Dr. Ye Win Naing

လေဆာ သွားဖြူကုထုံး
Laser Whitening
*******************

​လေဆာသွားဖြူကုထုံး မလုပ်မှိီ နှင့် ကုသမှုအပြီး ​ပြောင်းလဲသွားတဲ့ ပုံ​လေးဖြစ်ပါတယ်။

ကုသချိန် မိနစ်၃၀မှ ၄၅ မိနစ်သာကြာမြင့်ပါသည်။

🍀 မညီညာတဲ့ သွားလေးတွေကို ညီညာအောင် သွားညှိကုသမှု ခံယူလို့ရပါတယ်😇😇😇

🍀 အောက်မှာ ပြထားတဲ့ပုံလေးကတော့

(၆) လအတွင်း ပြောင်းလဲလာတဲ့ သွားညှိကုသမှု ရလဒ်လေးဖြစ်ပါတယ် 🤩🤩🤩

Thank you for your continued support. I could not have done it without each of you. 🙏🤗🎉

ကြဲနေတဲ့ အောက်ရှေ့သွားလေးတွေကို 💫💫💫

ကြွေလွှာပြန်ဖြည့် ကုသပေးထားပါတယ် 🦷🦷🦷

ဆေးခန်း နေရာ အသစ်ကို ပြောင်းရွေ့ဖွင့်လှစ်ထားပါတယ် ခင်ဗျာ 💫

သွားကိုက်ခြင်းဝေဒနာ အမြန်ဆုံးသက်သာပျောက်ကင်းစေဖို့

သွားကိုက်တယ် သွားနာတယ်ဆိုတာ လူတော်တော်များများဖြစ်ဖူးကြတဲ့ ဝေဒနာတခုပါပဲ။တဆစ်ဆစ်နဲ့ခံရလည်းခက်ပြီး တခါတလေ နားပါကိုက်တဲ့အထိဝေဒနာပြင်းလှပါတယ်။တချို့သွားကိုက်တဲ့သူတွေဟာ ကိုက်ပြီနာပြီဆိုတာနဲ့ သွားအကောင်းကြီးကိုနှုတ်ပစ်ဖို့အထိစဥ်းစားတတ်ကြပါတယ်။

မိမိပင်ကိုယ်သွားလေးတွေဟာ တန်ဖိုးကြီးလွန်းတဲ့အတွက် သွားကိုက်တိုင်း သွားနှုတ်ဖို့မစဥ်းစားစေလိုပါဘူး။ကျွန်တော်တို့သွားဆရာဝန်တွေဟာလည်း သွားတချောင်းရဲ့အဆိုးဆုံးအခြေအနေမှသာ သွားနှုတ်ဖို့စဥ်းစားပြီး သွားတချောင်းက်ိုကယ်လို့ရသမျှ ကယ်ပေးကြပါတယ်👨‍⚕️👨‍⚕️

ဒါဆို သွားမနှုတ်ရစေဘဲသွားကိုက်တာ ဘယ်လိုသက်သာနိုင်မလဲ

🍀သွားအကြောထုတ်ကုသမှု ခံယူလို့ရပါတယ်🍀
သွားကိုက်ရတဲ့အဓိကအကြောင်းတရားဟာ သွားရဲ့အတွင်းဆုံးအလွှာဖြစ်တဲ့ မွှသွားလွှာ(Pulp)ထိခိုက်ပျက်စီးသွားရလို့ပါ။ အဲ့ဒီပျက်စီးသွားရတဲ့ သွားအကြောလေးကို ဖယ်ထုတ်သန့်ရှင်းရေးလုပ် အကြောတုထည့်ပြီးကုသတာကို သွားအကြောထုတ်ကုသတယ်လို့ခေါ်ပါတယ်။သွားအကြောထုတ်ကုသမှုခံယူပြီးတဲ့အခါမှာတော့ သွားကိုက်သွားနာရတဲ့ဝေဒနာဟာ ယူပစ်သလိုသက်သာပျောက်ကင်းသွားမှာပါ။

သွားတချောင်းဟာ သစ်ပင်တပင်လိုပါပဲ🌳။သစ်ပင်ရဲ့ရေသောက်မြစ်ကို ဖယ်လိုက်တဲ့အခါကျွတ်ဆတ်လွယ်တတ်သလို သွားရဲ့အကြောလွှာလေးတွေကိုဖယ်လိုက်တဲ့အခါမှာလည်း အမာဒဏ်ကောင်းကောင်းကြီးမခံနိုင်တော့ပါဘူး။

ဒီအတွက်လည်းဖြေရှင်းနည်းရှိပါတယ်။Crownလို့ခေါ်တဲ့သွားအစွပ်လေးတွေ စွပ်ပေးလိုက်လို့ရပါတယ်။သွားအစွပ် စွပ်တယ်ဆိုတာကတော့ပင်ကိုယ်သွားကိုအနည်းငယ်စားပြီး အပေါ်ကနေမှသွားတုအစွပ်လေးကို အသေစွပ်ပေးလိုက်တဲ့ကုသမှုတခုပါ။
သွားအစွပ် စွပ်ပြီးတဲ့အခါမှာ အမာဒဏ်ကောင်းကောင်းကြီးခံနိုင်ပြီး မိမိရဲ့ပင်ကိုယ်သွားတချောင်းလိုစားနိုင်ဝါးနိုင်လာမှာပါ။

ဒီတော့ သွားကိုက်သွားနာတိုင်း သွားနှုတ်ဖို့မစဥ်းဘဲ အကြောထုတ်ကုသလို့ရနိုင်သေးလားဆိုတာ သွားဆရာဝန်တွေနဲ့တိုင်ပင်ပါ ဆွေးနွေးပါ။သွားအကြောထုတ်ကုသပြီးတဲ့အခါမှာလည်း အမာဒဏ်ခံနိုင်စေဖို့အတွက် သွားအစွပ်လေးတွေ စွပ်သင့်လားဆိုတာကို ဆွေးနွေးကြည့်ပါ တိုင်ပင်ကြည့်ပါ။

အသေးစိတ်သိလိုတာ၊ဆွေးနွေးတိုင်ပင်လိုတာရှိရင်
☎09-794819121 သို့ဆက်သွယ်၍ဖြစ်စေ
​ဒီpage messengerမှဖြစ်စေ အခမဲ့တိုင်ပင်ဆွေးနွေးနိုင်ပါတယ်။ ဆေးခန်းသို့လာရောက်၍လည်း အခမဲ့ဆွေး‌နွေးနိုင်ပါတယ်။

သွားကိုက် သွားနာ ဝေဒနာများအမြန်ဆုံးသက်သာပျောက်ကင်းပါစေလို့ ဆုတောင်းရင်း

မေတ္တာဖြင့်
ဒေါက်တာရဲ
Dr.Ye Win Naing
B.D.S(Ygn)

မဂ်လာပါခင်ဗျာ။
ဒီအပတ်မှာတော့ ကျွန်တော့်ရဲ့စာဖတ်ပရိသတ်များအမေးများလေ့ရှိကြတဲ့ သွားစိုက်နည်းအကြောင်းတွေကို ပြည့်ပြည့်စုံစုံလေးရှင်းပြပေးသွားပါမယ်။

📌သွားစိုက်နည်း ဘယ်နှစ်နည်းရှိပါသလဲ❓

-သွားအရှင်စိုက်နည်းနဲ့ သွားအသေစိုက်နည်းဆိုပြီး
2နည်း ရှိပါမယ်။

📌သွားအရှင်စိုက်နည်းဆိုတာ ဘယ်လိုမျိုးလဲ❓

-သွားအရှင်စိုက်နည်းဆိုတာကတော့ အံကပ်လိုမျိုးမိမိကိုယ်တိုင်အဖြုတ်အတပ်လုပ်လို့ရတဲ့ သွားစိုက်နည်းမျိုးပါ။သွားစိုက်နည်းတွေထဲမှာတော့ စျေးနှုန်းအားဖြင့်အသက်သာဆုံးသွားစိုက်နည်းတခုဖြစ်ပြီး သက်ကြီးပိုင်းဘိုးဘိုးဘွားဘွားတို့အစိုက်များကြပါတယ်။

အံကပ်အမျိုးအစားအနေနဲ့တော့ အံကပ်အပျော့၊ အံကပ်အမာ၊ သတ္တုအံကပ်ဆိုပြီး ရွေးချယ်စရာ ၃မျိုးရှိပါမယ်။စိုက်ရမယ့်သွားအရေအတွက်နဲ့ အံကပ်အမျိုးအစားပေါ်မူတည်ပြီး စျေးနှုန်းလေးတွေလည်း ကွာခြားသွားပါမယ်။

