Total Ayurbileg

Ялчхаад рингнээс бууж явахдаа хэлсэн үгийг нь сонсов уу? Англиар "Its my time” гэж байна шдээ. 🔥🔥🔥. Шилдэг 8-д тавтай морил...

Ялсан ч ялагдсан ч өрсөлдөгч тамирчиндаа хүндэтгэл үзүүлнэ гэдэг спортын хамгийн нандин зүйл юм даа. Тэр дундаа жүдо хүнлэтгэл, ёс зүй дээр тогтдог спорт гэж ойлгодог. Өчигдөр финал дээр ялагдсаны дараа манай Саиед Моллай Японы Таканори Нагасэд хүндэтгэл үзүүлж гарыг нь өргөөд баяр хүргээд дуусаагүй байтал эргүүлээд Нагасэ түүнд маш том хүндэтгэл үзүүлж энэ дүр зураг торгон мөч болон гэрэл зурагт үлджээ. Тэр бүр харилцан бие биедээ ингэж хүндэтгэл үзүүлж байсан өөр тохиолдлыг би лав санахгүй юм. Нагасэ Саиед Моллайыг ямар зам туулж энэ хүртэл явж ирснийг мэдэх учраас түүнд аваргын дайтай баяр хүргэж хүндэтгэл үзүүлсэн гэж дотроо бодсон доо. Нээрээ л бодохоор түүний амьдрал, замнал доороос дээшээ хүртэл асар их зүйлийг туулж энэ Олимпын медаль түүнд иржээ. Зөвхөн Олимпын медаль ч гэлтгүй асар том үзэл санааны өөрчлөлтийг Монголд болон Иранд авчирсан зүйл боллоо. Энэ зурган дээрх агшин өчигдрийн финалын барилдааны биш ээ бүр энэ Олимпын торгон агшингуудын нэг байлаа...

Цус нь Монгол биш ч өмсгөл дээрх далбаа нь Монгол юм аа. Монголыг сонгоод ирсэн энэ залуу Монголын төрийн далбааг намируулах хувь тохиолтой байж ээ. Чи хүний хүн биш Монголын тамирчин шүү. Одоо наад Монгол хүн биш гэдэг тэнэг юм үзээгүй бодлоо авч хаяарай. Тэр эх орондоо мөнгөн медаль авчирсан байхад бидэнд тэгж хэлэх эрх байхгүй шүү. Тэр бол Монгол улсын тамирчин. Олимпын мөнгөн медальт Монголын тамирчин Саиед Моллай юм шүү. Тиймээ. Бид өнөөдөр Олимпын шинэхэн мөнгөн медальтнаа угтаж авлаа. Энэ бол түүх. Энэ бол Дэлхийд Монголын далбааг намируулсан өдөр байлаа. 2021.07.27 🇲🇳🇲🇳🇲🇳💪💪💪

Дахиад ганцхан ялалт залуу минь. Монголын ард түмэн бүгд чиний төлөө залбирч байгаа шүү 🇲🇳🇲🇳🇲🇳🙏🙏🙏

Бас л гоё зураглал байна шүү.

-Баруун гар талаас Дэлхийн аварга, Олимпын алт, мөнгө, хүрэл медальт Гүржийн Лаша Шавдатуашвили.

-Дэлхийн 3 удаагийн аварга, Олимпын 2 удаагийн аварга Японы Шохей Оно.

-Дэлхийн аваргын алт, 2 хүрэл медальт, Олимпын хүрэл медальт Солонгосын Ан Чанрим.

-Олимпын наадмын хүрэл медальт Монголын жүдоч Ц.Цогтбаатар. Ирээдүйд энэ хүрэл медаль нь Дэлхийд болон Олимпод өнгө нь хувирах болтугай. Чи чадсан залуу минь. Энэ зураг түүнийг шилдгүүдийн эгнээнд орсныг албан ёсоор баталж байна....

