Jibwis Media Yandoto

ya Allah ka kawo mana dauki a jihar mu ta Zamfara da sauran jihohin musulmi baki daya!

DAGA CIKIN MIYAGUN HANYOYIN Dr. Ahmad Abubakar Mahmud Gumi WURIN RUSHE HADISAN ANNABI :
Daga cikin ababen da Dr. Gumi yake fa'da domin rushe hadisan Annabi , da gabatar da ra'ayi akansa ; akwai cewarsa :
" Hadisan Annabi sun zo ne bayan fiqhu ya tabbata , kuma fiqhun shine ya rubucesu , don haka shine asalinsu , saboda haka idan hadisi ya ci karo da fiqhun malami to za a yi jifa da hadisinne , saboda fiqhun shine ke gaba da shi , domin shine ya samar da Hadisin !
Ga sautinsa anan :
https://www.raed.net/file?id=707238
Abun lura daga maganganunsa :
1. Dr. Gumi ya na ganin asali Annabi ya hana rubuta Hadisi , amma sai Umar bin Abdil Aziz ya yi amfani da Fiqhu ( ra'ayi ) sai ya rushe wannan Hadisi na hani , don haka sai ya yi umarni da rubuce Hadisi . Don haka su Hadisai fiqhune ya samar da su , don haka fiqhunne hujja akansu .
Amsa :
Amsoshi akan wannan magana ta hanyoyi kamar haka :
1. Asali Annabi bai hana rubuta hadisi ba kai tsaye , abun da aka sani ma ya yi umarni da rubuce Hadisan , kuma ya sani cewa wasu daga cikin Sahabbai suna rubutawa kuma bai hanasu ba .
Hadisin da Dr. Gumi yake rarumowa akan wannan batu wasu hadisan masu yawa wa'danda s**a fishi 'karfi suke nuni akan halascin rubutawan sun ci karo da shi , kamar hadisin Abu Harairah cikin Sahihul Bukhari , wanda Abu Huraira yake cewa Abdullahi bin Amru ya na rubuta hadisi amma shi ba ya rubutawa , da Hadisin da Annabi ya yi umarni da a rubutawa wani mutum daga mutanen Yaman ( Abu Shah) Hadisansa , da Hadisin Aliyyu bin Abi Dalib da yake bayanin abunda ke cikin littafinsa na Hadisan Annabi da ya rubucesu , duka wa'dannan suna cikin Sahihul Bukhari , da ma wasu hadisan daban .
Malamai sun samu sa'bani wurin ha'dawa tsakanin Hadisin Abu Sa'id na Muslim wanda yake hani akan rubutawa da kuma wasu Hadisai masu yawa da suke halattawa , sun fa'di maganganu kamar haka :
1. Wasu sun ce : Hadisin Muslim (من كتب عني غير القرآن فاليمحه) ya na da illa ; mafi inganci Hadisine MAUQUF ; bai isa zuwa ga Annabi ba , maganar Abu Sai'd ce , don haka ba zai ci karo da maganar Annabi ba na halascin haka . Daga cikin masu wannan fahimta akwai Al Imamul Bukhari .
2. Wasu kuma su ka ce an hanane saboda tsoron caku'dewarsa da Al'qur'ani , don haka bayan yankewar Al'qur'ani rubutawan halalne , don haka an share hukuncin Hadisin Abu Sai'd na hani akan rubutawan .
3. Wasu kuma su ka ce hanin ya shafi wanda ya tara hadisai da Qur'ani ne acikin littafi 'daya , amma wanda ya warewa kowannensu littafinsa to shi rubutun halalne gareshi .
4. Wasu kuma su ka ce an hana wanda ya aminta da rashin mantuwane , amma wanda bai haddace ba , ko ya haddace amma ya na tsoron mantuwa to ya halatta ya rubuta .
Wa'dannan sune zantukan malamai wurin ha'dawa tsakanin Hadisin hani da Hadisan halascin rubutawan . Sannan ijma'i ya tabbata akan halascin rubuta hadisan . Don haka rubuta hadisai ya tabbatane da nassin Hadisan Annabi da Ijma'in musulmi da ya dogara akan nassoshin Shari'a, ba a rubuta hadisai ba da ra'ayin wani mutum _wai_ bayan Annabi ya yi hani akan haka ( kamar yanda Dr. Gumi yake fa'di ) .
