2aabah tv دوآبہ ٹی وی
دوآبہ ٹی وی تے تسی ویکھو گے پنجاب دا کلچر، تاریخ، ثقافت ،رہن سہن، رسم و رواج، کھیت کھلیان، پنجاب دی بولی ،لہجے ،موسیقی، شاعری،
15/06/2024
,,,,,ساڈے پِنڈ اک بوڑھ سی،،،،،
ساڈے پِنڈ اک بوڑھ سی جِس تے
پکھواں دے سن ڈیرے
سبھناں دے وچ سانجھ سی ڈاڈھی
ہے سی پیار پُرانا
چڑھدے دِن دی لالی ویلے
چوگاں لئی ٹُر جاندے
پِچھوں سارے بوٹاں رل کے
کھیڈنیاں گئی کھیڈاں
شامیں پرت کے آون مگروں
کِنی رونق لگنی
گُھگھی لالھی سہیڑاں رل کے
گاونے کِنج کِنج ٹپے
چڑیاں نے وی مشری ورگے
مِٹھے گیت سناونے
توتے کاں کبوتر وی سن
ہیکاں لالا گاؤندے
سبھے غمیاں خُشیاں رل کے
اِکے تھاں سن کردے
بھین بھراواں وانگوں سبھ نیں
سارے دُکھ سُکھ ونڈنے
جپھیاں پا پا رج مناؤنی
رل کے عید وساکھی
چِربل گاہلڑ تے گِرجھاں نوں
گل نہ وارا کھادی
کِرلےتےکُجھ سپاں نوں نہ
بوڑھ دی رونق پُجی
ایہناں رل کے سبھ پکھواں نوں
اُلٹے سبق پڑھائے
ہولی ہولی اک دوجے دا
ویری کرکے چھڈیا
اوڑک اِک دِن چار چوفیرے
گُھل پئ لال انھیری
اِک دوجے دے آہلنیاں نوں
لاون لگ پئے اگاں
پر تے چُنجھاں پھٹڑ کرکے
ایدھر اودھر ٹُر گئے
عمراں دی ہر سانجھ مُکا کے
عُمراں بھر لئی وچھڑے
گُھگھی، لالھی، سہیڑ کبوتر
وچھڑ گئیاں سبھ چِڑیاں
کُجھ وڈیاں دی نفرت پِچھے
رُل گئے بوٹ وچارے
جِنے چر نوں ہوشاں آیاں
ہو گئے ہتھوں خالی
جہڑی گل لئی ہجر کمایا
اوہ وی گل نہ لبھی
اندرو اندری پِھردے نیں سبھ
حالے تک پچھتاندے
ہن جد آون غمیاں خُشیاں
آوے عید وساکھی
روندے نے فِرلہندے چڑھدے
بوڑھ نوں چیتے کرکے
زندگی دے سفر دراز دے وچ میرے کئ دلدار کھڑی گئے
کئ نور کھڑی گئے اکھیاں دے کئ گل دے ہار کھڑی گئے
کھڑے کئ الطاف اس اُرلی منڑ تے کئ اپڑ کے پار کھڑی گئے
کئ سال پسالی مل پوندن کئ سجن ہنجار کھڑی گئے
مہر الطاف حسین بھروانہ
پانی اتے اَیر نہ جاندا
جے میں کنڈھے ٹھہر نہ جاندا
گلاں تیکر زہر نہ جاندا
جے میں پنڈوں شہر نہ جاندا
ساڈی نیت ٹھیک جے ہوندی
نسلاں تائیں وَیر نہ جاندا
دل جے میرے آکھے لگدا
اوس گلی ول پَیر نہ جاندا
میں تے سورج گھیر لیا سی
ہو جے پچھلا پہر نہ جاندا
موتے تیرا ککھ نہ چھڈدا
ساہ جے میرا ٹھہر نہ جاندا
آس جُدوں دی ٹُٹی اے--------- تے چُھٹی اے
عقل جُو اگے جُٹی اے---------- تے چُھٹی اے
کُھرے تے ڈانگاں واہیاں نیں کجھ راہیاں نے
مطلب،،، لیک ای کُٹی اے-------تے چُھٹی اے
نس لے سجناں -------- جتھوں تیکر نسنا ای
تینوں کھلی چھٹی اے -------- تے چھٹی اے
قید وجود دی----روح تے بھوگی جاندی سی
ساہ نے سنگھی گُھٹی اے ---- تے چھٹی اے
قسمت ویکھو ----- ساڈے پیار دی ڈور کلیم
ادھ وچکاروں ٹُٹی اے ------- تے چھٹی اے
اپنیاں اکھاں خاب ادھارے بالکل وی نہیں وارے
بُجھیا چن تے ٹٹے تارے بالکل وی نہیں وارے
گھر جے جمی ہووے بھلیا ہیر مزاجاً لاڈو
مجاں کوئی رانجھا چارے بالکل وی نہیں وارے
انبر دی کنڈ نیل و نیل تے دھرتی دے بُلھ پاٹے
زہراں ونڈدے موسم چارے بالکل وی نہیں وارے
موہڈیاں اتے سر وی ہووے بانہواں ہون سلامت
فر وی بندہ پِڑ وچ ہارے بالکل وی نہیں وارے
مٹی مٹی مٹی احمد مٹی مٹی مٹی
اینے وڈے بول بلارے بالکل وی نہیں وارے
سچ مُچ سکیاں ماواں ورگے سوہنے ساوے رُکھ
جنتی اے اوہ جیہڑا جیہڑا جگ تے لاوے رُکھ
نہ ایہہ دین دھرم نوں ویکھے، نہ نسلاں نہ رنگ
