Dr.PSYCH

🍻စံ အရက် (Standard drink)🍻

Standard drink ဆိုသည်မှာ အဖျော်ယမကာတစ်ခုတွင်ပါရှိသော alcohol(ethanol) ပမာဏကို တိုင်းတာရန်အတွက် အသုံးပြုသည့် အတိုင်းအတာတစ်ခုဖြစ်သည်။

Standard drink အဓိပ္ပါယ်ဖွင့်ဆိုချက်သည် နိုင်ငံ သို့မဟုတ် ဒေသပေါ်မူတည်၍ အနည်းငယ်ကွဲပြားနိုင်သော်လည်း ယေဘူယျအားဖြင့် ၎င်းသည် ယမကာရှိ alcohol ပါဝင်မှုအပေါ် အခြေခံသည်။

နိုင်ငံကြီးများတွင် standard drink အပေါ် အခြေခံပြီး alcohol ကြောင့်ဖြစ်သော ကျန်းမာရေးပြဿနာများကို လျှော့ချရန် guideline ထုတ်ပြန်ထားသည်များရှိသည်။(မြန်မာပြည်သုံး standard drink ဟူ၍တော့ မကြားဖူးသေးပါ)

USA one standard drink တွင် pure alcohol 14 g ဟု သတ်မှတ်ထားသည်။

ဤ alcohol 14 g ပါဝင်သည့် one standard drink ပမာဏသည်
- ပုံမှန်ဘီယာ (355 မီလီလီတာ) တစ်ခွက် (များသောအားဖြင့် alcohol 5% ဝန်းကျင်)
- ဝိုင် (၁၄၈ မီလီလီတာ) တစ်ခွက်
(ပုံမှန်အားဖြင့် alcohol 12% ဝန်းကျင်)
- ဝီစကီ၊ ဗော့ဒ်ကာ သို့မဟုတ် ရမ် ကဲ့သို့သော အရက် (၄၄ မီလီလီတာ) တစ်ခွက်
(ပုံမှန်အားဖြင့် alcohol 40% ဝန်းကျင်) တို့နှင့် ညီမျှပါသည်။

ကွဲပြားသော အရက်အမျိုးအစားနှင့် အမှတ်တံဆိပ်များတွင် alcohol percentage အရက်ပြင်းအား ကွဲပြားနိုင်သည်ကို သတိပြုရန် အရေးကြီးပါသည်။

အမျိုးသားများအတွက် တစ်နေ့လျှင် standard drink ၂ ခွက်၊ အမျိုးသမီးများအတွက် တစ်နေ့လျှင် standard drink ၁ ခွက် သောက်သုံးနိုင်သည်ဟု ယေဘူယျသတ်မှတ်ထားပါသည်။

တစ်ရက်ကို Standard drink မည်မျှသောက်သုံးနိုင်
ကြောင်းသည် မပြည့်စုံသေးပဲ safer drinking behavior အကြောင်းကို သင် ဆက်လက် လေ့လာရန် လိုအပ်ပါဦးမည်။

Dr.PSYCH

🍀အထီးကျန်ခြင်း ကင်းဝေးရာ🍀

Let's talk about it.

🌵 အမှောင့်ပရောဂကို ဘယ်သူ နေရာရွှေ့ထားသလဲ 🌵

စိတ်ကျန်းမာရေးပြဿနာများကို တိုင်းရင်းဆရာ၊ဘာသာရေးဆရာများဖြင့် ကုသသည့်အခါ မှားယွင်းစွာပြုမူမိတတ်တဲ့ အခြေအနေများရှိပါတယ်။ စိတ်ကျန်းမာရေးလက္ခဏာအတိမ်အနက်ကို ကောင်းစွာ သဘောမပေါက်ပါက ဝေဒနာရှင်ရဲ့ ရုပ်ပိုင်းဆိုင်ရာ သို့မဟုတ် စိတ်ပိုင်းဆိုင်ရာကို အလွဲသုံးစားပြုမူမိသည်အထိ မှားယွင်းတတ်ပါတယ်။

