Nuestra Señora del Santissimo Rosario de Dalid Chapel

Sa maabot nga November 1, 2023 (Miyerkules), sa kaangtanan sang aton pagselebrar sang adlaw sang mga santos or All Saints Day, ang aton parokya nagplano sang paghiwat sa Walk or Parade of Saints, nga sa diin gina imitate naton ang pagkatawo kag pagsuksok sang kaangay nga panapton sang aton mga Santos.

Pwede gid makaintra ang tanan, bata, pamatan-on kag mga tigulang. Ang maga partisipar magatipon diri sa aton simbahan sa takna nga alas 3:00 sa hapon kag maga parada pakadto sa sementeryo agud maka tambong sa alas 4:00 nga misa para sa mga patay. Sa mga gusto magpakigbahin palihog lang magpakig-angot kag magpalista diri sa aton parish office sang inyo nga i-imitate nga santos or magkontak lang sa aton Parish FB Page.

🧡🧡🧡

AVISO PUBLICO
OCTOBER 7, 2023 MONTHLY ANTICIPATED MASS

Gina-imbitar ang mga tumuluo sang Mahal nga Birhen sang Nuestra Senora del Santissimo Rosario de Dalid Chapel sa pagtambong sang 'Anticipated Mass' sa takna nga ALAS CUATRO (4:00 p.m.) SA HAPON nga pagahiwaton sa aton kapilya.

Ini pagadul-ong nga LIVE sang Social Communications Ministry sang Parokya ni Sto. Tomas de Villanueva, Alimodian agud nga ang mga tumuluo nga sa iban nga bahin sang kalibutan nga indi makatambong sang pisikal makapartisipar man sa sining balaan nga sakripisyo sang Santos nga Misa.

KIRIT-ANAY KITA SA SABADO!

AVISO PUBLICO
OCTOBER 7, 2023 MONTHLY ANTICIPATED MASS

Gina-imbitar ang mga tumuluo sang Mahal nga Birhen sang Nuestra Senora del Santissimo Rosario de Dalid Chapel sa pagtambong sang 'Anticipated Mass' sa takna nga ALAS CUATRO (4:00 p.m.) SA HAPON nga pagahiwaton sa aton kapilya.

Ini pagadul-ong nga LIVE sang Social Communications Ministry sang Parokya ni Sto. Tomas de Villanueva, Alimodian agud nga ang mga tumuluo nga sa iban nga bahin sang kalibutan nga indi makatambong sang pisikal makapartisipar man sa sining balaan nga sakripisyo sang Santos nga Misa.

KIRIT-ANAY KITA SA SABADO!

AVISO PUBLICO

SEPTEMBER 2, 2023 MONTHLY ANTICIPATED MASS

Gina-imbitar ang mga tumuluo sang Mahal nga Birhen sang Nuestra Señora del Santissimo Rosario de Dalid Chapel sa pagtambong sang 'Anticipated Mass' sa takna nga ALAS CUATRO (4:00 p.m.) SA HAPON nga pagahiwaton sa aton kapilya.

Ini igadul-ong nga LIVE sang Social Communications Ministry sang Parokya ni Sto. Tomas de Villanueva, Alimodian agud nga ang mga tumuluo nga sa iban nga bahin sang kalibutan nga indi makatambong sang pisikal makapartisipar man sa sining balaan nga sakripisyo sang Santos nga Misa.

KIRIT-ANAY KITA SA RUM-AN!

Dios mabalos!

SALAMAT SA INYO TALENTO, TIEMPO, KAG TESORO

Ang komunidad Kang magagmay nga Kristiyanong Katilingban sa Brgy. Dalid, Alimodian, Iloilo nagapasalamat sa mga masunod nga mga tawo nga gintandog sang Mahal nga Diyos nga magpaambit sang ila talento, tiempo, kag tesoro sa pagpatigayon sang pagpa-pinta sang mga imahe nanday San Juan Pablo Segundo kag Señor San Jose.

