Zoobia Rehman

حضرت ابو ہریرەؓ سے روایت ہے کہ حضور ﷺ نے فرمایا۔۔
جس شخص نے دن میں 100 مرتبہ یہ کلمات کہے ۔۔
'لا الہ الا اللہ وحدہ لاشریک لہ لہ الملک ولہ الحمد وھو علی کل شئی قدیر ۔۔

تو یہ کلمات اس کے لیے دس غلام آزاد کرنے کے برابر ہوں گے۔۔
اور اس کے لیے سو نیکی لکھی جاۓ گی۔۔
اور اس کے سو گناہ مٹا دیے جائیں گے۔۔
اور وہ شام تک شیطان سے محفوظ رہتا ہے۔۔
(صحیح بخاری، حدیث نمبر 526، کتاب بدءالخلق)

ایک اور روایت میں ہے کہ اس کلمہ کو سو بار پڑھنے والا شیطان کے وسوسوں سے بچ جاۓ گا۔۔

اتنے بے شمار فوائد رکھنے والا کلمہ اپنی زندگی میں اپنے اذکار میں ضرور شامل کریں۔۔

اکٹھا نہیں پڑھ سکتے تو پورے دن میں پوراکرلیں۔۔ ہرنماز کے بعد 20 بار پڑھنے کی ترتیب بنالیں۔۔

اس کے علاوہ اس کلمہ کو فجر کے بعد دس بار پڑھنے سے اولاد اسماعیل میں سے ایک غلام آزاد کرنے کا ثواب ملے گا۔۔
دس نیکیاں، دس گناہ معاف۔۔
دس درجات بلند اور شیطان سے حفاظت ہوگی۔۔
ہر مکروہ چیز سے حفاظت ہوگی ان شاءاللّٰه۔۔

بلاوجہ کا ڈپریشن اور اداسی شیطان کی چال ہوتی ہے۔۔
یہ کلمہ ڈپریشن کا پکا علاج ہے۔۔
جب شیطان پاس نہیں آۓ گا..
تو ڈپریشن کہاں سے ہوگا۔
Zoobia Rehman

گر صرف زبان روک لی جائے تو بہت سے لوگوں کی تکلیفیں کم ہو جائیں گی۔
بہت سے دلوں کو سکون آ جائے۔۔
Zoobia Rehman

جن کو بھی حالات بدلتے ہوئے دیکھای نہیں دے رہے ۔
جو نا امید ہیں۔
اور سوچ رہے ہیں۔
حالات کے بدلنے کا کوئی چانس نہیں .
جن کی مدد کرنے کو کوئی تیار نہیں .
جو سمجھ نہیں پا رہے اُن کی زندگی میں کیا چل رہا کب ٹھیک ہو گا یہ سب؟
اُٹھیں وضو کریں نماز ادا کریں اور اللہ کے سامنے سجدہ میں مانگیں جو مانگنا ہے.
سچے دل سے اس یقین کے ساتھ کہ آپ کا رب کبھی آپ کو مایوس نہیں لوٹاۓ گا۔آپ یہ مت سوچیے گا کہ جو آپ مانگ رہے وہ ملنا نا ممکن ہے۔
اللہ کے لیے کچھ بھی نا ممکن نہیں۔
کیا آپ نے ہاتھی والوں کا قصہ نہیں سُنا؟
اُس میں اللہ نے ہاتھیوں کے بڑے لشکر کو ابابیلوں کے لشکر سے ہلاک کر ڈالا تو بےشک میرا رب سب کچھ کرنے پہ قادر ہے۔
ہماری سوچ اور حقیقت کہ مطابق ایسا ناممکن تھا اتنے بڑے جانور کو ایک چھوٹا سا پرندہ کیسے مار سکتا ہے.
انسانی ذہن اس بات کو ایکسیپٹ نہیں کر پاتا۔
لیکن میرے اللہ نے یہ کر کے دیکھایا۔
ایسے ہی اللہ سب کے معاملات ٹھیک کر دیتا ہے.
بس آپ دل سے مانگو اور یقین کے ساتھ انتظار کرو میرا اللہ بھروسہ کرنے والوں کا کبھی بھروسہ نہیں توڑتا۔..