အချို့တိုင်းရင်းဆရာများ၊ ဘာသာရေးဆရာများဟာ ယုံကြည်မှုထုံးတမ်းအရ ဓါး၊ အပ် သို့မဟုတ် အခြားချွန်ထက်သော အရာဝတ္ထုများကို အသုံးပြုကြတဲ့အခါ အဆိုပါ ပစ္စည်းကိရိယာများကို စနစ်တကျပိုးသတ်ထားခြင်းမရှိလျှင် ဝေဒနာရှင်များကို အနာတရဖြစ်စေခြင်း၊ ပိုးဝင်ခြင်း တို့ဖြစ်တတ်ပါတယ်။

ထို့အပြင် စိတ်ကျန်းမာရေး လက္ခဏာခံစားနေရသူများအနေနဲ့ ၎င်းတို့ရဲ့ ဝေဒနာများမှာ ပြင်ပ ပယောဂတစ်ခုခုကြောင့်ဖြစ်စေ၊ တစ်စုံတစ်ယောက်က အောက်လမ်းနဲ့ ပြုစားထားတယ်လို့ လက်ခံမိခြင်းကြောင့်ဖြစ်စေ မိမိကိုယ်ကို ရှက်ရခြင်း၊ တခြားသူကို အပြစ်တင်ခြင်းနဲ့ မိမိကိုယ်ကို အပြစ်တင်ခြင်းတို့ကို ပြင်းပြင်းထန်ထန်ဖြစ်စေနိုင်ပြီး မလိုလာအပ်တဲ့ စိတ်ပိုင်းဆိုင်ရာ ယုံကြည်မှုအမှားများ (Delusion) ကိုပါတိုးပွားစေနိုင်ပါတယ်။

ဥပမာ- တိုင်းရင်းဆရာ၊ဘာသာရေးဆရာများနဲ့ပြသပြီး အောက်လမ်းနဲ့ ပြုစားခံထားရတယ်လို့ ယုံကြည်သွားတဲ့သူတစ်ယောက်ဟာ မိမိရဲ့ ပတ်ဝန်းကျင် သို့မဟုတ် ယခင်မိမိနဲ့ အဆင်မပြေဖြစ်ဖူးသူများက ၎င်းကို လုပ်ကြံထားကြောင်း တထစ်ချယုံကြည်ကာ ပိုမိုအမုန်းပွားခြင်း၊ အခြား စိတ်ကျန်းမာရေး လက္ခဏာများ တိုးပွားလာခြင်းများ ဖြစ်တတ်ပါတယ်။

အချို့ယုံကြည်မှုများအရ အောက်လမ်း ပယောဂထုတ်ရန်၊ ပူးကပ်နေတဲ့ သရဲတစ္ဆေများ မောင်းထုတ်ရန် အစရှိတဲ့ ရည်ရွယ်ချက်များဖြင့် ရောဂါကို ကုသရန် ဝေဒနာရှင်ရဲ့ ကိုယ်ခန္ဓာကို ရိုက်နှက်ခြင်း၊ အခြားရုပ်ပိုင်းဆိုင်ရာ အနာတရဖြစ်စေတဲ့ နည်းလမ်းများအသုံးပြုခြင်းဟာ ဝေဒနာရှင်အား ပိုမိုစွာ စိတ်ရောကိုယ်ပါထိခိုက်စေနိုင်ပါတယ်။ ပရောဂထုတ်သည့်အနေဖြင့် ကလေးငယ်ကို ရိုက်နှက်ရာမှ လက်လွန်ပြီး သေဆုံးသွားတဲ့ သာဓကများလည်း ရှိခဲ့ဖူးပါတယ်။

ထို့အပြင်၊ သက်သေခိုင်မာတဲ့ evidence based စိတ်ကုထုံးများ၊ ဆေးဝါးကုသမှုများကို ရရှိရန် အချိန် နှောင့်နှေးသွားတဲ့အခါ ရောဂါလက္ခဏာများ တိုးလာခြင်း၊ နေ့စဥ် လုပ်ငန်းဆောင်တာများမလုပ်နိုင်တော့ခြင်းတို့ ဖြစ်စေနိင်ပါတယ်။

