Allah Bakhsh Raisani ツ

*سیاسی قیدیوں کو بھی موقع دینا ہوگا، آنیوالے انتخابات پاکستانی تاریخ کے بدترین انتخابات ہوں گے،نواب زادہ حاجی خاں لشکری*

*کوئٹہ( این این آئی) سینئر سیاست دان وسابق سینیٹر نوابزادہ حاجی میر لشکری خان رئیسانی نے کہا ہے کہ سیاسی جماعتیں ملک میں منصفانہ اور شفاف انتخابات کیلئے آل پارٹیز کانفرنس طلب کرکے جمہوریت اور ووٹرز کے وسیع تر مفاد میں اجتماعی اصولوں اور ضابطہ اخلاق کا تعین کریں ، سیاسی قیدیوں کو رہا کرکے انہیں سیاسی جمہوری عمل میں حصہ لینے کا موقع دیا جائے۔ یہ بات انہوں نے سراوان ہاﺅس کوئٹہ میں صحافیوں کے وفد سے ملاقات میں گفتگو کرتے ہوئے کہی۔ نوابزادہ حاجی میر لشکری خان رئیسانی نے مزید کہا کہ سیاسی جماعتوں نے اگر جمہوری اقدار کو اپنے گروہی مفادات پر ترجیح دی تو آئندہ آنے والے انتخابات پاکستان کی تاریخ کا بدترین الیکشن ہوگا اس کے ذمہ یہی سیاسی جماعتیں ہوں گی، انہوں نے کہا کہ کئی سالوں سے غلط پالیسیوں بدحال معیثت اور معاشی بحرانوں نے ملک کو جکڑ کر رکھ دیا ہے مگر سیاسی جماعتیں ایک دوسرے پر الزام لگاکر آئندہ پانچ سالوں کیلئے اقتدار تک پہنچنے کی کوشش کرتے ہیں جو ایک بہت بڑی سیاسی بددیانتی ہے ، انہوں نے کہا کہ منصفانہ انتخابات کرانے کیلئے سیاسی جماعتیں ایک آل پارٹیز کانفرنس طلب کرکے منصفانہ،پرامن انتخابات کے اجتماعی اصولوں اور جمہوریت اور ووٹرز کے وسیع تر مفاد اور ملک کے مستقبل کیلئے ایک ضابطہ اخلاق کا تعین کریں تاکہ آئندہ آنے والے دنوںمیںملک کومزید بحرانوں کا سامنا نہ کرنا پڑے انہوں نے کہاکہ اس وقت ملک کے اندر سیاسی قیدی بھی موجود ہیں اور سیاسی قیدیوں کو رہا کرکے ان کو سیاسی جمہوری اور قومی حق ادا کرنے کا موقع دیا جائے نہ تو ایک مرتبہ پھر دو ہزار چوبیس میں ہونے والے انتخابات کو بھی غیر منصفانہ اور دھاندلی آلود انتخابات کے طور پر یاد کیا جائیگا*

سینیر سیاست دان وسابق سینیٹر نوابزادہ حاجی میر لشکری خان رئیسانی سےبلوچستان یونین آف جرنلسٹس کے صدر عرفان سعید سینیر صحافی ایکسپریس نیوز کے بیورو چیف رضاء الرحمن کوئٹہ پریس کلب کے جنرل سیکرٹری بنارس خان پی ایف یو جے کے مرکزی جوائنٹ سیکرٹری ایوب ترین روزنامہ جنگ کوئٹہ کے ایڈیٹر حاجی خلیل احمد 92نیوز کے بیورو چیف خلیل احمد جی این این ٹی وی کے بیورو چیف رشید بلوچ سنو ٹی وی کے بیورو چیف کفایت علی مقامی روزنامہ کے ایڈیٹر آغا عیبد کا سراوان ہاوس میں ملاقات کے موقع پر گروپ فوٹو

