Nonokoy Alfelor

Basta Irigueño, Alisto!

Fire Prevention Month : Basta Irigueño, Alisto!

Ngowan na bulan pig oobservaran ta man a Fire Prevention Month na objetong matawan sa impormasyon a lambang ciudadano na maging alisto pag abot sa pag-iwas sa remalaso segun ka kalayo.

Ading parumrom na adi dapat tang maging gawi-gawi sa uru-aldow nganing pirmi kitang ligtas sa uno man na klaseng sakuna. Nakasalalay a seguridad ka lambang pamilya ta sadi kaya dapat tang isagibu a mga drills na makakaiwas o kaya makakapugol sa unomang klaseng disgrasya causa ka kalayo.

Nakaantabay ag nakahanda man a kanatung mga rescuers/firefighters/frontliners sa unomang klaseng emergency situation. Pwede ta sirang makontak sa:

BFP Iriga: 0918-241-7423
CDRRMO: 0921-636-4018 0956-172-9656

Maging alisto po kita sa pag-iwas, pagsugpo ag pagtaung tamang impormasyon sa dapat na aksyon nganing maging ligtas sa uno man na disgrasya. Liwat, maging panalmingan man lugod po ading kanatung Fire Prevention Month, boko sana nguwan na bulan na Marso kundi sa bilog na taon. Magtarabangan po kita. Makikooperar po kita. Makipartisipar po kita. Basta Irigueño, Alisto!

MAyNA, Isabuhay a pagkaurusad ka EDSA!

MAyNA, Isabuhay a pagkaurusad ka EDSA!

Ngowan na aldow, pigcecelebrar ta po a kanatung ika 36th na pagrumrom ka EDSA PEOPLE POWER REVOLUTION.

Uno po a importancia kadi?

Una, amu po adi usad na parumrom na a kapangyarihan ka usad na estado bokong nasa poder, kundi sa mga tawo. Pangarwa, amu po adi a rason ngata kita nagkaagko libertad sa kada gibu, ngangabilon agkud expression ta bilang usad na Pilipino.

Higit sa uno paman, amu po adi a rason ngata masabi tang a pagkaurusad ka lambang tawo amu a pinakamakapangyarihan ag pinakamakusog na depensa ag sandata.

Maging panalmingan man lugod adi ka lambang nagseserbi sa kanatung gobyerno, na dapat a paggovernar segun pirmi sa katanosan ag karayan bokong sa kapoderosohan, na dapat a paggovernar segun sa pangangaipo ka publiko bokong kapritso, na dapat a paggovernar segun sa laye bokong sa pansadiri.

Lalo na sa ngowan pong panahon, importante pong maray a pagkaurusad ka lambang ciudadano nganing maabot ta po a objeto ka lambang kasaraditan -na maiangat sa kasakitan, na maprotehiran sa pangigipit, na maisalbar sa kadipisilan.

Kaiba po si Ate Cong Madel Yorobe Alfelor , pad***s ta pong isabuhay a tunay na diwa ka EDSA revolution.

Diwa ka pagka anduyog.
Diwa ka pagsurog.
Diwa ka pagmakakulog.

Mabuhay a malayang Irigueño!
Mabuhay a malayang CamSure ño!
Mabuhay a malayang Pilipino!

"Normal po a madapla. Dakol na beses na po akong nadapla. Pero a importante po, kin pauno ika magtindog, a ikinamumuya ko po, na sa kanakung pagtindog, kaiba ko na si Ate Madel Alfelor"









IG Account:
Fb Page: Emmanuel 'Nonokoy' T. Alfelor Jr.

"Normal po a madapla. Dakol na beses na po akong nadapla. Pero a importante po, kin pauno ika magtindog, a ikinamumuya ko po, na sa kanakung pagtindog, kaiba ko na si Ate Madel Alfelor"









IG Account:
Fb Page: Emmanuel 'Nonokoy' T. Alfelor Jr.

IRIGAVAX UPDATE : Maaari po tayong magtungo bukas, Jan. 12, 2022 sa Iriga CIty Sports Center upang magpabakuna ng Booster sa Covid-19 Vaccine.

Moderna at Sinovac po ang booster shot na available bukas. Dalhin lamang po ang inyong vaccination card.

