Dream Creator

ဒီအခြေအနေဒီကာလကြီးမှာ လူကြီး၊ လူငယ်၊ ကလေးအားလုံး စိတ်ပိုင်းဆိုင်ရာ၊ ရုပ်ပိုင်းဆိုင်ရာအားလုံး အများကြီးထိခိုက်နာကျင်ခံစားရတာ ကိုယ်တွေ့မျက်မြင်ပါပဲ။

ကျွန်တော်ကတော့ ဒီအခြေအနေဆိုးကြီးကိုအကောင်းဆုံးတောင့်ခံနိုင်ဖို့ဆိုရင်-
✨စိတ်ပိုင်းဆိုင်ရာနဲ့ပတ်သက်ပြီးအဆပေါင်းများစွာ သန်မာအောင်လေ့ကျင့်ထားစေချင်တယ်။

✨လက်ရှိကိုယ်ထိန်းချုပ်နိုင်တဲ့အရာ၊ မထိန်းချုပ်နိုင်တဲ့အရာတွေကဘာလဲဆိုတာ သိအောင်လုပ်ပါ။

✨ရှောင်လို့မရတဲ့ဒုက္ခဆိုတာ ခန္ဓာ(၅)ပါးရှိတဲ့လူတိုင်း တစ်မျိုးမဟုတ်၊တစ်မျိုးရှိကြတာကြောင့် ထိုင်ညည်းမနေဘဲ ဘယ်လိုနည်းလမ်းနဲ့အကောင်းဆုံးဖြေရှင်းမလဲ?ဆိုတာထည့်တွေးစေချင်တယ်။

သိပ်ပြီးအများကြီးမပြောလိုတော့ပါဘူး။ ဒီကာလကြီးမှာ စိတ်ရော၊ကိုယ်ပါအရင်ကထက်အဆပေါင်းများစွာ ကြံ့ခိုင်အောင်လုပ်ဖို့ပဲ message ပါးလိုက်ပါရစေ။

အားလုံးအဆင်ပြေကြပါစေဗျာ။

ကျွန်တော်တို့လူသားအားလုံးရဲ့စိတ်ဟာ တစ်စက္ကန့်အတွင်းမှာ ကုဋေပေါင်းများစွာဖြစ်ပျက်နေတယ်ဆိုတာ အားလုံးသိပြီးသားဖြစ်မှာပါ။

ဒီတော့ တစ်ရက်တာ(၂၄)နာရီအတွင်းမှာတင် ဖြစ်ပျက်သွားတဲ့စိတ်ဟာ ဘယ်လောက်ထိများပြားမလဲဆိုတာ မတွေးလည်း သိသာပါတယ်။

စက္ကန့်နဲ့အမျှဖြစ်ပျက်နေတဲ့စိတ်ဟာ အဖြစ်ပျက်မြန်လွန်းသလို၊ ကိုယ့်အတွေး၊ စိတ်ကို သေချာသတိနဲ့မထိန်းနိုင်ဘူးဆိုရင် အတော်လေးစိတ်ဖိစီးစရာဖြစ်နေမှာ သေချာပါတယ်။

အထူးသဖြင့် ကျွန်တော်တို့လတ်တလောကြုံတွေ့နေရတဲ့အဖြစ်အပျက်အားလုံးဟာ စိတ်ပိုင်းဆိုင်ရာရော၊ ရုပ်ပိုင်းဆိုင်ရာအတွက်ပါ အတော်လေးထိခိုက်စေပါတယ်။

ဒီလိုအခြေအနေမျိုးကိုအကောင်းဆုံးနဲ့အတည်ငြိမ်ဆုံးကျော်ဖြတ်နိုင်ဖို့ဆိုရင် ကျွန်တော်တို့အနေနဲ့ကိုယ့်ရဲ့စိတ်ကို သတိနဲ့သေချာလေ့ကျင့်ပေးဖို့လိုအပ်ပါတယ်။

အဲဒီလိုစိတ်ကိုသတိနဲ့သေချာလေ့ကျင့်ခြင်းကို တရားထိုင်ခြင်း - Meditation လို့ခေါ်ပါတယ်။

တရားထိုင်ခြင်း - Meditation က ကျွန်တော်တို့အားလုံးရဲ့ နေ့စဉ်ဘဝအတွက် ဘယ်လိုအကျိုးကျေးဇူးတွေရစေလဲဆိုရင်?
✨စိတ်ဖိစီးမှုကိုလျှော့ချပေးပါတယ်။
✨စိတ်တည်ငြိမ်စေပြီး အာရုံစူးစိုက်မှုကောင်းစေပါတယ်။
✨မှန်ကန်တဲ့စိတ်ခံစားမှု နှလုံးသွင်းမှုဖြစ်စေပါတယ်။
✨ကောင်းမွန်နှစ်ခြိုက်စွာအိပ်ပျော်စေပါတယ်။
✨စိုးရိမ်မှုလွန်ကဲခြင်းနှင့် စိတ်ကျဝေဒနာကိုပျောက်စေပါတယ်။

✨ဦးနှောက်မှတ်ဉာဏ်စွမ်းရည်ကို တိုးတက်စေပါတယ်။

ပြောရမယ်ဆိုရင် ရုပ်ပိုင်းဆိုင်ရာတစ်ခုတည်းသန်မာနေလို့မရပါဘူး၊ စိတ်ပိုင်းဆိုင်ရာကျန်းမာကြံ့ခိုင်ဖို့လည်း လိုအပ်ပါသေးတယ်။

ဒါကြောင့် ကျွန်တော့်အနေနဲ့ creators တို့အားလုံးကို တစ်ရက်ကိုအနည်းဆုံး နာရီဝက်(သို့) ၄၅မိနစ်လောက် တရားထိုင်ဖို့အချိန်ပေးစေချင်ပါတယ်။

အားလုံးအဆင်ပြေကြပါစေဗျာ

လူအများစုက သောကြာနေ့ရောက်ရင်
TGIF ဆိုပြီး စိတ်လွတ်ကိုယ်လွတ်ပျော်မိတတ်ကြပါတယ်။
အရင်က ကျွန်တော်ကိုယ်တိုင်လည်း အဲ့ဒီလိုဖြစ်ခဲ့ဖူးပါတယ်။

နောက်တော့ ကိုယ်တိုင်ဘာသိလာရလဲဆိုရင်
သေချာစနစ်တကျလေ့ကျင့်ထားတဲ့ အလေ့အကျင့်၊ စိတ်ဓာတ်ပိုင်းဆိုင်ရာတွေ
TGIF ပြီးသွားတဲ့နောက်မှာ ယုတ်လျော့သွားသလိုခံစားရတာပါပဲ။

အဲ့ဒီလိုပြောလို့ စိတ်ပျော်လက်ပျော်မနေရဘူးလို့ ဆိုလိုတာမဟုတ်ပါဘူး။
လုပ်လက်စအလုပ်တွေ၊ လေ့လာစရာရှိတာတွေပုံမှန်တိုင်းလုပ်၊ ပြီးရင်တော့ ကိုယ်ပိုင် Relax Time လေးမှာ Netflix ပဲကြည့်ကြည့်၊ ဂိမ်းပဲဆော့ဆော့ နေလို့ရပါတယ်။

အဓိကပြောချင်တာကတော့ ဘာ‌ Day ကြီးပဲနေနေ ကိုယ့်ရဲ့စနစ်ကိုအပျက်မခံဘဲ လုပ်စရာရှိတာလုပ်ပြီးမှ အေးဆေး Relax လုပ်သင့်တယ်ဆိုတာပါပဲ...။

Cheers to a wonderful Friday✨

အရင်အပတ်တွေတုန်းက တိုးတက်ပြောင်းလဲလာတဲ့မားကတ်တင်းခေတ် Era များနဲ့ပတ်သက်ပြီး မျှဝေပေးခဲ့ပါတယ်ဗျာ။
အနှစ်ချုပ်ပြောရရင် Marketing 1.0 - Marketing 6.0 အထိ ဖြစ်ပါတယ်။