Zoobia Rehman

رزق کی تنگی
اللّٰہ سبحانہ و تعالٰی ایمان اور عملِ صالح والوں کی دعا بہت جلدی قبول فرماتا ہے۔
تو یہ لوگ تو رزق کی فراخی کی دعا بھی کرتے ہیں۔
اس کے باوجود ان پر رزق کی تنگی کیوں ہے؟
ابتدائے اسلام میں ایمان والوں پر رزق کی بہت تنگی آئی خصوصاً جب کفار نے ان کے ساتھ میل جول اور خرید و فروخت غرض تمام چیزوں کا بائیکاٹ کر دیا۔
جواب یہ دیا گیا کہ
وَ لَوۡ بَسَطَ اللّٰہُ الرِّزۡقَ لِعِبَادِہٖ لَبَغَوۡا فِی الۡاَرۡضِ وَ لٰکِنۡ یُّنَزِّلُ بِقَدَرٍ مَّا یَشَآءُ ؕ اِنَّہٗ بِعِبَادِہٖ خَبِیۡرٌۢ بَصِیۡرٌ ﴿۲۷﴾
اور اگر اللہ تعالیٰ اپنے بندوں کا رزق کشادہ کر دیتا تو وہ زمین میں سرکش ہو جاتے لیکن وہ ایک اندازے سے نازل کرتا ہے جو وہ چاہتا ہے ۔
یقیناً وہ اپنے بندوں سے خوب باخبر خوب دیکھنے والا ہے ۔
(الشوریٰ -27)
اگر وہ ان کے تقاضے کے مطابق ان کے لیے رزق فراخ کر دیتا تو یقینا وہ زمین میں سرکش ہو جاتے۔
کیونکہ عام طور پر آدمی جب غنی ہوتا ہے۔
تو اللہ تعالیٰ کو بھول جاتا ہے۔
دنیا میں اللہ سبحانہ وتعالٰی نے مومن ہوں یا کافر سب کا رزق برابر نہیں رکھا کسی کا زیادہ ہے۔
کسی کا کم تاکہ لوگ ایک دوسرے سے کام لے سکیں۔
اسی طرح اس نے کسی کو ایک حد سے زیادہ رزق نہیں دیا، ورنہ لوگ زیادہ دولت پا کر زمین میں سرکشی اور فساد کرتے رہے وہ لوگ جو مال کی فراخی کی وجہ سے زمین میں فساد کرتے ہیں ۔
ان کا فساد اس فساد کے مقابلے میں کچھ حیثیت نہیں رکھتا جو وہ اپنی مرضی کے مطابق مال ملنے کی صورت میں برپا کرتے۔
کوئی کتنا بھی بڑا باغی ہو سب اپنی حد میں رہنے پر مجبور ہیں۔
جب انسان مایوس ہوتا ہے۔
تو شیطان اس کے دل میں وسوسہ پیدا کرتا ہے ۔
اسے ربّ سے دور کرنے کیلئے غلط راستے دیکھاتا ہے۔
محنت کریں کوشش کریں دعائیں کریں لیکن اپنے ربّ سے مایوس ہو کر شیطان کے بہکاوے میں نہیں آئے کیونکہ انسان چند دن کا مہمان ہے۔
یہ دولت آسائشیں سب دنیا میں ہی رہ جائیگی..
انسان نے ایک نہ ایک دن واپس اپنے ربّ کی طرف ہی لوٹ جانا ہے ۔

سب سے زیادہ بولا اور سُننے جانے والا جُملہ ..
مجھے دعاؤں میں یاد رکھنا ہے..
ہر شخص دعاؤں کا طالب ہے..
آخر دعا ہے کیا؟
جسکا ہر کوئی طالب ہے..
دعا وہ الفاظ ہیں..
جو ہم بہت خلوص سے اپنے رب سے کسی کے لئے مانگتے ہیں دل سے جو دعائیں نکلتی ہے ..
وہ بہت اثر رکھتی ہیں..
اور دعائیں وہ چند الفاظ ہیں..
جو ہمیں دوسروں کے نزدیک لے جاتے ہیں
میلوں کے فاصلے پر بیٹھے ہوئے لوگ کیسے ہاتھوں کے پیالے میں چند لمحوں میں آ بیٹھتے ہیں..
جن کے لبوں پر مسکراہٹ کے پھول کھلانے کے لئے ہماری آنکھیں رِم جِھم کرتی برسات سے بھر جاتی ہیں..
جن کو زندگی کے گرم و سرد موسم سے بچانے کے لئے ہمارے چند الفاظ سایہ دار بادل بن جاتے ہیں..
اب کیا ہر شخص ان الفاظ میں جگہ بنا سکتا ہے؟
نہیں!
کیونکہ ان چند الفاظ میں جگہ بنانے کے لئے کبھی کبھی انسان ساری زندگی صرف کر دیتا ہے ..
مگر اپنی جگہ نہیں بنا پاتا دُعاؤں میں رہنا چاہتے ہیں..
تو صلے کی چاہ سے ہٹ کر کچھ کر کے دیکھیں آپ کے لئے دعاؤں کے اتنے دروازے کھل جائیں گے کہ زندگی کا ہر مشکل مرحلہ آسانی سے گزر جائے گا اور کہے بغیر بھی آپ سب کی دعاؤں کا حصّہ بن جائیں گے اس کے لئے ضروری ہے بانٹنے کی عادت ڈالیں جذبے بھی چیزیں بھی خُوشیاں بھی اور دُعائیں بھی
اے اللّٰہ..
ہمیں دعا دینے دعا لینے اور دعا کے لئے تیرے سامنے رونے گِڑ گِڑانے کی توفیق عطا فرما بیشک بندے کا دعا مانگنا تُجھ سے طلب کرنا ہاتھوں کو پھیلانا تُجھے بہت پسند ہے
اے اللّٰہ..
ہمیں اس قابل بنا کہ ہم تُجھ سے لے سکیں مانگ سکیں اور تُجھ سے اپنی دعائیں قبول کروا سکیں
اے اللّٰہ..
جس نے بھی ہمیں دعا کے لئے کہا لکھا یا جِن کا ہم پر حق ہے یا جو دعا کے مستحق ہیں..
ان سب کی جائز تمنّاؤن آرزوؤں حاجات کو پورا فرما..
اے اللّٰہ..
ہمارے دِلوں کی غفلت کو ختم کر دے ہمارے باطن کو پاک صاف کر دے جس طرح ہمارے چہروں کو روشن رکھا ہمارے دلوں کو بھی روشن فرما..
اے اللّٰہ..
ہر طرح کے بغض کینہ حسد نفرت دشمنی کو پیار میں مبدل فرما ہمارے بیماروں کو شفاء کاملہ عاجلہ اور مرحومین کی مغفرت فرما..
آمیـــن ثم آمیــــن یا رب العالمیــن..
Zoobia Rehman

