Shuang Feng

သဘာဝပေါင်းသတ်ဆေးပြုလုပ်နည်း

ပါဝင်ပစ္စည်းများ
-------
၁။ ဆား
၂။ရှာလကာရည်
၃။ပုလဲ(နိုက်တြိုဂျင်ဓာတ်မြေဩဇာ)

ပြုလုပ်ပုံ
-----
ဆား* ၆၀ကျပ်သား၊ပုလဲ* ၆၀ကျပ်သား၊ရှာလကာရည်*နို့ဆီဗူးတစ်ဗူး၊ ရေ၁၀လီတာတို့ကိုသမအောင်မွှေပေးပါ၊ပြီးလျှင်တစ်ညအိပ်ထားပါ။
အဖုံးကိုလေလုံအောင်ပိတ်ပါ၊

အသုံးပြုပုံ
------
ဆေးရည်နို့ဆီဗူးတဝက်ကိုဆပ်ပြာရည်၂ဇွန်း၊ရေလီတာ၂၀နဲ့ရောပြီးဖြန်းပေးပါ၊ဆပ်ပြာရည်ကစွဲကပ်အောင်ဖြစ်ပါတယ်။

ပေါင်းပင်ထူလျှင်ပထမအကြိမ်ဖြန်းပြီးအပင်များငြှိုးသွားချိန်နောက်တကြိမ်ပေါင်းပင်အောက်ခြေကိုထိအောင်ဖြန်းပေးပါ၊ဆားနဲ့ရှာလကာရည်ကပေါင်းပင်တွေကိုသေစေပြီးပုလဲကတော့သေသွားတဲ့ပေါင်းပင်တွေကိုမြေဩဇာပြန်ဖြစ်အောင်ပါ။
(သတိပြုရမှာကကိုယ်စိုက်ပျိုးထားတဲ့အပင်တွေကိုမထိပါစေနဲ့၊လောင်တတ်ပါသည်။)
အကောင်းဆုံးကမြေပြင်ချိန်မှာပေါင်းထူလျှင်အသုံးပြုတာပိုကောင်းပါတယ်။

ဩဂဲနစ်တောင်သူများသိလိုတဲ့သဘာဝမြက်သတ်ဆေး၊သဘာဝပေါင်းသတ်ဆေးအကြောင်းကိုပြန်လည်မျှဝေပေးလိုက်ပါတယ်။(မှတ်ချက်ပေါင်းပင်ထူလျှင်ဆေးပိုထည့်နိုင်ပါသည်။
Crd
မူရင်းဆရာဦးဝင်းမြင့်(IQ) ၊
ဒေါ်စန်းစန်းညီအောင်

#စိုက်ပျိုးရေးသုံးရေပိုက်နှင့်ပိုက်ဆက်ပစ္စည်းမျိုးစုံကိုShuangFengမှာဝယ်လို့ရပါတယ်နော်

တချို့ပစ္စည်းလေးတွေ စျေးနှုန်း
အပြောင်းအလဲရှိပါမယ်

အသေးစိတ်ကို Page Messenger မှာ မေးမြန်းနိုင်သလို
Viberနံပါတ် 09-962649091နှင့်
09-785873157 တို့မှာလည်း မေးမြန်းနိုင်ပါတယ်ခင်ဗျာ
စုံစမ်းမေးမြန်းနိုင်ပါတယ်ခင်ဗျာ

ဆိုင်ကလုန်း မိုခါ တစ်နာရီလျှင် မိုင် ၁၆၀ နှုန်းဖြင့် တိုက်ခတ်နိုင်ကြောင်း သဘာဝဘေးစောင့်ကြည့်မှုအဖွဲ့ (GDACS) ထပ်တိုးခန့်မှန်း၊ လူပေါင်း သန်းနှင့်ချီ ထိခိုက်နိုင်
----------------------------
ရခိုင်ကမ်းရိုးတန်းမှတစ်ဆင့် မကွေးတိုင်း၊ စစ်ကိုင်းတိုင်း၊ ချင်းပြည်နယ်တို့သို့ နာရီပိုင်းအတွင်း ဝင်ရောက်လာတော့မည့် ဆိုင်ကလုန်းမိုခါ၏ လေတိုက်နှုန်းသည် တစ်နာရီမိုင် ၁၆၀ နှုန်း ရှိနိုင်ကြောင်း ကမ္ဘာလုံးဆိုင်ရာ သဘာဝဘေးစောင့်ကြည့်မှုအဖွဲ့ (GDACS) ထပ်တိုးခန့်မှန်းချက်ကို ယနေ့ နံနက်ပိုင်းတွင် ထုတ်ပြန်ထားသည်။

GDACS ၏ ခန့်မှန်းချက်အရ ရခိုင်ပြည်နယ်နှင့် စစ်ကိုင်းတိုင်းဒေသခံ ၁ သန်းစီ၊ ချင်းပြည်နယ်နှင့် မကွေးတိုင်းတို့မှ ဒေသခံ ၂၄၀,၀၀၀ စီတို့ ထိခိုက်နိုင်ကြောင်း ဆိုသည်။

မုန်တိုင်းသည် မြန်မာစံတော်ချိန် မွန်းလွဲ ၁၂ နာရီ ၃၀ တွင် ရခိုင်ကမ်းရိုးတန်းကို စတင်ဝင်ရောက်မည်ဖြစ်သည်။ ထိုမှတစ်ဆင့် စစ်ကိုင်း၊ မန္တလေး၊ မကွေး၊ ဧရာဝတီနှင့် ချင်းပြည်နယ်သို့ ရောက်ရှိကာ အမြင့်ဆုံးလေတိုက်နှုန်းမှာ တစ်နာရီလျှင် မိုင်(၇၀) မှ မိုင်(၉၀) ခန့်အထိ ရှိနိုင်ကြောင်း မိုးလေဝသနှင့် ဇလဗေဒဦးစီးဌာနက ခန့်မှန်းထားသည်။

မုန်တိုင်းဖြတ်ကျော်စဉ် မုန်တိုင်းဒီရေသည် ရခိုင်ပြည်နယ်၊ စစ်တွေခရိုင်၊ ကျောက်ဖြူခရိုင်နှင့် မောင်တောခရိုင်တို့ရှိ မြစ်ဝ၊ မြစ်လက်တက်များအတွင်း (၁၆) ပေမှ ပေ(၂၀) ခန့်အထိ မြင့်တက်လာနိုင်သည်ဟုလည်း မိုးဇလက ခန့်မှန်းသည်။

မုန်တိုင်းကြောင့် လေကြောင်းပျံသန်းမှုအားလုံး ပိတ်ပင်ထားပြီး ကမ်းနီးကမ်းဝေး ငါးဖမ်းရေယာဉ်များ၊ သင်္ဘောများအနေဖြင့်လည်း မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်သို့ လုံးဝ (လုံးဝ) မထွက်ရန် မိုးဇလက တိုက်တွန်းထားသည်။

ထို့ပြင် မုန်တိုင်းဒီရေ မြင့်တက်ခြင်း၊ လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက်ရေကြီးခြင်းနှင့် မြေပြိုခြင်းတို့ ဖြစ်ပေါ်နိုင်သည်ဟုလည်း သတိပေးထားသည်။

(ပုံစာ GDACက ထုတ်ပြန်ထားသည် မုန်တိုင်းဝင်ရောက်မည့် လမ်းကြောင်းနှင့် လေတိုက်နှုန်းပြမြေပုံ)

မုန်တိုင်းနှင့် ပတ်သက်သည့် နောက်ဆုံးရသတင်းများကို Myanmar Now ဝက်ဆိုက် ထုတ်လွှင့်ချက်များကို ဤနေရာတွင် ဖတ်နိုင်ပါသည်
- https://myanmar-now.org/mm/news/36306/

မုန်တိုင်းမဝင်မီ မုန်တိုင်းအန္တရာယ် ကြိုတင်ပြင်ဆင်ရန် အချက်များ(ရခိုင်ဘာသာစကား) ဖြင့် ဖော်ပြချက်ကို ဤနေရာတွင် ကြည့်နိုင်ပါသည် − https://bit.ly/3I8jlLr

မုန်တိုင်းဖြစ်ပေါ်နေချိန်နှင့် ဖြစ်ပြီးနောက်တွင် ရှောင်ရန် ဆောင်ရန် အချက်များကို ဤနေရာတွင် ကြည့်နိုင်ပါသည် − https://bit.ly/3M3vti1

#မိုခါ #မုန်တိုင်း #ရခိုင်ကမ်းရိုးတန်း

to Myanmar Now

Category 5 အဆင့်ဆိုတာ အမြင့်ဆုံးအဆင့်ပါ

ကျေးဇူးရှင်တောင်သူဦးကြီးများ အထူးသတိပြုနေထိုင်ကြပြီး ဘေးအန္တရာယ်ကင်းစွာဖြင့် ကျော်လွှားနိုင်ကြပါစေ ခင်ဗျာ

၂၀၂၃ ခုနှစ် မတ်လ ၂ ရက်နေ့တွင် ကျရောက်သော
တောင်သူလယ်သမားနေ့အား
Shuang Feng Myanmarမှ ကြိုဆိုဂုဏ်ပြုလိုက်ပါတယ် ခင်ဗျာ

တောင်သူဦးကြီးများ ကျန်းမာချမ်းသာစွာနဲ့
ဘေးဘယာကင်းဝေးကြပါစေ
သီးနှံများအထွက်တိုးကာ စီးပွားလာဘ်လာဘများ
အစဥ်ထာဝရ တိုးတက်ကြပါစေ ခင်ဗျာ

#တောင်သူလယ်သမားနေ့

မင်္ဂလာပါခင်ဗျာ 🙏
German နည်းပညာသုံး
PVC Pipeများနှင့် မိတ်ဆက်ပေးပါရစေခင်ဗျာ
စက်ရုံတိုက်ရိုက်ပါခင်ဗျ

ပိုက်ဆက်များအနေဖြင့်
Socket = 1/2",1",3/4",1",11/2",2",3",4",6"

90 Elbow = 1/2",3/4",1",11/4",11/2",2",3",4",6"

3ဖက်Tee = 1/2",3/4",1",11/2",2",3",4"

Valve Socket = 1/2",3/4",1",11/4",11/2",2",3",4"

Reducing Tee=1"3/4",11/2"1",2"1", 2" 11/2", 3"2",4"2",4"3",6"4"

45 Reducing Y = 3"×2",4"×2",4"×3"

90 Double TY = 4"

Cap Plug = 3/4",1",2", 3",4",6"

Saddle = 1/2",3/4",1",11/4",11/2",2"

Faucet = 1/2",3/4",1",11/2",2",3",4"

Reducing Socket = 1"3/4",11/2"1",11/2"1/4"
2"1",2"1",2"11/4",3"2",4"

45Elbow = 1/2",3/4",1",11/4",11/2",2",3",4"

Reducing Elbow = 1/2"3/4",1"3/4"

Faucet Elbow = 1/2",3/4",1"

Faucet Tee = 3/4"

Increaser = 2"11/2",3"2",4"2",4"3",6"4"

စသော အမျိုးအစားများအား အရည်အသွေးပြည့်မှီ
စျေးနှုန်းချိုသာစွာနဲ့ ရပါမည် ခင်ဗျာ

ပိုက်ရှည်များကိုတော့
1/2"
3/4"
1"
11/4"
11/2"
2"
2" ခွဲ
3"
4"
4"ခွဲ
5''
6''
8''
10"
12"
14" စသောပိုက်များကို

Class 5
Class 8.5
Class 13.5 ဆိုပြီး
အရှည် 5.8m ဖြင့်ရရှိပါမယ်

ထို့ပြင် Rain Gutterများကို
4'',5''
Class 13.5ဖြင့် အရှည် 5.8m ဖြင့်ရရှိပါမယ် ခင်ဗျ

စျေးနှုန်းသိလိုသည်ဖြစ်စေ
စုံစမ်းမေးမြန်းလိုသည်ဖြစ်စေ
Viber နံပါတ် 09-962649091ကိုသော်လည်းကောင်း Chat boxမှာသော်လည်းကောင်း ဆက်သွယ်မေးမြန်းနိုင်သလို
ဖုန်းနံပါတ် 09-962649091/09-785873157တို့သို့လည်း ဆက်သွယ်မှာယူနိုင်ပါတယ်ခင်ဗျာ

အားလုံးပဲ မင်္ဂလာရှိသော နေ့ရက်လေး ပိုင်ဆိုင်နိုင်ကြပါစေခင်ဗျာ

စက်ရုံတိုက်ရိုက်ဖြစ်သဖြင့် ပိုက်ဆက်များကို သတ်မှတ်အရေအတွက်ဖြင့်သာ ရောင်းချပါသည်

#စက်ရုံတိုက်ရိုက်ထုတ်ကုန်

စိုက်ခင်းမှာပဲသုံးသုံး မြက်ခင်းတွေမှာပဲ ဖြန်းဖြန်း
အရမ်းကို အဆင်ပြေတဲ့ ပစ္စည်းလေးပါ
စျေးနှုန်းလေးကလည်း တန်မှတန်နော်

