Hamza Mehsud Podcast

افغانستان میں زلزلے سے متاثرہ علاقوں کا آنکھوں دیکھا حال
(حمزہ محسود صحافی )
یہ 25 جون 2022 کی بات ہے ، جب میں سینئیر قبائلی صحافی، سیلاب محسود ( مرحوم ) کے فرزند اور مشال ریڈیو کے نمائندے اشتیاق محسود کیساتھ بذریعہ طورخم بارڈر افغانستان روانہ ہوا اور تقریبا 18 گھنٹوں کی ڈرائیونگ کے بعد ہم (ڈانگر لگاڈ اور گیان ) پہنچے جہاں پر شدید زلزلے نے ہر طرف تباہی مچائی تھی ، اونچی اور سنگلاخ پہاڑوں کے بیچ درہ میں واقع مکانات رہنے کے قابل نہیں تھے اور پورے پورے خاندان Tents میں رہائش پذیر تھے جنہیں دیکھ کر انتہائی افسوس ہوا اور وہاں پر موجود باہر سے آنے والا ہر شخص افسوس ہی کرتا رہا ۔

وہاں پر دیکھا کہ ملکی اور بین الاقوامی امدادی اداروں کے قافلے امارات کی سیکیورٹی میں آتے جاتے رہے ہیں اور خوراکی ، غیر خوراکی اشیاء ، میڈیسن اور یہاں تک mineral water پہنچاتے رہے ۔

اس کے ساتھ ساتھ دیکھا کہ افغانی نوجوان مختلف دور دراز علاقوں سے آئے ہوئے تھے اور متاثرہ لوگوں کو اپنائیت کا احساس دلاتے اور ان میں امدادی سامان تقسیم کرتے رہے ۔

وہاں پر دیکھا کہ لوگ خاموشی کیساتھ قطاروں میں ٹھہر کر امدادی اشیاء وصول کر رہے ہیں جبکہ کسی بھی خاتون کو نہیں دیکھا جو لائن میں کھڑی ہوکر ، یا گود میں بچے کو اٹھا کر سامان وصول کررہی ہو جس طرح یہاں مختلف امدادی پیکجز کی آڑ میں ہماری ماوں بہنوں کیساتھ ہوتا ہے اور ان پر نظم و ضبط کے نام پر لاٹھیاں برسائی جاتی ہیں یا گالیاں دی جاتی ہیں ۔

امدادی اشیاء وصول کرنے والے متاثرہ افراد کیساتھ گفتگو ہوئی تو انہوں نے بتایا کہ یہاں پر سامان کی فراہمی بہترین طریقے سے ہورہی ہے اور ہمیں بھی یقین ہے کہ خردبرد کا تصور ناممکن ہے۔

انہوں نے کہا کہ انکی مشکلات آنی والی سردیوں میں مذید بڑھے گی کیونکہ زلزلہ اتنا شدید آیا ہے کہ جو مکانات زمین بوس ہوئے بھی نہیں مگر ان کی بنیادیں ہل چکی ہیں اور اس میں بچوں سمیت رہنا نقصان دہ ہے ، جبکہ جو مکمل تباہ ہوئے ہیں اس میں تو بیٹھنا بھی مشکل ہے اور اسی وجہ سے ہم مجبورا tents میں راتیں بسر کررہے ہیں۔

زلزلے سے متاثرہ افراد کا ایک ہی مطالبہ تھا کہ سردیاں آنے سے قبل افغان حکومت ہمارے لئے نئے مکانات تعمیر کریں یا کسی اور محفوظ جگہ پر ہمیں منتقل کریں تاکہ مشکلات مذید نہ بڑھ جائیں جبکہ وہ دو اور مطالبوں کا بار بار ذکر کر رہے تھے کہ پچھلی ادوار میں یہاں پر کوئی بھی ترقیاتی پراجیکٹس پر کام نہیں ہوئے لہذا حکومت گیان اور دوسرے ملحقہ علاقوں میں سکولز اور صحت کے مراکز قائم کریں ۔

امدادی پیکجز کی فراہمی کے دوران حکومت کے نمائندوں سے ملاقات کی تو انہوں نے بتایا کہ 1000 سے زائداد افراد اس سانحے میں شہید اور 1500 سے زائد زخمی ہوئے ہیں جبکہ 2200 کے قریب پالتو جانور بھی جاں بحق ہوئے ہیں ۔

