Markaz TOOT. Male

محترم معلم محمد فیروز صاحب (GBPS پیرانی) مورخہ 09/اپریل 2023 کو 22 سال 07 ماہ کی مدت ملازمت پوری کرنے بعد ریٹاٸر ہو گٸے۔10/اپریل 2023 کو آپ کے اعزاز میں ریٹاٸرمنٹ کی تقریب منعقد کی گٸی جس میں اسسٹنٹ ایجوکیشن آفیسر نعمان علی صاحب( مرکز توت) ممبران سکول کونسل،معززین علاقہ،سکول سٹاف اور طلبا نے شرکت کی۔اسسٹنٹ ایجوکیشن آفیسر نعمان علی صاحب اور دیگر شرکا ٕ تقریب نے اس بات کا اعتراف کیا کہ بلا شبہ معلم محمد فیروز صاحب کی خدمات پنڈی گھیب شہر سے دور دراز اس پسماندہ علاقے میں ناقابلِ فراموش ہیں۔آپ نے سیکڑوں طلبا کے مستقبل کو سنوارا اور طویل عرصے تک اس علاقے میں علم کی شمع جلاۓ رکھی۔
رسول اللہﷺ نے فرمایا”عالِم کی روشناٸی شہید کے خون سے مقدس تر ہے“ ”معلم“ چار حرفی لفظ اپنے اندر انتہاٸی خوب صورت مفاہیم سمیٹے ہوۓ ہے۔مثلاً ” م“ محبت و مہربانی، ”ع“ علم وعمل، ”ل“ لگاٶ اور ”م“ ممدو معاون اور فیروز فارسی زبان کا لفظ ہے جس کامعنی ہے” کامیابی“۔یہ تمام خوبیاں آپ کے نام کے ساتھ صحیح صادق آتی ہیں۔معاشرے کی بقا کے لیے اچھے اساتذہ ناگزیر ہیں۔
ارشاد نبوی ﷺ ہے ”اس آدمی کی کوٸی قیمت نہیں جو نہ معلم ہے اور نہ متعلم“۔
معلم فیروز صاحب نے اپنی سروس کے دوران بطور single ٹیچر زیادہ کام کیا ہے اسی لیے اکثر اوقات آپ ایک شعر سناتے رہتے تھے۔
کورس تولفظ ہی سکھاتے ہیں
آدمی ، آدمی بناتے ہیں۔۔(اکبر الہ آبادی)
بلاشبہ فیروز صاحب نہایت محنتی، دیانت دار،فرض شناس اور ذہین معلم تھے۔شرکاۓ تقریب نے بہترین الفاظ میں آپ کو خراج تحسین پیش کیا، بخیرو عافیت سروس مکمل کرنے پر آپ ک مبارک باد پیش کی اور بقیہ زندگی کے لیے نیک خواہشات کا اظہار کیا۔
آخر میں اسسٹنٹ ایجوکیشن آفیسر نعمان علی صاحب اورجملہ سٹاف نے آپ کو اعزازی شیلڈ اور سرٹیفیکیٹ پیش کیا۔(تحریر از قلم عارف ندیم)

پنڈی گھیب(نامہ نگار)گورنمنٹ بوائز پرائمری سکول نکہ کلاں تحصیل پنڈی گھیب میں سالانہ نتائج کے سلسلے میں پُروقار تقریب کا انعقاد کیا گیا جس میں تحریک لبیک پاکستان کے مرکزی سربراہ علامہ خادم حسین رضوی کے برادرِ اکبر حاجی امیر حسین , اسسٹنٹ ایجوکیشن آفیسر مرکز توت نعمان علی , ہیڈ ماسٹر عارف محمود , نمبردار سعادت علی خان کے علاوہ عمائدین علاقہ اور طلباء کے والدین نے کثیر تعداد میں شرکت کی