📌သွားအသေစိုက်နည်းဆိုတာ ဘယ်လိုမျိုးလဲ❓

-သွားအသေစိုက်နည်းဆိုတာကတော့ အဖြုတ်အတပ်လုပ်စရာမလိုတော့ဘဲ ပင်ကိုယ်သွားတွေလိုမြဲနေအောင် စိုက်ပေးလိုက်တဲ့သွားစိုက်နည်းပါ။

သွားအသေစိုက်နည်းမှာမှ
၁.တံတားထိုးသွားစိုက်နည်း(Dental Bridge)နဲ့
၂.သွားမြစ်တုစိုက်နည်း(Dental Implant)ဆိုပြီး
ရှိပါမယ်။

🔎တံတားထိုးသွားစိုက်တယ်ဆိုတာ ဘာလဲ❓

-မိမိစိုက်လိုတဲ့သွားရဲ့ ဘေးတဖက်တချက်စီကသွားတချောင်းစီကို အကူယူပြီးတံတားထိုးသလိုပုံစံမျိုး စိုက်လိုက်တာကို တံတားထိုးသွားစိုက်တယ်လို့ခေါ်ပါတယ်။

သွားတချောင်းမရှိတော့တဲ့အခါ ဘေးတဖက်စီကသွားတချောင်းစီကိုအကူယူပြီး ၃ချောင်းတွဲစိုက်လို့ရသလို

သွား၂ ချောင်းမရှိတော့တဲ့အခါမှာလည်း ဘေးတဖက်စီက သွားတချောင်းစီကိုအကူယူပြီး 4ချောင်းတွဲလည်းစိုက်လို့ရပါသေးတယ်။

ကုန်ကျစရိတ်သင့်တင့်ပြီး အစိုက်အများဆုံးသွားစိုက်နည်းတခုလည်းဖြစ်ပါတယ်။ သူ့ရဲ့အားနည်းချက်အနေနဲ့ကတော့ အကူယူရတဲ့သွားလေးတွေကိုအနည်းငယ် စားလိုက်ရပါတယ်။

သွားအမျိုးအစားအနေနဲ့ အောက်ကပုံလေးတွေမှာ
ပြထားသလို
သတ္တုသွား၊
ကြွေတခြမ်းသတ္တုတခြမ်းသွား၊
သတ္တုစပ်ကြွေသွား၊
ကြွေသွားသီးသန့်၊
ကြွေ၂ထပ်သွား
စသည်ဖြင့်ရွေးချယ်စရာအမျိုးအစားများပါတယ်။ အမျိုးအစားပေါ်မူတည်ပြီး ကုန်ကျစရိတ်လေးတွေလည်းကွဲပြားသွားပါမယ်။

🔎သွားမြစ်တုစိုက်တယ်ဆိုတာ ဘာလဲ❓

-အကောင်းဆုံးသွားစိုက်နည်းတခုဖြစ်ပြီး
ဘေးသွားအကူယူစရာမလိုဘဲ မရှိတော့တဲ့သွားတချောင်းနေရာမှာ တချောင်းချင်းပြန်စိုက်လို့ရစေတဲ့သွားစိုက်နည်းတခုပါ။

လုံလောက်တဲ့ထုံဆေးပမာဏထိုးပြီး သွားဖုံးရိုးထဲကို တိုက်တေနီယံတိုင်ထည့်စိုက်ရတဲ့ နောက်ဆုံးပေါ်သွားစိုက်နည်းလည်းဖြစ်ပါတယ်။သွားမြစ်တုစိုက်ရာမှာသုံးတဲ့ ပစ္စည်းကိရိယာ သွားမြစ်တုတိုင်အစရှိတာတွေကို နိုင်ငံခြားကနေဒေါ်လာနဲ့ဝယ်ရတဲ့အတွက် ကုန်ကျစရိတ်လည်းကြီးပါတယ်။

🍀သေချာလေးမှတ်မိသွားအောင်အားလုံးကို ခြုံငုံပြီးပြန်ရှင်းပြပေးပါမယ်။

သွားစိုက်နည်း ၂ နည်းရှိပါမယ်

၁.သွားအရှင်စိုက်နည်း >>အံကပ်
၂.သွားအသေစိုက်နည်း>>(က)တံတားထိုးစိုက်နည်း
>>(ခ)သွားမြစ်တုစိုက်နည်း

အသေးစိတ်သိလိုတာ၊ဆွေးနွေးတိုင်ပင်လိုတာရှိရင်
☎09-794819121 သို့ဆက်သွယ်၍ဖြစ်စေ
​ဒီpage messengerမှဖြစ်စေ
အခမဲ့တိုင်ပင်ဆွေးနွေးနိုင်ပါတယ်။ ဆေးခန်းသို့လာရောက်၍လည်းဆွေး‌နွေးနိုင်ပါတယ်။

အားလုံးလည်းစာအရှည်ကြီးတွေဖတ်ပြီးသွားရတော့ မောသွားလောက်ရောပေါ့။ရော့ ဆိုပြီး
Royal-Dတော့မတိုက်တော့ပါဘူး😄😄
တနေ့ ၂ကြိမ် သွားပုံမှန်တိုက်ကြပါလို့ တိုက်တွန်းရင်း

မေတ္တာဖြင့်

ဒေါက်တာရဲ
Dr.Ye Win Naing
B.D.S(Ygn)

သွားထပ်ခြင်း/ မညီခြင်း ၏ နောက်ဆက်တွဲဆိုးကျိုးများ
*******************************************

🦷 သွားတွေထပ်နေတာ၊ ခေါနေတာ၊ ကြဲနေတာ၊ မညီညာတာတွေဟာ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာမှာ လွန်စွာ သက်ရောက်မှုရှိပါတယ်။

အောက်ပါ ဆေးပညာဆိုင်ရာ အချက်အလက်များကို ဗဟုသုတရစေရန် ဖော်ပြပေးလိုက်ပါတယ်။

၁/ အလှအပရေးရာ နှင့် မိမိကိုယ်ကိုယုံကြည်မှု
🍀🍀🍀🍀🍀🍀🍀🍀🍀🍀🍀🍀🍀🍀🍀🍀

သွားလေးတွေဟာ အလှအပအတွက် အလွန်အရေးပါတဲ့ တာဝန်ကိုထမ်းဆောင်ပေးကြပါတယ်။
သွားတွေ မညီမညာဖြစ်နေမယ်၊ ခေါနေမယ်ဆိုရင် အလှအပရေးကို ထိခိုက်စေနိုင်သလို၊ မိမိရဲ့ ယုံကြည်မှုက်ိုလည်း ပျောက်ဆုံးစေတတ်ပါတယ်။

ကျနော်တို့ဆေးခန်းတွေမှာ သွားညှိကုသမှုလာရောက်ခံယူကြတဲ့ လူငယ်အများစုနဲ့ တိုင်ပင်ဆွေးနွေးကြည့်တဲ့အခါ

“သွားတွေကခေါနေလို့၊ ကြဲနေလို့ လူကြားထဲမပြုံးရဲဘူး/ ဓာတ်ပုံမရိုက်ရဲဘူး”ဆရာရယ်ဆိုတာ အလွန်တွေ့ကြုံရပါတယ်

၂/ စကားပြောဆိုခြင်း
🍀🍀🍀🍀🍀🍀🍀🍀🍀🍀

ကျနော်တို့ စကားပြောဆိုတဲ့ အခါမှာ စကားပီသမှုက သွားတွေပေါ်မှာလည်း မူတည်ပါတယ်။ သွားချင်းထိမှ၊ သွားလေးတွေနဲ့ လျှာနဲ့ ထိတွေ့ပြီး ထွက်တဲ့စကားလုံးလေးတွေရှိပါတယ်။
သွားတွေမညိီမညာဖြစ်နေတာ၊ အပေါ်သွားနဲ့ အောက်သွားမထိပဲ ဟနေတာတွေရှိမယ်ဆိုရင် စကားပြောအသံထွက်မပီသတာ၊ လေထွက်နေတာတွေ ကြုံရမှာဖြစ်ပါတယ်။

၃/ ခံတွင်းရောဂါများ
🍀🍀🍀🍀🍀🍀🍀🍀
သွားမညီတဲ့အခါ သွားတိုက်တာမပြောင်တာ၊ သွားကျောက်တွေပုံမှန်ထပ် ပိုများလာတာ၊ ထိုမှတဆင့် ခံတွင်းနံ့ ဆိုးလာတာ၊ သွားပိုးစားတာ၊ သွားဖုံးရောင်တာ၊ သွားဖုံးရောဂါတွေဖြစ်လာတာ စသဖြင့် ခံတွင်းကျန်းမာရေးကိုများစွာထိခိုက်စေနိုင်ပါတယ်။

