Apna Punjab Poetry اپنا پنجاب شاعری

Main Teri Tasveer Paadh Devaan Kise Nu Ki Most Sad Romantic Love Top Trending Super Hit Punjabi Poetry Whatsapp Status 2023
Poet: Tajammul Kaleem

میں تیری تصویر پاڑ دیواں کسے نوں کیہہ اے
غزل دا مطلع وگاڑ دیواں کسے نوں کیہہ اے

میں دل دے کمرے چ روپ ہرنی نوں کھلا چھڈاں
تے باہر ریجھاں نوں تاڑ دیواں کسے نوں کیہہ اے

میں تِن حرفاں نوں شہر کہہ کے کراں نظارہ
تے فیر آپے اجاڑ دیواں کسے نوں کیہہ اے

کلیم لوکاں نے ایہنوں کورا نئیں ریہن دینا
جے دل دا ورقہ ای پاڑ دیواں کسے نوں کیہہ اے

تجمل کلیم

Roop Koi Jageer Nai Hundi Most Famous Sad Romantic Love Emotional Best Super Hit Punjabi Poetry Whatsapp Status 2023
Poet: Tajammul Kaleem

رُوپ کوئی جاگیر نئیں ہندی
ہیر وی اک دن ہیر نئیں ہندی

شیشے ساہویں میں ہی ہُناں
وچ میری تصویر نئیں ہندی

بندے نوں کُجھ کر دیندی اے
دولت آپ امیر نئیں ہندی

شُکر اے پاٹے جھگے وچ آں
ایتھے تن تے لیر نئیں ہندی

لبھو کون اے لُٹن والا
جو وی اے تقدیر نئیں ہُندی

تجمل کلیم

Oh Moye Samjho Dare Ne Jehde Most Sad Romantic Emotional Top Trending Super Hit Punjabi Poetry Whatsapp Status 2023
Poet: Tajammul Kaleem

بچن گے اوہو کھرے نیں جیہڑے
اوہ موۓ سمجھو ڈرے نیں جیہڑے

کدی نہ اکھاں چ ریت اُڈدی
اوہ ست سمندر بھر ے نیں جیہڑے

اوہ میں سی میری جو ڈُب گئی اے
ایہہ ککھ نیں میرے ترے نیں جیہڑے

تُوں صرف لاشاں وکھا ریہا ایں
تے ساڈے چُلہے ٹھرے نیں جیہڑے

تجمل کلیم

Qabar Da Chehra Padhan Gya Saan Most Sad Romantic Love Top Trending Sad Romantic Love Emotional Punjabi Poetry Whatsapp Status 2023
Poet: Tajammul Kaleem

جدوں میں ایکے نوں دُون پڑھیا
جہان کہندا اے ہون پڑھیا

کیہہ دل نوں توڑن تے کوئی حد نئیں
تونہہ رہ خاں ایڈا قنون پڑھیا

قبر دا چہرہ پڑھن گیا ساں
چوفیر لکھیا سکون پڑھیا

میں اوہدے بولاں چ شہد منگیا
ولی نے چُونڈھی کُو لون پڑھیا

کل اوہنے جاواں نوں جاں سی لکھیا
میں نون غنہ نوں نون پڑھیا

کلیم ویراں دی رت چٹی
میں دودھ ماواں دا خون پڑھیا

تجمل کلیم

Mazalan Da Nishaan Thoda Ay Most Famous And Popular Sad Romantic Emotional Punjabi Poetry Whatsapp Status 2023
Poet: Tajammul Kaleem