Ang mga masunod amo sanday:

MR. PIO PINEDA JR. & FAMILY
RR WIRELESS INTERNET SERVICES
MS. CHRISTY JILL MARIE ROQUERO
HON. IAN KENNETH ALFECHE
MR. JOSE MARLO ALMORADE & FAMILY
MRS. CONELE ANDOLOY AND FAMILY
MS. MERA JUNE AQUIDADO
HON. MARILYN AQUIDADO
ALINSAO FAMILY

Nagapaabot man kami sang dako nga pagpasalamat kay MR. ARON JAMES COLACION nga amo ang pintor sang sini nga proyekto kag amo man kay MR. ALVIN PALMES sa pag-install sang aton mga lightings.

Bukas gid kami sa inyo mga donasyon para sa pagpanami pagid sang aton kapilya agud nga ining lugar mangin sentro sang pagdayaw kag paghimaya sa Diyos kag pagdebosyon sa Mahal nga Birhen Maria diri sa aton komunidad kag kaiping sini nga mga kabarangayan.

NUESTRA SEÑORA DEL SANTISSIMO ROSARIO DE DALID, IG-AMPO MO KAMI

SEÑOR SAN JOSE, IG-AMPO MO KAMI

SAN JUAN PABLO SEGUNDO, IG-AMPO MO KAMI

ANNOUNCEMENT

Kiritaay kita sa rum-an sa Misa Antesipada (AUGUST 5, 2023) nga pagahiwaton sa atun capilla sa takna nga alas-cuatro (4:00 p.m.) sa hapon. Dapita ang inyo mga kabataan kag himata sa pagsimba kag pagdayaw sa Diyos sa Sakripisyo kang Santos nga Misa nga igahalad ni Reb. Pad. Kristoffer Lorenz Basbaño.

Sa amo man nga okasyon, atun iga-dedikar kag ipadensyon ang mga larawan sang mga hangkilan nga santo kang simbahan, sanday San Juan Pablo II kag Senyor San Jose.

Ang nasambit nga okasyon igadul-ong nga LIVE sang Parish of St. Thomas of Villanova Alimodian Social Communications Ministry.

KIRIT-ANAY KITA MGA KABARANGAY KAG KASIMANWA!

Padayon kita nga nagapanuktok sa mga may bulawanon nga tagipusuon nga magatao kang gamay nga kantidad sa pagbulig nga matigayon kajang aton nga proyekto. Salamat gid ti raku sa mga nagkontrebwer na ngadaan.

"TI KUN AMO, IHATAG SA EMPERDOR ANG IYA SANG EMPERADOR, KAG IHATAG SA DIYOS ANG IYA SANG DIYOS"

Ang simbahan isa ka lugar nga kung sa diin aton ma-eksperyensyahan ang presensya sang Mahal nga Ginoo paagi sa mga sakramento kag liturhiya. Gani, nagakabagay lang nga ang balay sang Diyos pagapun-on sang mga langitnon nga butang agod makabulig padabdab sang aton pagtuo paagi sa mga nagakabagay nga ‘religious articles’ kag ‘ornaments.'

Sa kaangtanan sini, kami gid nagahingyo sang inyo bulig pinansyal sa pagpahimo sang ‘paintings’ nanday St. John Paul II kang St. Joseph sa magtimbang nga nga bahin sang aton blanko nga retablo.

Dako nga kantidad ang aton kinahanglan sa pagtuman sini nga proyekto apang sa inyo padayon nga pagbulig, ang tanan mangin mamag-an kag masulhay.

Kami nagapasalamat na nga daan sa inyo pagsabat sa sining panawagan sang pagbulig kag pag-ulikid.

Nstra. Sra. De Fatima, ig-ampo mo kami!

Sa mga maluyag mag-donate, magpakig-angot lang sa aton FB Page sa dugang nga mga detalye.

"TI KUN AMO, IHATAG SA EMPERDOR ANG IYA SANG EMPERADOR, KAG IHATAG SA DIYOS ANG IYA SANG DIYOS"

Ang simbahan isa ka lugar nga kung sa diin aton ma-eksperyensyahan ang presensya sang Mahal nga Ginoo paagi sa mga sakramento kag liturhiya. Gani, nagakabagay lang nga ang balay sang Diyos pagapun-on sang mga langitnon nga butang agod makabulig padabdab sang aton pagtuo paagi sa mga nagakabagay nga ‘religious articles’ kag ‘ornaments.'