Риогийн Олимпод 20хан насандаа ялагдал хүлээж нулимстай хоцорч байсан Ц.Цогтбаатар Токиогийн Олимпоос хүрэл медаль авах учиртай байжээ. 5 жилийн өмнөх ялагдлын нулимсаа баярын нулимс болгодог юм байжээ. Зорилготой, мөрөөдөлтэй байна гэдэг ямар сайхан юм бэ? Тууштай байдал түүнийг энэ тавцанд хүргэлээ. Өнөөдрөөс залуу минь чамайг Олимпын хүрэл медальт Цэнд-Очирын Цогтбаатар хэмээн дууддаг болж байна аа. 🇲🇳🇲🇳🇲🇳💪💪💪

5 жилийн өмнө буюу 2016 оны Риогийн Олимпод 20хан насандаа эх орноо төлөөлөн барилдаж, ялагдаж хүлээж, уйлж байсан хүү ийнхүү өөрийн карьерын хамгийн чухал, хамгийн оргил, хамгийн хариуцлагтай, хамгийн их сэтгэл зүй шаардсан тулаанаа хйихэд бэлэн болжээ. Энэ бол тамирчин хүний карьерт тохиох цөөхөн хэдэн боломжуудын нэг мөнөөс мөн юм. -73 кг-ын жингийн хагас шигшээд Цэнд-Очирын Цогтбаатараас гадна 3 Дэлхийн аварга жүдоч үлджээ. Хамгийн багадаа л нэг Дэлхийн аварга болсон аймар 3 бөх хагас шигшээд үлдээд байгаа бөгөөд тэр 3тай хамт Цогтбаатар татамид гарнаа. Түүний хагас шигшээгийн энэ удаагийн өрсөлдөгч бол Дэлхийн 3 удаагийн аварга, Риогийн Олимпын аварга Японы алдарт бөх, энэ жиндээ Японы бүх цаг үеийн хамгийн шилдэг гэгддэг Шохей Оно юм. Нэрийг нь сонсохоос сүрдмээр жүдочин шүү дээ. Ялах магадлал Онод илүү байгааг нуугаад яахав. Гэхдээ энэ бол спорт. Зүгээр ч нэг жүдоч тив тивээс чуулсан аваргуудын тулаанд шилдэг 4-т үлдэнэ гэдэг тохиолдол биш юм. Яагаад үгүй гэж. Гол нь өөрийнхөө хийдэг зүйлийг хийгээд аваргатай зоригтой л үзэх хэрэгтэй. Догдлол, хүлээлт дээд цэгтээ хүржээ. Эцсийн өгүүлбэр Шохей Оногийн эсрэг Цэнд-Очирын Цогтбаатар. Ялсан нь Токиогийн Олимпын аваргын алтан медалийн төлөө өрсөлдөнө. Сүрдмээр байна шүү. Урагшаа...💪💪💪🇲🇳🇲🇳🇲🇳

Ямар гоё юм бэ? Нэмэлт цагт ялснаар шөвгийн 4-т үлдэж байна. Одоо түүнийг хагас шигшээд алдарт аварга Оно хүлээж байна. Классик тулаан өрнөнө дөө. Яагаад үгүй гэж. Аваргыг давж аварга болдог бус уу... 😈

🔥🔥🔥

31 НАСАНДАА ОЛИМПЫН НААДМААС ХҮРЭЛЬ МЕДАЛЬ ХҮРТЛЭЭ. Дутуугаа гүйцээж өөрийн карьерын цуглуулгад дутуу байсан тэр л Олимпын медалиа хүртлээ. Энэ цаг мөчөөс хойш Уранцэцэг чи үнэхээр Монголын бүх цаг үеийн хамгийн шилдэг жүдоч гэдгээ энэ хүрэл медалиараа тамгаллаа. Дэлхийн аварга, мөнгө, хошой хүрэл. Одоо Олимпын хүрэл. Өөр юу ярих юм бэ?