اپنی زبانوں سے عشق و محبت کرنے والے سیاسی کارکن،قلم کار منظم ہو کرمقامی زبانون میں اپنی تخلیقات سامنے لائیں ، نوابزادہ لشکری رئیسانی
سینئر سیاست دان سابق سینیٹر نوابزادہ حاجی میر لشکری خان رئیسانی نے کہا ہے کہ اپنی زبانوں سے عشق و محبت کرنے والے سیاسی کارکن،قلم کار منظم ہو کرمقامی زبانون میں اپنی تخلیقات سامنے لائیں ۔ یہ بات انہوں نے ہفتہ کو خانہ فرہنگ اسلامی جمہوریہ ایران کے زیراہتمام ایران اور بلوچستان کے مشترکہ مفاخر و مشاہیر کی یاد میں منعقدہ ادبی کانفرنس سے خطاب کرتے ہوئے کہی ، کانفرنس سے ڈائریکٹر جنرل خانہ فرہنگ ایران سید ابوالحسن میری ، ڈاکٹر مصطفیٰ ، ڈاکٹر رقیہ ہاشمی ، ڈاکٹر عبدالرﺅف رفیقی ، سنگت رفیق بلوچ ، پروفیسر ڈاکٹر نصیب اللہ و دیگر نے بھی خطاب کیا۔نوابزادہ حاجی میر لشکری خان رئیسانی نے کانفرنس سے خطاب کرتے ہوئے کہا کہ اس علمی محفل میں شریک علمی و ادبی شخصیات نے مولوی عبداللہ روانبد ، میر گل خان نصیر ، ملا عبدالسلام عشیزئی ، محمد علی اختیار ، مولوی محمد حسن براہوئی کے حوالے سے یہاں مکالمے بھی پیش کئے ، انہوں نے مقامی زبانوں کے ساتھ ساتھ فارسی زبان میں بھی شاعری اور تصانیف کو کیوں ترجیح دی یہ ایک بہت بڑا سوال ہے اس کا سہرا ان اساتذہ کے سر جاتا ہے جنہوں نے مختلف اوقات میں فارسی زبان کو زندہ رکھا اور اس کی ترویج کیلئے دن رات کوشش بھی کی، انہوں نے کہا کہ زبان رابطے کا ذریعے ہے مگر فارسی زبان کو رابطہ کے ساتھ ساتھ اس کے اساتذہ نے ایک شاہکار زبان بھی بنایا جس میں علم اور ادب میں بڑی بڑی تخلیقات موجود ہیں۔انہوں نے کہا کہ جب فارسی زبان میں علم و ادب کو دیکھیں تو کوہ پامیر سے بغداد تک فارسی زبان کے بڑے بڑے اساتذہ ، محقق ، علمی اور مذہبی شخصیات نظر آتی ہیں ، گنجا کے علاقے سے نظام گنجوی سے لیکر دہلی کے دربار تک فارسی زبان کو اساتذہ نے پہنچایا ، بلخ سے مولانا رومی ، قونیہ تک سلجوکی بادشاہوں اور شہنشاہوں کے دربار تک فارسی زبان کو پہنچایا گیا ،ان عظیم اساتذہ نے دیگر زبانوں کو مجبور کیا کہ یا تو وہ فارسی زبان سے اثر لیں یا پھر فارسی زبان میں ادبی تخلیقات کریں ، ایران سے بڑے بڑے اساتذہ کی کتابیں نمروز ، قندھار ، قابل ، قلات ، خاران اور کیچ سے برصغیر میں پہنچیں تو علم کی اس روشنی نے ہماری علمی ادبی پہلو کو بھی کہیں نہ کہیں اثر انداز کیا۔ انہوں نے کہا کہ فارسی زبان کو بہت سے بڑے بڑے بحرانوں کا سامنا رہا مگر شکایات کرنے کی بجائے اس کے لوگوں نے اپنے اس زبان کو زندہ رکھا۔انہوں نے کہاکہ فردوسی نے اپنے زمانہ میں بڑے مظالم دیکھے اس کے باوجود انہوں نے شاہنامہ تخلیق کیا۔ ہمارے خطے میں المیہ یہ ہوا کہ انگریزی سامراج نے ہمیں تقسیم کرنے کیلئے سازشیں کرکے دہلی کی زبان کو ہم پر مسلط کیا ، سات دہائیوں کے دوران کبھی انگریزی زبان کو دفاتر میں رائج کیا جاتا ہے تو کبھی اردو زبان کو رائج کیا جاتا ہے۔انہوںنے کہاکہ ہم شناخت کے بہت بڑے بحران سے گزررہے ہیں ، اساتذہ ، سیاسی کارکنوں اور قلم کاروں پر ذمہ داری عائد ہوتی ہے کہ اپنے آپ کو منظم کرکے مقامی زبانون میں اپنی تخلیقات سامنے لائیں ، اپنی زبانوں کے ساتھ عشق و محبت یہ ہے کہ جو زبانیں معدوم ہورہی ہیں ان کو زندہ رکھا جائے۔

کوئٹہ، میاں شہباز شریف نوابزادہ حاجی لشکری کے ہمراہ میڈیا سے بات چیت کر رہے ہیں۔

کوئٹہ، آج نواب اسلم رئیسانی اور حاجی لشکری رئیسانی سے ملنے آیا ہوں، شہباز شریف

کوئٹہ، سیاست اپنی جگہ ہمارا خاندانی تعلق ہے اس کا ہمیشہ ہم نے احترام کیا، شہباز شریف

کوئٹہ، نوابزادہ حاجی لشکری رئیسانی

کوئٹہ، میاں صاحب نے دعوت دی ہمارے لئے اعزاز ہے

کوئٹہ، صوبے کے مسائل سیاسی عمل سے ممکن ہیں

کوئٹہ، ہم نے اس سیاسی عمل کا حصہ ہیں

کوئٹہ، ن لیگ میں شمولیت سے متعلق بہت جلد اپنا فیصلہ کرکے اعلان کریں گے، نوابزادہ حاجی لشکری رئیسانی

*اسلامی دنیا کے سربراہان وار کریمنل عدالت میں اسرائیلی وزیراعظم کے خلاف کیس کریں ،نواب زادہ حاجی لشکری رئیسانی*

