Beto Assembly Of God

Ptr.Sony Lagaen

Din Sinpo Ay Bilin
(20:1-21)
201 Idi makdeng di, pag mankalis Diyos yan kanana, 2 “Sak-en si Yahweh ay Diyos yo ay nangipango en dakayo ay komaan ed Egipto ay naibabag-enan yo. 3 Adi kayo mandaydayaw si odom ay diyos mo adi sak-en et anggoy.
4 “Adi kayon man-am-amag ono mankitkitikit si daydayawen yo sin kompormi ay kaman din wadad daya, wadas nan lota ono wada sin danom. 5 Adi kayon manyakog-ong ono mandayaw en daida, tan sak-en si Yahweh ay Diyos yo et adiak ipalobos ay waday ikadkadwa yon sak-en ay daydayawen yo. Dosaek di mangontra en sak-en ya din poli na enggana sin anak di apo na. 6 Ngem ipailak pay di layad ko sin manglaylayad en sak-en ya manongpal sin bilbilin ko engganas maikapiga ay libo ay apo.
7 “Adi yon os-osalen din ngadan ko si owat magay silbi na, tan sak-en si Yahweh ay Diyos yo et dadlonak dosaen din adi mamanol sin ngadan ko.
8 “Banolen yo din agew ay pan-ibbayan ta ikasin yo ay agew para en sak-en. 9 Enem ay agew di pan-oblaan yo, 10 ngem din maikapito ay agew et pan-ibbayan ay naidaton en sak-en. Isonga maga di man-obla sin agew ay doy, olay din an-ak ya bag-en yo, din animal yo ya din mangili ay wada sin ili yo. 11 Tan sak-en ay Diyos et pinarsuak sin enem ay agew din daga, ed daya, din baybay ya din amin ay wada en daida, ngem nan-ibbayak sin maikapito ay agew, isonga tinodingak di ay say agew ay pan-ibbayan ay mailasin para en sak-en.
12 “Patgen yos da ama en ina yo ta say omando di biyag yo sin daga ay idawat ko en dakayo.
13 “Adi kayo manpespese.
14 “Adi kayon daddaagen di baken yon asawa.
15 “Adi kayon mangak-akew.
16 “Adi kayon mantistigo ay man-etek.
17 “Adi kayon gamgamgaman din beey di ib-a yo, din asawa na, baa na, baka ya dangki na ya odom pay ay sanikwa na.”
18 Manpayegpeg din ipogaw si egyat da idi dengngen dan kido ya tanggoyob dowan dan ilaen din kimat ya omas-asok ay dontog, isonga adi da sinmag-en sin dontog. 19 Et kanan da en Moses, “Olay sik-a et di makikali en dakami et laton ay patien mi. Basta baken si Diyos tan adi pay matey kami.”
20 Ngem kanan Moses ay nanongbat, “Adi kayon emegyat tan inmali si Diyos ta ilaena mo tet-ewa ay patien yos sisya ya itoltoloy yo ay manongpal sin bilina ta adi kayon manbasol.” 21 Ngem nantettee dan ipogaw sin ad-addawi et enggay Moses si sinmag-en sin naposkol ay liboo ay kad-an Diyos.

© 2018, Wycliffe Bible Translators, Inc., Orlando, FL 35862-8200 USA (www.Wycliffe.org); Audio: ℗ 2015, Hosanna (Bible.is) — Visit www.ScriptureEarth.org for more Scripture resources in Kankanaey.

Wycliffe Bible Translators | Christian Mission Organizations - Wycliffe Bible Translators Millions of people are still waiting for God’s Word in a language and format that speaks directly to their hearts. Browse through Wycliffe’s Gift Catalog this holiday season and choose from a selection of gifts that deliver Scripture to people around the world.

Maawis kau ay mangipost c bible verse uno messages cna ay maepanggep cn Biblia..salamat