Pang Wai LBC

Nawˬ naˬ ve htaꞈ nawˬ jawˬ k'o, nawˬ a shaꞈ teꞈ chehˇ sheˍ ve yoˬ. Shu naˬ ve htaꞈ nawˬ jaw puiˉ ve law k'o, nawˬ lehˬ awˬ tehˬ awˬ na chaw yaˇ hpehꞈ tehˬ ve yoˬ.
Hk'e te leh, shu htaꞈ naˬ tuˬ maˇ te ve chaw lehˬ chaw daꞈ chaw kehˬ teˇ g'aˇ hpehꞈ ve yoˬ. Chi hk'oˆ kaꞈ, shu ve naˬ kuiˬ htaꞈ gu na-e piˇ g'a chaw lehˬ, chaw yaˇ ve awˬ hoꞈ awˬ han pfuhˇ taˍ ve mvuhˇ naw tcuh yaˇ hpehꞈ ve yoˬ.

Aˬpuˍ U Aiˬ Caiˇ Panˉ G'uiˬ sha gu hk'awꞈ k'ai peuˬ. 17.3.2022, 1:00pm htaˇ chaw tuˍ ve bon lawˬ oˉk'oˍpui ve te k'ai tuˬ yoˬ.

Resilient December, hoping for greeting sweet December!! 2021, Pang Wai.

Now it's easier to send Pang Wai LBC a message.

Shawˉpawꞈ Shinˉpeuˬ ngaˇ nyi mvuhˇhpeuꞈ Zoom hk'aw lo Ceuˇcaoˬ saˍlaꞈ/ ma teˇ hpaˍ leh Nehˍkanˉ te paˍ teˇ hpaˍ teˇ geh bon lawˬ tuˬ cawˬ ve yoˬ mehˬ .Line g'a ve ceuˇcaoˬ saˍlaꞈ/ ma teˇ hpaˍ gaˬ la g'a tuˬ dawˇ law jaˇ ve yoˬ mehˬ.
zoom.ID .2119041987
Pc.klba2021

Puiˉ ve hpehꞈ ve hk'e coˇ caˇ chehˇ ve yoˬ.

(25.7.2021) shinˉ nyi awˬ pon bon hkawˇ
(11:00 am)

Awˬ lawn lonˉ: Awˬ Hpfuhˇ Hk'aˆ Jaˇ Ve Awˬ Ceuˬ (2) Ceuˬ: A Shaꞈ leh Hteˇ Ve Cawˇ Ve ( Life and Righteousness)
(Mt. 6:25-33)
By
Rev. Kyaw Oo

CO HA YA K'AW
Bon Hkawˇ (2)
Awˬ lawn lonˉ: Chaw Hk'a Peu-eˬ Hk'a Shuˍ Shuˍ Hpehꞈ Ve

"Chi htaꞈ pa taw, teꞈ chiˉ peun daꞈ kuiˬ maˇ cawˬ. Hteˇ ve cawˇ ve chaw leh maˇ hteˇ maˇ maˇ cawˇ ve chaw, daꞈ ve chaw leh maˇ daꞈ ve chaw, ........ chaw hk'a peu-eˬ hk'a shuˍ shuˍ hpehꞈ ve yoˬ." (Cuˇ yiˍ piˇ ve liꞈ 9:2)

Chi teˇ tcuhˉ, miˬ guiˬ ma naˬ beuˬ lonˉ htaꞈ pa taw, chaw yaˇ g'a luˬ g'a shonˇ maˇ jaˇ. Suh-e chaw awˬ lanˬ g'aˇ hpaˆ ve awˬ hk'aw, a shu yawˇ shiˍ ve chaw kaꞈ cawˬ la ve. Teˇ hpaˍ hpaˍ awˬ chawˇ. Teˇ hpaˍ hpaˍ a shu yawˇ ve saˍlaꞈlonˉ. Teˇ hpaˍ hpaˍ chaw daꞈ, bon maˍ paˍ. Daꞈ ve chaw g'a luˬ maˇ jaˇ ve awˬ yanˇ. Cuˇ yiˍ cawˬ ve chaw g'a suh maˇ jaˇ ve awˬ yanˇ.

Chaw hk'a peu-eˬ hk'a shuˍ shuˍ hpehꞈ ve tehꞈ k'oˆ ve lehˬ cawˇ ve yoˬ (cuˇyiˍ 9:2). Hk'e te leh, Liꞈ hpu tawˇ hkawˇ lehˬ chaw yaˇ nyi ma cawˇ tuˬ bvuhꞈ taˍ ve maˇ heˆ, yaꞈ hk'aˇ, nyi ma gu tuˬ bvuhꞈ taˍ ve yoˬ.

Miˬ guiˬ hk'oˆ a shaꞈ teꞈ htaˇ a shu yawˇ heuˆ gaˇ ve htaꞈ tiˉg'aꞈ ca tuˬ maˇ heˆ law. Teꞈ ve tcuhˉ kuiˬ cawˬ tuˬ loˍ aˬ. A shaꞈ teꞈ ve tcuhˉ kuiˬ lehˬ, i jaˇ ve chaw htaꞈ ga piˇ ve teˇ ceuˬ yoˬ (Mt 25).