ဥပမာ အသက်ငယ်ရွယ်သေးတဲ့ အချိန်မှာ အစပျိုး ဖြစ်ပွားတတ်တဲ့ အစောပိုင်းစိတ်ကစဥ့်ကလျားလက္ခဏာများဟာ မှန်ကန်ထိရောက်တဲ့ ကုသမှုကို စောလျှင်စွာ မရခဲ့လျှင် ရည်ရှည်ရောဂါတိုးတက်မှုအခြေအနေ (long term prognosis) ကို ထိခိုက်သွားတတ်ပါတယ်။ ဆေးကုသမှု ကုန်ကျစရိတ်များဟာလည်း လိုအပ်သည်ထပ် ပိုမိုကုန်ကျကာ ကုသမှုဆက်လက်ရယူဖို့ ခက်ခဲသွားနိုင်ပါတယ်။

တိုင်းရင်းဆေးကုထုံးများ အားလုံးကို အန္တရာယ်ရှိတယ်လို့ မဆိုလိုသော်လည်း Client များဘက်မှ ဖြစ်နိုင်ချေရှိသော အန္တရာယ်များကို သတိထားနိုင်ရန် လိုအပ်ပါတယ်။

တိုင်းရင်းဆရာ၊ဘာသာရေးဆရာများမှလည်း ဘေးကင်းပြီး ထိရောက်သည့်စိတ်ကုထုံးများ၊ ဆေးဝါးကုထုံးများ ရယူနိုင်ကြောင်း ဝေဒနာရှင်များအား ကြိုတင်အသိပေးနိုင်ရန် အရေးကြီးလှပါတယ်။

🍀 သို့မှသာ လူတစ်ဦးချင်းစီဟာ ကုသမှုရွေးချယ်စရာ အမျိုးမျိုးကို လက်လှမ်းမီပြီး ဘေးကင်းထိရောက်သော ကျန်းမာရေးအသိဖြင့် ကိုယ်ပိုင်ဆုံးဖြတ်ချက်များချနိုင်မှာ ဖြစ်ပါတယ်။🍀

🌿 Our first rule is "Do no harm" 🌿

Dr.PSYCH

🍀 အတွေ့အကြုံရှိ စိတ်ကျန်းမာရေးဆရာဝန်များဖြင့် ဖွဲ့စည်းထားသည့် "Dr.PSYCH" Mental Health Service Team ရဲ့ ဝန်ဆောင်မှုများအကြောင်းကို မိတ်ဆက်ပေးချင်ပါတယ် 🍀

🍀ရရှိနိုင်သော ဝန်ဆောင်မှုများ🍀

💭 အရက်၊ မူးယစ်ဆေးစွဲနှင့် စိတ်ကျန်းမာရေးအသိပညာပေးခြင်း (Mental health education )
💭စိတ်ကျန်းမာရေးနှင့်ပတ်သက်ပြီး တွေ့ဆုံဆွေးနွေးခြင်း (Medical Appointments)

💭အလုပ်ဖိစီးမှုများ၊ relationship ပြသနာများ၊ မိသားစုပြသနာများနှင့် ပတ်သက်ပြီး ဖြစ်ပေါ်လာသော စိတ်ကျန်းမာရေးအခြေအနေများကို Psychological tools များ အသုံးပြု၍ စစ်ဆေးပေးခြင်း။ (Medical evaluation)

💭စိတ်ကျန်းမာရေးအခြေအနေနှင့်ပတ်သက်ပြီး ဆွေးနွေးတိုင်ပင်ခြင်း၊ လိုအပ်ပါက ဆေးကုသမှုပေးခြင်း။ (Counselling and medication management)

💭Online မှ တစ်ဆင့် ဆွေးနွေးတိုင်ပင်ခြင်း။ (Telemedicine service)

☎09401823382
☎09962102926
☎️09968505742

⏰ Daily (9 AM - 5 PM)

💚End the stigma now.
💚Let's talk.
💚We Promise Your Confidentiality.

