https://www.facebook.com/118966864635659/

Rambò

ရေကြီး၊ ဆက်သွယ်ရေးပြတ်နေသော ပဲခူး အကူအညီလိုအပ်နေ
------------
မိုးအဆက်မပြတ်ရွာသွန်းခြင်းကြောင့် ဆိုးဆိုးရွားရွား ရေကြီးနေသော ပဲခူးမြို့ပေါ်တွင် ကူညီကယ်ဆယ်ရေးအပြင် အစားအသောက်၊ သောက်သုံးရေနှင့် ဆေးဝါးများ လိုအပ်နေသည်။

မြို့တွင်းလမ်းမများ ရေဖုံးလွှမ်းနေသောကြောင့် လှေကိုသာ အသုံးပြုနေရသည်ဟု သိရသည်။

မြို့ပေါ်ရှိ ကူညီကယ်ဆယ်ရေးလုပ်သားများ အပါအဝင် ဒေသခံ အယောက် ၃၀ အထိကို Myanmar Now က မေးမြန်းရန် ကြိုးစားခဲ့သော်လည်း အများစုကို ဆက်သွယ်နိုင်ခြင်း မရရှိခဲ့ပေ။

အကူအညီလိုအပ်ကြောင်း အွန်လိုင်းတွင် ရေးသားသူတစ်ဦးထံသို့ ကယ်ဆယ်ရေးသမားများ ရောက်ရှိသွားသည်ဟု သိရသည်။

သတင်းအပြည့်အစုံဖတ်ရန် >>> https://myanmar-now.org/mm/news/43133/

ပုံစာ − ပဲခူးမြို့ပေါ်၌ ရေကြီးနစ်မြုပ်နေသော နေရာအချို့ကို ယနေ့ (အောက်တိုဘာ ၉) နံနက်ပိုင်းက တွေ့မြင်ရစဉ် (ဓာတ်ပုံ − ပေးပို့)

#ပဲခူး #ရေကြီး

06/10/2023

မဂ်လာညချမ်းလေးပါ🤗🤗

06/10/2023

သင့်ကို လျို့ဝှက်ချက်ပြောပြရဲတဲ့လူဆိုတာ
သင့်ကို လုံးဝယုံကြည်လို့ဖြစ်တယ်။
ဘယ်တော့မှ မပေါက်ကြားပါစေနှင့်။

သင့်ကို အားနည်းချက် ပြရဲတဲလူဆိုတာ
သင့်ကို အလွန်ခင်မင်လို့ဖြစ်တယ်။
ဘယ်တော့မှ သွားမထိခိုက်မိပါစေနှင့်။

သင့်ကို ပိုက်ဆံချေးရဲတဲ့လူဆိုတာ
သင့်ကို လုံးဝ စိတ်ချတဲ့လူ ဖြစ်တယ်။
ဘယ်တော့မှ သူ့အကြွေး မဆုံးရှုံးပါစေနှင့်။

လူတစ်ဦးကို ယုံကြည်ဖို့
အလွန်ခက်ခဲပါတယ်။
နေ့တွေလတွေ အချိန်တွေ
အများကြီး ပေးရပါတယ်။
ယုံကြည်မှု ပျက်အောင်
လုပ်ရတာ အလွန်လွယ်ကူပါတယ်။
တစ်ခါ ကတိပျက်ရုံ တင်
လုံလောက်ပါတယ်။

ယုံကြည်မှုဆိုတာ
ကောင်းကောင်းထိန်းသိမ်းနိုင်ရင်
မင်္ဂလာတစ်ရပ်ပါ။
တစ်ဘက်က အပြည့်အ၀ယုံတယ်။
အခြားတစ်ဘက်က
လုံးဝသံသယကင်းတယ်။
ယုံကြည်မှုကို
ယုံကြည်မှုခြင်း တုန့်ပြန်တယ်။
စိတ်ကို စိတ်ချင်း ပေါင်းကြတယ်။

အိမ်ထောင်ရေးမှာဖြစ်ဖြစ်
သူငယ်ချင်းကြားမှာဖြစ်ဖြစ်
လုပ်ဖေါ်ကိုင်ဘက် ကြားမှာဖြစ်ဖြစ်
ယုံကြည်မှု တည်ဆောက်နိုင်ခဲ့ရင်
ဟိုကောင်းကျိုး၊ ဒီကောင်းကျိုး
ခဏဘေးဖယ်ထား
အနည်းဆုံးတော့၊ ဘ၀မှာ
အနစ်သာရ ပိုရှိပါတယ်။