၄/ သွားတွေပြုန်းခြင်း
🍀🍀🍀🍀🍀🍀🍀

သွားတွေမညီတာ/ ထပ်တာတွေကြောင့် အပေါ်သွားနဲ့ အောက်သွားတွေ ထိတွေ့မှုမမှန်ကန်တာကြောင့် သွားတွေ ပြန်းလာတာ၊ ပဲ့တာတွေလည်းကြုံရနိုင်ပါတယ်။

၅/ ထိခိုက်ဒဏ်ရာ ရနိုင်ခြေများခြင်း
🍀🍀🍀🍀🍀🍀🍀🍀🍀🍀🍀🍀

သွားခေါနေတဲ့ ကလေးတွေဆိုရင် ချော်လဲတာ၊ ထိခိုက်ဒဏ်ရာ ရတဲ့အခါ ခေါနေတဲ့ သွားကို ရိုက်မိတာ၊ အထဲကိုတွန်းထည့်သလိုဖြစ်မိတာ၊ ပဲ့တာ၊ ကျိုးတာတွေ ကြုံရနိုင်ပါတယ်

အခြားနောက်ဆက်တွဲတွေအများကြီးရှိနိုင်ပါသေးသည်။

ကြိုတင်ကာကွယ်ရန် နှင့် ကုသမှု
****************************
🍀🍀🍀🍀🍀🍀🍀🍀🍀🍀🍀
သွားမညီတာ ထပ်တာဟာ မျိုးရိုးဗီဇ၊ မိမိရဲ့ နေထိုင်မှုအလေ့အကျင့်(ဥပမာ လက်မစုပ်ခြင်း) ၊ ငယ်သွားတွေ ပိုးစားပြီး အစောကြီးဆုံးရှုံးသွားခြင်း ကနေ များစွာသောအကြောင်းရင်းတွေထိ ရှိပါတယ်။

ကလေးငယ်ဘဝကတည်းက သွားနှင့်ခံတွင်းကျန်းမာရေး စနစ်တကျဂရုစိုက်ပေးတာ၊ သွားဆေးခန်းမှာ (၆)လတကြိမ် စစ်ဆေးပြသတာ၊ မညီညာတာရှိရင် သွားညှိကုသမှုခံယူတာ လုပ်ဖို့လိုပါတယ။

အားလုံးကျန်းမာကြပါစေ….
မေတ္တာဖြင့်
Dr. Ye Win Naing

Diastema Closure
သွားကြဲခြင်းကို လေဆာနဲ့ပြန်လည်ဖာထေးပြုပြင်ထားခြင်း

Online Shop က သွားညှိကိရိယာတွေက အဆင်ပြေလား
🦷🦷🦷🦷🦷🦷🦷🦷🦷🦷🦷🦷🦷🦷🦷🦷🦷

🌸 တော်တော်များများသိချင် ခဏခဏမေးကြတဲ့ မေးခွန်းပါ

🌸 သွားညှိတယ်ဆိုတာ ပညာရပ်ပိုင်းဆိုင်ရာတွေ နဲ့ စနစ်တကျ တွက်ချက်ပြီး သွားညှိအထူးကုပါရဂူ ဆရာဝန်တွေနဲ့ အဆင့်ဆင့် ကုသရတဲ့ ကုသမှုဖြစ်ပါတယ်။

🌸. Online တွေ အပြင်မှာရောင်းနေတဲ့ Ready made ကို တပ်ပြီး ကုသလို့မရပါ။

🌸 ဆိုးကျိူးပဲများပါလိမ့်မယ်

🌸 ဒါကြောင့် သက်ဆိုင်ရာ တတ်ကျွမ်းတဲ့ ဆရာဝန်တွေနဲ့ စနစ်တကျ တိုင်ပင်ကုသမှုခံယူပါ

🌸 အသေးစိတ် တိုင်ပင်သိရှိလိုပါက

Page messenger
ဖုန်း: 09965761454ကို ဆက်သွယ်နိုင်ပါတယ်

မေတ္တာဖြင့်
Dr.Ye Win Naing

သွားအကြောများ ပွါးများရောင်ရမ်းခြင်း
Pulp Polyp
🦷🦷🦷🦷🦷🦷🦷🦷🦷🦷🦷🦷🦷

ဖြစ်ရတဲ့ အကြောင်းရင်း
********************
✨ သွားပိုးပေါက်တွေကို ကုသမှုမခံယူပဲ အကြာကြီးထားတဲ့ အခါ သွားရဲ့ အတွင်းဆုံးအလွှာမှာရှိတဲ့ သွေးကြောလေးတွေ၊ အာရုံကြောလေးတွေ ရောင်ရမ်းခြင်းကို ဖြစ်စေပါတယ်။

✨ အထူးသဖြင့် ကလေးငယ်တွေ၊ သက်ငယ်ပိုင်း ကိုယ်ခံအားစနစ်ကောင်းမွန်တဲ့ အရွယ်တွေမှာ တွေ့ရများပါတယ်။

✨ စားတဲ့ ဝါးတဲ့ဒဏ်တွေ၊ ပြင်ပကလာတဲ့ သက်ရောက်မှုတွေကို တုန့်ပြန်ရင်း သွားအတွင်းပိုင်းမှာရှိတဲ့ အကြောလေးတွေဟာ ပွါးလာပြီး သွားအပြင်ကို ဖောင်းထွက်လာပါတယ်
ဒါကို Chronic Hyperplastic Pulpitis တနည်းအားဖြင့် Pulp Polyp လို့ခေါ်ပါတယ်။

✨ စိုးရိမ်စရာ ကင်ဆာတွေ အဖုအကြိတ်တွေမဟုတ်ပါဘူး။

ကုသမှု/ ဆောင်ရန် / ရှောင်ရန်
*************************
✨ ကုသမှု အနေနဲ့ သွားကိုစနစ်တကျစစ်ဆေးပြီး ပြန်ဖာလို့ရတဲ့ အနေအထားရှိသေးရင် သွားအကြောထုတ်ကုမှု ပြုလုပ်ပြီး ပြန်ဖာတာ၊ အစွပ်လေးစွပ်ပြီး ပြန်အသုံးပြုလို့ရပါတယ်။

✨ တချို့ သွားအနေအထားရ ပြန်ဖာလို့ အဆင်မပြေတော့ရင်တော့ နှုတ်ရပါမယ်။

✨ ဒါကြောင့် သွားပိုးပေါက်တွေဖြစ်လာရင် စောစီးစွာ ဖာထေးတာ ကုသမှု ခံယူတာ လုပ်ဖို့လိုပါတယ်

✨ မိမိသဘောအတိုင်း သောက်ဆေးတွေ၊ လိမ်းဆေးတွေ အသုံးပြုတာဟာ မူလသွားအနေအထားကို ပိုဆိုးစေနိုင်တာ၊ ဆေးရဲ့ဘေးထွက်ဆိုးကျိုးတွေ ခံစားရတာကြုံရနိုင်တာကြောင့် တတ်ကျွမ်းတဲ့ ဆရာဝန်၊ ဆေးခန်းပြသပြီး စနစ်တကျ ကုသမှုခံယူနိုင်ပါရန် ရေးသားလိုက်ပါတယ်။

🦷 အသိပညာရစေရန် အတိုရှုံးရေးသားထားတာကြောင့် အခြားအသေးစိတ်အချက်လက်တွေ ရှိနေပါသေးသည်။

မေတ္တာဖြင့်
Dr. Ye Win Naing

🦷 သွားညှိကုသမှု ၂လအတွင်းပြောင်းလဲလာတဲ့

ရလဒ်လေး ဖော်ပြပေးလိုက်ပါတယ် 🤩🤩🤩

လူကြီးမင်းတို့ရဲ့ သွားနှင့် ခံတွင်းဆိုင်ရာ ပြဿနများ၊ အခက်အခဲများ၊ ကုသမှုနဲ့ ကုန်ကျစရိတ်များကို