( چند روز گزرنے کے بعد who کی رپورٹ دیکھی تو اس میں انہوں نے 1036 افراد شہید اور 2949 افراد کے زخمی ہونے کی رپورٹ آئی ہے )

حکومت کے نمائندہ افراد نے بتایا کہ آپ کیمپ میں موجود کسی بھی شخص سے پوچھ سکتے ہیں کہ جس وقت زلزلہ آیا تو ہم نے شہید اور زخمی ہونے والے گھرانوں کے لواحقین کو کیمپوں میں نہیں بلایا کہ آپ کو camps پر ہی امدادی رقم دی جائے گی بلکہ ہم خود انکے پاس گئے اور گھر کے دروازے پر انہیں امدادی رقم دی گئی ۔
انہوں نے بتایاکہ فی شہید کے لواحقین کو 1 لاکھ دس ہزار افغانی ( جو پاکستانی اڑھائی لاکھ روپے بنتے ہیں ) دئے ہیں جبکہ زخمی ہونے والے فی کس کو 50 ہزار افغانی دئے گئے ہیں اور ساتھ ساتھ جن گھرانوں کے افراد اس سانحے میں شہید ہوئے ہیں، انہیں امدادی سامان گھر پر دیا جارہا ہے ۔

(جاری ہے )

Attitude is everything.

Where the driving is on the right side of the road.

Life is a constant journey and we learn when we travel.

افغانستان کے صوبہ پکتیکا کے سب سے بڑے شہر اورگون میں جسے مقامی زبان میں ورگین کہا جاتا ہے جس کا مطلب ہر رنگ و نسل کے لوگوں کی آماہ جگاہ ۔
ستمبر 2021 میں

ستمبر 2021 میں افغانستان کے دارالحکومت کابل میں

Hamza Mehsud Podcast is now on WhatsApp.

بارڈر سے پار بھی آپ کی یاد لوگوں کو آتی ہے ۔
افغانستان کے علاقے اورگون میں ہوٹل پر بیٹھے ایک شخص نے پوچھا کہ کون ہو تو بتایا کہ وزیرستان سے ہوں تو اس نے کہا کہ اوہو اچھا ، سیلاب مسید کی آواز اب بھی کانوں میں گونجتی ہے ۔ ان کے روایتی لہجے میں مشال ریڈیو کی رپورٹ ہمیں وزیرستان کا سارا منظر دکھاتی تھی حالانکہ آج تک میں وزیرستان گیا بھی نہیں ۔
Rest in peace Sailab Mahsud
حمزہ محسود قبائلی صحافی

