Onderwijszaken Arubahuis

Stichting Kompas voor Students en Cultuur Generatie is op zoek naar een student die Boy Ecury kan spelen. Lees de flyer voor meer informatie.

Stichting Kompas voor Students en Cultuur Generatie ta busca un studiante pa hunga e rol di Boy Ecury. Lesa e flyer pa mas informacion.

Studiantenan Caribense a haya un caluroso bon bin na Amsterdam

Den stadhuis di Amsterdam a tuma lugar pa di 13 biaha un encuentro pa e studiantenan di Curaçao, Aruba, Boneiro y St. Maarten cu e aña aki ta bai cuminsa cu un estudio na un Hogeschool of Universidad na Amsterdam. Municipio di Amsterdam ta organisa e encuentro aki pa yama e studiantenan di e parti Caribense di Reino Hulandes bon bini na Amsterdam.
Invitadonan special tabata e Ministernan Plenipotenciario di Curaçao y Aruba, cu ta respectivamente Carlson Manuel y mr. Ady Thijsen. Tambe presente tabata directora di Gabinete di Aruba Joselin Croes LL.M/M.Sc y mentor pa Amsterdam Nathaly Deville-Russell.

E programa a cuminsa cu un discurso di loco-burgemeester di Amstedam Dirk de Jager na unda ela yama tur e studiantenan Caribense den nomber di Gobierno municipal bon bini na Amsterdam. Sr De Jager a papia riba e oportunidad inmenso cu Amsterdam ta brinda y como studiante bo mester ta para duro den bo sapato den esaki. Tambe e loco-burgemeester a bisa e studiantenan pa ta curioso den nan estudio y pafor di esaki. ‘Boso a tuma un paso grandi caba door di crusa oceano y bin studia na Hulanda; leu for di cas, famia y amigonan. Pesey mi ta kere cu boso tin perseverancia. Bisa Si riba oportunidadnan nobo y aventura. Sea habri pa drenta un “studentenvereniging” y busca contacto cu hendenan rond di bo. Bo no ta bo so! Spera cu Amsterdam por brinda boso hopi, pero tambo cu boso por laga un “footprint” atras na Amsterdam. Un ciudad cu pa siglo a atrae hendenan di tur parti di mundo cu awe a enrikece Amsterdam y a hacie un ciudad hopi diverso,’ tabata palabranan di loco-burgemeester di Amsterdam Dirk de Jager.

Minister Plenipotenciario di Aruba Ady Thijsen tambe a haya e oportunidad pa dirigi algun palabra na e studiantenan. Sr. Thijsen a gradici municipio di Amsterdam pa organisa e encuentro aki. E mandatario a splica e importancia pa Gabinete di Aruba cu e guia di nos studiantenan ta optimal. Minister Thijsen a desea e studiantenan hopi exito den nan estudio y a haci un apelacion riba e studiantenan pa despues di nan estudio pa regresa Aruba. ‘Door di “vergrijzing” Aruba lo mester di hopi trahador. Tanto e sector publico como e sector priva lo mester brinda nos studiantenan un bon salario y beneficionan atractivo pa asina stimula nan pa bai bek Aruba,’ asina Minister Thijsen a bisa.

Director di Gabinete di Aruba Joseline Croes a papia riba e “Handboek voor Arubaanse studenten” cu Gabinete di Aruba a traha cual tur studiante cu a bin Hulanda a haye via un QR-code riba nan telefoon. Segun señora Croes a buki aki tin hopi informacion pa e studiante, tanto riba estudio como otro temanan manera Statuut, Reino Hulandes y Gabinete di Aruba.

Un parti di e programa tabata e momento cu studiante Savino Every a tene un charla riba su experencia como studiante. Den esaki e tabata tin algun conseho pa e grupo di studiantenan nobo. Asina ela bisa cu durante bo estudio bo mester tene cuenta cu bo curpa y bo salud personal. Tambe cu bo mester busca contacto of relacion significante cu por duna bo e sentimiento cu bo ta existi. Otro aspecto cu Savino a papia riba dje ta salud mental y cu bo mester conoce e señalnan liher y busca ayudo.

E aspecto importante di e programa ta e momento cu presentador di e dia ey Tanja Fraai entrevista diferente studiante tocante nan estudio, e rason pa a scohe pa bin studia na Amsterdam y otro topiconan interesante.
Na final e studiantenan a participa na un quiz pa mira con bon nan conocimento di Amsterdam ta, sigi pa un introduccion di diferente instancianan, manera Hogescholen, Gemeente Amsterdam y organisacionnan di studiante cu ta di importancia pa e studiantenan.