ဒီတစ်ပတ်မှာတော့ အလွယ်တကူပြန်ဖတ်နိုင်အောင် Collection အနေနဲ့ Link တစ်ခုချင်းစီထည့်ပြီး ပြန်လည်မျှဝေပေးလိုက်ရပါတယ်ဗျာ။

✨ Marketing 1.0
https://www.facebook.com/share/p/korFsUXcCDtoQ7a2/?mibextid=Nif5oz

✨ Marketing 2.0
https://www.facebook.com/share/p/TKmfN6GDuTZ7LgC2/?mibextid=Nif5oz

✨ Marketing 3.0
https://www.facebook.com/share/p/c8ViSDx3xoaPmE1y/?mibextid=Nif5oz

✨ Marketing 4.0
https://www.facebook.com/share/p/pVcK7zjXREXeS5Ya/?mibextid=Nif5oz

✨ Marketing 5.0
https://www.facebook.com/share/p/A516r2b6tvegZop2/?mibextid=Nif5oz

✨ Marketing 6.0
https://www.facebook.com/share/p/V3NbrShTuDcmdqGD/?mibextid=Nif5oz

နောက်အပတ်တွေမှာလည်း မားကတ်တင်းနဲ့ပတ်သက်ပြီးထပ်မံမျှဝေပေးဦးမှာဖြစ်လို့ ကျွန်တော်တို့ Page လေးကို အမြဲစောင့်ကြည့်ဖို့မမေ့ပါနဲ့ဦး။

See You All Guys🫶🏻

ကျွန်တော်တို့အားလုံးဟာ လူသားတွေဖြစ်တဲ့အလျောက် ပေးစရာဆင်ခြေတွေလည်းအတော်များပါတယ်။

တခါတလေ မိုးအုံ့နေလို့၊ မိုးရွာနေလို့ ဒီနေ့တော့နားလိုက်ဦးမယ်🥹
အသည်းကွဲနေလို့၊ ရည်းစားနဲ့အဆင်မပြေလို့ လုပ်လက်စအလုပ်တွေ Hold ထားဦးမယ်😑
Mood ပျောက်နေလို့ ဘာမှလုပ်ချင်စိတ်မရှိဘူးဆိုတာမျိုးတွေပေါ့ 🫠

တကယ်တော့ ကိုယ်လုပ်ရမယ့်အလုပ်များနဲ့ပတ်သက်ပြီးတော့ နေ့ရွှေ့ညရွှေ့လုပ်တာမျိုးကကြာလာရင်
✨ကိုယ့်ရဲ့ လုပ်နိုင်စွမ်းရည် (Productivity)
✨စိတ်ဓာတ်ပိုင်းဆိုင်ရာ (Mental)
✨အခွင့်အလမ်း (Opportunities) များနဲ့ အလှမ်းဝေးစေပါတယ်။

ဒါကြောင့် ဖြစ်နိုင်မယ်ဆိုရင် မိုးရွာရွာ၊ နေပူပူ၊ Mood ကောင်းသည်ဖြစ်စေ၊ မကောင်းသည်ဖြစ်စေ ကိုယ်လုပ်စရာရှိတာလုပ်ပါ။

စနစ်တကျလေ့ကျင့်ထားတဲ့အလေ့အကျင့်ကို ဘာမဟုတ်တဲ့ဆင်ခြေကြောင့်အပျက်မခံပါနဲ့။
အဲ့ဒီအစား လုပ်စရာရှိတာလုပ်လိုက်၊ 15မိနစ်လောက်နားတာမျိုး၊ ကိုယ့်ကိုယ်ကို Reward ပြန်ပေးတာမျိုး လုပ်ကြည့်ပါ။

ဒါဆိုရင် ကျွန်တော်တို့ရဲ့ Mindset ဟာ ဘယ်လိုအခြေအနေမျိုးမှာဖြစ်ဖြစ် ခိုင်မာနေပါလိမ့်မယ်။

Creator တို့သိပါသလား?
နေ့စဉ်ကိုယ့်ရဲ့ Personal & Professional Life မှာ ပိုပိုကောင်းတဲ့ဗားရှင်းအသစ်များနဲ့အတူ Mental ပိုင်းဆိုင်ရာ Strong & Calm ဖြစ်ဖို့လည်း လိုအပ်တယ်ဆိုတာ…

အဲ့ဒီအတွက် အချိန်တွေအများကြီးပေးစရာမလိုပါဘူး။ တစ်ရက်ကို နာရီဝက်ခန့်အချိန်ပေးပြီးတရားထိုင်ရုံနဲ့ ကိုယ့်ရဲ့စိတ်ပိုင်းဆိုင်ရာကို အများကြီးအထောက်အကူဖြစ်စေပါတယ်။

ဒါကြောင့် ဒီနေ့မှာတော့ Creator အားလုံးတရားထိုင်တဲ့အခါမှာ ကိုယ်နဲ့အဆင်ပြေစေမယ့် Meditation Methods တွေရွေးချယ်နိုင်စေဖို့ Meditation အမျိုးအစားများကို မျှဝေပေးပါရစေ။
✨Mindfulness Meditation
✨Spiritual Meditation
✨Mantra Meditation
✨Movement Meditation
✨Loving-kindness Meditation (Metta)
✨Visualization Meditation
တို့ဖြစ်ပါတယ်။ နောက်ထပ်တခြားသော Meditation အမျိုးအစားများစွာလည်း ရှိပါသေးတယ်။

‌ဒီတော့ ကိုယ်နဲ့ကိုက်ညီတဲ့ Meditation အမျိုးအစားကိုရွေးချယ်ပြီး တစ်ရက်တာရဲ့အကောင်းဆုံးဗားရှင်းကို ပုံဖော်နိုင်မှာဖြစ်ပါတယ်။

နောက်ရက်တွေ့မှာတော့ Meditationအမျိုးအစားတစ်ခုချင်းစီအကြောင်းကို ပြန်လည်မျှဝေပေးဦးမှာဖြစ်လို့
Page ကို အမြဲစောင့်ကြည့်ဖို့မမေ့ပါနဲ့ဦး။

Create Your Best Version✨

မနက်အိပ်ရာထလို့ မျက်စိနှစ်လုံးဖွင့်လိုက်တာနဲ့ ဘူပိတ်စေတဲ့ အတွေး၊ စကား၊ အလုပ်
မလုပ်မိပါစေနဲ့။

-By Dream Creator

နေ့စဉ်ဘဝမှာအထာကျဖို့ M(3)လုံးလိုတယ်ဆိုတာ
ဟုတ်ပါတယ်။
✨ Mindfulness - M
✨ Mindset - M
✨ Marketing - M

ဒီ M(3)လုံးကိုသာ သေချာသိထားပြီးအသုံးချနိုင်မယ်ဆိုရင် ကိုယ်ချမှတ်ထားတဲ့ Goals များအတွက်
အထောက်အပံ့ဖြစ်စေမှာ သေချာပါတယ်။
ဒီတော့ နောက်ရက်တွေမှာကျွန်တော်နဲ့အတူလေ့လာကြည့်ရအောင်ဗျာ။

အခုဆိုရင် Marketing 6.0 ခေတ်ရောက်ရှိလာပါပြီ။
ဒါပေမယ့် ကျွန်တော်တို့နိုင်ငံမှာတော့ မဟုတ်သေးပါဘူး။

ပြီးခဲ့တဲ့ ၂၀၂၃ကုန်ခါနီးမှာတင် Philip Kotler ရဲ့ Marketing 6.0 : The Future is Immersive စာအုပ်ထွက်ရှိခဲ့တာ အားလုံးသိကြမှာပါ။