ဆက်သွယ်မှာယူလိုပါက
Page Chat Boxမှာဖြစ်စေ
Viberနံပါတ် 09-962649091သို့ဖြစ်စေ
ဆက်သွယ်စုံးစမ်းမေးမြန်းနိုင်သလို

Ph - 09962649091 ကိုသော်လည်းကောင်း
Ph - 09785873157 သို့သော်လည်းကောင်း
ဆက်သွယ်မှာယူနိုင်ပါတယ် ခင်ဗျ

မင်္ဂလာရှိသောနေ့ရက်လေးကို ကိုယ်စီကိုယ်ငှ ပိုင်ဆိုင်နိုင်ကြပါစေခင်ဗျာ 🙏🙏🙏

Rangasthalam ထဲက မင်းသား Ram Charanသုံးတဲ့ ပိုက်အမျိုးအစားပါ
Chitti Babuကတော့ ဝယ်တဲ့နေရာ ညွှန်းလိုက်ပြီနော်
မိတ်ဆွေတို့ အနေနဲ့ ဆက်သွယ်မှာယူလိုပါက

ဖုန်း - 09962649091
ဖုန်း - 09785873157သို့ ဆက်သွယ်စုံစမ်းမေးမြန်းနိုင်သလို

Viberနံပါတ် 09 - 962649091
Viberနံပါတ် 09 - 785873157သို့လည်းကောင်း
Page Messengerမှာသော်လည်းကောင်း

အသေးစိတ် ဆက်သွယ်စုံစမ်းမေးမြန်းနိုင်ပါတယ်ခင်ဗျာ

''ထန်းပင်များကို တန်ဖိုးထားပါ မိတ်ဆွေ
ခုတ်လှဲလိုက်ရတာ လွယ်ပေမယ့်
ပေးဆပ်ရတာ အရမ်းများပါတယ်
ပရိဘောဂလုပ်တဲ့နေရာမှာ အလွန်လှတာကြောင့်လည်း ထန်းပင်တွေကို လွယ်လင့်တကူရောင်းချနေကြပါတယ် ကိုယ့်အပင်ပဲ ကိုယ့်ဘာသာရောင်းတာ ဘာဖြစ်လဲဆိုပေမယ့် တစ်ချိန်မှာ အဲ့ဒီဒဏ်ကို ပြန်လည်ခံစားရမှာ နောက်မျိုးဆက်နဲ့ သဘာဝတရားကြီးပါ"

မဖြစ်မနေ ခုတ်ထွင်ရှင်းလင်းရလျှင်တောင်
ပြန်လည်စိုက်ပျိုးပေးကြဖို့ လိုပါတယ်
ပိုပိုပူအိုက်လာတဲ့ ကမ္ဘာကြီးအတွက်
ကျွန်တော်တို့ဆီက တတ်နိုင်တဲ့လုပ်ဆောင်ချက်လေးတွေနဲ့ ပြန်လည်ကုစားပေးကြရအောင်ပါ




စိုက်ပျိုးရေးသုံးရေပိုက်ပျော့၊ပိုက်ဆက်ပစ္စည်း၊ပလတ်စတစ်ဘောင်အုပ်လိပ်နှင့် အခြားဆက်စပ်ပစ္စည်းများကို ဆက်သွယ်မှာယူလိုပါက
Page Messengerမှာသော်လည်းကောင်း
Viberနံပါတ် 09-962649091ကိုသော်လည်းကောင်း
အသေးစိတ်မေးမြန်းနိုင်သလို
📲 09 - 962649091
📲 09 - 785873157သို့လည်း ဆက်သွယ်မှာယူနိုင်ပါတယ်ခင်ဗျာ

***အောက်မြန်မာပြည် ကွမ်းရွက်စိုက်ပျိုးနည်း***

အောက်မြန်မာပြည်ဟု ဆိုသည့်အတိုင်း ပဲခူးတိုင်းမှစ၍အောက်ပိုင်းဒေသများကို ကိုယ်စားပြုပါသည်။ အနည်းအကျဉ်း ကွာခြားချက်များ ရှိသော်လည်း ယေဘူယျအားဖြင့် ကွာခြားမှုသိပ်မရှိလှပါ။

မြေပြုပြင်ခြင်း

ကွမ်းခြံအကျယ် စိုက်သူများအနေဖြင့် ကွမ်းခြံတည်မည့်နေရာကို နွားထယ်ထိုး၍ ထွန်တစ်စပ် ဝင်ကာမြေပြင်ကြသည်။ ထို့နောက် အမြင့် (၄) လက်မ ဗျက်အကျယ် (၂) ပေ ရှိ ဘောင်ရှည်များ ပြုလုပ်ကြသည်။ ဘောင်တစ်ဘောင်နှင့် တစ်ဘောင် (၃) ပေခြားသည်။ ဒေသအလိုက် အနည်းငယ် ကွာခြားသည်။

ကွမ်းခြံ အကျဉ်း စိုက်သူများ ကွမ်းတိုင် (၅၀၀) စိုက်မည့် သူများအနေဖြင့် (၃၀ x ၄၀) ပေ အရွယ် မြေကွက်သာ လိုရာနွားဖြင့် မြေမပြင်နိုင်ဘဲ ပေါက်ပြားဖြင့်ပင် ကွမ်းစိုက်ဘောင်များ ပြုလုပ်ကြသည်။ အမြင့် (၄) လက်မ ဘောင် ဗျက်အကျယ် (၃) ပေ နှင့် တစ်ဘောင်နှင့် တစ်ဘောင်ခြား တစ်ပေခွဲခြား ပြုလုပ်ထားသည်။

အချို့ ကွမ်းစိုက်သူများသည် နွားချေးဆွေးပင် မထည့်ချေ။ ဓါတ်မြေသြဇာ အနေဖြင့် တီစူပါမြေသြဇာကိုသာ ထည့်ပေးသည်။ အချို့ စိုက်ပျိုးသူများမှာ နွားချေးလည်း ထည့်သည်။ ယခင်က ယူရီးယား ထည့်သည်။ နောက်ပိုင်း သုံးမျိုးစပ် ကွန်ပေါင်းမြေသြဇာများကို သုံးသည်။ ထုံးမှုန့်၊ ဖိုပြာများကိုလည်း ထည့်လေ့ရှိသည်။ ထည့်ပြီးပါက ပေါက်ပြားဖြင့် ရောမွှေသမပြီး ရေဖျန်းကာ (၄-၅) ရက်ကြာ နှပ်ထားသည်။

ကွမ်းပင်ဆောက်ခြင်း

ကွမ်းစင်ကို (၇) ပေ အမြင့် ဆောက်လေ့ရှိသည်။ ဝါးလုံးများကိုသာ တိုင်အဖြစ် သုံးလေ့ရှိသည်။ အမိုးအကာကို အုန်းလက်၊ မြက်ခြောက်များ အသုံးပြုသည်။ ပေါ့ပေါ့ပါးပါးပုံစံများ ဖြစ်သည်။ အခိုင်အခံ့ဆောက်ခြင်း မရှိချေ။ ကွမ်းစိုက်တိုင်များကိုလည်း ဝါးလုံးကို ခွဲစိတ်၍ ဝါးခြမ်းပြားများကိုသာ သုံးသည်။ အချို့ မျှင်ဝါးလုံးကို မဖြတ်ဘဲ သုံးသည်။ အမိုးကိုမူ ဝါးလုံးများ ထိပ်တွင် ပြုလုပ်ခြင်း မဟုတ်ဘဲ (၇-၈) ပေ အမြင့်တွင်သာ ပြုလုပ်သည်။ သို့ဖြစ်၍ အချို့ခြံများတွင် ကွမ်းခြံပေါ်၌ ဝါးများ ထိုးထိုးထောင်ထောင် မြင်တွေ့ရခြင်း ဖြစ်သည်။

စိုက်ပျိုးခြင်း

အောက်မြန်မာပြည် ကွမ်းစိုက်ခင်းများတွင် မျိုးအဖြစ် ကွမ်းညွန့်များကို အသုံးပြုကြသော်လည်း အညွန့်ဖြတ်ပိုင်းများသာ ဖြစ်သည်။ မြေထုပ်စီး မျိုးညွန့်များ အသုံးပြုမှု နည်းသည်။ မိမိတို့ စိတ်ကြိုက်ခြံမှ ကွမ်းညွန့်များကို တစ်ပေခွဲ ဖြတ်ယူ၍ စိုက်ပျိုးလေ့ရှိသည်။

ကွမ်းစိုက်နည်း နှစ်မျိုး အသုံးပြုသည်ကိုတွေ့ရသည်။ ပထမနည်းမှာ ဘောင်အလျားလိုက် မြောင်း (၂) မြောင်းဖော်သည်။ တစ်မြောင်းနှင့် တစ်မြောင်း တစ်ပေကွာသည်။ မြောင်းအနက် (၃-၄) လက်မ ရှိသည်။ ထို့နောက် မြောင်းတစ်လျှောက် (၁၀-၁၂) လက်မကွာ အမှတ်အသားပြုပြီး ဝါးခြမ်းပြားတိုင်အချို့ ဝါးလုံးများ စိုက်ထူပေးသည်။ ကွမ်းစိုက်ရန် တိုင်များ ဖြစ်သည်။ အချို့ ဝါးခြမ်းပြားတိုင်များ စိုက်ရာတွင် အခြေတွင် တစ်ပေကွာသော်လည်း အပေါ်တွင် တစ်ပေခွဲ ခွာထားသည်။ ဤသို့ပြုလုပ်ခြင်းဖြင့် လမ်းဖက်သို့ အနည်းငယ် ယိုင်နေသည့် ပုံစံမျိုး ဖြစ်သည်။

ထို့နောက် မြောင်းအတွင်း၌ ကွမ်းညွန့်များကို အရင်းပိုင်း အရွက် နှစ်ရွက်ဖြုတ်၍ မြောင်းအတွင်း အလျားလိုက်ချကာ မြေဖုံးပေးသည်။ နှစ်ဆစ်မြုပ်စိုက်သည့်စနစ် ဖြစ်သည်။ ကွမ်းစင်တိုင်များ၏ တစ်ဖက်သတ် အနေအထားဖြင့် ပြုပေးခြင်း ဖြစ်သည်။

ကွမ်းညွန့် အဖျားပိုင်းကို ခပ်ကွေးကွေး အနေအထားဖြင့် ကွမ်းတိုင်တွင် ငှက်ပျောလျှော်၊ သွင်အူတို့ဖြင့် ကွမ်းညွန့်လေးထောင်မတ်နေသည့် ပုံစံဖြင့် ချည်ပေးသည်။

ဒုတိယနည်းမှာ ကွမ်းစိုက်ရန် ပြင်ထားသောဘောင်ပေါ်တွင် ကန့်လန့်ဖြတ် တစ်ပေကြားမြောင်းများ ဆွဲပါသည်။ မြောင်းများထိပ်တွင် တစ်ပေကြား ကွမ်းတိုင်များ စိုက်ပေးပါသည်။ ထို့နောက် ကွမ်းညွန့်များကို တိုင်နှစ်တိုင်ကြားမြောင်းအတွင်း ယှဉ်ချ၍ နှစ်ဆစ်မြုပ်ကာ မြေဖုံးပါသည်။ ကွမ်းညွန့်လေးကို အနေတော်ကွေး၍ တိုင်တွင်ထောင်ကာလျှော်ကြိုးဖြင့် ချည်ပါသည်။ မြောင်းအတွင်း၌ ကွမ်းညွန့်နှစ်ညွန့်၏ အရင်းပိုင်းသည် အတူယှဉ်တွဲလျက် ရှိနေမည် ဖြစ်ပါသည်။

ကွမ်းညွန့်များ စိုက်စနစ် ကွာခြားသော်လည်း ပင်ကြားတန်းကြား အကွာအဝေးမှာ တစ်ပေသာရှိသည်။ အချို့သော ကွမ်းခြံများတွင် ပင်ကြား (၉) လက်မ ထားသည်လည်း ရှိပါသည်။

ပြုစု ဂရုစိုက်ခြင်း

ဓာတ်မြေဩဇာ အနေဖြင့် ဇီဝတီစူပါမှ တစ်ပါး အခြား ဓာတ်မြေဩဇာများ မသုံးသော ကွမ်းခြံများတွင် ထုံးမှုန့်ပင်လျှင် တစ်ခါတစ်ရံမှ သုံးသည်။ ရေကိုရေဖျန်းပုံးဖြင့် ဖျန်းပေးလေ့ရှိသည်။ ရေသွင်းခြင်း မရှိချေ။ မြေတင်ဘောင်လုံး ပြုလုပ်ပေးသည်။ တစ်ခါတစ်ရံ ရောဂါသတ်ဆေးများ ပက်ဖျန်းတတ်သည်။ ဤကဲ့သို့သော ကွမ်းခြံများသည် ကွမ်းခြံသက် (၃-၄) နှစ် ထားလေ့ရှိသည်။