Het Departamento di Impuesto is één van de grootste overheidsdiensten in Aruba, verantwoordelijk voor het primaire belastingproces. De dienst heeft als kerntaken het heffen, innen en controleren van belastingen. De Belastingdienst Aruba is op zoek naar kandidaten voor diverse functies. Ben je geïnteresseerd, dan lees de flyers voor meer informatie op de individuele functies.

Departamento di Impuesto ta un di e departamento mas grandi di Gobierno di Aruba, responsabel pa e proceso primario di impuesto. E departamento tin como tarea principa pa impone, cobra y controla impuesto. Departamento di Impuesto di Aruba ta busca candidato pa diferente funcion. Bo ta interesa, lesa e flyernan cu mas informacion riba cada funcion apart.

DPIS a bish*ta Gabinete di Aruba

Recientemente un delegacion di Fundacion Desaroyo y Progreso di Idioma pa nos Studiante (DPIS) a haci un bish*ta di cortesia na Gabinete di Aruba. E delegacion a consisti di Isidro Berg,Yirani Berg, Raiza Ras y Luvy Cicilia. E dia ey dos miembro di e team no por tabata presente cu ta Chinua Mardenbourough y Gelvine Flanders.

Meta di e bish*ta tabata presenta e plannan pa Fundacion Desaroyo y Progreso di Idioma pa nos Studiante (DPIS). E idea pa yuda studiantenan a surgi algun luna pasa ora cu Yirani Berg tabata tin un combersacion cu Minister Plenipotenciario mr. Ady Thijsen pasobra un di e mihor studiantenan di e scol di aviacion, Gelvine Flanders, kende ta bin di Aruba, kier a keda den spotlight pasobra e tabata entre e top 4 heroenan di abilidat nacional cu ta pertenese na Hulanda. Yirani Berg ta docente den opleiding di Spaño y ela mira cu nos studiantenan Arubiano tin potencial y a presenta e dia ey con e studiantenan por wordo yuda durante nan estudio den enseñansa profesional secundario, enseñansa profesional superior y enseñansa universitario. Despues, Yirani Berg y e otro miembronan di e team a cuminsa brainstorm con pa por yuda e studiantenan mihor. E dia ey DPIS a presenta nan plannan y kico ta nan obhetivonan. Durante e combersacion a sali na cla cu Minister Plenipotenciario Ady Thijsen y directora di Gabinete di Aruba Joselin Croes LL.M tabata hopi interesa den un di e metanan, esta pa yuda studiantenan cu e idioma Hulandes, pa medio di entre otro poder di idioma. Ta bisto cu e sosten actual pa studiantenan Arubiano na Hulanda no ta adecua. Sosten existente hopi biaha no ta suficiente pa yuda studiantenan alcansa di berdad nan pleno potencial. Ta pesey a lanta un fundacion pa atende e deficiencianan aki y a introduci manera nobo, mihor di guia. E enfoke ta riba mehora nan dominio di e idioma Hulandes, pasobra esaki ta esencial pa nan exito. Segun DPIS esaki ta necesario pasobra por mira cu hopi studiante tin dificultad cu e idioma Hulandes, cu ta stroba nan estudio y bienestar. E sistema di sosten actual no ta suficiente efectivo, loke ta nifica cu hopi studiante no ta haña e yudansa cu nan mester. ‘Nos kier cambia esaki door di crea un sistema di sosten amplio y sostenibel cu lo yuda nan durante henter nan periodo di estudio na Hulanda. Nos team ta inclui tres persona den enseñansa y e otro tresnan a duna entrenamento na personal nobo cerca nan dunadonan di trabou y tin experencia den dunamento di entrenamento,’ asina Yirani Berg a bisa.

Na final di e presentacion y combersacion, a palabra cu Minister Plenipotenciario Ady Thijsen y directora di Gabinete di Aruba Joselin Croes cu DPIS lo manda nan plan di proyecto cu e speransa cu por drenta den un partnership entre Fundacion Desaroyo y Progreso di Idioma pa nos Studiante y Gabinete di Aruba pa por yuda studiantenan di Aruba na un manera profesional. Pa medio di un partnership lo por tin un mihor alcance den yuda studiantenan Arubiano y yuda nan durante nan estudio pa sigui desaroya nan idioma Hulandes na un nivel academico pa asina nan por desaroya nan talentonan completamente durante nan estudio.