ဒီတော့ Marketing 6.0 မှာဆိုရင် AI Technology ကိုအသုံးပြုပြီးကြမ်းလာကြပါပြီ။
ရှေ့က မားကတ်တင်းခေတ်တွေမှာထက် နည်းပညာကိုအရှိန်အဟုန်နဲ့အသုံးချပြီး Physical + Digital = Phygital Marketing ဆိုတာမျိုး အပြိုင်အဆိုင်ဖြစ်ထွက်ပေါ်လာတာ တွေ့ရမှာပါ။

ပြောရမယ်ဆိုရင် မားကတ်တင်း ၆.၀ ခေတ်မှာဆိုရင် နည်းပညာကိုကောင်းကောင်းအသုံးချနိုင်တဲ့ မားကတ်တင်းသမားတွေ၊ လုပ်ငန်းရှင်တွေ၊ strategists သမားများသာ ပြိုင်ဘက်တွေထက်ခြေတစ်လှမ်း ပိုရောက်နေမှာသေချာပါတယ်။

ဒါကြောင့် မားကတ်တင်း ၆.၀ ဆိုတာ တိုးတက်ပြောင်းလဲလာတဲ့နည်းပညာလမ်းရေစီးကြောင်းကို အသုံးပြုပြီး တဆင့်ပြောင်းလဲလာတဲ့ မားကတ်တင်းခေတ်တစ်ခေတ်လို့ ဆိုရမှာဖြစ်ပါတယ်။

ဒီနေ့တော့ ဒီလောက်ပါပဲဗျ။ နောက်နေ့တွေမှာတော့ မားကတ်တင်းနဲ့ပတ်သက်ပြီးနောက်ထပ်အကြောင်းအရာသစ်တွေ မျှဝေပေးဦးမှာဖြစ်လို့ page ကို စောင့်ကြည့်ဖို့ မမေ့ပါနဲ့ဦး။

အားလုံးအဆင်ပြေကြပါစေဗျာ

Mindset နဲ့ပတ်သက်ပြီး ကျွန်တော်မြင်မိတဲ့အချက်ကို Creators တို့အတွက် ပြန်လည်ပြောပြပေးချင်ပါတယ်။
ဒါက ကျွန်တော်ကိုယ်တိုင်ပတ်ဝန်းကျင်မှာ တွေ့ဖူး၊ မြင်ဖူး၊ ကြုံခဲ့ဖူးတဲ့အတွေ့အကြုံပါ။

လူအများစုက “ဆင်းရဲဒဏ်ကိုကြံ့ကြံ့ခံပြီး ကြိုးစားအောင်မြင်လာကြပေမယ့် အောင်မြင်မှုဒဏ်ကိုတော့ မခံနိုင်ကြပါဘူး။”

ပြောရမယ်ဆိုရင် ဆင်းရဲနေတုန်းကဘဝမပျက်ပေမယ့် အောင်မြင်လာတဲ့အချိန်ကျမှ ဘဝပျက်ပြီးလမ်းဘေးရောက်သူတွေအများကြီးပါ။

ဒါကြောင့် Creators တို့အနေနဲ့ ကိုယ်သက်ဆိုင်ရာနယ်ပယ်အသီးသီးမှာ Level တစ်ခုထိရောက်အောင် ကြိုးစားနေတယ်ဆိုရင် Mindset နဲ့ပတ်သက်ပြီး ကျွန်တော်ပြောပြမယ့်အချက်တချို့ကို သတိပြုမိစေချင်ပါတယ်။

-ဆင်းရဲဒဏ်ရော၊ အောင်မြင်မှုဒဏ်ရောခံနိုင်အောင်ကြိုးစားတည်ဆောက်ပါ။

-ငါသိတယ်၊ ငါတတ်တယ်ဆိုတဲ့အတွေးကိုဖျောက်ပါ။ အဲ့ဒီအစား ငါ့အတွက်နေ့စဉ်နဲ့အမျှသင်ယူစရာတွေ အများကြီးရှိသေးတယ်လို့ တွေးပါ။

-ပြောင်းလဲမှုတိုင်းမှာလိုက်ပါစီးမျောနိုင်ဖို့ အသင့်အနေအထားဖြစ်အောင် ကြိုတင်ပြင်ဆင်ထားပါ။

-ကိုယ့်အပေါ်ကောင်းစေချင်တဲ့စိတ်နဲ့ဝေဖန်ရင် လက်ခံ၊ ပြုပြင်တတ်ပါစေ။ ဒါပေမယ့် ကိုယ့်အပေါ်မနာလိုစိတ်နဲ့ ကဲ့ရဲ့ပြစ်တင်နေရင်တော့ လျစ်လျူရှုလိုက်ပါ။

- နောက်ဆုံးအချက်ကတော့ ဆရာဖြိုးပိုင်ရဲ့စကားကိုယူသုံးရမယ်ဆိုရင်- “အရှုံးဆိုတာမရှိဘူး၊ ရလဒ်တွေပဲရှိတယ်။ လုပ်ရပ်‌ပြောင်းရင် ရလဒ်ပြောင်းတယ်”ဆိုတာလေး အမြဲနှလုံးသွင်းထားစေချင်ပါတယ်။

အားလုံးအတွက်အကျိုးရှိမိလို့ ယုံကြည်ပါတယ်။
Strong Mindset နဲ့အတူ Best Version ကိုဖန်တီးနိုင်ကြပါစေဗျာ။

Mindfulness ကို မြန်မာလိုနားလည်လွယ်အောင်ပြောရမယ်ဆိုရင် “စိတ်ကိုသတိနဲ့စောင့်ကြည့်ခြင်း”ပါပဲ။
ထပ်ပြီးပြောရရင် စိတ်ကိုပစ္စုပ္ပန်တည့်တည့်မှာထားပြီး သတိနဲ့ထိန်းခြင်းပါပဲ။

ဒီတော့ Mindfulness ဆိုတာ ကျွန်တော်တို့ရဲ့နေ့စဉ်ဘဝအတွက် တကယ့်အရေးကြီးလှပါတယ်။

ဘာကြောင့်လဲဆိုရင်?
နေ့စဉ်လုပ်ငန်းဆောင်တာတွေ၊ တာဝန်ဝတ္တရားများအပေါ် ကောင်းမွန်စွာလုပ်ဆောင်နိုင်ဖို့ဆိုရင် ကျွန်တော်တို့အားလုံးရဲ့စိတ်ဟာ Present Mode မှာရှိနေဖို့ လိုအပ်ပါတယ်။

ဒါမှလည်း ကိုယ့်ရဲ့ Personal & Professional Life အတွက် အကောင်းဆုံးဖန်တီးတွေဖြစ်လာစေမှာပါ။

ဒါကြောင့် ဒီနေ့မှာတော့ Creators များအတွက် စိတ်ကို Present Mode မှာထားနိုင်ဖို့၊ Mindfulness လေ့ကျင့်ဖို့ နည်းလမ်းကောင်း(5)မျိုးကို မျှဝေပေးပါရစေ။

🔹Breath Awareness - ဝင်လေထွက်လေမှတ်ခြင်း

🔹Mindful Eating - သတိဖြင့်စားသုံးခြင်း

🔹Journaling - ကိုယ့်အတွေး၊ ခံစားချက်၊ အတွေ့အကြုံများကို ပြန်လည်သုံးသပ်ဖို့ချရေးခြင်း

🔹Body-Based Practice - ယောဂ၊ ထိုက်ချိ၊ Qigong လေ့ကျင့်ကစားခြင်း

🔹Everyday Mindfulness- သွားသတိ၊ လာသတိ၊ စားသတိဆိုသလိုမျိုး အချိန်တိုင်းကိုယ်နဲ့စိတ်ကို သတိနဲ့စောင့်ကြည့်ခြင်း