Их аварга Хакухо М.Даваажаргал мэргэжлийн сумо бөхийн 45 дахь түрүүгээ хүртлээ. Бүтэн жилийн хугацаанд бэртлийн улмаас дэвжээнд гараагүй тэрээр 7 башёгийн дараа 15-0 гэсэн амжилтаар түрүүллээ. Японд зохион байгуулагдах Олимпийн өмнө ийнхүү 45 дахь түрүүгээ хүртэж байгаа нь цаанаасаа л болох ёстой байсан мэт. Тэрээр аавынхаа мөрөөдлийг гүйцээж Олимпийн нээлтийн тугийг өргөж зогсох зорилготой энэ башёд зодоглосон гэдгээ ч хэлсэн. Энэ башёг би тэнгэрт хальсан аавдаа зориулж буй хэмээн хэлээд байсан тэрээр хэлсэндээ хүрч 45 дахь түрүүгээ хүртлээ. Үнэхээр л агуу аварга юм даа. Одоо Олимпийн нээлтийн тугийг өргөж байхыг чинь агуу аав чинь, Монголын ард түмний хайртай аварга Жигжидийн Мөнхбат тэнгэр дээрээс л харах үлдлээ. Юм гэдэг дандаа учир шалтгаантай байх юм даа...🙏🙏🙏

Месси тэргүүтэй Аргентин 2021 оны Копа Америкагийн аварга боллоо.Ийнхүү Аргентин 1993 оноос хойш тивийнхээ аваргад дахин түрүүлж Месси шигшээ багийнхаа хамтаар том цэмцээнд анх удаагаа түрүүллээ. Олимпийн аваргыг эс тооцвол. Копа Америкад карьертаа 3 удаа шигшээд шалгарч түрүүлэх боломжоо алдаж байсан Месси эцэстээ шигшээ багийнхаа өмсгөлтэй аварга боллоо. Түүний цуглуулгад маш том цом нэгээр нэмэгдлээ. Түүний өмнөөс дэндүү их баяртай байна. Хүртэх ёстойгоо хүртсэн Месси маань. Мань эр 4 гоол оруулснаар тэмцээний мэргэн буучдын жагсаалтыг тэргүүлж тэмцээний шилдгээр нэрлэгдсэн юм. Өнөөдөр бол спорт сонирхогч бидний наадам ийнхүү эхэллээ. UFC, Евро Финал, NBA. Таалан соёрх...

ТИЙМЭЭЭЭЭЭЭЭЭ.... Английн шигшээ түүхэндээ анх удаагаа Европын аваргын шигшээд шалгарлаа. 55 жилийн дараа ийнхүү том тэмцээний хүрээнд шигшээд анх удаагаа үлдлээ. Үнэхээр энэ тоглолтыг жаргаж үзлээ. Английн шигшээг 2004 оны Европын аваргаас хойш тасралтгүй дэмжсэн өнөөдөр шөнө шигшээд шалгарах учиртай байж ээ. Ямар гоё мэдрэмж надтай адил олон Английн дэмжигчид авч байгаа бол. Үнэхээр тасархай мэдрэмж. Рахим стерлинг, Рахим стерлинг чи үнэхээр үзэн ядагчдынхаа амыг таглаж өөртөө дахин тэднийг татлаа. Чи үнэхээр Английг шигшээ багийн орлуулшгүй тоглогч юм байна аа. Тоглоом дуусаагүй. Одоо оргил нэг тоглолт. Сүүлчийн даалгавар шүү дээ. Италийн эсрэг Англи. Шигшээ тоглолт дээр уулзъя....

Месси тэргүүтэй Аргентин Колумбын шигшээг торгуулийн цохилтоос хожсоноор 2021 оны "Копа Америка"-гийн шигшээд шалгарлаа. Шигшээд тэднийг Неймар тэргүүтэй Бразилийн шигшээ хүлээж байна. Неймар болон Месси том тэмцээний хүрээнд шигшээд анх удаагаа хоорондоо тоглохоор боллоо. Евро-той зэрэг зохион байгуулагдаж байгаа болохоор сүр дуулиан багатай л болж байх шиг байна даа.