ဓာတ်မြေဩဇာ သုံးသော ခြံများတွင် ယူရီးယား (၁၅) ပတ်လည် ကွန်ပေါင်း ဓာတ်မြေဩဇာ သုံးလေ့ရှိသည်။ မျိုးညွန့်များကို စထရက်တိုမိုက်စင် (Streptomycin) လူထိုးဆေးများကို အရည်ဖျော်၍ ကွမ်းညွန့်များစိမ်၍ စိုက်တတ်သည်။ ရွက်ဖျန်းမြေဩဇာများကိုလည်း ပက်ဖျန်းတတ်သည်။ ရောဂါသတ်ဆေးများကို ပုံမှန်နီးပါး ပက်ဖျန်းပေးသည်။ ရောဂါအကျများသည့် သဘောရှိသည်။ နွေရာသီရောက်သည်နှင့် ကွမ်းခြံကို ဖျက်၍ နောက်နှစ်တွင် စိုက်ရန်တိုင်များတန်းများကို သိမ်းထားပြီး ကွမ်းခြံနေရာကိုကောက်ရိုးဖြန့်၍ မီးရှို့ပစ်လေ့ရှိသည်။ ဤသို့သော ခြံမျိုးသည် ကွမ်းခြံသက် တစ်နှစ်ပင် အထားမခံချေ။ အချိန်တိုတိုနှင့် ကွမ်းရွက်များများ ထုတ်ယူသည့် စနစ်မျိုးဖြစ်သည်။

ကွမ်းစိုက်ဘောင်တွင် သစ်ရွက်များဖြန့် ဖုံးထားသော ဓလေ့ရှိတတ်သည်။ အချို့ကုက္ကိုရွက်ဖြင့် ဖုံးသည်။ အချို့တောဓညင်းရွက်ဖြင့် ဖုံးသည်။

ကျရောက်သောပိုးမွှားရောဂါများ

ပိုးမွှားများ မကျသလောက် ဖြစ်သည်ဟုဆိုသည်။ ဓာတုဗေဒ ပိုးသတ်ဆးများ မသုံးကြချေ။ ဆေးရွက်ကြီး၊ ထုံးမှုန့်တို့ကိုသာ သုံးလေ့ရှိသည်။

ရောဂါအနေဖြင့် ရိုးမဲဆစ်ပြုတ်ရောဂါ၊ ကြက်တူရွေးမျက်စေ့ရောဂါများ ကျတတ်သည်။ ခြံလုံးပြုတ်သည်အထိ ဖြစ်ခဲသည်ဟုဆိုသည်။ နေ့စဉ် စစ်ဆေးမှုများ ပြုလုပ်၍ အရိပ်အရောင်တွေ့ပါက နှုတ်ယူမီးရှို့ ဖျက်ဆီး ပစ်ကြခြင်းကြောင့် ဖြစ်သည်။

အချို့သော ခြံများ မှိုသတ်ဆေး အနည်းငယ် သုံးစွဲကြသည်။

ကွမ်းရွက်ခူးယူခြင်း

ကွမ်းရွက်ခူးယူခြင်းမှာ အထက်မြန်မာပြည်ကဲ့သို့ (၁၅) ရက် တစ်ပတ်လည်း ခူးကြသည်။ ပဥ္စမမြောက်အရွက်ကို ခူးယူကြသည်။ မူလပင်မကြီးမှ အရွက်များကိုလည်း ခူးယူတတ်ကြသည်။

ကွမ်းခွေခြင်း

ခြံသက် တစ်နှစ်သာ ထားသောခြံများသည် ကွမ်းခွေခြင်း လုပ်လေ့လုပ်ထ မရှိချေ။ အချို့သောခြံများနွေရာသီ ကွမ်းခြံဖျက်ချိန်တွင် မဖျက်ဘဲ ရေလောင်းမြေဩဇာကျွေး၍ မျိုးညွန့် ထုတ်လုပ်တတ်ကြသည်။

ခြံသက် (၃-၄) နှစ်ထားသော ခြံများ ကွမ်းခွေခြင်း ပြုလုပ်ကြလေ့ ရှိသော်လည်း ကွမ်းပင်စည်ကို ကွမ်းတိုင်ခြေရင်းတွင်ခွေ၍ ချထားရုံသာ ချထားသည်။ မြေဖုံးခြင်းမရှိပေ။ အပင်ရှည်နေ၍ခွေချ ထားသည့် သဘော ဖြစ်သည််။

Source - Greenwaymyanmar
မူရင်းရေးသားသူ - စိုက်ပျိုးရေးဦးစီးဌာန

လူကြီးမင်းတို့အနေဖြင့်
စိုက်ပျိုးရေးသုံး ရေပိုက်ပျော့၊ရေဘား၊ပလတ်စတစ်ဘောင်အုပ်လိပ်နှင့် ပိုက်ဆက်ပစ္စည်းများကို ဆက်သွယ်မှာယူလိုပါက

Page Messengerမှာသော်လည်းကောင်း
Viber နံပါတ် 09962649091ကိုသော်လည်းကောင်း
အသေးစိတ်မေးမြန်းနိုင်သလို

📲09-962649091
📲09-785873157သို့လည်း ဆက်သွယ်မေးမြန်းနိုင်ပါတယ်ခင်ဗျာ

**အထက်မြန်မာပြည် ကွမ်းစိုက်ပျိုးနည်း**

အထက်မြန်မာပြည်ဟု ခြုံငုံ၍ ဆိုရသော်လည်း အဓိကမှာ မန္တလေးတိုင အလယ်ပိုင်းနှင့် စစ်ကိုင်းတိုင်းအောက်ပိုင်းတို့တွင် စိုက်ပျိုးသော နည်းစနစ် ဖြစ်ပါသည်။ ယင်းဒေသ နှစ်ခုစလုံးသည် အပူချိန် မြင့်၍ မိုးရေချိန် (၄၀- ၆၀) လက်မသာ တစ်နှစ်ပတ်လုံး ရွာသွန်းပါသည်။ သို့ဖြစ်၍ ချောင်းရေ၊ မြောင်းရေ၊ ကန်ရေ၊ လက်တွင်း၊ စက်ရေတွင်းများကို အားကိုး စိုက်ပျိုးကြသည်။ လယ်ရှိစိုက်ပျိုးသော သူများမှာ တစ်ဖက်မှ လယ်လုပ်ရင်း ကွမ်းကိုလည်း ဂရုတစိုက်နှင့် အလေးထား စိုက်ပျိုးကြသည်။ အဓိကမှာ (၁၅) ရက် တစ်ကြိမ် ဝင်ငွေရသော သီးနှံပင်ဖြစ်၍ငွေကြေး မြုပ်နှံ၍ စိုက်ပျိုးကြခြင်း ဖြစ်သည်။

မြေပြုပြင်ခြင်း

ညီညာ ပြန့်ပြူးသော မြေကွက်ကို ကွမ်းစိုက်ရန်အတွက်ရွေးချယ် သတ်မှတ်ကြသည်။ အကွက် အရွယ်အစားကို သတ်မှတ်ရာတွင် အလျားကော အနံပါ (၆) နှင့် စား၍ ပြတ်ရုံတင်မက (၉) နှင့် စားလျှင်ပါ ပြတ်သော ဂဏန်းကို ယူလေ့ ယူထရှိသည်။ (၆) နှင့် စားလျှင် ပြတ်ရသည့် ရည်ရွယ်ချက်မှာ ကွမ်းစင်တိုင်များကိုလေးတောင် (၆ပေ) ထားမည် ဖြစ်သည့် အတွက်ဖြစ်သည်။ (၉) နှင့် စားလျှင် ပြတ်ရသည့် ရည်ရွယ်ချက်မှာ ရိုးရာ မြန်မာ အယူအဆ တစ်ခုကြောင့်ဖြစ်သည်။

ကွမ်း + ရွက်

တနင်္လာ + ရာဟု

ဂြိုလ်သက် ၁၅ + ၁၂ = ၂၇ = ၉

ရိုးရာအယူအဆအရ (၉) ဂဏန်းကို ကြိုက်နှစ်သက်သောကြောင့် ဖြစ်သည်။ ဥပမာ- အလျား (၁၀၈)ပေ၊ အနံ (၅၄) ပေ ခြံအကျယ် သတ်မှတ်ပါက (၆) နှင့် စားလည်း ပြတ်သည်။

ဤအချက်ကိုထောက်ရှုခြင်းဖြင့် မြန်မာလူမျိုးများသည် လုပ်ငန်းတစ်ခုကို အဖက်ဖက်မှစေ့စေ့စပ်စပ်နှင့် အဓိပ္ပာယ်ရှိရှိ လုပ်တတ်ကြောင်း ထင်ရှားပေသည်။ အယူအဆ တစ်ခုသည် မည်သည့် တစ်ဦးတစ်ယောက်ကိုမျှ မထိခိုက်ပါက လုပ်သင့်သော အလုပ်ဟု လက်ခံယုံကြည်ကြသည်မှာ မြန်မာလူမျိုးများ၏ စရိုက်ဟု ဆိုရမည်ဖြစ်သည်။

ဖော်ပြပါ အလျား (၁၀၈) ပေ၊ အနံ (၅၄) ပေ အကျယ်မြေကွက်ကို နွားထယ်ဖြင့် ထယ်ထိုးခြင်း ထွန်မွှေခြင်းများဖြင့်မြေကို စတင်ပြုပြင်သည့် စိုက်ကွက်မြေသည် သဲလွန်ဆန်မြေဖြစ်ပါက လယ်မြေ သို့မဟုတ် စနယ်မြေများ ထည့်ပေးကြသည်။ ထို့နောက် ယင်းအကျယ်အဝန်းကို မဖေါက် ထုံးတစ်တင်း၊ ဖွဲအိတ် (၃) အိတ်၊ ဆေးရွက်ကြီး အမှုန့်တစ်တင်းခွဲအိတ် (၃) အိတ်၊ နွားချေးတင်း (၆၀) နှင့် တီဆူပါ ဓာတ်မြေသြဇာ (၅၀) ကီလို ဝင် အိတ်ကိုနေရာအနှံ ဖြူးထည့်ပေးပါသည်။

စိုက်ကွက်၏ဘေးပတ်လည် (၅) ပေ ခွာ၍ (၂) ပေ အကျယ် (၂)ပေ အနက်ရေမြောင်း ပတ်ပတ်လည် တူးဖော်ပြီး ရရှိသောမြေစာများကို အကွက် ပတ်လည်တွင် ကန်သင်းပြုလုပ်ခြင်း၊ ပိုသောမြေကို စိုက်ခင်း အတွင်း ဖြန့်ဖြူးခြင်းများ ပြုလုပ်ပါသည်။ ထို့နောက် ထွန်ဖြင့်မွှေ၍ သမစေပြီး တစ်ကွက်လုံးကို ရေသွင်းပေးပါသည်။ ရေသွင်းရင်းအကွက်ကို မျက်နှာပြင် ညီညာစေရန်လည်း ပြုပြင်ပေးသည်။

စိုက်ကွက်ကိုရေသွင်းပြီးနောက် တစ်ပတ်ခန့် နှပ်ထားပါသည်။ ရေအစိုဓာတ်ပေါ် မူတည်၍ နှစ်ပတ်သုံးပတ်လည်း ထားတတ်ပါသည်။ အထူးသဖြင့် နွားချေးအဆွေး လိုသေးပါက တစ်ပတ်ခန့် နှပ်ထားပါသည်။ ရေအစိုဓာတ်ပေါ် မူတည်၍ နှစ်ပတ်သုံးပတ်လည်း ထားတတ်ပါသည်။ အထူးသဖြင့် နွားချေးအဆွေး လိုသေးပါက ကြာကြာနှပ်ထားတတ်သည်။

မြေပြုပြင်ခြင်း လုပ်ငန်းကိုမေလလယ်တွင် အပြီးဆောင်ရွက်ကြသည်။

ကွမ်းစင်ဆောက်ခြင်း

မြေပြုပြင်ပြီးသော အကွက်တွင်လေးတောင် (၆) ပေ ပတ်လည်နေရာများ သတ်မှတ်၍ ကျင်းတူးကာမျှောတိုင် အငယ်စားများကို ကွမ်းစင်တိုင်အဖြစ် စိုက်ထူကြသည်။ တိုင်များသည်မြေပေါ် (၁၃) ပေ အမြင့် ရှိသည်။ ထို့နောက် ဝါယားများဖြင့် ထုတ်တန်းသဖွယ် တန်းဖြစ်ကြပြီး ၎င်းအပေါ်မှ ယောက်သဖွယ်တန်းများ ကန့်လန့်တင်၍ အခိုင်အမာချည်သည်။ ကန့်လန့်ဖြတ် ထုတ်တန်း ဝါးပေါ်တွင် တိုင်များကို တစ်ပေခွဲခွာ၍ ဝါးတန်းများ ထပ်တင်ကာ ချည်နှောင်ပေးရသည်။ ယင်းဝါးတန်းများသည် တစ်တန်းနှင့် တစ်တန်း (၃)ပေကွာ ဖြစ်သည်။ ကွမ်းပင် စိုက်တိုင်များ စိုက်သောအခါ မှီတွယ်ရန် ဖြစ်သည်။