ဒါကြောင့်မို့လို့
သင့်ကို ချစ်ခင်တဲ့လူတွေကို
ရင်မကွဲမိပါစေနှင့်။
သင့်ကို ယုံကြည်တဲ့လူ
နောင်တ မရမိပါစေနှင့်။

လူလူချင်းဆိုတာ
ရှေ့ မှာ သဘောမတူကြလို့
ရန်ဖြစ်လို့ရပါတယ်။
ကွယ်ရာမှာ ဓါးနဲ့ခိုးမထိုးဖို့ လိုတယ်။
ရှေ့ မှာ အချေအတင်ငြင်းခုန်လို့ ရပါတယ်။
ကွယ်ရာမှာ အတင်းမတုတ်ဖို့ လိုပါတယ်။

ယုံကြည်မှုကို လက်နက်အဖြစ်
အသုံးမပြုသင့်သလို
အလွှဲသုံးစားပြုတာမျိုးလည်း
လုံးဝရှောင်ကျဉ်ရပါမယ်။
အကျိုးအမြတ်ကို
ယုံကြည်မှုနဲ့ပေးဆပ်ရမယ်ဆိုရင်
ဘ၀တစ်သက်တာ
စိတ်ချမ်းသာမှု အတွက်
ရဲရဲသာ လွတ်ချလိုက်ပါ။

အနှစ်ချုပ်အနေနဲ့ ပြောရရင်...
လူဆိုတာ၊ သူများကိုယ့်ကို
ယုံတာ မယုံတာ ခဏထားပါ။
ယုံကြည်ထိုက်တဲ့လူတစ်ယောက်
ဖြစ်အောင်တော့
အစဉ်ကြိုးစားနေဖို့လိုပါတယ်။
လူ့ဘ၀ ပိုမို အနှစ်သာရ ရှိစေဖို့ပါ။
__________________________________
𝙒𝙧𝙞𝙩𝙚𝙧
✍✍✍✍✍✍✍✍✍
မေတ္တာဖြင့်တဆင့်
ပြန်လည်မျှဝေပေးပါသည်
လေးစားစွာ𝐂𝐫𝐞𝐝𝐢𝐭ပေးပါသည်"
လူငယ်များအတွက်
စိတ်ခွန်အားဖြစ်စေမည့်
#ဘာသာရေး #လူငယ်များအတွက့်စာကြည့်တိုက့် #မူရင်ရေးသားသူအားလေးစားလျှက်

04/10/2023

ကိုမှာကြည့်ပြီး..ပြုံးသွားရတယ်😍😍😊😊..

04/10/2023

လူရယ်လို့ ဖြစ်လာရင်…..
သင့်ကို အားကျတဲ့လူ ရှိသလို၊ အမြင်ကပ်တဲ့လူလည်းရှိမယ်။
သင့်ကိုမနာလိုတဲ့ လူရှိသလို၊ အထင်သေးတဲ့လူလည်းရှိမယ်။
ဒါ ဖြစ်လေ့ဖြစ်ထ သဘာ၀ပါ။
သင်ဘယ်လောက်ပဲ ကောင်းအောင်လုပ်လုပ်
သင်ဘယ်လောက်ပဲ အနှစ်နာခံခံ
ဘယ်လောက်ပဲ ကြိုးစား ကြိုးစား..
လူတိုင်းကို ကျေနပ်အောင်တော့ သင်မစွမ်းဆောင်နိုင်ပါဘူး၊
ဒါကြောင့်မို့လို့၊ သူများအကြိုက်ကိုဆောင်ဖို့…
သင့်ရဲ့ပင်ကိုယ်တန်ဖိုးကို အထိခိုက်မခံပါနဲ့။
သင့်ခံယူချက်အပေါ် သင်ကာကွယ်သင့်ပါတယ်။
————————–———–
သိထားဖို့က…
သူများပါးစပ်ဖျားပေါ်က ”သင်” ဟာ…
ကောင်းသည်ဖြစ်စေ၊ မကောင်းသည်ဖြစ်စေ
သင်အစစ်အမှန် မဟုတ်ပါဘူး။
————————–———
လူဆိုတာ…….
မျက်စိချင်းတူသော်ငြားလည်း၊ အမြင်ချင်း မတူပါဘူး၊
နားပေါက်ချင်းတူသော်ငြားလည်း၊ ကြားပုံချင်းမတူပါဘူး၊
ပါးစပ်ချင်းတူသော်ငြားလည်း၊ ပြောဆိုပုံချင်း မတူပါဘူး၊
ဦးနောက်ချင်းတူသော်ငြားလည်း၊ အယူအဆချင်းမတူနိုင်ပါဘူး၊
လူချုင်းတူသော်ငြားလည်း၊ အသက်ရှင်နေထိုင်ပုံချင်း မတူပါဘူး၊
————————–———
ဒီအတွက်ကြောင့်….
သင်ဘယ်လောက်ပဲ ထူးချွန်ထူးချွန်၊ နားလည်တဲ့လူနဲ့ တွေ့ဦးမှ…
သင်ဘယ်လောက်ပဲ ပေးဆပ်ပေးဆပ်၊ ကျေးဇူးတင်တတ်တဲ့လူနဲ့ တိုးဦးမှ..
သင်ဘယ်လောက်ပဲ ရိုးသားရိုးသား၊ သံသယ နည်းတဲ့လူနဲ့ ဆုံဦးမှ..
သင်ဘယ်လောက်ပဲ နှိမ့်ချ နှိမ့်ချ၊ တန်ဖိုးထားတတ်တဲ့လူနဲ့ ကြုံဦးမှ…
————————–———–
နောက်ဆုံးတော့…
သိတာလည်း အားလုံးမပြောနဲ့…
မြင်တာလည်း အားလုံးမယုံနဲ့….
သင်ဘယ်သူ့ကို ဘယ်လောက်ချစ်တယ်ခင်တယ်ပဲ ဆိုဆို
ကိုယ့်အတွက် အသက်ရှင်ဖို့ လည်းမမေ့ပါနဲ့……….။

