Boss Idol vlog

Nagapati na ako nga ang kanding may bangs😂

📷Dr. Nandie Joy Banias

Kwa lang ang may luyag haha
Rich in Vitamin A to Z😂

Ti sugot ka?😂😂😂

Magdaug ok, kun pyerde gamu😂

Saklap!😂

Daw husto man😂😂😂

Mas nanam ang tilapia sa tuna. Ang tuna malas-ay ang unod haha

Sakit igu ni Egay ba😂😂😂

Hahaha!
Ctto

Oh hindi? Gakaon g**o ni ang isda sinugba nga mais😂

ISDA SA MERKADO SA BACOLOD MAY UNTO KAANGAY SANG TAWO?

Via Watchmen daily

Gin-upload sang isa ka netizen ang video kag mga pictures sang ginbakal ya nga isda sa merkado sa Bacolod nga may unto nga kaangay sang unto sang tawo.

Nagalibog naman ang ulo sang uploader kung ngaa may unto ang isda nga nabakal, ulihi niya na ini natalupangdan samtang ginatinluan niya ini nga lutuon niya kuntani nga sinigang. Waala niya nalang ini ginluto kag hinaboy na lamang sang uploader.

"Kuya, ngaa may unto ang nabakal namon na isda? Daw makulbaan man ta ni man HAHAHAHA unto man ni ka tawo 🤦🏼‍♀️🤣" caption niya sa iya post.

📷 Christina Cusi/Facebook

𝗪𝗔𝗟𝗔 𝗦𝗔𝗡𝗚 𝗖𝗟𝗔𝗦𝗦 𝗖𝗔𝗡𝗖𝗘𝗟𝗟𝗔𝗧𝗜𝗢𝗡 𝗦𝗔 𝗜𝗟𝗢𝗜𝗟𝗢 𝗖𝗜𝗧𝗬 𝗦𝗨𝗕𝗢𝗡𝗚 𝗡𝗚𝗔 𝗔𝗗𝗟𝗔𝗪, 𝗛𝗨𝗟𝗬𝗢 26
– 𝘔𝘢𝘺𝘰𝘳 𝘑𝘦𝘳𝘳𝘺 𝘛𝘳𝘦ñ𝘢𝘴

Wala sang ipatuman nga kanselasyon sang klase sa Syudad sang Iloilo, bwas Hulyo 26, 2023.

Ini base sa ginalantaw nga mangin lakat sang panahon.

Samtang, ginahingyo naman ang publiko nga padayon nga maghalong bangud sang pabag-o-bag-o nga dalagan sang tyempo.

“We can expect light to moderate rainfall tonight until tomorrow with occasional heavy rainfall. The chance of rain is 60%-90% with 25-50mm accumulated rainfall and 45-63% wind force.

We do not recommend the cancellation of classes but we advise the public to take precautionary measures given the ever changing weather condition.”






By: MEM

𝗝𝗨𝗦𝗧 𝗜𝗡!

𝗣𝗥𝗘𝗦𝗜𝗗𝗘𝗡𝗧𝗘 𝗠𝗔𝗥𝗖𝗢𝗦 𝗚𝗜𝗡𝗕𝗔𝗧𝗢𝗡 𝗔𝗡𝗚 𝗥𝗘𝗦𝗜𝗚𝗡𝗔𝗧𝗜𝗢𝗡 𝗦𝗔𝗡𝗚 18 𝗞𝗔 𝗣𝗨𝗟𝗜𝗦 𝗡𝗚𝗔 𝗜𝗡𝗩𝗢𝗟𝗩𝗘𝗗 𝗦𝗔 𝗜𝗟𝗟𝗘𝗚𝗔𝗟 𝗡𝗚𝗔 𝗗𝗥𝗢𝗚𝗔

Gin-anunsyo ni Presidente Ferdinand Marcos Jr. subong nga adlaw, Hulyo 25, ang pagbato niya sang resignation sang eighteen (18) ka Third-Level Officers sang Philippine National Police (PNP) nga ginaalegar involved sa illegal drugs activities.

Ini kasunod sang rekomendasyon sang National Police Commission Ad Hoc Advisory Group nga nag-imbestigar sa isyu.

Una na nga gin-anunsyo sang Presidente sa iya ikaduwa nga State of the Nation Address kahapon, Hulyo 24, sa Batasang Pambansa, nga pagabatunon niya ang resignation sang iya ginpahayag “unscrupulous law enforcers and others involved in the highly nefarious drug trade.”