Рон ахынхаа Европын аваргын тавцан дах сүүлчийн тоглолтыг урьд шөнө үзчихлээ дээ гээд хэлчихэд буруудахгүй байх аа. 3 жилийн дараа Германд болох Европын аваргад түүнийг 40 настайдаа тоглож байхыг хармаар л байна. Магадгүй сэлгээнээс ч болтугай тоглоосой. Боломж нь мэдээж байгаа. Дараа жилийн Дэлхийн аваргад бол баттай гараанд энэ формоороо тоглочих байх. Урд шөнийн тоглолтод Бельги хожих магадлалын хувьд өндөр фаворит баг нь байлаа. Таамаглаж байснаар хожлоо. Дэлхийн чансааны номер 1 баг нь шүү дээ Бельги. 4 жилийн өмнө шигшээ багтайгаа хамт Европын аваргад түрүүлснийг нь хүмүүс маш хурдан мартчихжээ. Португалийн түүхэнд анх удаагаа Европын аваргын цомыг эх оронд нь авчирсан шүү дээ. Угаасаа Европын аваргад 2 удаа дараалан түрүүлсэн ганц л баг байдаг нь ялагдашгүй армада. Энэ Европын аваргад 5 гоол оруулснаар одоогоор мэргэн буучдын жагсаалтыг тэргүүлж Европын аваргад хамгийн олон гоол оруулсан цор ганц тоглогч боллоо. Мөн Европын аварга, Дэлхийн аваргад хамгийн олон гоол оруулсан тоглогч болж Мирослав Клозег гүйцсэн. Мөн 5 Европын аваргад дараалан тоглосон цор ганц болов. Шигшээ багийнхаа өмсгөлтэй олон улсын тавцан дахь 109 дэх гоолоо энэ Европын аваргад оруулснаар хэзээ ч эвдэгдэхгүй гэж байсан Ираны хөлбөмбөгч Али Даеи-ийн амжилттай зэрэгцэж ирсэн. Одоо нэг л гоол оруулахад бас л цор ганц болох нь ээ. Одоо ч бид энэ агуу G.O.A.T-оос юу хүсэх билээ дээ. Хийдгээ хийгээд гайхамшгийг олон жил бидэнд мэдрүүлж хэзээ ч оюун бодлоос минь салахгүй тэр л дурсамжуудыг үүрд үлдээжээ. Роналду, Месси-гүй хөлбөмбөг ч ойртож байна даа…

Урд шөнө Португалийн эсрэг 1 гоол, 2 гоолын дамжуулалт өгч тоглолтын шилдгээр нэрлэгдсэн Робин Госенс Европын аварга эхлэхээс хэдэн сарын өмнө Сериа А лигийн хүрээнд Ювентусын эсрэг хийсэн тоглолтын дараа Роналдугаас өмсгөлөө солилцохыг хүсэж байжээ. Учир нь түүний шүтэн биширч хүндэлж явдаг тоглогчдын нэг бол Португал эр юм. Аталанта болон Ювентусын тоглолтын дараа Госенс түүн дээр дээр очоод хүндэлж явдаг аа хэлэн өмсгөлийг нь авахыг хүссэн ч Роналду тухайн өдөр өмсгөлөө өгөх хэмжээний "Mood”-тэй байгаагүй гэдэг. Түүний нүд рүү ч харалгүй үгүй гэж хэлж байсныг Герман эр өөрөө хэлсэн байдаг. Тэрээр би мөрөөдлөө биелүүлж Роналдугийн өмсгөлийг авахыг л хүсэж түүн дээр очсон юм. Тухайн үед Госенс эвгүй байдалд орж, дутуу үнэлэгдсэн мэт мэдрэмж авч байжээ. Багийнхан ч үүнийг мэдээд түүнээр тоглож Роналдугийн Ювентусын цоо шинэ өмсгөлийг ч хувцас солих өрөөнд бэлэглэж байжээ. Урд шөнийн тоглолтын дараа сэтгүүлч түүнээс энэ удаа та Роналдугаас өмсгөлөө өгөхийг асуусан уу? Тэр санаж байна уу гэсэн асуултад: Үгүй ээ, би энэ удаа түүнээс өмсгөлийг нь асуугаагүй. Би зүгээр л энэ ялалтаа мэдэрч, энэ үдшийг мэдэрмээр байна гэж хэлсэн юм. Урд шөнийн тоглолтын дараа түүний нэр аль хэдийнэ Ювентус, Интер Милан гээд Италийн гигант багуудтай холбогдоод эхэлсэн. Үүнийг дагаад ч түүний зах зээлийн үнэ өсөх нь гарцаагүй. Одоо чиний нэрийг Дэлхий дахинд мэддэг боллоо.... Робин Госенс...

