Dr. Waqar Younus

میں مسیحا ہوں !!!

کب میں نے کہا تھا مجھے حساس بنا دے
اے میرے خدا مجھے کچھ اور بنا دے 😢

میں نے بچپن سے لے کر لڑکپن اور جوانی کے ایام درد مسیحائی اور "اپنی قوم کی خدمت" کے جذبے سے سرشار پڑھائی میں گزار دئیے کیونکہ
"میں مسیحا ہوں"

میں برس ہا برس سے اپنوں کی خوشی ، غمی میں شریک نہ ہو سکا کیونکہ
" میں مسیحا ہوں"

میں نے راتوں کی نیند اور دن کا سکون قربان کر کے 18,18 گھنٹے روزانہ پڑھائی کی کیونکہ
"میں مسیحا ہوں "

میں مسلسل 36 سے اڑتالیس گھنٹے جاگ کر ڈیوٹی کرتا رہا کیونکہ
" میں مسیحا ہوں "

میں ڈیوٹی کے دوران چائے تک نہیں پی سکتا، کیا پتا کوئی ''مجبور'' 'نیلا تھوتھا' یا 'گندم کی گولی' کھا کر آ جائے اور پھر وہ "ڈاکٹر کی مبینہ غفلت " کی وجہ سے جان سے ہاتھ دھو بیٹھے

میں چوبیس گھنٹے کی ڈیوٹی کے بعد بھی چند گھنٹے کے لیے آرام نہیں کر سکتا،، کیا پتا کوئی من چلہ " ون ویلنگ " کرتا ہوا ہیڈ انجری کے ساتھ ایمر مجنسی میں لینڈ کرے اور میری " مبینہ غفلت " کی وجہ سے جانبر نہ ہوسکے

میں یہ سب اس لیے کرتا ہوں
کیونکہ
" میں مسیحا ہوں "

مگر اس سب کے باوجود میری قوم کے خودار اور 'غیور لوگ' جن کے "ٹیکسوں" سے مجھے "شاہانہ تنخواہ" ملتی ہے مجھے جب چاہیں گندی اور ننگی گالیاں سنا سکتے ہیں میرا گریبان پکڑ سکتے ہیں ،، مجھے سر بازار گھسیٹ کر ذلیل و رسوا کر سکتے ہیں حتی کہ مجھے جان سے بھی مار سکتے ہیں۔ یہ سب ان کا "حق" کیونکہ میں " ان کے ٹیکس کے پیسوں سے تنخواہ لیتا ہوں "
اور مزید یہ کہ اس سارے ظلم ستم کے بعد میں نا تو ان کو برا بھلا کہ سکتا ہوں ،، نہ ہی میری داد رسی ہوتی ہے ، نہ ہی اپنے حق کے لیے کسی سے رجوع کر سکتا ہوں اور نہ ہی کسی کے علاج سے انکار کر سکتا ہوں
کیوں ؟؟؟
کیونکہ

"میں مسیحا ہوں" 😢