Ibnus Salah ya ce bayan ya ambato sa'banin magabata a karon farko game da rubuta hadisai :
" ثم إنه زال ذلك الخلاف ، وأجمع المسلمون على تسويغ ذلك وإباحته ،ولولا تدوينه في الكتب لدرس في الأعصر الآخرة "
( معرفة علوم الحديث )
Suyu'dy ya wa'ke wa'dannan zantuka na malamai duka acikin Alfiyyarsa , inda yake cewa :
كتابة الحديث فيه اختلفا...... ثم الجواز بعد إجماعا وفا
مستند المنع حديث مسلم ...... [ لا تكتبوا عني ] فالخلف نمي
فبعضهم أعله بالوقف ......وآخرون عللوا بالخوف
من اختلاط بالقران فانتسخ.......لأمنه، وقيل ذا لمن نسخ
الكل في صحيفة ، وقيل بل ...... لأمن نسيانه ، لا ذي خلل
2. Rubutawan da Umar Bin Abdil Aziz ya yi umarnine na rubutu a 'kar'kashin kulawar Gwamnati , ba wai dama can malamai da 'dalibai ba sa yin rubutun bane , sai kuma daga baya Umar ya ce to yanzu ya bada dama a yi rubutun ( kamar yanda Dr. Gumi yake fa'di ) , a a , dama can mabu'kata suna rubuce hadisansu , saboda Annabi ya badu dama , sai kuma Umar ya yi umarni da a rubuce Hadisan a 'kar'kashin kulawar gwamnatinsa , kamar yanda Usman ya yi umarni a rubuce Qur'ani bisa kulawar gwamnatinsa , wanda dama can musulmi suna rubuce Qur'aninsu , saboda Annabi ya basu daman yin hakan .
Shaikh Muhammad bin Aliy Al'atyuby ya na cewa game da umarnin Umar bin Abdil Aziz na rubuce hadisai :
"والمراد بالتدوين المذكور هو التدوين الرسمي ، بحيث يكون مجموعا مرتبا، وإلا فقد كان يكتب في الرقاع والعظام من لدن رسول الله صلى الله عليه وسلم وهلم جرا "
( إسعاف ذوي الوطر، ١/٣٧)
Saboda haka , indai umarnin Umar bin Abdil Aziz na rubuce Hadisi a gwamnatance shine dalilin da zai sa a ce ra'ayi shike gaba da Hadisi , to kuwa a fa'di hakan akan Al'qur'ani ; a ce fiqhu shi ke gaban Qur'ani , saboda fiqihunne ya ce a rubuta Qur'ani a gwamnatance a zamanin kilafar Usman bin Affan !
3. Wannan magana ta Dr. Gumi cewa : fiqhu ( ra'ayi ) shine ke gaba da Hadisan Annabi ( wahayi ) wai saboda shine ya samar da su ; wannan maganar asalinta qa'ida ce wurin 'yan bidi'ar ilmul kalam ( Jahmiyyah , Mu'utazila Rafidha , Murji'ah dss) , sune suke cewa : hankali shike gaba da wahayi , wai saboda hankalin shine ya gano ingancin musulunci daga sauran addinai , don haka dole a gabatar da shi akan wahayin da musulunci ya zo da shi , idan ba a yi hakan ba to hakan zai bayu ga rusheshi , rusheshi kuma rusa asalin musuluncine , don haka ingancin musulunci ba zai tabbataba har sai an yarda da gabatuwan hankali akan wahayi !
To shima Dr. Gumi akan wannan mummunan muqaddima ya gina wannan 'batar ta shi , shi ya sa yake cewa matu'kar ba a yarda da gabatuwan fiqhu ( ra'ayi ) akan hadisai ba , to hakan zai bayu ga rushe Hadisan daga tushensu !
4. Abun da aka sani a wurin malamai shine : asali malamai suna himmantuwane da rubuce Alqur'ani da Hadisan Annabi ba tare da ha'dasu da wasu maganganu daban ba , daga baya ne aka fara samun wasu malamai s**a fara ha'dawa da fassaran wasu 'dai'daikun kalmomi na Qur'anin ko Hadisi , kamar Ma'amar Ibnul Musannah acikin Majaazul Qur'an , duk da cewa wasu malaman sun 'kyamaci hakan , kamar Imamu Ahmad ; su suna gani a bar maganar Allah da Annabi zallansu kamar yanda suke , kar a gwamasu da fahimtar wani tare da su , hakanan aka samu wa'danda s**a gwama Hadisan Annabi da fahimtar wasu Sahabbai da Tabi'ai , kamar Imamu Malik , anan ma wasu malaman s**a 'kyamaci wannan salo nashi , kamar Imamu Ahmad da wasunsa .