اسسٹنٹ ایجوکیشن آفیسر مرکز توت نعمان علی نے تقریب کے شرکاء سے خطاب کرتے ہوئے کہا کہ دیہی علاقہ جات میں سرکاری سکولز نوجوان نسل کو معیاری تعلیم کے حصول میں مددگار ثابت ہو رہے ہیں , طلباء کی ذہنی صلاحیتوں کو نکھارنے کے لیئے اساتذہ کرام کی محنت اور والدین کی توجہ ایک ضروری امر ہے ہم نے اپنی نوجوان نسل کو ایک کامیاب انسان کے طور پر معاشرے میں پیش کرنا ہے جسکے لیئے تعلیم کا حصول ضروری ہے

خوشی محسوس ہوتی ہے کہ پسماندہ علاقوں میں علم دوست ماحول سے سرکاری تعلیمی اداروں میں ماحول مزید بہتر بنایا جا رہا ہے نکہ کلاں کے مقامی افراد نے "خادم حسین رضوی ٹرسٹ" اور "نکہ کلاں ویلفیئر ایسوسی ایشن" کے پلیٹ فارم سے گورنمنٹ بوائز پرائمری سکول میں صاف پانی , ساؤنڈ سسٹم و دیگر سہولیات کی فراہمی میں کلیدی کردار ادا کیا ہے , مذکورہ دو ویلفیئر آرگنائزیشنز نے داخلہ مہم میں بھی سکول کیساتھ بھرپور تعاون کیا , علاقہ مکینوں کے جذبے اور علم دوستی کو مدنظر رکھتے ہوئے مذکورہ پرائمری سکول کو اپگریڈ کرکے کمیونٹی ماڈل سکول بنا دیا گیا جس میں اگلے سال ششم تا دہم جماعت کے طلباء بھی داخلہ لے سکیں گے اِس ضمن میں نکہ کلاں کی مقامی ویلفیئر آرگنائزیشنز کیجانب سے سکول میں طلباء کی سہولت کے لیئے دو کمروں کی تعمیر بھی مکمل کر دی گئی ہے جبکہ آئی ٹی لیب بھی اپنی مدد آپ کے تحت بنائی جائے گی اِن سہولیات سے دیہی علاقے میں معیاری تعلیم کے خواب کو شرمندہِ تعبیر کیا جائے گا محکمہ تعلیم طلباء کی آسانی کے لیئے کیجانے والی کوششوں میں ہرممکن تعاون کرے گا , تقریب کے آخر میں مہمانانِ گرامی کیجانب سے کامیاب طلباء کے مابین انعامات اور اعزازی سرٹیفیکیٹس تقسیم کیئے گئے

پنڈی گھیب(نامہ نگار)گورنمنٹ بوائز پرائمری سکول نکہ کلاں تحصیل پنڈی گھیب میں سالانہ نتائج کے سلسلے میں پُروقار تقریب کا انعقاد کیا گیا جس میں تحریک لبیک پاکستان کے مرکزی سربراہ علامہ خادم حسین رضوی کے برادرِ اکبر حاجی امیر حسین , اسسٹنٹ ایجوکیشن آفیسر مرکز توت نعمان علی , ہیڈ ماسٹر عارف محمود , نمبردار سعادت علی خان کے علاوہ عمائدین علاقہ اور طلباء کے والدین نے کثیر تعداد میں شرکت کی

اسسٹنٹ ایجوکیشن آفیسر مرکز توت نعمان علی نے تقریب کے شرکاء سے خطاب کرتے ہوئے کہا کہ دیہی علاقہ جات میں سرکاری سکولز نوجوان نسل کو معیاری تعلیم کے حصول میں مددگار ثابت ہو رہے ہیں , طلباء کی ذہنی صلاحیتوں کو نکھارنے کے لیئے اساتذہ کرام کی محنت اور والدین کی توجہ ایک ضروری امر ہے ہم نے اپنی نوجوان نسل کو ایک کامیاب انسان کے طور پر معاشرے میں پیش کرنا ہے جسکے لیئے تعلیم کا حصول ضروری ہے