Цаг хугацаа ч үнэхээр харвасан сум шиг юм даа. Тэртээ 17 жилийн өмнө 2004 онд нутагтаа зохион байгуулагдсан Европын аваргад Грекийн шигшээд хожигдож нулимстай хоцорч байсан жаал хүү Дэлхийн хөлбөмбөгийн ноён оргилд заларч одоогийн энэ өндөрлөгт хүрнэ хэмээн хэн санах билээ. Тиймээ Криштиано Роналду гэдэг нэр Дэлхийд тамгалагджээ. Өнөөдрөөс эхлээд Роналду магадгүй сүүлчийнхээ Европын аваргад сүүлчийн бүжгээ толилуулахад бэлэн болжээ. Түүний сүүлчийн Евро биш байгаасай хэмээн би, чи, бид бүгд, Дэлхийн өнцөг булан бүрт байгаа хөлбөмбөгт хайртай фанатууд тэгж хүсэж байгаа нь гарцаагүй. Гэхдээ юмс бүхэн цаг хугацаатай байдаг шиг Роналду 36 насны босгыг аль хэдийн давжээ. Энэ насан дээрээ топ түвшиндээ тоглож байгаа түүнийг үнэндээ л биширмээр. Энэ Европын аваргаар түүний талбай дээр тоглож буй минут, секунд бүрийг алдалгүй үзмээр. 4 жилийн дараа болох Еврогоор түүнийг дахин талбай дээр харахгүй байж магадгүй гэж бодохоор л гунигтай. 5 удаагийн Европын аваргад оролцох гэж буй түүхэн дэх анхны хөлбөмбөгчин. Нэг гоол бүртгүүлэхэд Европын аваргад хамгийн олон гоол оруулсан цор ганц болно. Талбай дээрх хором мөч бүрийг чинь шимтэн үзэх болно. Чи бол 🐐….

Лукаку урд шөнө Оросын эсрэг гоол оруулсныхаа дараа талбайн хажуу талын камер луу гүйж очоод “Крис, хайртай шүү залуу минь" хэмээн орилжээ. Бельги эр ЕАШТ-ий эхний гоолоо Интер Милан клубын багийн анд Кристиан Эриксенд зориулжээ. Хүндлэл, хайр...❤️❤️❤️

Хагас шигшээд Реал Мадридтай хийсэн 2 тоглолтын шилдгээр, финалд Ситигийн эсрэг тоглолтын шилдгээр нэрлэгдлээ. Канте Челсигийн үнэхээр зүрх нь юм аа. Дэлхийн аварга, Премьер лиг, Европа лиг нэмээд аваргуудын Лигийн цомтой боллоо. Одоо Европын аваргын цом бас дээрээс нь Дэлхийн шилдэг болох л үлдлээ. Энэ хүнд яагаад Ballon d'Or өгч болохгүй гэж. Энэ Европын аваргаар сайн үзвэл Дэлхийн шилдэг болох магадлал өндөр байна даа.