Miˬ guiˬ yaꞈ k'aw toˇ htaˇ chaw hk'a peu-eˬ hk'a shuˍ shuˍ ehˍ teˇ yaꞈ k'aw tiˉ g'a k'ai ve htawˇ, i jaˇ ve chaw htaꞈ nawˬ ga piˇ ve lehˬ mvuhˇ naw ma ve caˇ lanˇ hpehꞈ ve yoˬ.

(Bon lawˬ hkawˇ: Ha k'aˉ puiˉ shehˍ hpaˇ A pa oˬ, miˬ guiˬ chi htaꞈ naˆ tcuhˇ teˇ pawˆ k'awꞈ gu laˇ sheˍ. Miˬ guiˬ yaꞈ k'aw, ngaˬ hui toˇ htaˇ mvuhˇ naw laꞈ shawnˍ htaꞈ gu teh puiˉ tuˬ ga laˇoˆ. Yeˍsuˆ awˬ meh hk'aw lawˬ ve yoˬ. A menˬ)
Rev. Kyaw Oo

Chi teˇ shinˉ zoom nanˬbaꞈ pa o mehˬ.
ID. 4215992760
Pw. 33333
11:00 am

CO HA YAꞈ K'AW
bon hkawˇ (1)

Awˬ lawn lonˉ: Naˆhoꞈ ve awˬ yanˇ maw jaˇ htawˇ mvuhˇ htiˇ la tuˬ yoˬ

Liꞈ hpu: ''Guiˬ sha lehˬ, hk'aˬ htaˆ kaꞈ haꞈ pehnˇ uiˍ jaˇ leh ha k'aˉ puiˉ jaˇ ve yoˬ. Oˇ ve lehˬ, mvuhˇ shawˉ mvuhˇ ba la leh mvuhˇ nyi tawˆ la ve hk'a shuˍ hpehꞈ ve yoˬ.''( Dawˇ haˍ ve liꞈ 3:22-23)

Ngaˬ a shaꞈ 20 hk'awꞈ hk'e htaˇ heh puiˉ hk'aw lo teˇ haˉ hpaw vaꞈ taˉ jaw ve yoˬ. Oˇ teˇ haˉ kaˆ jaˇtehˬ ma. Aˉ boˆ maˇ cawˬ. Aˬmiˍ kaꞈ maˇ ceh haˆ. Zuhꞈ teˇ mi nawˇ la leh naˍriꞈ nyi htaˇ mvuhˇ hpeuꞈ 7:00 naˍriꞈ tiˉ sheˍ law. Teˇ haˉ ma mvuhˇ htiˇ la tuˬ ve htaꞈ law taˉ ve yoˬ. Naˆ hoꞈ ve awˬ yanˇ hk'aˬ ma maw kaꞈ mvuhˇ maˇ htiˇ la tuˬ a shu teˇ g'aˇ te g'a tuˬ le.

Chi hk'a shuˍ, ngaˬ hui a shaꞈ teꞈ kuiˬ hk'aw lo kaꞈ, law maˇ taˬ lawꞈ lawꞈ naˆ hoꞈ ve awˬ yanˇ maw puiˉ ve yoˬ. Yaꞈ hk'aˇ, G'uiˬ sha lehˬ ka tiꞈ yeˬ ve, haꞈ pehnˇ uiˍ ve, ha k'aˉ puiˉ ve awˬ shehˍ hpaˇ yoˬ. Yawˇ lehˬ ponˬ laˇ shehˍ hpaˇ kaꞈ hpehꞈ ve yoˬ. Ngaˬ hui g'a hpaˍ k'ai chehˇ ve naˆ hoꞈ ve awˬ yanˇ htaˇ htawˇ, Yawˇ lehˬ ngaˬ hui geh chehˇ taˍ ve yoˬ. Mvuhˇ shawˉ mvuhˇ ba la ve awˬ yanˇ awˬ tehˬ awˬ na gaˬ la tuˬ yoˬ.

Tcuh kaˬ paˍ Yeˍraˍmiˆ kaꞈ, naˆ hoꞈ ve awˬ yanˇ htaꞈ g'a hpuˇ taˉ ve yoˬ. Yaꞈ hkaˇ, naˆ hoꞈ kuiˬ hk'aw lo g'a luˬ g'a sheˆ k'ai tuˬ ve maˇ heˆ. G'uiˬ sha htaꞈ g'aˇ va ve chaw awˬ pon g'aˇ shehˍ hpaˇ hpehꞈ tcuh laˇ ve awˬ yanˇ gaˬ tuˬ yoˬ.

