فتح جنگ کی ڈائری

سیاسی کارکنان اور مقامی لیڈران👇

مجھ سے ایسے متعدد سوالات آئے دن کوئی نہ کوئی سنجیدہ فردکرتاہے اور مشورہ دیتا ہے کہ وقت کو یوں سیاسی سرگرمیوں میں برباد کرنے کے بجائے کسی نفع بخش سرگرمی میں استعمال کروں۔
میں ان سوالات اور مشوروں پر سوچتا ہوں تو نہایت آسانی سے سیاست کے بارے میں لوگوں کی آراء سمجھ آجاتی ہیں۔ آپ سیاست کی کوئی بھی کتابی تعریف کریں لیکن اس حقیقت سے انکار شاید ہی کرسکیں کہ لوگوں کی اکثریت سیاسی عمل کو منفی سرگرمی یا پھر ایک لاحاصل کام سمجھتی ہے اور اپنے عمل سے اس سے بیگانگی کا اظہار کرتی ہے۔ میں نے اچھے سیاسی کارکنان کو بھی ایک عرصے تک سرگرم اور پھر مایوسی اور دل شکستگی کے ساتھ خود کو سیاسی سرگرمیوں سے الگ تھلگ ہوتے دیکھاہے۔
کوئی بھی سیاسی کارکن اپنے مخالفین کی باتوں کو تو شاید اپنے لیے تندیء بادِ مخالف سمجھ کر مزید اونچا اڑنے کے لیے پر تولنے پر ہر آن آمادہ رہے لیکن جب وہ اپنی ہی صفوں میں اپنے خلاف بنے محاذ اور منظم ہوتی محلاتی سازشیں دیکھے گا تو اپنے دل میں زیادہ عرصے تک اس قافلے کہ ساتھ چلنے کی آمادگی نہیں پائے گا لیکن ہماراالمیہ کہ علاقائی سطح پر چھوٹے قد والے سیاسی لیڈران اگر کسی کو اپنے قد سے بڑا محسوس کرنے لگیں تو اس کی سیاسی موت کے لیے ہر منفی ہتھکنڈہ استعمال کرنے کے درپے ہو جاتے ہیں۔ جس کے نتیجے میں متعلقہ سطح پر سیاسی ارتقائی عمل اور فطری تطہیر ہو ہی نہیں پاتی۔
میرا مشاہدہ رہا ہے کہ اپنی انا کے مارے جب کوئی منصب پالیتے ہیں تو سیاسی عمل کو فروغ دینے اور عوامی پزیرائی کے لیے منصوبہ بندی کے بجائے ان افراد کی زندگی کا مقصد ہی دوسروں کو دبا کر خود کو بڑا ثابت کرنا، مفادِ عامہ کی جدوجہد میں کسی کا دست و بازو بننے کی بجائے مختلف منفی ہھتکنڈوں سے روڑے اٹکانا اور اگر اس سے بھی تسلی نہ ہو تو اپنے ہٹے کٹے جثے کے ساتھ جدوجہد کے آگے دیوار بن کر کھڑے ہونا ہوتا ہے۔
یہ مخالفین کے ساتھ ریشم کی طرح نرم اور اپنے ماتحت افراد کے لیے فولاد بنے رہتے ہیں، اپنے کارکنان کے بے لاگ سوالات سے نہ صرف کتراتے ہیں بلکہ ان کی زبان بندی میں کوشاں رہتے ہیں۔
سیاسی لیڈران کا کام یہ نہیں کہ کارکنان کی زبان بندی کریں اور ان کےرستوں میں رکاوٹیں کھڑی کریں، انھیں تو کارکنان کےاسلوب کو بہتر بنانے کے لیے کوشاں رہنا چاہیے اور ان کے رستوں میں رکاوٹیں کھڑی کرنے کے بجائے خود ان کے نئے راستے تراشنے چاہیئں۔
آپ میں سے کوئی بھی فرد کسی بھی سطح پر سیاسی یا سماجی تنظیم کا ذمے دار ہو تو اپنے ماتحت افراد میں سوال کرنے کی عادت ڈالیں۔
ان کی مثبت تنقید پر چیں بجبیں ہونے کے بجائے اپنی کوتاہیوں پر نظر ڈالیں اور کسی کی زبان بندی یا تحریر سے منع کرنے کے جرم کے مرتکب نہ ہوں کیونکہ یہ منفی ہھتکنڈے فرد کے اندر چھپے چور کی چغلی کھاتے ہیں۔
سیاسی عمل میں کوئی منصب اور ذمے داری ہر لمحے آپ سے تقاضہ کرتی ہے کہ اپنے انتہائی سطحی مفادات کے لیے اپنی حدود میں نظریاتی سیاست کا بیڑہ غرق کرنے کی نہ ٹھانیں، اگر محسوس ہو کہ کوئی فرد کسی کام میں مہارت رکھتا ہے یا بہتر طور پر کچھ کرنے کی سکت رکھتا ہے تو اسے آگے بڑھائیں، اس کے ساتھ تعاون کریں نہ کہ اس کے اور اپنے قد کا موازنہ کرنے لگیں اور خود کو قدآور ثابت کرنے کے لیے کسی کو دبائیں، اسے دیوار سے لگانے کے لیے محلاتی سازشوں پر اتریں اور کوئی بھی اوچھا ہتھکنڈہ استعمال کرنے سے دریغ نہ کرتے۔
مزید یہ کہ ہر تنظیم کی اساس اس کا کارکن ہوتا ہے، کارکنان کی بدولت ہی کوئی بھی چھوٹی یا بڑی ، مختصر مدتی یا طویل مدتی سرگرمی اپنے مطلوبہ نتائج حاصل کرتی ہے اس لیے ذہن نشین رکھیں کہ کام کے وقت جنھیں گدھوں کی طرح مختلف محاذوں پر جوتتے ہیں بعد میں انھی کی وفاداریوں پر شک نہیں کرتے۔
میں سیاسی لیڈران کی جگہ کارکنان کو عزت دینے کا خواہاں ہوں کیونکہ ہر ایک پارٹی کی بنیادی اکائی کارکن ہوتا ہے اور کارکنان کی معاشرے میں دوسرے افراد سے مراسم اور روابط سے آپ کو اپنے قافلے کے لیے نیا خون ملنے کی توقع ہوتی ہے۔

