Romeo S Studio

کسی کا دل نہیں رکھا کسی نے
مگر روزے سبھی نے پورے رکھے
مژدم خان

https://youtu.be/XNnvMsZ6Tjo
Asalamoalyqum this is my YouTube channel so subscribe it and like my videos and keep watichig and supporting ❤❤

noobre ki wjah se pizza fries khayin 😋❤, 3rd vlog ❤ thank you for your support guys or support krte rhen ap log ❤❤

اُسے کہو اِنہی بچوں کو چومتے ہیں بڑے
بوسے عید پہ بچوں کے بھی لیا نہ کرے

شہزادقیس

کیا کہا ! مجھ کو کسی خواب نے برباد کیا
خیر، وہ خواب بھی تم نے ہی دکھایا تھا مجھے
جناب انجم سلیمی

خواجہ معین الدین چشتی اجمیری علیہ الرحمہ کی مشہور و معروف فارسی رباعی آپ حضرات کے لیے۔

شاہ است حُسین، بادشاہ است حُسین
دیں است حُسین، دیں پناہ است حُسین

ترجمہ:
شاہ بھی حسینؓ ہے بادشاہ بھی حسینؓ ہے ۔
دین بھی حسینؓ ہے اور دین کو پناہ دینے والا بھی حسینؓ ہے ۔

سر داد نداد دست در دستِ یزید
حقّا کہ بنائے لا الہ است حسین

ترجمہ:
سر دے دیا مگر نہیں دیا اپنا ہاتھ یزید کے ہاتھ میں ۔
سچ تو یہ ہے کہ لاالہ کی بنیاد ہی حسین ہے

کربلا کے پس منظر میں چند منفرد اشعار

اب بھی توہین اطاعت نہیں ہوگی ہم سے
دل نہیں ہوگا تو بیعت نہیں ہوگی ہم سے
افتخار عارف

آ تو جاوں مگر تمھارے خط
اہل کوفہ سے ملتے جلتے ہیں
فراز محمد فارز

گزرے تھے حسین ابن علی رات ادھر سے
ہم میں سے مگر کوئی بھی نکلا نہیں گھر سے
شہریار

میرا حسین ابھی کربلا نہیں پہنچا
میں حر ہوں اور ابھی لشکر یزید میں ہوں
حسن نثار

حضرت حُر نے نکل کر یہ دکھایا ہم کو
روشنی رات کے لشکر سے نکل آتی ہے
علی ارمان

ہم راہرو دشت بلا روز ازل سے
اور قافلہ سالار حسین ابن علی ہے
نوابزادہ ںصر اللہ خاں

یہ لوگ خواب بہت کربلا کے دیکھتے ہیں
مگر غنیم کو گردن جھکا کے دیکھتے ہیں
اسعد بدایونی

یزید آج بھی بنتے ہیں لوگ کوشش سے
حسین خود نہیں بنتا خدا بناتا ہے
غلام محمد قاصر

ہم کہاں جائیں خود کو جب عباس
بھائی ہوکر کہیں غلام حسین
اجمل سراج

یہ فقط عظمت کردار کے ڈھب ہوتے ہیں
فیصلے جنگ کے تلوار سے کب ہوتے ہیں
سلیم کوثر

سر حسین گیا شام میں بوقت سحر
ہوا یہ شور کہ نیزے پہ آفتاب آیا
میر انیس

کہتے ہو کہ ہو اسوہ شبیر پہ قائم
دربار میں کیوں جاتے ہو، سر کیوں نہیں جاتا
اختر عثمان

تو اہلبیت کی نصرت کو کیوں نہیں پہنچا؟
سوال مجھ سے کرے گا خدا، خدا سے میں
افضل خان

دو چار دن کے ظلم نہیں ہیں یزید کے
پیتے ہیں لوگ آج بھی پانی خرید کے
حسن کاظمی

اے زندگی جلال شہ مشرقین دے
اس تازہ کربلا کو بھی عزم حسین دے
جوش

ڈور کم پڑ رہی ہے اور ہمیں
اسکے گھر تک پتنگ اڑانی ہے

فہمی بدایونی

گھٹا دیکھ کر خوش ہوئیں لڑکیاں
چھٹوں پر کھلے پھول برسات کے
منیر نیازی

مجھ پہ پرچہ ہوا جہالت کا

میں نے لڑکی بھگا کے شادی کی

ندیم ملک

ربطِ غم دل سے معطّل نہیں ہونے والا

تو ہے وہ مسئلہ جو حل نہیں ہونے والا

غلام نبی اسیر

تم بھی جھیلو گے کبھی عشق میں فرقت کا یہ دکھ

تم بھی دیکھو گے کبھی چھوڑ کے جاتا ہوا شخص

جمیل احمد قیس

السلام عليكم

امید کرتا ہوں تمام احباب بخیر و عافیت ہوں گے میں حالات کے خراب ہونے کی وجہ سے گھر چھٹی پر ہوں گھر پر نیٹ سروس کا مسلہ ہے جس کی وجہ سے وقت نہیں دے پا رہا جیسے ہی حالات بہتر ہوۓ ان شا ء اللہ‎ حاضری ہو گی دعاوں میں یاد رکھیے گا

جزاک اللہ‎ خیرا

دعاوں کا طلب گار
رشید پردیسی

کلام اِمام احمد رضا خان فاضلِ بَریلوی...