خوشی محسوس ہوتی ہے کہ پسماندہ علاقوں میں علم دوست ماحول سے سرکاری تعلیمی اداروں میں ماحول مزید بہتر بنایا جا رہا ہے نکہ کلاں کے مقامی افراد نے "خادم حسین رضوی ٹرسٹ" اور "نکہ کلاں ویلفیئر ایسوسی ایشن" کے پلیٹ فارم سے گورنمنٹ بوائز پرائمری سکول میں صاف پانی , ساؤنڈ سسٹم و دیگر سہولیات کی فراہمی میں کلیدی کردار ادا کیا ہے , مذکورہ دو ویلفیئر آرگنائزیشنز نے داخلہ مہم میں بھی سکول کیساتھ بھرپور تعاون کیا , علاقہ مکینوں کے جذبے اور علم دوستی کو مدنظر رکھتے ہوئے مذکورہ پرائمری سکول کو اپگریڈ کرکے کمیونٹی ماڈل سکول بنا دیا گیا جس میں اگلے سال ششم تا دہم جماعت کے طلباء بھی داخلہ لے سکیں گے اِس ضمن میں نکہ کلاں کی مقامی ویلفیئر آرگنائزیشنز کیجانب سے سکول میں طلباء کی سہولت کے لیئے دو کمروں کی تعمیر بھی مکمل کر دی گئی ہے جبکہ آئی ٹی لیب بھی اپنی مدد آپ کے تحت بنائی جائے گی اِن سہولیات سے دیہی علاقے میں معیاری تعلیم کے خواب کو شرمندہِ تعبیر کیا جائے گا محکمہ تعلیم طلباء کی آسانی کے لیئے کیجانے والی کوششوں میں ہرممکن تعاون کرے گا , تقریب کے آخر میں مہمانانِ گرامی کیجانب سے کامیاب طلباء کے مابین انعامات اور اعزازی سرٹیفیکیٹس تقسیم کیئے گئے

محترم اسسٹنٹ ایجوکیشن آفیسر نعمان علی صاحب کے ہمراہ ڈپٹی ڈسٹرکٹ ایجوکیشن آفیسر ملک محمد مسکین صاحب نے گورنمنٹ ایلیمینٹری سکول سروایا اور گورنمنٹ پراٸمری سکول توت کا اچانک معاٸنہ کیا۔ گورنمنٹ ایلیمینٹری سکول سروایا میں آپ نے مختلف کلاسز میں مختلف مضامین کا ٹیسٹ لیا۔طلبہ نے اچھا ریسپانس دیا۔آپ نے طلبہ اور اساتذہ کرام کی حوصلہ افزاٸی کی اور کوالٹی ایجوکیشن کو بہتر کرنے کے لیے مزید ہدایات دیں۔آپ نے بہترین ڈسپلن ،تعلیمی ماحول اور صفاٸی کے حوالے سے ہیڈ ٹیچر کی محنت کو سراہا۔

محترم اسسٹنٹ ایجوکیشن آفیسر نعمان علی صاحب نے پراٸیویٹ سکول (سیک پبلک سکول) پنڈی گھیب کا دورہ کیا۔سکول ہذا کے ڈاٸریکٹر عرفان غوث صاحب نے پُرجوش طریقے سے آپ کا استقبال کیا۔جیسا کہ آپ جانتے ہیں APPSMA کے حالیہ الیکشن میں عرفان غوث صاحب APPSMAتحصیل پنڈی کے صدر منتخب ہوۓ ہیں اس کامیابی پر اسسٹنٹ ایجوکیشن آفیسر نعمان علی صاحب نے ان کو مبارک باد پیش کی اور امید ظاہر کی کہ ہمیشہ کی طرح APPSMA اور گورنمنٹ کے ادارے مل کر اپنے علاقے میں تعلیمی عمل کو مزید فروغ دیں گے جس پر عرفان غوث صاحب نے کہا کہ ہم گورنمنٹ سیکٹر کے ساتھ شانہ بشانہ کھڑے ہیں اور ایک دوسرے کے ساتھ مل کر تعلیمی سر گرمیوں کو پروان چڑھاٸیں گے۔ان شاء اللہ