کوئٹہ(ویب ڈیسک)سنیئر سیاست دان و سابق سینیٹر نوابزادہ حاجی میر لشکری خان رئیسانی نے کہا ہے کہ حکومت پاکستان فورا ًفلسطین فنڈ تشکیل دے اور او آئی سی سے مطالبہ کرے کہ وہ اقوام متحدہ کے بائیکاٹ کا اعلان کرکے اسرائیل پر پابندیاں لگائے، اسلامی دنیا کے سربراہان فوراً اپنی اپنی لیگل ٹیمز کے ساتھ وار کریمنل عدالت میں اسرائیلی وزیراعظم کے خلاف کیس کریں ، دنیا کی سیاسی جماعتیں اپنے سیاسی پروگرام کو فلسطین کی آزادی کیلئے باضابطہ کرردار ادا کرنے سے مشروط ، جمہوری ممالک میں سوشل ایکٹوسٹ اپنے اداروں میں اپنے ووٹ کو فلسطین کے ساتھ ہونے والے انصاف سے مشروط کریں اور اسرائیل کے وزیراعظم اور فوج کو قانون کے کٹہرے میں کھڑا کرنے کیلئے اپنا کردار ادا کریں ، پاکستان کی موجودہ اور آنے والی حکومت فلسطین فنڈ فوراً تشکیل دئے اگر ہر پاکستانی اس فنڈ میں سو روپے بھی جمع کرائے تو 24 ارب روپے جمع ہوں گے اس فنڈ کا فوراً اعلان اور فلسطین کے سفارتخانہ کے ساتھ ایک پروگرام طے کیا جائے تاکہ فلسطین کے عوام کی مدد ہوسکے۔ یہ بات انہوں نے کوئٹہ پریس کلب میں تقدس القدس کانفرنس سے خطاب کرتے ہوئے کہی۔تقریب سے علامہ محمد امین شہیدی ، علامہ ہاشم موسوی ، صاحبزادہ پیر خالد سلطان ، حاجی جواد رفعی ، پیر نقیب اللہ آغا ، ڈاکٹر عطاءالرحمن ، مولوی عبدالمتین اخونزادہ ، سردار زین العابدین ، عصمت اللہ ایڈووکیٹ ، عمر اچکزئی اور شفاءمینگل نے بھی خطاب کیا۔نوابزادہ حاجی میر لشکری خان رئیسانی نے فلسطین کے پس منظر پر روشنی ڈالتے ہوئے کہا کہ 1897 میں صیہونی فکر کے لوگ یکجا ہوئے اور انہوں نے ایک پراجیکٹ ایجاد کیا جس کا مقصد یہودیوں کیلئے ایک مملکت اور وطن کی تشکیل تھا صیہونیوں کے پہلے سربراہ نے انتہائی خفیہ انداز میں اپنا کام آگئے بڑھایا ان کے دوسرے سربراہ نے برطانیہ منتقل ہوکر جوہری ہتھیار بنانے کا اپنا فارمولہ پیش کیا اور اس فارمولہ کے نتیجے میں یہ شخص بہت زیادہ امیر ہوا اور برطانیہ کے ایوان اقتدار تک اپنا راستہ ہمورا کیا، برطانیہ کے وزیراعظم کے ساتھ اس کے قریبی تعلقات استوار ہوئے اس وزیراعظم کے اپنا منصب چھوڑنے کے بعد فارن منسٹر کی سیٹ پر بیٹھ گیا اور اس مقصد کو آگئے بڑھاتا رہا ایک ڈکلریشن تشکیل دے کر ایک خط لکھا کہ ان کو ایک وطن ملنا چائیے اسی اثناءمیں برطانیہ کے خفیہ ادارے کیلئے کام کرنے والے شخص کو برطانیہ سے عربستان بھیجا گیا جس نے شریف مکہ کے ساتھ مراسم بنائے اور برطانیہ کا پیغام پہنچایا کہ اگر وہ خلافت عثمانیہ سے جان چھڑائیں گے تو عراق سے تیونس تک عرب خلافت ان کے حوالے کیا جائے گی شریف مکہ نے خلاف عثمانیہ کے خلاف جنگ مدینہ سے شروع کی جب جنگ عظیم ختم ہوئی تو اقوام متحدہ تشکیل دی گئی اور اس کی تشکیل کے بعد بیک فور ڈکلریشن کے پلان کو آگئے لے جانے کیلئے ایک مسئلہ کھڑا کیا گیا اور اقوام متحدہ نے قرارداد پاس کرکے فلسطین کی 55 فیصد زمین صیہونیوں کو دی 1948ءکے ایک سال بعد اسرائیلی فوج نے قتل عام شروع