⚡Dr.PSYCH⚡

🍁 သင့်စိတ်ကို စောင့်ရှောက်ခြင်း🍁

COVID-19 ကပ်ရောဂါနဲ့အတူ ရှေ့ဆင့်နောက်ဆင့်လိုက်ပါလာတဲ့ နိုင်ငံရေး စီးပွားရေး ကပ်ရောဂါ စသည်တို့ဟာ နိုင်ငံတစ်ဝှမ်းရှိ လူများကို စိုးရိမ်ပူပန်မှု၊အထီးကျန်ဆန်မှုတို့ကို မြင့်မားစေပြီး စိတ်ကျန်းမာရေးအပေါ်မှာ သိသိသာသာ သက်ရောက်မှုရှိနေခဲ့ပါတယ်။

"ကောင်းမွန်သောကျန်းမာရေး"ကို အဓိပ္ပါယ်ဖွင့်ဆိုရာမှာဆိုရင် လူတစ်ဦးဟာ ခန္ဓာကိုယ်ရောဂါမရှိရုံမျှမကပဲ ရုပ်ပိုင်းဆိုင်ရာ၊ စိတ်ပိုင်းဆိုင်ရာနဲ့ လူမှုရေးဆိုင်ရာ ကျန်းမာရေးများ ပါ၀င်တဲ့ "အလုံးစုံကောင်းမွန်သော ကျန်းမာရေးအခြေအနေတစ်ရပ်" ရှိနေခြင်း ဖြစ်တယ်လို့ ဆိုပါတယ်။

စိတ်ကျန်းမာရေးထိခိုက်နေသူဟာ ၄င်းရဲ့မိသားစု၊အလုပ်နဲ့ လူမှုရေးရာ လုပ်ငန်းဆောင်တာ လစ်ဟင်းမှုတွေအပြင် ခန္ဓာကိုယ်ကျန်းမာရေးကိုပါ တစ်စတစ်စထိခိုက်လာစေနိုင်ပါတယ်။

လူတစ်ဦးချင်းစီရဲ့ အတွေးအခေါ်၊ စိတ်ခံစားချက်နဲ့ အပြုအမူတွေဟာ ၄င်းတိုရဲ့ စိတ်ကျန်းမာရေးအခြေအနေပေါ်မှာ မူတည်နေပါတယ်။ တစ်နည်းပြောရရင် စိတ်ကျန်းမာရေးဟာ မိမိတို့နေထိုင်ရာပတ်ဝန်းကျင်ကို ရှုမြင်နည်းများ၊ တခြားသူများနဲ့ မိမိတို့ရဲ့ဆက်ဆံရေးများ၊ ဘဝမှာ ကြုံတွေ့ရတဲ့အခက်အခဲတွေကို ရင်ဆိုင်ဖြေရှင်းနိုင်စွမ်းများ စသည်တို့အပေါ်မှာ လွှမ်းမိုးမှုရှိပါတယ်။

စိတ်ကျန်းမာရေးဝေဒနာလို့ Disorder တစ်ခုအနေနဲ့ အမည်တပ်ဆုံးဖြတ်ခံရခြင်းမရှိရုံမျှဖြင့် လူတစ်ဦးဟာ စိတ်ကျန်းမာရေး ကောင်းမွန်နေတယ်လို့ ဆိုလို၍ မရကြောင်းကိုလည်း နားလည်ရန်အရေးကြီးပါတယ်။ ရုပ်ပိုင်းဆိုင်ရာကျန်းမာရေးကဲ့သို့ပဲ ကျွန်တော်တို့အားလုံးမှာ မျိုးရိုးဗီဇ၊ ပတ်ဝန်းကျင်နဲ့ လူနေမှုပုံစံ စတဲ့ အကြောင်းရင်းများစွာကြောင့် စိတ်ကျန်းမာရေးကို ထိခိုက်နိုင်တဲ့ အခြေအနေများစွာရှိနေတတ်ပါတယ်။