Sa kaangtanan sini, kami gid nagahingyo sang inyo bulig pinansyal sa pagpahimo sang ‘paintings’ nanday St. John Paul II kang St. Joseph sa magtimbang nga nga bahin sang aton blanko nga retablo.

Dako nga kantidad ang aton kinahanglan sa pagtuman sini nga proyekto apang sa inyo padayon nga pagbulig, ang tanan mangin mamag-an kag masulhay.

Kami nagapasalamat na nga daan sa inyo pagsabat sa sining panawagan sang pagbulig kag pag-ulikid.

Nstra. Sra. De Fatima, ig-ampo mo kami!

Sa mga maluyag mag-donate, magpakig-angot lang sa aton FB Page sa dugang nga mga detalye.

SALAMAT SA DIYOS!

Kaupod ang mga estudyante, manunudlo, kag mga ginikanan sang Dalid Elementary School kag Dalid National High School, ginhalad ni Reb. Padr. Kristoffer Lorenz Basbaño ang sakripisyo sang Santos nga Misa nga amo ang pinakamataas nga pangamuyo bilang pagpasalamat sa Mahal nga Diyos sa bugay sang kaalam, dedikasyon, katampad, kag mga grasya nga nabaton sang duha ka buluthuan sa nagligad nga isa ka tuig akademiko.

Paghigugma kag pagpasalamat man ang nabatyagan sang tanan sa ginhiwat nga hilikuton, bangod bitbit ang ila tagsa-tagsa ka eksperiyensya kag mga natun-an, sila na magatapak sa lain nga edipisyo sang ila kabuhi nga may dala nga bendisyon nga ila man gin-ampo sa ginhiwat nga Santos nga Misa.

Sa pihak nga bahin, luyag man ipalab-ot sang tagdumalahan sang Dalid Elementary School kag Dalid National High School nga sanday Mrs Ma. Fe Aurora Limpao kag Mrs Julymee Tesoro ang ila pagpasalamat sa tanan nga nagbulig patigayon sa ginhiwat nga solemne nga okasyon ilabi na gid sa mga Altar Servers, Extraordinary Eucharistic Ministers, Choir, kag Social Communications Team sang parokya ni Sto. Tomas de Villanueva.

Matuod gid nga sa piyak sang malawig nga tion sang pag-eskwela, ang tanan malampuwasan paagi sa pagsalig sa grasya sang Diyos, kag sa katapusan, ang tanan makasambit gid sang mga tinaga nga “SALAMAT SA DIOS!” bilang ekspresyon sang kasulhayan sa sining aspeto sang ila nga kabuhi nga bag-o lang nila nalampuwasan.

Written By Earl Jhon Aquidado
SocCom Member

Photos Taken By Franque Gilo
SocCom Member

AVISO PUBLICO

Gina-imbitar ang mga tumuluo sang Mahal nga Birhen sang Nuestra Señora del Santissimo Rosario de Dalid Chapel sa pagtambong sang 'Anticipated Mass' sa takna nga ALAS QUATRO (4:00 p.m.) SA HAPON nga pagahiwaton sa aton kapilya.

Ini pagadul-ong nga LIVE sang Social Communications Ministry sang Parokya ni Sto. Tomas de Villanueva, Alimodian agud nga ang mga tumuluo nga sa iban nga bahin sang kalibutan nga indi makatambong sang pisikal makapartisipar man sa sining balaan nga sakripisyo sang Santos nga Misa.

KIRIT-ANAY KITA SA RUM-AN!

LOOK

Sa tumalagsahon nga tion, duwa ka pari kag isa ka diakono ang nagpanguna sang Santos nga Misa sa kapiyestahan sang Mahal nga Birhen sang Sto. Rosario sa Brgy. Dalid, Alimodian, Iloilo.