Sino ang mga kwalipikadong magpa-booster bukas?

Minimum of 3 months pagkatapos ng 2nd Dose kung kayo ay nabakunahan ng Pfizer, Moderna, AstraZenica at Sinovac.

Pagkatapos ng 2 months naman kung nabakunahan ng Janssen.



Ctto.
Source: Iriga City Official

Happy Birthday Daddy!

Happy Birthday Daddy!

NGOWAN po a ika-71 bday kadtong depuntong naging alkalde man po kadi payaba tang Iriga ku 1995-2004 na si Emmanuel "Kulot" R. Alfelor Sr, an ang kanaku pong kag-egin na si "Daddy. "

Si Daddy po a kanakung naging panalmingan ngata ako kin sari ngowan. Segun ka kanyang mga prinsipyo sa buway, dakol po akong naturan na pad***s kong pig-aaplikar sa pang-uru aldow ko bilang usad na serbidor.

Si Daddy po a pinakadakulong impluwensya sa kanakung presenteng estado na dapat a usad na public servant tataung ibutang a sadiri sa namamatean ka iba, maging honesto ag humilde sa kapwa tao, sagkud magka agko usad na ngangabilon sa ngaran ka serbisyo publiko.

Maogmang Compleaño Daddy! Usad sa pinakamagayon na regalo ko po kanimo ngowan a kanamung pagkaurusad namung bilog na pamilya na kanimong pigprotehiran man sa kanimong buong buhay.Isi ko pong ikinaoogma po ninyo, kaiba si Wowo, Papa Boboy, Uncle Nancing a kanamung pad***s na pagserbi na tudok sa boot ni Ate Cong. Madel Yorobe Alfelor na amu pinakalegasiya ninyo sadi bilog na Iriga, Rinconada, ag enterong provincia.

Happy Birthday Daddy!

Maan po Kita!

Maan po kita!

OMICRON VARIANT- Segun ka impormasyon ka DOH, pad***s na nagliliyap a panibagong variant ka COVID 19 sadi kanatung nacion.

Kaipuwan ta pong mag-ingat ta mas maispid po adi, mas madaling makaulakit, agkud mas madaling lumuog sa kanatung awak.

Diri po kita magtamyang ka presenting sitwasyon, dapat doble pa po a kanatung pag-iingat ngning maprotehiran ta a sadiri ta, pamilya ta sagkud a bilog na komunidad.

Ugaliin ta pong:

1. Magfacemask maski sari kita umiyan.
2. Mag ugas sa kamot.
3. Mag observar sa pisikal na distancia.
4. Magpabakuna.

Maging responsable po kita ka ngamin tang aksyon nganing pad***s tang malabanan a arog kading klaseng pandemia.

Liwat, diri po kita matugot na mapabayaan a kanatung mga salud!

MAyNA-Support Local Kita 101 presents Ang Pambansang Third Wheel!

Isa ka bang Certified ThirdWheel ? O may kilala ka bang Thirdwheel? Sali na sa ating kasiyahan.

1. Imention ang couple na naging Third Wheel ka.
2. Kwento mo ang iyong unforgettable experience sa kanila na magsisimula sa...

nila (mention the couple)...

3. Kapag napili ang iyong istorya, may pa milkteadate tayo sa couple, at siyempre as usual, thirdwheel ka.

Pero bago yan:

1. DAPAT nakaLike and follow si "Couple" at ikaw sa aming page.

2. DAPAT Ishare ang post (Publicly).

3. DAPAT certified Irigueño ka.

Lahat ng mananalo ay may tsansang makakuha ng Best-selling Milktea sa ating mga Local Partners:

TEAvengers Tea Corner
SipChat Cafe - Iriga
Goody's Cafe - Iriga City Branch

Tulungan natin ang ating mga local entrepreneurs na isa sa mga haligi ng ating ekonomiya. Walang ibang magtutulungan kundi tayo-tayo lamang.

Suportahan natin sila!

SHEILA MARIE DELA CRUZ- Panibagong beneficiario para sa panibagong pagsarig sa pag-asa a tinaung "Wheelchair" sa espuerso ni Ate agkud ni .