کسی بھی شخص کا..
دوسرا چہره تلاش کرنے..
کی کوشش نہ کرو تمہارے لئے..
یہی کافی ہے کہ اس نے تمہارا..
احترام کیا اور اپنا بہتر..
چہره تمہارے سامنے پیش کیا..
Zoobia Rehman

تم بہت تکلیف میں خود کو دلاسا دیتے دیتے سو جاتے ہو..
اور عین تہجد کے وقت تمہاری آنکھ کسی ڈرا دینے والے خواب سے کھلتی ہے..
کوئی تکلیف دہ خیال تمہیں لرزا کے رکھ دیتا ہے..
مگر اتفاقََ؟
ارے یہ اتفاق تھوڑی ہے..
یہ تو بلاوا ہے.. تمھیں تو چنا گیا ہے..
رات کے اس پہر جب اکثر و بیشتر لوگ سو رہے ہیں تب تمہیں چنا گیا ہے..
اس رحمان نے تمہیں بلایا ہے..
وہ خود ساتویں آسمان سے پہلے آسمان پر آیا ہے تمہیں چن کر تمہیں سننے کے لئیے کہ تمہیں کیا چاہیے اس وقت وہ خالق براہ راست تمہیں سن رہا ہے تمہیں کہہ رہا ہے ..
کہ مانگو مجھ سے اور مانگتے چلے جاؤ میں ہوں نہ عطا کرنے والا..وہ رب تو تمھارے مانگنے کا انتظار کر رہا ہے..
اور تم اس لمحے کو محض اتفاق سمجھ رہے ہو؟
تمہیں مایوسی ہے کہ مانگ کر بھی کونسا قبول ہوگی؟ تم اس درد کی دوا مخلوق میں تو ڈھونڈ رہے ہو مگر اس سے نہیں بانٹ رہے..
جو تمہاری شاہرگ سے بھی قریب ہے.. تم اب دعا مانگنا ہی نہیں چاہتے کیونکہ قبول نہیں ہوگی...؟

تم دعا مانگو وہ بھی عین تہجد کی گھڑیوں میں اور وہ عرش تک نہ پہنچیں..
ایسا تو نہیں ہو سکتا..
میرے رب کا وعدہ جھوٹا تو نہیں ہو سکتا..
خر اسے جھوٹ کی کیا ضرورت؟
وہ تو خالق ہے اور تم مخلوق..
وہ تو بادشاہوں کا بادشاہ ہے..
چاہے تو اس ارض کے بادشاہوں کی طرح حکم نافذ کر دے
چاہے تو واپسی کا ہر دروازہ بند کر دے..
چاہے تو تمھارا ہر راز ہر گناہ دنیا پر افشاں کر دے..
کیونکہ وہ تو خالق و مالک ہے نہ..
لیکن بادشاہوں کا بادشاہ ہونے کے باوجود شہنشاہوں کا شہنشاہ ہونے کے باوجود..
تمہارے دل و دماغ..
جسم و روح..
مال و دولت کا مالک ہونے کے باوجود..
وہ تمہیں مہلت دیتا ہے..
ارے ضرورت تو تمہیں ہے اس زات کی پھر بھی اس محبت میں وفا کرنے والا وہ ہے..
وہ اس محبت میں ہی تو تم سے کہتا ہے کہ مانگ میرے بندے..
اپنی اوقات سے ذیادہ بھی مانگ لے..
جو تیرے لئے ناممکن ہے وہ بھی مانگ..
میں ہوں نہ عطا کرنے والا..
تمہاری نادان خواہشات سن کر وہ تمہیں بہتر سے بہترین عطا کرتا ہے..
یہی تو اسکی بادشاہی ہی یہی تو اسکی محبت اسکی رحمت اسکی عنایت ہے..
وہ تمہاری شہہ رگ سے بھی قریب ہے..
اب شہہ رگ تک کا فاصلہ تو تمہیں خود طے کرنا ہے..

اللہ پہ یقین کامل..

Zoobia Rehman

رشتے آہستہ آہستہ پھیکے ہوتے جا رہے ہیں..