محترم اسسٹنٹ ایجوکیشن آفیسر نعمان علی صاحب نے پراٸیویٹ سکول ، الفلاح ماڈل سکینڈری سکول نکہ کلاں کا وزٹ کیا۔ڈاٸریکٹر سکول ہذا عاطف صاحب نے انتہاٸی پرتپاک طریقے سے آپ کا استقبال کیا۔آپ نے مختلف کلاسز کو چیک کیا اور طلبہ کی ریڈنگ ، راٸیٹنگ اور تفہیم کا جاٸزہ لیا۔آپ نے طلبہ کی حوصلہ افزاٸی کی اور سٹاف کی محنت کو سراہا۔اس کے بعدآپ نے ساٸنس لیب اور کمپیوٹر لیب کا وزٹ کیا۔اعلٰی انتظام و انصرام پر آپ نے عاطف صاحب کی کاوشوں کی تعریف کی۔

محترم اسسٹنٹ ایجوکیشن نعمان علی صاحب نے گورنمنٹ پراٸمری سکول توت کا وزٹ کیا۔مذکورہ سکول میں دو نٸے کلاس روم تعمیر ہو رہے ہیں۔رومز کا تعمیراتی معیار چیک کیا۔اس کے بعد مختلف کلاسز میں مختلف مضامین کا ٹیسٹ لیا۔خاص طور پہ ریڈنگ ، راٸیٹنگ اور تفہیم پر فوکس کیا گیا۔طلبہ نے اچھا ریسپانس دیا۔طلبہ کی حوصلہ افزاٸی کی گٸی اور ہیڈ ٹیچر محمد شفیق صاحب کی خوش نویسی کی خصوصی تعریف کی اور اسی طرح محنت جاری رکھنے کی تلقین کی۔

اسسٹنٹ ایجوکیشن آفیسر نعمان علی صاحب نے مر کز کے دور دراز سکول گورنمنٹ پراٸمری سکول چار جاگیراں کا وزٹ کیا۔یہ سکول تحصیل جنڈ اور تحصیل پنڈی گھیب کی سرحد پہ واقع ہے۔سکول کا تمام ریکارڈ چیک کیا گیا۔کوالٹی ایجوکیشن کا جاٸزہ لیا ۔طلبا و طالبات کی پڑھنے کی مہارت اچھی تھی اور بچوں کی کارکردگی پر اطمینان کا اظہار کیا۔ سر ، نے بچوں کی حوصلہ افزاٸی کی اور ہیڈ ٹیچر کی محنت کی تعریف کی۔

اسسٹنٹ ایجوکیشن آفیسر نعمان علی صاحب نے مرکز توت کے ٹیچرز کو پنجاب ڈی وارمنگ پروگرام 2022 کے حوالے سے گورنمنٹ ہاٸی سکول پنڈی گھیب 1 میں تربیت دی اوراس پروگرام کی اہمیت اور افادیت سے آگاہ کیا۔

اسسٹنٹ ایجوکیشن آفیسر (مرکز توت) نعمان علی صاحب کے ہمراہ ڈپٹی ڈسٹرکٹ ایجوکیشن آفیسر صاحب (تحصیل پنڈی گھیب) نے گورنمنٹ ایلمینٹری سکول دندی کا معاٸنہ کیا۔آفیسرز صاحبان نے سکول اسمبلی اٹینٹڈ کی اس کے بعد مختلف کلاسز کو ہیڈ ٹیچر کی موجودگی میں کوالٹی ایجوکیشن کے حوالےسے چیک کیا گیا۔آفیسرز صاحبان نے بچوں کی حوصلہ افزاٸی کی اور اساتذہ کرام کو اس سلسلے میں مزید تجاویز دیں۔