Si Ate Sheila Marie, usad na PWD, amu ngowan a tinawan ta sa special na atensyon segun ka kanyang pig aagiyan na kamatean. Usad eya sa mga dahilan ngata gustong-gusto namu ni Ate na lalong tawan sa prayoridad a sector ka mga PWD, sektor na lalatagan agkud tatawan ta sa programang mig-angat ka aspeto nira sa buhay.

Kaya para ki Ate Sheila Marie, agkud ki Ate Ma. Shejiba L. Ramboyong, na nagsisirbing kakusugan niya bilang kanyang kapamilya. Saludo po ako ka kaninyong sakripisyo agkud pagmakolog.

Agkud para sa mga payaba tang PWDs , pad***s ta pong gibuwon na kakusugan a kanatung positibong pagtubod para ki Kagurangnan.

Liwat, urusad kitang migpasarig ka kanatung pagmakolog agkud pagkaboot!

MAyNA-ghost na naman?

Okay lang yan.

Ngowan na aldow na adi pigcecelebrar a "SINGLES' Day" pero maski pa uno status mo sa buway diri ika mag-alala, pirmi mo kaming kaiba ni Ate .

Naraw, kin isay man a maglike, magcomment sa , agkud magshare kadi migkaagko tsansang manggana sa P100 load.

Try mo na, daog man eka ngowan sa LOVE, malay mo gana man ika sa LOAD.

*Note: Comment section will be open until 1:00pm. Winners will be announced right after.
Post mo na, malay mo sa comment section mo na mababayad a kanimong...

Ming-ghost utro kanimo...joke.

MAyNA-ghost na naman?

Okay lang yan.

Ngowan na aldow na adi pigcecelebrar a "SINGLES' Day" pero maski pa uno status mo sa buway diri ika mag-alala, pirmi mo kaming kaiba ni Ate .

Naraw, kin isay man a maglike, magcomment sa , agkud magshare kadi migkaagko tsansang manggana sa P100 load.

Try mo na, daog man eka ngowan sa LOVE, malay mo gana man ika sa LOAD.

*Note: Comment section will be open until 1:00pm. Winners will be announced right after.

Post mo na, malay mo sa comment section mo na mababayad a kanimong...

Ming-ghost utro kanimo...joke

Mabuhay Tzu Chi Foundation!

November 7, 2021 - Nag eyan po sadi kanatung payaba tang Iriga a usad sa pinakadakolong humanitarian organizations na lampas darwang dekada ng nagsisirbi sadi Pilipinas, a Tzu Chi Foundation.

Napili kita nira nuwan bilang kanirang beneficiaries kaya man ginatos na pamilya a natawan sa kadakol na basic goods agkud necessities sa katabangan ka Local na gobyerno ka Iriga.

Segun ka kanirang objetong makatabang, namumuya po kami ni Ate ta bilang usad na serbidor, amu man adi a kanamung paglaom agkud pangitorogan na masuportaran y madara sa lambang Irigueño agkud sa bilog na Rinconada a mga programang mas makakatabang sa kasaraditan.

Nag aagi man kita sa pandemya nuwan, makusog agkud magkasururog kitang lalabanan a ngamin na pagsubok ta sa buhay kaya liwat, salamat sa ngamin na tunay na magmamakolog para kanatu!

Salamat sa ngamin na nag iriyan po!

Salamat Tzu Chi Foundation!

Dios Mabalos po!

MAyNA magpabakuna naman kita.....sa kanatung mga PETS!

Usad sa maogmang programa kana Local na Gobyerno ka Iriga sa paagi ka City Veterinary Office, ading kanatung "Libreng Kapon at Anti-Rabies sa Aso't Pusa."

Bilang usad man na Pet Lover, importanteng matawan ta sa proteksyon agkud pag-ataman a kanatung mga payaba tang mga alaga sa baloy, lalo na ta maituturing ta man sirang parte ka kanatung pamilya na nagtataung kamuyahan, stress-reliever, agkud minsan ka travel-buddy ka kanatung agi-agi.

Naging matriumpo po ading kanatung programa ngowan alagad diri pa po adi matatapos agkud migpondo hangga't agko kita mga egin, kag-egin, o mga apoon na kaiba ta sa pagiging Pet Lovers.

