Pakistan Hockey Federation

پاکستان ہاکی فیڈریشن نے ہاکی کلبوں کی سکروٹنی کا فیصلہ لے لیا۔ پاکستان ہاکی فیڈریشن ملک بھر کے تمام ڈسٹرکٹس میں ہاکی کلبوں کی بلا تمض و تخصیص سکروٹنی کا عمل سرانجام دے گی جس کے بعد ملک بھر میں پی ایچ ایف اور اسکے ملحقہ یونٹس کے منصفانہ اور غیرجانبدار الیکشن منعقد ہونگے

پاکستان ہاکی فیڈریشن کی جانب سے سکروٹنی کمیٹیوں کی تشکیل اور الیکشن کا شیڈول جلد جاری کیا جائے گا۔ سکروٹنی کا عمل سکروٹنی کمیٹی کے ہمراہ سپورٹس بورڈ اور اولمپک ایسوسی ایشن کے نمائیندگان کی معاونت سے سرانجام دیا جائے گا۔ ہاکی کلبوں کو رجسٹریشن کے لئے کمپوٹرائزیشن کے عمل سے گذارا جائیگا۔ اس سلسلہ میں ایک الیکٹرونک فارم بھی جاری کیا جائیگا۔

پاکستان ہاکی فیڈریشن کلب سکروٹنی عمل میں متعلقہ ضلع کے کم از اکم 14 کھلاڑی بمعہ گول کیپر مکمل کٹ اور حفاظتی سامان کے ساتھ پیش ہونگے جوکہ سکروٹنی کمیٹی کے سامنے اپنا کھیل پیش کرکے اہلیت ثابت کرینگے۔ 14 کھلاڑیوں کی کم از کم عمر 14 سال اور زیادہ سے زیادہ حد 30 سال مقرر کی گئی ہے تاہم 14 سے زائد کھلاڑیوں کی حد عمر 40 سال ہوسکتی ہے۔ طالبعلموں سمیت پروفیشنل کھلاڑیوں کو اپنے متعلقہ ضلع سے رجسٹریشن حاصل کرنا ہوگی۔ تاہم ایک کلب میں چار سے زائد ڈیپارٹمنٹل کھلاڑی شامل نہیں کئے جاسکیں گے۔
ہاکی کلبوں کی سکروٹنی کے عمل میں سکروٹنی کمیٹیوں کی معاونت متعلقہ ڈسٹرکٹ سپورٹس آفیسرز کریں گے جبکہ سکروٹنی پاکستان ہاکی فیڈریشن کے وضح کردہ اصول و ضوابط کے مطابق کی جائیگی۔ ایک ڈسٹرکٹ میں کم از از کم پانچ ہاکی کلبوں کی تعداد سے ڈسٹرکٹ ایسوسی ایشن کا قیام عمل میں لایا جاسکے گا۔

پاکستان ہاکی فیڈریشن کی جانب سے سکروٹنی کے عمل کا آغاز رواں ماہ میں کیا جائیگا جس کی بات باقاعدہ شیڈول جلد جاری کردیا جائیگا

پاکستان ہاکی فیڈریشن نے اولمپک کوالیفائر ایونٹ میں شرکت کے لئے پاکستان ہاکی ٹیم کا اعلان کردیا۔ عماد شیکل بٹ قومی ہاکی اسکواڈ کی قیادت کرینگے جبکہ ابوبکر محمود وائس کپتان ہونگے۔

اولمپین کلیم اللہ کی سربراہی میں کام کرنے والی قومی ہاکی سلیکشن کمیٹی کی سفارشات پر صدر پی ایچ ایف میر طارق حسین بگٹی کی حتمی منظوری کے بعد 18 رکنی پاکستان ہاکی ٹیم کا اعلان کردیا گیا۔اولمپیئن کلیم اللہ خان کی سربراہی میں قومی ہاکی سلیکشن کمیٹی اولمپیئن ناصر علی، اولمپیئن رحیم خان اور لئیق لاشاری انٹرنیشنل نے حتمی ٹرائلز میں کھلاڑیوں کی کارکردگی کا جائزہ لیا۔