Sa iya sulat sa Presidente, ginpahibalo ni PNP Chief Benjamin Acorda Jr. si Marcos nga nagpatigayon ang Ad Hoc Advisory Group sang kumpleto nga imbestigasyon natuhoy sa ginaalegar nga kahilabtanan sang 953 Third Level Officers sa illegal drugs activities.

Sa 953, ginrekomenda sang Group ang non-acceptance sang 935 courtesy resignations kag pagbaton sang resignation sang masunod nga 18 ka mga officers:

1. PBGEN Remus Balingasa Medina O-10038
2. PBGEN Randy Quines Peralta O-05124
3. PBGEN Pablo Gacayan Labra II O-03734
4. PCOL Rogarth Bulalacao Campo O-08477
5. PCOL Rommel Javier Ochave O-08085
6. PCOL Rommel Allaga Velasco O-08084
7. PCOL Robin King Sarmiento O-03552
8. PCOL Fernando Reyes Ortega O-07478
9. PCOL Rex Ordoño Derilo O-10549
10. PCOL Julian Tesorero Olonan O-12395
11. PCOL Rolando Tapon Portera O-07520
12. PCOL Lawrence Bonifacio Cajipe O-12905
13. PCOL Dario Milagrosa Menor O-07757
14. PCOL Joel Kagayed Tampis O-08180
15. PCOL Michael Arcillas David O-07686
16. PCOL Igmedio Belonio Bernaldez O-12544
17. PCOL Rodolfo Calope Albotra Jr O-08061
18. PCOL Marvin Barba Sanchez O-08043

Suno sa PNP Chief, nga padayon pa nga gina-monitor ang nasambit nga mga opisyal.






By: JTP

𝗕𝗔𝗚𝗬𝗢 𝗘𝗚𝗔𝗬 𝗣𝗢𝗦𝗜𝗕𝗟𝗘 𝗡𝗚𝗔 𝗠𝗔𝗡𝗚𝗜𝗡 𝗦𝗨𝗣𝗘𝗥 𝗧𝗬𝗣𝗛𝗢𝗢𝗡


Las tres kaina sang aga ang sentro sang Typhoon Egay nga may international name Doksuri ulihi nakit-an sa 320 km East Northeast sang Casiguran, Aurora ukon 350 km East sang Southeast sang Tuguegarao City, Cagayan.

Dala sini ang kabaskugon sang hangin tubtob 175 km/h kag pagmadlos tubtob 215 km/h samtang nagahulag sa West Northwestward direction sa kadasigon nga 15km/h.

Ang bagyo Egay mahimo mag-develop sa isa ka super typhoon sa masunod nga 24 oras kon indi magbag-o sang direksyon.

Apang kon magbag-o sang direksyon kag maglandfall sa Batanes ukon Northern mainland sang Cagayan, indi na ini magbaskog pa sa isa ka super typhoon category.

Ginalantaw nga magalandfall ini sa Batanes ukon Babuyan Island area sa Miyerkules sang aga ukon hapon.

Posible nga maggwa na ini sa Philippine area of responsibility sa Miyerkules sang gab-i ukon Huwebes sang aga.

Ang Southwest Monsoon ukon hangin habagat padayon nga naga-paekto sa Visayas, Mindanao kag western section sang Southern Luzon.

Sa Western Visayas, lauman ang magal-umon nga panahon tubtob may lapta-lapta nga pag-ulan, pangilat kag panaguhob dala sang trough sang Egay kag hangin habagat.

Ang hangin mangin kasarangan tubtob mabaskog samtang mangin mabalod naman ang kadagatan.






By: MEM

Ay abaw😂😂😂

𝗧𝗜𝗥𝗔𝗗𝗢𝗥 𝗦𝗔𝗡𝗚 𝗣𝗔𝗡𝗧𝗬 𝗞𝗔𝗚 𝗕𝗥𝗔, 𝗡𝗔𝗗𝗔𝗞𝗣𝗔𝗡 𝗦𝗔 𝗥𝗢𝗫𝗔𝗦 𝗖𝗜𝗧𝗬

Madugay na nga palaligban para sa mga pumuluyo sang Barangay Culasi, Roxas City kon sin-o ang responsable sa pagpangawat sang mga nakabulad nila nga panty kag bra sa ila tagsa ka halayan.

Suno sa mga pumuluyo, kabalan ang kawatan bangod wala ini sang pili, bunggit-urot ang panty kag bra sang mga kababaihan nga iya ginataban-- bata man ukon tigulang, iya man sang laon ukon binayaan.