Хүлээлт дууслаа🔥🔥🏆🏆. Тиймээ өнөөдөр шөнө Европын хамгийн нэр хүндтэй тэмцээн аваргуудын лигийн галзуу ганц финалын тоглолт биднийг хүлээж байна. Хичнээн ч удаан энэ мөчийг хүлээв дээ. 9 жилийн дараа дахин аваргуудын лигийн финалд шалгарсан Челсигийн эсрэг түүхэндээ анх удаагаа финалын энэ тавцанд шалгарсан Манчестер Сити нүүр тулах болно. Английн 2 баг ийнхүү дэлдэн чихтийг өргөхийн төлөө өрсөлдөхөд бэлэн болжээ. Өнөөдөр шөнө энэхүү тоглолт дээр Дэлхий зогсох болно. Өмсгөлөө өмс, багаа дэмж, далбаагаа намируул. Энэ улирлын сүүлчийн ганц тоглолт. Челси 9 жилийн дараа дахин аваргуудын лигт түрүүлэх үү? Эсвэл Сити түүхэндээ анх удаагаа аваргуудын лигт тугаа мандуулах уу? Энэ бүхний хариултыг бид бүхэн өнөөдөр шөнө 03:00 цагаас мэдэж авах болно. Таамгаа дэвшүүлээрэй манайхан...

Челси ❤️

Манчестер Сити 👍

Эдуар Менди: Шербур клубтэй /Францын 5 дугаар лигийн баг/ хийсэн гэрээ маань дуусгавар болох үед би 22 настай залуу байсан юм. Тухайн үед миний агент бусад багуудаас чамайг авах санал хэд хэд ирсэн гэж надад хэлж байсан. Гэсэн хэдий ч тэр мэдээ худал байсныг дараа нь би мэдсэн юм. Би түүнтэй холбогдох гэж зөндөө оролдож байсан боловч тэр хэзээ ч буцааж надруу залгаагүй. Зүгээр л надад мессежээр ирээдүйд чинь амжилт хүсье хэмээн бичсэн юм. Би ажилгүй болсон. Тэгээд хөлбөмбөгөөс тэр чигтээ явж болихоор шийдээд байлаа. Гэсэн хэдий ч аав ээж , гэр бүлийнхээ дэмжлэгтэйгээр дахин нэг оролдохоор шийдсэн юм. Тэгээд Гавр клубтэй /Францын ЛИГ 2ын баг/ тохиролцоонд хүрч тэнд нэг жилийн хугацаанд ямар ч цалин авалгүй тоглосон. Удалгүй Марсель клубын 3 дахь хаалгачаар сонгогдсон юм.

Өнөөдөр Менди Челсигийн үндсэн хаалгач. Багаа аваргуудын лигийн шигшээд шалгарахад үнэтэй хувь нэмэр оруулаад буй...🙌🙌🙌

ПСЖ тоглоомоос хасагдсан. Сити түүхэндээ анх удаагаа аваргуудын лигийн финалд шалгарах виз ээ урд шөнө захиалчихсан. Өнөөдөр шөнө Челси талбайдаа Реал Мадридын эсрэг хүч үзнэ. Аль баг нь онгоцондоо сууж 5 сарын 29нд Туркийн Истанбул хотноо болох шигшээ тоглолт руу нисэх вэ гэдэг хариулт таамаг хэвээр. Давуу тал одоогоор Челсид байгаа. Тэд айлын талбайд нэг гоол оруулсан. Гэхдээ энэ юуг ч өөрчлөхгүй. Реал нэг гоол оруулаад 1-0ээр хожчиход л цааш шалгарна. Тэгэхээр гал гарсан үзүүштэй 90 минут биднийг хүлээж байна. Челси 9 жилийн дараа финалд шалгарч Английн 2 баг аваргын цомын төлөө өрсөлдөх үү? Эсвэл Реал Мадрид аваргуудын лигийн "зангараг" аа харуулж финалд ээлжит удаагаа шалгарах уу? Энэ бүгдийн хариултыг фанат бид өнөөдөр шөнө 03:00 цагаас эхлэх тоглолтоос мэдэж авах болно. Өмсгөлөө өмс. Багаа дэмж. Таалан соёрх. Таамгаа дэвшүүлээрэй.