15 تا 21 جنوری مسقط عمان میں کھیلے جانے والے اولمپک کوالیفائر ایونٹ میں شرکت کے لئے پاکستان ہاکی ٹیم کے کھلاڑیوں میں گول کیپرز عبداللہ اشتیاق، وقار، ارباز احمد، محمد عبداللہ، سفیان خان، عماد شکیل بٹ (کپتان)، ابوبکر محمود(نائب کپتان)، مرتضیٰ یعقوب، عبدالمنان، عقیل احمد، معین شکیل، سلمان رزاق، عبدالحنان شاہد، غضنفر علی، عبدالرحمٰن جونیئر، زکریا حیات، رانا عبدالوحید اشرف اور ارشد لیاقت شامل ہیں۔

ٹیم مینجمنٹ میں ہیڈ کوچ شہناز شیخ، کوچ ، شکیل عباسی، اسسٹنٹ کوچ اولمپیئن دلاور حسین ، امجد علی گول کیپر کوچ، وقاص محمود فزیوتھرپسٹ اور محمد عمران خان فزیکل ٹرینر شامل ہیں۔

پاکستان ہاکی ٹیم کے کھلاڑیوں کو بہتر سہولیات اور تربیت کے لئے بہترین ماحول فراہم کریں گے۔ وفاقی سیکرٹری وزارت بین الصوبائی رابطہ ندیم ارشاد کیانی

صدر پی ایچ ایف میر طارق حسین بگٹی نے وفاقی سیکرٹری وزارت بین الصوبائی رابطہ ندیم ارشاد کیانی سے ملاقات کی۔ ملاقات میں پاکستان ہاکی فیڈریشن کی جانب سے کھلاڑیوں کے اخراجات کا تخمینہ ، انکی تربیت اور غذائی ضروریات سے متعلق بریفنگ دی گئی۔ صدر پی ایچ ایف میر طارق حسین بگٹی نے پاکستان ہاکی فیڈریشن کی جانب سے پاکستان ہاکی ٹیموں کی انٹرنیشنل ایونٹس میں شرکت ، کارکردگی اور آئیندہ ڈومیسٹک و انٹرنیشنل ایونٹ کیلنڈر کے متعلق گفتگو کی۔ سیکرٹری وزارت بین الصوبائی رابطہ ندیم ارشاد کیانی نے صدر پاکستان ہاکی فیڈریشن میرطارق حسین بگٹی کو اس سلسلہ میں ہر ممکن تعاون کی یقین دہانی کرائی اور کہا کہ پاکستان ہاکی کی بہتری کے لئے حکومت پاکستان ، وزارت بین الصوبائی رابطہ پاکستان ہاکی فیڈریشن کے ساتھ کھڑی ہے۔ اس سلسلہ میں انہوں نے ماتحت عملہ اور اداروں کو ضروری ہدایات بھی جاری کردی۔

صدر پی ایچ ایف میر طارق حسین بگٹی وفاقی وزیر برائے بین الصوبائی رابطہ فواد حسن فواد سے ملاقات ہوئی، پاکستان ہاکی ٹیم کی اولمپک کوالیفائر ایونٹ میں شرکت کے لئے انتظامات، کھلاڑیوں کی تربیت کے حوالے سے بریفنگ دی گئی۔