အခုပြောပြသွားတဲ့အကြောင်းအရာလေးက Creators တို့ရဲ့နေ့စဉ်ဘဝအတွက် အကောင်းဆုံးဖန်တီးမှုတွေလုပ်ဆောင်နိုင်စေမယ့် နည်းလမ်းကောင်းတွေဖြစ်မယ်လို့ ယုံကြည်ပါတယ်ဗျာ။

စာလေးဖတ်ပြီးလို့အကျိုးရှိတယ်ဆိုရင် လက်တွေ့ဘဝထဲထိကျင့်သုံးဖို့အကြံပြုလိုက်ပါရစေ။

လူတစ်ယောက်ရဲ့ identity ဆိုတာ
“နေ့စဉ်သူလုပ်နေတဲ့အလုပ်၊
တွေးနေတေဲ့အတွေး၊
ပြောနေတဲ့စကား”ပါပဲ။

ဒီတော့ ကိုယ်ဘယ်လိုလူဆိုတာသိချင်ရင်
အလုပ်၊ အတွေး၊ စကား ဒီ(၃)မျိုးနဲ့
တိုင်းတာကြည့်ပါ။

ကျွန်တော်တို့ဆီမှာတော့ Marketing 3.0 ကိုတောင် အနိုင်နိုင်ဖြစ်နေပေမယ့် ဖွံ့ဖြိုးတိုးတက်ပြီးနိုင်ငံများမှာတော့ Marketing 5.0 ကနေ Marketing 6.0 ခေတ်ကိုတောင် ရောက်ရှိနေပါပြီ။

ဒါပေမယ့်ဒီနေ့မှာတော့ Creators တို့အတွက် Marketing 5.0 နဲ့ပတ်သက်ပြီး မျှဝေပေးသွားမှာပါ။
Marketing 5.0 နဲ့ပတ်သက်ပြီး ဘယ်လိုပြောဆိုကြလဲဆိုရင်?
Human-mimicking Technologies လို့ခေါ်တဲ့ AI, Chatbots, NLP, AR, VR စတဲ့နည်းပညာများကို အသုံးချပြီး စားသုံးသူများအတွက်ကောင်းမွန်တဲ့ Experience ကို ဖန်တီးပေးခြင်း ဖြစ်ပါတယ်။
တနည်းအားဖြင့် Marketing 5.0 ကို “Next Tech” လို့တောင် တင်စားခေါ်ဝေါ်ကြပါတယ်။

ဒီတော့ Marketing 5.0 မှာ ပါဝင်တဲ့အစိတ်အပိုင်းတချို့ပြောပြရမယ်ဆိုရင်
▪️ Data Marketing
▪️ Predictive Marketing
▪️ Contextual Marketing
▪️ Augmented Marketing
▪️ Agile Marketing တို့ဖြစ်ပါတယ်။

ပြောရမယ်ဆိုရင် Marketing 5.0 ဟာ “Next Tech”လို့ပြောရလောက်အောင်ထိကို အချိန်နဲ့တပြေးညီနည်းပညာကိုအသုံးပြုပြီး တိုးတက်နေတဲ့ခေတ်တစ်ခေတ်လို့ ဆိုရမှာပါ။

ကျွန်တော်တို့အနေနဲ့တော့ ဒီ 5.0 Era ရောက်ဖို့ အတော်လေးရုန်းကန်ကြိုးစားရဦးမှာပါ။

ဒီနေ့တော့ ဒီလောက်ပါပဲဗျ။
နောက်လာမယ့်အပိုင်းမှာတော့ Marketing 6.0 အပြင် မားကတ်တင်းရဲ့နောက်ထပ်အစိတ်အပိုင်းအားလုံးကိုပါ မျှဝေပေးသွားမှာဖြစ်လို့ page ကို စောင့်ကြည့်ဖို့ မမေ့ပါနဲ့ဦးနော်။

✨See you all guys✨

Stoicism ကို philosophy ဆိုတာထက် Mindset လို့ပြောရင် ပိုမှန်မယ်ထင်ပါတယ်။

ကျွန်တော်ကိုယ်တိုင်လည်း Stoicism နဲ့ပတ်သက်ပြီး ရင်းနှီးတာသိပ်မကြာသေးပါဘူး။
ကိုလပြည့်ရဲ့ Burmese Stoics ဆိုတဲ့ Page လေးကနေ Stoicism နဲ့ပတ်သက်ပြီး စသိခဲ့တာပါ။

ဒီတော့ Stoicism နဲ့ပတ်သက်ပြီး ကိုလပြည့်အဓိပ္ပာယ်ဖွင့်ထားတာလေးကို သဘောကျလို့ပြန်မျှဝေပေးပါရစေ။
Stoicism ဆိုတာ “အမှန်မြင်ဝါဒနဲ့ ဘဝကိုကောင်းစွာနေထိုင်နည်း”လို့ဆိုပါတယ်။

Marcus Aurelius, Seneca, Epictetus တို့ဆိုတာ ရောမခေတ်ရဲ့နာမည်ကြီးအတွေးအခေါ်ပညာရှင်များဖြစ်သလို၊ Stoicism ရဲ့လက်ဦးဆရာများလည်း ဖြစ်ပါတယ်။

ကျွန်တော့်အနေနဲ့ ဘာကြောင့် Stoicism သဘောကျရလဲဆိုရင်?
ကိုယ့်ရဲ့နေ့စဉ်ဘဝကို သူတစ်ပါးအမြင်မှာတည်ဆောက်တာမျိုးမဟုတ်ဘဲ စနစ်တကျမှန်မှန်ကန်ကန် ရှင်သန်နေထိုင်တတ်အောင် လမ်းညွှန်ပြသပေးတာကြောင့် ဖြစ်ပါတယ်။

ဇွဲလုံ့လဘယ်လောက်ရှိရှိ ဘဝအပေါ်မြင်တဲ့အမြင် perspective ကလွဲမှားနေရင် လိုရာခရီးကိုရောက်ဖို့ခဲယဉ်းပါလိမ့်မယ်။

ဒီလိုမဖြစ်စေဖို့အတွက် Stoicism ကိုလေ့လာရခြင်း ဖြစ်ပါတယ်။ တစ်ခုမှတ်ထားရမှာက လူပေါ်လူဇော်လုပ်ဖို့မဟုတ်သလို၊ လူအများအထင်ကြီးဖို့ မဟုတ်ဘူးဆိုတာပါ။

ဒါကြောင့် Creators အားလုံး အခုမျှဝေသွားတဲ့ Stoicism နဲ့ပတ်သက်ပြီး လက်တွေ့ကျင့်သုံးကြည့်ဖို့ အကြံပြုချင်ပါတယ်ခင်ဗျာ။

တကယ်လို့ Stoicism နဲ့ပတ်သက်ပြီး လေ့လာချင်တယ်ဆိုရင် ကိုလပြည့်ရဲ့ Burmese Stoic Fb page linkလေးကို အောက်မှာချပေးထားပါတယ်ခင်ဗျာ။
https://www.facebook.com/BurmeseStoic?mibextid=ZbWKwL

✨ အားလုံးအဆင်ပြေကြပါစေ✨

“အတွေးအားလုံးသည် အနာဂါတ်မျိုးစေ့ဖြစ်ပါသည်” ဆိုတဲ့ပိုင်းလော့ဆရာတော်ဘုရားကြီးရဲ့ဩဝါဒက တကယ့်ကိုမှတ်သားစရာပါပဲ။

လူတစ်ယောက်ရဲ့နေ့စဉ်ဘဝမှာ သူ့ရဲ့အတွေးအားလုံးက တစ်ရက်ကို(၇၀,၀၀၀)ခန့် ရှိတယ်လို့ဆိုပါတယ်။
ဒီတော့ တစ်စက္ကန့်အတွင်းမှာတင် အတွေးပေါင်းမြောက်များစွာဖြစ်ပျက်နေတယ်ဆိုတာ သေချာပါတယ်။