کردیا اور 150 دیہاتوں کو ویران اور ایک سو لوگوں کو قتل کرکے کنویں میں پھینک دیا اور دس لاکھ فلسطینی ہجرت کرگئے اور پوری دنیا میں پھیل گئے اسرائیلی فوج کے دوسرے حملے کے نتیجے میں 6 لاکھ فلسطینی ملک چھوڑ کر چلے گئے اور اس وقت دنیا میں پھیلے ہوئے ہیں یہ ظلم کا راستہ رک نہیں رہا تھا اور اسرائیلی صیہونیوں نے ایک زمین کا مطالبہ کیا جس کا اختیاراقوام متحدہ نے ان کو دیا ، آج فلسطینی مجبور ہیں کہ اپنی ازادی کیلئے اپنی جانوں کا نظرانہ پیش کررہے ہیں ، اس بات کا اس سے اندازہ لگایا جائے کہ آزادی کتنی قیمتی ہے کہ ایک ماہ میں 12 ہزار معصوم فلسطینیوں نے اپنی جانوں کا نذرانہ پیش کیا ہے ہر دس منٹ بعد ایک بچہ شہید ہورہا ہے ہر دس منٹ بعد ایک خاتون اور بچے مررہے ہیں اور اقوام متحدہ نے اسرائیل کو کھلی چھٹی دی ہے اور فلسطین کی مزید زمین پر قبضہ کرنے کی کوشش کی جارہی ہےِ 1948ءمیں خان قلات اور محمد علی جناح کے درمیان ایک معاہدہ ہوا اور ضامن انگریز نے اس معاہدہ کو کبھی تسلیم نہیں کیا انہوں نے کہاکہ مساجد ، اسپتالوں گھروں میں مظلوم فلسطینیوں کا قتل عام ہورہا ہے اور پوری دنیا خاموش ہے ہم ان سے کیا شکوہ کریں کیوں کہ جس صیہونی نظام نے فلسطین پر قبضہ کرنا تھا ہم اسلامی ممالک کے لوگ بھی اس نظام کے تحت زندگی گزارہے ہیں ،24 کروڑ لوگ بھی اپنا احتساب کریں کہ آیا ہم نے ان حکومتوں کو قبول نہیں کیا جو ہم کو انسان نہیں سمجھتے پوری اسلامی دنیا میں عرب لیگ اور او آئی سی کا کیا کردار ہے ، انہوں نے کہا کہ تمام مسلم ممالک کے لوگ بھی غلامی کی زندگی گزارہے ہیں، انہوں نے کہاکہ 45 اسلامی ممالک کی فوج ہے یہ فوج کیوں جنگ نہیں لڑ رہی فلسطین کے لوگ بے یارو مدد گار ہیں۔ انہوں نے مطالبہ کیاکہ اسلامی دنیا کے سربراہان فوراً اپنی اپنی لیگل ٹیمز کے ساتھ وار کرمنل عدالت میں اسرائیلی وزیراعظم کے خلاف کیس کریں دنیا کی تمام سیاسی جماعتیں اپنے سیاسی پروگرام کو فلسطین کی آزادی کیلئے باضابطہ کرردار ادا کرنے سے مشروط کریں ، جمہوری ممالک میں سوشل ایکٹوسٹ اپنے اپنے اداروں میں اپنے ووٹ کو فلسطین کے ساتھ ہونے والے انصاف سے مشروط کریں اور اسرائیل کے وزیراعظم اور فوج کو قانون کے کٹہرے میں کھڑا کرنے کیلئے اپنا کردار ادا کریں ، پاکستان کی موجودہ اور آنے والی حکومت فسطین فنڈ فوراً تشکیل دئے اگر ہر پاکستانی اس فنڈ میں سو روپے بھی جمع کرائے تو 24 ارب روپے جمع ہوں گے اس فنڈ کا فوراً اعلان کیا اور فلسطین کے سفارتخانہ کے ساتھ ایک پروگرام طے کیا جائے تاکہ فلسطین کے عوام کی مدد ہوسکے۔ انہوں نے کہا کہ کوئٹہ میں 40 کے قریب فلسطین اور یمن سے تعلق رکھنے والے طلباءزیر تعلیم ہیں حکومت ان کے پاس جاکر ان سے اظہار یکجہتی کرتے ہوئے ان کے مسائل فوری حل کرے ، ہم ان طلباءسے رابطے میں ہیں تاکہ وہ خود کو یہاں تنہاءمحسوس نہ کریں۔ پاکستان او آئی سی سے مطالبہ کرے کہ وہ اقوام متحدہ کا بائیکایٹ کا اعلان کرکے اسرائیل پر پابندیاں لگائے۔