Het Gemeenschappelijk Hof van Justitie zoekt voor de vestiging Curaçao en Aruba enthousiaste kandidaten voor de functie van Rechterlijke Ambtenaren In Opleiding. Zou je als jurist opgeleid willen tot Rechter, Officier van Justitie of Belastingrechter? Dit is je kans. Lees de advertentie voor meer informatie.

Corte Comun di Husticia ta busca pa nan establecimento na Curaçao y Aruba candidatonan entusiasma pa e funcion di "Rechterlijke Ambtenaren In Opleiding". Bo ta interesa como hurista pa bira hues, fiscal of Belastingrechter? Esaki ta bo chens. Lesa e advertencia pa mas informacion.

Kom bij Respaldo en ontdekt spannende carrièremogelijkheden binnen onze organisatie, op dit moment zoeken we:

• Hoofd Facilitaire Zaken

Voor uitgebreide informatie en sollicitatieprocedures, verwijzen wij u graag naar onze website: www.respaldo.aw en klik op vacatures.

Uw sollicitatie plus CV kunt u tot uiterlijk 21 augustus 2024 opsturen

Gabinete di Aruba ta entrega “Handboek voor Arubaanse studenten in Nederland” na tur studiante cu a caba di yega Hulanda.

Na cuminsamento di aña Gabinete di Aruba a tene un encuesta bou di tur studiante di Aruba na Hulanda. For di e encuesta a sali na cla cu nos studiantenan ta sinti cu nan falta hopi informacion for di prome cu nan bin Hulanda caba, pero tambe riba con pa studia, biba y traha na Hulanda.
Nan a indica di tin falta di informacion tocante di seguro, prestamo di DUO, OV-kaart, fiansa di studio, inscripcion na Gemeente, tips di con pa gasta menos na Hulanda, tips con pa haya ayudo di nan scol y nan decanonan, con pa busca cas etc. Banda di esaki nan tabata kier sa over di e relacion di Aruba den Reino y tocante di Statuut di Reino Hulandes encaso cu otro studiante puntra nan. Otro pregunta ta kico Gabinete y e mentornan ta hasi y con nan por contact e studiante.

A base di e resultado di e encuesta y loke e studiantenan a indica cu nan lo kier haya na informacion, Gabinete a cuminsa compila un “handbook” cu tur informacion relevante pa tur studiante cu ta bin of kier bin studia na Hulanda. E la tuma cuater luna pa finalisa danki na e gran colaboracion entre Gilner Dirksen di bureau di Minister di Educashon y Deporte y Indirah Burke di Gabinete di Aruba. E “handbook” ta consisti di 5 capitulo. E prome ta splica tocante di Gabinete, relacion den Reino y Statuut di Reino Hulandes, di dos ta elabora riba biba, studia y traha na Aruba, di tres capitulo ta encera biba, studia y traha na Hulanda, seguro na Hulanda y un seccion Q&A. Dia 5 y 6 di Augustus e “handbook” aki a wordo parti por medio di un QR code na tur studiante cu a yega Hulanda. Directora di Gabinete di Aruba Joselin Croes LL.M ta invita tur mayor, tur decanonan, studiante of tur persona cu ta guia studiantenan pa tuma nota di e contenido di e handbook aki pa ta na altura di tur e cambionan cu Hulanda a introduci pa nos studiantenan. Boso por click riba e QR code cual boso por haya riba e website di Gabinete riba www.kabinetaruba.nl.
Cu esaki Gabinete di Aruba ta cumpli cu su tarea di informa tur studiante debidamente relaciona cu tur loke nan por spera ora nan bin studia na Hulanda.

Gabinete di Aruba a ricibi di dos grupo di studiantenan cu a yega Hulanda

Un total di 60 studiante a yega awe 6 di Augustus cu vuelo 765 di KLM. Nan ta forma e di dos grupo di studiante Arubano cu a bin Hulanda e aña aki pa sigi un estudio avansa na nivel di HBO of Universidad na Hulanda. E grupo di studiante aki lo bai studia na e ciudadnan di Breda, Eindhoven, Delft, Den Haag, Leiden, Groningen y Leeuwarden.

Na Schiphol e studiantenan mescos cu tabata e caso di ayera a wordo saluda pa Minister Plenipotenciario mr. Ady Thijsen y director di Gabinete di Aruba Joselin Croes LL.M. Un biaha mas tabata tin un delegacion consistiendo di functionarionan di Departamento di Enseñansa, Bienestar General y Cultura di Gabinete di Aruba, studiementor y miembronan di e POC (Plaatselijke Opvangcommissie) presente den sala di yegada di Schiphol.