ချစ်ရသူ ဆုံးရှုံးခြင်းများ၊ သွေးထွက်သံယိုမြင်ကွင်းများ၊ ငွေကြေးအခက်အခဲများ အစရှိတဲ့ စိတ်ဖိစီးမှုဖြစ်ရပ်များဟာ ကျွန်တော်တို့ရဲ့ စိတ်အခြေအနေကို များစွာထိခိုက်စေနိုင်ပါတယ်။

ထိခိုက်လာတဲ့ စိတ်ကျန်းမာရေးအခြေအနေကိုထိန်းညှိဖို့ရာမှာ ကျွန်တော်တို့ဟာ ကိုယ်ခန္ဓာလေ့ကျင့်ခန်းများ၊ မိမိဝါသနာပါရာကို အကောင်အထည်ဖော်ခြင်းများ၊ ခင်မင်သူများနှင့် ပေါင်းသင်းဆက်ဆံရေးများ စသည်တို့ဟာ စိတ်ကျန်းမာရေးကို အပြုသဘောဆောင်စေနိုင်ပါတယ်။

ဒါ့အပြင် လုံလောက်စွာ အိပ်စက်အနားယူဖို့၊ ကျန်းမာရေးနဲ့ညီညွတ်တဲ့ အစားအစာတွေ စားသုံးဖို့၊ စိတ်ဖိစီးမှုကို ထိထိရောက်ရောက် စီမံခန့်ခွဲတတ်ဖို့တွေကလည်း အရေးပါလှပါတယ်။

ကျွန်တော်တို့တစ်ဦးချင်းစီဟာ မိမိတို့ရဲ့ စိတ်ကျန်းမာရေးကို ဂရုတစိုက်ရှိမယ်ဆိုရင် resilience လို့ဆိုရမယ့် အကျပ်အတည်းများအပေါ် ခံနိုင်ရည်ရှိမှုဟာ လူမှုပတ်ဝန်းကျင်မှာ အထိုက်အလျောက်ထွန်းကားပြီး မိမိတို့အလိုရှိရာပန်းတိုင်ရောက်ရန် ဆက်လက်လုပ်ဆောင်နိုင်မှာပဲ ဖြစ်ပါတယ်။

🌻 သင့်စိတ်ကို စောင့်ရှောက်ခြင်းဖြင့် အလှဆင်ပါ 🌻

Dr.PSYCH

🔥 Mental Health Stigma 🔥

💣 စိတ်ကျန်းမာရေးနဲ့ပတ်သက်တဲ့ အမည်းစက် (သို့မဟုတ်) စိတ်ကျန်းမာရေးပြဿနာကြုံနေရသူတွေကို အယူအဆလွဲမှားစွာ ခွဲခြားဆက်ဆံရာမှ ဖြစ်လာသော ဆင့်ပွားစိတ်ဒဏ်ရာများ 💣

သေချာတာကတော့ စိတ်ကျန်းမာရေးဆိုတဲ့ ဝေါဟာရမပေါက်ခင်ကပဲ စိတ်ကျန်းမာရေး သိသာစွာမကောင်းတဲ့သူတွေကို "စိတ်မနှံ့ဘူး၊ ရူးတယ်" စတဲ့အသုံးအနှုန်းတွေနဲ့ နှိမ့်ချရွံတွန့်ပြီး ခွဲခြားပြောဆိုခဲ့ကြတာတွေရှိခဲ့တဲ့အတွက် စိတ်ကျန်းမာရေးပြဿနာရှိသူတစ်ယောက်ဟာ လူအများကြားမှာ အရှက်ရပြီး အမည်းစက်ထင်ရသလိုမျိုး နားလည်မှုလွဲခဲ့တာဟာ ကြာမြင့်ခဲ့ပြီဖြစ်ပါတယ်။

အမှန်မှာတော့ တစ်ကမ္ဘာလုံးမှာရှိတဲ့ လူ ၄ ယောက်မှာ ၁ ယောက်ဟာ စိတ်ကျန်းမာရေးပြသနာကို ခံစားနေကြရပေမယ့် အကူအညီတောင်းဖို့ သို့မဟုတ် မိမိတို့ရဲ့ အတွေ့အကြုံတွေကို မျှဝေဖို့၊ပြောပြဖို့ရှိလာတဲ့အခါမှာ အရှက်ရနေကြဆဲ (ရှက်စရာလို့ အထင်ရောက်နေကြဆဲ) ဖြစ်ပါတယ်။