منزلاں دا نشان تھوڑا اے
پیار اے امتحان تھوڑا اے

میرے چھپر نے اُڈ ای جانا اے
ایہہ تیرا آسمان تھوڑا اے

بھاویں اپنا مکان اے میرا
پر ایہہ میرا مکان تھوڑا اے

ویلیا توں نہ ظلم کر بھائیا
ظلم لئی خاندان تھوڑا اے

عشق کیتا اے قسم کعبے دی
ایہہ سیاسی بیان تھوڑا اے

میں جے منگن تے آ گیا ربا
تیرا سارا جہان تھوڑا اے

تجمل کلیم

ਪੰਜਾਬੀ ਗ਼ਜ਼ਲ

ਮੰਜ਼ਿਲਾਂ ਦਾ ਨਿਸ਼ਾਨ ਥੋੜਾ ਏ
ਪਿਆਰ ਏ ਇਮਤਿਹਾਨ ਥੋੜਾ ਏ

ਭਾਵੇਂ ਅਪਣਾ ਮਕਾਨ ਏ ਮੇਰਾ
ਪਰ ਇਹ ਮੇਰਾ ਮਕਾਨ ਥੋੜਾ ਏ

ਵੇਲਿਆ ਤੋਂ ਨਾ ਜ਼ੁਲਮ ਕਰ ਭਾਈਆ
ਜ਼ੁਲਮ ਲਈ ਖ਼ਾਨਦਾਨ ਥੋੜਾ ਏ

ਇਸ਼ਕ ਕੀਤਾ ਏ ਕਸਮ ਕਾਅਬੇ ਦੀ
ਇਹ ਸਿਆਸੀ ਬਿਆਨ ਥੋੜਾ ਏ

ਮੈਂ ਜੇ ਮੰਗਣ ਤੇ ਆ ਗਿਆ ਰੱਬਾ
ਤੇਰਾ ਸਾਰਾ ਜਹਾਨ ਥੋੜਾ ਏ

ਤਜੰਮੁਲ ਕਲੀਮ

Kulli Neher De Kandhe Te Paa Baithaan New Best Super Hit Punjabi Poetry Whatsapp Status 2023
Poet: Tajammul Kaleem

ہوش پُچھیا نشے دی لہر دے وچ
زہر کِنّی کُو ہندی اے زہر دے وچ
کُلّی نہر دے کنڈھے تے پا بیٹھاں
چن ٹہلدا ویکھ کے نہر دے وچ
میرے ساگ پُچان تے سڑ جاندے
اوہدے جَنے وی سکّے نیں شہردے وچ
دُکھ اکھاں دے راہیں کیوں باہر آۓ
جے سی گھر دے جی تے ٹھہر دے وچ
کسے ویکھیا ہووے تے گل کرے
چن چھت تے شِکر دوپہر دے وچ
تجمل کلیم

Vassan Kisraan Ajj De Bande Best Sad Romantic Emotional Famous And Popular Punjabi Poetry Whatsapp Status 2023
Poet: Tajammul Kaleem

بدلاں وانگ نیں گجدے بندے
وسن کسراں اج دے بندے

توں جے پلُو کیتا ہندا
کندھاں وچ نہ وجدے بندے

ربا تینوں تھوڑ اے کیہڑی
تیتھوں وی نہیں رجدے بندے

قسمے منزل مل جانی سی
اک پاسے جے بھجدے بندے

دوہاں صدیاں تِکر جینا
چج دے شعر تے چج دے بندے

تجمل کلیم

ਬੱਦਲਾਂ ਵਾਂਗ ਨੇਂ ਗੱਜਦੇ ਬੰਦੇ
ਵੱਸਣ ਕਿਸ੍ਰਾਂ ਅੱਜ ਦੇ ਬੰਦੇ

ਤੂੰ ਜੇ ਪੱਲੂ ਕੀਤਾ ਹੁੰਦਾ
ਕੰਧਾਂ ਵਿਚ ਨਾ ਵੱਜਦੇ ਬੰਦੇ

ਰੱਬਾ ਤੈਨੂੰ ਥੋੜ ਏ ਕਿਹੜੀ
ਤੇਥੋਂ ਵੀ ਨਹੀਂ ਰੱਜਦੇ ਬੰਦੇ

ਕਸਮੇਂ ਮੰਜ਼ਿਲ ਮਿਲ ਜਾਣੀ ਸੀ
ਇਕ ਪਾਸੇ ਜੇ ਭੱਜਦੇ ਬੰਦੇ

ਦੋਹਾਂ ਸਦੀਆਂ ਤਿਕਰ ਜੀਣਾ
ਚੱਜ ਦੇ ਸ਼ਿਅਰ ਤੇ ਚੱਜ ਦੇ ਬੰਦੇ