09965761454 Viber
Page messenger တို့မှာ လာရောက်တိုင်ပင်ဆွေးနွေးနိုင်ပါတယ် 🤩🤩🤩🤩



#နေလသွားနှင့်ခံတွင်းအထူးကုဆေးခန်း

Laser Whitening Treatment
🦷🦷🦷🦷🦷🦷🦷🦷🦷

🤗 ဝါနေတဲ့သွားတွေကို

🤩 လေဆာဖြင့် သွားဖြူကုထုံးနဲ့
သွားဖြူအောင်ပြုလုပ်ပေးထားပါတယ်

ကုသမှုရလဒ် တစ်နာရီအတွင်း သိသာစွာပြောင်းလဲလာတာကိုတွေ့မြင်ရမှာဖြစ်ပါတယ်။

သွားပိုးစားရောဂါဖြစ်ပွါးပုံအဆင့်ဆင့်
🦷🦷🦷🦷🦷🦷🦷🦷🦷🦷🦷🦷

🍀(1) ပုံမှာပြထားတာကတော့

👉 သွားရဲ့အပေါ်ဆုံး အဖြူရောင်ကြွေလွှာ(Enamel) မှာ သွားပိုးစစားနေတဲ့ပုံဖြစ်ပါတယ်။

👉 ဒီအခြေနေမှာ အဖြူရောင်အကွက်လေးတွေ၊ အမဲရောင်အကွက်လေးတွေအနေနဲ့ တွေ့ရတတ်ပါတယ်။

👉 နာကျင်မှုမရှိသေးပါ။

👉 သွားပြန်ဖာရင်ရပါတယ်။

# # # # # # # # # # # # # # # # # # # # # # # # # # # # # # # # # #

🍀(၂) ပုံမှာတော့ သွားပိုးပေါက်က ကုသမှုမခံယူတာကြောင့် ပိုပြီးနက်လာပါပြီ

# # # # # # # # # # # # # # # # # # # # # # # # # # # # # # # # # #

🍀(၃) ပုံမှာတော့

👉 သွားပ်ိုးပေါက်က သွားရဲ့ဒုတိယအလွှာ ကျဉ်ကြောထိရောက်လာပါပြီ။

👉 ရေပူ၊ရေအေးသောက်ရင် ကျဉ်တာ၊ နာတာ

👉 အစာစားရင်ကျဉ်တာရှိလာပါပြီ

👉 ဒီအခြေနေမှာလည်း သွားပြန်ဖာရင်ပြန်ကောင်းနိုင်ပါသေးတယ်။
# # # # # # # # # # # # # # # # # # # # # # # # # # # # # # # # # # # #

🍀၄)ပုံမှာကတော့

👉 သွားပိုးစားတာက သွားရဲ့အတွင်းပိုင်း သွေးကြော၊အာရုံကြောလေးတွေရှိတဲဲ့ အလွှာထိပြန့်နှံ့သွားပြီဖြစ်ပါတယ်

👉 တဖြေးဖြေးနဲ့ သွားအမြစ်ထိပ်ထိပြန်သွားပြီး

👉 အိပ်မရအောင်ကိုက်တာ၊ သွားအခြေကနေပြည်ဖုလေးတွေထွက်လာပါပြီ။

👉 ဒီလိုဖြစ်လာပြီဆိုရင်တော့ သွားဖာတာချက်ချင်းလုပ်လို့မရတော့ပါ

👉 သွားအကြောထုတ်ကုသပြီးမှ ပြန်ဖာပြီး အစွပ်စွပ်ရတာ လုပ်လို့ရပါမယ်။

👉 သွားအကြောမထုတ်ချင်ရင်တော့ နှုတ်ပြီး ပြန်စိုက်တာ လုပ်လို့ရပါတယ်

# # # #} # # # # # # # # # # # # # # # # # # # # #

🍀🍀🍀 ဒါကြောင့် သွားလေးတွေကို သေချာဂရုတစိုက် စစ်ဆေးတာ လုပ်ပေးဖို့လိုပြီး စပြီး ပိုးပေါ်ဖြစ်တာနဲ့ နာတဲ့ထိမထားပဲ စောလျှင်စွာကုသမှု ခံယူနိုင်ဖို့ ရေးသားလိုက်ရပါတယ်။🍀🍀🍀

မေတ္တာဖြင့်
Dr. Ye Win Naing

Photo Internet

သွားဖုံးရောဂါဖြစ်ပွါးပုံ အဆင့်ဆင့်
🦷🦷🦷🦷🦷🦷🦷🦷🦷🦷🦷

🌟ပုံ(၁)🌟

🍀 ကျန်းမာသော သွားနှင့် သွားဖုံးလေးတွေကိုပြထားခြင်းဖြစ်ပါတယ်

ပုံမှန်ကျန်းမာတဲ့ သွားဖုံးလေးတွေဟာ ပန်းရောင်ရှိတတ်ပြီး သွားတိုက်ရင် သွေးထွက်တာမရှိပါဘူး

🌟ပုံ(၂)🌟

🍀 သွားမျက်နာပြင်တွေ၊ သွားအခြေတွေမှာ သွားကျောက်တွေ စတည်လာပြီး သားဖုံးလေးတွေ နီမြန်းရောင်ရမ်းလာပါပြီ။

ဒီအဆင့်ကို သွားဖုံးရောင်ခြင်း လိူ့ခေါ်ပါတယ်။

သွားတိုက်ရင်သွေးထွက်တာ၊ အမားဝါးရင်သွေးထွက်တာကြုံရတတ်ပါတယ်။

🌟ပုံ(၃)🌟

🍀 သားဖုံးရောင်တဲ့ အဆင့်ကနေ သွားအမြစ်ဝန်းကျင်ရောင်ရမ်းခြင်းအဆင့်ရောက်လာပါပြီ။

သွားအမြစ်ပတ်လည်က သားဖုံးတွေ၊ အရိုးတွေ နိမ့်ကျလာပါပြီ။

သွားဖုံးကသွေးထွက်တာ၊ သွားတွေကျဉ်တာ၊ နဲ့လာတာ၊ နာတာကြုံရတတ်ပါတယ်။

မြန်မာလိုတော့ ရေစီးကမ်းပြိုရောဂါလို့ခေါ်ပါတယ်။

🌟ပုံ(၄)

🍀 သွားမြစ်ဝန်းကျင်ရောင်ရမ်းခြင်း(ရေစီးကမ်းပြိုရောဂါ) ရဲ့နောက်ဆုံးအဆင့်ဖြစ်ပါတယ်။

သွားက အရမ်းလှုပ်နေပြီး အစားသောက်စားမရတာ၊ နာတာရှိလာတာကြောင့် နှုတ်ရမယ့်ခြေနေရောက်လာပြီ ဖြစ်ပါတယ်။

မေတ္တာဖြင့်
Dr. Ye Win Naing

🦷လက်ရှိ သွားညှိကုသမှုခံယူနေတဲ့ ညီလေးတယောက်ရဲ့ တစ်လအကြာ တိုးတက်ပြောင်းလဲမှုလေးဖြစ်ပါတယ်🦷

ကုသမှုဆိုင်ရာနှင့် ကုန်ကျစရိတ်များ အသေးစိတ်ဆွေးနွေးလိုပါက Page messenger နှင့် ဖုန်း 09965761454 နှင့် Viber သို့ဆက်သွယ်နိုင်ပါတယ်


#သွားညှိကုသမှု
#နေလသွားနှင့်ခံတွင်းအထူးကုဆေးခန်း

ရသေ့ဆေး (သို့) ထိုင်းဗိန်းတောဆေးလို့
မြန်မာပြည်သားတွေ သိကြတဲ့ ထိုင်းနိုင်ငံက
သွင်းတဲ့ တိုင်းရင်းဆေး ထုတ်လုပ်တဲ့နေရာကို
ထိုင်းရဲတပ်ဖွဲ့ဝင်များနဲ့ FDA မှ တာဝန်ရှိသူများ
ဝင်ရောက်စစ်ဆေးကြည့်တဲ့အခါမှာ ဆေးရည်ပုလင်း
တစ်ပုလင်းဆီမှာ စတီးရွိုက်ဆေးပြား အပြား၇၀ နဲ့
အကိုက်အခဲပျောက်ဆေးပြား အပြား ၃၀ ထိ
ထည့်သွင်းထားတာတွေ့ရပါတယ် ။ အဲဒီဆေးဟာ
မြန်မာနိုင်ငံမှာလဲ ကျယ်ကျယ်ပြန့်ပြန့် ရောင်းချ
သုံးစွဲနေကြပြီး ရောဂါသက်သာမှုလျှင်မြန်တာကြောင့်
ဒူးနာ ခါးနာ အရိုးအကြော သမားတွေအပြင်
ရောဂါ အမျိုးမျိုးအတွက် အသုံးပြုနိုင်တယ်လို့
ကြေညာရောင်းချနေတာကြောင့် ရေပန်းစားနေပါတယ်။

ဆေးပုလင်းမှာ ပမာဏများပြားစွာပါဝင်တဲ့
ဆေးပြားတွေကြောင့် သောက်သုံးပြီးအစမှာ
ရောဂါသက်သာသလိုရှိပေမဲ့ နောက်ပိုင်းမှာ
​​ကျောက်ကပ်ကိုဆိုးရွားစွာ ထိခိုက်ပျက်ဆီးစေနိုင်ပြီး
အသက်သေဆုံးတဲ့အထိဖြစ်စေနိုင်ပါတယ်။

ကျေးဇူးပြုပြီးတော့ မိမိတို့ရဲ့မိဘဆွေမျိုးတွေနဲ့
မိတ်ဆွေတွေ ဒီဆေးသုံးစွဲနေတာတွေ့ရင်
ဒီသတင်းလေးပြောပြပေးကြပါ။

ထိုင်းဆေးတွေ အစွမ်းထက်ပါတယ်
ဒါပေမယ့် ယခုလို ဆေးအတုတွေလည်း
ခဏခဏ ဖမ်းမိနေဆဲပါ....
အထူးသတိပြုကြပါရန်.....