Apang, ang mga kalahi ni Eva sa amo nga barangay may ginadudahan nga amo ang nagapangawat. Ini ang ginkilala kay Armando Villar nga tumandok sang Iloilo kag nagapuyo lamang sa isa ka payag sa amo nga barangay.

Bangod mabaskog ang pagpati sang mga pumuluyo nga husto ang ila panagupnop kay Villar, naghingyo sila sa mga opisyal sang barangay nga usisaon ang nasambit nga lalaki.

Ginpadulongan sang Capiz Maritime Police ang payag ni Villar kag didto nabukaran sa iya bag ang mga nagkalain-lain nga panty kag bra.

Magluwas sa kinawatan nga panty kag bra, nabukaran pa sang bag ni Villar ang isa ka .38 nga armas-luthang nga loaded pa sang duha ka mga bala.

Ginkustodiya sang kapulisan si Villar nga magapangatubang sa panumbungon nga paglapas sa Republic Act 10591 ukon Comprehensive Fi****ms and Ammunition Regulation Act.

Plano naman sang mga pumuluyo sa barangay nga magdihon sang petisyon agud mapahalin sa ila lugar si Villar.

| via iFM Roxas





By: MEM

𝗧𝗬𝗣𝗛𝗢𝗢𝗡 𝗘𝗚𝗔𝗬 𝗣𝗢𝗦𝗜𝗕𝗟𝗘 𝗠𝗔𝗚𝗕𝗔𝗦𝗞𝗢𝗚 𝗣𝗔 𝗞𝗔𝗚 𝗠𝗔𝗡𝗚𝗜𝗡 𝗦𝗨𝗣𝗘𝗥 𝗧𝗬𝗣𝗛𝗢𝗢𝗡 𝗦𝗔 𝗠𝗔𝗥𝗧𝗘𝗦 𝗦𝗔𝗡𝗚 𝗚𝗔𝗕-𝗜


Padayon nga gina-monitor sang PAGASA ang Typhoon Egay nga may international name Doksuri nga ulihi nakit-an las tres kaina sang aga sa 570 km East sang Baler, Aurora.

Kon ang isa ka bagyo yara na sa Typhoon category nagakahulugan nga mahimo magtaas ang tropical cyclone wind signal sa signal number four (4).

Dala sini ang kabaskugon sang hangin tubtob 140 km/h malapit sa sentro kag pagmadlos tubtob 170 km/h samtang nagahulag sa Westward direction sa kadasigon nga 15 km/h.

Sa karun, ang bagyo yara pa sa kadagatan gani posible nga magbaskog pa ini sa super typhoon category kag maglandfall sa Martes sang gab-i ukon Miyerkules sang aga sa Batanes, Babuyan ukon Northeastern mainland sang Cagayan.

Kon super typhoon ang kategorya, mahimo maglab-ot sa signal number five ang tropical cyclone wind signal.

Ang Southwest Monsoon ukon hangin habagat naga-apekto naman sa Southern Luzon, Visayas, kag Mindanao.

Sa Western Visayas, lauman ang magal-umon nga panahon tubtob may lapta-lapta nga pag-ulan, pangilat kag panaguhob dala sang trough sang Egay kag hangin habagat.

Ang hangin mangin kasarangan tubtob mabaskog samtang kasarangan tubtob mabalod naman ang kadagatan.

Ang adlaw nagbutlak las 5:37 kaina sang aga kag magatunod las 6:16 karun sa hapon.

Ang temperatura sa Iloilo subong nga adlaw: 27-30°C.






By: MEM

BANGUD SA AGAWAY SANG PASAHERO , DRIVER SANG HABAL-HABAL GINTIRO SANG KASUBONG NGA DRIVER SA ALIMODIAN, ILOILO


Agaway sa pasahero ang ginatudlo rason sa pagtiro sang isa ka habal-habal drayber sa iya kasubong man nga drayber sa Cañonero St. Barangay Poblacion, Alimodian, Iloilo mga las 9:00 kaina sang aga.

Ang nagtiro amo si Gary Plaza, 32 anyos sang Barangay Pianda-an Sur, Alimodian, Iloilo samtang ang biktima amo si Nohri Piojo, 35 anyos sang Barangay Pianda-an Norte sang amo man nga banwa.

Sa interview kay PCPT Chrysler John Ledesma, Officer-in-Charge sang Alimodian PNP, kagab-i nga daan may natabo na mga indi pag-intindihanay kay Piojo kag Plaza matapos nga ginkomprontar sang biktima ang suspek bangud gindul-ong sini ang pasahero nga iya lang kuntani ginpahulat.