مُصطفیٰ جانِ رَحمَت پہ لاکھوں سلام
شمعِ بَزمِ ہِدایَت پہ لاکھوں سلام

مِہرِ چَرخِ نَبُوَّت پہ رَوشن دُرُود
گُلِ باغِ رِسالَت پہ لاکھوں سلام

شہرِ یارِ اِرَم تاجدارِ حَرَم
نَو بہارِ شفاعَت پہ لاکھوں سلام

شبِ اَسریٰ کے دُولھا پہ دائم دُرُود
نَوشہءِ بَزمِ جَنّت پہ لاکھوں سلام

عَرش کی زیب و زِینَت پہ عَرشی دُرُود
فَرش کی طِیَّب و نُزہَت پہ لاکھوں

سلام نُورِ عینِ لَطافَت پہ اَلطَف دُرُود
زیب و زَینِ نَظافَت پہ لاکھوں سلام

سروِ نازِ قِدَم مَغزِ رازِ حِکَم
یکّہ تازِ فَضِیلت پہ لاکھوں سلام

نُقطہءِ سِرّ ِ وَحدت پہ یَکتا دُرُود
مَرکزِ دَورِ کَثرَت پہ لاکھوں سلام

صاحِبِ رَجعَتِ شَمس و شَقُّ القَمَر
نائبِ دَستِ قُدرَت پہ لاکھوں سلام

جِس کے زیرِ لِوا آدم و مَن سوا
اُس سزائے سِیادَت پہ لاکھوں سلام

عَرش تا فَرش ہے جِس کے زیرِ نگِیں
اُس کی قاہرِ رِیاسَت پہ لاکھوں سلام

اَصلِ ہر بُود و بَہبُود تُخمِ وُجُود
قاسمِ کَنزِ نعمَت پہ لاکھوں سلام

فَتَحِ بابِ نَبُوَّت پہ بے حد دُرُود
خَتمِ دَورِ رِسالت پہ لاکھوں سلام

شَرقِ اَنوارِ قُدرَت پہ نُوری دُرُود
فَتقِ اَزہارِ قُربَت پہ لاکھوں سلام

بے سہِیم و قسِیم و عدِیل و مَثِیل
جَوہرِ فَردِ عِزّت پہ لاکھوں سلام

سرّ ِ غیبِ ہِدایت پہ غیبی دُرُود
عطرِ جَیبِ نِہایَت پہ لاکھوں سلام

ماہءِ لاھُوتِ خَلوَت پہ لاکھوں دُرُود
شاہءِ ناسُوتِ جَلوَت پہ لاکھوں سلام

کَنزِ ہر بے کَس و بے نَوا پر دُرُود
حِرزِ ہر رَفتَہ طاقَت پہ لاکھوں سلام

پَرتوِ اِسمِ ذاتِ اَحَد پر دُرُود
نُسخہِ جامِعیَّت پہ لاکھوں سلام

مَطلعِ ہر سعادَت پہ اَسعَد دُرُود
مَقطعِ ہر سِیادَت پہ لاکھوں سلام

خَلق کے داد رَس سَب کے فَریاد رَس
کَہفِ رَوزِ مُصِیبَت پہ لاکھوں سلام

مُجھ سے بے کَس کی دَولت پہ لاکھوں دُرُود
مُجھ سے بے بس کی قُوَّت پہ لاکھوں سلام

شمعِ بزمِ دَنٰی ھُو میں گُم کُن اَنَا
شَرَحِ مَتنِ ہُوِیَّت پہ لاکھوں سلام

اِنتِہائے دُوئی اِبتِدائے یَکی
جَمعِ تَفرِیق وکَثرَت پہ لاکھوں سلام

کَثرَتِ بَعدِ قِلّت پہ اَکثر دُرُود
عِزّتِ بَعدِ ذِلّت پہ لاکھوں سلام

ربِّ اَعلیٰ کی نعمَت پہ اعلیٰ دُرُود
حق تَعَالٰی کی مِنَّت پہ لاکھوں سلام

ہم غَرِیبوں کے آقا پہ بے حد دُرُود
ہم فَقِیروں کی ثَروَت پہ لاکھوں سلام

فَرحَتِ جانِ مومن پہ بے حد دُرُود
غیظِ قَلبِ ضَلالَت پہ لاکھوں سلام

سَبَبِ ہر سَبَب مُنتہائے طَلَب
عِلّتِ جُملہ عِلّت پہ لاکھوں سلام

مَصدرِ مَظہرِیّت پہ اَظہر دُرُود
مَظہرِ مَصدرِیّت پہ لاکھوں سلام

جِس کے جَلوے سے مُرجھائی کَلیاں کِھلیں
اُس گُلِ پاک مَنبَت پہ لاکھوں سلام

قدّ ِ بے سایہ کے سایہءِ مَرحَمَت
ظِلّ ِ مَمدُودِ رافَت پہ لاکھوں سلام

طائرانِ قُدُس جِس کی ہیں قُمریّاں
اُس سہی سرْو قامَت پہ لاکھوں سلام

وَصف جِس کا ہے آئینہءِ حق نُما
