitondra am-bavaka sy nankahery tamin'ny fahalasanan'ny Raiamandreny (VAHINY Adlolphe Raymond) dadan'i Sr Rosa . Lalin-devenana ny maty ary henin-kaja ny velona izay nilaozany.Samia isika hotahian'Andriamanitra
, dia mba ny soa indray no hifampizarana eto amin'ny manaraka.
Mirary soa indrindra tompoko.

Miarahaba antsika amin'izao alinalina izao!
Nindaosin'ny fahafatesana androany 09 mars 2024 tao Diégo Suarez i VAHINY Adolphe Raymond, dadan'i Soeur Rosa, mpikambana ato amin'ny soeurs de Saint Paul de Fribourg.
57 taona izy izao lasa izao. Miara ory amin'ny fianakaviany ary mitondra am-bavaka azy ireo hahavita ny adidy fara-fanàna azy, mivavaka ho an'ny fialatsasatry ny fanahiny ihany koa mba hamindràn'Andriamanitra fo izy ka hahazo ny fiainana mandrakizay.
Mirary soa antsika rehetra.

Miarahaba e!
Tsaroana anio ny tsingerin-taona nahaterahan'i Mompera Joseph Schorderet mpanorina ny fikambanana .
Mompera Joseph Schorderet, mivavaha ho anay🙏🙏🙏
Mirary soa antsika rehetra.

Lohahevitra aroson'ny Eglizy antsika amin'ity Alahady Faharoa amin'ny Karemy ity. Mirary antsika rehetra hihavao ara-panahy hatrany mandritra an'izao fotan-dehibe iomanantsika hitsena ny fandresen'i Kristy izao.

Anisan'ny fifadian-kanina tsara koa ity.
Mirary soa hatrany e!

Maneho fisaorana antsika rehetra nankahery sy nitondra am-bavaka tamin'ny fahalasanan'ny Raiamandreny (Dadabe Etienne), tontosa soamantsara ny adidy fara-fananàna azy. Handry am-piadanana anie ny fanahiny.
Mirary soa antsika rehetra.
Samia hotahian'Andriamanitra tompoko!🙏🙏🙏

Miarahaba antsika,
Namoy raiaman-dreny izahay ato amin'ny Soeurs de Saint Paul de Fribourg.
Nodimandry omaly ny rain'i Soeur Claudine Marie ( miasa any Cameroun)
Ity no solon'ny fampandrenesana ho antsika izay tratra antso .
Mankasitraka indrindra amin'ny fiombonam-bavaka.🙏🙏🙏

Akon'ny Alahadin'ny tenin'Andriamanitra
Paroasy Md Charles Borromé Ambatomena Fianarantsoa.
Lamesa tamin'ny 06:30 notarihin'i Mompera Jean De La Croix RANDRIANANTOANDRO
Nentanin'ny Masera Filles de Saint Paul sy ny Soeurs de Saint Paul de Fribourg.

Nisongadina tamin'ny toriteny fa izay mandray ho sakafo ny tenin'Andriamanitra dia lasa lavidavitra kokoa eo amin'ny fiainam-pinoana hanarahantsika an'i Jesoa Kristy.

Nisy ny fametrahana famantarana manokana hanamarihana izany dia ny sary Baiboly lehibe sy ny Andron'ny Tompo.

✍️📸 Soeurs de Saint Paul de Fribourg Ambatomena.

Mirary soa ho antsika rehetra!

Mirary Alahady mahafinaritra homban'ny fahasoavan'Andriamanitra daholo.🙏🙏🙏

Ny Maseran'i Saint Paul de Fribourg rehetra dia faly miarahaba anao tratry ny taona 2024. Enga anie ny fitiavana sy ny fiadanana no hanjaka ao ampotsika eo ampamakivakiana ity taona ity, ao anatin'ny fahatokisana tanteraka an'Izy Andriamanitra. Mirary soa indrindra.