Despues cu e grupo di studiante a sali cu nan maleta, na un forma bon coordina y organisa a haya instruccion di personal di Gabinete di Aruba, mentor y miembronan di e POC con pa cana y unda nan mester a para den grupo pa warda nan turno pa bai na e bus cu lo hiba nan na nan ciudad.
Mescos cu ayera Robby Schouten di e programa Leu foi Cas tabata tey atrobe pa haci entrevistanan entre otro cu e studiantenan.

Mayan e grupo di studiantenan aki lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia nesesario den nan ciudad unda pa sigur cuater aña of mas nan lo biba y studia.
E prome aña e studiante ta ricibi guia di e studiementor, pero pa e resto di su estudio e ta cai bou di Gabinete di Aruba.

Kabinet di Aruba ta duna bon bini na tur studiantenan cu ta yegando pa sigui cu nan estudio na Hulanda. Pa facilita e transicion nos a prepara un handboek cu tur informacion importante pa studia y biba na Hulanda pa nos studiantenan.

Scan e QR code pa habri e handboek, cu ta disponibel tambe riba nos website: www.kabinetaruba.nl

Kabinet di Aruba ta desea exito na tur nos studiantenan!

Prome grupo di studiantenan a yega bon Hulanda

Cu vuelo 767 di KLM a yega awe 5 di Augustus e prome grupo di studiante Arubano pa sigi un estudio avansa na nivel di HBO of Universidad na Hulanda. Un total di 58 studiante a yega y lo bai studia na e ciudadnan di Amsterdam, Dronten, Utrecht, Driebergen, Arnhem, Nijmegen, Wageningen, Den Bosch, Tilburg, Maastricht/Sittard, Deventer, Enschede, Zwolle y Rotterdam. Mayan diamars 6 di augustus e di dos grupo lo bin Hulanda.

Na Schiphol e studiantenan mescos cu tur aña a wordo saluda pa Minister Plenipotenciario mr. Ady Thijsen y director di Gabinete di Aruba Joselin Croes LL.M. Un biaha mas tabata tin un delegacion consistiendo di functionarionan di Departamento di Enseñansa, Bienestar General y Cultura di Gabinete di Aruba, studiementor y miembronan di e POC (Plaatselijke Opvangcommissie) presente den sala di yegada di Schiphol.

Despues cu e grupo di studiante a sali cu nan maleta, na un forma bon coordina y organisa a haya instruccion di personal di Gabinete di Aruba, mentor y miembronan di e POC con pa cana y unda nan mester a para den grupo pa warda nan turno pa bai na e bus cu lo hiba nan na nan ciudad.
Na Schiphol Robby Schouten di e programa Leu foi Cas tabata tey pa haci entrevistanan entre otro cu e studiantenan.

Mayan e grupo di studiantenan aki lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia nesesario den nan ciudad unda pa sigur cuater aña of mas nan lo biba y studia.
E prome aña e studiante ta ricibi guia di e studiementor, pero pa e resto di su estudio e ta cai bou di Gabinete di Aruba.

Conclusion di encuesta bou di studiante presenta na Minister Thijsen

Den Haag – Minister Plenipotenciario mr. Ady Thijsen a ricibi for di e studiante Destiny Arends e raport di e encuesta estudiantil 2024 organisa pa Gabinete di Aruba. A tene un encuesta bou di 175 studiante Arubiano na Hulanda pa asina haya un indicacion di e retonan cu e studiante Arubiano ta encontra na Hulanda.

E analisis di e encuesta a revela diferente retonan clave y a brinda un bista cla pa loke ta e experencia di e studiante Arubiano na Hulanda. E transicion di Aruba pa Hulanda pa sigi un educacion avansa ta presenta un cantidad di retonan academico, social, financiero y cultural. Algun otro reto ta falta di informacion ora kier traha na Hulanda y e belasting cu mester wordo paga. Algun otro reto ta e problemanan mental cu ta surgi a base di soledad, shock cultural, discriminashon y no bai bon na scol. Pa loke ta e problema di haya cas pa biba hopi studiante tabatin dificultad pa haya un camber y mayoria a indica cu nan ta paga entre 400 pa 800 euro pa un camber. Analysa tur e retonan aki ta crucial pa desaroya strategianan pa un mihor sosten na studiantenan.