زندگیوں میں ایک عجیب سی ہلچل ہے ..
ہر کوئی دوڑ رہا ہے ..
لیکن کس طرف؟
زندگی کی دوڑ میں ہم رشتوں کو پھیکہ کرتے جارہے ہیں ..
ہر کوئی بھاگ بھی رہا ہے ..
بہت کچھ حاصل بھی کررہا ہے..
لیکن پھر بھی سب پریشان ہے ..
ڈپریشن کا شکار ہیں ..
ایسے جیسے سب الجھن میں ہے ..
کسی کے چہرے پر سکون نہیں ہے ..
سب منافقوں والی مسکراہٹ اپنے چہرے پر سجائے بھاگ رہے ہیں..
کہیں جا بھی رہے ہیں ..
لیکن کہیں رک بھی گئے ہیں ..
کہیں ہنس بھی رہے ہیں..
تو کہیں رو بھی رہے ہیں ..
ہر چیز جیسے بے ذائقہ ہو ..
بے رونق ہو ..
کچھ کے پاس سب ہے..
پھر بھی پریشان ہے ..
کچھ کہ پاس کچھ نہیں ہے..
پھر بھی پریشان ہے ..
کہیں رشتوں میں مٹھاس ہیں ..
تو کہیں رشتے کرواہٹ سے بھرے ہوئے ہیں ..
کہیں لوگ جینا چھوڑ رہے ہیں ..
تو کہیں لوگ جینا سیکھ رہے ہیں ..
کسی رشتے میں وہ لطف نہیں ہے..
جو کہ ہونا چاہے تھا ..
کہیں بہن بھائی ناراض ہے ..
صدیوں سے ملاقات سے محروم ہیں..
تو کہیں میاں بیوی ..
ایک ہی کمرے میں رہتے ہوئے کوسوں دور ہیں ..
سب زندگیاں موبائلوں کی نظر ہو رہی ہیں ..
یہی سب سکون پانے کی کوشش کررہے ہیں..
کیوں کہ اصلی زندگیوں میں وہ سکون نہیں رہا ..
رشتوں میں کوئی ذائقہ نہیں ہے..
سب بے ذائقہ لگ رہا ہے ..
الجھنیں ایسی ہیں کہ لوگوں کو موت کی تمنا کرنے پر مجبور کررہی ہیں..
ہر کوئی منزل پا بھی رہا ہے ..
لیکن منزل سے دور بھی بہت ہیں ..
یہ زندگیاں اصل میں وہ نہیں لگتی جو کہ یہ ہونی چاہے تھی ..
شاید یہ سب دین سے بہت زیادہ دوری اور موبائلوں میں بہت زیادہ گھس جانے سے ہو رہا ہیں ..
آخر ہم سب جا کس طرف رہے ہیں ؟
شاید ہمارا راستہ غلط ہے ..
یا پھر منزل ۔۔
Zoobia Rehman

کیا آپ جانتے ہیں کہ اگر آپ ایک برتن میں 100 کالی چیونٹیاں..
اور 100 سرخ چیونٹیاں ڈال دیں تو کچھ نہیں ہوگا؟
لیکن اگر آپ برتن کو زور سے ہلاتے ہیں..
تو چیونٹیاں ایک دوسرے کو مارنا شروع کر دیتی ہیں..
سرخ چیونٹیاں کالی چیونٹیوں کو اپنا دشمن سمجھتی ہیں اور کالی چیونٹیاں سرخ چیونٹیوں کو اپنا دشمن سمجھتی ہیں..
اصل دشمن وہ ہے جو برتن کو ہلائے..
انسانی معاشرے میں بھی ایسا ہی ہوتا ہے..
اس لیے ایک دوسرے پر حملہ کرنے سے پہلے سوچنا چاہیے کہ برتن کون ہلا رہا ہے..

اور جو کہانی ﷲ رب العزت کے سپرد
کر دی جاتی ہے ..
اُس کہانی کا اختتام کبھی اُداس نہیں ہوتا..

ہر چیز انسان کے بس میں نہیں ہوتی اور نہ ہی حالات ہمیشہ تُمہاری مرضی کے مطابق ہوتے ہیں..
کبھی کبھی تُمہیں اُن لوگوں سے بھی ملنا پڑتا ہے ..
جن سے تم ملنا نہیں چاہتے اور ان لوگوں سے بھی بچھڑنا پڑتا ہے..
جن سے تم بچھڑنا نہیں چاہتے..

زندگی کبھی کبھار تمہیں ایسے موڑ پر لے آتی ہے جہاں صرف دو ہی راستے ہوتے ہیں ..
پہلا یہ کہ حقیقت سے بھاگتے رہو..
اور دوسرا یہ کہ ﷲ رب العزت کی رضا میں راضی ہو جاؤ..
مگر تم حقیقت سے بھاگنے کو زیادہ آسان سمجھ لیتے ہو تبھی ساری عمر بھاگتے بھاگتے تم اتنا دور نکل آتے ہو کہ ﷲ تو کیا تمہیں اپنی ذات بھی دکھائی نہیں دیتی..
اس بات کو سمجھو کہ جو معاملات تمہارے ہاتھ میں نہیں رہتے انہیں تم کبھی سُلجھا نہیں سکتے..
خود پر ظلم کرنے سے یا نصیب کا مقابلہ کرنے سے جیت نہیں ملتی..

تو جو کام تم نہیں کر سکتے ..
اس کو ﷲ رب العزت کے حوالے کر دو ..
مقدر سے مت لڑو..
بس یقین کے ساتھ دعا کرو..
کیونکہ جو ﷲ رب العزت کو اپنا معاملہ سونپ دیتے ہیں ..
تو ﷲ بھی پھر یا تو ان کی رضا میں راضی ہو جاتا ہے اور یا ان کو اپنی رضا میں راضی کر لیتا ہے..

