Love poetry and jokes

وہ اک شخص جو کم کم میسر ہے ہم کو۔
آرزو ہے کہ کسی روز وہ سارا مل جائے!

اُسے کہنا کہ ملاقات ادھوری تھی وہ۔
اُسے کہنا کہ کبھی آ کے دوبارا مل جائے!

تم پھر نہ آ سکو گے,
بتانا تو تھا مجھے!

تم دور جا کے بس گئے,
میں ڈھونڈتا پِھرا۔۔

دلِ منصف نے کہا ہے، کہ سزا دی جائے۔۔
آپ سے پیار کی ہر بات ، بُھلا دی جائے !!

بے وفائوں سے بِچھڑ کر، جو پلٹ کر دیکھے۔۔
آگ اُس شخص کی آنکھوں کو لگا دی جائے!!

اِس کو غرور مان لیں یا ادائے یار
کہ گفتگو کے سارے سلیقے بدل گئے

اور جس دن اُسے بتایا کہ وہ سب سے خاص ہے
اُس دن سے اُس کے طور طریقے بدل گئے

خاک پر اشک گریں اور مجھے تکلیف نہ ہو
یہ مرے دل کی پناہوں میں پلے ہیں برسوں۔۔۔!!!

اپنی مرضی سے بھی دو چار قدم چلنے دے
زندگی ہم ترے کہنے پہ چلے ہیں برسوں۔۔۔!!!

تیری گفتگو ، تیرا دھیان چھوڑنا چاہیے
ہمیں اب یہ خستہ مکان چھوڑنا چاہیے

کبھی خود پہ کبھی حالات پہ رونا آیا
بات نکلی تو ہر اک بات پہ رونا آیا

ہم تو سمجھے تھے کہ ہم بھول گئے ہیں ان کو
کیا ہوا آج یہ کس بات پہ رونا آیا

کس لیے جیتے ہیں ہم کس کے لیے جیتے ہیں
بارہا ایسے سوالات پہ رونا آیا

کون روتا ہے کسی اور کی خاطر اے دوست
سب کو اپنی ہی کسی بات پہ رونا آیا

ساحر لدھیانوی

ضبط کھونے کی اذیت کو کہاں سمجھو گے
چھپ کے رونے کی اذیت کو کہاں سمجھو گے
جس جگہ خواب اگانے تھے ، وہاں آنکھوں میں
درد بونے کی اذیت کو کہاں سمجھو گے
سینکڑوں لوگ میسر ہیں رفاقت کے لیے
تم "نہ ہونے" کی اذیت کو کہاں سمجھو گے۔۔۔۔۔

دل کو خوش کرنے کا انتظام کیجیے

چلیئے ایک شعر میرے نام کیجیے

میں نے ہر بار تجھ سے ملتے وقت

تجھ سے ملنے کی آرزو کی ہے

تیرے جانے کے بعد بھی میں نے

تیری خوشبو سے گفتگو کی ہے

کچھ خواب قطاروں میں کھڑے رہتے ہیں تاعمر
کچھ خوابوں کی تقدیر میں آنکھیں نہیں ہوتیں

‎‏مچلتے رہتے ہیں ذہنوں میں وسوسوں کی طرح
پسندیدہ لوگ بھی____وبالِ جان ہوتے ہیں۔۔!!🖤

انکی نظریں نہ جان پائیں اچھائیاں ہماری محسن
ہم جو سچ میں خراب ہوتے تو سوچو کتنے فساد ہوتے
🌸

ہم سے بچھڑو گے تو احساس یہ ہو گا تم کو
بات کچھ اور ہی تھی ہم سے شناسائی میں

وہ ادھوری ڈائری کھو گئی، وہ نجانے کون سا سال تھا؟

مجھے ایسا لطف عطا کیا، جو ہجر تھا نہ وصال تھا
مرے موسموں کے مزاج داں، تجھے میرا کتنا خیال تھا

کسی اور چہرے کو دیکھ کر، تری شکل ذہن میں آگئی
تیرا نام لے کے ملا اسے، میرے حافظے کا یہ حال تھا