Agko man kita pandemya, diri kami migpondo ni Ate sa pagtaung kolor agkud kaogmahan sa kanatung mga payaba tang Pet Owners.

Liwat, salamat sa mga nakiusad kading kanatung castration agkud anti-rabies campaign.

&Anti-Rabies

Thank you, Teacher!

Sa kada letra na nababasa ta, sa kada numerong nabibilang ta, o sa kada bagay na naiisiyan ta bilang usad na ordinaryong tawo, ngamin adi dakulo a naging papel na ginampanan ka kanatung mga kag egin sa eskwelan---a kanatung mga maestro ag maestra.

Nguwan na aldow, ipinagcecelbrar ta a kadakilaan ka usad na haligi sa edukasyon, usad na ladawan sa maray na katukduan agkud usad na panalmingan ka maray na pagkatawo.

Sira su mga bayaning tinatawan ta sa uda katapusang pasasalamat, mga bayaning tinatawan sa pagpupugay, mga bayaning sinasaluduhan.

Maski nasasakitan, pad***s pa nanggad a kanirang pagtau sa serbisyo, pagtaung leksyon agkud pagtaung paglaom sa lambang estudyanteng kanirang pinapayaba.

Madalas, diri sira natatawan sa atensyon sa halos ngamin na aspeto pero nagtutubod ako na sa katabangan ni Ate Mayor Madel Alfelor, bilog a pwersa namung lalong tawan sa maray na programa agkud prayoridad a kanatung mga payaba tang mga maestro ag maestra.

Liwat, maogmang pagcelebrar ka kanatung mga Maam at Sir!

!

Happy Fiesta SAN FRANCISCO IRIGA CITY!

Happy Fiesta Santa Teresita!

Ngowan pong aldow, ipinagcecelebrar ta a kafiestahan ni St. Therese of Lisieux. Si Santa Teresita nabuhay sa halip-ot na panahon pero a kanyang kontribusyon sa moralidad ag espiritualidad na aspeto usad sa naging rason nganing mabisto siya bilang "Little Flower of Jesus " segun kan saiyang kasimplehan agkud pagsasakripisyo.

Liwat, sana maging panalmingan a kanyang naginibuwan sa kangaminan. Maging inspirasyon man logod a kanyang istorya para sa lambang kasaraditan na pad***s na nakikibaka para sa sadiri, sa pamilya agkud sa karahayan.

Happy Fiesta Santa Teresita!

MAyNA sa Nagkakausad na Pamilya!
Bilang usad na propyong taga Iriga, importante para kanatu a Pamilya.

Usad na pamilyang nagtatabangan.
Usad na pamilyang nagpipinayabaan.
Usad na pamilyang nagkakausad.

Kitang mga Irigueño, higit kin sa uno pa man na bagay, pag abot sa pamilya nunca kitang nagpabaya agkud migpabaya.

Kitang mga Irigueño, mas tinatawan ta sa importancia a pagiging urusad ka pamilya kaysa karayan sa watak-watak.

Kitang mga Irigueño, lambang miyembro ka pamilya ta tinatawan ta sa respeto, pag asikaso agkud tunay na pagpayaba sa uno man na aspeto sa buhay.

Kitang mga Irigueño, lambang tawo na pinapayaba ta a pagpabisto ta boko sanang simpleng amigo, kundi tunay na pamilya.

Kitang mga Irigueño, diri kita nakakalingaw sa tunay tang kairibanan sa pagdakulo, kakuru-kaiba sa pagpurupasyar, agkud kuru-kaiba sa pagpabisto sa isay pa man o maski sari pa man kita maeyan.

Kitang mga Irigueño, a konsepto ka pamilya, amuyan su maski sari eka makaabot, maski unong klaseng estado na ka buhay, a pamilya pirmi mong kasurog, pirmi mong masasarigan.

Amu di tunay na Pamilya, sa tunay na taga Iriga.










Disclaimer: All our family members and company underwent PCR-TESTING. Removal of facemask is for photo ops purposes only.

Happy Birthday Ate Mayor Madel Alfelor! 💚

❤️❤️❤️❤️

Ipinag cecelebrar ta ngowan a Ika-53rd Foundation Anniversary ka kanatung nabobotan na ciudad.

