NRL Pensioners Welfare Association

یاد رکھیں اگر آپ سےEOBI والے یہی غلط بیانی کرتے ہین کہ پینشن نہین بڑھائ جاسکتی کیونکہ کنٹریبیوشن کم جمع ہوتی ہے اور پینشن زیادہ دی جاتی ہے فنڈ ختم ہو جائے گا۔اپ فورا پوچھیں بھائی 400 ارب روپے کا کیش اور کھربوں کی جائیداد کی آمدنی بھی جمع کر کے بتلائو۔ کتنی بچت ہورہی ہے۔

یہی طریقہ نیشنل ریفائنری کی پینشن ،میڈیکل فنڈ کے کرتا دھرتالوگوں کاہے۔ یہی کہہ کر ڈراتے ہین۔جبکہ میری پینشن کے %50 روکے گئے اس فنڈ سے لاکھوں روپے کمائی کرتے ہو اور مجھے پینشنرز کو 500 روپے یا 1000روپے مہینہ بڑھاتے ہو؟😪😪😪 مہنگائی دوگنی بڑھتی ہے۔ شرح منافع بھی بڑھتاجا رہاہے۔ یعنی آمدنی بھی بڑھتی ہے مگر بے بس بوڑھے پینشنرز کو کچھ نہیں دیتے۔ سب کچھ خود ہضم۔ ☹😓😪😪