ကွမ်းစင်ပေါ်တွင် အရိပ် ရရှိရန်အတွက် အုန်းလက်များ တင်ပေးကြသည်။ အကာအရံအနေဖြင့် ကွမ်းစင်မှ (၃)ပေခွာ၍ တိုင်များ စိုက်ကာ ခြံစည်းရိုးကာ ဝါးကပ်များကို ခိုင်ခိုင်မာမာနှင့် ကာရံကြသည်။ လေပြင်းလေပူမှ ကာကွယ်ရန်နှင့် သူခိုး၊ ခွေး၊ နွားများ မဝင်စေရန် ဖြစ်သည်။

စိုက်ပျိုးခြင်း

“ကွမ်းစိုက်ဝါဆို၊ ကွမ်းခွေပြာသို” ဆိုစကားနှင့် အညီ ကွမ်းပင်များကို ဝါဆိုလ (ဇွန်လ) တွင် စိုက်ပျိုးကြရမည် ဖြစ်သည်။ စိုက်ပျိုးရာတွင် စိုက်နည်းနှစ်နည်းကို အသုံးပြုကြသည်။ မြေဆီ ထက်သန်မှုပေါ် မူတည်၍ စိုက်ပျိုးကြခြင်း ဖြစ်သည်။

လေးတောင်လေး ဇယားစိုက်နည်း

လေးတောင် ပတ်လည် ကွက်တွင် ကွမ်းလေးပင် စိုက်သည့် စနစ်ဖြစ်သည်။ ကွမ်းစင်တိုင်လေးတိုင်သည် လေးတောင် (၆ပေ) ပတ်လည် ဖြစ်ရာ ယင်းအကွက် အလည်တွင် ကွမ်းပင် (၄) ပင်ကို (၃) ပေ ကွာ လေးကွက်ကြား စိုက်ပျိုးခြင်း ဖြစ်သည်။

လေးတောင်ခြောက် ဇယားစိုက်နည်း

လေးတောင် ပတ်လည်ကွက်တွင် ကွမ်းပင် (၆) ပင် စိုက်သည့် စနစ် ဖြစ်သည်။ ကွမ်းပင်များကို တိုင်များနှင့် တစ်တန်းတည်း စိုက်ပြီး ကြားတွင် တစ်တန်း ထပ်ထည့်ခြင်း ဖြစ်သည်။ ကွမ်းပင်များမှာ (၃) ပေကွာ လေးကွက်ကြားပင် ဖြစ်သည်

လေးတောင်ခြား စိုက်နည်းသည် လေးတောင်လေး ဇယားစိုက်နည်းထက် (၂) ပင် ပိုဝင်သည်ကိုတွေ့ရမည် ဖြစ်သည်။

ဖော်ပြပါ ကွမ်းစိုက်မည့်နေရာများ သတ်မှတ်ပြီးနောက်မြေပေါ် (၈) ပေ အမြင့် ကွမ်းတိုင် အဖြစ် မျှင်ဝါးများ စိုက်ထူပေးကာ စင်ပေါ်မှ ဝါးတန်းတွင် တွဲချည်ပေးထားပါသည်။ အချို့ ခြံများတွင် (၁၃) ပေ အမြင့် ကွမ်းတိုင်များ တစ်ခါတည်း စိုက်ထားတတ်ကြသည်။ (၈) ပေ အမြင့်တိုင်များမှာမူ နောင်တစ်ချိန်တွင် ဆက်ပေးရမည် ဖြစ်သည်။ လောလောဆယ်တိုင်တိုများ အသုံးပြုထားခြင်း ဖြစ်သည်။

အချို့သော ကွမ်းစိုက်သူများသည် ကွမ်းစိုက်ရန် သတ်မှတ်ထားသောနေရာများတွင် (၃) ပေ ရှည် ဝါးခြမ်း ပြားကို ယာယီတိုင်အဖြစ် အသုံးပြု၍ ကွမ်းညွန့်ကို ဝါးခြမ်းတွင် ချည်ပေးထားသည်။ ဝါးခြမ်း အဖျားသို့ ကွမ်းညွန့်ရောက်လာသောအခါမှသာ တိုင်ရှည်ကို ဝါးခြမ်းပြားနှင့် စိုက်ထူကြသည်။ စတင် စိုက်ပျိုးစဉ်ငွေကုန်အကျများသဖြင့် လောလောဆယ်ငွေချွေတာသည့်အနေဖြင့် ဤစနစ်ကို အသုံးပြုခြင်း ဖြစ်သည်။

တိုင်ခြေရင်းတွင် (၆) လက်မအနက် (၈-၁၀) လက်မရှည် မြောင်းရှည်လေးများကို တိုင်များ၏ တစ်ဖက်သတ်တည်းတွင် တူးပေးထားသည်။ ထို့နောက် မြေထုပ်စီး ကွမ်းမျိုးညွန့်များကို ပလတ်စတစ်ကို ခွာ၍မြောင်းအတွင်း အလျားလိုက် ချပေးက တူးဖယ်ထားသောမြေဖြင့်ပင် ပြန်လည် ဖုံးအုပ်ပေးသည်။ မျိုးညွန့်ကို ကွမ်းတိုင်တွင် အသာအယာကွေးယူ၍လျှော်ကြိုး၊ သင်းအူများဖြင့် ချည်နှောင်ပေးသည်။

အချို့ကွမ်းစိုက်သူများမှာမြေထုပ်စီး ကွမ်းညွန့်ကို အလျားလိုက် လှဲမစိုက်ဘဲထောင်လိုက်အတိုင်း စိုက်ကြသည်။ မည်သို့ပင် စိုက်သည်ဖြစ်စေမြေလုံးမကွဲစေရန် ဂရုတစိုက် လုပ်ဆောင်ကြသည်။ (၁၀၈ x ၅၄) ပေ မြေကွက်တွင် လေးတောင်လေး ဇယားနည်းဖြင့် ကွမ်းပင်ပေါင်း (၆၄၈) ပင် ဝင်ဆန့်မည် ဖြစ်ပါသည်။ လေးတောင်ခြောက် ဇယားနည်းဖြင့် စိုက်ပါက (၆၈၄) ပင် ဝင်ဆန့်မည်ဖြစ်သည်။

ပြုစုဂရုစိုက်ခြင်း

စိုက်ပျိုးပြီး ကွမ်းပင်များကိုရေပန်းခရားဖြင့် ရေဝအောင်လောင်းပေးရသည်။ မြေချစိုက်ကာစဖြစ်၍ အရိပ်ကိုလည်း လုံလောက်စွာပေးထားရန်လိုအပ်ပါသည်။ ကွမ်းညွန့်များမှာမြေထုပ်စီးအပင်များဖြစ်၍ အရှိန်မပျက် ဆက်လက်ကြီးထွားသည်။ တစ်ပတ်ကြာသောအခါ ထုံးမှုန့်ပါးပါး ဖြူးပေးရသည်။ အချို့ ဆေးရွက်ကြီးမှုန့်ရောထည့်သည်။ ပြီးလျှင် ကွမ်းပင်တန်း နှစ်တန်းကြားတွင် လမ်း တစ်ပေခွဲခန့် ချန်၍ လမ်းမြေကို အနက်(၃)လက်မခန့် ယူကာ ကွမ်းပင်ခြေရင်းသို့ ပြန်ဖုံးပေးသည်။ ထိုအခါ ကွမ်းပင်တန်းများပေါ်လာပြီ ဖြစ်သည်။ ထို့နောက် လမ်းအတိုင်း ရေပြည့်အောင် ရေစုပ်စက်များဖြင့် ရေသွင်းပေးပါသည်။ ဘောင်ပေါ်သို့ ရေလျှံခြင်း မဖြစ်စေပဲ လမ်းအပြည့်သာ ရေသွင်းခြင်း ဖြစ်သည်။

ကွမ်းစိုက်ထားသည့်ဘောာင်ပေါ်သို့ သစ်ရွက်ကောက်ရိုး ဖုံးအုပ်ခြင်းစနစ် အသုံးပြုမှု နည်းပါးသည်။ နေ့စဉ် ကွမ်းပင်များကို စစ်ဆေးသည့်ရောဂါကျရောက်သည်ဟု ယူဆရသော အပင်များကို ချက်ချင်း နုတ်ယူဖျက်ဆီးပစ်သည်။ ပိုးမွှားရောဂါကျရောက်မှု အလွန်နည်းသည်ဟုဆိုသည်။

အပင် တစ်လခွဲသား အရွယ်တွင် နွားချေးဆွေး၊ ဆိတ်ချေးဆွေး၊ ထုံးမှုန့်၊ ဆေးရွက်ကြီးမှုန့်များကို ဘောင်များပေါ်တွင် ပက်ဖြူးပေး၍ လမ်းအကျယ် တစ်ပေသာချန်ကာမြောင်းကို ထပ်မံတူး၍ ကွမ်းစိုက်ဘောင်ကို တစ်ပေခွဲခန့် မြင့်အောင် ဘောင်တင်ပေးရသည်။ ပြီးလျှင် လမ်းတစ်လျှောက် ဘောင်အမြင့် တစ်ဝက်ရောက်သည်အထိ ရေသွင်းခြင်းကို ဆောင်ရွက်ရသည်။ ရေသွင်းသည့်အချိန်မှစ၍ ရေဖြန်းပုံးဖြင့် ရေဖြန်းခြင်းပြုလုပ်ပေးခြင်း မရှိတော့ချေ။ ဆောင်းရာသီ၊ နွေရာသီတို့တွင် (၁၅) ရက် တစ်ကြိမ်ရေသွင်းပေးလေ့ရှိသည်။ ပူလွန်းသော ရက်များတွင် (၁၀) ကြိမ် သွင်းပေးရသည်။

ဓာတ်မြေသြဇာကျွေးလေ့ မရှိသော်လည်း ရွက်ဖြန်းမြေသြဇာ ပက်ဖြန်းခြင်းကိုမူ အသုံးပြုတတ်ကြသည်။ ပေါင်းများရှင်းပြီး ထုံးမှုန့်နှင့်ဆေးရွက်ကြီးမှုန့်တို့ကိုသာ တစ်လတစ်ကြိမ် ဖြူးပေး၍မြေဆွပေးသည်။

ဆွတ်ခူးခြင်း

အပင် သက်တမ်း (၃) လ ကြာမှ စ၍ ကွမ်းရွက် စတင်ခူးပါသည်။ ကွမ်းရွက်ခူးရာတွင် မူလ ပင်စည်မှ ကွမ်းရွက်များကို ခူးယူခြင်း မဟုတ်ဘဲ ပင်ခြေပိုင်းဘေးတက်များမှ (စလင်းတက်) မှ အရွက်များကို ဆွတ်ခူးခြင်း ဖြစ်သည်။ ကွမ်းရွက်ကို (၁၅) ရက် တစ်ကြိမ် ခူးယူပြီး ကွမ်းရွက်များကို အမျိုးအစား အဆင့်အတန်း ခွဲခြားသည်။ ခူးယူသည့် အရွက်မှာ စတုတ္ထမြောက် အရွက်ဖြစ်သည်။

ကွမ်းစင်ကို မြင့်တင်ပေးခြင်း

ကွမ်းပင်များမှာ တစ်ဖြည်းဖြည်း ရှည်လာရာ (၇) ပေ အမြင့်သို့ရောက်သည်နှင့် စင်ပေါ်မှ အမိုးများကို ခွာပြီး ကွမ်းတိုင်ကို (၁၃) ပေ အမြင့်ရောက်အောင် ထပ်ဆက်၍ စင်ထပ်တင်ပေးသည်။ အမိုးအကာများကိုလည်း ဆက်လက် လုပ်ပေးသည်။ ကွမ်းရွက်ခူးသည့်အခါ ပထမစင်ပေါ်တွင် ဝါးတန်းများပစ်၍ လူတက်ကာ ခူးယူကြသည်။

ကွမ်းခွေခြင်း

ကွမ်းခွေခြင်းကို တစ်နှစ်လျှင် နှစ်ကြိမ်ခန့် လုပ်ဆောင်ပေးလေ့ ရှိသည်။ နွေရာသီ မတ်လ၊ ဧပြီနှင့်ဆောင်းအဝင် အောက်တိုဘာလတွင် လုပ်ကိုင်လေ့ရှိသည်။ တစ်ခါတစ်ရံ အချို့သော ကွမ်းခြံများမှာနွေရာသီရောက်သည့်တိုင် ကွမ်းထွက်ကောင်းနေတတ်သဖြင့် ယင်းနှစ်နွေရာသီတွင် ကွမ်းမခွေကြတော့ချေ။ ပုံမှန်အားဖြင့် ကွမ်းပင် ဒုတိယဆင့် အမိုးထိရောက်သည့်အချိန်တွင် ကွမ်းခွေတတ်ကြသည်။ ကွမ်းခွေတော့မည် ဆိုပါက ကွမ်းပင် အဖျားပိုင်း (၂) ပေ လောက်ချန်၍ ကျန်အဆစ်များမှ အရွက်များ ဘေးတက်များ အားလုံးကို ဖယ်ရှားပစ်ကြသည်။