تفصیلات کے مطابق پاکستان ہاکی فیڈریشن کے صدر میر طارق حسین بگٹی نے وفاقی دارالخلافہ میں واقع وزارت بین الصوبائی رابطہ آفس میں نگران وفاقی وزیر بین الصوبائی رابطہ فواد حسن فواد سے ملاقات کی۔ ملاقات میں صدر پپی ایچ ایف نے 15 تا 21 جنوری مسقط عمان میں منعقد ہونے والےاولمپک کوالیفائر ایونٹ میں پاکستان ہاکی ٹیم کی شرکت کے لئے انتظامات کھلاڑیوں کی تربیت اور اسلام آباد میں جاری قومی ہاکی تربیتی کیمپ میں کھلاڑیوں کی خوارک اور رہائش سے متعلق امور پر گفتگو کی۔ صدر پی ایچ ایف نے نگران وفاقی وزیر بین الصوبائی رابطہ فواد حسن فواد سے پاکستان ہاکی ٹیم کے انٹرنیشنل ٹور کے اخراجات کا تخمینہ اور پی ایچ ایف کے ذمہ کھلاڑیوں کے بقایاجات کا تخمینہ بھی پیش کیا ۔
نگران وفاقی وزیر بین الصوبائی رابطہ فواد حسن فواد نے کہا کہ ہاکی ہمارا قومی کھیل ہے۔ پاکستان ہاکی ٹیم کے کھلاڑیوں کے مسائل حل کرلئے جائینگے، انکی تربیت اور بہتر رہائش اور غذائی ضروریات کو بھی بہتر کیا جائے گا۔ اس سلسلہ میں انہوں نے عملدرآمد کے لئے سپورٹس بورڈ کو ہدایات بھی جاری کی۔

برگیڈیئررمسرت اللہ خان نے مشیر برائے صدر پی ایچ ایف کا منصب سنبھال لیا.

صدر پاکستان ہاکی فیڈریشن میر طارق حسین بگٹی کی جانب سے نوتعینات شدہ ایڈوائزر برگیڈیئر مسرت اللہ خان نے منصب سنبھال لیا۔ پاکستان ہاکی فیڈریشن ہیڈکواٹرز لاہور میں آمد پر ڈائریکٹر ایڈمنسٹریشن پی ایچ ایف اولمپیئن خالد بشیر نے ایگزیکٹو سیکرٹری پی ایچ ایف علی عباس کے ہمراہ ایڈوائزر صدر پی ایچ ایف کا استقبال کیا۔ اس موقع پر انکے ہمراہ سردار نوید حیدر، سید سہیل اطہر، اولمپیئن محمد ثقلین اولمپیئن ریحان بٹ بھی موجود تھے۔
میڈیا سے بات چیت کرتے ہوئے ایڈوائزرصدر پی ایچ ایف برگیڈیئررمسرت اللہ خان نے کہا کہ پاکستان ہاکی فیڈریشن اور قومی کھیل کی بہتری کے لئے بھرپور کاوش کرونگا۔ انہوں نے کہا کہ ہاکی فیڈریشن کے موجودہ معاشی حالات میں یہ ایک مشکل ٹاسک ثابت ہوگا تاہم پروفیشنل ازم ، میرٹ اور مضبوط قوت ارادی سے چیزیں بہتر ہونگیں۔ انہوں نے کہا کہ یہ اولمپک کوالفائز جیسا ایونٹ ہاکی کے بڑے ایونٹس میں سے ایک ہے۔اس جانب توجہ ضروری ہونی چاہیئے ۔ افراد کے آنے اور جانے سے فرق نہیں پڑتا لیکن افسوس کی بات ہے کہ نقصان ہاکی کا ہوتا ہے۔ پاکستان ہاکی کی ترقی اور بہبود کے لئے بھرپور کوشش کرونگا۔

صدر پاکستان ہاکی فیڈریشن میر طارق بگٹی کی ہدایات پر حبیب بینک نے پی ایچ ایف کے اکاونٹس منجمد کردیئے۔
صدر پی ایچ ایف میر طارق حسین بگٹی نے پی ایچ ایف کے اکاونٹس آپریشنز کو منجمند کرنے ہدایت غیرآئینی اور غیرقانونی طور پر پی ایچ ایف اکاونٹس کے استعمال سے روکنے کے لئے کی۔ پاکستان ہاکی فیڈریشن کی جانب سے حبیب بینک کو جاری کئے گئے ہدائتی مراسلہ میں صدر پی ایچ ایف میر طارق حسین بگٹی نے پی ایچ ایف اکاونٹس آپریشنز کو منجمند کرنے کی ہدایات دیتے ہوئے کہا کہ تاحال اکاونٹس آپریشن کو منجمد کردیا جائے تاوقت کہ صدر پی ایچ ایف میر طارق حسین بگٹی نئے آفیشل دستخط بینک کو نہ بھجوادیں۔
حبیب بینک نے پاکستان ہاکی فیڈریشن کے صدر میر طارق حسین بگٹی کی ہدایات پر عمل کرتے ہوئے پی ایچ ایف اکاونٹس آپریشنز کو وقتی طور پر منجمند کردیا ھے۔