1عزتِ مآب جناب چیئرمین صاحب کمیشن برائے انسانی حقوق وفاقی دارالحکومت اسلام آباد۔ ۔۔۔۔۔
2۔عزت مآب جناب چیف جسٹس اف پاکستان۔۔۔۔۔
جناب عالی۔ میں ایک 77 سالہ ضعیف العمر ایک او بی آئی کا پینشنر آپ کی خدمت میں حسب ذیل عرض پرداز ہوں۔ ۔ایمپلائز اولڈ ایج بینیفٹ ایکٹ 1976 میں نافذ العمل ہوا جو وفاقی دائرہ کار میں آتا ہے۔ اس ایکٹ کا بنیادی اور اہم مقصد یہ ہے کہ صنعتی و کمرشل اداروں کے کارکنان کو 60 سال ملازمت کے بعد ریٹائر ہونے پر بڑھاپے کی پینشن و چند دیگر مراعات کا اجراء کیا جا سکے تاکہ یہ ضعیف العمر طبقہ اپنی آخری زندگی باعزت طریقے سے گزار سکے۔ اس ایکٹ پر عمل درآمد کےلئے ایمپلائز اولڈ ایج بینیفٹ انسٹیٹیوشن کا قیام عمل میں لایا گیا۔ جسکی بنیادی ذمہ داری ہے کہ وہ ملک کے تمام صنعتی و کمرشل اداروں کو اپنے دائرہ کار میں لاکر انہیں رجسٹر کرے۔ اور ان اداروں سے ایک مقرر شدہ رقم بطور کنٹریبیوشن وصول کرے اور ساتھ ہی ایک مخصوص رقم صنعتی کارکنان کی ماہانہ اجرت سے کاٹ کر ای او بی آئی ادارہ کو بطور کنٹریبیوشن جمع کراے۔ چنانچہ اس پر عمل شروع ہو گیا اور ای او بی آئی کو ماہانہ بنیادوں پر کنٹریبیوشن وصول ہونا شروع ہو گیا۔ لیکن 100 فیصد عملدرآمد ابھی تک نہیں ہو سکا جس کی وجہ ای او بی آئی کے حکام کی غفلت لاپرواہی غیر ذمہ دارانہ رویے اور صنعتی و کمرشل اداروں کے مالکان کا عدم تعاون ہے۔ پھر بھی ای او بی آئی ادارہ کے پاس اس کنٹریبیوشن کے اربوں روپے جمع ہیں۔ ای او بی آئی کا ادارہ جو ایمپلائز اولڈ ایج بینیفٹ ایکٹ پر عمل درآمد کےلئے وجود میں آیا اس کا نیٹ ورک پورے پاکستان میں واقع ہے۔ ہر ضلع میں فیلڈ افس، ہر ڈویژن میں زونل آفس، ہر صوبہ میں علاقائی آفس کراچی میں ہیڈ کوارٹر اور اسلام آباد میں بھی آفس قائم ہیں جن میں لاکھوں کی تعداد میں درجہ چہارم سے لے کر گریڈ 22 تک کے ملازمین تعینات ہیں جن کا رتبہ سرکاری ملازم کا ہے۔ سرکاری ملازمین کے تمام فوائد یعنی تنخواہیں، جی پی فنڈ، بینیولنٹ فنڈ، سالانہ ترقیاں، علاج معالجہ کی سہولیات سرکاری دوروں کے اخراجات گاڑیوں بمعہ فیول کے وغیرہ وغیرہ کے مستحق ہیں اور یہ تمام اخراجات آی او بی آئی کے جمع شدہ کنٹریبیوش سے ادا کیے جاتے ہیں یعنی حکومت پاکستان کے خزانہ سے نہیں بلکہ صنعتی و کمرشل اداروں اور ان کے کارکنان کی طرف سے جمع شدہ کنٹریبیوش سے ادا ہوتے ہیں۔ اس کے بر عکس نہایت ہی توجہ کا مقام ہے کہ جن کےلئے ای او بی آئی ایکٹ وجود میں آیا اور جن کو سہولیات دینے کیلئے یہ ادارہ قائم ہوا اور جن کی ماہانہ اجرت سے یہ کنٹریبیوشن جمع ہوا۔انہیں صرف اور صرف 8500 روپے ماہانہ پیشن ملتی ہے۔ عزتِ مآب جناب یہ ہے ظلم کی انتہا۔۔۔۔ایک عام صنعتی کارکن جس نے اپنی صحت مند زندگی اور اعلیٰ ترین کارکردگی کی عمر کا حصہ ملک کے صنعتی و کمرشل اداروں کو کامیابی سے چلایا اور ان اداروں کو منافع بخش بنا کر ملک کی ترقی کو رات دن محنت کر کے اپنے آجر اور ملک کو اعلیٰ مقام عطا کیا اس کی بڑھاپے کی پینشن صرف 8500 روپث ماہانہ۔ عزیز مآب غور طلب حقیقت یہ ہے کہ یہ ضعیف العمر پینشنر کی جسمانی حالت یہ ہو جاتی ہے کہ وہ سخت محنت ومشقت کا کام نہیں کر سکتا، اس عمر میں انسان ویسے بھی مختلف النوع بیماریوں کا حامل ہوتا ہے جن کا علاج بھی کافی مہنگا ہے۔ ضروریات زندگی کے اخراجات بھی ناقابل برداشت حد تک پہنچ گئے ہیں اندریں حالات نہایت ادب سے گزارش ہے کہ ہم ضعیف العمر ای او بی آئی پینشنرز کی ماہانہ پینشن ایک مزدور کی کم ازکم اجرت کے برابر کی جائے۔۔۔۔۔ جناب عالی ہم وسائل کے نہ ہونے کی وجہ سے انتہائی کسمپرسی اور خستہ حالی کا شکار ہیں۔ ہم لاکھوں روپے فیس ادا کر کے کسی قانونی مشیر مقرر کر کے عدالت عالیہ کے پاس داد رسی کے لے جانے سے قاصر ہیں۔۔ جناب عالی ای او بی آئی ڈیپارٹمنٹ سے متعلق تمام معلومات متعلقہ ادارہ سے حاصل کی جا سکتی ہیں۔ جناب عالی داد رسی کی اپ سےاپیل ہے۔
شکریہ۔۔۔
درخواست گزار
ظفرپاشا
نیشنل ریفائنری لمیٹڈ پینشنرز ویلفیئر ایسوسی ایشن

https://twitter.com/NRL_PWA/status/1536293592163143681?t=3g89wXINutrPmkjRcpNpCQ&s=19

NRL PENSIOERS WELFARE ASSOCIATION,NRLPWA on Twitter “ ”

NRL Pensioners Welfare Association updated their business hours.

ھ