ကွမ်းမခွေမှီ ကြိုတင်ပြင်ဆင်ထားသည့် တစ်ချက်မှာ ကွမ်းဘောင် တင်ထားသောမြေပုံကို ပေါက်တူးဖြင့် ခုတ်ချ၍ ကွမ်းခြံတစ်ခုလုံးကို မြေပြင် တစ်ပြင်တည်း ဖြစ်အောင် ပြုလုပ်လိုက်သည်။ ထို့နောက်မှ မူလ စိုက်တိုက်ထားသောနေရာ၏ ဆန့်ကျင်ဘက်နေရာတွင် ကျင်းတူးကာ ကွမ်းပင်ကို မကျိုးမပဲ့စေဘဲချွေချပေးက အပေါ်ပိုင်းအညွန့်ရှိရာ (၂)ပေ အမြင့်ကို ကွမ်းတိုင်တွင် ချည်ပေးပြီး တွင်းတူးထားသောကျင်းစာဖြင့်ပင်ပြန်ဖုံးပေးခြင်းဖြစ်သည်။

ပြီးပါက ပထမ စိုက်ပျိုးစဉ်က အတိုင်းရေဖျန်းခြင်း၊ ဘောင်တင်ခြင်းများ ပြုလုပ်ပေးသည်။ နွားချေး၊ ထုံးမှုန့်၊ ဆေးရွက်ကြီးမှုန့်၊ တီစူပါဝါတို့ကို ထည့်ပေသည်။

ကွမ်းခွေခြင်းစနစ်ကို အသုံးပြုသဖြင့် ကွမ်းခြံတစ်ခြံသည် (၁၀-၁၅) နှစ်ထိ သက်တမ်းရှိ ကြသည်။

ကျရောက်သော ပိုးမွှားရောဂါများ

ပိုးမွှားများ မကျသလောက် ဖြစ်သည်ဟု ဆိုသည်။ ဓါတုဗေဒ ပိုးသတ်ဆးများ မသုံးကြချေ။ ဆေးရွက်ကြီး၊ ထုံးမှုန့်တို့ကိုသာ သုံးလေ့ရှိသည်။

ရောဂါအနေဖြင့် ရိုးမဲဆစ်ပြုတ်ရောဂါ၊ ကြက်တူရွေး မျက်စေ့ရောဂါများ ကျတတ်သည်။ ခြံလုံးပြုတ်သည်အထိ ဖြစ်ခဲသည်ဟု ဆိုသည်။ နေ့စဉ် စစ်ဆေးမှုများ ပြုလုပ်၍ အရိပ်အရောင်တွေ့ပါက နှုတ်ယူမီးရှို့ ဖျက်ဆီးပစ်ကြခြင်းကြောင့်ဖြစ်သည်။ အချို့သော ခြံများ မှိုသတ်ဆေး အနည်းငယ် သုံးစွဲကြသည်။

ကွမ်းထွက်ရာသီ

နွေရာသီတွင်ရေပေး၍ ကွမ်းအထွက်ကောင်းအောင် ဆောင်ရွက်ပေးကြသည်။ မိုးရာသီတွင် ကွမ်းအထွက် အကောင်းဆုံးဖြစ်သည်။ ဆောင်းရာသီတွင် အပူချိန်နိမ့်သဖြင့် ကွမ်းပင်အထနှေးသည်ဟု ဆိုသည်။ သို့ဖြစ်၍ ကွမ်းပင်ကို အနားပေးသည့် အနေဖြင့်ဆောင်းရာသီတွင် ကွမ်းခွေခြင်းပြုလုပ်ကြသည်။

ကိုးကား - Greenwaymyanmar
မူရင်း ရေးသားသူ - စိုက်ပျိုးရေး ဦးစီးဌာန

မိတ်ဆွေတို့အနေဖြင့် စိုက်ပျိုးရေးသုံးရေပိုက်ပျော့၊ရေဘား၊ပလတ်စတစ်ဘောင်အုပ်၊ပိုက်ဆက်ပစ္စည်းများနှင့် အသီးခြင်းခွံများကို စျေးသက်သက်သာသာဖြင့် ဝယ်ယူသုံးစွဲလိုပါက
Page Messengerမှာသော်လည်းကောင်း
Viberနံပါတ် 09962649091ကိုသော်လည်းကောင်း အသေးစိတ်မေးမြန်းလို့ရသလို
📲09-962649091
📲09-785873157သို့လည်း ဖုန်းဆက်မေးမြန်းနိုင်ပါတယ် ခင်ဗျာ

အတာကူးတဲ့ တန်ခူးလ အခါသမယမှာ
ကျေးဇူးရှင် မိတ်ဟောင်းမိတ်သစ်များကို
ကျေးဇူးတုံ့ပြန်သောအားဖြင့်
ဓမ္မအလှူအနေဖြင့် တရားစာအုပ်အမျိုးမျိုးကို
လက်ဆောင်ပေးလှူသွားမှာ ဖြစ်ပါသည် ခင်ဗျာ

50000ဖိုးအထက်မှာယူသူမည်သူကိုမဆို မေတ္တာလက်ဆောင်အနေဖြင့် ပေးအပ်သွားမှာဖြစ်ပြီး
လက်ဆောင်ကာလကတော့
ဧပြီလ တစ်လလုံးပါ ခင်ဗျာ

စိုက်ပျိုးရေးသုံး ရေပိုက်ပျော့၊ရေဘား၊ဘောင်အုပ်နှင့် ပိုက်ဆက်ပစ္စည်းများကို
စျေးနှုန်းချိုသာစွာဖြင့် ဆက်သွယ်မှာယူလိုပါက
Page Messengerမှာသော်လည်းကောင်း
Viber နံပါတ် 09-962649091ကိုသော်လည်းကောင်း အသေးစိတ်မေးမြန်းမှာယူနိုင်သလို

📲09-962649091
📲09-785873157သို့လည်း ဖုန်းဆက်မေးမြန်းနိုင်ပါတယ် ခင်ဗျာ

မြန်မာအမည် - ကွမ်းသီးပင်

အင်္ဂလိပ်အမည် - Betel Plam

ရုက္ခဗေဒအမည် - Areca catachu

ကွမ်းသီးပင်၏ မူရင်းဒေသမှာ ဖိလစ်ပိုင် ဟု သိရသည်။ ယခုအခါတွင် ကွမ်းသီးပင်ကို အရှေ့တောင်အာရှ အပူပိုင်းဒေသများတွင် အစေ့မှမျိုးပွား၍ တော်တော်များများ စိုက်ပျိုးလာကြပြီဖြစ်သည်။ ကွမ်းသီးကို မူးယစ်နှိုးဆွစေသော အရာတစ်ခုအဖြစ် အသုံးပြုခြင်းအပြင် ကွမ်းသီးပင်မှ စက်ရုံသုံးပစ္စည်းများ၊ အိမ်တွင်းသုံး ပစ္ဏည်းများ၊ အမျှင်၊ ဆီ ၊ ဆေးဝါးဆိုင်ရာနှင့် အခြားထုတ်ကုန်များစွာရရှိပါသည်။ ကွမ်းသီးပင်ကို အလှစိုက်ပင်အနေဖြင့်လည်း စိုက်ပျိုးကြပါသည်။

ပုံပန်းသွင်ပြင်လက္ခဏာ

အပင်အမြင့်သည် (၆၀ – ၉၀)ပေ အထိ ရှိသည်။ သက်တမ်းမှာ (၆၀ -၁၀၀)နှစ်အထိရိသည်။ အမြစ်သည် ဘေးပတ်လည် (၃)ပေနှင့် အနက် (၂)ပေထိ ဆင်းသက်သည်။

ပင်စည်၊ ။ပင်စည်ပေါ်တွင် အရွက်များထွက်ပေါ်ခဲ့သော နေရာများတွင် အရစ်များပေါ်လာပြီး ပင်ခြေပိုင်းတွင် စိတ်ပြီး ခါးလည်ပိုင်းကျဲကာ အဖျားပိုင်း ပြန်စိတ်သွားပါသည်။

အရွက် ။ ။ တစ်နှစ်သားတွင် ကွမ်းလက်(၄-၅)လက် ထွက်ပါသည်။ အရွယ်ရောက်အပင်တွင် (၈-၁၂)လက် ရှိပါမည်။ အညွှန့်ဘဝမှ ကြွေကျသည်အထိ (၂)နှစ် ကြာတတ်သည်။ တစ်နှစ်လျှင် ကွမ်းလက် (၆)လက်ထွက်ပါသည်။

ပန်းခိုင်။ ။ (၄-၆)နှစ် အကြာတွင် ပန်းခိုင်စထွက်ပြီး (၃-၆)ခိုင်အထိ ထွက်တတ်ပါသည်။ ဦးဆုံးထွက်သော အခိုင်မှ အသီးမတင်တတ်ပါ။ ပင်မပန်းခိုင်အရှည် (၁-၂)ပေမှ ဒုတိယပန်းခိုင်(၂၀- ၂၅)ဖြာ ထွက်ပြီး တတိယပန်းခိုင်သည် (၇-၁၀)လက်မထိ ရှိတတ်ပါသည်။

ဝတ်မှုန်ကူးခြင်း

ဝတ်မှုန်ကူးခြင်းမှာ လေအားဖြင့်သာ ကူးကြပါသည်။ မနက်(၉-၁၂)နာရီတွင် ဝတ်မှုန်များလွင့်တတ်ပြီး အဖိုပွင့်များကြွေကျပြီးမှသာ အမပွင့်များပွင့်ကြပါသည်။

အသီး။ ။ အခိုင်အရင်းတွင်တွေ့ရပြီး အသီးပုံစံ အမျိုးမျိုးရှိသော်လည်း ကွမ်းသီးသည် တစ်စေ့ဆန်အမျိုးအစားဖြစ်သည်။ မျိုးများအနေဖြင့် အိုးပေါက်ကွမ်းသီး၊ ချည်ဝင်ကွမ်းသီး၊ ကွမ်းသီးမွှေး၊ ကွမ်းသီးပု ဟူ၍ရှိပါသည်။
Greenway

စိုက်ပျိုးနည်း
ကွမ်းသီးပင် စိုက်ပျိုးခြင်း
16/06/2020 15:00 PM တွင် Thet Htar Zin Thet Htar Zin မှ ရေးသား ပြီး Greenovator Greenovator မှ ပေးပို့ထားပါသည်။
မြန်မာအမည် - ကွမ်းသီးပင်

အင်္ဂလိပ်အမည် - Betel Plam

ရုက္ခဗေဒအမည် - Areca catachu

ကွမ်းသီးပင်၏ မူရင်းဒေသမှာ ဖိလစ်ပိုင် ဟု သိရသည်။ ယခုအခါတွင် ကွမ်းသီးပင်ကို အရှေ့တောင်အာရှ အပူပိုင်းဒေသများတွင် အစေ့မှမျိုးပွား၍ တော်တော်များများ စိုက်ပျိုးလာကြပြီဖြစ်သည်။ ကွမ်းသီးကို မူးယစ်နှိုးဆွစေသော အရာတစ်ခုအဖြစ် အသုံးပြုခြင်းအပြင် ကွမ်းသီးပင်မှ စက်ရုံသုံးပစ္စည်းများ၊ အိမ်တွင်းသုံး ပစ္ဏည်းများ၊ အမျှင်၊ ဆီ ၊ ဆေးဝါးဆိုင်ရာနှင့် အခြားထုတ်ကုန်များစွာရရှိပါသည်။ ကွမ်းသီးပင်ကို အလှစိုက်ပင်အနေဖြင့်လည်း စိုက်ပျိုးကြပါသည်။

ပုံပန်းသွင်ပြင်လက္ခဏာ

အပင်အမြင့်သည် (၆၀ – ၉၀)ပေ အထိ ရှိသည်။ သက်တမ်းမှာ (၆၀ -၁၀၀)နှစ်အထိရိသည်။ အမြစ်သည် ဘေးပတ်လည် (၃)ပေနှင့် အနက် (၂)ပေထိ ဆင်းသက်သည်။

ပင်စည်၊ ။ပင်စည်ပေါ်တွင် အရွက်များထွက်ပေါ်ခဲ့သော နေရာများတွင် အရစ်များပေါ်လာပြီး ပင်ခြေပိုင်းတွင် စိတ်ပြီး ခါးလည်ပိုင်းကျဲကာ အဖျားပိုင်း ပြန်စိတ်သွားပါသည်။

အရွက် ။ ။ တစ်နှစ်သားတွင် ကွမ်းလက်(၄-၅)လက် ထွက်ပါသည်။ အရွယ်ရောက်အပင်တွင် (၈-၁၂)လက် ရှိပါမည်။ အညွှန့်ဘဝမှ ကြွေကျသည်အထိ (၂)နှစ် ကြာတတ်သည်။ တစ်နှစ်လျှင် ကွမ်းလက် (၆)လက်ထွက်ပါသည်။

ပန်းခိုင်။ ။ (၄-၆)နှစ် အကြာတွင် ပန်းခိုင်စထွက်ပြီး (၃-၆)ခိုင်အထိ ထွက်တတ်ပါသည်။ ဦးဆုံးထွက်သော အခိုင်မှ အသီးမတင်တတ်ပါ။ ပင်မပန်းခိုင်အရှည် (၁-၂)ပေမှ ဒုတိယပန်းခိုင်(၂၀- ၂၅)ဖြာ ထွက်ပြီး တတိယပန်းခိုင်သည် (၇-၁၀)လက်မထိ ရှိတတ်ပါသည်။