Bangud kay nagadali ang amo nga pasahero nagdesisyon nalang ini nga magpadul-ong kay Plaza bangud ara man lang ini sa terminal.

Ginkaakig ini ni Piojo kag iya ginsumbag si Plaza kagab-i.

Suno kay Genevieve Plaza, utod sang suspek nga nakasaksi sang insidente kaina, pagpanaog sa motor sang suspek gilayon nga gintiro sini ang biktima.

Nakadalagan pa ang biktima sa sulod sang tinda kag ginlagas ini sang suspek apang wala sini naabtan.

Gilayon naman ni Plaza nga ginmaneho ang iya motorsiklo agud magpalagyo.

Padayon ang hot pursuit operation sang kapulisan kag Plaza.

Panawagan naman sang iya utod nga si Genevieve, magsungka nalang kag atubangon ang iya sala nga nahimo.

Sa karon, igarefer sa Western Visayas Medical Center ang biktima agud ipaidalum sa operasyon ang iya kamot nga naigo sang bala.

📸Alimodian PNP




fmo

𝗜𝗦𝗗𝗔 𝗡𝗚𝗔 𝗠𝗔𝗬 𝗡𝗚𝗜𝗣𝗢𝗡 𝗞𝗔𝗔𝗡𝗚𝗔𝗬 𝗦𝗔𝗡𝗚 𝗜𝗬𝗔 𝗦𝗔𝗡𝗚 𝗧𝗔𝗪𝗢, 𝗡𝗔𝗕𝗨𝗡𝗜𝗧 𝗦𝗔𝗡𝗚 𝗜𝗦𝗔 𝗞𝗔 11 𝗔𝗡𝗬𝗢𝗦 𝗡𝗚𝗔 𝗕𝗔𝗧𝗔 𝗦𝗔 𝗢𝗞𝗟𝗔𝗛𝗢𝗠𝗔

Nabunit sang isa ka 11 anyos nga lalaki sa Oklahoma ang isda nga pacu nga may ngipon kaangay sang iya sang tawo.

Suno sa Oklahoma Department of Wildlife Conservation, ang pacu isa ka South American fish nga relative ukon malapit sa piranha.

Ginapatihan nga hinuptanan ang nabunit sang bata kag ginbuy-an lang sa punong.

Suno sa mga opisyal nga ang kaangay nga species sang isda ang ginakonsiderar nga delikado sa ecosystem.

Ang pacu fish ang mahimo maglaba sang 3.5 feet kag nagabug-at sang tubtob 40 kilos.

Gin-abisohan naman ang iban pa nga makabunit sang pacu fish sa nasambit nga lugar nga magpakig-angut gilayon sa mga otoridad.





By: MT

𝗕𝗔𝗧𝗔 𝗡𝗜 𝗣𝗥𝗘𝗦𝗜𝗗𝗘𝗡𝗧𝗘 𝗠𝗔𝗥𝗖𝗢𝗦, 𝗡𝗔𝗚𝗣𝗔𝗠𝗔𝗡𝗚𝗞𝗢𝗧 𝗦𝗔 𝗜𝗟𝗢𝗜𝗟𝗢 𝗖𝗜𝗧𝗬 𝗖𝗢𝗠𝗘𝗟𝗘𝗖 𝗞𝗢𝗡 𝗣𝗪𝗘𝗗𝗘 𝗡𝗔 𝗠𝗔𝗞𝗔𝗣𝗔𝗥𝗘𝗛𝗜𝗦𝗧𝗥𝗢 𝗣𝗔𝗥𝗔 𝗦𝗔 2025 𝗘𝗟𝗘𝗖𝗧𝗜𝗢𝗡𝗦


Nagpamangkot na ang isa sa mga bata ni Presidente Ferdinand “Bongbong” Marcos Jr. sa Iloilo City Commission on Elections (Comelec) kon bala pwede na makaparehistro para sa 2025 elections.

Ini ang ginkumpirmar ni Jonathan Sayno, Election Assistant II sang Iloilo City Comelec sa interview sang RMN Palabra de Honor program.

Wala natumod ni Sayno kon sin-o sa mga anak sang Presidente ang nag-inquire para sa pagsaylo sang voter’s registration para sa pahayag pagkandidato para sa isa ka posisyon sa Syudad.

Mismo si Senator Imee Marcos ang nagpahayag nga duha ka mga anak ni Presidente Marcos ang magapadalagan sa duha ka lokal nga posisyon.

Samtang base naman sa isa ka taliman-an sa Iloilo City Hall, magapadalagan sa pagka-kongresista ang isa sa mga anak ni Marcos agud Manila-based ang iya opisina.