"کن_فیکون"

وہ پھر بگڑے ہوئے مُقدر سنوار دیتا ہے ..
اور ادھوری ساری کہانیاں مکمل کر دیتا ہے..
بیشک وہ جو چاہے وہ کرنے پر قادر ہے..
Zoobia Rehman

کہہ دو میرے اُن بندوں سے جِنہیں حالات نامُمکن لگ رہے ہیں میں ہر شے پہ قُدرت رکھنے والا ہُوں! ۔

القرآن ( 35:1 )
Zoobia Rehman

کوئی سوال ہو تو پوچھ لیا کریں..
الجھن ہو تو کسی کے ساتھ مل کر سلجھا لیا کریں..
کوئی یاد آرہا ہے..
تو رابطہ کر لیا کریں..
کوئی پریشانی ہے تو مدد طلب کر لیا کریں..
کچھ اچھا لگتا ہے تو بتا دیا کریں..
نہیں اچھا لگتا تو وہ بھی بتا دیا کریں..
لیکن معمولی معمولی باتوں پر اپنی اَنا کو بڑھاوا نہ دیا کریں..
زندگی بہت تلخ ہے لوگ ہمیشہ ساتھ نہیں رہتے..
Zoobia Rehman

‏ہمارے لہجے میں یہ توازُن بڑی صعوبت کے بعد آیا ..
کئی مزاجوں کے دشت دیکھے..
کئی رویوں کی خاک چھانی..
Zoobia Rehman

انتہائی مجرب عمل ہے .
روزانہ 101 بار پڑھا کریں قرض کی ادائیگی کا بہترین حل ہے .
غیبی مدد ہوگی .
انشاء اللہ ۔
Zoobia Rehman

عزت کا بہت گہرا تعلق ہے محبت سے
جن کے آگے دل جھکنے لگا ہو
ان کے لیے زبان پر
از خود عزت کے کلمات آجاتے ہیں
جو بن کہے آپ کی بات سمجھے
وہ کوٸی عام انسان تو نہیں ہوسکتا
یقیناً اس سے دل کا رشتہ ہے
اور دل کے رشتے یوں ہی نہیں بن جاتے۔
Zoobia Rehman

اور جہاں بات آتی ہے سکون کی میں اللّٰہ سے باتیں کر لیتی ہوں..
Zoobia Rehman

تمہارے اس دنیا میں آنے سے قبل اللّه نے تمہارے تمام معاملات کے متعلق فیصلہ کر رکھا ہے..
اگر تمہارا نصیب کوئی چیز بدل سکتی ہے..
تو وہ صرف دعا ہے ..
جو انسان اس دنیا میں آیا ہے..
اس نے ایک نا ایک دن لوٹنا ہے پس اس سے دعا مانگا کرو کے خاتمہ ایمان پر ہو ..
اللّه کے فیصلوں میں اپنی رضا ڈھونڈ لو تمہاری زندگی سنور جاۓ گی کیوں کے وہ ان چیزوں کا بھی علم رکھتا ہے جن کے بارے میں تم کچھ بھی نہیں جانتے .
Zoobia Rehman

جب دینے والی ذات اللّٰہ کی ہے..
تو تم کیوں مایوس ہو اس ربّ العالمین کی قدرت سے۔..
جب اللّٰہ نے کہا ہے..
مانگو میں تمہاری ہر دعا کا بہتر سے بہترین جواب دوں گا..
تو کیوں مایوسی میں تمہارا دل ڈوبا جا رہا ہے..
کیوں تھک کے بیٹھ گئے ہو..
جس نے ایک بھی غلطی کے بغیر اتنی بڑی کائنات بنائی ہے..
تمہیں لگتا ہے کہ تم سے ستر ماؤں سے زیادہ پیار کرنے والا اللّٰہ تمہارے لیے کچھ غلط کرے گا..
اگر اللّٰہ نے آزمائش کی ہے..
تو مان لو کہ تم اللّٰہ کو بہت عزیز ہو..
جو اس کو پیارے ہوتے ہیں ..
ان کی آزمائش کیا کرتا ہے اللّٰہ..
اور پھر صبر والوں کا تو اللّٰہ کے ہاں ایک الگ مقام ہے..
صبر والوں کی تو بات ہی اور ہے..
ان کے لیے اللّٰہ نے جو انعامات رکھے ہوتے ہیں..
وہ تو کسی گمان میں بھی نہیں آسکتے..
اللّٰہ کو بھی پتا ہے..
کہ اس کا بندہ انتظار میں ہے..
کہ جب اس کی دعاؤں کا جواب آئے..
اللّٰہ کو پتا ہے ..
کہ دیری تمہیں مایوس کر دیتی ہے..
اس لیے تو اللّٰہ کہتا ہے..
ناامید نہ ہو..
کمزور نہ پڑو..
غم نہ کرو..
ہمیشہ یاد رکھو کہ بے بسی صرف تمہاری حد تک ہے..
اللّٰہ جو القادر ہے وہ کُنّ کا مالک ہے..
وہ کُنّ کہتا ہے..
اور چیزیں ہو جاتی ہیں گمان سے باہر خیال سے باہر۔۔