Thai FDA page မှ ကူးယူဖော်ပြပါသည်။

မူရင်းလင့် ထိုင်း ....
https://www.facebook.com/100067846073593/posts/295596919378508/?d=n

သွားနှစ်ချောင်းကြား သွားပိုးစားခြင်း
🌟🌟🌟🌟🌟🌟🌟🌟🌟🌟🌟🌟

သွားနှင့်ခံတွင်းဆေးခန်းမှာ အတွေ့များ တဲ့ #သွားပိုးစားတာ ဖြစ်ပါတယ်။

ဖြစ်ရတဲ့အကြောင်းအရင်း
🌟🌟🌟🌟🌟🌟🌟🌟🌟🌟

🦷 သွား စနစ်တကျနဲ့ ပုံမှန်မတိုက်တာ၊ တိုက်သော်လည်း သွားတိုက်တံ မရောက်နိုင်တဲ့ သွားကြားလေး‌တွေကို သွားကြားပွတ်ကြိုးမသုံးတာကြောင့် သွားကြားတွေထဲမှာ အစာတွေညပ်တာ ကြာလာတဲ့အခါ ထိုမှ တဆင့် သွားပိုး စ စားလာပါတော့တယ်။

လက္ခဏာများ
🌟🌟🌟🌟🌟

🦷 သွားနှစ်ချောင်းကြားမှာ စဖြစ်လာတဲ့ အခါ အစာညပ်တာကိုလောက်ပဲသတိထားမိတတ်ပါတယ်။ အချိန်ကြာလာတဲ့အခါ သွားအရောင်လေး #မဲလာတာ၊ #ညိုလာတာ၊ ရေပူရေအေးသောက်ရင် #ကျဉ်လာတာ၊ ထိုမှတဆင့် #နာလာတာ မျိုးတွေဖြစ်လာပါတော့တယ်။ မကုသပဲထားရင် သွားဖုံးဘက်ကနေ #ပြည်တည်လာတာ၊ #ရောင်တာ တွေအထိဖြစ်လာပါတော့တယ်။

ကုသမှု
🌟🌟🌟🌟
🦷သွားကြားမှာ အစာတွေညပ်တယ်၊ သွားပိုးစစားတယ်လို့ သံသယရှိတာနဲ့ နီးစပ်ရာ သွားဆေးခန်းမှာ #စစ်ဆေးပါ၊ လိုအပ်ပါက #ဓာတ်မှန် ရိုက်ပြီးစစ်ပေးပါလိမ့်မယ်။

🦷သွားပိုးစားတာ အရမ်းမနက်သေးရင် လေဆာနဲ့ #သွားပြန်ဖာ လို့ရပါတယ်။

🦷သွားပိုးစားတာ အရမ်းနက်တာ၊ နာတာကိုက်တာ၊ ရောင်တာရှိရင်တော့ #သွားအကြောထုတ်ပြီး #သွားအစွပ် ပြန်စွပ်ပြီး ပြန်အသုံးပြုလို့ရပါတယ်။

ဆောင်ရန်၊ရှောင်ရန်။
🌟🌟🌟🌟🌟🌟🌟

🦷- တနေ့ ၂ကြိမ် စနစ်မှန်သွားတိုက်နည်းနဲ့ ဖလိုရိုဒ်ပါသော သွားတိုက်ဆေးနဲ့ တိုက်ပေးပါ

🦷 - သွားကြားတွေကို သွားကြားပွတ်ကြိုးအသုံးပြု သန့်ရှင်းပေးပါ

🦷 - အစာစားပြီးတိုင်း အာလုပ်ကျင်းပေးပါ

🦷 - အနည်းဆုံး (၆) လတစ်ကြိမ် သွားနှင့်ခံတွင်းစစ်ဆေးပြီး လိုအပ်တဲ့ ကုသမှုခံယူပါ

မေတ္တာဖြင့်..
Dr.Ye Win Naing

Photo- Internet

ကြဲနေသောရှေ့သွားအား လေဆာဖြင့် သွားဖာခြင်း
🌟🌟🌟🌟🌟🌟🌟🌟🌟 🌟🌟🌟🌟🌟🌟🌟

ကြဲနေတဲ့ ရှေ့သွား (၂)ချောင်းကို ဆေးခန်းမှာ တထိုင်ထဲ လေဆာနဲ့ ဖာထေးပေးထားခြင်းဖြစ်ပါတယ်။

သွားအနေအထား၊ အသက်အရွယ်၊ ကုန်ကျစရိတ် ၊အချိန်ပေးနိုင်မှုပေါ်မူတည်ပြီး

🌟 သွားညှိကုသတာ
🌟သွားကြွေလွှာကပ်တာ
🌟 ကြွေအစွပ်စွပ်တာ စသဖြင့် ကုသမှုမျိုးစုံရှိပါတယ်။

🦷 သွားနှင့်ခံတွင်းဆိုင်ရာကုသမှုများ၊ ကုန်ကျစရိတ်များတိုင်ပင်လိုပါက
09965761454သို့ Viber / ph တို့မှ ဆက်သွယ်နိုင်ပါတယ်။

သွားးချေးလွှာ/ သွားကျောက်များနှင့် သွားဖုံးသွေးယိုခြင်း
(Gingival Bleeding)
*************************************************

" သွားဖုံးကသွေးထွက်နေလို့ ဘာလုပ်ရမလဲ ဆရာ" ဆိုတဲ့ မေးခွန်းဟာ အလွန်အမေးများပြီး သိချင်ကြတဲ့ သွားနှင့်ခံတွင်း ‌ပြဿနာတစ်ခုဖြစ်ပါတယ်။

⭐ ဖြစ်ရတဲ့အကြောင်းအရင်းများ
*****************************
သွားဖုံးသွေးယို/သွေးထွက်ရတဲ့ အကြောင်းရင်းများစွာရှိပါတယ်။

အဖြစ်များတဲ့အကြောင်းရင်းတွေကတော့

👉 ၁။ သွားဖုံးရောင်ခြင်း
(Gingivitis)
# # # # # # # # # # # # # # #
သွား နှင့် ခံတွင်း ဂရုစိုက်မှုအားနည်းတာ၊ သွားတိုက်နည်းစနစ် မှားယွင်းနေတာ၊ သွားတိုက်တံသေချာမရောက်တာ စသည်တို့ကြောင့် သွားကျောက်တွေတည်လာပြီဆိုရင် သွားဖုံးတွေရောင်တာ ဖြစ်လာပါတော့တယ်။

အဲ့လိုအခြေအနေကြုံလာပြီဆိုရင် သွားဖုံးလေးတွေ နီလာတာ၊ နာလာတာ၊ သွားတိုက်ရင် သွေးထွက်တာမျိုး ဖြစ်လာတတ်ပါတယ်။

🚨ဆောင်ရန်‌/ရှောင်ရန်
**************
- သွားတိုက်တံ အပျော့ကို သုံးပြီး တနေ့ ၂ကြိမ် စနစ်တကျ သွားတိုက်ပေးဖို့လိုပါတယ်။
- သွားကျောက်တွေ ရှိနေရင် သွားဆေးခန်းမှာ သွားကျောက်ခြစ်တာ လုပ်ဖို့လိုပါတယ်

- သွားတိုက်တံ မရောက်နိုင်တဲ့ သွားကြားတွေကို သွားကြားပွတ်ကြိုးအသုံးပြုပြီး သန့်ရှင်းရေးလုပ်ပေးပါ