اُس خُدا ساز طَلعَت پہ لاکھوں سلام

جِس کے آگے سرِ سروَراں خَم رہیں
اُس سرِ تاجِ رِفعَت پہ لاکھوں سلام

وہ کَرَم کی گھٹا گیسُوئے مُشک سا
لکّۂ اَبرِ رأفَت پہ لاکھوں سلام

لَیْلَۃُ الْقَدْر میں مَطْلَعِ الْفَجْرِ حق
مانگ کی اِستِقامَت پہ لاکھوں سلام

لَخت لَختِ دِلِ ہر جِگر چاک سے
شانہ کرنے کی حالَت پہ لاکھوں سلام

دُور و نزدِیک کے سُننے والے وہ کان
کانِ لَعلِ کرامَت پہ لاکھوں سلام

چَشمَہءِ مِہر میں مَوجِ نُورِ جَلال
اُس رگِ ہاشمِیَّت پہ لاکھوں سلام

جِس کے ماتھے شفاعَت کا سہرا رہا
اُس جَبینِ سعادَت پہ لاکھوں سلام

جِن کے سَجدے کو مِحرابِ کَعبَہ جُھکی
اُن بھووں کی لَطافَت پہ لاکھوں سلام

اُن کی آنکھوں پہ وہ سایہ افگن مِژہ
ظُلّہِ قَصرِ رَحمت پہ لاکھوں سلام

اَشک باریِ مِژگاں پہ بَرسے دُرُود
سِلکِ دُرّ ِشفاعَت پہ لاکھوں سلام

معنیِ قَدْ رَاٰی مَقصدِ مَا طَغٰی
نَرگسِ باغِ قُدرَت پہ لاکھوں سلام

جِس طَرَف اُٹھ گئی دَم میں دَم آ گیا
اُس نِگاہءِ عِنایَت پہ لاکھوں سلام

نِیچی آنکھوں کی شَرم و حَیا پر دُرُود
اُونچی بِینی کی رِفعَت پہ لاکھوں سلام

جِن کے آگے چراغِ قَمَر جِھلمِلائے
اُن عَذاروں کی طَلعَت پہ لاکھوں سلام

اُن کے خَدّ کی سہُولَت پہ بے حد دُرُود
اُن کے قَد کی رَشاقَت پہ لاکھوں سلام

جِس سے تاریک دِل جَگمگانے لَگے
اُس چَمَک والی رَنگت پہ لاکھوں سلام

چاند سے مُنھ پہ تاباں دَرَخشاں دُرُود
نَمَک آگیں صَباحَت پہ لاکھوں سلام

شَبنَمِ باغِ حق یعنی رُخ کا عرق
اُس کی سچّی بَراقَت پہ لاکھوں سلام

خَط کی گَردِ دَہن وہ دِل آرا پَھبَن
سَبزہءِ نہرِ رَحمَت پہ لاکھوں سلام

رِیشِ خوش مُعتَدِل مَرہمِ رِیشِ دِل
ہالہءِ ماہءِ نُدرَت پہ لاکھوں سلام

پَتلی پَتلی گُلِ قدْس کی پَتِیاں
اُن لَبوں کی نَزاکَت پہ لاکھوں سلام

وہ دَہن جِس کی ہر بات وَحیِ خُدا
چَشمَہءِ عِلم و حِکمَت پہ لاکھوں سلام

جِس کے پانی سے شاداب جان و جَناں
اُس دَہن کی طراوَت پہ لاکھوں سلام

جِس سے کھاری کُنویں شِیرہءِ جاں بَنے
اُس زُلالِ حَلاوَت پہ لاکھوں سلام

وہ زباں جِس کو سَب کُنْ کی کُنجی کہیں
اُس کی نافِذ حُکُومَت پہ لاکھوں سلام

اُس کی پیاری فَصاحَت پہ بے حد دُرُود
اُس کی دِل کَش بَلاغَت پہ لاکھوں سلام

اُس کی باتوں کی لَذّت پہ لاکھوں دُرُود
اُس کے خُطبے کی ہیبَت پہ لاکھوں سلام

وہ دُعا جِس کا جوبَن بَہارِ قُبُول
اُس نسیمِ اِجابَت پہ لاکھوں سلام

جِن کے گُچھّے سے لَچھّے جَھڑیں نُور کے
اُن سِتاروں کی نُزہَت پہ لاکھوں سلام

جِس کی تَسکِیں سے رَوتے ہُوئے ہَنس پَڑیں
اُس تَبَسُّم کی عادَت پہ لاکھوں سلام

جِس میں نہریں ہیں شِیر و شَکَر کی رَواں
اُس گَلے کی نَضارَت پہ لاکھوں سلام

دَوش بَردوش ہے جِن سے شانِ شَرَف
ایسے شانوں کی شَوکَت پہ لاکھوں سلام

حَجَرِ اَسوَدِ کَعبَہءِ جان و دِل
یعنی مُہرِ نُبُوَّت پہ لاکھوں سلام