کوئٹہ: نوابزادہ حاجی لشکری خان رئیسانی نے اپنے ساتھیوں کا مشاورتی اجلاس طلب کرلیا.

*کوئٹہ (آن لائن)بلوچستان کے ممتاز سیاسی شخصیت سینئر سیاست دان وسابق سینیٹر نوابزادہ حاجی میر لشکری خان رئیسانی نے اپنے سینئر ساتھیوں کا مشاورتی اجلاس 15 یا 16 نومبر کو طلب کرلیا۔ باوثوق ذرائع نے بتایاہے کہ بلوچستان کی ممتاز سیاسی شخصیت سینئر سیاست دان وسابق سینیٹر نوابزادہ حاجی میر لشکری خان رئیسانی نے اپنے سینئر ساتھیوں کا مشاورتی اجلاس 15 یا 16 نومبر کو طلب کرلیا ہے ، مشاورتی اجلاس میں صوبے کے تمام امور کیساتھ ساتھ سیاسی لائحہ عمل اور مسلم لیگ( ن )کی مرکزی قیادت کی جانب سے پارٹی میں شمولیت اختیار کرنے کی دعوت پر غور کیا جائیگا*

سینئر سیاستدان وسابق سینیٹر نوابزادہ نوابزادہ حاجی میر لشکری خان رئیسانی سے جماعت اسلامی کے قائمقام امیر لیاقت بلوچ کی قیادت میں وفد کی ملاقات،ملک اور صوبے کے مجموعی سیاسی صورتحال سے تبادلہ خیال کیا، بدھ کے روز سینئر سیاست دان وسابق سینیٹر نوابزادہ حاجی میر لشکری خان رئیسانی سے سراوان ہاﺅس میں جماعت اسلامی کے قائمقام امیر لیاقت بلوچ کی قیادت میںجماعت اسلامی بلوچستان کے امیر عبدالحق ہاشمی، ڈاکٹر عطاءالرحمن پر مشتمل وفد نے ملاقات کی، اس موقع پر سابق وفاقی وزیر میر ہمایوں عزیز کرد،میر سخی رئیسانی ، سابق صوبائی وزیر میر محمد اسماعیل گجر ودیگر بھی موجود تھے، ملاقات میں دونوں سیاسی رہنماﺅں کے درمیان ملک اور صوبے کے مجموعی سیاسی صورتحال اور باہمی دلچسپی کے امور پر تبادلہ خیال کیا گیا ،نوابزادہ حاجی میر لشکری خان رئیسانی نے لاہور سمیت پنجاب کے مختلف یونیورسٹیوں اور تعلیمی اداروں میں زیر تعلیم طلباءپر تشدد کے واقعات اور درپیش مسائل کے حوالے سے لیاقت بلوچ سے تبادلہ خیال کیا اور دونوں رہنماﺅں کے درمیان یہ طے پایا کہ جب بھی نوابزادہ حاجی میر لشکری خان رئیسانی لاہور کا دورہ کریں گے تو اس مسئلہ پر باقاعدہ طور پر ایک مزاکرا کیا جائیگا جس میں ان مسائل کے خاتمے کی کوشش کی جائیگی تاکہ بلوچستان سے تعلق رکھنے والے طلباءپرامن اور سکون کے ماحول میں اپنا تعلیمی سلسلہ جاری رکھ سکیں۔

سینئر سیاست دان و سابق سینیٹر نوابزادہ حاجی میر لشکری خان رئیسانی سے سابق صوبائی وزیر میر اصغر رند سراوان ہاﺅس میں ملاقات کررہے ہیں.

Follow AMK motors page
https://m.facebook.com/story.php?story_fbid=122100045836099750&id=61552992508836&mibextid=Nif5oz

*سیاست پیٹ کیلئے نہیں کی جاتی، نالیاں بنانے سے کوئٹہ شہر ترقی نہیں کرسکتا، نوابزادہ حاجی لشکری*

*کوئٹہ (آن لائن) سینئر سیاست دان سابق سینیٹر نوابزادہ حاجی میر لشکری خان رئیسانی نے کہا ہے کہ کوئٹہ شہرکو سٹی مینجمنٹ پلان کی ضرورت ہے نالیاں بنانے سے ٹھیک نہیں ہوگا ، شہری اپنے مشترکہ گھر کے معاملات کو سنجیدگی سے درست کرنے کیلئے ایک نئے نظم کیساتھ جدوجہد کا آغاز کریں۔ یہ بات انہوں نے سراوان ہا?س میں یوسی اتحاد ، کوئٹہ ڈویلپمنٹ محاذ اور بلوچستان ڈویلپمنٹ فورم کے مشترکہ اجلاس کی صدارت کرتے ہوئے کہی ، اس موقع پر سابق وفاقی وزیر میر ہمایوں عزیز کرد ، سینئر صحافی رضاالرحمن ، عبدالمتین اخونذادہ ، جانان اچکزئی ، سرور بازئی ، رضاوکیل ، محمد نبی اور عبدالودود سمیت دیگر بھی موجود تھے۔ نوابزادہ حاجی میر لشکری خان رئیسانی نے کہا کہ کوئٹہ کے شہری ایک افراتفری کے نظم میں رہ رہے ہیں ، شہر کے نظم کو درست کرکے اس کے مسائل کا حل ہم نے خود تلاش کرنا ہے اس کیلئے پہلے ہمیں اپنا احتساب کرنا ہوگا اور اس شہر کے ہر فرد کو یہ طے کرنا ہوگا کہ وہ اپنے مشترکہ گھر کے معاملات کو سنجیدگی سے درست کرنے کیلئے ایک نئے نظم کیساتھ جدوجہد کا آغاز کریں۔ انہوں نے کہا کہ کوئٹہ شہر نالیاں بنانے سے ٹھیک نہیں ہوگا شہر کو سٹی مینجمنٹ پلان کی ضرورت ہے اس کیلئے کوئٹہ کا ہر وہ شہری جس کو اپنی شناخت اور آئندہ نسلوں سے دلچسپی ہے اور چاہتا ہے کہ یہ شہر پھر سے چھوٹا لندن کہلائے تو پہلے اپنی ذات کے ساتھ یہ طے کرے کہ اس کے نمائندے کا معیار کیا ہونا چاہیے اس کے بعد اپنے ووٹ کے ذریعے جانے والے نمائندوں کا احتساب اور آنے والے کا انتخاب کریں۔ انہوں نے کہاکہ سیاست پیٹ کیلئے نہیں سماج کیلئے کی جاتی ہے جو لوگ عوام کی نمائندگی کرنا چاہتے ہیں وہ پہلے اپنے ساتھ یہ عہد کریں کہ کیا وہ بھی وہی کام کریں گے جو پہلے والے کرکے گئے یا اپنے لوگوں اور سماج کی خدمت کریں گے*

