Madni Media

40 روحانی علاج

شیخ سید احمد شاہ کالپوی رحمتہ اللہ علیہ
❤ عرس 19 صفرالمظفر 💚

یاالہٰی رحم فرما مصطفٰی کے واسطے
یارسول اللہ کرم کیجے خدا کے واسطے
دے محمد کے لئے روزی کر احمد کے لئے
خوانِ فضل اُللہ سے حصّہ گدا کے واسطے

دار الافتاء اہلسنت دعوت اسلامی کے آفیشل واٹس ایپ چینل کو فالو کریں
نوٹ : اس کے علاوہ دار الافتاء اہلسنت دعوت اسلامی کا کوئی آفیشل چینل نہیں ہے
Follow the Darulifta Ahlesunnat Dawateislami Official on WhatsApp:
https://whatsapp.com/channel/0029Va7UnemGzzKbCY0Qlr2N

💕شان خاتون جنت سیدہ فاطمہ زہرا رضی اللہ عنہا♥️♥️♥️♥️♥️♥️♥️♥️♥️♥️♥️💕
سیدہ کائنات حضرت بی بی فاطمہ زہرا رضی ﷲ عنہا نبی کریم ﷺ کی سب سے چھوٹی اور لاڈلی شہزادی تھیں آقا کریمﷺ جب کسی سفر پر تشریف لے جاتے تو سب سے آخری جس شخصیت سے ملاقات کرتے وہ سیدہ کائنات ہوتیں اور واپسی پر سب سے پہلے آپ کے گھر تشریف لاتے تھے،نبی کریم ﷺ آپ کو سونگھا کرتے تھے کیونکہ آپ سے جنت کی خوشبو آیا کرتی تھی اس لئے نبی اکرم ﷺ نے فرمایا فاطمہ زہرا رضی ﷲ عنہا انسانی حور ہیں
(الروض الفائق فی الواعظ والرقائق،ص274)

سیدہ خاتون جنت کو یہ اعزاز حاصل ہے کہ نبی کریمﷺ کی نسل مبارک آپ سے چلی اور آپ کے گھرانے کو یہ شرف بھی حاصل ہے کہ بابا جان تمام کائنات کے سردار،شوہر تمام اولیاء اللہ کے سردار،بیٹے جنتی جوانوں کے سردار، آپ خود جنتی عورتوں کی سردار اور آپ کی اولاد (اہل بیت) تمام جہاں کے قبیلوں و قوموں کی سردار ہے۔
آپ رضی ﷲ عنہا پردہ کا بہت اہتمام کرتی تھی کہ حضرت مولا علی کرم اللہ وجہہ الکریم فرماتے ہیں:
بوقت وصال سیدہ فاطمہ زہرا رضی ﷲ عنہا نے مجھے وصیت فرمائی کہ جب میں دنیا سے رخصت ہو جاؤں تو رات میں دفن کرنا تاکہ کسی غیر مرد کی نظر میرے جنازے پر نہ پڑے۔
(مدارج النبوت 623/2)

بروز قیامت آپ کی شان یہ ہوگی کہ جب پل صراط سے گزرنے لگیں گی تو ایک منادی اعلان کرے گا : اے اہل مجمع ! اپنی نگاہیں جھکا لو تاکہ حضرت فاطمہ بنت محمد ﷺ رضی اللہ تعالی عنہ پل صراط سے گزرے۔
(جامع صغیر 57/1)