Zoobia Rehman

اپنی زندگی میں ان دعاوں کا اہتمام فرماے
اپنی زندگی محفوظ بناے !!
Zoobia Rehman

۝ تَبَٰرَكَ ٱلَّذِي بِيَدِهِ ٱلۡمُلۡكُ وَهُوَ عَلَىٰ كُلِّ شَيۡءٖ قَدِيرٌ ۝

ترجمہ : پاک ہے وہ پروردگار جس کے ہاتھ میں بادشاہی ہے..
اور وہ ہر چیز پہ قدرت رکھنے والا ہے.
Zoobia Rehman

خطرناک بیماریوں میں ایک خاموش مٙرض بھی شامل ہو چکا ہے..
جِسکی کوئی بھی علامت نہیں ہوتی لیکن آپ کو سخت نُقصان پُہنچا سکتی ہے.
یہ بیماری ہے..
نعمت کا عادی ہونا..

اس بیمارى کی چار نِشانیاں ہیں..

۱ـ آپ بُہت سی نعمتوں سے مالامال ہوں ..
لیکن اُن کو نعمت نہ سٙمجھیں اور اُن سے متعلق کبھی شُکر ادا نہ کریں گویا اُن کو اپنا ایسا حق سٙمجھیں جو آپکو مِلنا ہی تھا.

۲ـ آپ گھر میں داخل ہوں اور گھر کے تمام افراد صحتمند اور سلامت ہوں لیکن آپ اللہ کا شُکر ادا نہ کریں۔

۳ـ آپ بازار جائیں..
جی بٙھر کر روزمرہ ضرورت کی تمام اشیاء خریدیں۔
اِس بات سے غافل ہو کر کہ طرح طرح کی نعمتیں نصیب ہونے پر مالک کا شُکر ادا کریں ..
اور اِس معاملے کو اپنی زِندگی کا حق سٙمجھیں۔

۴ـ آپ ہر روز مُکمل صحت و سلامتى کے ساتھ نیند سے اُٹھیں..
اِس حالت میں کہ کِسی قِسم کی تکلیف میں مُبتلا نہ ہوں لیکن اللہ کا شُکر ادا نہ کریں۔
آئیے دعا کریں..
اے اللہ مُجھ پر رحم فرما کہ میں ایسی خطرناک بیماری میں مُبتلا نہ ہو جاؤں اور
توفیق عطا فرما کہ ہر حال میں تیرے نعمتوں پر شاکر رہوں..
آ مین..
Zoobia Rehman

‏بہشت چھین کے ہم سے ہمیں سکھایا گیا..
منع کیے گئے پیڑوں کے پھل نہیں کھاتے..
تمہارے ساتھ تعلق تو چیز ہی کیا ہے..
بچھڑ کے یوسف و یعقوب مر نہیں جاتے..
Zoobia Rehman

دوسروں کو نقصان پہنچائے بغیر ..
اُن کو بدنام کئے بغیر..
اُن سے حَسَد کئے بغیر..
اُن سے اُلجھے بغیر..
اُن سے آگے نکل جانے کا ہنر سیکھیے..
Zoobia Rehman

ضروری نہیں ہر کوئی آپ کو سمجھ پائے..
ترازو صرف وزن بتا سکتا ہے ،معیار نہیں..
Zoobia Rehman

إِنَّهُ عَلِيمٌ بِذَاتِ الصُّدُورِ..
Zoobia Rehman

زندگی میں ہمیشہ دو لوگوں کو ذلیل ہوتے دیکھا

1_وفادار

2_مخلص

باقی منافق انسان تو ہر جگہ داخل ہو جاتا ہے🙂
Zoobia Rehman

🇸🇩

کرنا نہیں ہے کچھ بھی حمایت تو کیجئے
ہیں کس کے ساتھ آپ وضاحت تو کیجیے

جن کے لیے رسول بشارت ہیں دے گئے
ان کے لئے سخن کی جسارت تو کیجیے

انسانیت کا درس اٹھا کر کہاں چلے
مرتے ہوؤں کی مڑ کے زیارت تو کیجیے

کچھ کیجیے نہ کیجیے دنیا کے سامنے
مظلوم کی طرف سے وکالت تو کیجیے

اقصیٰ کی سمت آنکھیں گھمائیں ذرا جناب
چیخ و پکار اس کی سماعت تو کیجیے

اقصیٰ سے اپنے دین کی نسبت قدیم ہے
نسبت کی آگے بڑھ کے حفاظت تو کیجیے

ہم نے مزاحمت کو بھی دہشت بنا دیا
اب ظلم ہورہا ہے ملامت تو کیجیے

سسٹم بدل تو سکتے نہیں ہیں مگر جناب
سسٹم کے ساتھ تھوڑی بغاوت تو کیجیے

یہ جتنے پھونکوں والے ہیں بابے کرامتی
ان سے کہیں کہ کوئی کرامت تو کیجیے

اللہ نے خلیفہ بنایا ہے آپ کو
تحسین تھوڑا پاسِ خلافت تو کیجیے

🤲🏻
Zoobia Rehman

#حقیقت
اگر آپ مالی طور پر کمزور ہیں..
تو ہر وہ شخص مجبور نکلے گا ..
جس سے آپ کو محبت ہوگی..
Zoobia Rehman

یا ربّی ..
ہر اُســــــــں تھکن کو
اپنی شانِ رحیمی سے اُتار دیجیے ..
جو دِلوں کو بوجھل اور مضمحل کر رہی ہے ..
ہر اُس زخم کو مُندَمِل کر دیجیے ..
جو نشان تو نہیـــــــــں رکھتا ..
مگر درد گہرا رکھتا ہے ..