ဝတ်မှုန်ကူးခြင်း

ဝတ်မှုန်ကူးခြင်းမှာ လေအားဖြင့်သာ ကူးကြပါသည်။ မနက်(၉-၁၂)နာရီတွင် ဝတ်မှုန်များလွင့်တတ်ပြီး အဖိုပွင့်များကြွေကျပြီးမှသာ အမပွင့်များပွင့်ကြပါသည်။

အသီး။ ။ အခိုင်အရင်းတွင်တွေ့ရပြီး အသီးပုံစံ အမျိုးမျိုးရှိသော်လည်း ကွမ်းသီးသည် တစ်စေ့ဆန်အမျိုးအစားဖြစ်သည်။ မျိုးများအနေဖြင့် အိုးပေါက်ကွမ်းသီး၊ ချည်ဝင်ကွမ်းသီး၊ ကွမ်းသီးမွှေး၊ ကွမ်းသီးပု ဟူ၍ရှိပါသည်။

စိုက်ပျိုးနိုင်သော အခြေအနေ

တစ်နှစ်ပတ်လုံးမိုးရေချိန်လက်မ (၈၀-၁၀၀)ရှိသော ပူအိုက်စွတ်စိုသည့်ဒေသများ၊ မိုးရေချိန်(၆၀)လက်မအောက်ရှိ ဒေသများတွင် ရေသွင်းစိုက်ပျိုးနိုင်ပါသည်။ မိုးခေါင်လျှင် အပင်ကြီးထွားမှုနှေး၏။ လေပူ၊ လေခြောက်တိုက်လျှင် အသီးတင်မှု နည်း၏။ ကွမ်းခြံအတွင်း လေထုစိုထိုင်းစများခြင်းကို ကြိုက်၏။ မိုးရေချိန် (၈၀)လက်မ (၂၈-၃၂)စင်တီဂရိတ်ရှိပါက အကောင်းဆုံးအနေအထားဖြစ်ပါသည်။

ပင်လယ်နှင့် နီးသောဒေသများ၊ ပင်လယ်နှင့်မိုင်(၂၀၀)အကွာဒေသ၊ ပင်လယ်ရေမျက်နှာပြင် အမြင့် ပေ(၃၀၀၀)ကျော်နှင့်အထက် ဒေသများ၊ မြင့်မားသော မိုးရေချိန်ရှိသော ဒေသများ၊ တောင်ကြားစိမ့်စ်းကောင်းပြီး နေကွယ်သောဒေသများတွင် စိုက်ပျိုးဖြစ်ထွန်းသည်။

မြေအမျိုးအစား

ကွမ်းသီးကို မြေအမျိုးအစားမရွေးတွင် စိုက်ပျိုးနိုင်သော်လည်း ရွှံ့စေးဆန်သော မြေ၊ နုန်းမြေ၊ မြေဆီလွှာအတွင်း ရေစီးဆင်းမှု ကောင်းသောမြေများတွင် ဖြစ်ထွန်းသည်။ ရေကြိုက်ပြီး ရေဝပ်မှုဒဏ်မခံနိုင်ပါ။ ရေပြတ်လပ်ခြင်းကိုလည်း မခံနိုင်ပါ။ မြေချဥ်ငံဓါတ် ( ၅.၅– ၆)တွင် အကောင်းဆုံး ဖြစ်ထွန်းပါသည်။

မျိုးရွေးချယ်နည်း

အစေ့မှ မျိုးပွားကြသည်။ မျိုးအဖြစ်ယူမည့် မျိုးစေ့များသည် သန့်ရှင်းရမည်။ မျိုညှောင့်ပေါက်ရန် ကြာချိန်သည် (၆ -၁၃)ပတ်အတွင်း ဖြစ်ပါသည်။ မျိုးရွေးချယ်ယူတော့မည်ဆိုလျှင် အောက်ပါတို့ကို သတိပြုလုပ်ဆောင်ပါ။

၁။ မျိုးယူမည့်ခြံသည် ပင်သက်(၁၅-၂၀)နှစ်သားကွမ်းပင်များ ဖြစ်ရမည်။

၂။ မိမိလိုအပ်ချက်အရေအတွက်အတိုင်း မျိုးယူမည့်အပင်ကို ရွေးချယ် သတ်မှတ်ရာတွင် ပင်လုံးကြီးပြီး ကျန်းမာသန်စွမ်းရပါမည်။

၃။ သတ်မှတ်ထားသောအပင်မှ သီးခိုင်(၅)ခိုင် ထွက်နေရမည်။

၄။ တစ်ခိုင်တွင် သီးလုံးရေ(၁၀၀)ကျော် ရှိရမည်။

၅။ ထွက်နေသောအခိုင်များမှ ပထမအခိုင်နှင့် နောက်ဆုံးအခိုင်ကို ပယ်ပြီး အလယ်အခိုင်မှ အသီးများကိုသာ မျိုးယူရမည်။

၆။ ရွေးချယ်ထားသော အခိုင်များမှ အသီးများကို အမှည့်ထားပြီး ခုတ်ယူရမည်။

၇။ ခုတ်ယူရရှိသော သီးခိုင်များကို သီးခိုင်အလိုက်စီထားပြီး စစ်ဆေးရမည်။

၈။ သီးခိုင်မှ အသီးများ အရွယ်ကြီး ညီညာရမည်။

၉။ သီးခိုင်ရွေးချယ်ရာတွင် မိမိစိတ်ကြိုက် ရွေးချယ်ပါ။

၁၀။ အသီးအရောင်မှာ လိမ္မော်ရောင် တောက်နေရမည်။

၁၁။ တစ်ခိုင်စီမှ ကွမ်းသီး (၂-၃)လုံးကို တက်ခြမ်းခွဲ စစ်ဆေးပါက သီးခွံပါးပြီး အတွင်းအဆန် ကြီးရမည်။

၁၂။ အဆန်ခွဲကြည့်ပါက အသားပိတ်ပြီး အဖြူသား များရပါမည်။

၁၃။ မျိုးကြီးထွားဖွံ့ဖြိုးရမည်။

၁၄။ ရင့်မှည့်ကြွေကျသော ကွမ်းသီးများကို မျိုးအဖြစ် အသုံးမပြုရပါ။

ပျိုးထောင်နည်း

၁။ မျိုးစေ့အညှောင့်ဖောက်ရန် အရိပ်ကောင်းရပြီး စိုစွတ်သောနေရာ ဖြစ်ရမည်။

၂။ ၂ပေခွဲ ၁၄ပေ ပျိုးခင်းကွက် နှစ်ကွက်ပြုလုပ်ရပါမည်။ တစ်ကွက်နှင့်တစ်ကွက် အကွာအဝေးသည် (၃)ပေခြားပြီး မြေကို (၂)လက်မ ထူးပါ။ ထွက်လာသော မြေများဘေးဘောင်တွင် ပြန်ဖုံးပေးပါ။

၃။ ထပ်မံပြီး မြေ(၂)လက်မအနက် ထပ်ပေါက်ပါ။ မြေသားများအား ထုတ်ယူခြင်း မပြုလုပ်ပဲ မြေဆွသည့်သဘောဖြစ်ပါသည်။

၄။ ၎င်းမြေနှင့် သဲ(၂)ဆ၊ စက်ဖွဲပြာ(၁)ဆ ရောစပ်ပြီး ပျိုးကျင်းအတွင်း ကျင်းနှတ်ခမ်းနှင့် လက်မဝက်ကွာသည်အထိ ဖြည့်ပေးပါ။

၅။ ဘော်ဒိုဆေးရည်(၅: ၅ :၅၀)ရွှဲရွှဲပက်ဖျန်းပြီး မြေသိပ့်ပေးပါ။

၆။ ရေစစ်ပြီး မြေသိပ်သွားသောအခါ (၃)လက်မခြား စိုက်ကြောင်းများ လုပ်ပါ။

၇။ စိုက်ကြောင်းအကျယ်(၂)လက်မ၊ အနက် (၁လက်မခွဲ) ရှိရမည်။

စိုက်ပျိုးမည့် ကွမ်းသီးမျိုးကို ပြင်ဆင်ခြင်း

၁။ ပျိုးခင်းပြင်ဆင်နေစဥ်အတွင်း မျိုးကွမ်းသီးကိုလည်း ပြင်ဆင်ရပေမည်။

၂။ မှည့်သောအသီးကို (၁၀)ရက်ခန့် လေသလပ် ခံပါ။ (အညှောင့်ထွက်စော၏)

၃။ ပျိုးခါနီး(၂)ပတ်အလိုတွင် မှည်သောအခိုင်မှ မျိုးသီးများကို ချွေယူပြီး အရိပ်အောက်တွင် ဖြန့်ကျဲပြီး ခပ်ထပ်ထပ်အနေအထားရောက်အောင် လုပ်ရမည်။

၄။ ထို့နောက်ကွမ်းသ္ီးများကို ဓားဦးချွန်ဖြင့် (၆)ရက်ခန့်ပေါက်ကာ အချိုးကျ ဖျော်စပ်ထားသော နိုးဆွစေသော ဟော်မုန်းရည်၊ အမြစ်ထွက် ဟော်မုန်းရည်တို့တွင် (၅)မိနစ်ခန့် စိမ်ပြီး ပျိုးခင်းအတွင်းရှိ စိုက်ကြောင်းအတွင်း ကွမ်းသီး တစ်လုံးနှင့်တစ်လုံး လက်မဝက် စီတန်းခြားပြီး ချပေးပါ။

၅။ နှစ်ပေခွဲပျိုးဘောင်တွင် ကွမ်းသီး (၁၀-၂၀)လုံးဝင်ဆန့်နိုင်ပြီး မြေမြုပ်ရာတွင် သုံးပုံနှစ်ပုံသာ မြုပ်ရမည်။

၆။ ကွမ်းသီးအညှာအား ဘေးတိုက်ထားမြုပ်ပေးပါ။ ရေရွှဲရွှဲလောင်းပေးပါ။ စင်းထားသောကောက်ရိုး ပါးပါးအုပ်ပါ။

၇။ ပျိုးခင်းကို နေ့စဥ်(၂)ကြိမ် ရေလောင်းပါ။ (၁-၂)လကြာလျှင် အညှောင့်ပေါက်လာပေမည်။

၈။ အညှောင့်ထွက်လာပြီဆိုရင် ဘော်ဒိုဆေးရည် (၂ :၂ :၅၀)ကို ပက်ဖျန်းပါ။ မန်ကိုဇက်(Mancozeb)ဆေးကိုလည်း အချိုးကျကျ ပက်ဖျန်းနိုင်ပါသည်။ မှိုသတ်ဆေးသဘောမျိုးဖြစ်သဖြင့် အညှောင့်လေးများ ဖွံ့ဖြိုးသန်မာစေမည်။

၉။ ထို့နောက် ပျိုးအိတ်သွပ်ရပါမည်။

လတ်တလောစရိတ်များသော်လည်း နှစ်ရှည်ပင်ဖြစ်သည့်အတွက် သေချာသော စနစ်များကိုသာ အသုံးပြုရပေမည်။ထိုသို့ စနစ်တကျ ဂရုစိုက်ပျိုးထောင်ပေးခြင်းအားဖြင့် အောက်ပါအားသာချက်များကို ရရှိနိုင်ပါသည်။

၁။ မျိုးစေ့ကုန်သက်သာသည်။

၂။ စိုက်ခင်းအကျယ်ကြီးတွင် စိုက်ပျိုးရမည့် ပျိုးပင်များကို နေရာကျဥ်းကျဥ်းတွင် ပြုစုဂရုစိုက်ရသဖြင့် အချိန်ကုန် လူပမ်း သက်သာသည်။

၃။ အောင်မြင်သော ရောဂါကင်းစင်သည့် ပျိုးပင်များ ရရှိနိုင်သည်။

၄။ ပျိုးခင်းတွင် စိုက်ပျိုးပြုစုစဥ် စိုက်ခင်းအားစိတ်ကြိုက် ပြင်ဆင်ချိန်ရသည်။

၅။ သေချာသော ပျိုးပင်များကိုသာ ရွေးချယ်စိုက်ပျိုးရသဖြင့် အောင်မြင်သော စိုက်ခင်းကို ရရှိပေမည်။

၆။ ကြီးထွားမှု ညီညာသော ပျိုးပင်များကို ရွေးချယ်စိုက်သဖြင့် စိုက်ခင်းရှိ အပင်များကို ညီညာစေမည်။

၇။ ပျိုးပင်ထုတ်လုပ်ရောင်းချသော စီးပွားရေးလုပ်ငန်းတစ်ခုကို သီးသန့်ထူထောင်နိုင်ပေမည်။