رُوئے آئینہءِ عِلم پُشتِ حُضُور
پُشتیِ قَصرِ مِلّت پہ لاکھوں سلام

ہاتھ جِس سَمت اُٹھّا غنی کر دِیا
مَوجِ بَحرِ سماحَت پہ لاکھوں سلام

جِس کو بارِ دَو عالَم کی پَروا نہِیں
ایسے بازُو کی قُوّت پہ لاکھوں سلام

کَعبَہءِ دِین و اِیماں کے دونوں سُتُون
ساعدَینِ رِسالت پہ لاکھوں سلام

جِس کے ہر خَط میں ہے مَوجِ نُورِ کَرَم
اُس کفِ بَحرِ ہمّت پہ لاکھوں سلام

نُور کے چَشمے لہرائیں دریا بَہیں
اُنگلِیوں کی کرامَت پہ لاکھوں سلام

عیدِ مُشکل کُشائی کے چَمکے ہِلال
ناخُنوں کی بشارَت پہ لاکھوں سلام

رفعِ ذِکرِ جَلالَت پہ اَرفع دُرُود
شَرَحِ صَدرِ صَدارَت پہ لاکھوں سلام

دِل سَمجھ سے ورا ہے مَگَر یُوں کہُوں
غُنچہءِ رازِ وَحدت پہ لاکھوں سلام

کُل جہاں مُلک اَور جَو کی روٹی غِذا
اُس شِکم کی قَناعَت پہ لاکھوں سلام

جو کہ عزمِ شفاعَت پہ کِھنچ کر بَندھی
اُس کَمَر کی حِمایَت پہ لاکھوں سلام

اَنبیا تہ کریں زانو اُن کے حُضُور
زانووں کی وَجاہَت پہ لاکھوں سلام

ساقِ اَصلِ قَدم شاخِ نَخلِ کَرَم
شمعِ راہءِ اِصابَت پہ لاکھوں سلام

کھائی قُرآں نے خاکِ گُزر کی قَسم
اُس کفِ پا کی حُرمت پہ لاکھوں سلام

جِس سُہانی گھڑی چَمکا طَیبہ کا چاند
اُس دِل اَفروز ساعَت پہ لاکھوں سلام

پہلے سَجدے پہ رَوزِ اَزل سے دُرُود
یادگاریِ اُمّت پہ لاکھوں سلام

زَرعِ شاداب و ہرضَرعِ پُر شِیر سے
بَرکاتِ رَضاعَت پہ لاکھوں سلام

بھائیوں کے لئے تَرکِ پِستاں کریں
دُودھ پِیتوں کی نِصفَت پہ لاکھوں سلام

مَہدِ والا کی قِسمَت پہ صَدہا دُرُود
بُرجِ ماہءِ رِسالت پہ لاکھوں سلام

اللہ اللہ وہ بَچپَنے کی پَھبن!
اُس خُدا بھاتی صُورَت پہ لاکھوں سلام

اُٹھتے بُوٹوں کی نَشْو و نَما پر دُرُود
کِھلتے غُنچوں کی نَکہت پہ لاکھوں سلام

فَضلِ پیدائشی پر ہَمیشہ دُرُود
کھیلنے سے کراہَت پہ لاکھوں سلام

اِعتلائے جِبِلّت پہ عالی دُرُود
اِعتدالِ طَوِیّت پہ لاکھوں سلام

بے بناوٹ اَدا پر ہزاروں دُرُود
بےتَکلُّف ملاحَت پہ لاکھوں سلام

بِھینی بِھینی مَہک پر مَہکتی دُرُود
پیاری پیاری نَفاسَت پہ لاکھوں سلام

مِیٹھی مِیٹھی عِبارَت پہ شِیریں دُرُود
اَچھّی اَچھّی اِشارَت پہ لاکھوں سلام

سِیدھی سِیدھی رَوِش پر کروروں دُرُود
سادی سادی طَبِیعَت پہ لاکھوں سلام

رَوزِ گَرَم و شَبِ تِیرَہ و تار میں
کوہ و صحرا کی خَلوَت پہ لاکھوں سلام

جِس کے گھیرے میں ہیں اَنبیا و مَلک
اُس جہانگِیر بَعَثت پہ لاکھوں سلام

اَندھے شِیشے جَھلاجَھل دَمَکنے لَگے
جَلوَہ ریزیِ دَعوت پہ لاکھوں سلام

لُطفِ بیداریِ شَب پہ بے حد دُرُود
عالمِ خوابِ راحَت پہ لاکھوں سلام

خَندہءِ صُبحِ عِشرَت پہ نُوری دُرُود
گِریہءِ اَبرِ رَحمت پہ لاکھوں سلام

نَرمیِ خُوئے لینَت پہ دائم دُرُود
گَرمیِ شانِ سَطوَت پہ لاکھوں سلام

جِس کے آگے کِھنچی گردنیں جُھک گئیں
اُس خُدا داد شَوکَت پہ لاکھوں سلام