Lubos ang pagpasalamat sang komunidad sa presensya sang mga kaparian kag diakono nga naghalad sang pagpangamuyo para sa ila. Ila man ginapaabot ang apresasyon sa mga nagbulig patigayon sang sini nga balaan nga holikuton ilabi nagid sa mga akolito nga nagserbe kag sa mga sponsors sang santos nga misa.

ICYMI

Snaps during the Fiesta mass of Brgy. Dalid Alimodian, Iloilo held last October 29, 2022.

The celebration of the Holy Eucharist was presided by Rev. Fr. Julius Alimeos, MCCC and was joined by Rev. Fr. Stephen Nguyen Viet-Tuan (Carmelite Priest) as well as Rev. Emanuel Angelitud as a homilist.

Credit to the rightful owners of the photos.

IN CASE YOU MISSED IT🔈

PANGINBULAHAN sa pamilya nanday Manong Julius Barte sa pagdonar kang 'kandelerohan' nga mahimo magamit sa nagkalain-lain nga buluhaton liturhiko sa capilla ilabi nagid sa kada pagsaulog kang Santos nga Misa.

Sarigi ang amon padayon pagpangamuyo sa inyo pamilya bilang pagpasalamat sa inyo kaalwan.

ADIOS, ILOY NGA TUNAY...

Pagsaulog sang katapusan nga adlaw sang 'Flores de Mayo' sa capilla sang Mahal nga Birhen, nangin mabinungahon.

Tuman nga kalipay kag kasubo ang nabatyagan sang tanan, ilabi nagid sang mga kabataan sa ila pagsaulog sang katapusan nga adlaw sang paghalad sang bulak kag pagpangamuyo sa bag-ong korona nga imahen sang Mahal nga Iloy.

Sa pihak sini, puno sang paghigugma kag paglaom ang tanan dulot sang masunson nga pagdebosyon sa santo rosario kag pagtudlo sang katesismo sa mga kabataan kag hamtong.

Nagapasalamat gid ang mga deboto sang Mahal nga Birhen sa tanan nga nagdonar sang pamahaw, nagpaambit sang ila sobra nga kantidad, kag nagsponsor sang hygiene kits kag toiletries sang mga kabataan.

Sarigi ang amon pagdumdom sa inyo tanan sa tagsa namon ka pagsambit sang 'Maghimaya ka Maria' sa aton capilla.

Nuestra Señora del Santissimo Rosario de Dalid, ig-ampo mo kami!

DAYAWON TA SI MARIA!

Ginkoronahan sang iya bag-o nga korona ang antigo nga imahen sang Brgy. Dalid, Alimodian, Iloilo, sa ika-29 nga adlaw sang Mayo, dos mil biente dos, kadungan sang Solemnidad sang Pagkayab sang aton Ginoo.

Ang pagbendisyon kag pagkorona natigayon sa sulod sang Santos nga Misa nga ginpangunahan ni Reb. Pad. Julius T. Alimeos, MCCC.

Pagpanginbulahan sa Senior Citizens Association sang Brgy. Dalid sa pagsponsor sang pagpahimo sang korona.

Nuestra Seniora del Santissimo Rosario de Dalid, ig-ampo mo kami!

"INDI AKO KASARANG"

Amo giya ang panaghoy kang mga mata kang kabataan samtang nagapartisipar sa tuigan nga "Flores de Mayo" sa aton barangay. Sa tulad nga paniempo kang krisis, ang aton mga kabataan ang pinaka-apektado sa tanan.

Nagakinahanglan gid sanda kang aton nga pagtabang. Indi naton pagpabay-an ang aton mga kabataan. Kun ikaw may bulawanon nga tagipusuon, nagapanuktok gid kami kang imo kaalwan kag pag-ulikid.

Bisan sa gamay lang nga pagbulig, sa buhay bakod gid giya ang ana nga maabutan.

Kami padayon nga magabaton kang inyo donasyon hasta Mayo 30, 2022.

Magpadara lang kang mensahe sa aton page kun paano kita ka kontribwer.

Raku raku gid nga salamat kaninyo tanan!