پارلیمانی الفاظ میں اپنی بحث سمیٹتے ہوئے میں یہی کہہ سکتا ہوں کہ کارکنان کو جراتِ اظہار کا سلیقہ اور ہر ناپسندیدہ سرگرمی پر سوال کا طریقہ اپنانا چاہیئے اور کسی بھی مقامی لیڈر کا گدھا بننے سے بچنا چاہیے
کیونکہ عزتِ نفس ہر انسان کی ہوتی ہے
اگر کوئی لیڈر اپنے کارکنان کا احساس نہیں کرتا ان کو مشکل وقت میں بےیارومددگار چھوڑتا ہے تو پھر کارکنان کو بھی یہ سوچنا چاہیے کہ وہ کیا کررہے ہیں اور وہ کیا کرسکتے ہیں
کیونکہ کسی بھی جماعت تنظیم میں کارکن ریڑھ کی ہڈی ہوتے ہیں اور یہ ہم باخوبی جانتے ہیں کہ اگر ریڑھ کی ہڈی ٹوٹ جائے تو
لک تروٹا کہا جاتا ہے اس کو جس کی ریڑھ کی ہڈی ٹوٹ جائے
اور پھر وہ چلنا تو دور اٹھ بھی نہیں سکتا
چاہے انسان ہو یا انسانوں کی بنائی سیاسی یا سماجی پارٹی و تنظیم ہو