پاکستان ہاکی فیڈریشن نے اولمپیئنز اور انٹرنیشنل کھلاڑیوں کی خدمات محکموں کو واپس کردی،صدر پی ایچ ایف میر طارق حسین بگٹی نے ہدائتی مراسلہ جاری کردیا

تفصیلات کے مطابق پاکستان ہاکی فیڈریشن نے پی ایچ ایف کی جانب سے محکمہ جات کو ماضی قریب میں درخواست کی گئی درکار ملازمین کی خدمات واپس کردیں۔ صدر پی ایچ ایف میر طارق حسین بگٹی کے مطابق محکمہ جات کو صرف درکار خدمات کے حامل پروفیشنل کھلاڑیوں کی درخواست کرینگے۔
پاکستان ہاکی فیڈریشن کی جانب سے اولمپیئن شہباز سینیئر، شفقت ملک، عرفان سینیئر کی خدمات بھی پاکستان انٹرنیشنل ایئر لائن (پی آئی اے) کو واپس کردی گئیں۔ اس کے ساتھ ساتھ اولمپیئن محمد عثمان شیخ، عمران شاہ (واپڈا)، ابوذر امراو (نیشنل بینک) اور محمد خالد (پی آئی اے) کی خدمات بھی واپس کردی گئیں۔

صدر پی ایچ ایف میر طارق حسین بگٹی کی ہدایات پر پاکستان ہاکی فیڈریشن نے اس سلسلہ میں پی آئی اے، واپڈا، نیشنل بینک سمیت دیگر محکمہ جات کو مراسلے جاری کردیئے گئے۔ موجودہ قومی ہاکی تربیتی کیمپ میں مصروف سٹاف بدستور پی ایچ ایف کے ساتھ کام کرے گا

پاکستان ہاکی فیڈریشن نے برگیڈیئر ر مسرت اللہ خان کو ایڈوائزر صدر پی ایچ ایف مقرر کردیا، اعلامیہ جاری
صدر پاکستان ہاکی فیڈریشن میر طارق حسین بگٹی نے برگیڈیئر ر مسرت اللہ خان کو اپنا مشیر تعینات کرتے ہوئے نوٹیفکیشن جاری کردیا ہے۔ میر طار ق حسین بگٹی صدر پی ایچ ایف نے برگیڈیئر ر ممسرت اللہ خان کو انکی پاکستان ہاکی کے معاملات میں بصیرت اور سپورٹس انفراسٹکچر مینجمنٹ میں وسیع تجربہ اور اہلیت کی بنیاد پر انکی تقرری کی۔
برگیڈیئررمسترت اللہ خان سابق سیکرٹری جنرل پاکستان ہاکی فیڈریشن کے عہدے پر بھی فائز رہ چکے ہیں. صدر پی ایچ ایف میر طارق حسین بگٹی نے کہا ہے کہ برگیڈیئر ر مسرت اللہ خان کے تجربات اور انکی پیشہ ورانہ خدمات سے پاکستان ہاکی میں جدت اور پیشہ ورانہ کھیل کا رجحان متعارف کرائینگے ۔ انہوں نے مزید کہا کہ کارپوریٹ سیکٹر کو قومی کھیل کی طرف مائل کرنے کے لئے سٹریٹیجک پلاننگ کی ضرورت ہے جس کے لئے بہترین پیشہ ورانہ خدمات کے بارے میں بھی غور و خوض کیا جارہا ہے۔