کِس کو دیکھا یہ موسیٰؑ سے پُوچھے کوئی
آنکھوں والوں کی ہِمّت پہ لاکھوں سلام

گَردِ مَہ دَستِ اَنجُم میں رَخشاں ہِلال
بَدَر کی دَفعِ ظُلمَت پہ لاکھوں سلام

شورِ تَکبِیر سے تَھرتَھراتی زَمِیں
جُنبشِ جیشِ نُصرَت پہ لاکھوں سلام

نعرہائے دَلیراں سے بَن گُونجتے
غُرّ ِش کُوسِ جُرأت پہ لاکھوں سلام

وہ چقا چاق خَنجَر سے آتی صَدا
مُصطفیٰ تیری صَولَت پہ لاکھوں سلام

اُن کے آگے وہ حَمزہ کی جاں بازیاں
شیرِ غُرّانِ سَطوَت پہ لاکھوں سلام

اَلغرَض اُن کے ہر مُو پہ لاکھوں دُروُد
اُن کی ہر خُو و خَصلَت پہ لاکھوں سلام

اُن کے ہر نام و نَسبَت پہ نامی دُرُود
اُن کے ہر وَقت و حالَت پہ لاکھوں سلام

اُن کے مولیٰ کی اُن پر کروروں دُرُود
اُن کے اَصحاب و عِترَت پہ لاکھوں سلام

پارَہ ہائے صَحف غُنچہائے قُدُس
اَہلِ بیتِ نُبُوَّت پہ لاکھوں سلام

آبِ تَطہِیر سے جِس میں پَودے جَمے
اُس ریاضِ نِجابَت پہ لاکھوں سلام

خُونِ خَیْرُ الرُّسُل سے ہے جِن کا خَمِیر
اُن کی بے لَوث طِینَت پہ لاکھوں سلام

اُس بَتُولِ جِگر پارہءِ مُصطفیٰ
حَجلہ آرائے عِفّت پہ لاکھوں سلام

جِس کا آنچل نہ دیکھا مَہ و مِہر نے
اُس رِدائے نَزاہَت پہ لاکھوں سلام

سیّدہ زاہرہ طیّبہ طاہرہؓ
جانِ احمد کی راحَت پہ لاکھوں سلام

حَسنِ مُجتبیٰؓ سَیِّدُ الْاَسْخِیَا
راکَبِ دَوشِ عِزّت پہ لاکھوں سلام

اَوجِ مِہرِ ہُدیٰ مَوجِ بَحرِ نَدیٰ
رُوحِ رُوح سَخاوَت پہ لاکھوں سلام

شہد خوارِ لَعاب زبانِ نبی
چاشنی گیرِ عَصمَت پہ لاکھوں سلام

اُس شہِیدِ بلا شاہ گُلگلُوں قَبا
بے کَسِ دَشتِ غُربَت پہ لاکھوں سلام

دُرّ ِ دُرجِ نَجَف، مِہرِ بُرجِ شَرَف
رنگِ رُوئے شہادَت پہ لاکھوں سلام

اَہلِ اِسلام کی مادرانِ شفِیق
بانُوانِؓ طہارَت پہ لاکھوں سلام

جلوگیّانِ بیت الشَرَف پر دُرُود
پروگیّانِ عِفَّت پہ لاکھوں سلام

سِیَّمَا پہلی ماں کَہفِ اَمن و اَماں
حق گُزارِ رِفاقت پہ لاکھوں سلام

عَرش سے جِس پہ تسلِیم نازِل ہُوئی
اُس سرائے سَلامَت پہ لاکھوں سلام

مَنْزِلٌ مِّنْ قَصَبْ لَا نَصَبْ لَا صَخَبْ
اَیسے کُوشَک کی زِینت پہ لاکھوں سلام

بِنتِ صِدِیقؓ آرامِ جانِ نبی
اُس حرِیمِ بَراءت پہ لاکھوں سلام

یعنی ہے سُورہءِ نُور جِن کی گواہ
اُن کی پُر نُور صُورَت پہ لاکھوں سلام

جِن میں رُوح القُدس بے اِجازَت نہ جائیں
اُن سُرادِق کی عَصمَت پہ لاکھوں سلام

شمعِ تابانِ کاشانہءِ اِجتِہاد
مُفتیِ چار مِلّت پہ لاکھوں سلام

جاں نِثارانِ بدر و اُحُد پر دُرُود
حق گزارانِ بیعت پہ لاکھوں سلام

وہ دَسوں جِن کو جَنّت کا مُژدہ مِلا
اُس مُبارک جماعَت پہ لاکھوں سلام

خاص اُس سابَقِ سَیرِ قُربِ خُدا
اَوحدِ کاملیت پہ لاکھوں سلام

سایہءِ مُصطفیٰ مایہءِ اِصْطَفٰی
عِزّ و نازِ خِلافَت پہ لاکھوں سلام

یعنی اُس اَفْضَلُ الْخَلْق بَعْدَ الرُّسُل
ثَانِیَ اثْنَیْنِ ہِجرَت پہ لاکھوں سلام