آمین یارب العالمین..
Zoobia Rehman

کراچی میں سردی کا موسم رات 8 سے صبح 8 بجے تک ہوتا ہے
اس کے بعد صبح 9 سے 4 ہمارے ہاں 𝑺𝒖𝒎𝒎𝒆𝒓𝒔 ہوتے ہیں
پھر 5 سے 6 𝑺𝒑𝒓𝒊𝒏𝒈𝒔
7 سے 9 پورے کراچی میں رش ہوتا ہے

زندگی کا راز.
آپ خاموش رہیں.
قدرت جواب دیتی ہے۔
آپ معاف کردیں.
قدرت عزت دیتی ہے۔
آپ جھک جائیں.
قدرت آپکو بلند کردیتی ہے۔
آپ چھپ جائیں اپنی تشہیر کروانے سے بچتے پھریں
قدرت پھر بھی لوگوں کے دلوں میں آپکی
عزت اور محبت ڈال دیتی ہے۔
یہی ہے راز ،الٹ ہوتا ہے یہاں سب.
آپ بے نیاز ہوجائیں.
قدموں میں آگرتی ہے ہر چیز.
بس جلدی نہ مچائیں.
اللہ سے ضد نہ لگائیں..
انتظار کرنا سیکھ لیں.
اللہ کے کام اپنے ہاتھوں میں نہ لیں.
کوشش کریں..
اور نتیجے کے پیچھے نہ بھاگیں.
کوشش کرکے چپ چاپ سائیڈ پہ ہوجائیں
وہ دیکھ رہا ہے آپ کا حصہ آپکو ہی دے گا.
بہت سے راز ہیں اس زندگی میں چھپے ہوئے.
یہ چند باتیں اور ایسی ہی کتنی ہی باتیں
جن کے راز روز افشاں ہوتے ہیں .
دعا کریں عمل کریں۔
نتیجہ رب پر چھوڑ دیں۔۔

إِنَّمَآ أَمْرُهُ ۥٓ إِذَآ أَرَادَ شَيْـًٔا أَن يَقُولَ لَهُ ۥ كُن فَيَكُونُ

82. اس کی شان یہ ہے کہ جب وہ کسی چیز کا ارادہ کرتا ہے تو اس سے فرما دیتا ہے کہ ہوجا تو وہ ہوجاتی ہے
سورہ یاسین
القرآن
Zoobia Rehman

‏ہر مضبوط انسان کی مضبوطی کے پیچھے
ایک کہانی ہوتی ہے
جس نے اسکے لیے مضبوط ہونے کے سوا
اور کوئی راستہ چھوڑا نہیں ہوتا
Zoobia Rehman

تم کب روتے ہو..
جب تمہیں چھوڑا جاتا ہے..
جب تمہیں ٹھکرایا جاتا ہے ..
جب تمہیں غلط سمجھا جاتا ہے ..

میں تمہیں بتاؤ تمہیں کب رونا چاہئے ..
جب تمہیں نماز کے لیے دیر ہوجائے ..
جب تمہیں قرآن پڑھنے کا وقت نا ملے ..
جب نماز کا وقت کسی کی یاد میں گزارنا پڑے ..
جب تمہیں اللّٰه کے کلام کو سن کر رونا نا آئے..

آپ اپنے دل بالکل صاف کریں..
ہر کسی کے لیے صاف کریں..
معاف کریں..
درگزر کریں..
اگنور کریں..
بہت اچھے گمان کے ساتھ رہیں..
یہ دنیا بس چند لمحوں کی ہے..
اسے راحت کے ساتھ گزاریں..
دوسروں کی وجہ سے پریشان ہو کر..
یا کسی سے بدگمان ہو کر ہم خود کو ہی اذیت دیتے ہیں..

اللّہ سے دعا ھے کہ ہمارا دن ذکرِ الہی میں گزرے نا کہ غیبت جیسے گناہ میں..
آمین ثم آمین..
Zoobia Rehman

