Omega-3 Krill Oil

SINTOMAS NG ATAKE SA PUSO

Ang atake sa puso, kilala din bilang acute myocardial infarction, o AMI. Ito ay isang apurahang mensahe mula sa iyong puso na nagkukulang ito ng oxygen. Kapag ang namuong dugo ay bumara sa ugat na papunta sa puso (coronary artery), ang dugong mayaman sa oxygen ay hindi makararating sa bahagi ng iyong puso o sa iyong buong puso. Ang kalamnan ng puso ay magsisimulang mamatay. Nagiging sanhi ito ng mga sintomas ng atake sa puso. Kung ikaw ay madadala sa ospital sa lalong madaling panahon, mas madaling mauumpisahan ang gamutan upang mailigtas ang iyong buhay at ang iyong puso.

MGA BABALANG SINYALES NG ATAKE SA PUSO

-Kawalan ng pagkakomportable sa dibdib. Karamihan sa mga atake sa puso ay may kawalan ng pagkakomportable sa gitnang bahagi ng dibdib na tumatagal nang higit sa ilang minuto, o nawawala at bumabalik. Ito ay maaaring madama na parang di komportableng pagbigat, pinipiga, kapunuan, paninikip, o pananakit. Kadalasan nang inilalarawan ito na may mabigat na bagay na nakadagan sa iyong dibdib.
-Kawalang ginhawa sa ibang bahagi ng itaas na katawan. Kabilang sa mga maaaring sintomas ay ang pananakit o kawalang ginhawa sa isa o parehong bisig, sa likod, leeg, panga o tiyan.
-Kakapusan sa hininga na mayroon o walang pananakit ng dibdib.
-Ang iba pang mga senyales na maaaring kabilang ay ang pagpapawis ng malamig, pagduduwal o kawalan ng balanse.

PAALALA PARA SA KABABAIHAN.
Katulad ng mga kalalakihan, ang mga kababaihan ay karaniwang nagkakaroon din ng pananakit ng dibdib o kawalang ginhawa bilang sintomas ng atake sa puso. Ngunit ang mga kababaihan ay kadalasang mas nagkakaroon ng ibang karaniwang mga sintomas kaysa sa mga lalaki, partikular na ang kakapusan sa hininga, pagduduwal at pagsusuka, pananakit ng likod at panga.

Ang mga mas nakatatandang mga tao ay maaari ding magkaroon ng hindi karaniwang mga sintomas. Kabilang sa mga sintomas ang pagkawala ng malay (syncope), panghihina, o pagkatuliro (nagdedeliryo). Ang mga sintomas na ito ay dapat kaagad na matingnan. Ang pagbabalewala sa mga iyon ay maaaring umakay sa malalang karamdaman o pagkamatay.

Kung mayroon kang diyabetis, ang mataas na asukal sa dugo ay makakasira sa mga nerbyo ng iyong katawan sa kalaunan. Maaari ka nitong pigilang makadama ng pananakit na sanhi ng problema sa puso, na humahantong sa isang “tahimik” na problema sa puso. Kung hindi ka nakakaramdam ng mga sintomas, mas malamang na hindi ka kaagad makatanggap ng paggagamot. Makipag-usap sa tagapangalaga ng iyong kalusugan tungkol sa papaano pabababain ang panganib ng pagkakaroon ng hindi napapansing (tahimik) problema sa puso.

Ang mga taong nagkaroon na ng isang atake sa puso ay nanganganib na magkaroon ulit ng isa pang atake sa puso. Maaaring magreseta ng gamot ang iyong tagapangalaga sa pananakit ng dibdib. Malamang na kailangan mo rin ng gamot para pababain ang iyong pintig ng puso at presyon ng dugo upang mapigilan ang angina at iba pang atake sa puso. Tandaan na kailangan mong tumanggap ng mga gamot na ibinigay ng iyong tagapangalaga tulad ng itinagubilin. Huwag ihihinto ang mga gamot na ito ng hindi muna nakikipag-usap sa kanya.

----Palala mula sa Coreq10+.