စိတ်ကျန်းမာရေးဟာ အသက်အရွယ်၊ ကျား၊ မ ၊ ဆင်းရဲချမ်းသာမရွေး၊ နောက်ခံအခြေအနေ မည်သို့ပင်ရှိစေကာမူ မည်သူမဆို ထိခိုက်နိုင်ပါတယ်။ သို့တိုင်အောင် လူများစွာဟာ မိမိတို့ရဲ့ စိတ်ကျန်းမာရေးအခြေအနေတွေနဲ့ ရုန်းကန်ရတဲ့အခါ သီးသန့်ဆန်ပြီးအထီးကျန်သလို ခံစားနေကြရဆဲဖြစ်ပါတယ်။

ဒါကြောင့်ပဲ အယူအဆများ ပြောင်းလဲဖို့အချိန်တန်ပါပြီ။ စိတ်ကျန်းမာရေးဟာ ရုပ်ပိုင်းဆိုင်ရာကျန်းမာရေးကဲ့သို့ပဲ အရေးကြီးတယ်ဆိုတာကိုလက်ခံပြီး ၎င်းအကြောင်းကို ပွင့်ပွင့်လင်းလင်း ရိုးရိုးသားသား စတင်ပြောဆိုဖို့ အရေးကြီးပါတယ်။

ဒါဆို ဘယ်လိုလုပ်ကြမလဲ။
ပထမအဆင့်ကတော့ စိတ်ကျန်းမာရေးနဲ့ပတ်သက်တဲ့ အခြေခံပညာရေးပါ။
ကျွန်တော်တို့ဟာ စိတ်ကျန်းမာရေးနှင့် ပတ်သက်တဲ့ တလွဲစံနှုန်းများနဲ့ ခွဲခြားဆက်ဆံမှုများ၊ အယူအဆအမှားများ (stereotypes, misbeliefs) ကို ချေဖျက်ဖို့ လိုအပ်ပါတယ်။ ဒါ့အပြင် စိတ်ကျန်းမာရေးဆိုတဲ့ ဝေါဟာရဟာ လူတိုင်းနဲ့ သက်ဆိုင်တယ်ဆိုတဲ့အကြောင်းကို မှန်ကန်စွာနားလည်သဘောပေါက်လာမှသာ ကျွန်တော်တို့ဟာ စိတ်ကျန်းမာရေးပြဿနာတွေကို အတူတကွဖြေရှင်းနိုင်မှာ ဖြစ်ပါတယ်။

လူတွေကိုလည်း သူတို့ရဲ့စိတ်ပိုင်းဆိုင်ရာအခက်အခဲ၊အတွေ့အကြုံတွေအကြောင်း ပြောပြရတဲ့အခါမှာ သက်တောင့်သက်သာရှိလှတဲ့ အခြေအနေ၊ နေရာတွေ ဖန်တီးပေးနိုင်ဖို့လည်း လိုအပ်ပါတယ်။ ဆိုလိုတာကတော့ လူတွေရဲ့စိတ်ကျန်းမာရေးပြဿနာတွေကို မိမိထင်မြင်ချက်နဲ့ အမှန်၊အမှား ဆုံးဖြတ်တာ၊လှောင်ပြောင်တာမျိုး မရှိတဲ့ ပတ်ဝန်းကျင်မျိုးကို ဖန်တီးပေးဖို့ပါ။

ဒါမှလဲ ကိုယ့်ရဲ့ ပြဿနာတွေကို ဖွင့်ဟပြောဆိုဖို့ ကြောက်ရွံ့မနေတော့ပဲ လူတစ်ဦးနဲ့တစ်ဦး ပွင့်လင်းပြီး စာနာစွာ ဆက်ဆံတတ်တဲ့ ယဥ်ကျေးမှုတစ်ခုကို ဖန်တီးနိုင်မှာဖြစ်ပါတယ်။