میرطارق حسین بگٹی پاکستان ہاکی فیڈریشن کا مثبت چہرہ ثابت ہونگے، انکی انتظامی صلاحیتوں کو جانتا ہوں، پاکستان ہاکی کو ایک کڑی نظر رکھنے والے ایڈمنسٹریٹر کی ضرورت تھی، پاکستان ہاکی فیڈریشن کے لئے ہمہ وقت حاضر ہوں، صدر پاکستان ہاکی فیڈریشن میر طارق حسین بگٹی کی سینیٹر و سابق وزیر داخلہ پاکستان میر سرفراز بگٹی سے ملاقات
صدر پی ایچ ایف میر طارق حسین بگٹی نے گذشتہ روز سینیٹر و سابق وزیر داخلہ پاکستان میر سرفراز بگٹی سے اسلام آباد میں ملاقات کی۔ میر سرفراز بگٹی نے صدر پی ایچ ایف کا منصب سنبھالنے پر مبارکباد پیش کی اور نیک خواہشات کا اظہار کیا۔ انہوں نے کہا کہ پاکستان ہاکی کی خدمت کے لئے ہمہ وقت حاضر ہوں۔ وزیراعظم پاکستان انوار الحق کاکڑ کے ممنوں ہیں کہ انہوں نے پی ایچ ایف کے معاملات کے لئے ایک موزوں شخصیت کا انتخاب کیا۔ پاکستان ہاکی فیڈریشن کو کڑی نظر رکھنے والے ایڈمنسٹریٹر کی ضرورت تھی جوکہ پوری ہوگئی۔ میر طارق حسین بگٹی پاکستان ہاکی کا مثبت چہرہ ثابت ہونگے۔
صدر پاکستان ہاکی فیڈریشن میر طارق بگٹی نے سرفراز بگٹی کا شکریہ ادا کرتے ہوئے کہا کہ میں توقعات پر پورا اترنے کی کوشش کرونگا۔ پاکستان ہاکی کے معاملات بہت خراب ہیں تاہم انکے موثر حل کے لئے اقدامات لے رہے ہیں۔ کھلاڑیوں کی فلاح و بہبود اور پاکستان کی بین الاقوامی ایونٹس میں شرکت کو یقینی بنانا اولپین ترجیحات میں سے ہے۔ انہوں نے کہا کہ پاکستان ہاکی فیڈریشن کے پاس اپنا ذاتی سپورٹس انفراسٹرکچر موجود نہیں تاہم سندھ حکومت کی جانب سے عبدالستار ایدھی ہاکی سٹیڈیم کراچی کی تعمیر نو کا منصوبہ پائپ لائن میں ہے جس کو پایہ تکمیل تک پہنچانے کی بھرپور کوشش کرونگا تاکہ پاکستان ہاکی فیڈریشن کے بینر تلے میں انٹرنیشنل معیار کا سپورٹس سٹیڈیم قائم کیا جاسکے

آئیندہ چند دنوں میں کسی بھی کانگریس کا اجلاس منعقد نہیں ہورہا، ایسی تمام اطلاعات بوگس ہیں ، پاکستان ہاکی فیڈریشن جعل سازی سے پی ایچ ایف کاغذات تیار کرکے اس کی تقسیم کرنے والوں کے خلاف سخت قانونی کارروائی کرے گی۔ صدر پاکستان ہاکی فیڈریشن میر طارق حسین بگٹی
صدر پاکستان ہاکی فیڈریشن میر طارق حسین بگٹی نے پاکستان سپورٹس بورڈ کے نوٹیفکیشن کی روشنی میں اپنی سربراہی میں قائم کردہ پانچ رکنی کمیٹی اراکین سے ملک بھر میں موجود ہاکی کلبوں کی سکروٹنی کے عمل اور پی ایچ ایف الیکشن سے متعلق مشاورت کی۔ صدر پی ایچ ایف میر طارق حسین بگٹی کی صدارت میں پی ایچ ایف ہیڈ کواٹرز میں منعقد ہونے والے مشاورتی اجلاس میں راؤ سلیم ناظم اولمپین شامل تھے جبکہ اولمپیئن مصدق حسین، بیرسٹرمیاں علی اشفاق، میر ہمایوں عزیز کرد اور سیدہ شہلا رضا نے ورچوئل کانفرنس میں شرکت کی۔ اجلاس میں ملک بھر میں موجود تمام ہاکی کلبوں کی سکورٹنی کے عمل کے طریقہ کار اور پی ایچ ایف الیکشن کا لائحہ عمل منظور کیا گیا۔ جس سے جلد مطلع کیا جائیگا۔ پی ایچ ایف کمیٹی اراکین نے بالا تمیض و تخصیص تمام ہاکی کلبوں کو پی ایچ ایف دائرہ کار میں لانے اور باصلاحیت کھلاڑیوں کو باقاعدہ کمپیوٹرائزڈرجسٹریشن کے عمل سے گذارنے کے طریقہ کار پر اتفاق کیا۔
صدر پاکستان ہاکی فیڈریشن انتہائی پرامید ہیں کہ اس غیر جانبدار سکروٹنی کے عمل کے باعث پاکستان ہاکی کے ایک مربوط نظام کو فعال کرنے میں مدد ملے گی۔