Челси ❤️

Реал Мадрид 👍

Нэг л зүйлд харамсаж байна. Ийм гоё тоглолтыг нутагтаа зохион байгуулах боломжтой байсан гэж бодохоор л. Үзэгчгүй ч гэсэн хаалттай зохион байгуулаад Монголынхоо хөлбөмбөгийн ногоон талбайд Азийн номер нэг багийг харах боломж бидэнд байсан зурагтаар. Нутагтаа хэдээр хожигдсон ч яадгийн. Дэлхийн хэмжээний багийг Монголдоо харсан бол шал өөр мэдрэмж авах байлаа өнөөдөр. 14-0 гэсэн үр дүнд сэтгэл дундуур байгаадаа бус ийм гоё тоглолт, боломжийг нутагтаа зохион байгуулж чадаагүйдээ сэтгэл дундуур байгаа юм. Өнгөрсөн жилийн 10 сард 6-0 гэсэн үр дүнгээр хожигдсон энэ удаа корона, бэлтгэл сургуулиалт, бас бус хүчин зүйлээс шалтгаалж үр дүн "Double”-дуулав. Япончууд ч бүх шилдгүүдээ гараанд гаргажээ. Яах аргагүй л Дэлхий хэмжээний баг. Нэг ч удаа хөлбөмбөгийн ногоон талбайд очин, тасалбар авч шигшээ багаа хажуугаас нь дэмжиж үзээгүй байж, нэг ч тоглогчийнхоо нэрийг мэдэхгүй байж 14-0 гэсэн үр дүнг харж багаа доромжилж байвал чи фанат биш. Чамд тийм эрх байхгүй!!!.

Месси Барсагийн өмсгөлтэй 643 дахь гоолоо оруулснаар домогт Пелегийн хувь тоглогч нэг багийнхаа төлөө хамгийн олон гоол оруулсан амжилттай зэрэгцэн ирлээ. Пеле Сантос клубын өмсгөлтэй 643 гоол оруулж байсан билээ. Тун удахгүй энэ рекорд зөвхөн Месси дээр бичигдэх нь ээ...

Наполи клуб өөрсдийн алдарт "Сан Паоло" цэнгэлдэх хүрээлэнгээ "Диего Армандо Марадона" хэмээн нэрийг нь өөрчиллөө. Наполи клуб багийн түүхэндээ 2 л удаа Сериа А-д түрүүлж байсан түүхтэй. Тэрхүү 2 түрүүг домогт Диего Марадона тус клубт тоглож байх хугацаанд хүртэж байсан билээ. 🙏❤️

Домогт Диего Марадона 60 насандаа хорвоогийн мөнх бусыг үзүүллээ. 2020 оныг хараал идэг... Хөлбөмбөгийн Бурхны орондоо тавтай нойрсдоо домог минь. 🙏🙏🙏😢😢😢

Льюс Хэмилтон албан ёсоор авто спортын хаан Формула 1-ийн Дэлхийн аваргаар 7 дахь удаагаа нэрлэгдэж хэзээ ч эвдэгдэхгүй хэмээгдэж байсан Михайл Шумахерын амжилттай эн зэрэгцэн ирлээ. Тэрээр өнөөдөр Туркийн гараанд түлүүлснээр Дэлхийн аваргын болзлоо хангалаа. Ингэснээр тэрээр өөрийн карьерын 94 дэх гараандаа түрүүллээ /РЕКОРД/. Сүүлийн 4 жил дараалан Дэлхийн аварга боллоо. 2014 оноос хойш буюу сүүлийн 7 жилийн 6-д нь урдуураа ямар ч нисгэгч оруулсангүй. Бид түүхийг хамтдаа бүтээлцэж байна. Мөн бид энэ гариг дээрх хамгийн агуу нисгэгчийн эрин үед амьдарч байна. Дараа жил Дэлхийд 8 удаа түрүүлсэн цор ганц нисгэгчийг бид харж болох юм...