سراوان ہاوس میں عظیم الشان محفل حسن قرات، نامور قرا ءنے تلاوت کلام پاک سے لوگوں پر وجد طاری کردیا،حضوراقدس حضرت محمد ﷺکے حضور نذرانہ عقیدت پیش اجتماعی دعا کی گئی۔ تفصیلات کے مطابق ہفتے کی شام سراوان ہاﺅ س کوئٹہ میں نوابزادہ حاجی میر لشکری خان رئیسانی کی میزبانی میں عظیم الشان محفل حسن قرات منعقد ہوئی اس روح پرور اجتماع میں بلوچستان کے نامور قرا ءصاحبان قاری محمد زکریا، قاری زبیر قریشی،قاری محمد ابراہیم کاسی، قاری جہانگیر کاکڑ، قاری محمدطاہر، قاری عبدالوہاب آنشینی، قاری سہیل ترین، قاری عبداللہ خالد، قاری انوارلحسن ہاشمی، قاری مفتی قاری شہاب الدین، قاری عبدالرحمن عابد، قاری حبیب الرحمن ، قاری سجاد زمانی، قاری عبدالخالق رحیمی، قاری مذمل ، قاری اسداللہ نے اپنی خوبصورت آواز میں قرآن پاک کی تلاوت کرکے حاضرین پر سحر طاری کردیا اس موقع پر ہر آنکھ کو اشکبار تھی جبکہ حافظ محمد شیراز نے حضوراقدس حضرت محمد ﷺ حضور نذرانہ عقیدت پیش کیا،عظیم الشان محفل حسن قرات میں سینکڑوں کی معززین شہر شریک ہوئے ، علامہ ہاشم موسوی،یمن اور فلسطین سے تعلق رکھنے والے طلباءسمیت پادری فیاض، ستویندر سنگھ، ارشد جی سنگھ،راج کمار کی قیادت میں مسیحی ، ہندو اور سکھ کمیونٹی سے تعلق رکھنے والے وفود بھی نے محفل حسن قرات میں شرکت کی عظیم الشان محفل حسن قرات کے اختتام پر اجتماعی دعا کی گئی۔

*// کوئٹہ سراوان ہاؤس//*
اقوام بنگلزئی کے سربراہ اور نیشنل پارٹی کے مرکزی نائب صدر سردار کمال خان بنگلزئی اور چیف آف بیرک نواب محمد خان شاہوانی کا سراوان ہاؤس میں نوابزادہ حاجی لشکری خان رئیسانی سے ملاقات۔ مختلف قبائلی اور علاقائی امور پر تبادلہ خیال.

𝑺𝒖𝒃𝒔𝒄𝒓𝒊𝒃𝒆 𝑴𝒚 𝒀𝒐𝒖𝑻𝒖𝒃𝒆 𝒄𝒉𝒂𝒏𝒏𝒆𝒍 👇✔️
https://youtube.com/?si=osMGi7PTRLu4lMV3

Allah Bakhsh Raisani - YouTube Subscribe My YouTube channel 🔔✔️Dream is Big Need your support😘💖

Shocking Facts About Balochistan

نوابزادہ حاجی لشکری خان رئیسانی کا بلوچستان کے بارے میں تہلکہ خیز انکشافات۔

https://youtu.be/7ToE0_dYBqg?si=4resAAIHVFFt8BYY

AlHammad Univesity Convocation today live#nawabzadahajilashkarikhanraisani#foryou#viral#ladlaraisani

کوئٹہ( اسٹاف رپورٹر) بلوچستان پیس فورم کے سربراہ نوابزادہ حاجی میر لشکری خان رئیسانی نے کہا ہے کہ قومی ترقی کیلئے سماج کے تمام طبقات کی حیثیت ایک برابر ہے،سماج اور قوم کے کسی بھی ایک حصہ سے پہلو تہی کرکے ہم قومی ترقی نہیں کرسکتے ہیں۔ یہ بات انہوںنے جمعرا ت کے روز اسپیشل ایجوکیشن سینٹر بروری روڈ پر واقع تقریب سے خطاب کرتے ہوئے کہی ۔اس موقع پر نوابزادہ حاجی میر لشکری خان رئیسانی نے بصارت سے محروم طلباءوطلبات میں بریل میں لکھے گئے قرآن پاک کے آٹھ سو نسخے تقسیم کئے۔ تقریب سے خطاب کرتے ہوئے نوابزادہ حاجی میر لشکری خان رئیسانی نے کہاکہ زندہ سماج اپنے خصوصی افراد کو بھی اتنی ہی اہمیت دیتے ہیں جتنی باقی لوگوں کو اہمیت دی جاتی ہے جو معاشرے اپنے قومی و مذہبی اقلیت کے ساتھ ساتھ اپنے خصوصی افراد کو اہمیت دیتے ہیں وہ چاند پر پہنچ کر آسمان پر جھنڈے گاڑتے ہیں۔ انہوںنے کہاکہ ہمارے قومی اکائی کا وہ طبقات جو کسی بھی جسمانی معذوری میں مبتلا ہیںہم سب کی اجتماعی ذمہ داری اور فرض ہے کہ اپنے آئندہ نسل کیساتھ وہ لوگ جو کسی نہ کسی حوالہ سے معذور ہیں ان کو اہمیت دیتے ہوئے انہیں سماج کے باقی لوگوں کے برابر حیثیت دیںاور جدید سائنسی طور پر ان کی خدمت کریں، نوابزادہ حاجی میر لشکری خان رئیسانی نے مخیر حضرات سیاسی وسماجی حیثیت اور اختیار رکھنے والے افراد سے مطالبہ کیا ہے کہ وہ ان لوگوں پر توجہ دیں جو اہل سماج کے توجہ کے حقدار ہیں اور ہم ان پر توجہ نہیں دے پارہے ہیں،انہوںنے کہاکہ قومی ترقی کیلئے سماج کے تمام طبقات کی حیثیت ایک برابر ہے، سماج اور قوم کے کسی بھی ایک حصہ سے پہلو تہی کرکے ہم قومی ترقی نہیں کرسکتے ہیں ۔