"Teraka ho antsika i Kristy ka avia re hitaoka Azy" enga anie ny hafaliana entin'ny Jesoa zazakely hitoetra mandrakariva ao mpontsika.
Mirary Noely feno hafaliana sy fitiavana ary fiadanana ho an'ny tsirairay izahay Sœurs de Saint-Paul de Fribourg🙏🙏🙏🌲

Lamesa Fisaorana an'Andriamanitra noho ny faha 25 taona naha-relijiozy an'i Sr Françoise-Gabriella. Notontosaina tao amin'ny Paroasy Md Charles Borromé Ambatomena Fianarantsoa, ny zoma 8 Décembre 2023..
Isaorana isika rehetra niombom-po amam-panahy ary nitondra am-bavaka.
Samia hotahian'Andriamanitra.

Fintina an-tsary
📸📷📸 Soeurs de Saint Paul de Fribourg.

🙏🙏08 Décembre 1873 -08 Décembre 2023: 150 taona ny Fikambanan'ny Sœurs de Saint Paul de Fribourg na Œuvre de Saint Paul. 150 Taona nitoriana ny Vaovao Mahafaly tamin' ny alalan'ny Boky aman-gazety sy ireo fitaovana ifandraisan'ny mpiarabelona.
Koa amin'izao fankalazana an'i Masina Maria Virjiny notorontoronina tsy azon-keloka izao dia enga anie mba hiroborobo hatrany ny Fikambanana. Mba ho maro anie ireo tanora hanatevin-daharana amin'ny famaliana ny antson'Andriamanitra, hitondra ny fahamarinana any ambanivohitra sy any antana-dehibe amin'ny alalan'ny asa sahanin'ny Fikambanana. Ary ireo masera zoky izay mankalaza ny faha-25 taona naha-relijiozy anie haharitra amin'ny fanompoana ny Eglizy amin'ny alalan'ny asa sahanin'izy ireo tsirairay avy. Masina Maria sy Md Paoly ary Mopera Joseph Schorderet Mpanorina ny Fikambanana anie hivavaka ho antsika!
HO ELA VELONA ANIE NY FIKAMBANANA🙏🙏🙏

ALAHADY FAHA-34 MANDAVANTAONA TAONA A
🙏🙏🙏Anio ny Eglizy dia mankalaza an'i Kristy Mpanjakan'izao tontolo izao? sady faran'ny taonan'ny Eglizy ihany koa. Antsoin'ny Eglizy ary isika mba hampanjaka an'i Kristy fa izany no maha-Kristianina antsika. Koa hivavaka isika mba hahay hanompo ny hafa indrindra ireo mijaly dia hanjaka ao amintsika tokoa i Jesoa. Hivavaka ihany koa isika ho an'ireo mpitondra rehetra na ato amin'ny Eglizy na ireo mpitondra fanjakana, mba hahay hampanjaka ny fiadanana tokoa izy ireo ka hampanjaka an'i Kristy eto amin'izao tontolo izao🙏🙏🙏

Alahady faha-33 Mandavantaona Taona A:
🙏🙏🙏Loha-hevitra aroson'ny Eglizy ho antsika dia hoe: "AHAZOANA HASAMBARANA NY MIASA AMIN-KERIM-PO". Entanin'ny Eglizy isika anio ho vonona lalandava amin'ny fiandrasana ny Tompo! Takiana amintsika anio àry ny tsy maintsy hahaizantsika mampamokatra sy mampitombo ny fanomezam-pahasoavana na hoe talenta noraisintsika vokatry ny Sakramenta, izay mandrisika antsika hiasa amin-kerimpo ho an'ny Eglizy sy ny fiaraha-monina. Samia mikely aina ary isika mba hikatsaka mandrakariva ny sitrapon'Andriamanitra amin'izay rehetra ataontsika.🙏🙏🙏

Miarahaba e!
Ho anareo nanontany hoe firy taona no afaka manatrika ny lasy(Camp Vocationnel)?
Hatreo amin'ny 3e no miakatra no afaka mandray anjara ; izany hoe ireo naka BEPC tamin'ity taona 2023 ity. Aza tara fa misorata anarana dieny izao.
Mirary soa ho antsika rehetra e!