گورنمنٹ ہاٸی سکول 1 پنڈی گھیب میں اسسٹنٹ ایجوکیشن آفیسر نعمان علی صاحب نے مرکز توت کے سرکاری و پراٸیویٹ سکول کے اساتذہ کرام (میل ،فی میل) کو ڈی وارمنگ پروگرام( 2022 ) کے سلسلے میں تربیت دی اور اساتذہ کرام کو اس پروگرام کی افادیت سے آگاہ کیا۔

اسسٹنٹ ایجوکیشن آفیسر (مرکز توت) نعمان علی صاحب نے پراٸیویٹ سکول قاٸدساٸنس فاٶنڈیشن سکینڈری سکول سرواٸی کا دورہ کیا۔ادارہ ہذٰا کے سی ای او امیر خان انجم صاحب نے آپ کا پُرتپاک استقبال کیا۔ادارے کا نظم و نسق بہترین تھا۔آپ نے مختلف کلاسز کا معاٸنہ کیا۔اس دوران طلبا نے اعتماد کے ساتھ سوالات کےجوابات دیے۔بہترین درس وتدریس کا ماحول دیکھ کر آپ نے بچوں اور اساتذہ کی تعریف کی۔اس کے بعد آپ نے امیر انجم صاحب کے جواں سال بھانجے حافظ محمد ابراہیم کی وفات پر تعزیت کا اظہار کیا اور فاتحہ خوانی کی۔

اسسٹنٹ ایجوکیشن آفیسر نعمان صاحب نے گورنمنٹ پراٸمری سکول پُھرالہ کا اچانک وزٹ کیا۔پنڈی گھیب شہر سے دُور افتادہ علاقہ ہونے کے باوجود سکول کا انتظام وانصرام قابل ستاٸش ہے۔سکول کے سرسبز لان، پودے اور عمارت دیدہ زیب ہے۔ناظرہ قرآن،ساٸنس،اردو،انگریزی،ریاضی اور اسلامیات کا جاٸزہ لیا گیا جس میں طلبا نے عمدہ کارکردگی کا مظاہرہ کیا۔نعمان صاحب نےبچوں کو شاباش دی اور سٹاف کی محنت اورلگن کو سراہا ۔داخلے کی شرح میں مسلسل اضافہ ہو رہا ہے۔آخر میں نعمان صاحب نے ہیڈ ٹیچر اور خیال زرین کو کہا کہ آپ کی محنت قابل ستاٸش ہے۔اور مجھے آپ پر فخر ہے۔اسی طرح محنت جاری رکھیں۔

تمنا دردِ دل کی ہو تو خدمت کر فقیروں کی
نہیں ملتا یہ گوہر بادشاہوں کے خزینوں میں
09 نومبر "یومِ اقبال" کے سلسلے میں گورنمنٹ سکولوں (مرکز توت) میں عام تعطیل ہو گی۔کل "مصور پاکستان" کو خاص طور پہ اپنی دعاٶں میں ضرور یاد رکھیے گا۔

آج گورنمنٹ پراٸمری سکول توت میں اسسٹنٹ ایجوکیشن آفیسر نعمان علی صاحب نے "سکول مردم شماری"(School Census)2022-23 کے حوالے سے مرکز توت کے تمام ہیڈ ٹیچرز کی میٹنگ کا انعقاد کیا اور اس سلسلے میں ٹریننگ دی۔آپ کا کہنا تھا کہ Census Form کو تیار کریں اور بروقت Submit کریں۔

