Islami Dhe Besimi

Pejgamberi Muhamed, salAllahu alejhi ue selam, i erdhi një të riu derisa ai ishte në agoninë e vdekjes dhe e pyeti atë:
“Në çfarë gjendje e sheh veten?”
Ai tha, “Kam shpresë në Allahun, O i dërguar i Allahut dhe frikësohem për mëkatet e mia.” Pejgamberi, salallahu alejhi ue selam, tha: “Nuk bashkohen këto dy gjëra (shpresa dhe frika) në zemrën e robit në një moment të këtillë, e që Allahu mos t’ia jep atë për çka shpreson dhe ta shpëtojë atë nga ajo prej të cilës frikohet.”

(Transmetuar nga Ibn Maxhe)

-HADID 12-16
(Përkujto) Ditën kur i sheh besimtarët dhe besimtaret që drita e tyre flakëron para tyre dhe në të djathtë të tyre. (U thuhet) Myzhde e juaj sot janë xhennetet nën të cilat rrjedhin lumenj, aty do të jeni përgjithmonë. E ajo është fitore e madhe.

Ditën kur hipokritët dhe hipokritet atyre që besuan u thonë: "Na pritni (ose na shikoni) të ndriçohemi prej dritës suaj!" U thuhet: "Kthehuni prapa jush (në Dunja) e kërkoni ndonjë dritë!" Atëherë vihet ndërmjet tyre njëfarë muri që ka një derë, e brendia e tij është mëshirë (xhenneti), e nga ana e jashtme e tij është dënimi (zjarri).

(Hipokritët e mbetur në errësirë) I thërrasin ata (besimtarët): "A nuk kemi qenë edhe ne së bashku me ju!? (Besimtarët përgjigjen): "Po, por ju e shkatërruat veten (me hipokrizi), ju prisnit kob të zi për besimtarët, ju dyshonit në çështjet e fesë dhe juve ju mashtruan shpresat e kota deri kur ju erdhi caktimi i All-llahut (vdekja) dhe ashtu, përkitazi me All-llahun, mashtruesi ju mashtroi.

E sot prej jush nuk pranohet ndonjë kompensim e as prej atyre që nuk besuan, vendi juaj është zjarri, ai është ndihma juaj: sa përfundim i keq është ai".

A nuk është koha që zemrat e atyre që besuan të zbuten me këshillat e All-llahut dhe me atë të vërtetën që zbriti (me Kur'an), e të mos bëhen si ata, të cilëve u është dhënë libri më parë e zgjati koha dhe zemrat e tyre u shtangën e shumë prej tyre janë jashtë rrugës.

Kuran (El-Araf-170)
Po atyre që i përmbahen librit dhe falin namazin, Ne nuk u humbim shpërblimin të të mirëve.

وَالَّذِينَ يُمَسِّكُونَ بِالْكِتَابِ وَأَقَامُوا الصَّلَاةَ إِنَّا لَا نُضِيعُ أَجْرَ الْمُصْلِحِينَ

Kuran (Ali-Imran-191)
Për ata që All-llahun e përmendin me përkujtim kur janë në këmbë, kur janë ulur, kur janë të shtrirë dhe thellohen në mendimie rreth krijimit të qiejve e të tokës (duke thënë):: Zoti ynë, këtë nuk e krijove kot, i lartësuar qofsh, ruana prej dënimit të zjarrit!

الَّذِينَ يَذْكُرُونَ اللَّهَ قِيَامًا وَقُعُودًا وَعَلَىٰ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَٰذَا بَاطِلًا سُبْحَانَكَ فَقِنَا عَذَابَ النَّارِ

Ëmbelsia e besimit
Enesi r.a. tregon se Pejgamberi a.s. ka thënë: Kushdo që ka në vetvete këto tri cilësi, do të ndiejë ëmbëlsinë dhe kënaqësinë e besimit:
1. Ai për të cilin Allahu dhe i Dërguari i Tij (Muhamedi) a.s. bëhen më të dashur se çdo gjë tjetër;
2. Ai i cili e do një njeri shumë dhe e do atë vetëm për Hir të Allahut;
3. Ai i cili urren të kthyerit në mosbesim ashtu siç urren të hidhet në zjarr.[Buhariu]

Duaja
Ebu Hurejra r.a. tregon se i Dërguari i Allahut a.s. ka thënë: "Allahu i përgjigjet duasë së çdonjërit prej jush, në qoftë se ai nuk tregohet i padurim (e të thotë: 'Bëra dua, por nuk mu plotësua') [Buhariu]