اَصْدَقُ الصَّادِقِیں سَیِّدُ الْمُتَّقِیں
چشم و گوشِ وِزارَت پہ لاکھوں سلام

وہ عُمر جِس کے اَعدا پہ شَیدا سَقر
اُس خُدا دوست حَضرَت پہ لاکھوں سلام

فارِقِ حقّ و باطِل اِمامُ الہُدیٰ
تیغِ مسلُولِ شِدّت پہ لاکھوں سلام

تَرجُمانِ نبی، ہَم زبانِ نبی
جانِ شانِ عدالَت پہ لاکھوں سلام

زاہدِ مَسجِدِ احمدی پر دُرُود
دولَتِ جیشِ عُسرَت پہ لاکھوں سلام

دُرّ ِ مَنثور قرآں کی سِلکِ بہی
زوجِ دو نُورِ عِفّت پہ لاکھوں سلام

یعنی عُثمان صاحِبِ قمِیصِ ہُدیٰ
حُلّہ پوشِ شہادَت پہ لاکھوں سلام

مُرتضیٰ شیرِ حق اَشجع اَلاشجعیں
ساقیِ شِیر و شربَت پہ لاکھوں سلام

اَصلِ نسلِ صفا وجہءِ وَصلِ خُدا
بابِ فَصلِ وِلایَت پہ لاکھوں سلام

اوّلیں دافعِ اَہلِ رَفض و خُروج
چارُمی رُکنِ مِلّت پہ لاکھوں سلام

شیرِ شمشِیر زن شاہءِ خیبَر شِکَن
پَرتَوِ دَستِ قُدرَت پہ لاکھوں سلام

ماحیِ رَفض و تَفضیل و نَصب و خُروج
حامیِ دین و سُنّت پہ لاکھوں سلام

مومنِیں پیشِ فَتح و پَسِ فَتح سَب
اَہلِ خیر و عدالَت پہ لاکھوں سلام

جِس مُسلماں نے دیکھا اُنھیں اِک نَظَر
اُس نَظَر کی بَصارَت پہ لاکھوں سلام

جِن کے دُشمن پہ لعنَت ہے اللہ کی
اُن سَب اہلِ محبّت پہ لاکھوں سلام

باقیِ ساقِیانِ شرابِ طَہُور
زَینِ اَہلِ عِبادت پہ لاکھوں سلام

اور جِتنے ہیں شہزادے اُس شاہ کے
اُن سَب اَہلِ مَکانَت پہ لاکھوں سلام

اُن کی بالا شَرافَت پہ اعلیٰ دُرُود
اُن کی والا سِیادَت پہ لاکھوں سلام

شافعیؒ، مالکؒ، احمدؒ، اِمامِ حَنیفؒ
چار باغِ اِمامَت پہ لاکھوں سلام

کامِلانِ طرِیقَت پہ کامِل دُرُود
حامِلانِ شرِیعَت پہ لاکھوں سلام

غوثِ اعظم اِمَامُ التُّقٰی وَالنُّقٰی
جَلوَہءِ شانِ قُدرَت پہ لاکھوں سلام

قطبِ اَبدال و اِرشاد و رُشدُ الرَّشاد
محییِ دِین و مِلّت پہ لاکھوں سلام

مَردِ خَیلِ طرِیقَت پہ بے حد دُرُود
فردِ اَہلِ حَقِیقَت پہ لاکھوں سلام

جِس کی مِنبر ہُوئی گَردنِ اولیا
اُس قدَم کی کرامَت پہ لاکھوں سلام

شاہءِ بَرکات و بَرکاتِ پیشینیاں
نَوبہارِ طرِیقَت پہ لاکھوں سلام

سیّد آلِ مُحَمَّد اِمامُ الرَّشید
گُلِ رَوضِ ریاضَت پہ لاکھوں سلام

حَضرتِ حَمزَہؓ شیرِ خُدا و رَسُول
زِینتِ قادِریّت پہ لاکھوں سلام

نام و کام و تَن و جان و حال و مَقال
سَب میں اچھّے کی صُورَت پہ لاکھوں سلام

نُورِ جاں، عِطرِ مَجمُوعہ آلِ رَسُول
میرے آقائے نعمَت پہ لاکھوں سلام

زیبِ سجادہ سجّاد نُوری نِہاد
احمدِ نُورِ طِینَت پہ لاکھوں سلام

بے عذاب و عِتاب و حِساب و کِتاب
تا اَبد اَہلِ سُنّت پہ لاکھوں سلام

تیرے اِن دوستوں کے طفیل اے خُدا
بَندہِ نَنگِ خَلقَت پہ لاکھوں سلام

میرے اُستاد، ماں، باپ، بھائی، بہن
اہلِ وُلد و عَشیرت پہ لاکھوں سلام

ایک میرا ہی رَحمَت میں دعویٰ نہیں
شاہ کی ساری اُمّت پہ لاکھوں سلام

کاش مَحشَر میں جَب اُن کی آمَد ہو
اور بھیجیں سب اُن کی شَوکَت پہ لاکھوں سلام

مُجھ سے خِدمت کے قُدسی کہیں ہاں رضؔا
مُصطفیٰ جانِ رَحمَت پہ لاکھوں سلام۔۔۔!