- ပလုတ်ကျင်းဆေးရည်ဝယ်သုံးပေးပါ

👉 ၂။ သွားမြစ်ဝန်းကျင်ရောင်ရမ်းခြင်း (Periodontitis)
# # # # # # # # # # # # # # # # # # # # #

သွားဖုံးရောင်တဲ့ အဆင့်ကို လျစ်လျူရှုပြီးဆက်ထားမယ်၊ ကုသမှုမခံယူရင် သွားဖုံးအောက်မှာရှိတဲ့ သွားဖုံးအရိုးတွေနိမ့်လာတာ၊ သွားဖုံးတွေနိမ့်ဆင်းလာတာ၊ သွားတွေနဲ့လာတာ၊ သွေးထွက်တာ စတဲ့ သွားမြစ်ဝန်းကျင်ရောင်းရမ်းတာတွေဖြစ်လာပါတယ်။

🚨ဆောင်ရန်/ရှောင်ရန်
*****************
- သွားဖုံးရောင်တာဖြစ်ပြီဆိုတာနဲ့ သွားတိုက်တာ၊ ပလုတ်ကျင်းတာ၊ ဆေးခန်းပြတာ သေချာဂရုစိုက် ကုသမှုခံယူပါ

- ဆေးလိပ်၊ ကွမ်း ရှောင်ကျဉ်ပါ


👉 ၃။ သွေးကြဲဆေးများသောက်သုံးခြင်း
# # # # # # # # # # # # # # # # # # # # #

နှလုံးရောဂါအခံရှိတဲ့ သူတွေမှာ သွေးကြဲဆေးသောက်ရတတ်တာကြောင့် ဆေးအရှိန်ကြောင့်လဲ ‌သွားဖုံးသွေးထွက်တာကြုံရနိုင်ပါတယ်။

🚨ဆောင်ရန်/ရှောင်ရန်
************
- မိမိပြသနေတဲ့ အ‌ထွေထွေဆရာဝန်နှင့် ပြသဆွေးနွေးခြင်း

- သွား နှင့် ခံတွင်းဆရာဝန် နှင့် ပြသဆွေးနွေးခြင်း

- သွားနှင့်ခံတွင်းသန့်ရှင်းရေး ဂရုတစိုက်လုပ်ပေးခြင်း

👉 ၄။ သွေးနှင့်ပတ်သတ်သောရောဂါအခံရှိခြင်း
# # # # # # # # # # # # # # # # # # #

မွေးရာပါ သွေးမတိတ်တဲ့ ရောဂါအခံရှိတာ၊ သွေးတိတ်စေတဲ့ သွေးဆဲလ်မွှားလေးတွေ နည်းနေတဲ့ သူတွေဆိုရင်လည်း သွားဖုံးသွေးယိုတာကြုံရတတ်ပါတယ်။

သွားဖုံးတင်မကပဲ ထိခိုက်ဒဏ်ရာ အသေးစားရယုံနဲ့တင် အညိုမဲစွဲခြင်း၊ သွေးကြည်ဥခြင်း၊ သွေးမတိတ်ခြင်းတို့လည်းကြုံရတတ်ပါတယ်။

🚨ဆောင်ရန်/ရှောင်ရန်
****************
- သွေးရောဂါကုဆရာဝန်၊ အထွေထွေသမားတော်၊ သွားနှင့်ခံတွင်းဆရာဝန် စသည်ဖြင့် စနစ်တကျ ပြသ၍ လိုအပ်သည်ကို စစ်ဆေးခြင်း၊ ကုသခြင်းပြုလုပ်ဖို့လိုပါတယ်။

👉 ၅။ ရောဂါအခံများရှိခြင်း
# # # # # # # # # # # # #

ဥပမာ ဆီးချို၊ သွေးတိုး စတဲ့ရောဂါအခံတွေရှိရင် သွားဖုံးတွေ ရောင်တာ၊ သောက်ရတဲ့ဆေးတွေကြောင့် သွားဖုံးသားတွေကြီးလာတာ၊ သွေးထွက်တာ ကြုံရတတ်ပါတယ်။

🚨ဆောင်ရန်/ရှောင်ရန်
***************
- ရောဂါ အခံများ ရှိပါက စနစ်တကျကုသမှုခံယူပါ

- သွားနှင့်ခံတွင်းဆရာဝန်နှင့် အနည်းဆုံး ၆ လတကြိမ်ပြသ၍ စစ်ဆေးခြင်း၊ ကုသမှုခံယူခြင်း။

👉 ၆။ သွားနှင့်ခံတွင်းဂရုစိုက်မှုများလွဲမှားနေခြင်း
# # # # # # # # # # # # # # # # #
သွားတိုက်တံ အမာနဲ့ ဖိတိုက်ခြင်း၊ မီးသွေး၊ ဆား စတဲ့ ကြမ်းတဲ့ အရာတွေနဲ့ ဖိတိုက်ခြင်းကြောင့် လဲ သွေးထွက်တာကြုံရတတ်ပါတယ်

🚨ဆောင်ရန်/ရှောင်ရန်
*********
- ဖလိုရိုက်ပါသော သွားတိုက်ဆေး၊ သွားတိုက်တံ အပျော့ဖြင့် စနစ်မှန်သွားတိုက်ခြင်း

- ကြမ်းသော အရာများနှင့်တိုက်ခြင်းရှောင်ကျဉ်ခြင်း

👉 ၇။ ဗီတာမင်များချို့တဲ့ခြင်း
# # # # # # # # # # # #

ဗီတာမင်စီ (VitaminC)၊ ဗီတာမင်ကေ (Vitamin K ) ချို့တဲ့ရင်လည်း သွားဖုံးကသွေးယိုတာကြုံရတတ်ပါတယ်။

ဆရာဝန် နှင့် တိုင်ပင်၍ ဗီတာမင်စီ၊ ဗီတာမင်ကေ သောက်သုံးမယ်ဆိုရင်တော့ သက်သာလာနိုင်ပါတယ်။

👉 ၈။ ဟော်မုန်းအပြောင်းလဲရှိခြင်း
# # # # # # # # # # # # # # #

အပျိုဖော်ဝင်ချိန်၊ ကိုယ်ဝန်ဆောင်ချိန် မှာလည်း ဟော်မုန်းဓာတ်အပြောင်းအလဲတွေဖြစ်တာကြောင့် သွားဖုံးကသွေးထွက်ကြုံရတတ်ပါတယ်။ စိုးရိမ်စရာမရှိပါဘူး။

သွားသေချာတိုက်မယ်၊ ပလုတ်ကျင်းဆေးရည်သုံးမယ်၊ လိုအပ်ရင် သွားနှင့်ခံတွင်းဆရာဝန်နဲ့ ပြသတိုင်ပင်ဖို့လိုပါတယ်။

👉 ၉။ စိုက်ထားသောသွားများကြောင့်
# # # # # # # # # # # # # # #။

အသေစိုက်ထားတဲ့သွားတွေ အသုံးပြုတာ ကြာမြင့်လာတာ၊ အံဝင်ခွင်ကျမဖြစ်တော့တာ၊ အစာဝင်တာ၊ ရောင်တာ၊ အရှင်စိုက်ထားတဲ့ အံကပ်တွေ မတော်တာတွေ၊ဖိမိတာတွေကြောင့်လည်း သွားဖုံးသွေထွက်တတ်ပါတယ်။

လိုအပ် ပြန်လည်ပြုပြင်တာ၊ အသစ်လုပ်တာ စတဲ့ လိုအပ်တဲ့ ကုသမှုတွေကို လုပ်ဖို့ သွားနှင့်ခံတွင်းဆရာဝန်နဲ့ ပြန်လည်ပြသတိုင်ပင်ပါ။

မေတ္တာဖြင့်....
Dr. Ye Win Naing
B.D.S (Ygn)

Info source : Western Medicine

သွားအမြစ်တုသတ္တုတိုင်ထည့် သွားစိုက်နည်းနဲ့ ပတ်သက်သည့်အကြောင်းအရာများ၊ ကုသမှုအချက်အလက်များ၊ ကုန်ကျစရိတ်များကို ဆေးခန်းမှာ အခမဲ့လာရောက်ဆွေးနွေးနိုင်ပါတယ်။ ✨✨✨✨

နောက်ဆုံးပေါ် သွားစိုက်နည်း Dental Implant စိုက်လိုသူများအတွက်သတင်းကောင်း
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟

မင်္ဂလာပါခင်ဗျာ 🤗🤗🤗

🦷 🌟 ပုံမှန်သွားစိုက်နေကျ ဘေးသွားလေးတွေကို ငုံပြီးစိုက်စရာမလိုတော့ပဲ မေးရိုးအတွင်းသတ္တုတိုင်ထည့်ပြီး တစ်ချောင်းထဲစိုက်လို့ရတဲ့