Na prome lugar e encuesta a indica cu un cantidad significante di studiante no ta sinti cu nan tabata prepara riba e nivel academico pa e cumpli cu e demandanan di un estudio na Hulanda. No ta domina e idioma di Hulandes suficiente ta forma un barera hopi grandi. Adicional na esaki, e cambio di e manera di haya les na Aruba na esun di Hulanda cu ta mas basa riba “self-study” ta trece dificultad pa hopi studiante. Pa adresa esaki, lo mester bin cu mas training di idioma y suministra nan cu mas informacion riba expectativanan academico pa facilita e preparacion di e studiante.

Na di dos lugar, un cantidad substantial di studiante ta indica cu nan ta haya falta di mas informacion prome cu nan bin Hulanda. E encuesta ta mustra cu e punto primario di informacion ta e decanonan na scol, mentoren na Hulanda, Departamento di Enseñansa y amigo y famia. Eleva e calidad y accesibilidad di informacion, manera organisa webinars y session di infomacion, lo brinda beneficionan grandi na e studiante. Mayoria studiante a indica di ta hopi contento cu e guia cu nan ta haya di e mentoren y a indica cu ta esencial pa mantene e sosten continuo y guia di e mentor pa un periodo mas largo cu un aña.

Punto tres den e conclusionnan ta indica cu e reto significante ta pa haya acomodacion apropia, na unda studiantenan ta enfrenta listanan di espera hopi largo, prijs di huur caro y hopi casonan di estafo cu scammers. E hecho cu no por mira e acomodacion y hopi competencia pa acomodacionnan pagabel, ta haci e situacion aun mas dificil. Recomendacionnan por ta cu lo mester bin cu mas sosten den buskeda di acomodacion, zorg pa e studiante inscribi su mes hopi tempran riba websitenan pa acomodacion y adresa e problema di acomodacion pagabel.

Di cauter punto ta mustra cu hopi studiante ta traha mientras cu nan ta studia pa asina por maneha e costo di bida halto. E encuesta ta revela cu studiante ta traha den diferente sector, sinembargo e maneho di nan cartera ta keda un reto. Mehora e guia financiero y duna servicio di sosten por yuda studiante pa maneha nan situacion financiero mihor.

Por ultimo e encuesta ta mustra cu un proporcion significante di studiante tin aversion pa regresa Aruba asina cu nan termina nan estudio. Un di e razonnan clave ta e deseo di paga bek nan debe den euro y salarionan mas halto na Hulanda compara cu Aruba. Tambe nan ta bisa di ta desea di haya mas experencia di trabao na Hulanda. Posibilidad na adresa e preocupacionnan aki por sinta den ofrece incentiva manera descuento riba e fiansa di estudio, opcion di cas na Aruba y oportunidad di trabao riba e nivel cu nan a studia pe. Esakinan ta puntonan cu por encurasha studiantenan pa bai bek Aruba.

Minister Thijsen a bisa di ta contento cu e encuesta aki cu ta di y pa studiante Arubiano. Alabes cu hopi punto a bin dilanti pa asina Gabinete di Aruba hunto cu Ministerio di Enseñansa di Aruba por traha maneho pa cu guia y bienestar di nos studiantenan. Finalmente e mandatario tabata tin palabra di elogio pa Destiny Arends pa a traha e encuesta y haci e analisis. Tambe un felicitacion pa Tusy Henricus pa e diseño di e raport.

Het Kabinet van de Gevolmachtigde Minister van Aruba is op zoek naar een stagiaire. Lees de advertentie voor meer informatie.

Binnen Respaldo is er een plaatsingsmogelijkheid in het team voor de functies van:
- Hoofd HR & Development en Systeemtherapeut Kind & Jeugd
Voor uitgebreide informatie en sollicitatieprocedures, verwijzen wij u graag naar onze website: www.respaldo.aw en klik op vacatures.
Uw sollicitatie plus CV kunt u tot uiterlijk 15 augustus 2024 opsturen

Kom bij Respaldo en ontdekt spannende carrièremogelijkheden binnen onze organisatie, op dit moment zoeken we:

- Polikliniek verpleegkundige
- Maatschappelijk werker

Voor uitgebreide informatie en sollicitatieprocedures, verwijzen wij u graag naar onze website: www.respaldo.aw en klik op vacatures.