ပျိုးအိတ်ပြင်ဆင်ခြင်း

၁။ (၅ �၇)လက်မအရွယ် ပလတ်စတစ်အိတ်အနက်

၂။ စပ်မြေ - သဲမြေ (၂)တင်း၊ စက်ဖွဲပြာ (၂)တင်း၊ နုန်းမြေ/ အပေါ်ယံမြေသား (၂တင်း)၊ နွားချေးဆွေးမှုန့် (၁)တင်းခွဲ။ ကျောက်မှုန့် (၄)ဗူး၊ တီစူပါ (၂)ဗူး၊ ကွန်ပေါင်း (ဗူးဝက်)၊ (နို့ဆီဗူးများဖြစ်ပါသည်)

၃။ ပျိုးအိတ်များကို (၅)အိတ်လောက်စီထပ်ပြီး အောက်ခြေနားတွင် (၂)ပေါက်၊ သုံးချိုးနှစ်ချိုးအနားတွင် (၂)ပေါက် ဖောက်ပါ။

၄။ ပျိုးအိတ်တွင်းသို့ စပ်မြေ လေးပုံသုံးပုံထိ ထည့်ပါ။

၅။ ဖာထရီလွန်ကွန်ဘီ (Fertrilonocom)အနည်းလိုဓါတ်များပါသော အာဟာရမှုန့်ကို ရေဖြင့်ရောစပ်ပြီး အိတ်နှူတ်ခမ်းရောက်သည်အထိ ထည့်ပါ။

၆။ ၎င်းဆေးမှုန့် (၆၀၀)ဂရမ်ကို ရေ(၄)ဂါလံနှင့် ရောစပ်ပြီး ဇလုံတစ်ခုအတွင်းထည့်ပြီး ၎င်းဇလုံအတွင်းသို့ ပျိုးအိတ်များအား အပေါက်ဖောက်ထားရာ နေရာများမြုပ်ရုံထည့်ပေးခြင်းသည် ပိုမို ကောင်းမွန်ပါသည်။ (မိနစ်ဝက်ခန့်မြုပ်ပါ။)

၇။ ထို့နောက် အညှောင့်များအား အပေါ်သို့ထောင်ပြီး ထည့်ပါ။ အညှောင့်မကျိုးစေရန် ဂရုပြုပါ။ အညှောင့်အရွယ်အစားတူသော ပျိုးအိတ်များကို အုပ်စုခွဲထားပါ။ လိုအပ်လျှင် ပြုစုပေးနိုင်ရန်ဖြစ်ပါသည်။

၈။ ကွမ်းသီး သုံးပုံနှစ်ပုံသာမြုပ်ပြီး ပျိုးအိတ်များအတွင်းသို့ စပ်မြေများနှင့် အမြစ်ထွက်ဟော်မုန်းနှင့် ဘီဝမ်းကဲ့သို့ ရောစပ်ပြိးထည့် ပေးလျှင် ရပါသည်။

၉။ (၄)လကြာ ရွက်ပြားလေးများထွက်လာလျှင် တစ်တန်းခြားဖယ်ထုတ် ပျိုးခင်းပြောင်းပါ။ ရေလောင်းရာတွင် ပျိုးအိတ်ထဲဝင်ရောက်စေရန်နှင့် ကွမ်းသီးပင်များ လွတ်လပ်စွာ ရှိစေရန်ဖြစ်သည်။

၁၀။ (၆-၈)သားအရွယ်တွင် စိုက်ရန် အသင့် ဖြစ်ပါပြီ။

မျိုးလုပ်ရန် ရာသီကာလများ

၁။ ကွမ်းသီးမှည့်များအား ပင်အိုမှ အောက်တိုဘာလတွင် ရရှိနိုင်ပြီး ပင်ပျိုမှ ဒီဇင်လာလတွင် ရရှိနိုင်ပါသည်။

၂။ အောက်တိုဘာနှင့် နိုဝင်ဘာလများတွင် စတင်မျိုးညှောင့်ဖောက်ခြင်းကို လုပ်ကိုင်နိုင်ပြီး၊ ဧပြီနှင့်ဇွန်လများတွင် စတင်စိုက်ပျိုးနိုင်ပြီ ဖြစ်ပါသည်။

၃။ ပျိုးထုပ်အတွင်းမှ အမြစ်များဖောက်ထွက်ခြင်းသည် စိုက်ခင်းအတွင်း နလန်ထနှေးစေးပါသည်။

၄။ (၁) ဧကအတွက် ပျိုးခင်းအရွယ်အစား(၂၅�၂၅)ပေအကျယ်ရှိပြီး မျိုးညှောင့်ဖောက်ခြင်းအတွက် (၂ပေခွဲ�၁၄ပေ) (၂) ဘောင်၊ ပျိုးထုပ်ထားရန် (၂ပေခွဲ�၂၅ပေ) (၂)ဘောင် ဆောင်ရွက်ရပါမည်။

၅။ ပျိုးခင်းမလုပ်ပဲ တိုက်ရိုတ်စိုက်ပျိုးပါက တစ်ဧကစာကို မနိုင်မနင်းပြုစုရမည်။

၆။ ကွမ်းသီးပင်စိုက်ခင်းကို သီးသန့်စိုက်ပျိုးခြင်းထက် အခြားအပင်များနှင့် သီးညှပ်စိုက်ပျိုးခြင်းက ပိုမိုကောင်းမွန်ပါသည်။

မျိုးစေ့စုဆောင်းခြင်း

၁။ စိုက်ခင်း(၁)ဧကစာအတွက် မျိုးကွမ်းသီး(၂)ထောင် စုဆောင်းရပါမည်။ ပင်ကြား(၆)ပေ၊ တန်းကြား(၈)ပေ စိုက်မည်ဖြစ်သဖြင့် စိုက်ကျင်းပေါင်း(၉၀၀)၊ စိုက်ကျင်း (၁)ကျင်းလျှင် ကွမ်းသီး(၂)လုံး၊ ပေါင်း(၁၈၀၀)၊ အပင်ပျက်စီးမှု (၂၀၀)ပင်။

၂။ ဒေသတစ်ခုနှင့်တစ်ခု ပင်ခြား၊ တန်းကြားစနစ်များ မတူသော်လည်း စိုက်ကျင်း(၁)ကျင်း ကွမ်းသီး (၂)လုံးနှုန်း တွက်ချက်ယူရမည်။

ကွမ်းသီးနှင့်သီးညှပ်စိုက်ပျိုးသင့်သော အပင်များ

၁။ ကွမ်းသီးပင်သည် ငယ်စဥ်ကာလအချိန်တွင်လည်း အစိုဓါတ်နှင့် အရိပ်များ လိုအပ်သကဲ့သို့ ကြီးလာလျှင်လည်း လိုအပ်မှုများရှိနေပါသဖြင့် သူ၏ လိုအပ်ချက်များကို ပေးစွမ်းနိုင်သော အပင်များနှင့် တွဲဖက်စိုက်ပျိုးလျှင် ဝင်ငွေနှစ်မျိုးရပြီး ကွမ်းပင်အတွက်လည်း အကျိုးရှိစေပါသည်။

၂။ ထို့ကြောင့် ကွမ်းရွက်ခြံ၊ အုန်းပင်နှင့် ငှက်ပျောပင်တို့ကို ညှပ်စိုက်ရပါမည်။

၃။ ကွမ်းသီးပင်ငယ်စဥ်တွင် လိုအပ်သောအရိပ်နှင့် အစိုဓါတ်ကို ငှက်ပျောပင်မှ ရရှိမည်ဖြစ်ပြီး၊ ငှက်ပျောပင်ကို ကျော်သွားသောအခါ အုန်းပင်မှ အရိပ်ရပေမည်။ အဓိကစိုက်ပျိုးခြင်းသည် ကွမ်းသီးခြံဖြစ်သော်လည်း ငှက်ပျောခြံနှင့် အုန်းခြံပါ ဖြစ်ပေါ်လာပေမည်။

မြေပြင်ခြင်းနှင့် စိုက်ခင်းအကွက်ဖော်ဆောင်ခြင်း

၁။ (၁၆)သွားတပ်ထွန်စက်ဖြင့် နှပ်စပ်မွှေပေးပါ။ မြေပြင်ညှိပေးခြင်းနှင့် ပေါင်းမြက်များ ရှင်းလင်းရန်ဖြစ်ပါသည်။

၂။ (၈)ပေခြား တိုင်များစိုက်ပြီး စိုက်တန်းဖော်ပါ။ ၎င်းစိုက်တန်းတွင် ပင်(၆)ပေခြားမှတ်တိုင်များထပ်စိုက်ပါ။ ၎င်းမှတ်တိုင်သည် ကွမ်းသီးပင်အတွက်ဖြစ်၏။

၃။ (၈)ပေခြားတန်းနှစ်တန်း၏ အလယ်တွင်ကြိုးတန်းပစ်ပါ။ ၎င်းသည် ကွမ်းသီးပင်တန်းနှင့် (၄)ပေကွာပါမည်။ ကွမ်းသီးပင်တန်းကြားအားလုံးတွင့် ပြုလုပ်ရမည် ဖြစ်ပါသည်။

၄။ နောက်ထိပ်ဖက် ကွမ်းသီးပင်၏ အလယ်ဗဟို(ငါးပွင့်ဆိုင်)တွင် မှတ်တိုင်(၁)တိုင်စိုက်ပါ။ ၎င်းမှ (၆)ပေအကွာတွင် မှတ်တိုင်များကြိုးတန်း တစ်လျှောက် စိုက်ရမည်။ ၎င်းငါးပွင့်ဆိုင်နေရာများသည် ကွမ်းသီးပင်စိုက်ရန် နေရာများဖြစ်ပါမည်။ တစ်တန်းခြားစီ ပြုလုပ်ပြီး(၆)ပေအကွာ မှတ်တိုင်များ မစိုက်သောတန်းတွင် နွားထယ်ဖြင့် ဘယ်ပြန်ညာပြန် မြောင်းအရာဖော်ပါ။

၅။ ကွမ်းပင်တန်းနှစ်တန်းကြားမှ (၆)ပေအကွာ မှတ်တိုင်များ ထိပ်ဆုံးသည် အုန်းပင်များ စိုက်ရန်ဖြစ်ပြီး၊ ကပ်လျက် မှတ်တိုင်သုံးခုတွင် ငှက်ပျောပင်အတွက် ဖြစ်ပါသည်။ ငှက်ပျောသုံးပင် စိုက်ပြီးတိုင်း အုန်း(၁)ပင် စိုက်ရမည်။

၆။ အုန်းစိုက်ခင်းသည် တန်းကြား(၂၄)ပေ၊ ပင်ကြား(၁၆)ပေရှိရပါမည်။ အုန်း(၂)ပင်ကြားတိုင်းတွင် ငှက်ပျော(၃)ပင်ရှိနေပါမည်။

စိုက်ကျင်းများ တူးဖော်ခြင်း

နှစ်ရှည်ပင်များဖြစ်သဖြင့် ကနဦးစိုက်ပျိုးစဥ်ကပင် စနစ်ကျရန်လိုပါသည်။ ထွန်စက်ဖြင့်ထွန်ယက်ထားသဖြင့် ပေါင်းမြက်များ အမြစ်ကျွတ်အဆုံများကို မီးရှို့ပြီး မြေအောင်းပိုးသတ်ပါ။ စိုက်ကျင်းကို မီးသင်းသလိုဖြစ်ပြီး အမြစ်ထိုးဖောက်အား ကောင်းစေပါမည်။ ပြာဓါတ်ကိုလည်း ရရှိစေပါမည်။

၁။ (၂�၂�၂)ပေဖြစ်ပြီး အပေါ်ပိုင်း(၆)လက်မမြေသားကို ကျင်း၏ တစ်ဖက်တွင် ပုံထားပါ။ အောက်ခြေမြေသားကို တစ်ဖက်တွင်ပုံပါ။

၂။ စပ်မြေလုပ်ပါ-

- သဲ -(၂)တင်း

- စက်ဖွဲပြာ - (၁)တင်း

- နွားချေးဆွေး- (တင်းဝက်)

- တီစူပ - (၂)ဗူး

- ကျောက်မှုန့် - (၄)ဗူး

- ကွန်ပေါင်း - (ဗူးဝက်)

၃။ အပေါ်ယံ(၆)လက်မ ဖယ်ထားသော မြေသားထုနှင့် ၎င်းစပ်မြေကို ရောစပ်ပါ။ ကျင်းအပြည့်ထည့်ပြီးနောက် ရေရွှဲရွှဲလောင်းပါ။ နောက်တစ်ရက်တွင် ကျင်းအပြည့်ရေလောင်းပြီးနောက် အပေါ်မှ ကောက်ရိုး မြက်ခြောက်များ ဖုံးအုပ် နှပ်ထားပါ။

မြောင်းတူးခြင်း

၁။ မိုးရာသီတွင် ရေထုတ်မြောင်း၊ နွေနှင့်မိုးတို့တွင် ရေသွင်းမြောင်းအဖြစ်ဆောင်ရွက်ရန် ကွမ်းပင်နှစ်တန်းပြီးလျှင် ရေမြောင်း တစ်မြောင်းနှုန်းဖြင့်(၂)ပေအကျယ်၊ (၁ပေခွဲ)အနက် မြောင်းသပ်သပ်ရပ်ရပ်တူးရမည်။