Bilang usad agkud tunay na Irigueńo, dakulong orgulyo ta na kita pinagcecelbrar ading kanatung okasyon. Usad adi sa patunay, na a kanatung payaba tang ciudad usad sa namumukudtanging lugar sadi kanatung provincia, hasta sa kanatung bilog na nasyon.

Bilang usad agkud tunay na Irigueńo, ipinagcecelebrar ta man a kanatung pagkaurusad ka lambang constituenteng tunay na agko pagmakolog agkud pagkaboot sa sadiri, sa pamilya agkud sa enterong communidad.

Bilang usad agkud tunay na Irigueño, taas-noo tang ibinabangalibog sa kangaminan a kagayunan ka kanatung sadiring dayalekto, kultura agkud tradisyon.

Bilang usad agkud tunay na Irigueño, ipinagmamalaki ta a pad***s na pag uswag ka kanatung humildeng ciudad na mamanteneran agkud masusteneran a trayumpo tang nakakaptan.

Bilang usad agkud tunay na IRIGUEÑO, ikinaoogma ta agkud ikinokorahaw na maski sari kita umiyan, magayon maging egin ka tunay na taga IRIGA.

Sa ngaran po ni Ate Madel Alfelor, agkud ka bilog na pamilya, kami na kaninyong pinangegin agkud pinadakulo sadi Iriga agkud Rinconada, nagpapaabot ka usad na maogma, ligtas agkud magaya-gayang pagbati sa lambang ngod, kag-egin agkud egin ka Iriga.

Happy 53rd Foundation IRIGA!

Ipinag cecelebrar ta ngowan a Ika-53rd Foundation Anniversary ka kanatung nabobotan na ciudad.

Bilang usad agkud tunay na Irigueńo, dakulong orgulyo ta na kita pinagcecelbrar ading kanatung okasyon. Usad adi sa patunay, na a kanatung payaba tang ciudad usad sa namumukudtanging lugar sadi kanatung provincia, hasta sa kanatung bilog na nasyon.

Bilang usad agkud tunay na Irigueńo, ipinagcecelebrar ta man a kanatung pagkaurusad ka lambang constituenteng tunay na agko pagmakolog agkud pagkaboot sa sadiri, sa pamilya agkud sa enterong communidad.

Bilang usad agkud tunay na Irigueño, taas-noo tang ibinabangalibog sa kangaminan a kagayunan ka kanatung sadiring dayalekto, kultura agkud tradisyon.

Bilang usad agkud tunay na Irigueño, ipinagmamalaki ta a pad***s na pag uswag ka kanatung humildeng ciudad na mamanteneran agkud masusteneran a trayumpo tang nakakaptan.

Bilang usad agkud tunay na IRIGUEÑO, ikinaoogma ta agkud ikinokorahaw na maski sari kita umiyan, magayon maging egin ka tunay na taga IRIGA.

Sa ngaran po ni Ate Madel Alfelor, agkud ka bilog na pamilya, kami na kaninyong pinangegin agkud pinadakulo sadi Iriga agkud Rinconada, nagpapaabot ka usad na maogma, ligtas agkud magaya-gayang pagbati sa lambang ngod, kag-egin agkud egin ka Iriga.

Happy 53rd Foundation IRIGA!

Saludo kami kaninyo!

Sa pagcelebrar kading kanatung Araw ng mga Bayani, tawan ta po sa dakulong onra, orgulyo agkud pag appreciar kading kanatung mga bagong bayani segun ka kanirang dakulong papel na ginigibu sa kanatung komunidad.

Ngowan na panahon ka pandemya, dahil sa kanirang kontribusyon, pad***s kitang nagiging ligtas sa unoman na klaseng kamatean, kasakitan agkud kadipisilan. Dakulo a kanirang dara-darang responsibilidad nganing maasigurar sana a kanirang kanyang-kanyang objeto para sa karayan ka bilog na communidad.

Maging ladawan agkud panalmingan man logod kan kangaminan a kanirang gawi, sakripisyo agkud pagmakolog.

Sa ngaran po ni Ate Mayor Madel Alfelor, bilog na pwersa kaming nagpapasalamat, nagpupugay agkud nagsasaludo sa kanatung mga makabagong bayani.