تاں تے سبھ نوں اِکو جِنے سکُھ ورتاوے رُکھ
اوہناں کولوں پُچھ جنہاں دے اُجڑ جاندے گھر
کیہ ہوندا اے جد کدھرے کوئی وڈھیا جاوے رُکھ
شہر دی سڑک دا سیکا جد وی ساڑے سِر تے پیر
پِنڈ دا کچا راہ تے اک اک چیتے آوے رُکھ
ککّر ٹالھی، بیری، نِمّاں، پُپل، بوڑھ، شریہنہ
کوئی تے ساڈے رُس کے جاندے موڑ لیاوے رُکھ
جیہڑی چھاویں تُوں بہنا ایں، اوسے چھاں دے لئی
تُوں کیہ جانے کیہڑی کیہڑی دُھپ ہنڈاوے رُکھ
آ جا سندھو لے کے آئیے اوہ ہریالی رُت
نچن پتے، ہسن لگراں، تھاں تھاں گاوے رُکھ(
لُنڈی رَن پردھان
کوئی وی گل بات نہ پچھنا
مینوں میری ذات نہ پچھنا
اسی ذات پات دے جہڑے وچ
اسی کلم کلے ویہڑے وچ
اسی دل دی بات گنوا بیٹھے
اسی اپنا آپ ہرا بیٹھے
کوئی شیعہ سنی وہابی نیں
سب کردے گل کتابی نیں
کوئی عقل شعور دی گل کردا
کوئی بشر تے نور دی گل کردا
اسی ویندے پکھے مردے نہ
اسی اپنے آپ نوں پڑھدے نہ
آج ایکتا اپنی بھل گئی اے
پت غیرت ساڈی رل گئی اے
اسی اپنے گھر اجاڑے نیں
اساں ہتھیں اپنے ساڑے نیں
کج وچ خیوانی سوچ دے نیں
جو معصوماں نوں نوچدے نیں
اسی غیراں دے ہتھ چڑھ کے تے
آج ہتھ وچ کاسہ پھڑ کے تے
سانوں عزت اپنی بھل گئی اے
پگ ساڈی پیری رل گئی اے
ایتھے بھیڑیے پھردے ڈاراں وچ
اے غنڈے سب سرکاراں وچ
اوکھی اپنی جان پچھان ہوئی
ایتھے لنڈی رن پردھان ہوئی
دلدی گزارشات نوں چھڈو تے ساہ لوو
ہتھاں تے اپنے آپ ای لیکاں نہ واہ لوو
چن نے تے چن ای رہنا اے چیتے رہوے حضور
چن نوں جے آسمان توں تھلے وی لاہ لوو
کیوں جان جان کوکدے پھردے او دوستو
جے جان دی ای گل اے تے آہ پئی جے آہ لوو
دل دا علاج ہیرے توں نئیں ہوونا جناب
بھا جی کسے فقیر توں چونڈھی سواہ لوو
غرضاں دا ماریا اے اوہ سمجھے گا کسراں پیار
اوہنوں کلیم جی تسی جناں وی چاہ لوو
11/05/2024
With Irshad Sandhu – I just got recognized as one of their top fans! 🎉
Click here to claim your Sponsored Listing.
Videos (show all)
Contact the school
Telephone
Address
Gujrat college of commerce
Bolly Road Near Shah Jihangir Tomb Gujrat
Gujrat, 50700
For the new, current and old students of Gujrat Group of Colleges. You can share any thing regarding
Students' Management Society
University Advancement Office, University Of Gujrat
Gujrat, 50700
UOG, VC’s Corps!
ODEUM ART SOCIETY
Office P112 University Of Gujrat
Gujrat, 50700
Odeum Art Society, University of Gujrat is a real-world test center for the students and professionals interested in performing arts and video production.
PPDC-Pakistan Product Design Centre
University Of Gujrat
Gujrat
For the first time in Pakistan Product Design Development via PPDC is the new Industrialization of P
Kiran Online Quran Academy
Gujrat
Kiran Online Quran Academy Chandala is designed for children in Europe who do not have mosques near their children's homes so that they can learn the Qur'an.
Suluk Education System
Challay Sharif Road, Karianwala
Gujrat, 50830
An education system that seeks to establish enlightened schools for young minds, rooted in tradition