Льюс Хэмилтон: Амьдралд тохиох энэ мөчийг би хэзээ ч мартахгүй ээ. Бид юу ч үгүй эхэлсэн. Миний аав намайг уралдуулахын тулд 4 ажил зэрэг хийж, би буйдан дээр унтдаг байлаа. Бид ямар нэг зүйл мөрөөдсөн. Тэр мөрөөдөл нь Формула 1-ийн нисгэгч болох байлаа. Ямар ч мөнгөгүй гэр бүлд энэ мөрөөдөл маань галзуу мэт сонсогдсон байх. Хүмүүс биднээр доог тохуу хийж, доромжилсон ч бид бууж өгөөгүй. Бид тэмцлээ үргэлжлүүлсээр байсан юм. Заримдаа биднийг тухайн үед уураар, үзэн ядалтаар шүүж байсан тэдгээр хүмүүст бид буруу байсныг нь нотолсон байх хэмээн би боддог. Одоо тэдэнд би сайн сайхныг л хүсдэг. Би юмыг хийснийхээ дараа бодох дуртай. Бид нэгэн гэр бүл шиг байж хэзээ ч бууж өгөөгүй. Хэрвээ чи тэнд зогсоод өөртөө эргэлзэж байвал битгий бууж өгөөрэй. Урагшаа зүтгээд л бай, мөрөөдөөд л бай, мөрөөдлөө бодит болгох хүртлээ тэмц. Мөрөөдлөө оюун бодолдоо шингээж чадвал чи юу ч хийж чадна. Би чамд итгэж байна. Чи ч бас өөртөө итгээрэй.

Дашрамд сонирхуулахад:

-Льюс Хэмилтон энэ жил өөрийн карьерийн 93 дахь гараандаа түрүүлснээр домогт нисгэгч Михайл Шумахерын хэзээ ч эвдэгдэхгүй гэж байсан 91 гараанд түрүүлсэн амжилтыг эвдэж түүхэнд нэрээ мөнхөллөө. /Энэ тоо цаашид өсөх нь ердөө цаг хугацааных боллоо/

-Льюс Хэмилтон энэ улирал дахин Дэлхийн аварга болох нь бараг л тодорхой болсон. Ингэснээр тэрээр авто спортын хаан Формула 1-ийн Дэлхийн аваргаар 7 дахь удаагаа нэрлэгдэж Михайл Шумахерын амжилттай эн зэрэгцэн ирлээ. /Энэ амжилтыг эвдэх нь бас л цаг хугацааны асуудал боллоо. Магадгүй бид дараа жил Фомула 1-ийн Дэлхийн аваргад 8 удаа түрүүлсэн цор ганц нисгэгчийн түүхийг хамтдаа бүтээлцэж болох юм. Өөрөө агуу байна. Дээрээс нь Мерседес баг нь дийлдэшгүй байна. Зохион бүтээгчид, инженерүүд нь мундаг юм.

-Сүүлийн 4 жил дараалан Дэлхийн аварга боллоо. 2014 оноос хойш буюу сүүлийн 7 жилийн 6-д нь урдуураа ямар ч нисгэгч оруулсангүй.

ТИЙМЭЭ, ТИЙМЭЭ. "KING TUG” Н.ТӨГСЦОГТ мэргэжлийн боксын 13 дахь тулаанаа хийж 12 дахь ялалтаа дөнгөж сая байгууллаа. Энэ удаа Төгсөө маань Барбадосын” Soldier” хочит Кобиа Брийдиг ялж WBC холбооны 57,2 кг-ын Дэлхийн аваргын бүсийн төлөө дахин тулалдах эрхээ өөрийн болголоо. Түүний дараагийн өрсөлдөгч өнгөрсөн 2 сард манай тамирчныг ялсан 2015 оноос хойш Дэлхийн аваргын бүсээ хамгаалан тулалдаж байгаа Америкийн Гэри Расселл байх болно. Тэр л залууг унагааж чадвал мэргэжлийн боксын хамгийн том бүсийг өөрийн болгох болно.