Naˆ hoꞈ ve hk'aw mvuhˇ htiˇ la tuˬ yoˬ. Mvuhˇ shawˉ mvuhˇ lawꞈ k'aw hpehꞈ tuˬ yo. (K'a muiˬ li 306 )
Bon lawˬ hkawˇ, "Jawˇ mawˇ G'uiˬ sha-oˬ, naˆ hoꞈ ve awˬ yanˇ maw jaˇ peuˬ. Ngaˬ geh chehˇ leh awˬ g'aˇ piˇlaˇ. Nawˬ ve awˬ g'euˆ paw laˇoˆ. Yeˍsuˆ awˬ meh hk'aw lawˬ ve yoˬ. Aˬmenˍ"
Rev. Kyaw Oo

Haꞈhaˉ ve teˇ ceuˬ, maˇ kawˆ puiˉ ve htaꞈ k'oˆ ve maˇ heˆ. A shu yawˇ kawˆ jehˇ taˍ ve htaꞈ te ve teˇ ceuˬ hpehꞈ ve yoˬ. Chi hk'e te ve teˇ ceuˬ lehˬ, hpehꞈ muiˬ hpehꞈ jaw chehˇ ve awˬ htaiˍ htaꞈ ponˬ tawˆ-e leh awˬ g'uˉsuhˍ teˇ htaiˍ lo vaiˇ chaweh pawˆ taˆ-e tuˬ kanˇ paˆ cawˬ ve yoˬ.
Rev.Kyaw Oo


"Courage isn't an absence of fear. It's doing what you are afraid to do. It's having the power to let go of the familiar and forge ahead into new territory." -John C. Maxwell

Awˬ hoˉ awˬ naˍte kuiˬ awˬhk'aw lo, loˍ ve awˬ ceuˬ nyiˇ ceuˬ cawˬ: maˇ cawˬ la sheˍ ve miˬ guiˬ htaꞈ nyi mawˬ puiˉ ve dawˇ mawˬ g'euˆ leh oˇ ve htaꞈ caˉ daꞈ puiˉ ve puiˉ ve cheuˬ ve awˬ ceuˬ hpehꞈ ve yoˬ.
"Leadership requires two things: a vision of the world that does not yet exist and the ability to communicate it." -Simon Sinek .C. Maxwell

Chi teˇ shinˉ (4.7.2021) Pan vaiˉ Hkriꞈ yaˇ awˬ moˍtanˇ vanˇ bon lawˬ ve htaꞈ Zoom awˬ hk'aw lo k'awꞈ te k'ai tuˬ yoˬ.
ID: 5609338630
Pw: 33333

Awˬ veˆ biˇ ve awˬ cehˬ hpehꞈ la tuˬ, awˬ k'aˉ teˇ hpaˍ goˇ choˆ goˇ hkehˆ awˬ g'aˇ g'a yuˬ ve law. Yaꞈ nyi goˇ hkehˆ ve htawˇ, shawˉ pawꞈ awˬ veˆ veˆ la tuˬ yoˬ. Cho-eꞈ, chi teˇ hkui kaꞈ tan veˆ chehˇ peuˬ mehˬ. G'uiˬ sha ve laꞈ meuˇ daꞈ jaˇ.

Yaꞈ puiˉ haˉ Pan vaiˉ hk'aw pui hk'oˆ mvuhˇ haw gawˬ ma lonˉ meuˆ jaˇ. Shawˉ pawˆ, hpaꞈ nyi, teˇnyiˇ nyi awˬ hk'aw buiˇ nyi veˆ tanˬ veˆ la tuˬ yoˬ.
Aw! Buiˇ nyi veˆ veˆ la tuˬ, chi hk'e mvuhˇ haw gawˬ ma lonˉ loˍ ve law.
Chaw yaˇ a shaꞈ kaꞈ, suhˉ veˆ htaꞈ shuˍ-aˬ tehꞈ k'oˆ ve yoˬ. Daꞈ jaˇ ve suhˉ veˆ hpeh la tuˬ, gawˬ jaˇ ve mvuhˇ haw meuˆ ve htaꞈ g'a hkanˍ puiˉ ve yoˬ.

daˆ aˬ miˍ kaꞈ daꞈ jaˇ peuˬ

Laˇhuˍ Hkriꞈ yaˇ awˬ moˍ teˇ hpaˍ awˬ g'uˇ suhˍ k'ai gaˬ tuˬ, caˍ naˆ taˉ kuiˬ go hk'ehꞈ awˬ ti ehˉ yoˬ

15.11.2020 teˇ shinˉ tanˬ leh
Pan Vaiˉ LaˇhuˍIˉkaˆtuˍve Hkriꞈyaˇawˬmoˍ
zoom oˉ k'oˍ pui bon lawˬ ve htaꞈ te k'ai tuˬ yoˬ.

1. Mvuhˇ shawˉ 8:00 naˍriꞈ htaˇ yaˇ ehˉ sunday school henˇ tuˬ yoˬ.
2. Mvuhˇshawˉ 11:00 naˍriꞈ htaˇ chaw moˍ lonˉ bon lawˬ tuˬ yoˬ mehˬ

Rev. Kyaw Oo
Ceuˇca-oˍ saˍlaꞈ