اولمپیئن خالد بشیر نے پاکستان ہاکی فیڈریشن کے ڈائریکٹر ایڈمنسٹریشن اینڈ کوآرڈینیشن کا منصب سنبھال لیا۔ صدر پی ایچ ایف میر طارق حسین بگٹی نے اولمپیئن خالد بشیر کے منصب سنبھالنے کی تقریب میں خصوصی طور پر شرکت کی۔ اس موقع پر انکے ہمراہ ممبر پی ایچ ایف کمیٹی اولمپیئن راؤ سلیم ناظم ، ایگزیکٹو سیکرٹری پی ایچ ایف علی عباس، ڈپٹی ڈائیکٹر ایڈمنسٹریشن اینڈ کوآرڈینیشن قدیر بشیر اور پی ایچ ایف سٹاف موجود تھا۔
اس موقع پر صدر پی ایچ ایف میر طارق حسین بگٹی نے اولمپیئن خالد بشیر کو نئے منصب سنبھالنے پر نیک خواہشات کا اظہار کیا اور کہا کہ مجھے قومی امید ہے کہ اولمپیئن خالد بشیر پاکستان ہاکی فیڈریشن اور پاکستان ہاکی کی بہتری کے لئے اپنی بھرپور صلاحیتیں بروئے کار لائینگے۔ پی ایچ ایف کمیٹی ممبر اولمپین راؤ سلیم ناظم نے کہا کہ اولمپیئن خالد بشیر سے توقع وابطہ ہے کہ وہ کھلاڑیوں اور پی ایچ ایف کے مابین بہتر روابط کا ذریعہ بنیں گے۔ اس موقع پر اولمپین خالد بشیر ڈائریکٹر ایڈمنسٹریشن اینڈ کوآرڈینیشن پی ایچ ایف نے حاضرین کا شکریہ ادا کرتے ہوئے کہا کہ پی ایچ ایف کے ایڈمنسٹریٹو معاملات کے ساتھ ساتھ کھلاڑیوں کے مسائل کے حل کے لئے ہمہ وقت حاضر ہوں