کبھی موسموں کے سراب میں، کبھی بام و در کے عذاب میں
وہاں عمر ہم نے گزار دی، جہاں سانس لینا مُحال تھا

کبھی تُو نے غور نہیں کیا، کہ یہ لوگ کیسے اُجڑ گئے؟
کوئی میر جیسا گرفتہ دل، تیرے سامنے کی مثال تھا

کہیں خون ِدل سے لکھا تو تھا، تیرے سال ِہجر کا سانحہ
وہ ادھوری ڈائری کھو گئی، وہ نجانے کون سا سال تھا؟
🥀🥀 ***DD*S

نہ حریفِ جاں نہ شریکِ غم، شبِ انتظار کوئی تو ہو
کسے بزمِ شوق میں لائیں ہم، دلِ بے قرار کوئی تو ہو

یہ اداس اداس سے بام و در، یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو

***DD*S

ہر چند کوئی خواب مکمل نہیں ہوا
میں اس کے باوجود بھی پاگل نہیں ہوا

جاری ہے حادثوں کا سفر اس طرح کہ بس
اک حادثہ جو آج ہوا کل نہیں ہوا

اک عمر کی طویل مسافت کے باوجود
میں چل رہا ہوں میرا بدن شل نہیں ہوا

بچھڑے ہوئے تو ایک زمانہ ہوا، مگر
وہ شخص میری آنکھ سے اوجھل نہیں ہوا
***DD*$

‎ہجر لازم ہے تو پِھر____ وصل کا وعدہ کیسا

‎یوں خزاں رُت میں .."بہاروں کا لبادہ" کیسا

‎زخم دے کر تو نہ تم درد کی شدت پوچھو

‎"درد تو درد" ہے ...کم کیسا زیادہ کیسا

***DD*S

‏عام سے چہروں پر بھی_____عشق اترتا ہے
‏کہانیاں !! فقط شاہ زادیوں کی نہیں ہوتیں

‏تم کسی سیارے کی___ہجرت زدہ لگتی ہو
‏ایسی آنکھیں زمیں زادیوں کی نہیں ہوتیں

M***DD*S💕

کہ جدوں نور ایں توں میری اکھیاں دا
کی تیرے بعد گزارا ہو سکدا اے؟

توں آپ سیانا ایں سوچ تے سہی
تیرے توں یار کنارہ ہو سکدا اے؟

یوں تو ہر شام امیدوں میں گزر جاتی تھی
آج کچھ بات ہے جو شام پہ رونا آیا

نہیں رہتا کوئ شخص ادھورا کسی کے پیچھے

وقت گزر ہی جاتا ہے
کچھ پا کر بھی، کچھ کھو کر بھی

‏کیسی بے فیض سی رہ جاتی ہے دل کی بستی..!!
کیسے چپ چاپ چلے جاتے ہیں جانے والے..!!

