Kilusang Pagbabago Pilipinas - Basak Lapu-Lapu City Chapter

Panghitabo Karon (July 23, 2023)

Maabtikon kaayo ang atong mga kaubanan sa Kilusang Pagbabago Pilipinas - Basak Lapu-Lapu City Chapter nga niabag sa paghatag og assitance sa gipahigayon nga Medical and Dental Mission sa atong kaubanan pud sa Couples for Christ North 3 and G-Care Sector. Mapasalamaton kaayo ta nila ni Bro. Josephus Grengia (CFC ANCOP Head/Medical Mission Event Head, Dr. Jaime Fabiola (Cebu GCARE Provincial Coordinator og ni Sir Seigfried Sia (Couples for Christ North 3 Sector Head) sa ilahang pagsalig nga kita makatabang sa pag-alagad sa atong komunidad ilabi na sa kadtong adunay grabe nga panginahanglan. Ug usab, dako kaayo ang atong pasalamat ilabi na sa atong Ginoo nga kita gihatagan og abilidad nga makatabang sa uban. Sa sunod na pud natong panagtapok mga kaigsuonan, kita mag-uban uban sa paghatag og tinud'anay nga serbisyo alang sa tanan.

God bless and more power kanatong tanan.

Panghitabo karon mga ka-Lumad Basakanon. (06/03/2023)

Nagpahigayon kita og Capacity Building sa atong mga kaubanan sa Kilusang Pagbabago Pilipinas Leaders og giduaw pud ta sa atong pinalangga og maabtikon nato nga National President Dir. Wendell Cabrera nga gikan sa Office of the President. Inubanan pud sa atoang maabtikon nga mga opisyales sa Kilusang Pagbabago Pilipinas - Basak Lapu-Lapu City Chapter. Mabungahon kaayo ang atong panagpulong kay mas napalig'on pa gyud ang atong organisasyon sa pagpadayon sa pag-alagad og pagserbisyo sa atong minahal nga Barangay Basak.

Mabuhay ang Kilusang Pagbabago Pilipinas - Basak Chapter. Mabuhay ang Lumad Basakanon.

Panghitabo Karon mga ka-Lumad Basakanon.

Atoang maabtikon nga Team Kilusang Pagbabago Pilipinas - Basak Lapu-Lapu City Chapter inubanan sa atong KKP-BBMI Chairperson Sir Carlos Caballero. Nagpahigayon kita sa atong mga kaubanan sa Basak Fatima Chapel Extension - Upper Kagudoy kaganihang hapon June 17, 2023, adlawng Sabado sa atoang Orientation and Consultation Meeting diin atong gihatagan sila sa pagpasabot kabahin sa atoang tuyo og tumong sa atong maayo nga organisasyon, ang Kilusang Pagbabago Pilipinas. Diin gihatagan sad nato sila og kaalam og assistance alang sa mga programa nga anaa sa atong komyunidad nga atong matabangan nga ipahatod kanila. Ato pud silang gitabangan sa pagpahigayon sa ilahang election of officers aron sila magkahiusa og mas mapalig'on pa ilahang Community Based Organization.

Pag-usab, Daghang Salamat Basak Fatima Chapel Extension -Upper Kagudoy sa inyong maabtikon nga pagsanong og sa mainiton ninyo nga pagdawat sa Kilusang Pagbabago Pilipinas - Basak Lapu-Lapu City Chapter.
Sinugdanan palang ni sa atong mga kabag'ohan. Padayon ta sa paglambisog og pagserbisyo sa atong Barangay. God bless kanatong tanan. Mabuhay KPP, Mabuhay ang Lumad Basakanon.