၂။ မြစ်ဝကျွန်းပေါ် ရေလျှံကွင်းများတွင် ကွမ်းစိုက်ပျိုးရန်အတွက် ရေမြောင်းကို (၆)ပေအကျယ်၊ အနက်(၄)ပေတူးကာ (၁၅)ပေအကျယ် ဘောင်ပေါ်သို့ ဖို့ပေးရပါမည်။ (၆�၄)ပေမြောင်းမှ မြေသားသည် ဘောင်ကို (၁ပေခွဲ) မြင့်စေပါသည်။ (၈�၄)ပေမြောင်းသည် ဘောင်ကို (၂)ပေ မြင့်စေပါမည်။

၃။ ရေလျှံကွင်းဖြစ်သဖြင့် ရေသွင်းရန် မြောင်းတူးခြင်းမဟုတ်ပဲ ဘောင်တင်ရန်သာ တူးခြင်းဖြစ်ပြီး ဘောင်ပေါ်တွင် စိုက်ထားသော မှတ်တိုင်နေရာတွင် (၂�၂)ပေအကျယ်ချန်ပြီး ဘေးမှ ဝိုင်းမြေဖို့ခြင်းဖြင့် စိုက်ကျင်းများ သီးသန့်တူးရန် မလိုတော့ပါ။ မြောင်းတူးရာတွင် လှေကားထစ်ပုံ တူးပါ။

ပျိုးပင်များ မြေချခြင်း

ကွမ်းသီးပင်များအား မိုးဦးကျတွင်မြေချမည်ဖြစ်ရာ နိုဝင်ဘာနှင့် ဒီဇင်ဘာတို့တွင် မြေပြင်စိုက်ကျင်းတူးပြီး ဖေဖော်ဝါရီလတွင် ငှက်ပျောပင်၊ အုန်းပင်တို့ကို မြေချစိုက်ပျိုးပြီးဖြစ်ရမည်။ ငှက်ပျောပင်နှင့် အုန်း ပျိုးပင်တို့သည် နွေရာသီကို ဖြတ်သန်းရမည်ဖြစ်သဖြင့် ဝါးဖြင့်(၄)ပေအမြင့် လေးတိုင်စင်ဆောက်ကာ အပေါ်မှ ကောက်ရိးမိုးပေးရပါမည်။

ပင်ခြေရင်းကိုလည်း အပင်နှင့်(၆)လက်မခြားပြီး (၂)ပေဗျက်၊ (၂)လက်မထူ ကောက်ရိုးစင်းကာ ရေဝအောင်လောင်းပေးပါ။ ငှက်ပျောပင်ပတ်လည်၊ အုန်းပင်ပတ်လည်တွင် ရေအစက်ချပိုက်(၅)ပိုက်ချ တပ်ဆင်ပေးက ပိုကောင်းပါသည်။

ကွမ်းသီးပင်စိုက်မည့်ကျင်းတွင် အချင်း(၅)လက်မ၊ အနက်(၇)လက်မ တူးပါ။ စိုက်မည့်အပင်ပျိုးထုပ်မှထုတ်၍ အောက်အရွက်နှစ်ရွက်ကို ဖြတ်ပါ။

ပျိုးထုပ်ပလပ်စတစ် အောက်ခြေကိုသာဖြတ်ပြီး စိုက်ကျင်းအတွင်းသို့ထည့်ပါ။ ရေလောင်းပြီး မြေကြပ်ပေးရမည်။ ဘီ(1)ဆေး ဖျော်ထည့်ပေးပါ။

ပြုစုထိန်းသိမ်းခြင်း

၁။ မိုးရာသီကုန်ဆုံးပါက ရေမြောင်းများအတွင်းသို့ ရေပေးသွင်းရမည်။ ရေမြောင်းတွင်းမှ ရေကိုခပ်ယူပြီး အပင်များရေလောင်းနိုင်မည်။

၂။ အစက်ချနည်းဖြင့်လည်း ဆောင်ရွက်နိုင်ပါမည်။

၃။ ပင်ခြေရင်းတွင် ရေတွင်းများလုပ်ထားပေးပြီး ကောက်ရိုးနှင့်မြက်များ ထည့်ပေးထားပါ။

၄။ ရေမြောင်းဘေးတွင် ပေါက်သော ပေါင်းမြက်များအား မိုးဦးကျနှင့်ဆောင်းပေါက်ကာလတွင် တစ်ကြိမ်စီရှင်းပေးပါ။

၅။ ပေါင်းရှင်းပြီးတိုင်း ကွမ်းသီးပင်ခြေရင်းမှ (၂)ပေကွာတွင် ပတ်ပတ်လည် မြေဆွပြီး ယူရီယား အကြမ်းပန်းကန်လုံးဝက် ဖြူး၍ မြေပြန်အုပ်ပေးပါ။ ယူရီးယားအစား အာမိုနီယမ်ဆာလဖိတ်ရပါက သုံးသင့်ပါသည်။ ပြီးလျှင် ရေဖြန်းပါ။

၆။ ပန်းခိုင်ထွက်ချန်(၄-၆)နှစ်သားတွင် ပင်ခြေ(၃)ပေ ပတ်လည်တွင် ဗျက်(၆)လက်မ မြောင်းတူးပြီး နွားခေးမှုန့်(၁)ပြည်၊ ယူရီးယား အကြမ်းပန်ကန်တဝက် ထည့်ပေးပြီး ရေလောင်းပေးပါ။

ဖြစ်ပွားတတ်သောရောဂါ

ကွမ်းသီးပုပ်ရောဂါသည် မိုးရေချိန်လက်မ(၇၀)လက်မနှင့် အထက်ရွာသွန်းသောဒေသများတွင် ဖြစ်ပါသည်။ မိုးရွာသွန်းပြီး (၂-၃)ပတ်အကြာတွင် ကွမ်းသီးစိမ်းပေါ်တွင် ရေစိုနာကွက်များ ဖြစ်ပေါ်လာပြီး ညိုဖျော့အရောင်ပြောင်းကာ ကြွေကျပါသည်။

ကာကွယ်နှိမ်နင်းခြင်း

၁။ ရောဂါကျပင်ကြွင်းကျန်များကို အသီးများကို မီးရှို့ဖျက်ဆီးပါ။

၂။ နှုတ်ထားသောကျင်းတွင်း မီးရှို့ပါ။

၃။ ဘော်ဒိုဆေးရေ( 5:5:50)ကို ဖျော်စပ်ပြိး လောင်းထည့်ပါ။

၄။ မိုးဦးကျချိန်မှ ပင်ခြေပိုင်းအရွက်များ ထိပ်ညွှန့်များကို ဘော်ဒိုဆေးအရ ( 5:5:50)ပက်ဖျန်းပါ။

၅။ မြက်ခြောက် ကောက်ရိုးတို့ကို ဘော်ဒိုဆေးရည်စိမ်ပြီး ပင်ရင်းအုပ်ထားပါ။

အသီးခူးဆွတ်ခြင်း

ကွမ်းသီးပင်သည် အပြုစုကောင်းပါက (၄-၆)နှစ်တွင် စတင်သီးပြီး (၂၀-၂၅)နှစ်တွင် ဖြိုင်ဖြိုင် သီးတတ်ပါသည်။ တပို့တွဲ၊တပေါင်း (ဖေဖော်ဝါရီ၊ မတ်လများ)တွင် အသီးရင့်မှည့်ပါသည်။ စတင်သီးသောနှစ်တွင် တပင်မှ (၃၀)လုံး ဝန်းကျင်သာ ရရှိနိုင်သော်လည်း သက်တန်းရင့်လာသည်နှင့်အမျှ တစ်ပင်မှ (၄၀၀)လုံးအထိ ရရှိနိုင်ပါမည်။ တစ်နှစ်လျှင် ကွမ်းသီးခိုင်(၆-၇)ခိုင်ထွက်ပါမည်။ အပင်သက်တမ်း(၄၀၀)ကျော်လျှင် အပင်အိုသွားပြီ ဖြစ်ပါသည်။

အတန်းအစားခွဲခြားခြင်း

၁။ ပြောင် ရွေး ကြက်ချေး(တောင်ငူ)

၂။ အမာလုံးချော အပွအသားကျဲ အမာခွံအုပ် အလုံးမဲ (မန္တလေး)

ကွမ်းသီးများကို ခူးဆွတ်ပြီးပြီးခြင်း အခွံနွာခြင်းနှင့် ရေဆေးခြင်းတို့ ပြုလုပ်ရပါမည်။ နွမ်းသွားမှ နွာလျှင် အဆင်မပြေတော့ပေ။ ရင့်လွန်းအားကြီးလျှင်လည်း မကောင်းပါ။ ထို့ကြောင့် ခူးဆွတ်ရာတွင် အနေတော်ခူးရမည်။

ဈေးကွက်အတွက် ပြုပြင်နည်း

၁။ အစိုနည်း

ကောင်းစွာရင့်မှည့်သော ကွမ်းသီးများကို အခွံမခွာပဲ စဥ့်အို့းကြီးများ အတွင်းထည့်ပြီးနောက် ရေအပြည့်ဖြည့်ပါ။ စဥ့်အို့း(၁)လုံးလျှင် အလုံးရေ(၅၀၀ – ၁၀၀၀)ထိ ဆန့်ပါသည်။ (၂-၃)ရက်အကြာ ကွမ်းသီးများ ပုပ်လာသောအခါ ရေဟောင်းကိုသွန် ရေသစ်ထည့်ပေးပြီး (၄-၅)ကြိမ်လုပ်ပါ။ အပုပ်ရပ်သွားပြီး ကြုံသွားသည်။

၂။ အခြောက်နည်း

ရင့်မှည့်သော အသီးများအား ခူးပြီး သေတ္တာထဲသို့(၁)လခန့် ထည့်ထားပါ။ အပူပြန်ပြီး ပုပ်သွားပါမည်။ အပုပ်ရပ်သွားသောအခါ ကွမ်းသီးများ အေးသွားပါသည်။ ၎င်းတို့ကိုထုတ်ကာ အရိပ်အောက်တွင် (၂-၃)ရက် ဖြန့်ခင်းထားပါ။ ထို့နောက် စဥ့်အိုးထဲထည့်ပြီး လေလုံအောင် ပိတ်ထားပါ။ (၄-၅)ခန့်ကြာသောအခါ ရောင်းတန်းဝင် ကွမ်းသီးများ ရရှိပါမည်။

အစိုနည်းသည် ကရိကထများသော်လည်း တာရှည်ထားရပါသည်။ အခြောက်နည်းသည် အနံ့အသက်ကင်းပြီး အလုပ်မရှုပ်သော်လည်း အပင်ပေါက်သဖြင့် တာရှည်ထားမရပါ။ ကိုယ်တိုင်စားသုံးရန်အတွက် အခြောက်နည်းကို သုံးကြပြီး ရောင်းချရန်အတွက် အစိုနည်းကို သုံးသင့်ပါသည်။

ကွမ်းသီးဖတ်အသုံးချမှု

ဖက်ချော၊ ဖက်ကျော၊ ဘိနပ်စာ ယူပြီး(၃)မျိုး ရရှိပါသည်။ ဖက်ချောသည် တစ်နှစ်လျှင် တစ်ပင်မှ (၇-၈)ရွက်ခန့် ရရှိပါသည်။ မြန်မာတို့ ဆေးလိပ် လိပ့်သောက်ကြ၏။ အပြင်လွှာဖြစ်ပါသည်။ အလယ်လွှာ ဖြစ်သောဖက်ကျောသည် အနည်းငယ်ကြမ်းသဖြင့် ဆေးလိပ်အစီမံ လုပ်ကြပါသည်။ ဘိနပ်စာသည် အပြင်ဆုံးလွှာဖြစ်ပြီး ပိန်းတန်း၊ ဘုံဘိုင်စသော ဖိနပ်များလုပ်ရာတွင် ခုံယူရန် အသုံးပြုပါသည်။

ကိုးကား - Greenwaymyanmar
မူရင်းရေးသားသူ - သက်ထားဇင်

မေတ္တာဖြင့် တစ်ဆင့်ပြန်လည်ကူးယူဖော်ပြထားခြင်းသာဖြစ်ပါသည်။
စာတွေ့နှင့်ကိုယ်တွေ့ ကွာခြားနိုင်သည်မို့
အမှားယွင်းတစ်စုံတစ်ရာပါရှိသော် နားလည်ပေးကြပါ မိတ်ဆွေများခင်ဗျာ

စိုက်ပျိုးရေးသုံး ရေပိုက်၊ရေဘား၊ဘောင်အုပ်လိပ်နှင့် ပိုက်ဆက်ပစ္စည်းများကို ပစ္စည်းမှန်စျေးနှုန်းမှန်ဖြင့် ဝယ်ယူနိုင်ပါပြီ ခင်ဗျာ

Page messengerမှာသော်လည်းကောင်း
Viberနံပါတ် 09-962649091ကိုသော်လည်းကောင်း
အသေးစိတ်မေးမြန်းနိုင်သလို

📲09-962649091
📲09-785873157သို့လည်း ဖုန်းဆက်မေးမြန်းနိုင်ပါတယ်ခင်ဗျာ