Mabuhay kamo ngamin!











Photo Courtesy : Iriga City Official

Ngowan na kapiyestahan ni San Roque, gibuwon ta pong makahulugan ading kanatung pag celebrar sa paagi ka pagsunod ka kanatung SAFETY HEALTH PROTOCOLS.

Balikan ta man a buway ni San Roque, bilang usad na serbidor na nagtaung importansiya agkud debosyon sa pagtabang partikular na sa mga naghehelang agkud nangangaipo. Maging panalmingan man logod a kanyang kontribusyon sa lambang nagtutubod saiya.

Sa ngaran po ni Ate Mayor Madel Alfelor, kan ang kaninyong kag-egin sa San Roque PB M-Em Alfelor, agkud ka bilog na pamilya, maogmang kapiyestahan sa ngamin po!

We made it, Iriga City!

Sa espuerso po ka kanatung ginagalangan na Bise Presidente, Her Excellency Leni Robredo, sa pakikipagtabangan ka LGU-Iriga City sa pamayo ni Ate Mayor Madel Alfelor, boot ming ipaabot a dakulong pasasalamat ta natawan ta sa proteksyon a kanatung mga kag egin na Senior Citizens agkud iba tang kahimanwa. Sa luog po sa 2 aldow, lagpas 6,000 a natawan ta po sa bakuna.

Boot po namung irecognisar a ngamin na ahensya , assosasyon agkud grupo partikularmente a OVP sa paagi ka ANGAT BUHAY PARTNERS, Rotary Club of Iriga, Kabalikat CiviCom, Angena Trading, Philippine Red Cross - Iriga, DepEd CamSur Nurses, DOH CamSur Nurses, Camarines Sur Medical Society, Philippine College of Physicians - CamSur, Philippine Academy of Family Physicians - CamSur, Philippine Medical Association - CamSur, Philippine Nurses Association - Iriga, Our Lady of Mediatrix Hospital, Philippine Navy Reservist, Philippine National Police, Junior Jaycees - Iriga, OneNubenta, Millennials PH - Iriga, agkud sa ngamin na naging instrumento para maging matriumpo a kanatung programa.

Dakol pa pong bakuna a umaabot po, aprobitsaran ta po adi, protehiran ta po a kanatung pamilya agkud a buong communidad. Tandaan ta po, segun sa payo ka kanatung mga experto, na a pinakamaray na bakuna ay kung uno po a avilable.

Kaya uno pa inuulat ta, MAyNA , HaLENI't Magpabakuna!

"Gibuhon ta pong mas makahulugan a kanatu pong pagcelebrar sa paagi ka pagsunod sa HEALTH PROTOCOLS sadi po kanatung ciudad. Pangadyi ko, ag ka bilog na pamilya ,a kaninyo pong kaligtasan"

HAPPY FIESTA BRGY. STO. DOMINGO!!!
KEEP SAFE!

MAyNA sa Iriga, Magtanom Kita!

Usad sa pinakamagayon n programa ngowan pong nasa luog kita ka pandemya adi pong Urban and Rural Gardening Training.

Boot ko pong pasalamatan a Department of Agriculture, LGU Iriga, TESDA, PESO, SANGGUNIANG KABATAAN headed by SK Chairman Joy Regullano , sa Barangay Officials sa pamayo ni PB Michael Angelo Lagatic agkud sa iba pang sector na nagtarabang nganing matriumpo ading kanatung proyekto, siyempre sa pangunguna ni Ate Madel Alfelor.

Gusto ko man pasalamatan su mga nag attendir agkud nagpartisipar kading kanatung training. Dakol pa pong nakalinyang barangay a matatawan sa arog kading programa.

D***s d***s po adi hanggang sa maabot ta a objeto tang maging well-oriented a kadaklan sa importancia ka pagtatanom.

Salamat po sa pagpartisipar agkud welcome po sa ngamin na gustong makiusad sa kanatung programa!!

Happy Birthday Big Man Brendan!!!

I am very grateful that you have grown up with so much respect and sense of responsibility. You really are terrific and adorable.

More than that, I am so delighted and feel great for your Mom, Ate Madel, that she raised you well and outstanding. She really is amazing in any ways.