د کابل پہ غرح جوڑ کڑلی شوی شائستہ کورونہ
Houses on the mountain of Kabul ❤

Story of a missing person

7مارچ 2015 کی شب 12 بجے کے قریب پانچ چھ افراد ٹانک شہر کے گنجان آباد علاقے وزیر آباد میں موجود ایک مکان کے دروازے کو زور زور سے کھٹکھٹانے لگے. اندر سے آواز آئی کہ کون تو باہر سے بارعب آواز آئی کہ ملک شاورنگ کو اپنے ساتھ لے جارہے ہیں. گھر کا دروازہ کھلا تو دیکھا کہ ان افراد نے تو کسی بھی فورس کی وردیاں نہیں پہنی تھیں بلکہ سادہ کپڑوں میں ملبوس تھے اور ہاتھوں میں موجود اسلحے کو اپنے ہر ایکشن کیساتھ لہرانے لگے. اس وقت ملک شاورنگ کمرے سے باہر آیا تو ان افراد سے پوچھنے لگا تو انہوں نے پھر اپنے الفاظ دہرائے کہ آپ کو ساتھ لیکر جارہے ہیں. گھر میں اس وقت کیا ماحول بنا ہوگا مگر ملک شاورنگ نے سب کو کہا کہ خیر ہے ان افراد کیساتھ جاتا ہوں. آجاونگا جلد ہی واپس اور یوں گھر والوں کے سامنے ہی ملک شاورنگ کو اپنے ساتھ سادہ کپڑوں میں ملبوس افراد اپنے ساتھ لے گئے اور آج تک گھر کے تمام افراد ملک شاورنگ کے چہرے کو دیکھنے کے لئے ترس رہے ہیں.
یہ سال 2012-13 کی بات ہوگی جب پاکستانی حکومت نے فیصلہ کیا کہ طالبان کیساتھ مذاکرات کرینگے اور مذاکرات کے لئے پولیٹیکل انتظامیہ کو ٹاسک دیدیا. انتظامیہ نے محسود قبیلے سے تعلق رکھنے والے ایک درجن کے قریب مشران پر مشتمل ایک کمیٹی بنائی جو طالبان کے پاس جاکر حکومتی موقف ان کے سامنے رکھے گے. ملک میں امن لانے کے لئے ان مشران میں ملک شاورنگ بھی شریک تھا تاکہ حکومت و طالبان کے درمیان مذاکرات کراکے امن کی فضاء قائم کرنے میں کردار ادا کریں.
ایک روز فاٹا سیکریٹریٹ گیا تو وہاں پر ایک monument دیکھا جس پر شہید ہونے والے فاٹا سے تعلق رکھنے والے مشران کے نام آویزاں تھے مگر اس میں جنوبی وزیرستان سے تعلق رکھنے والے مشران کی تعداد سب سے زیادہ تھی جو 100 سے بھی اوپر بنتی تھی. 2003 سے عام شہری و سول افسران کے لئے حالات اس قدر خوفناک بنائے گئے ہیں جب وہ نامعلوم افراد کے ہاتھوں اٹھایا جاتا ہے تو اس عام شہری یا سول آفیسر کو نہ گھر والے سرعام پوچھتے ہیں اور نہ ان کے رشتہ دار یا اپنے محکمے کے لوگ کیونکہ کئی بار لوگوں سے سنا ہے کہ ہم جب اپنوں کا پوچھتے ہیں تو ہمیں بھی دھمکیاں دی جاتی ہیں.
سال 2003/04 سے فروری 2017 تک ہزاروں لوگ اٹھائے گئے اور کثیر تعداد میں پھینکے گئے اور ایسے بھی کیسز سامنے آئے کہ dead body کو اٹھانے کے لئے جب ان کے اہلخانہ جاتے تھے تو قاتل انہیں اسی شرط پر انہیں dead body دیتے تھے کہ اگر کسی کو ہمارا ذکر کیا تو انجام آپ لوگوں کا بھی یہی ہوگا..
بات کہاں سے کہاں گئی. مگر نقیب کی شہادت کے بعد پشتون تحفظ موومنٹ کے قیام اور وہ جن افراد کی نشاندہی کرتے آرہے ہیں وہ افراد مختلف کالی کوٹھڑیوں سے آزاد ہورہے ہیں اور ان کی تعداد ایک ہزار کے قریب پہنچ گئی ہے . پشتون تحفظ موومنٹ کی نشاندہی و افراد کا release ہونا بھی ہماری فورسز کے لئے بدنامی کا باعث بن رہے ہیں اور وہ بدنامی پشتون تحفظ موومنٹ والے نہیں کررہے بلکہ وہ کردار ادا کر رہے ہیں جو رات کے اندھیروں میں اپنے ماتحت اہلکاروں کو کسی کے گھر بیج کر کسی کو اٹھا لیتے ہیں اور کئی کئی سال کوٹھڑیوں کی نظر کردیتے ہیں.
میں ان افسران و اہلکاروں کے احتساب کی بات کبھی بھی نہیں کروں گا جو فورسز کو اپنے غیر قانونی کرتوتوں کی وجہ سے بدنام کررہے ہیں مگر میں آرمی، ایف سی اور قانون نافذ کرنے والوں سے درخواست کرتا ہوں کہ ملک شاورنگ کو release کیا جائے یا پاکستانی عدالتوں کے سامنے پیش کیا جائے اور ساتھ میں عدالتوں کو یہ بھی کہا جائے کہ 7 سال تک ہم نے ملک شاورنگ کو حبس بے جا میں رکھا.
ملک شاورنگ محسود کا تعلق جنوبی وزیرستان کے علاقے زاندو عباس خیل تحصیل تیارزہ سے ہے.
تحریر : حمزہ محسود ( قبائلی صحافی )

At Makli Necropolis during the shooting of a documentary