Uw sollicitatie plus CV kunt u tot uiterlijk 26 juli 2024 opsturen

Het Kabinet van de Gevolmachtigde Minister van Aruba in Den Haag, verzorgt onder andere de begeleiding en ondersteuning van de 1e jaar Arubaanse studenten in Nederland. Dit wordt gedaan in nauwe samenwerking met de door de Minister van Onderwijs van Aruba, aangestelde mentoren. Voor de studiesteden Arnhem, Nijmegen en Wageningen is de regering van Aruba op zoek naar een studiementor. Ben je geïnteresseerd? Lees de advertentie voor meer informatie.

Gabinete de Minister Plenipotenciario di Aruba na Hulanda entre otro ta zorg pa guia y sosten na studiantenan Arubiano den nan prome aña di estudio. Esaki ta sosode den cooperacion intenso cu ministerio di Enseñansa di Aruba, pa medio di mentornan apunta. Pa e ciudadnan Arnhem, Nijmegen y Wageningen Gobierno di Aruba ta busca un studiementor. Bo ta interesa? Anto lesa a advertencia pa mas informacion.

WEB Aruba NV is op zoek naar een Technical Support Engineer (TSE) voor het uitvoeren van verschillende onderzoeken en analyses. Ben je klaar om het team van WEB Aruba NV te versterken met je kennis en deskundigheid? Lees de advertentie voor meer informatie.

WEB Aruba NV ta busca un Technical Support Engineer (TSE) pa conduci diferente investigacionnan y analisisnan. Bo ta cla pa reforza e team di WEB Aruba NV cu bo conocemento y habilidad professional? Lesa e advertencia pa mas informacion.

De Aruba Fair Trade Authority (AFTA) is de onafhankelijke mededingingsautoriteit van Aruba en is op zoek naar kandidaten voor de functie (Senior) Onderzoeker. Ben je op zoek naar een nieuwe uitdaging? Voor meer informatie over deze functie, lees de advertentie en de functieomschrijving.

Aruba Fair Trade Authority (AFTA) ta e autoridad riba competencia di Aruba y nan ta busca kandidatonan pa e funcion di (Senior) Investigador. Bo ta cla pa un reto nobo den bo carera? Pa mas informacion riba e funcion aki, lesa den e advertencia y e informacion adicional riba e funcion aki.

MINISTER THIJSEN TA FELICITA TUR STUDIANTE CU A SLAAG

Minister Plenipotenciario di Aruba na Hulanda mr. Ady Thijsen ta felicita tur e studiantenan na Aruba cu a slaag pa nan examen. ‘Esaki ta e prome paso den boso carera, na momento cu despues di boso EPI, HAVO of VWO dicidi pa sigi cu un estudio avansa. Pa esnan cu aki un paar di luna lo bin Hulanda, Gabinete di Aruba ta prepara pa ricibo boso y duna boso e guia nesesario den boso estudio. Especialmente den e prome aña. Mi ta hopi contento cu Augustus proximo mi por ricibi boso na boso yegada na Hulanda na Schiphol. Un biaha mas masha pabien pa cada un di boso cu e logro aki,’ tabata e deseo di Minister Thijsen na tur esnan cu a slaag na Aruba.

Nos Baranca, Bocas en het Kabinet van Aruba organiseren een Hersengymnastiek & Dera G*i Middag. Dit vindt plaats op zondag 23 juni bij Reitse Plint, Prof. Verbernelaan 37a in Tilburg. Het entree is gratis en voor meer informatie kunt u terecht bij Rasnaly Carti 06 255 600 41.

Nos Baranca, Bocas y Gabinete di Aruba ta organisa un merdia cu Hersengymnastiek y Dera G*i. Esaki lo tuma lugar ariba diadomingo 23 di Juni na Reitse Plint, Prof. Verbernelaan 37a na Tilburg. Entrada ta gratis y pa mas informacion por tuma contacto cu señora Rasnaly Carti 06 255 600 41.

WEB Aruba NV is op zoek naar een Sectormanager FEZ. Heb je interesse om als Sectormanager Finance verantwoordelijk te zijn voor het ontwikkelen, implementeren, uitvoeren en evalueren van het financiële beleid bij WEB Aruba NV. Lees de advertentie voor meer informatie over deze topfunctie bij WEB Aruba NV.

WEB Aruba NV ta busca un Sectormanager FEZ. Bo ta interesa pa como Sectormanager FEZ ta responsabel pa e desaroyo, implementacion, ehecucion y evaluacion di e maneho financiero di WEB Aruba NV. Lesa e advertencia pa mas informacion riba e funcion halto aki na WEB Aruba NV.