*کوئٹہ/////سینئر سیاست دان وسابق سینیٹر نوابزادہ حاجی میر لشکری خان رئیسانی نے کہا ہے کہ حکومت نے وڈھ تنازعے کے پرامن حل کیلئے نامزد ثالثین کو اعتماد میں لیے بغیر فیصلہ کیا ،چیف سیکرٹری نے باقاعدہ ہمیں جرگہ ممبران کو نوٹیفائی کیا ،ہم انتظار میں تھے کہ جرگہ ممبران کا اجلاس طلب کیا جائیگا ، اپیکس کمیٹی نے فیصلہ کیا کہ چار روز میں مورچے ختم کردیئے جائیں ،یہ دوغلا پن ہماری اس سرزمین کیلئے انتہائی خطرنا ک ہے، بلوچستان کے طول وعرض میں جھگڑوں کی اہم وجہ صوبے میں جعلی پارٹیاں ، جعلی سیاسی و قبائلی قیادت بنا نا ہے،جعلی لوگوں کو بلوچستان کے مسائل سے نہیں یہاں کے وسائل سے دلچسپی ہے ، اگر ریاست کی خواہش ہے کہ ثالثین بیٹھیں اور اس مسئلہ کو حل کریںتو حکومت کو آنے والے کل کی بدنامی سے بچنے کیلئے اپنے کردار کو واضح کرنا چائیے۔ یہ بات انہوں نے جمعہ کے روز سراوان ہاﺅس کوئٹہ میں صحافیوں کے وفد سے ملاقات میں گفتگو کرتے ہوئے کہی، نوابزادہ حاجی میر لشکری خان رئیسانی نے تاریخ حقائق اور واقعات کے پس منظر پر گفتگو کرتے ہوئے کہا کہ اپنے وطن کے معاملات کا اختیارجب ہمارے پاس تھا تو جرگہ کی ایک قانونی حیثیت ہوا کرتی تھی اور اس کے ہی ذریعے مسائل حل ہوتے تھے کیونکہ ہمیں اپنا وطن اور قوم چائیے تھے تاہم اب قانون اور تھانہ دار کو قوم نہیں بنگلہ چائیے اس لیے فساد جتنا زیادہ ہو ان کیلئے فائدہ مند ہے انہوں نے کہاکہ ہماری قومی اکائی میں پارلیمنٹ سمیت کوئی بھی ایسا ادارہ نہیں جو اپنے متعین کردہ اصول ، روایات ، قانون اور رول آف بزنس کے مطابق چل رہا ہو قبائلی ادارہ جس کو جرگہ کہا جاتا ہے اس کوبھی کھنڈرات میں تبدیل کیا گیا ہے ساتھ ہی صوبے میں جعلی پارٹیاں ، جعلی سیاسی و قبائلی قیادت بنا دی گئی ہے ان جعلی لوگوں کو بلوچستان کے مسائل سے نہیں یہاں کے وسائل سے دلچسپی ہے جس کے نتیجے میں آج صوبے کے طول وعرض میں فسادات ہورہے ہیں۔ انہوںنے کہاکہ جب وڈھ میں دونوں فریقین کے درمیان کشیدگی میں اضافہ ہوا اسی روز چیف آف سراوان نواب محمد اسلم خان رئیسانی اور میں نے سردار اختر جان مینگل، سردار اسد جان مینگل ، میر نصیر مینگل اورمیر شفیق الرحمن مینگل سے ٹیلی فونک رابطے کرکے ان سے کشیدگی میں کمی لانے کا مطالبہ کیااور دو روز بعد نواب محمد اسلم خان رئیسانی ایک مصالحتی وفد لیکر وڈھ پہنچے جہاں ہم نے دونوں فریقین سے ملاقات کرکے باقاعدہ جنگ بندی کراکے مسئلہ کے حل کیلئے اختیار طلب کیادوسری مرتبہ 28 جولائی کو ہم دوبارہ وڈھ گئے کیوں کہ پہلی مرتبہ سردار اختر مینگل وڈھ میں موجود نہیں تھے دوبارہ ہم نے دونوں فریقین سے متعدد ملاقاتیں کیں اور پانچ روز تک وہاں قیام کیا سردار اختر جان مینگل نے مصالحت کیلئے ثالثین کو اپنا اختیار دیا تاکہ وہ معاملہ کو حل کریں تاہم میر شفیق الرحمن مینگل کی طرف سے ہمیں باضابطہ اختیار نہیں دیا گیا اگر ہمیں باضابطہ اختیار دیا جاتا تو ہم مختلف امور کو دیکھتے ہوئے دونوں فریقین کے بیانات کو قلمبند کرتے اور اس سرزمین کی قدیم قبائلی روایات کے مطابق انصاف کے تقاضوں کو پورا کرتے ہوئے اس مسئلہ کو ہمیشہ ہمیشہ کے لیے حل کرتے۔ انہوںنے کہاکہ ہمارے وڈھ سے کوئٹہ پہنچنے کے کچھ دن بعد جنگ کا باقاعدہ آغاز کیا گیا اور قیمتی انسانی جانیں ضائع ہوئیں جو انتہائی افسوسناک ہے۔ انہوںنے کہاکہ چیف آف سراوان نواب محمد اسلم خان رئیسانی کی تاریخی حیثیت خان ثانی کی ہے ہماری ذمہ داریاں اور فرائض ہم کو یہ پابند کرتی ہیں کہ بلوچستان کے وسیع تر مفاد، آئندہ آنے والے دنوں میں قومی یکجہتی قومی نظم کو برقرار رکھنے کیلئے اپنا کردار ادا کرتے ہوئے خون ریزی کو روک کر رسم ورواج کے تحت دونوں بھائیوںکو شیر وشکر کریں اگر اس میں ہم ناکام ہوتے ہیں تو اس کا فیصلہ آئندہ آنے والی نسلیں کریں گی کہ کس نے کیوں اختیار نہیں دیا۔ انہوںنے کہاکہ نواب محمد اسلم خان رئیسانی اپنے علاج کی غرض سے کوئٹہ سے باہر تھے جمعہ کی صبح کو ہنگامی طور پراس خون ریزی اور سازش کو روکنے میں اپنا کردار ادا کرنے کوئٹہ پہنچے ہیں گزشتہ رو ز میرے اور سردار اختر جان مینگل کے درمیان ٹیلی فونک رابطہ بھی ہوا ہے ساتھ ہی نواب محمد اسلم خان رئیسانی سے بھی وڈھ کے معاملہ پر غیر رسمی گفتگو ہوئی آج دوبارہ نواب محمداسلم خان رئیسانی کی سربراہی میں بیٹھ کر کوشش کریں گے کہ مزید کوئی بہت بڑا سانحہ پیش نہ آئے اور اس کوروکنے کیلئے ہم اپنا کردار ادا کریں گے۔ ایک سوال کے جواب میں انہوںنے کہاکہ منظم منصوبہ بندی کے تحت ایسے لوگوں کو حکومت میں لایا گیا ہے صوبے میں خون ریزی جن کے مفاد میں ہے وڈھ تنازعہ کے حل کیلئے سردار اختر جان مینگل نے مجھے اپنا ثالث مقرر کیا ہے اور میر شفیق الرحمن مینگل کی طر ف سے بھی ثالث مقرر کئے گئے ہیں اور چیف سیکرٹری بلوچستان نے باقاعدہ ہمیں جرگہ ممبران کو نوٹیفائی کیا ہے اہم اس انتظار میں تھے کہ تنازعہ کے پرا من کیلئے جرگہ ممبران کا اجلاس طلب کیا جائیگا اور کچھ روز قبل اچانک ایک روز پہلے مجھے اطلاع دی گئی کہ کل خضدار میں اجلاس طلب کیا گیا ہے اس کے بعدہم انتظار میں تھے کہ کمشنرقلات ڈویڑن دوبارہ اجلاس طلب کرکے ہمیں مطلع کریگا۔ تاہم اس دوران کوئٹہ میں اپیکس کمیٹی کے اجلاس میں فیصلہ کیا گیا کہ مورچے ختم کئے جائیں گے اس کا مطلب ریاست کہتی کچھ اور کرتی کچھ ہے اور ان کا ہدف کچھ اور ہے خون ریزی روکنا نہیں جب ہم کو ریاست نے نوٹیفائی کیا ہے تو پھر یہ ضرورت تھی کہ اپیکس کمیٹی یا جرگہ ممبران سے پوچھتی اور ہم کو وقت دیتی تاکہ ہم یہ معاملات حل کرتے جرگہ ممبر ثالث ہم کو رکھتے ہیں اور فیصلہ اپیکس کمیٹی کرتی ہے یہ دوغلا پن ہماری اس سرزمین کیلئے انتہائی خطرنا ک ہے۔ اس ملک کے تاریخی پس منظر اور واقعات کو دیکھائے جائے کہ نواب نوروز خان کو قرآن پر اتار کر پابند سلاسل کیا گیا ، آغا عبدالکریم کو ہری پور کے جیل میں سالوں قید رکھا گیانواب اکبر خان بگٹی سے مذاکرات کے بعد ڈیرہ بگٹی میں آپریشن کیا گیا ایسے میں بی این پی کے خدشات بالکل درست ہیں آج کی حکومت کو آنے والے کل کی بدنامی سے بچنے کیلئے اپنے کردار کو واضح کرنا چائیے اگر پھر ریاست کی خواہش تھی کہ ثالثین بیٹھیں اور اس مسئلہ کو حل کریں*

"چیف آف سراوان، نواب اسلم خان رئیسانی، فخر بلوچستان، نوابزادہ حاجی لشکری خان رئیسانی اور میر مرتضی بھٹو کا 1994 میں لی گئی ایک یادگار تصویر۔

کوئٹہ( اسٹاف رپورٹر) نوابزادہ حاجی میر لشکری خان رئیسانی سے اعجاز حسین جکھرانی کی ملاقات ، نوابزادہ میر ہارون رئیسانی کی شہادت پر تعزیت کا اظہار کیا۔ پیر کے روز سراوان ہاﺅس کوئٹہ میں سینئر سیاست دان وسابق سینیٹر نوابزادہ حاجی میر لشکری خان رئیسانی سے سندھ کے سابق مشیر جیل خانہ جات و سابق رکن قومی اسمبلی اعجاز حسین جکھرانی نے ملاقات کرکے نوابزادہ میر ہارون رئیسانی کی شہادت پر تعزیت کا اظہار کرتے ہوئے فاتحہ خوانی کی، اس موقع پر نوابزادہ میر رئیس رئیسانی، میر سخی رئیسانی، میر عبداللہ رئیسانی بھی موجود تھے ۔