🦷 🌟 နောက်ဆုံးပေါ် သွားစိုက်နည်း Dental Implant လို့ခေါ်တဲ့ သွားအမြစ်တုအစားထိုးစိုက်နည်းကို

🦷 🌟 သက်ဆိုင်ရာ အထူးကုများနဲ့ ကျနော်တို့ “နေလ” သွားနှင့်ခံတွင်းဆေးခန်းမှာ စိုက်လို့ရပြီဖြစ်ပါကြောင်း သတင်းကောင်းပါးအပ်ပါတယ်။

🌟🌟🌟Dental Impant နဲ့ ပတ်သတ်တဲ့ဗဟုသုတများကိုလည်းမကြာမီ တင်ပေးပါမယ်🌟🌟🌟

အသေးစိတ်သိရှိလိုပါက page messenger, 09965761454 သို့ Viber , ဖုန်းတို့ဖြင့်ဆက်သွယ်တိုင်ပင်နိုင်ပါတယ် 🥰🥰🥰

ဆေးခန်းသို့လည်း Free Consultation လာလုပ်ရပါတယ်။

#နေလသွားနှင့်ခံတွင်းအထူးကုဆေးခန်း
#သွားညှိကုသမှု

ဘယ်လိုအခြေနေမှာ သွားဖာဖို့လိုပြီလဲ
🌟🌟🌟🌟🌟🌟🌟🌟🌟🌟🌟

အောက်ပါ ပုံလေးတွေကို ထောက်ပြီး တစ်ပုံချင်းစီမှာ ဖတ်ရှုနိုင်ပါတယ်။

မေတ္တာဖြင့်…
Dr. Ye Win Naing

"ကလေးငယ်‌တွေမှာ တွေ့ရတဲ့ ရှေ့သွားလေးတွေကြဲပြီး စောင်းနေခြင်း
"
✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨

👉🦷 အပေါ်ရှေ့သွားလေးတွေ စတင်ပေါက်လာတဲ့ အသက်(၇)နှစ်ကနေ အစွယ်သွားလေးတွေထွက်လာမယ့် အသက်(၁၁)နှစ်ကြားထဲမှာ
‌အပေါ်ရှေ့သွားနှစ်ချောင်းကြားကြဲနေတာ၊ ဘေးသွားလေးတွေစောင်းနေတာကို တွေ့ရပါတယ်။

👉🦷 ဒီလိုအခြေအနေကို Ugly Duckling Stageလို့ခေါ်ပါတယ်။ အစွယ်သွားလေးက အရိုးထဲမှာ စတင်ဖွံ့ဖြိုးနေပြီး အစွယ်သွားလေးရဲ့ ခေါင်းပိုင်းဟာ ပုံမှာပြထားသလို ရှေ့သွားလေးရဲ့ အမြစ်လေးကို စောင်းပြီး ဖိထားတာကြောင့် ရှေ့သွားလေးတွေ တည့်တည့်မထွက်ဘက် ဘေးကိုစောင်းတာ၊ ရှေ့သွားလေးကြဲနေတာကို တွေ့ရတာဖြစ်ပါတယ်။

👉🦷 စိုးရိမ်စရာမရှိပါဘူး။ အစွယ်သွားလေးတွေ အသက်(၁၁)နှစ်လောက်မှာ ပေါက်လာတဲ့အခါ ရှေ့သွားလေးတွေပြန်တည့်သွားပြီး ကြဲနေတာလေးတွေ သူ့အလိုလိုစိပြီး ပြန်ညီသွားပါတယ်။

👉🦷 အကယ်၍ လူကြီးသွားလေး‌တွေကထွက်လာပြီး ကလေးသွားလေးတွေက မကျွတ်သေးတာ၊ မနှုတ်ရသေးတာ၊ ကလေးသွားလေးတွေ ကြဲနေတာ၊ ထပ်နေတာ စိုးရိမ်တာရှိရင် နီးစပ်ရာသွားနှင့်ခံတွင်းဆေးခန်းမှာ သေချာတိုင်ပင်ပါ။ လိုအပ်ရင် သွားညှိတဲ့ကုသမှုခံယူလို့ရပါတယ်။

👉⭐သွားနှင့်ခံတွင်းနဲ့ပတ်သတ်ပြီး အကြံဉာဏ်များ၊ကုသမှုများတိုင်ပင်ဆွေးနွေးလိုပါက
09965761454သို့ ဖုန်း၊Viber မှ ဆက်သွယ်မေးမြန်နိုင်ပါတယ်။⭐👈

မေတ္တာဖြင့်
Dr. Ye Win Naing

"သွားအမြစ်ပိုးဝင်ခြင်း/ ပြည်ဖုဖြစ်လာခြင်း”
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟

သွားနှင့်ခံတွင်း ဆေးခန်းမှာ တွေ့ရအများဆုံး၊ အင်တာနက်မှာလည်း အမေးများတဲ့ သွားနှင့်ခံတွင်းပြဿနာဖြစ်ပါတယ်။

🦷သွားရဲ့ဖွဲ့စည်းတည်ဆောက်ပုံ
**************
⭐ သွားအမြစ်ပိုးဝင်တာကို သေချာသိဖို့ဆိုရင် သွားရဲ့ဖွဲ့စည်းတည်ဆောက်ပုံကို အရင် သိထားတာပိုအဆင်ပြေပါတယ်။

သွားတစ်ချောင်းမှာ အဓိကအားဖြင့် အလွှာ(၃)လွှာနဲ့ဖွဲ့စည်းထားပါတယ်။

👉 (၁)ကြွေသွားလွှာ
***************
အပေါ်ဆုံးက မြင်ရတဲ့ အဖြူရောင်အလွှာလေးကိုခေါ်ပါတယ်။ ဒီအပေါ်ဆုံးအလွှာမှာ သွားပိုးစားရင် သွားမျက်နာပြင်မှာ အမဲကွက်တွေ/အဖြူကွက်တွေဖြစ်လာတာကိုတွေ့ရပါတယ်။

👉 (၂) ဆင်စွယ်နှစ်လွှာ
***************
ကြွေလွှာအောက်မှာ ရှိတဲ့ ဒုတိယအလွှာကို ဆင်စွယ်နှစ်ရောင် အဝါရောင်လေးအနေနဲ့ တွေ့ရတယ်။ သွားကျဉ်ခြင်းကိုဖြစ်စေတဲ့ ကျဉ်ကြောရှိတဲ့အလွှာလို့လဲဆိုလို့ရပါတယ်။ တချို့သွားဝါကြတာဟာ ကြွေလွှာအဖြူရောင်လေးတွေ မွေးရာပါပါးတာ၊ သုံးစွဲမှုကြာလာလို့ပါးလာတဲ့ အတွက်ကြောင့် ‌ကြွေလွှာအောက်က ကျဉ်ကြောအလွှာလေးတွေ ပိုထင်ရှားလာလို့ သွားဝါသလိုတွေ့ရတာဖြစ်ပါတယ်။ ဒီလိုကြွေလွှာပါးပြီး ကျဉ်ကြော‌တွေပေါ်လာရင် အပူ၊အအေးသောက်တဲ့အခါ ကျဉ်တာကိုခံစားရပါတယ်။

👉 (၃) မွှသွားအလွှာ
***************
တတိယအလွှာကတော့ သွားကိုအဓိကထောက်ပံ့ပေးထားတဲ့ သွေးကြော‌တွေ၊အာရုံကြောလေးတွေရှိတဲ့အလွှာဖြစ်ပါတယ်။

⭐ သွားအမြစ်ပိုးဝင်ရတဲ့အကြောင်းအရင်း
******************
👉 အဓိကကတော့ သွားပိုးစားပြီး ပိုးပေါက်ဖြစ်လာတဲ့ အခါ ပထမဆုံးကြွေလွှာကို စပြီး ထိခိုက်ပါတယ်။ ကြွေလွှာမှာ အမဲရောင်၊အဖြူ‌ရောင် စသဖြင့် တွေ့ရပါတယ်။ နာကျင်ခြင်းမရှိပါ။
ဒီအဆင့်မှာ မဲနေတဲ့ သွားပိုးစားထားတဲ့နေရာကို ခြစ်ထုတ်ပြီး သွားပြန်ဖာလို့ရပါတယ်။