آدھا نہیں پورا سوچیں

نقوی نوشت✏

سیدتعبیرشاہ نقوی

فتح جنگ شہر میں ہوٹلز اور بیکریز کوکھلی چھٹی کوئی پوچھنے والا نہیں کئی ہوٹلز اور بیکریز این او سی اور عملے کے میڈیکل سرٹیفیکٹس کے بغیر چل رہے ہیں
جہاں یہ ہوٹلز اور بیکریز غیر معیاری کھانے اور فاسٹ فوڈ مہنگے اورمن مانے ریٹوں پر عوام کو کھلانے میں مصروف ہیں وہاں ہی ان ہوٹلز اور بیکریز پر کام کرنے والے عملے کا میڈیکل فٹنس ٹیسٹ کا سرٹیفیکٹ نہ ہونا بھی مقامی انتظامیہ کی کارکردگی پر سوالیہ نشان ہے
اور اس سے مہلک بیماریاں پھیلنے کا خدشہ ہے
اربابِ اختیار اس جانب توجہ دیتے ہوئے شہر فتح جنگ کے تمام ہوٹلز بیکریز کی چیکنگ کریں اور بغیر این او سی اور میڈیکل سرٹیفیکٹ کے چلنے والے ہوٹلز اور بیکریز کو سیل کیا جائے•
فتح جنگ شہر میں پنجاب فوڈ اتھارٹی کی گاڑی بھی کوئی کاروائی کرتی نظر نہیں آتی ایسا ممکن ہی نہیں کہ جہاں عام عوام اس ساری صورتِحال سے اگاہ ہے وہاں پنجاب فوڈ اتھارٹی اٹک بےخبرہو
اربابِ اختیار سے عوامی مطالبہ سامنے آیا ہے کہ اس اہم ایشو کی جانب توجہ دیتے ہوئے فوری طور پر کاروائی کی جائے پنڈی روڈ,کھوڑ روڈ,کوہاٹ روڈ اٹک روڈ پر بنے تمام ہوٹلز و بیکریز کو چیک کیا جائے
Govt of Punjab
Chief Secretary Punjab
Punjab Food Authority
Commissioner Rawalpindi Official
Deputy Commissioner Attock
Punjab Food Authority Attock
Assistant Commissioner Fateh Jang-Distt Attock

کھوڑ روڈ سی پیک انٹرچینج فتح جنگ پر ہونے والے افسوس ناک ایکسیڈنٹ جس میں دوبچے اور ان کی والدہ جان بحق ہوگئے تھے
اس افسوس ناک واقعہ کامقدمہ درج اور مقامی پولیس مصروفِ تفتیش ہے

وزرات خزانہ نے پٹرولیم مصنوعات کی قیمتوں میں کمی کا نوٹیفیکیشن جاری کردیا

پیٹرول کی قیمت برقرار، نوٹیفیکیشن

ڈیزل کی قیمت میں 7 روپے فی لیٹر کمی کردی گئی، نوٹیفکیشن

مٹی کے تیل کی قیمت میں 3 روپے 82 پیسے فی لیٹر کمی کردی، نوٹیفیکیشن

نئی قیمتوں کا اطلاق آج رات 12 بجے سے ہوگا، نوٹیفیکیشن

پنجاب کے اسکولوں میں سردیوں کی چھٹیاں 18 دسمبر سے یکم جنوری تک ہوں گی۔ 17 دسمبر آخری ورکنگ ڈے ہو گا سکول میں۔
2 جنوری کو سکول اوپن ہوں گے۔
پنجاب حکومت کا فیصلہ

*ڈی ایس پی پٹرولنگ ضلع اٹک راجہ فیاض الحق کا PHP ڈرائیونگ سکول حطار کا دورہ*
تفصیلات کے مطابق مورخہ 30 نومبر 2023 بروز جمعرات کو ڈی ایس پی پٹرولنگ ضلع اٹک راجہ فیاض الحق نے پٹرولنگ پوسٹ حطار پر قائم PHP ڈرائیونگ سکول میں داخلہ لینے والے پہلے بیج کا 14 دن کا موٹرکار ڈرائیونگ کورس مکمل ہونے پر منعقد کردہ تقریب میں شرکت کی۔اور کورس کے شرکاء سے خطاب کرتے ہوئے کہا کہ پٹرولنگ پولیس اپنے تمام تر وسائل کو بروئے کار لاتے ہوئے عوام الناس کی خدمت اور تحفظ کے لیے کوشاں ہے شہروں سے دور دیہاتی علاقوں کی عوام کے لیے پٹرولنگ پوسٹ حطار پر خدمت مرکز، ڈرائیونگ سکول اور ڈرائیونگ لائسنس سنٹر کا قیام عمل میں لایا گیا ہے۔مزید ڈی ایس پی نے پٹرولنگ پوسٹ حطار کی کارکردگی کو سراہاتے ہوئے پوسٹ انچارج سب انسپکٹر کوثر ممتاز اور انچارج ڈرائیونگ سکول سب انسپکٹر وحید اختر کو شاباش دی اور آئندہ بھی عوام کی جان ومال کے تحفظ کو یقینی بنانے اور بہترین سہولیات فراہم کرنے کی ہدایت کی۔