خوش نصیبی کیا ہے۔۔؟؟
جو اللہ پاک نے آپ کے نصیب میں لکھا ہے..
اس پر راضی خوش اور شکر گزار رہنے کے نام کو خوش نصیبی کہتے ہیں۔۔
اپنے نصیب پر گلا کرنا شکوہ کناں رہنا کہ نصیب ہی خراب ہیں ۔۔
نصیب اچھے نہیں ۔۔
ہمارے ہی نصیب برے ہیں ۔۔
وغیرہ وغیرہ یہ سب مایوسی کی باتیں ہیں ..
اللہ پاک کی ہر آزمائش میں ہمارے لیے خیرچھپی ہے ۔۔ ہمیں اس خیر کو تلاش کرنا ہے ۔۔
یہ آزمائیشیں ہمیں کسی منزل کی جانب لے کر جا رہی ہوتی ہیں۔۔
بس ہم ہی نادان سمجھ نہیں پاتے۔۔
اللہ پاک تو رحیم ہی رحیم ہیں ۔۔
وہ جو ہم سے ماں سے ستر گنا زیادہ پیار کرتا ہے ۔۔
وہ جس نے ہمیں پیدا کیا ۔۔
یہ نصیبوں پر گلے شکوے کر کے ہم اللہ پاک کی اپنے ساتھ محبت اور شفقت پر شک کرتے ہیں ۔۔
اللہ پاک تو ہم سے اتنی محبت کرتا ہے کہ جو ہمارے گمان سے بھی باہر ہے ۔۔
وہ خود فرماتا ہے کہ میں اپنے بندوں سے ستر ماؤں سے زیادہ پیار کرتا ہوں ۔۔
پھر یہ کیسے ممکن ہے کہ وہ نعوذباللہ ہمارے نصیب برے بنائیں ۔۔
ایسا کہنا بھی کفرانِ نعمت ہے ۔۔
اعتراض ہے ۔۔
اس سے بچنا ہے ۔۔
توبہ کرنی ہے۔۔
اللہ پاک سے معافی مانگنی ہے ۔۔
اور سچے دل سے اللہ پاک کی ہم گناہگاروں سے محبّت کو محسوس کرنا ہے ۔۔
کائنات میں کوئی ہم سے اتنا پیار نہیں کرتا جتنا اللہ پاک " شفیق آقا کریم صلی اللہ علیہ وآلہ وسلم ہم سے پیار کرتے ہیں ۔۔
دل سے شکر ادا کرنا ہے اللہ پاک شفیق آقا کریم صلی اللہ علیہ وآلہ وسلم کا ۔۔
صرف زبان سے نہیں ۔۔
عملی شکر ادا کرنا ہے ۔۔
اپنے عمل سے بتانا ہے اللہ پاک کو کہ ہم ہر حال میں تیرے شکر گزار ہیں میرے مولا ۔۔
تو نے ہمیں بہت سوں سے بہت بہتر حال میں رکھا ہے میرے مولا ۔۔
ہمیں راضی رہنا سیکھنا ہے ۔۔

اپنی چاہتوں کو اللہ پاک کی رضا کے سپرد کر دینا ۔۔ قربان کر دینا ۔۔
کہ یااللہ پاک جو تیری رضا ۔۔
وہی میری رضا ۔۔
تو میرا حاکم ۔۔
میں محکوم تیرا۔۔
جو تو میرے لیے کرے وہی بہتر ہے ۔۔
ہم تجھ سے تیری رضا مانگتے ہیں ۔۔
اور تیرے ہر فیصلے کے آگے سر دل تسلیم خم کرتے ہیں مولا۔۔
کہ ہر معاملے میں ہمارے لیے جو بہتر ہے کہ ہم نہیں جانتے کیا بہتر ہے بس تو جانتا ہے..
اللہ پاک بس پھر وہی ہماری بھی چاہت کر دے ۔۔
ہم تجھ سے ضد نہیں کرتے مولا ۔۔
بس جو ہمارے لیے بہتر ہے ہمیں اس پے راضی کر دے ۔۔
کیوں کہ ہم خود بھی خود کے ساتھ اتنے سچے اور مخلص نہیں جتنا تو ہمارے ساتھ سچا اور مخلص ہے پیارے اللہ پاک ۔۔
چلیں پھر آج سے ہی اپنی سوچ بدلتے ہیں شکر ادا کرتے ہیں اللہ پاک کا ۔۔
صرف زبان سے ہی نہیں ۔۔
اپنے عمل سے بتانا ہے کہ ہم اللہ پاک کے کتنے شکر گزار ہیں ۔۔
زبان سے کبھی شکوہ نہیں کرنا گلا نہی کرنا ۔۔
اس کی رضا پے راضی رہنا ہے اور اس سے اپنے لیے ہمیشہ عافیت کا سوال کرنا ہے ۔۔
عافیت ملے گی ضرور ملے گی ۔۔
جب ہم اللہ پاک کی رضا پے راضی رہنا سیکھ جائیں گے ۔۔
کیوں کہ عافیت رضا کو قبول کرنے کے بعد خود محسوس ہوتی ہے ۔۔
سکون محسوس ہوتا ہے ۔۔
خود سپردگی کی کیفیت ہوتی ہے۔۔
جیسے ہم اپنے نہیں رہے اللہ پاک کے ہو گئے ہیں ۔۔
انسان ہر دم راضی اور خوش رہتا ہے دل سے ۔۔
اسی کو عافیت کہتے ہیں ۔۔
اللہ پاک ہم سب کو ان تمام باتوں پر عمل کی توفیق اور استقامت عطا فرمائے..
میرے پیارے شفیق آقا کریم صلی اللہ علیہ وآلہ وسلم کے صدقے سے آمین ثم آمین..
Zoobia Rehman