သေချာစဉ်းစားကြည့်မယ်ဆိုရင် နေ့စဉ်နဲ့အမျှ နာရီ၊စက္ကန့်တိုင်းမှာ မကောင်းတဲ့အတွေးတွေပဲများနေမယ်၊ တွေးနေမယ်ဆိုရင် နောင်လာမယ့်အနာဂါတ်ဟာလည်း ဘယ်လိုနည်းနဲ့မှကောင်းလာစရာမရှိပါဘူး။

ဒါကြောင့်လည်း ဆရာတော်ဘုရားက “အနာဂါတ်မျိုးစေ့”ဆိုပြီး ပြောထားတာဖြစ်ပါတယ်။

မကောင်းတဲ့အတွေးတွေဝင်နေတယ်ဆိုတာ ကျွန်တော်တို့ရဲ့စိတ်ဟာ အတိတ်ကနေမခွာနိုင်တာကြောင့်လည်းဖြစ်နိုင်သလို၊ ဖြစ်မလာသေးတဲ့အနာဂါတ်ကိုကြိုတင်စိုးရိမ်နေတာကြောင့်လည်း ဖြစ်နိုင်ပါတယ်။

တကယ်လို့ ကျွန်တော်တို့စိတ်ကသာ Present Mode မှာသာရှိနေပြီး အရာရာကိုသတိနဲ့စောင့်ကြည့်တတ်မယ်ဆိုရင် မကောင်းတဲ့အတွေးတွေကို ကောင်းမွန်တဲ့အတွေးများနဲ့ အစားထိုးပစ်နိုင်မှာ ဖြစ်ပါတယ်။

ဒီအချက်ဟာ လူတိုင်းအတွက်သာမက Creators အားလုံးအတွက်လည်း တကယ့်ကိုအရေးကြီးပါတယ်။

ဘာကြောင့်လဲဆိုရင် ကျွန်တော်တို့ Creators တွေမှာသာ မကောင်းတဲ့အတွေးတွေပဲများနေမယ်ဆိုရင် ကောင်းမွန်တဲ့ဖန်တီးမှုတွေ၊ လုပ်ဆောင်မှုတွေ၊ အောင်မြင်မှုတွေကို ရယူနိုင်မှာမဟုတ်ပါဘူး။

📌ဒါကြောင့် နာရီ၊စက္ကန့်တိုင်းမှာ ကိုယ့်ရဲ့အတွေးအားလုံးကိုသေချာဂရုစိုက်ပါ။
📌သတိနဲ့စောင့်ကြည့်ပါ။
📌လက်ရှိကိုယ်တွေးနေတဲ့အတွေးအားလုံးက အနာဂါတ်မှာဖြစ်လာမယ့်ကိုယ့်ဖြစ်တည်မှုကို အများကြီးထောက်ပံ့ပေးတယ်ဆိုတာ မမေ့ပါနဲ့ဗျာ။

Creators တို့အားလုံး အတွေးကောင်းများစွာ Best Version ကိုတည်ဆောက်နိုင်ပါစေခင်ဗျာ✨🫶🏻

Because you're alive, everything is possible.
-Thich Nhat Hanh

မနက်ဖြန်အတွက် တွေးပူနေရင်
လက်ရှိအချိန်အတွက် အရေးကြီးတဲ့အရာအားလုံး
လက်လွှတ်ရလိမ့်မယ်။

ဒါကြောင့် စိတ်ကို Present Mode မှာထားပြီး
ပြင်ဆင်စရာရှိတာ၊ လုပ်စရာရှိတာအားလုံးကို Concentration အပြည့်နဲ့လုပ်။

အားလုံးအဆင်ပြေသွားလိမ့်မယ်✨
All is Well🫶🏻

ခေတ်ကာလအခြေအနေပေါ်မူတည်ပြီး ပြောင်းလဲလာတဲ့အထဲမှာ Marketing လည်းပါဝင်ပါတယ်။

အခုမျှဝေသွားမယ့် Marketing 4.0 ခေတ်မှာဆိုရင် အရင်ခေတ် Eras များနဲ့ မတူတော့ပါဘူး။
ပြောရမယ်ဆိုရင် “Marketing 4.0 = Traditional Marketing + Digital Marketing” ပါပဲ။

ဒီထက်ပိုပြီး အသေးစိတ်ပြောရမယ်ဆိုရင် Marketing 4.0 ဆိုတာ-
🔹Social Media Platforms ပေါ်မှတဆင့် community engagement ရဖို့ကြိုးစားလာကြသလို့ Brand awareness ရဖို့လည်းတည်ဆောက်လာကြပါတယ်။

🔹Content Marketing ကိုအသုံးပြုပြီး မတူညီတဲ့တင်ဆက်ပုံတွေ၊ storytelling တွေ၊ valuable content တွေနဲ့အပြိုင်အဆိုင် တင်ဆက်လာကြပါတယ်။

🔹Data-Driven ဆိုတဲ့အတိုင်း ဆရာဖြိုးပိုင်ပြောသလို “ဝေဒနာအစား ဒေတာနဲ့ပြောတဲ့ခေတ်”လို့ ဆိုရမှာပါ။

🔹အရင်ကဆိုရင်ပစ္စည်းတစ်ခုဝယ်ဖို့အရေး ကိုယ်တိုင်ကိုယ်ကျ Physicalဆိုင်ထိသွားရပါတယ်။ ဒါပေမယ့် 4.0 မှာတော့ Omni-channel marketing ဆိုတာပေါ်လာပါပြီ။

Omni-channel marketing ဆိုတာကတော့ Business လုပ်ငန်းအားလုံးဟာ ကိုယ့် products နဲ့ပတ်သက်ပြီး Offline ရော၊ Online မှာပါ အလွယ်တကူဝယ်ယူရရှိနိုင်အောင် ကြိုးစားဖန်တီးပေးခြင်းဖြစ်ပါတယ်။

🔹 customer နဲ့ market အခြေအနေပေါ်လိုက်ပြီး ပိုပြီး Adaptability ဖြစ်အောင်၊ Flexible ဖြစ်အောင် Agile Marketing ကိုအသုံးပြုလာကြပါတယ်။

ဒါကတော့ Marketing 4.0 နဲ့ပတ်သက်ပြီး အကျဉ်းချုပ်သဘောတရားလောက်သာ ဖြစ်ပါတယ်ဗျ။ Creators အားလုံးကို ဒီထက်ပိုပြီးအသေးစိတ်လေ့လာဖို့လည်း အကြုံပြုလိုပါတယ်။

နောက်တစ်ပတ်မှာတော့ Marketing 5.0 နဲ့အတူ ပြန်လာခဲ့ပါမယ်ဗျာ။

✨အားလုံးအဆင်ပြေသောနေ့လေးဖြစ်ပါစေ✨

✨မနေ့က Pinterest မှာ Anatomy of an Entrepreneur ဆိုတဲ့ပုံလေးကို တွေ့မိလို့…

သဘောကျတာနဲ့ Creators အားလုံးအတွက် ပြန်လည်မျှဝေပေးပါရစေဗျာ🫶🏻

🔹Brain - A pool of ideas
🔹Eyes - Looking for investors and opportunities
🔹Mouth - Communicating the vision
🔹Ears - Listening to customers feedback
🔹Stomach - Trust your gut
🔹Heart - Full of passion
🔹Feet - Dream high but stick to the ground
🔹Legs - Keeps them going in tough time