رپورٹ📷سیدتعبیرشاہ نقوی

اعوان میڈیا سنٹر فتح جنگ

اب گاوں چمکیں گے

اور چنگے بھلے چمکیں گے

افسوس ناک خبر

رات تقریباً 9:30 پر سی پیک کے پل کے اوپر کار نے موٹر سائیکل سوار کو ٹکر ماری دی
جس کے نتیجے میں موٹر سائیکل پر سوار 4 افراد میں سے 3 موقع پر دم توڑ گئے اور ایک کو شدید زخمی حالت میں THQہسپتال فتح جنگ لےجایاگیا اور بعد میں راولپنڈی منتقل کر دیا گیا ہے
فوت ہو جانے والوں میں ماں اور دو بیٹے ہیں۔
جانبحق ہونے والوں کا تعلق تاجہ بارہ ڈھوک رائے نیکا سے بتایا جارہا ہے
مزید تفصیلات آنا باقی ہیں۔

فتح جنگ:
فتح جنگ غیر قانونی طور پر مقیم افغانیوں کےلیے محفوظ پناہ گاہ
جہاں پورے ملک میں بلاتفریق غیرقانونی طور پر مقیم افغانیوں کے خلاف آپریشن جاری ہے لیکن اس کے برعکس فتح جنگ میں کوئی کاروائی ہوتی نظر نہیں آتی اورغیر قانونی طور پر مقیم افغانی ہر جگہ دندناتے نظر آتے ہیں جو کہ قانون نافذ کرنے والے اداروں کی کارکردگی پر سوالیہ نشان ہے
Punjab Police Pakistan
Rawalpindi Police
Attock Police
سے عوامی مطالبہ ہے کہ غیر قانونی طور پر مقیم افغانیوں کے خلاف آپریشن کیا جائے جو کہ ہماری ہچولے کھاتی معشیت کو کسی چچڑ کی طرح چمڑے ہوئے ہیں•
دوسری طرف شہرِ لاوارثاں فتح جنگ میں تجاوزات مافیا کا راج ہے شہر میں کوئی جگہ ایسی نہیں جہاں تجاوزات نہ ہوئی ہوں بازاروں سے گزرنا محال ہے روڈوں پر جگہ ریڑھی رکشے اور تھڑوں والوں کا قبضہ ہے جو کہ بغیر مقامی انتظامیہ کی ملی بھگت کے ممکن نہیں جس کی واضع مثال یہ ہے کہ جب بھی کسی سرکاری اعلٰی افسر کا دورہ متوقع ہوتو شہر اس طرح خالی ہوتا ہے تجاوزات سے کہ یہاں کبھی تجاوزات تھیں ہی نہیں لیکن بعد میں ہر طرف تجاوزات مافیا کا راج ہوتا ہے
اعلٰی افسران سے اس جانب توجہ دینے کا عوامی مطالبہ سامنے آیا ہے کہ مقامی انتظامیہ کے کرپٹ اہلکاروں کے تبادلے کیے جاہیں تاکہ تجاوزات مافیا سے شہر کو پاک کیا جاسکے•
Govt of Punjab
Chief Secretary Punjab
Commissioner Rawalpindi Official
Deputy Commissioner Attock
Assistant Commissioner Fateh Jang-Distt Attock

لاڈلہ کون👉

لمحہءفکریہ
ہمارا ملک پاکستان اسلام کے نام پر بنا ہے اور کالاعلم کرنےوالا دائرہء اسلام سے خارج ہوتا ہے
لیکن نیچے پوسٹ کیا گیا پوسٹر آپ دیکھیں اور اس پر لکھی تحریر پڑھیں یہ صرف پوسٹر ہی نہیں اس کے باقاعدہ سوشل میڈیا اور کچھ ٹی وی چینلز پر ایڈ چل رہے ہوتے ہیں
کیا یہ جائز ہے
کہاں ہیں ہمارے ملک میں قانون نافذ کرنے والے ادارے یہ کیوں دیدہ دلیری سے کرنے دیا جارہا ہے