کانٹے نکالنے میں ہی گُزری ہے زندگی
دل میں لیے ہی حسرت گلزار مر گئے

اے زندگی یہ تیرا کرشمہ نہیں تو کیا؟
ہم موت سے ہی پہلے کئی بار مر گئے۔۔۔

تجھے سانس سانس بُننا ، یہی مشغلہ ھے دل کا
یہی بندگی چُنی ھے یہی کام رکھ دیا ھے

‏ہر شخص مجھے صورتِ اخبار سمجھ کر
صفحات سے مطلب کی خبر کاٹ رہاتھا

وہِ زیست میں جو سراب تھے ، مجھے کھا گئے
وہ جو ہجرتوں کے عذاب تھے، مجھے کھا گئے

وہ جو چشمِ شوق میں خواب تھے، مجھے کھا گئے
وہ جو رتجگوں کے عذاب تھے، مجھے کھا گئے

سرِ گفتگو جو سوال تھے، وہ کمال تھے
وہ جو میرے تشنہ جواب تھے، مجھے کھا گئے

سرِ دشتِ شوق جو خار تھے، مرے یار تھے
وہ کہیں کہیں جو گلاب تھے، مجھے کھا گئے

وہ جو اک گھڑا مرے پاس تھا، مری آس تھا
وہ جو نفرتوں کے چناب تھے، مجھے کھا گئے

کسی بے اماں کو جو دی اماں، وہ عدوئے جاں
وہ عمل جو کارِ ثواب تھے، مجھے کھا گئے

مری عمر کی جو کتاب تھی، وہ نصاب تھی
وہ جو چند آخری باب تھے، مجھے کھا گئے

فرتاش سید ✨

نہ ابر دشت میں برسا نہ نہر جاری ہوئی
سنا ہے رات پہاڑوں پہ برف باری ہوئی

پھر ایک بیتا ہوا ہجر مجھ پہ پھر بیتا
گزاری پھر سے وہی ایک شب ,گزاری ہوئی

‏میں نے پہچان لیا دور سے، گھر تیرا ہے...
پھول لپٹے ہوئے دیکھے جہاں دیوار کے ساتھ..

وہم و گماں کے لوگ تھے، وہم و گماں میں ہی رہے
‏دیکھا تو کوئی بھی نہ تھا، سوچا تو شہر بھر گیا

کیا ہوا جو آپ کے شمار میں نہیں رہا !!
میں مختلف سا شخص تھا ہزار میں نہیں رہا۔۔!!
فقط یہ آپ کا گلہ نہیں ہے میرے محترم
ہمارے ساتھ جو رہا قرار میں نہیں رہا...!

اے مِرے خواب چِھیننے والے !
یہ مِرا آخری اثاثہ ہیں

جو ترے سامنے بھی خالی رہا
ہم تری دید کا وہ کاسہ ہیں

اک روایت کی طرح ہم بھی زمیں پر اترے
پوچھا جاتا تو ترے دل پہ اتارے جاتے

ایک ہی دل تھا سو اس کو تو فدا ہونا تھا
ہوتے دس بیس بھی گر تم پہ ہی وارے جاتے

زندہ رہنے کو بھی لازم ہے سہارا کوئی
کاش مل جائے غم ہجر کا مارا کوئی

ہے تیری ذات سے مجھکو وہی نسبت جیسے
چاند کے ساتھ چمکتا ہوا ستارہ کوئی

کیسے جانو گے کہ راتوں کا تڑپنا کیا ہے
تم سے بچھڑا جو نہیں جان سے پیارا کوئی

ہم محبت میں بھی قائل رہے یکتائی کے
ہم نے رکھا ہی نہیں دل میں دوبارہ کوئی

سوچتا ہوں کہ تیرے پہلو میں جو بیٹھا ہوگا
کیسا ہوگا وہ پری وش وہ تمہارا کوئی

کون بانٹے گا مرے ساتھ مری تنہائی
ڈھونڈ کے لا دو مجھے زیست سے ہارا کوئی

تم عشق کرو، اور درد نہ ہو ؟
یعنی
دسمبر ہو اور سرد نہ ہو؟

غموں کی دُھول میں شاید بِکھر گیا ہو گا
بِچھڑ کر مُجھ سے وہ جا نے کِدھرگیا ہوگا

ﺑﻨﺪ ﺩﺭﯾﭽﮯ، ﺳﻮﻧﯽ ﮔﻠﯿﺎﮞ، ﭘﭽﮭﻠﮯ ﭘﮩﺮ ﮐﺎ ﺳﻨﺎﭨﺎ..
ﮐﯿﺴﮯ ﮐﯿﺴﮯ ﺩﻭﺳﺖ ﻣﻠﮯ ﮨﯿﮟ ﺍﮎ ﺗﯿﺮﮮ ﻧﮧ ﮨﻮﻧﮯ ﺳﮯ..

سکون ملا نہ تجھے اپنے روبرو کر کے
میں ٹوٹ گیا تجھ سے گفتگو کر کے۔!🖤

پھر ضروری ہے ترا مجھ سے محبت کرنا
ہر عمل کا ہی اگر___ ردِ عمل__ ہوتا ہے