👉 သွားပိုးစားတာ ပိုပြီးနက်လာတဲ့အခါ ကြွေလွှာအောက်က ကျဉ်ကြော ဆင်စွယ်နှစ်လွှာကိုရောက်လာပါတော့တယ်။ အဲ့လိုကျဉ်ကြောကို ရောက်လာရင် အပူအအေးစားသောက်တဲ့အခါ ကျဉ်တာ၊ နည်းနည်းနာချင်သလိုဖြစ်လာပါတယ်။ အဲ့အဆင့်မှာလည်း သွားဖာတာ၊ ယာယီဆေးနဲ့ အရင်ဖာတာ စသဖြင့် ကုသလို့ရပါသေးတယ်။

👉 သွားရဲ့ အတွင်းဆုံး သွေးကြောတွေ၊ အာ‌ရုံကြောတွေရှိတဲ့ တတိယ အလွှာထိ သွားပိုးစားတာ ရောက်လာပြီဆိုရင်တော့
- ညဘက်အိပ်မရအောင်ကိုက်တာ၊
- တဆစ်ဆစ်နဲ့ အပ်နဲ့ထိုးသလိုကိုက်နေတာ၊
- မေးရိုးတခြမ်းလုံးကိုက်နေတာတွေကြုံရပါတယ်။

တချို့ဆိုအဖျားပါတက်ကြပါတယ်။ အဲ့လို သွားပိုးစားတာနက်သွားရင် သွားအကြောထုတ်ပြီး ပြန်ဖာမှသာ ရနိုင်ပါတော့တယ်။ တခါထဲတန်းဖာလို့မရတော့ပါ။ ကုန်ကျစရိတ်လည်းရှိသလို ဆေးခန်းကို ၃,၄ခေါက်လောက်သွားရပါတယ်။

👉 အဲ့လိုအချိန်မပေးချင်ဘူး၊ကုန်ကျစရိတ်အဆင်မပြေရင်တော့ နှုတ်လိုက်တာပိုအဆင်ပြေပါတယ်။

👉 သွားပိုးစားပြီး နာတာ၊ကိုက်တာကို စပ်ဆေး၊ဘေးပတ်ဝန်းကျင်ညွှန်ရာဆေးနဲ့ သောက်လိုက်တဲ့ အခါ ဆေးအာနိသင်လာတဲ့အခါ သက်သာသွားပေမယ့် အာနိသင်ပြယ်ရင်ပြန်ကိုက်မှာပဲဖြစ်ပါတယ်။

⭐ သွားအမြစ်ထိပ်ပြည်ဖုဆိုတာ
***************
👉 သွားပိုးစားဝာာကို ကုသမှု မခံယူတဲ့ အခါ သွားရဲ့အတွင်းပိုင်းအလွှာကနေ သွားပိုးစားတာက အမြစ်ထိပ်ထိ ထပ်ပြန့်ပါတယ်။ သွားအမြစ်ထိပ်မှာရှိတဲ့ မေးရိုးကို ရောက်လာတဲ့အခါ ကိုယ်ခံအားစနစ်ရယ် ပိုးမွှားတွေရယ် တုန့်ပြန်တိုက်ခိုက်မှုတွေဖြစ်လာပြီး အမြစ်ထိပ်မှာ ပြည်ဖုဖြစ်လာပါတယ်။ ကြာလာလို့ ပြည်ဖုကြီးလာရင် သွားဖုံးဖက်ကိုဖောင်းလာတာ၊ ပြည်လမ်းကြောင်းလေးဖြစ်လာပြီး ပြည်လေးတွေထွက်လာတတ်ပါတယ်။

👉 စနစ်တကျ ကုသမှုမခံယူရင် ပြည်ဖုပိုကြီးလာတာ၊ ပါးတခြမ်းလုံးရောင်တာ၊ လည်ပင်းအကြိတ်တွေကြီးလာတာ၊ အဖျားတက်တာ၊ ပါးစပ်ဟရခက်လာတာ၊ အသက်ရှုရခက်လာတာ မှစပြီး အသက်အန္တရယ်ကို ပင်ထိခိုက်နိုင်ပါတယ်။

⭐ကုသမှု/ဆောင်ရန်/ရှောင်ရန်
***************
- သွားမျက်နာပြင်မှာ သွားပိုးစစားနေရင် မနာ၊မကိုက်ခင် သွားဆေးခန်းမှာ သွားဖာတာ၊ စစ်ဆေးပြီး လိုအပ်တဲ့ကုသမှု ခံယူတာလုပ်ဖို့လိုပါတယ်။

- ပြည်ဖုရှိနေရင်လည်း သွားအကြောထုတ်ပြီး ပြန်ဖာပြီး ပြန်အသုံးပြုတာ၊ သွားနှုတ်တာ၊ လိုအပ်တဲ့ ပိုးသတ်ဆေးအကိုက်အခဲပျောက်ဆေးသောက်တာ လုပ်ဖို့လိုပါမယ်

- ညရေးညတာ ကိုက်တဲ့ အခါ ဆေးခန်းနဲ့ အလှမ်းဝေးတဲ့ အခါ Paracetamolလို အကိုက်ခဲပျောက်ဆေး‌သောက်တာ၊ ဆားရေနွေးငုံတာစတာ‌တွေလုပ်ပေးလို့ရပါတယ်။ အကိုက်ခဲပျောက်ဆေးအပြင်းစားတွေကတော့ အစာအိမ်ထိတတ်တာ၊ တချို့ရောဂါတွေနဲ့ မတည့်တာကြောင့် ဆရာဝန်ညွှန်ကြားချက်နဲ့သာ သောက်သင့်ပါတယ်။

- ဆေးသောက်တာက သွားအမြစ်ပိုးဝင်တာ/ပြည်တည်တာကို ယာယီသာသက်သာစေပြီး အပြီးတိုင်သက်သာပျောက်ကင်းဖို့ ဖြစ်ရတဲ့အကြောင်းရင်းကို ဆေးခန်းမှာသေချာကုသမှုခံယူပါ။

-ဖလိုရိုက်ပါတဲ့သွားတိုက်ဆေး၊သွားတိုက်တံနဲ့ တနေ့ ၂ကြိမ် ပုံမှန်သွားတိုက်ပါ

- သွားကြားပွတ်ကြိုးအသုံးပြုပါ

- အရမ်းပူလွန်း၊အေးလွန်းတဲ့အစားသောက်တွေ၊ အချိုတွေရှောင်ကြဉ်ပေးပါ

- သွားအမြစ်ပိုးဝင်တာကြောင့် ပါးတခြမ်းလုံးရောင်တာလည်ပင်းတဝိုက်ရောင်လာတာ၊ အသက်ရှုရခက်တာ၊ အစာမြိုရခက်တာ၊အဖျားတက်တာဖြစ်လာရင် မဖြစ်မနေ ဆေးရုံ၊ဆေးခန်းပြသပါ။

- သွားနှင့်ခံတွင်းမှာ အဖုအပိန့်တွေ၊အနာတွေဖြစ်လာရင် တွေ့ရာဆေးလိမ်းတာ၊သောက်တာထက် သက်ဆိုင်ရာ သွားနှင့်ခံတွင်းဆရာဝန်တွေနဲ့ တိုင်ပင်တာ၊ စစ်ဆေးမှုခံယူပြီး လိုအပ်တဲ့ ကုသမှု ခံယူတာကသာ အသင့်တော်ဆုံးဖြစ်ပါတယ်။

သွားနှင့်ခံတွင်းရောဂါများကင်းဝေးပြီး အစစအရာရာအဆင်ပြေကြပါစေ...

မေတ္တာဖြင့်...
Dr. Ye Win Naing

လေဆာဖြင့် သွားဖာခြင်း
🌟🌟🌟🌟🌟🌟🌟🌟🌟

ကြဲနေတဲ့ ရှေ့သွား (၂)ချောင်းကို လေဆာနဲ့ ဆေးခန်းမှာ တထိုင်ထဲ ဖာထေးပေးထားခြင်းဖြစ်ပါတယ်။

သွားအနေအထား၊ အသက်အရွယ်၊ ကုန်ကျစရိတ် ၊အချိန်ပေးနိုင်မှုပေါ်မူတည်ပြီး

🌟 သွားညှိကုသတာ
🌟သွားကြွေလွှာကပ်တာ
🌟 ကြွေအစွပ်စွပ်တာ စသဖြင့် ကုသမှုမျိုးစုံရှိပါတယ်။

🦷 သွားနှင့်ခံတွင်းဆိုင်ရာကုသမှုများ၊ ကုန်ကျစရိတ်များတိုင်ပင်လိုပါက
09965761454သို့ Viber / ph တို့မှ ဆက်သွယ်နိုင်ပါတယ်။