کلام اِمام احمد رضا خان فاضلِ بَریلویؒ

یوں نہ بے پَر کی اڑاؤ فیس بک کے عالمو
کچھ تو رب کا خوف کھاؤ فیس بک کے عالمو

سب مسائل پر تمھاری دیکھتے ہیں مسخری
شرم سے تم مر ہی جاؤ فیس بک کے عالمو

تم سیاست دان ہو یا تم سیاسی تان ہو
کون ہو کچھ تو بتاؤ فیس بک کے عالمو

گھر تمھارا بھی جلے گا آگ کے اِس کھیل میں
کاش! جلدی جان جاؤ فیس بک کے عالمو

کیا وراثت میں ملا ہے تم کو شوشے چھوڑنا؟
بات یہ کھل کر بتاؤ فیس بک کے عالمو

جھوٹ سوشل میڈیا پر، ریت کی تعمیر ہے
ہو سکے تو باز آؤ فیس بک کے عالمو

کتنے بزرگ ہیں پریشاں اِس کرونا سے ابھی
اک نظر ان پر گھماؤ فیس بک کے عالمو

جھوٹ ہے نسوار سے کوئی وبا ٹلتی نہیں
سچ ہے تو ثابت کراؤ فیس بک کے عالمو

عالمی یارو وبا ہے مسخری ہرگز نہیں
قوم پر کچھ رحم کھاؤ فیس بک کے عالمو

با وضو ہو کر نکلنا گھر سے سنّت ہے جناب
عام یہ سنّت کراؤ فیس بک کے عالمو

ہاتھ دھونا، گھر میں رہنا اب ضروری ہے بہت
قوم کو باور کراؤ فیس بک کے عالمو

ہے درودِ پاک کی کثرت صمیمؔ اس کا علاج
ہر کسی کو تم سناؤ فیس بک کے عالمو

آصف صمیمؔ

ہے مصلحت ضرور کہ کچھ کر نہیں رہا،
ایسا تو ہے نہیں ہے کہ وہ با خبر نہیں۔

علی پیر عالی

تیری کوئی دعا نہ رد ہوگی،

تیرے تو ہاتھ اتنے پیارے ہیں۔

علی پیر عالی

"داسی"

تُم نے الوادعی بوسہ میرے ماتھے پہ نہ رکھا ،
نہ تُم نے کہا الوداع اے میری جان،،
اور میں رخصت ہوا پھر درمیان وبا آ گئی ۔

اے نوجوان لڑکی میں وقت رخصت تجھ سے کہنا چاہتا تھا ،
تو عمر میں مجھ سے آدھی ہے،
تیرے چہرے سے بہار کا سورج لپٹتا ہے
بلندیوں میں سمٹا آسمان تجھے زمین پہ دیکھ کہ جھکتا ہے،
اور خوبصورتی جو ابسٹرکٹ تھی تیری تجسیم سے پہلے، وباؤں کے قدم زمین پہ اترنے سے قبل،
دیوتاؤں نے اپنے لمس سے تجھے آلودہ کیا اور اپنے ہاتھ پونچھے جس ٹشو پیپر سے،
اس سے زندگی دان ہوئی
اے داسی تب کہ تُو کسی تخیل میں آورد ہوئی
تب کہ فانی انساں کو تیری پہچان ہوئی ،،

اے میری داسی،

جب موت وائرس کے ساۓ کا لبادہ اوڑھے پھرتی ہے،
جسے انسانی آنکھ دیکھ سکتی ہے نہ لمس چھو سکتا ہے۔
موت کو مقدس جان،،
پہلی کتاب سے لے کر اب تک ہر صحیفے میں اس کا ذکر موجود ہے۔
اس کی تقدیس کے آگے سب کے سر جھکے ہیں۔
موت سے نہ ڈر، موت سے نہ گھبرا ،
دیکھ ان پرندوں کو جن کی پرواز میں زندگی کا اعتبار ہے۔جن کے نغموں میں کائناتی مستی ہے ۔

اُن حشرات کو دیکھ،
کیسے چیونٹی گندم کا دانا اٹھاے کچھ دیر سانس لینے کو رکی ہے۔
وہ موت کی ہمہ ہمی سے ہر گز پریشان نہیں ہے ۔
ابھی وہ پھر چل پڑے گی سر اٹھا کہ کسی فاتح کی مانند،
اس کے ننھے قدم زمین سے چپکے ہیں،
جنہیں کوئی سرکش قوت اکھاڑ نہیں سکتی ہے ۔
ہوا کی سرسراہٹ دیکھو اس میں بہار کی اٹھان ہے ،
چمن زاروں میں شگفتہ پھول کھلے ہیں، جنہیں سورج بڑے پیار سے دیکھتا ہے،
جیسے آسمانی خدا، حوا و آدم کو باغ بریں میں پا کے وارفتگی سے تکا کرتا تھا ۔

اے داسی ،
کس خاکی کو تجھے چھونے کی اجازت ملی ؟
بادلوں کے سرمئی آنچل میں لپٹی تیری مورت
محض نظر کا سراب تھی۔
تُو کہ لمحہ لمحہ پہاڑوں پر گرتی برف کی صورت
سکڑتی پھیلتی گلیشیئر بن کے سرکتی رہی
ارتقا کہ سب مرحلوں میں سرخرو رہی
تُو کہ زیست کے پانیوں میں چھلکنے کے لیے بے تاب تھی۔
اب جب کہ تُو موت کی وادیوں میں ڈوب جانے سے
پریشان ہے ۔
میں تمہیں کہنا چاہتا ہوں،
تو کہ خود اک خواب کی صورت ہے
(اور خواب تک موت کی دسترس نہیں ہوتی )
تُو کہ خود زندگی ہے،
اور لاحد تک کہیں تُو خود زندگی کا امکان ہے۔

غنی🌹

Author's note:
Written (amid crona outbreak) for a sick girl who have fears of death.