#လူငယ်များအတွက့်စာကြည့်တိုက့် #တိုးတက်စေချင်တယ် #မူရင်ရေးသားသူအားလေးစားလျှက်

02/10/2023

#ရာထူး

လုပ်ငန်းခွင်က
ရာထူးဆိုတာ ခဏတာ status တစ်ခုပါ.....
ဒီအလုပ်က ထွက်သွားတဲ့အခါ....
သူဘာရာထူးနဲ့လုပ်ခဲ့လဲဆိုတာထက်.........

အလုပ်လုပ်တဲ့ကာလမှာ.......

#လူတွေအပေါ်ဘယ်လိုဆက်ဆံခဲ့လဲ?

#ဘယ်လိုရည်ရွယ်ချက်နဲ့ဘာတွေလုပ်ခဲ့လဲ?

ဆိုတာက
သူနဲ့အတူ ကပ်ပါသွားတာပါဘဲ။

တချို့လည်း လုပ်ငန်းခွင်မှာ
အာဏာပါဝါတွေပြကြ၊
လုပ်ပိုင်ခွင့်ကို တလွဲအသုံးချရင်း
လူတွေရဲ့အတုအယောင် လေးစားပြမှု/ကြောက်ရွံ့မှုတွေနဲ့ ကိုယ့်စိတ်မလုံခြုံမှုတွေ ဖုံးကွယ်ကြတယ်။

တချို့လည်း
တာဝန်ကို ကျေပွန်အောင် ထမ်းဆောင်ပြီး
လူပီပီသသနေထိုင်ရင်း
ကိုယ့်ရဲ့ပုံရိပ်ကောင်းကို
တည်ဆောက်သွားကြတယ်။

တချို့လည်း
လုပ်ငန်းခွင်ကို ဘဝထင်ပြီး
သူများဆီက ဦးနှောက်ဖောက်စား
အနိုင်ကျင့်ဗိုလ်ကျလိုက်ရတာကို
သာယာတတ်ကြတယ်။

နောင်တစ်ချိန်ပြန်တွေ့ကြတဲ့အခါ
တစ်နေရာမှာ
နာမည်ကြားလိုက်လို့
သူ့အကြောင်းပြောတဲ့အခါ
ဘယ်လိုလူဆိုတာကိုဘဲ
အဓိကထားပြောကြတာပါ။

ကံတွေ၊ ဝဋ်တွေ၊ နောက်ဘဝတွေ အသာထားလိုက်အုံး....
ဒီလောက ကျဉ်းကျဉ်းလေးထဲမှာ
တစ်နေရာမဟုတ် တစ်နေရာ
တစ်ယောက်မဟုတ် တစ်ယောက်နဲ့ဆက်စပ်နေကြတော့
ကိုယ်လုပ်ခဲ့တဲ့လုပ်ရပ်က
ကိုယ့်နောက်က အရိပ်လို
ကပ်ပါလာနေတာပါဘဲ။

သင်ခန်းစာယူစရာက
ကိုယ့်နောက်လိုက်တာ
ကိုယ့်ရာထူးမဟုတ်ဘဲ
ကိုယ့်စိတ်ဓါတ်နဲ့လုပ်ရပ်ဘဲဆိုတာ
သိစေချင်လို့ပါ။

crd***original post
# #လူငယ်များအတွက့်စာကြည့်တိုက့် #တိုးတက်စေချင်တယ်