နောက်ဆုံးအနေနဲ့ လိုအပ်နေတဲ့လူတိုင်းအတွက် အရည်အသွေးရှိတဲ့ စိတ်ကျန်းမာရေးစောင့်ရှောက်မှုကို လက်လှမ်းမီနိုင်အောင် လုပ်ဆောင်ဖို့လိုအပ်ပါတယ်။
ဆွေးနွေးတိုင်ပင်ခြင်းများ၊ စိတ်ကျန်းမာရေးကုထုံးများ၊ ပံ့ပိုးကူညီရေးအဖွဲ့များနှင့် စိတ်ကျန်းမာရေး အရေးပေါ် Hotline ဖုန်းများ စသည်တို့ကို ထားရှိပြီး အဆိုပါအရာများဟာလည်း လူတိုင်းအတွက် လက်လှမ်းမီနိုင်တဲ့ အခြေအနေမျိုး ရှိနေစေရပါမယ်။

ဒီလိုနည်းအားဖြင့် ကျွန်တော်တို့ဟာ စိတ်ကျန်းမာရေးနဲ့ ပတ်သက်တဲ့ အမည်းစက်တွေ၊ အယူအဆအမှားတွေကို ချေဖျက်ပြီး ပွင့်လင်းစာနာတတ်တဲ့ လူ့ယဥ်ကျေးမှုတစ်ခုအောက်မှာ စိတ်ရောကိုယ်ပါ ကျန်းမာစွာရှင်သန်နိုင်တဲ့ ကမ္ဘာတစ်ခုကို ဖန်တီးနိုင်မှာဖြစ်ပါတယ်။

🙅🙅🙅 စိတ်ကျန်းမာရေးနဲ့ပတ်သက်ပြီး မရှက်ပါနဲ့၊ မကြောက်ပါနဲ့၊ ပြက်ရယ်မပြုပါနဲ့၊ ဖယ်ကြဥ်မထားပါနဲ့။ 🙅🙅🙅
💁💁💁 တလွဲစံနှုန်းတွေ၊ ယုံကြည်မှုအမှားတွေကို ချေဖျက်ပါ၊ တစ်ဦးနဲ့တစ်ဦးကူညီဖေးမပါ၊ လိုအပ်ပါက တတ်ကျွမ်းသူများနှင့် ဆက်သွယ်ပါ။💁💁💁

❤ သင့်ရဲ့ စိတ်ကျန်းမာရေးဟာ သင့်အနာဂတ်ပါ ❤

Dr.PSYCH

ကွယ်လွန်ပြီးသား နာမည်ကျော်ကြား၊လူသိများတဲ့ ပုဂ္ဂိုလ်များထဲမှ Depression ကိုခံစားခဲ့ရသောသူများ

Samuel Beckett
Menachem Begin
Marlon Brando
KurtCobain
Leonard Cohen
Michel Foucault
Judy Garland
StephenHawking
Ernest Hemingway
Audrey Hepburn
William James
Franz Kafka
Claude Monet
Richard M Nixon
Laurence Olivier,
Wilfred Owen
George S Patton
Sylvia Plath
Jackson Po***ck
Cole Porter
Lou Reed
Joan Rivers
Mark Rothko,
DmitriShostakovich
Tennessee Williams
Yves Saint Laurent

Depression ခံစားရတာဟာ စိတ်ခွန်အားနည်းလို့၊ စိတ်ဓါတ်ပျော့ညံ့လို့၊ ပျင်းလို့ လုံးဝမဟုတ်ပါဘူး။ ဒါကြောင့် မိမိနှင့် မိမိပတ်ဝန်းကျင်က Depression ခံစားနေရသောသူများကို လှောင်ခြင်း၊ ပျက်ရယ်ပြုခြင်း၊ မခံခြင်အောင်ပြောဆိုခြင်းများ မပြုလုပ်ဘဲ ကျွမ်းကျင်သော ဆရာဝန်များနှင့် တွေ့ဆုံအကူအညီရယူနိုင်အောင် ကူညီပေးခြင်းဖြင့် ဤရောဂါကို အတူတကွတွန်းလှန်ကြပါစို့။