آج تم سے ملنے کو آتا مگر

ہے تقاضائے وبا گھر میں رہو

عبداللّٰہ باصؔر

حسین لوگو مری گزارش ہے
گھر میں بیٹھو
وبا کے دن ہیں

حسین لوگو !
تمہاری خاطر
تمہارے چہرے کی اک جھلک کو
وبا کے سینے پہ چل رہے ہیں

تمہاری پائل کی چھن چھنن سے
گھروں میں بیٹھے تمام افراد گھر سے باہر نکل رہے ہیں
انہیں بچاؤ

حسین لوگو مری گزارش ہے
گھر میں بیٹھو
وبا کے دن ہیں

راشد خان عاشر

شبِ معراج 🖤

فلک سے پار جہاں کوئی بھی نہیں رھتا
وھاں پہ کوئی گیا تھا کسی سے ملنے کو

مقدؔاد

صلی اللہ علیہ وسلم

ہلتی کنڈی گرم بسترا اور وہ واپس آ بھی گئے
ایک زرا سے پل میں دیکھو کتنی زیادہ مہلت ہے

محمد واصف اسلم

شبِ معراج ⁦❤️⁩⁦❤️⁩

خلوص تجھ کو دکھاتا ، گلے لگاتا مگر

وبا نے ملنے ملانے سے روک رکھا ہے

عابد عمر

ہزاروں سینکڑوں خط تھے کسی غافل نے کھو لے نئیں

لرز اٹھی ہے اِک دنیا خدا کی کال آئ ہے

نبیر سیّد

کیا بتائیں ہم پہ یارو کس طرح کا بوجھ ہے
غم سے بھی بیزار ہیں اور اس پہ بےزاری کا غم

اپنے حجرے میں پڑے ہیں مدتوں سے با خوشی
ہم کو غم لگتا نہیں ہے چار دیواری کا غم

عائشہ شفق

یہ اجڈ لوگ کہاں فن کے قدر دان میاں
تو نے کس شہر میں اے دوست! ہنر رول دیا

جب وہ لوٹے گی تو تربت پہ مری چیخے گی
ہائے افسوس کہ گوہر تھا مگر رول دیا

عمر علی عمرؔ

بس ایک زخم کی وسعت پہ بات ھوتی تھی
مری تمھاری محبت پہ بات ھوتی تھی

نیا بنا کے پرانے کو یاد کرتے تھے
جدید ھو کے روایت پہ بات ھوتی تھی

ھمارا ذکر جہنم کا ذکر لگتا تھا
اور ان کے نام سے جنت پہ بات ھوتی تھی

وہ شخص جنگ میں آنکھوں سے کام لیتا تھا
پھر اس کے بعد شہادت پہ بات ھوتی تھی

مقدؔاد احسن

یوں ترا ہجر پال رکھا ہے

سات بہنوں کا بھائی ہو جیسے

عثمان خیال

یہ کیسی نفسا نفسی ہے

ڈرتا ہے آدم ،آدم سے

ثمرین افتخار

تِرے خیال کے جگنو تمام شب چمکے

تمام رات اجالا مِرے مکان میں تھا

شفیق رائے پوری

وہاں وہ ہچکیوں سے لڑ رہی ہے

یہاں ہم ذکر اُس کا کر رہے ہیں

محمد نازک

کسی کا حسن بینائی کو ٹھیک کرتا ہے
کسی کی آنکھیں بیماروں کے کام آتی ہیں

ہم ایسے لوگ سہولت سے درد سہتے ہیں
کسی کو خوشیاں میسر تمام آتی ہیں

وقاص احمد

محبت کے معانی پڑھ لئیے ہیں

محبت بانٹنے میں لگ گیا ہوں

امجد میر

چل ! کرونا تیرے باعث ہی سہی !

وہ رقیبوں سے گریزاں تو ہُوا !

محسنؔ رفیق

دیکھا مرا عروج تو بے ساختہ کہا

یہ آدمی تو ایک ہی تہمت کی مار ہے

وقاص احمد

گل لائی رکھیا تساں غیراں نوں

تے ساڈے نال بہانے وائرس دے

وقاص احمد

محبت آخری ہے جرم میرا
مری پہلی حماقت شاعری ہے

محبت کب سبب ہے شاعری کا
مگر وجہِ محبت شاعری ہے
قمر آسی

مجھ سے احساس کے مارے کا خدا حافظ ہے
چاند کے ساتھ ستارے کا خدا حافظ ہے

یہ جو لشکر ہے میرے شہر کو جاتا لشکر
منصفا اس کے سہارے کا خدا حافظ ہے

باندھ رکھا ہے تیرے پاؤں سے جگنو ہم نے
ہم فقیروں کے نظارے کا خدا حافظ ہے

تم مجھے آکے سناتے ہو نویدِ صبح کی
دشت کے بیچ فوارے کا خدا حافظ ہے

گھر سے چلتے ہوئے میں دیکھ رہا تھا ماں کو
دل میں کہتی تھی دلارے کا خدا حافظ ہے

یعنی مجھ شخص کے سینے میں ہے گھاؤ کوئی
یعنی اب جنگ سے ہارے کا خدا حافظ ہے

یعنی اُس باغ میں تتلی نے سنائے نغمے
یعنی ہر جلتے شرارے کا خدا حافظ ہے

ندیم ملک

جب سہولت ہو، ان گنت آنکھیں

ایک تل کا طواف کرتی ہیں

قمر آسی

کُل عُمر وریدوں میں لہُو بن کے بہی ہے
جو نظم کبھی تُو نے سُنائی بھی نہیں تھی

اِس بار خموشی کا سبب ہی نہیں ملتا
اب کے تو مری جان ! لڑائی بھی نہیں تھی

سیماب ظفر

‏جس کو تصویر دکھاتا ہوں یہی کہتا ہے

تیرا نقصان تو پورا نہیں ہونے والا

نظامت حسین