Nahibaluan nga gina-claim man sang mga Marcoses ang ila roots sa Iloilo paagi kay first lady Liza Araneta-Marcos.

Samtang suno naman sa Iloilo City Comelec, sa karon wala pa sila nagabaton para sa voter’s registration sa karon.






By: JNF

𝗧𝗜𝗖𝗞𝗘𝗧 𝗦𝗔 𝗨𝗡𝗔 𝗡𝗚𝗔 𝗛𝗔𝗠𝗣𝗔𝗡𝗚 𝗡𝗜 𝗟𝗜𝗢𝗡𝗘𝗟 𝗠𝗘𝗦𝗦𝗜 𝗦𝗔 𝗟𝗘𝗔𝗚𝗨𝗘𝗦 𝗖𝗨𝗣, 𝗡𝗔𝗚𝗟𝗔𝗕-𝗢𝗧 𝗦𝗔 𝗠𝗔𝗦𝗢𝗕𝗥𝗔 𝗣5.5 𝗠𝗜𝗟𝗟𝗜𝗢𝗡

Naglab-ot sa masobra P5.5 million ang presyo sang ticket sa una nga hampang ni football star Lionel Messi sa iya bag-o nga team nga Inter Miami sa Leagues Cup.

Ini ang ginlantaw nga pinakamahal nga ticket nga ginabaligya sa isa ka Major League Soccer team.

Mangin ang mga iban nga mga pulungkuan, nagtaas man ang presyo sa una nga hampang ni Messi nga patigayunon bwas, Hulyo 21, 2023.

Suno sa Vivid Seats, nagtaas sang 90 % ang presyo sang tickets umpisa sang nagsulod si Messi sa Miami team.






By: JNF/MEM

TUMALAGSAHON NGA BULAK SA BADIANGAN, GINPAKIGBAHIN SANG ISA KA NETIZEN


Ginpakigbahin sa RMN Iloilo ni Lyneth Advincula Bagaforo sang Barangay Ilongbukid, Badiangan, Iloilo ang bulak nga elephant foot yam nga mas malapad pa sa flower pot ang iya bulak.

Ini ang may scientfic name nga amorphophallus campanulatus nga sarang makalab-ot sa 25 kilograms ang kabug-aton.

Gintawag ini nga elephant foot yan bangud daw kaangay ini ss tiil ssng elepente.





By : KQ

Pinakadasig nga van nga nasakyan ko hehe😂
Ctto

6 KA PARES SANG IPs NGA KALASLON, NAGHIWAT SANG PRENUP PHOTOSHOOT


Pagakaslon sa July 17, 2023 sa banwa sang Tigbauan, Iloilo ang anum ka pares sang Tumandok ukon katapo sang Indigenous Peoples (IPs).

Pagahiwaton ang kasal sa simbahan sang Saint John of Sahagun sa Tigbauan sa pagpanguna ni Father Arvin Lagardo, ang Parochial Vicar sang banwa.

Nangin excited naman ang kalaslon bangud bag-o pa ang ila kasal, may ara pa sila sang prenup photoshoot sa diin makita ang ila matam-is nga yuhum. Yuhum nga puno sang paghigugma.

Via Radyo Pilipinas Iloilo




By: AS

LOOK: 35 𝗔𝗡𝗬𝗢𝗦 𝗡𝗚𝗔 𝗨𝗧𝗜𝗟𝗜𝗧𝗬 𝗪𝗢𝗥𝗞𝗘𝗥 𝗦𝗔𝗡𝗚 𝗖𝗔𝗟𝗜𝗡𝗢𝗚 𝗡𝗖𝗛𝗦, 𝗡𝗔𝗚-𝗚𝗥𝗔𝗗𝗨𝗔𝗧𝗘 𝗦𝗔 𝗦𝗘𝗡𝗜𝗢𝗥 𝗛𝗜𝗚𝗛


Na-graduate subong nga Huwebes, Hulyo 13, ang 35 anyos nga utility worker sang Calinog National Comprehensive High School.

Kadungan sang pagbaton sang iya diploma sa Senior High School, daku ang kalipay kag bugal ni Zerwin Daguita sa nagbunga nga handum niya.

Si Daguita ang produkto man sang Alternative Learning System (ALS) sa iya Junior High School.

Tuman naman ang pagpasalamat sang utility worker bangud sang pagpalangga sa iya sang iya mga manunudlo sa iya.






By: JFranco/JNF

Ara man lang gali kag!