Study & Cirrus Clouds
မျောလွင့်အတွေးများ
Study with me
လူတစ်ယောက်ကို မြင်မြင်ချင်း ချစ်မိနိုင်သလား
အင်း ချစ်မိနိုင်တာပေါ့
သူ့ရဲ့ အပြုံးတစ်ပွင့်
သူရဲ့ အပြုအမူ တစ်ခုချင်းစီ တိုင်းကကို
ရင်ဘတ်ကြီးက တဒုန်းဒုန်း နဲ့ ခုန်ပေါက်နေတာ
ရင်ထဲမှာ လိပ်ပြာတွေ တဖျပ်ဖျပ် ခတ်ခဲ့ဖူးပြီ
သို့ပေမဲ့
မမှီနိုင်လောက်တဲ့ တော်ဝင်ပန်း မို့ ဆွတ်ခူးဖို့ မကြိုးစားရဲဘူး
#တိမ်လွှာမိုးသား
ဘဝမှာ ပျော်ရွှင်ရတဲ့အခိုက်အတန့်ဆိုတာ အများကြီးရှိပါတယ်
တခါတလေ တခဏလေး တွေ့ဆုံမိဖို့အတွက် အတိတ်ဘဝက ရေစက်တွေ အများကြီးရှိဖို့လိုတယ်
တွေ့ဆုံမိတဲ့ အခါမှာလည်း
ဖမ်းဆုပ်ခွင့်မရတဲ့ အခိုက်တွေဟာလည်း
ကံကြမ္မာ ကြိုးရဲ့ တစ်ဘဝ တစ်ခန်းရပ် ဇာတ်လမ်းလေးပေါ့
ခုလို ဆုံတွေ့ခဲ့မိတာကိုက သိပ်ပျော်ဖို့
ကောင်းလှပါပြီ
ငေးကြည့်ရုံပါပဲ
(နှစ်သစ်ကူး အမှတ်တရ)
''မာန''
ရှိသင့်တဲ့ မာနလောက်တော့ ရှိရမယ်တဲ့
ရှိသင့်တဲ့ မာနဆိုတာ ဘာကိုပြောတာလဲ
မာနတံခွန်လွှားဆိုတဲ့ စကားကိုတော့ ကြားဖူးပါရဲ့
သေချာစဉ်းစားကြည့်ရင် အခုချိန်ထိ မာနအကြောင်းကို မစဉ်းစားခဲ့ဖူးဘူး
မာနဆိုတာက ရှိခဲ့ဖူးလောက်ပေမဲ့
မာနမှန်း မသိခဲ့တာ
ခုတော့ ဘာ မာန မှလည်း မရှိဘူး
မာန်စွယ်ကို ချိုးထားသလိုမျိုး
ထွက်ပေါ်မလာတော့တာ နေမယ်
နေ့ရက်တိုင်းကို စိုးရိမ်စိတ်နဲ့ဖြတ်သန်းနေရတဲ့ သူတစ်ယောက်မှာ မာန ဆိုတာ ရှိပါ့လား