Don haka abun da yake asali wurin malamai shine : rubuce Alqur'ani da Hadisan Annabi tsuransu , daga baya ne a ka fara ha'da hadisan da fahimtar wasu Sahabbai da Tabi'ai saboda bu'katuwa zuwa ga hakan .
Don haka jahilcine mutum ya zo ya ce wai Hadisai sun samune bayan Fiqhu !
Sannan kuma shi wannan ra'ayi na mazahaba da Dr. Gumi yake ihu akansa har yake gabatar da shi akan Hadisan Annabi , shi fa wani abune sabo fil a musulunci , su magabata Sahabbai da Tabi'ai basu sanshi ba , suma jagororin mazhabar basu sanshi ba , su addini a wurinsu shine Al'qur'ani da Hadisi da abun da Sahabbai s**a rayu akansa , daga bayane da ilimi ya yi rauni aka bu'katu zuwa ga mazhabobi domin sau'ka'kawa ga gama_gari da mai koyon ilimi wurin fahimtar addini , amma babu wani mai hankali da yake 'daukan ra'ayoyin mazhabobin amatsayin hujja akan halittu , abun da yake hujja akan halittu kawai sune Qur'ani da Hadisi da Ijma'in Sahabbai.
Da tafiya ta 'kara nisa kuma sai a ka samu wasu kasalallu marasa tsoron Allah , sai s**a mayar da mazhabobin a matsayin Shari'ar Allah saukakkiya , s**a mayar da shuwagabannin mazhabobin tamkar allola masu shar'antawa , s**a lalata addini , s**a zare kwarjini na maganar Allah da Annabi daga zuciyar gama_garin musulmi .
To in ba hauka ba ta yaya za a ce abun da ya faru daga baya saboda raunin musulmi kuma ace shine ke gaba da asalin tushen musuluncin ?!
Abu Zaid Ubaidullah Addabbusy Alhanafy ya na cewa :
" وكان الناس في الصدر الأول أعني الصحابة والتابعين والصالحين رضوان الله عليهم أجمعين يبنون أمورهم على الحجة ، فكانوا يأخذون بالكتاب ، ثم بالسنة ، ثم من أقوال من بعد رسول الله صلى الله عليه وسلم ما يصح بالحجة ، فكان الرجل يأخذ بقول عمر رضي الله عنه في مسألة ، ثم يخالفه بقول علي في مسألة أخرى ، وقد ظهر من أصحاب أبي حنيفة رضي الله عنه أنهم وافقوه مرة وخالفوه أخرى على حسب ما يتضح لهم بالحجة .
ولم يكن المذهب في الشريعة عمريا ولا علويا، بل النسبة إلى رسول الله صلى الله عليه وسلم، فكانوا قرونا أثنى عليهم النبي صلى الله عليه وسلم بالخير ، فكانوا يرون الحجة لا علمائهم ولا نفوسهم ، فلما ذهبت التقوى من عامة القرن الرابع ، وكسلوا عن طلب الحجج ، جعلوا علمائهم حجة واتبعوهم ، فصار بعضهم حنفيا، وبعضهم مالكيا ، وبعضهم شافعيا، ينصرون الحجة بالرجال ، ويعتقدون الصحة بالميلاد على ذلك المذهب ، ثم كل قرن بعدهم اتبع عالمه كيف ما أصابه بلا تمييز ، حتى تبدلت السنن بالبدع، وضل الحق بين الهوى "
( تقويم الأدلة ، ٤١٥)
5. Matu'kar Dr. Gumi ya nace akan gabatar da ra'ayi akan Hadisi bisa umarni da Umar bin Abdil aziz na rubuce hadisan a gwamnatance , to za a yi masa ilzami da rubuta Alqur'ani a gwamnatance a zamanin Usman bin Affan ; sai a ce da shi : to shima Qur'ani ka gabatar da ra'ayi akansa , tunda shima ra'ayine ya samar da rubuceshi a gwamnatance .
A taqaice , maganar Dr. Gumi cewa wai fiqihune( ra'ayi ) ya samar da Hadisi ; wannan maganar ba gaskiya bace , Annabine ya ce a rubuta Hadisi , sannan kuma ijma'in musulmi ya tabbata akan haka . Sannan kuma gininsa akan haka da cewa : Fiqhun ( ra'ayi) shike gaba da Hadisi ; wannan kuma 'batace mabayyaniya , wacce aka assasata akan mugun son zuciya da jahilci .
Mallam Ateeq Sulaiman

AudioCutter_AudioCutter_AudioCutter_هدم الحديث(2) - تحميل AudioCutter_AudioCutter_AudioCutter_هدم الحديث(2) - تحميل

Allah ka taimaki Falasɗinawa