سلیکشن کمیٹی اور ٹیم مینجمنٹ رپورٹ پر صدر پی ایچ ایف میر طارق بگٹی کی منظوری کے بعد پاکستان ہاکی فیڈریشن نے اولمپکس کوالیفائیر یاکی ایونٹ میں شرکت کے لئے پاکستان ہاکی ٹیم کی تیاری کے لئے ممکنہ کھلاڑیوں پر مشتمل قومی ہاکی تربیتی کیمپ کا اعلان کردیا. کیمپ پاکستان سپورٹس بورڈ کے تعاون سے اسلام آباد میں منعقد ہوگا. قومی ہاکی تربیتی کیمپ کا آغاز 28 دسمبر کو ہوگا جوکہ 11 جنوری 2024 تک جاری رہے گا. اولمپکس کوالیفائیر عمان کے شہر مسقط میں 15 تا 21 جنوری کھیلا جائیگا. کھلاڑیوں کو ہدایات جاری کی گئی ہیں کہ وہ 28 دسمبر سہ پہر تک ہیڈ کوچ و کیمپ کمانڈنٹ اولمپیئین ثہناز شیخ کو رپورٹ کرینگے.
پاکستان ہاکی ٹیم مینجمنٹ میں مینجر/ہیڈ کوچ اولمپیئن شہناز شیخ ، کوچ اولمپیئن دلاور حسین، اولمپین شکیل عباسی کسلٹنٹ ، گول کیپر کوچ غلام جیلانی امجد علی، فزیوتھراپسٹ وقاص محمود، فزیکل ٹرینر عمران خان شامل ہیں۔
کھلاڑیوں میں اکمل حسین (واپڈا)، عبداللہ اشتیاق خان (ماڑی پیٹرولیم)، وقار(واپڈا)، منیب الرحمٰن (پنجاب)، محمد عبداللہ (ماڑی پیٹرولیم)، رانا عبدالوحید(واپڈا)، رومان (واپڈا)، احمد ندیم(پنجاب)، عبدالرحمٰن(پی اے ایف)، جنید منظور(نیشنل بینک)، اسامہ بشیر(پی اے ایف)، افراز(ماڑی پیٹرولیم)، عماد شکیل بٹ(نیشنل بینک)، رضوان علی(پی اے ایف)، معین شکیل (واپڈا)، ابوبکر محمود(نیشنل بینک)، حماد انجم(واپڈا)، سلمان رزاق(واپڈا)، ایم سفیان خان(ماڑی پیٹرولیم)، ارباز احمد (ماڑی پیٹرولیم)، عبدالمنان (کسٹمز)، احتشام اسلم(ماڑی پیٹرولیم)، مرتضیٰ یعقوب(واپڈا)، عقیل احمد(واپڈا)، غضنفر علی(کسٹمز)، زکریا حیات(نیوی)، ارشد لیاقت(ماڑی پیٹرولیم)، عبدالحنان شاہد(واپڈا)، عبدالرحمٰن (واپڈا)، محمد عماد(کسٹمز)، عمر مصطفیٰ(ماڑی پیٹرولیم)، ایم فیضان جنجوعہ(کسٹمز)، ایم تیمور جاوید(پنجاب)، امجد علی (پنجاب)، دانش (پنجاب)، اسد (بلوچستان)، عمران (بلوچستان)، قاضی انس(بلوچستان)،یونس (بلوچستان)، زاہد اللہ (واپڈا)، جبران حمزہ(کے پی کے)، ندیم خان (کے پی کے)، عدیل لطیف (کسٹمز)، بشارت علی (نیوی)، شاہزیب خان (کسٹمز)، عبیداللہ بھٹو(واپڈا)، زبیر گول کیپر (آرمی)، حمزہ فیاض(کسٹمز)، عبدالواجد(بلوچستان) شامل ہیں.

🇵🇰 Saluting the architect of a nation, whose vision continues to inspire generations.

PAK V ARG
FT 3-6
Pakistan finish 8th at the Hockey Men's Junior World Cup Malaysia 2023. 🇵🇰⚔️🇦🇷

Pakistan will compete against Argentina for the 7th place. 🇵🇰⚔️🇦🇷

FT: Pak🇵🇰 5-7🇦🇺AUS

1-2 at the halfway mark. 🇵🇰v🇦🇺

🇵🇰v🇦🇺 Pakistan to face Australia today!!

🇵🇰v🇪🇸

💔 The Boys gave it their all but just couldn't get the win.

Pakistan leading 1-0 at the half way mark.
🇵🇰v🇪🇸

QUARTER-FINALS
The Stakes are high, and so is our Spirit!!!

PAK V BEL
ACTION CAPTURED 📸

QUARTER-FINAL:

Pakistan and Spain to face off in a field hockey spectacle. 🇵🇰⚔️🇪🇸

🇵🇰 The Dream Team:

Fulltime equality! Both teams fought valiantly, leaving the scoreboard level.
FT: PAK 1️⃣-1️⃣ BEL