✨အားလုံးအဆင်ပြေသောနေ့လေးဖြစ်ပါစေဗျာ✨

Creators တို့အားလုံး သတိထားမိပါသလား❓

နေ့စဉ် ကိုယ်တွေးနေတဲ့အတွေး၊ ပြောနေတဲ့စကား၊ လုပ်နေတဲ့အလုပ်အားလုံးက ကျွန်တော်တို့ဘယ်လိုလူဆိုတာကို Identified လုပ်တယ်ဆိုတာ…

ဒီတော့ ကိုယ့်ရဲ့စိတ်ထဲကိုထည့်ထားတဲ့အတွေးတွေ၊ စကားတွေ၊ လုပ်ဆောင်မှုတွေက မကောင်းတဲ့အမှိုက်သရိုက်တွေပဲများနေမယ်ဆိုရင်
ကြာလာတာနဲ့အမျှ ကျွန်တော်တို့ရဲ့စိတ်ဟာ “လူတကာပစ်တဲ့အမှိုက်ပုံး”လိုပဲ ဖြစ်လာမှာပါ။

အဲ့ဒီလိုမဖြစ်ဖို့ဆိုရင် ကျွန်တော်တို့ရဲ့စိတ်ကိုစနစ်တကျသေချာလေ့ကျင့်ထားဖို့ အရမ်းအရေးကြီးပါတယ်။ ဒါမှလည်း ဝင်လာတဲ့မကောင်းတဲ့အတွေး၊ စကားတွေ၊ အလုပ်အားလုံးကို “သတိ”နဲ့ သေသေချာချာဖယ်ရှားနိုင်မှာဖြစ်ပါတယ်။

ဒါကြောင့် ဖြစ်နိုင်မယ်ဆိုရင် နေ့စဉ် Creators တို့အနေနဲ့-
-စိတ်ကိုသတိနဲ့နေတတ်အောင်လေ့ကျင့်ပါ။
-Social Media ကို အလုပ်ကိစ္စနဲ့ အကျိုးရှိစေမယ့်အရာအတွက်ပဲသုံးပါ။
-တရားထိုင်ပါ၊ Journaling ရေးပါ။
-ဘူကောင်တွေနဲ့ဝေးဝေးနေပါ။
-ဝါသနာပါရာအားကစား (သို့) လေ့ကျင့်ခန်းတစ်ခုခုလိုက်စားပါ။

ဒါမှလည်း နေ့စဉ်ကိုယ်လုပ်နေတဲ့အလုပ်တွေ၊ ဖန်တီးနေတဲ့ Creation တွေ၊ ရေးနေတဲ့ Contents အားလုံးက အကောင်းမြင်စိတ်နဲ့အတူ တန်ဖိုးရှိတဲ့အောင်မြင်မှုတွေ ဖြစ်စေမှာပါ။

✨အားလုံးအဆင်ပြေကြပါစေဗျာ✨

We suffer more often in imagination than in reality.

-Seneca

“In October 2005, the advertising agency KNSK created a campaign titled ‘Cutting Board, Sharpener’ for the WMF Grand Gourmet Knife brand.

✨ The campaign effectively conveyed the product and brand with a single great idea.

🔥Photo credit to original uploader

မသေချာမရေရာမှုတွေများလာလေ
ကိုယ်လုပ်နေကျအလုပ်အားလုံးကို
ပုံမှန်ထက်ပိုပြီးအားစိုက်လုပ်သင့်လေပဲ…

ပိုပြီးအရေးကြီးတာရှိပါသေးတယ်။
အဲတာက ကိုယ်နဲ့စိတ်ကိုပိုပြီး Strong ဖြစ်အောင်
ဒူပေဒဏ်ပေခံနိုင်အောင် သေချာပြင်ဆင်ထားရမယ့်အချက်ပါပဲ။

တစ်ခုမှတ်ထားပါ။
လောက,ကပေးတဲ့ လောကဓံဆိုတာ
ကျွန်တော်တို့ဖြေရှင်းနိုင်လောက်မယ့် “ပြဿနာအရွယ်အစား”ကိုပဲ
ချပေးတာပါ။

ဒါကြောင့် ကျွန်တော်အပါအဝင် Creators တို့အားလုံး
မလုပ်နိုင်တဲ့ကိစ္စ၊ မဖြေရှင်းနိုင်တဲ့အခက်ခဲဆိုတာမရှိပါဘူး။

ကိုယ်ရဲ့စိတ်နဲ့လုပ်နိုင်စွမ်းအားကို ယုံကြည်ပါ။
ရှေ့မှာ ကိုယ်ပိုင်ဆိုင်လိုတဲ့ Oasis ဆိုတာ
ရှိပါတယ်✨

အားလုံးဖိုက်တင်းပါဗျာ🤜🏻🤛🏻

မားကတ်တင်းဂုရုကြီးဖြစ်တဲ့ Philip Kotler ရဲ့ “Marketing 3.0”ဆိုတဲ့စာအုပ်ကို မားကတ်တာအများစုသိပြီး၊ ဖတ်ပြီးသားဖြစ်မှာပါ။

အဲ့ဒီမှာ Marketing 3.0 နဲ့ပတ်သက်ပြီး Philip Kotler က ဘယ်လိုပြောထားလဲဆိုရင်?
“Marketing 3.0 : From Products to Customers to Human Spirit”လို့ ဆိုပါတယ်။

ပြောရမယ်ဆိုရင် အရင် Marketing 1.0, 2.0 ခေတ်ကလိုမျိုး တဖက်သတ်ဆက်ဆံရေးတွေ၊ တဖက်သတ်မားကတ်တင်းပုံစံမျိုးတွေမဟုတ်တော့ပါဘူး။
-အထူးသဖြင့် Customer များအပေါ် အပြန်အလှန် Interactive Communication ပုံစံနဲ့ဆက်ဆံလာကြတဲ့အပြင် Customer များရဲ့ emotions ကိုဖမ်းစားနိုင်ဖို့ ကြိုးစားလာကြပါတယ်။

-ဒါ့အပြင် Social Media Marketing မှတဆင့် Engagement (like, share, click) ရဖို့၊ Brand နဲ့ Customer ကြား ယုံကြည်မှုတစ်ခု၊ ဆက်ဆံရေးတစ်ခုတည်ဆောက်လာကြပါတယ်။

-ဒီတော့ Marketing 3.0 ကို အကျဉ်းချုပ်ပြောရမယ်ဆိုရင် Customer, Customer Engagement, Advertising, Branding, Digital Marketing, Social Media တို့ကိုအသုံးပြုပြီး ပိုမိုကောင်းမွန်တဲ့မဟာဗျူဟာတွေချမှတ်လာတဲ့ခေတ်လို့ ဆိုရမှာပါ။

Creators တို့အနေနဲ့ Marketing 3.0 နဲ့ပတ်သက်ပြီး အမြဲမှတ်ထားသင့်တာက “The Happiest Customer Always Win”ဆိုတဲ့အချက်ပါပဲ။

ဒီနေ့တော့ ဒီလောက်ပါပဲဗျ။
နောက်တစ်ပတ်မှာတော့ Marketing 4.0 နဲ့ပတ်သက်ပြီး ထပ်မံမျှဝေပေးသွားပါမယ်ခင်ဗျာ။

“God, grant me the serenity to accept the things I cannot change,
the courage to change the things I can,
and the wisdom to know the difference.”
________

ဒီစာပိုဒ်လေးဖတ်ပြီး ကျွန်တော့်အတွေးလေး “လင်းခနဲ”ဖြစ်မိသွားတယ်။
တကယ်လို့ ကျွန်တော်တို့အားလုံးရဲ့ဘဝမှာ ကိုယ်ဖြစ်ချင်တဲ့အရာအားလုံးမှာ ထိန်းချုပ်နိုင်တဲ့အရာတွေရှိသလို၊ မထိန်းချုပ်နိုင်တဲ့ကိစ္စတွေလည်း အများကြီးပါပဲ..။