مورخہ 07 جولاٸی2022 کو اسسٹنٹ ایجوکیشن آفیسر نعمان علی صاحب نے گورنمنٹ ایلیمینٹری سکول سروایا کا اچانک دورہ کیا۔کلاس نرسری تا ہشتم کلاسز میں آپ نے خصوصی طور پر ناظرہ قرآن، اردو،انگریزی،ریاضی،ساٸنس کی درس و تدریس کا تفصیلی جاٸزہ لیا۔دوران جاٸزہ طلبا کی حوصلہ افزاٸی کی اور مزید محنت کرنے کی تلقین کی۔دوران تدریس اساتذہ کو درپیش مساٸل کے حل کی تجاویز دیں اور رہنماٸی کی۔بزم ادب اور LND کے حوالے سے خصوصی ہدایات دیں۔اساتذہ اور طلبا کی ڈاٸریاں چیک کیں۔آخر میں آپ نے ہیڈ ٹیچر اور اساتذہ کی لگن اور محنت کی تعریف کی اور کہا کہ اسی جذبے سے اپنا کام جاری رکھیں۔

اسسٹنٹ ایجوکیشن آفیسر نعمان علی صاحب نے آج گورنمنٹ ایلیمینٹری سکول دندی کا وزٹ کیا۔اسمبلی سیشن کاخود بھی حصہ بنے۔اس کے بعد تدریسی سرگرمیوں کا جاٸزہ لیتے ہوۓ طلبا و طالبات اور اساتذہ کی حوصلہ افزاٸی کی اور انکی کاوش کو سراہا۔آخر میں ہیڈ ٹیچر اور سٹاف سے میٹنگ کی۔

گورنمنٹ بوائز پرائمری سکول نکہ کلاں کے ہونہار طلباء نکہ کلاں میں ہونے والے کسی بھی ایونٹ میں اپنی موجودگی کا احساس ضرور دلاتے ہیں، چودہ اگست کی ریلی ہو یا کوئی اور ایونٹ گورنمنٹ بوائز پرائمری سکول نکہ کلاں کے طلباء نے شاندار طریقے سے سکول کی نمائندگی ہے اور بہت ہی عمدہ طریقے سے قرات، نعت، تقاریر اور ملی نغمے پیش کئے۔ تحصیل لیول پر ہونے والے سیرت النبیﷺ کے سلسلے میں ہونے والے مقابلوں میں گورنمنٹ بوائز پرائمری اسکول کے طلباء نے تقریر اور نعت میں پہلی، اور قرات مین تیسری پوزیشن حاصل کی ہے۔طلباء کی اس شاندار کارکردگی کو نکہ کلاں ویلفئر ایسوسی ایشن کی طرف سے سراہا گیا اور انعامات تقسیم کیے گئے، اسسٹنٹ ایجوکیشن آفیسر نعمان علی صاحب خصوصی طور پر ان بچوں کے سرٹیفیکیٹ لے کے آئے اور ان کو سرٹیفیکیٹ دیے گئے اور بچوں کو شاندار کارکردگی پہ مبارک باد دی گئی۔اس موقع پر اسسٹنٹ ایجوکیشن آفیسر کی طرف سے اس بات پہ زور دیا گیا کہ آپ لوگ سرکاری سکولوں پہ اعتماد کریں ہم انشاء اللہ آپ کو بہترین نتائج دیں گے، اس کے علاوہ ان کی طرف سے تعاون پہ نکہ کلاں ویلفئر اور اہل علاقہ کا شکریہ ادا کیا گیا، انشا ء اللہ نکہ کلاں ویلفئر ایسوسی ایشن تعلیمی بہتری کے لیے کام کرتی رہے گی۔

آج اسسٹنٹ ایجوکیشن آفیسر نعمان علی صاحب نے ایک نجی سکول ( نیو تھری سٹار پبلک ایلیمینٹری سکول پنڈی گھیب) کادورہ کیا ۔ادارے کا نظم ونسق بہترین تھا۔دوستانہ ماحول میں بچوں کی تعلیمی سر گرمیاں جاری تھیں۔نعمان علی صاحب نے ادارے کی انتظامیہ اور سٹاف کی کوششوں کو سراہا۔