I am looking forward for more gatherings, more acquaintances, more experiences and more adventures with you.

I wish for your future success and may God be at your center to light and guide you towards your chosen path.

Enjoy your special day Brendan!!

Congratulations kabalikat Bikol, Inc. - Iriga City Chapter Officers and Members!

Bilang usad na Kabalikat, dakulong responsibilidad a maging parte kading organisasyon. Nakakomiter a bilog na puwersa sa pagtulod sa pagtabang lalo na sa panahon ka kalamidad o uno man na emerhinsyang pangangaipo. Nagtatabang na uda pag iimbot agkud pag aalinlangan. Kaya usad sa di maitatagong bagay na ading grupo usad sa pinakamaray agkud aktibong organisasyon boko sana sadi ciudad kundi sa enterong kabikolan.

Sa momentong adi, lalong naging mas challenging a hamon kaninyo dahil sa presenting sitwasyon- a paglaban sa pandemya.

Kung kaya, ngowan pa sana nagpapasalamat adi pong alang alang sa kaninyong kakusugan sa boot na darahon a arog kading klaseng obligasyon. Pakusogon man logod a kaninyong pisikal, sikolohikal agkud espiritual na aspeto nganing lalo kamung ganahan ka kaninyong mga aktibidades.

Kaiba po ninyo ako, si Ate Mayor Madel Alfelor agkud a bilog na pamilya, sa kaninyong objeto !

Dios Mabalos po!

Again, Congratulations Mabuhay Kabalikat!

Happy Birthday Padi Kerwin Gonowon Bonnevie!

Through ups and down, a kanatung iribanan maski kono pirming masarig agkud burogkos.

Diri kayang pantayan sa uno man na bagay a kanimong pagtaung importansya pag abot sa paninindugan agkud pagkamoot sa serbisyo publiko.

Salamat ka kanimong pad***s na pag andurog, pad***s na pagmakolog agkud pad***s na pagsurog sa kanatung pag iba- iba.

Dakol pa a pig ibanan ta, urusad tang aabuton a ngamin na paglaom ta para sa karayan ka kangaminan.

Maogmang Compleaño Padi Kerwin!

MAyNA sa Iriga at Magpabakuna!

Uda po ibang pinaka epektibong solusyon nganing maiwasan a pagkalat ka COVID 19 kundi magpabakuna.

Usad adi sa paagi nganing maprotehiran ta a kanatung mahal sa buhay sa uno man na klase ka pandemya.

Aprobitsaran ta po a bakunang pigtutulod ka manlaen laen na ahensya ka gobyerno, mapa nacional man o lokal partikular na ka DOH.

Magpalista po kita sa kanatung barangay nganing matawan kita sa detalye ka proceso ka pagpapabakuna lalo na po su nasa listahan ka mga tinatawan sa prayoridad arog po ka senior citizens, frontliners agkud mga ngod tang agko comorbidities.

Sa paagi po ka LGU Iriga, City Health Office, sa pamayo po ni Ate Mayor Madel Alfelor, pigsesegurar ta po na dakol pa po a umaabot na mga bakuna para sa lambang Irigueño.

Diri po kami migpundo sa aksyon hanggang maabot ta po objeto tang maging ligtas agkud covid- free a kanatu pong payabang ciudad.

MAyNA! Magpabakuna na!

*Note : Facemask was removed for proper orientation and comprehension of vaccine process.

Congratulations Graduates of 2021!

Kaiba po ninyo ako sa pagcelebrar kan ang kanatung mga egin na nagtapos nguwan na taon sa kanirang pagklase.

Naiiba man a sitwasyon ka kanatung okasyon dahil kading pandemya, ikinamumuya ko po a pad***s tang pagtaguyod ka kanatung mga estudyante.

Tawan ta po sa dakulong kapasalamatan a kanatung mga kag egin, maestra't maestro na nagtaung dakulong sakripisyo para maabot ta po adi.

Pangadyi ko po a pad***s po ninyong pag abot ka kaninyong pangarap sa buhay.

Sa ngaran po ka kanakung pamilya, usad na mauswag na pagbati sa ngamin na graduates nguwan pong taon!