ကျွန်တော်အရင်ကပြောခဲ့သလိုမျိုးပေါ့၊ ရာသီဥတုမကောင်းလုံး လေယာဉ်ချိန် Delay ဖြစ်သွားတာမျိုး။ ဒါတွေက ကျွန်တော်တို့ရဲ့ Under Control မှာ ရှိမနေတဲ့ External Situation ဖြစ်သွားတာကြောင့် ဒေါသထွက်လည်းအပိုပါပဲ။

အဲ့ဒီအစား ကိုယ့်ရဲ့ Internal Situationအောက်မှာရှိတဲ့ ကိုယ့်ရဲ့ဒေါသကိုဘယ်လိုထိန်းချုပ်မလဲ? ဒါမှမဟုတ် တခြားအကျိုးရှိတာတစ်ခုခုလုပ်မလားဆိုတာမျိုးပေါ့။

အဓိကတော့ ကိုယ့်ရဲ့ Mental Energy ကို အလကားသက်သက် Drain မဖြစ်စေဖို့ပါပဲ။
ပြောရမယ်ဆိုရင် “အရှိတရားကိုလက်ခံလိုက်မယ်၊
Internal Situation ကို Control လုပ်မယ်၊
ကော်ဖီသောက်လို့မရရင် တခြား Drinks တခုခုရွေးချယ်တာမျိုး Choices တွေအများကြီးရှိပါတယ်။”

ဒီ(၃)ချက်ကိုသာသေသေချာသိထားတယ်ဆိုရင် သူငယ်ချင်းတို့ဟာ “Clarity ကဘာလဲ?”ဆိုတာ သိနှင့်ပြီးပါပြီ။ Clarity ဘယ်လောက်ထိအရေးကြီးလဲဆိုတာကိုတော့ နောက် Content မှာ ပြန်လည်မျှဝေပေးပါမယ်။

ဆိုတော့…ဒုတိယတစ်ချက်ဖြစ်တဲ့ “လောကဓံကိုဒူပေဒဏ်ပေခံရဲတဲ့သတ္တိ”...
ဘာလာလာ…ရင်ဆိုင်မယ်၊ ဆွဲဖြဲမယ်ဆိုတဲ့သတ္တိမျိုး။

ဒါကလည်း တကယ်လိုအပ်တယ်နော်။ ဘဝမှာက “အနိမ့်အမြင့်၊ အတက်အကျ”ရှိပြီးသား။
ဒါပေမယ့် ကျွန်တော်တို့အများစုက နိမ့်ကျတဲ့ဘဝမျိုးမှာဆိုရင်အဆိုးလောကဓံကို ခါးစီးခံနိုင်ပေမယ့်၊
တစ်ဆင့်မြင့်ပြီးအပေါ်ရောက်သွားရင်တော့ ချမ်းသာမှုဒဏ်ကိုမခံနိုင်ကြဘူး။
သိပ်မကြာဘူး၊ ဘဝပျက်ပြီးလမ်းဘေးရောက်တော့တာပဲ။

ဒါကြောင့် “လောကဓံလို့ပြောလို့ရင် ဆင်းရဲဒဏ်ရော၊ချမ်းသာဒဏ်ရော မတုန်မလှုပ်ခံနိုင်တဲ့ကောင်ကပဲ မင်းသားအဖြစ်ကျန်နေခဲ့တာ။
ဒီတော့ဆုတောင်းရင်လည်း “အကောင်းအဆိုးအားလုံး ရင်ဆိုင်ရဲတဲ့သတ္တိမျိုး အကျွန်ုပ်သန္တန်၌ကင်းဝပ်ပါစေလို့” ဆုတောင်းရမယ်လို့တွေးမိတယ်။

နောက်ဆုံးတတိယတစ်ချက်ကတော့…Wisdom ပဲ၊ အကောင်းအဆိုး၊ အကြောင်းအကျိုး၊ အမှားအမှန်ကိုဝေဖန်ပိုင်းခြားနိုင်တဲ့ “ဉာဏ်ပညာ”။
ဒါကလည်း လူဖြစ်လာရင်ဒီလိုဝေဖန်ပိုင်းခြားနိုင်တဲ့ဦးနှောက်လေး ရှိဦးမှ။
မဟုတ်ရင်ဘာထူးမလဲ၊ တိရစ္ဆာန်တွေနဲ့ နင်လား? ငါလား? ဖြစ်နေမှာ။

ဒီနေရာမှာလေ ကျွန်တော့်ဆရာတစ်ယောက်ပြောဖူးတာလေးသတိရမိတယ်။
ဘာပြောလဲဆိုရင် “Knowledge is Power”ဆိုတာမမှန်သေးဘူး၊ “Wisdom is Power” ဖြစ်ရမှာတဲ့။

ဘာလို့လဲဆိုရင် Knowledge ဆိုတာမျိုးက “သညာသိ၊ စာသိ”အဆင့်ပဲရှိသေးတာပါ။
ဒီတော့ တကယ်လက်တွေ့ Apply လုပ်ပြီး တကယ်သိသွားမှလည်း “ပညာသိ”ဆိုတဲ့ “Wisdom” ဖြစ်သွားတာ။

ထပ်ပြောရမယ်ဆိုရင်တော့ ကျွန်တော်တို့အခုသိထား၊ တတ်ထားတယ်ဆိုတာက “Knowledge”အဆင့်ထိရောက်သေးတာပါ။
ဒီတော့ မာန်မထောင်ဘဲ “Wisdom”အဆင့်ထိ တက်လှမ်းနိုင်အောင်ကြိုးစားသွားရမှာ ဖြစ်ပါတယ်။

ဒီနေ့တော့ ဒီလောက်ပါပဲဗျာ။
အခုမျှဝေသွားတဲ့အကြောင်းအရာလေးက Creators တို့အားလုံးအတွက် အကျိုးရှိမယ်လို့ယုံကြည်ပါတယ်ဗျ🫶🏻

ဒီတော့ ကျွန်တော်တို့အားလုံးအတူတူကြိုးစားပြီး လက်ရှိအခြေအနေဆိုးကိုဖြတ်ကျော်ကြမယ်ဗျာ✨

ဒီရက်ပိုင်းစိတ်ညစ်စရာတွေ၊ စိတ်ရှုပ်စရာတွေများတာနဲ့ ကျွန်တော်တစ်ယောက်လုပ်လက်စအလုပ်တွေ ခဏလောက်ပစ်ထားမိသလို ဖြစ်သွားပါတယ်။

ကြားထဲမှာသွားဖို့စီစဉ်ထားတဲ့ Event လည်းမသွားနိုင်၊ ဘာလို့ဘာကိုင်ရမှန်းမသိ တွေဝေမိခဲ့ပါတယ်။

နောက်တော့ဆရာအစ်ကိုတစ်ယောက်လိုမျိုးလေးစားရတဲ့ ကိုလပြည့်ရေးတဲ့စာလေးကိုဖတ်ပြီး “ဪ..ငါသတိလက်လွတ်ဖြစ်ပြီး စိုးရိမ်မှုတွေအရမ်းများသွားတာပဲ”။
လက်ရှိကြုံတွေ့နေရတဲ့အခြေအနေပေါ် အရမ်းစိုးရိမ်စိတ်တွေများပြီးစိတ်ပူနေလို့လည်း ဘာမှမထူးဘူး။

ဒီတော့
🔵အရင်ဆုံးအခြေအနေအမှန်ကို အမှန်အတိုင်းလက်ခံလိုက်မယ်။

🔵ပြီးရင်တော့ ကြိုတင်ပြင်ဆင်စရာရှိတာ၊ လုပ်စရာရှိတာတွေလုပ်ထားလိုက်မယ်။

🔵နောက်တစ်ချက်ကတော့ စိတ်ကိုအတတ်နိုင်ဆုံး Anxiety မများအောင်သတိနဲ့စောင့်ကြည့်မယ်။

🔵အလုပ်ကိစ္စကလွဲပြီး တတ်နိုင်သမျှ Social Media တွေ လျှော့သုံးတာပြီး Meditation လုပ်ကြည့်တာပါပဲ။