HADITH I DITËS
Nga Ebu Hurejre r.a. për­ci­llet se I Dërguari i All-llahut s.a.v.s. ka thënë: “Besimtarit dhe besim­tares nuk i pushojnë së godituri fatkeqësitë në ve­tveten e tij, në fëmijët e tij dhe në pasurinë e tij, derisa të takohet me All-lla­hun e madhërishëm kur në të nuk do të mbetet asnjë mëkat”.
(Tirmi­dhiu thotë: hadith hasen sahih)

“Kush e kujton vdekjen"
Umer Bin Abdul Aziz ka thënë: “Kush e kujton vdekjen shpesh do të jetë i kënaqur me pak.” [Az-Zuhd, Faqe: 240]

Nuk kam bukuri aq sa të duhet ty;
Por kam dashuri që të mjaftojë, edhe për mua edhe për ty ! 🕊️🤍

Besimtarët
“Besimtari për besimtarin është si ndërtesë, një pjesë shtrëngon pjesën tjetër” dhe bëri me shenjë duke shtrënguar gishtërinjtë.” (Buhariu)

Kuran (El-Bekare, 218)
Ata të cilët besuan, ata që u shpërngulën dhe luftuan në rrugën e All-llahut, ata meritojnë të shpresojnë në mëshirën e Tij. All-llahu falë shumë dhe është mëshirues.

إِنَّ الَّذِينَ آمَنُوا وَالَّذِينَ هَاجَرُوا وَجَاهَدُوا فِي سَبِيلِ اللَّهِ أُولَٰئِكَ يَرْجُونَ رَحْمَتَ اللَّهِ ۚ وَاللَّهُ غَفُورٌ رَّحِيمٌ

Thënja: Omer iben Hattabi
Njeri i mençur është ai njeri që mund të j*p llogari për veprimet e tij.

"Nevoja për shpërblimin"
"Bamirësia juaj nuk pranohet derisa të besoni, 'kam nevojë për shpërblimin më shumë se lypësi që ka nevojë për paratë '"[Uthman ibn Affan (ra)]

"Këmbëngulja"
"Në qoftë se keni dëshirë që Allahu që jetë këmbëngulës në dhënien e gjërave që ju i doni, bëhu këmbëngulës për ti bërë gjërat që Ai i do." [Ahmad ibn Hanbel]

Kuran (El'Enam, 17)
Nëse All-llahu të godet me ndonjë të keqe, s’ka kush që ta largojë atë pos Tij, e nëse të dhuron ndonjë të mirë, duhet ditur se Ai është i gjithëfuqishëm për çdo send.

وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ ۖ وَإِن يَمْسَسْكَ بِخَيْرٍ فَهُوَ عَلَىٰ كُلِّ شَيْءٍ قَدِيرٌ

Ndëshkimi
Ibn Umeri r.a. tregon se i Dërguari i Allahut a.s. ka thënë: "Në qoftë se Allahu zbret ndëshkim mbi një popull, atëherë ai do të bjerë mbi të gjithë ata njerëz, pa dallim. Pastaj ata do të ringjallen, do të gjykohen dhe do të shpërblehen sipas veprave të tyre." [Buhariu]

"Kujdes nga të shpresuarit"
Kujdes nga të shpresuarit për falje pa punuar për të. [Hasan el Basri]

Kuran (Al-Haxh , 77)
O ju që besuat, falni namazin me ruku e sexhde dhe vetëm Zotin tuaj adhuronie. Bëni punë të mira (të dobishme), se do të gjeni shpëtim.

يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ

Thënja Ebu Bekri
Sa më shumë njohuri që keni, aq më e madhe do të jetë frika e juaj ndaj Allahut.

Allahu nuk e largon dijen
Abdullah Ibn Amr Ibn Asi r.a. tregon: "E kam dëgjuar të Dërguarin e Allahut a.s. të thotë: "Allahu nuk e largon dijen duke e hequr atë nga (zemrat e) njerëzve, por Ai e largon atë me vdekjen e dijetarëve të fesë, derisa të mos mbetet asnjë dijetar. Njerëzit do të marrin për prijës të tyre njerëz të paditur të cilët, kur të pyeten prej njerëzve, do të gjykojnë me padije. Kësisoj pra,ata vetë do të ecin në rrugë të gabuar dhe do të humbin edhe njerëzit në rrugë të gabuar." [Buhariu]

Kuran (El-Araf, 26)
O bijtë e Ademit, Ne krijuam për ju petk që ju mbulon vendturpësinë dhe petk zbukurues. Po petku i devotshmërisë, ai është më i miri. Këto janë argumentet e All-llahut, ashtu që ata të përkujtojnë.

يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا ۖ وَلِبَاسُ التَّقْوَىٰ ذَٰلِكَ خَيْرٌ ۚ ذَٰلِكَ مِنْ آيَاتِ اللَّهِ لَعَلَّهُمْ يَذَّكَّرُونَ

Kuran (Al-Bayyinah )
Shpërblimi për ta te Zoti i tyre janë: vendet ne Xhennete nëpër të cilët burojnë lumenj, e aty janë përgjithmonë, pakëputur. All-llahu është i kënaqur ndaj tyre, e edhe ata të kënaqur prej Tij. E ky është për atë, që i ka pasur frikën Zotit të vet.

جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ۖ رَّضِيَ اللَّهُ عَنْهُمْ وَرَضُوا عَنْهُ ۚ ذَٰلِكَ لِمَنْ خَشِيَ رَبَّهُ

Mos kini zili ...
Abdullah Ibn Mesudi r.a. tregon se Pejgamberi a.s. ka thënë: Mos kini zili (dëshirë për të qenë si dikush tjetër), përveçse ndaj dy personave: një njeriu, të cilit Allahu i ka dhuruar pasuri dhe ai e shpenzon atë në të drejtën e të vërtetën; dhe një njeriu, të cilit Allahu i ka dhuruar urtësi e mençuri në fe, të cilën ai e zbaton gjithnjë dhe ua mëson atë edhe të tjerëve. [Buhariu]

Kuran (Ta-Ha,109)
Atë ditë nuk bën dobi as ndërmjetësimi, përveç atij, të cilin e ka lejuar i Gjithmëshirshmi të ndërmjetësojë dhe për të cilin e pëlqeu ndërmjetësimin.

يَوْمَئِذٍ لَّا تَنفَعُ الشَّفَاعَةُ إِلَّا مَنْ أَذِنَ لَهُ الرَّحْمَٰنُ وَرَضِيَ لَهُ قَوْلًا

Kuran (El-Bekare, 262)
Ata që për hir të All-llahut e j*pin pasurinë e tyre, e pastaj atë që e dhanë nuk e përcjellin me të përmendur e me mburrje, ata e kanë shpërblimin e vet të Zoti i tyre, për ta nuk ka frikë, ata as që do të brengosen.

الَّذِينَ يُنفِقُونَ أَمْوَالَهُمْ فِي سَبِيلِ اللَّهِ ثُمَّ لَا يُتْبِعُونَ مَا أَنفَقُوا مَنًّا وَلَا أَذًى ۙ لَّهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ

Kuran (An-Nahl-49)
Vetëm All-llahut i bën sexhde çdo gjallesë që është në qiej e që është në tokë, e edhe engjëjt, ata nuk bëjnë kryelartësi.

وَلِلَّهِ يَسْجُدُ مَا فِي السَّمَاوَاتِ وَمَا فِي الْأَرْضِ مِن دَابَّةٍ وَالْمَلَائِكَةُ وَهُمْ لَا يَسْتَكْبِرُونَ

"Numër i ditëve"
O biri i Ademit! Ju jeni asgjë, vetëm numër i ditëve, kur çdo ditë kalon, atëherë një pjesë prej jush ka shkuar. [Hasan al-Bastri]

Kërkoj mbrojtjen ...
Ibn Abbasi r.a. tregon se Pejgamberi a.s. gjithnjë thoshte: Kërkoj mbrojtjen e Fuqisë Sate, Ti që je i vetmi Zot i adhuruar me të drejtë e që nuk vdes kurrë, ndërsa xhindet dhë njerëzit vdesin! [Buhariu]

Kuran (El-Araf-204)
Kur lexohet Kur’ani, ju dëgjoni atë (me vëmendje) dhe heshtni, në mënyrë që të fitoni mëshirë.

وَإِذَا قُرِئَ الْقُرْآنُ فَاسْتَمِعُوا لَهُ وَأَنصِتُوا لَعَلَّكُمْ تُرْحَمُونَ.