اللّٰه کریم سیدہ مخدومہ کائنات کے صدقے ہم سب کو محبت اہل بیت عطا فرمائے۔۔آمین

جس سے کھاری کنویں شِیرئہ جاں بنے
اس زُلال حَلاوَت پہ لاکھوں سلام

وہ دَہن جس کی ہر بات وَحیِ خدا
چشمۂ علم و حکمت پہ لاکھوں سلام

وہ زباں جس کو سب کن کی کنجی کہیں
اس کی نافذ حکومت پہ لاکھوں سلام

لَیْلَۃُ الْقَدْر میں مَطْلَعِ الْفَجْر حق
مانگ کی اِستِقامت پہ لاکھوں سلام

جس کے ماتھے شفاعت کا سہرا رہا
اس جَبِینِ سَعادت پہ لاکھوں سلام

جن کے سجدے کو محرابِ کعبہ جھکی
اُن بھووں کی لطافت پہ لاکھوں سلام

دُور و نزدیک کے سُننے والے وہ کان
کانِ لعلِ کرامت پہ لاکھوں سلام

جس طرف اٹھ گئی دم میں دم آ گیا
اُس نگاہِ عنایت پہ لاکھوں سلام

نیچی آنکھوں کی شرم و حیا پر دُرود
اونچی بینی کی رفعت پہ لاکھوں سلام

پتلی پتلی گلِ قُدس کی پتّیاں
اُن لبوں کی نزاکت پہ لاکھوں سلام

جس کی تسکیں سے روتے ہوئے ہنس پڑیں
اُس تبسم کی عادت پہ لاکھوں سلام

اس کی باتوں کی لذّت پہ لاکھوں درود
اس کے خطبے کی ہَیبت پہ لاکھوں سلام

جس کے آگے کھنچی گردنیں جھک گئیں
اُس خدا داد شوکت پہ لاکھوں سلام

جس کے آگے سرِ سَروَراں خَم رہیں
اس سرِ تاجِ رِفعت پہ لاکھوں سلام

دوش بر دوش ہے جن سے شانِ شرف
ایسے شانوں کی شوکت پہ لاکھوں سلام

ہاتھ جس سمت اٹھا غنی کر دیا
موجِ بحرِ سَماحَت پہ لاکھوں سلام

جس کو بارِ دوعالَم کی پروا نہیں
ایسے بازو کی قوت پہ لاکھوں سلام

نور کے چشمے لہرائیں دریا بہیں
انگلیوں کی کرامت پہ لاکھوں سلام

عیدِ مشکل کُشائی کے چمکے ہلال
ناخنوں کی بِشارت پہ لاکھوں سلام

کل جہاں مِلک اور جَو کی روٹی غذا
اس شکم کی قناعت پہ لاکھوں سلام

کھائی قرآں نے خاکِ گُزَر کی قسم
اس کَفِ پا کی حرمت پہ لاکھوں سلام

جس سہانی گھڑی چمکا طیبہ کا چاند
اس دل اَفروز ساعت پہ لاکھوں سلام

کس کو دیکھا یہ موسیٰ سے پوچھے کوئی
آنکھوں والوں کی ہمت پہ لاکھوں سلام

اَلغرض اُن کے ہر مُو پہ لاکھوں درود
ان کی ہر خُو و خَصلت پہ لاکھوں سلام

ان کے ہر نام و نسبت پہ نامی درود
اُن کے ہر وقت و حالت پہ لاکھوں سلام

ان کے مولیٰ کی اُن پر کروروں درود
اُن کے اَصحاب و عِترت پہ لاکھوں سلام

ایک میرا ہی رحمت میں دعویٰ نہیں
شاہ کی ساری امت پہ لاکھوں سلام

کاش محشر میں جب ان کی آمد ہو اور
بھیجیں سب اُن کی شوکت پہ لاکھوں سلام

مجھ سے خدمت کے قُدسی کہیں ہاں رضاؔ
مصطفیٰ جانِ رحمت پہ لاکھوں سلام

الصلوةوالسلام علیک یارسول اللہ
وعلیٰ الک واصحابک یاحبیب اللہ

انوارالحدیث۔۔۔۔🌹🌹🌹🌹🌹🌹🌹🌹
فقیہ ملت حضرت علامہ مولانا مفتی جلال الدین احمد امجدی رحمة اللہ علیہ۔۔۔۔۔۔۔۔۔۔۔۔۔۔۔۔۔
پیشکش۔۔۔۔مجلس مدینة العلمیہ۔۔۔۔