အခုလိုအခြေအနေတွေကြုံလာတဲ့အခါမှာ ကျွန်တော်ကောင်းကောင်းနားလည်သွားတာတစ်ခုရှိတယ်။
အဲ့တာက ကိုယ့်ရဲ့စိတ်ကိုအရင်ကတည်းက သတိနဲ့စောင့်ကြည်တတ်အောင်၊ စိုးရိမ်စိတ်နည်းအောင် သေချာမလေ့ကျင့်ထားဘူးဆိုရင်
ပြဿနာကြုံလာတာနဲ့ ကျွန်တော်တို့ရဲ့
ဦးနှောက်ဟာ “မှန်ကန်တဲ့ဆုံးဖြတ်ချက်တွေ” မချမှတ်နိုင်တော့ပါဘူး။

ဒါနဲ့ပဲ သွေးရူးသွေးတန်းနဲ့ဆုံးဖြတ်ချက်အမှား၊ လုပ်ဆောင်ချက်အမှားတွေနဲ့ ချောက်ထဲကျတော့တာပါပဲ။

ဒီနေရာမှာ Creators အားလုံးကိုသိစေချင်တာက စီးပွားရေးအတွက်သာမက နိုင်ငံရေး၊ ကျန်းမာရေး၊ လူမှုရေးစတဲ့အရေးကိစ္စအားလုံးမှာ “တည်ငြိမ်ခြင်းကသာ အမှန်ကိုမြင်စေပြီးလမ်းမှန်ကိုလျှောက်လှမ်းနိုင်မှာဖြစ်တယ်” ဆိုတဲ့အချက်ပါပဲ။

တည်ငြိမ်သောစိတ်နဲ့မှန်ကန်သောလမ်းကိုလျှောက်လှမ်းနိုင်ပါစေဗျာ✨

P̶a̶s̶t̶ 𝗣𝗿𝗲𝘀𝗲𝗻𝘁 F̶u̶t̶u̶r̶e̶

Have A Great Monday☕

🐉𝑯𝒂𝒑𝒑𝒚 𝑳𝒖𝒏𝒂𝒓 𝑫𝒓𝒂𝒈𝒐𝒏 𝑵𝒆𝒘 𝒀𝒆𝒂𝒓 𝒕𝒐 𝒂𝒍𝒍 𝒕𝒉𝒆 𝒄𝒓𝒆𝒂𝒕𝒐𝒓𝒔 𝒂𝒏𝒅 𝒆𝒏𝒕𝒓𝒆𝒑𝒓𝒆𝒏𝒆𝒖𝒓𝒔 𝒐𝒖𝒕 𝒕𝒉𝒆𝒓𝒆

𝑾𝒆 𝒉𝒐𝒑𝒆 𝒕𝒉𝒊𝒔 𝒚𝒆𝒂𝒓 𝒃𝒓𝒊𝒏𝒈𝒔 𝒚𝒐𝒖 𝒍𝒐𝒕𝒔 𝒐𝒇 𝒑𝒓𝒐𝒔𝒑𝒆𝒓𝒊𝒕𝒚, 𝒓𝒊𝒄𝒉𝒏𝒆𝒔𝒔 𝒂𝒏𝒅 𝒉𝒆𝒂𝒍𝒕𝒉✨

🧧𝒀𝒐𝒖 𝒅𝒆𝒔𝒆𝒓𝒗𝒆 𝒊𝒕 𝒇𝒐𝒓 𝒚𝒐𝒖𝒓 𝒉𝒂𝒓𝒅 𝒘𝒐𝒓𝒌 𝒂𝒏𝒅 𝒑𝒂𝒔𝒔𝒊𝒐𝒏.
𝑳𝒆𝒕'𝒔 𝒎𝒂𝒌𝒆 𝒕𝒉𝒊𝒔 𝒚𝒆𝒂𝒓 𝒂 𝒈𝒓𝒆𝒂𝒕 𝒐𝒏𝒆 𝒕𝒐𝒈𝒆𝒕𝒉𝒆𝒓❤️

မနက်ဖြန်ဆိုတာ မသေချာဘူး
အသေချာဆုံးက လက်ရှိပစ္စုပ္ပန်အချိန်ပဲ
ဒါကြောင့် လုပ်စရာရှိတာအကောင်းဆုံးလုပ်
အချိန်မဆွဲနဲ့။

အချိန်ကအရေးကြီးတယ်၊ အစားပြန်မရဘူး။
ကိုယ်ဖြုန်းလိုက်မိတဲ့အချိန်တွေက Golden Hours ဆိုတာ အမြဲအမှတ်ရနေဖို့လိုတယ်။

လက်ရှိပစ္စုပ္ပန်အချိန်မှာအကောင်းဆုံးကြိုးစားနေသူအတွက် နောင်တဆိုတာ သူ့အဘိဓာန်မှာရှိမှာမဟုတ်ဘူး။
ကျွန်တော်တို့အားလုံးကို အချိန်ကိုလေးစားတန်ဖိုးတတ်ဖို့၊ ကောင်းကောင်းအသုံးချတတ်ဖို့ အရေးကြီးပါတယ်။

Marketing 2.0 ခေတ်ကိုတော့ အလွယ်နည်းပြောရရင် စားသုံးသူရဲ့လိုအပ်ချက်ကိုအဓိက Focus လုပ်တဲ့ခေတ်ဖြစ်ပါတယ်။
ဒါကိုတော့ Consumer-centric Marketing လို့ ခေါ်ပါတယ်။

ဒီ 2.0 မှာဆိုရင် အရင်ကလိုမျိုး “များများထုတ်၊ များများရောင်း”ဆိုတာကြီးက သိပ်ဘောင်မဝင်တော့ပါဘူး။
🔷အဲ့ဒီအစား စားသုံးသူ Customer များရဲ့ Needs & Wants ကိုအခြေခံပြီး Product များကို ထုတ်လုပ်လာကြပါပြီ။

🔷 Customer များနဲ့ထိတွေ့ဆက်ဆံပြီး Long-term Relationship တည်ဆောက်ဖို့ ကြိုးစားလာကြပါတယ်။ အထူးသဖြင့် Customer တွေစိတ်ကျေနပ်ဖို့၊ ဝန်ဆောင်မှုကောင်းကောင်းပေးနိုင်ဖို့ အပြိုင်အဆိုင်အားထုတ်လာကြပါတယ်။

🔷ထူးခြားတာက Traditional Marketing ကနေ Digital Era ဘက်ဆီတဖြည်းဖြည်းကူးပြောင်းလာတာကြောင့် နည်းပညာကိုအသုံးပြုပြီး ပိုမိုကောင်းမွန်တဲ့ Marketing Strategies ချမှတ်လာကြပါပြီ။

ဒါ့အပြင် နည်းပညာကိုအသုံးပြုပြီး ရလာတဲ့ဒေတာအချက်အလက်များပေါ်မူတည်ပြီး Customer များရဲ့လိုအပ်ချက်တွေကို ဖြေရှင်းပေးလာကြသလို၊ Digital Environment & Marketing သို့ ကူးပြောင်းလာတဲ့ခေတ်တစ်ခေတ်လို့ ဆိုရမှာပါ။

ဒါကတော့ Marketing 2.0 အကြောင်းဖြစ်ပါတယ်ဗျ။
နောက်တစ်ပတ်မှာတော့ Marketing 3.0 နဲ့ပတ်သက်ပြီး မျှဝေပေးဦးမှာဖြစ်လို့ စောင့်ကြည့်ဖို့မမေ့ပါနဲ့နော်။