Inkorane-Njya-Bukire

mubiri aho biva bikagera. Atangira amwiga ahereye ku bice binini twakwita ingingo akagenda arushaho gucegera kugeza amwize ahereye ku duce dutoya cyane tumugize twitwa uturemangingo. Aya masomo amufasha no kumenya aho buri gice cyose na buri rugingo rwose ruherereye haba ibigaragara inyuma haba n’ibitagaragara inyuma biri imbere mu mubiri. Imikoranire y’ibice byubatse umubiri(Human physiology)3: Nyuma yo kwiga umuntu nk’inyubako akurikizaho kwiga umuntu nk’ishyirahamwe, aho buri gice gishyira hamwe n’ikindi kugirango umuntu abe ameze neza. Imikoranire y’ibice bigize umubiri mubyo bita inzungano agomba kubimenya uko byakabaye, uburyo ibi bice byunganirana muburyo butaziguye cyangwa mu buryo bu*iguye. Imirwarire y’ibice bigize umubiri n’ibibazo by’Imikoranire(Physiopathology)4: Nyuma yo kubona no kumenya neza ibi bice n’imikoranire yabyo, hakurikiraho kumenya imirwarire y’ibi bice n’ibibazo byatuma bidakorana neza. Muri iki gice cy’amasomo noneho umuntu yibanda mu kumenya indwara n’ibizitera, ibimenyetso byazo by’ibanze zihariye n’ibimenyetso byazo zisangiye n’izindi cyangwa bishobora kwigaragaza rimwe na rimwe ubundi ntibyigaragaze, akiga uburyo bwose ishobora kwigaragazamo. Mbese usanga aya masomo amufasha kwirinda ku kuba yakwitiranya indwara, cyangwa akayiyoberwa. Aha rero ntitwibagirwe ko aba agomba no kumenya gukoresha ibyuma kabuhariwe by’ibanze mu gupima indwara. Ubuvu*i bw’indwara zafashe ibice n’inzungano by’umubiri(Medicine)5: Icyiciro cya nyuma rero noneho cy’amasomo uyu muntu yigishwa, ni uburyo bwo kuvura indwara. Yigishwa uburyo bwo kuvura atari ukumenya urutonde rw’imiti gusa umuntu urwaye indwara iyi n’iyi agomba gufata, ahubwo n’urugero agomba gufatamo iyo miti, akigishwa kumenya inyifato agomba kugira imbere y’abarwayi n’inyifato agomba gutoza abarwayi bijyanye ahanini n’indwara barwaye. Umuntu iyo arangije aya masomo yo muri ibi byiciro byose nibwo yitwa muganga akaba ashobora kuvura umuntu. Nyamara hari abantu usanga batarize imyubakire y’umubiri w’umuntu,

2Mu ndimi z’amahanga: Anatomie, anatomy.
3Mu ndimi z’amahanga: Physiologie, Physilogy
4Mu ndimi z’amahanga: Physiopathologie(igifaransa), Physiopathology(icyongereza).
5Mu ndimi z’amahanga: Medecine




batarize imikoranire y’ibice bigize umubiri w’umuntu, batarize imirwarire y’ibyo bice maze ugasanga bari kuvura abantu. Abo bantu mu Kinyarwanda bitwa ba magendu.6
Abavu*i nk’aba ntacyo baba bazi baba bashakisha gusa, aho kuvura barushaho gukwirakwiza indwara. Ikibazo baba bafite ni uko bavura umuntu batazi, bakamuvura indwara batazi bakamuha n’imiti mu by’ukuri batazi. Nubwo waba u*i imiti ntabwo ushobora kuvura utazi indwara umuntu arwaye. Usanga bene abo baganga bahimbira abarwayi indwara kandi wenda atari zo barwaye, bityo bakanabahimbira imiti bagomba gufata. Akenshi kuko ikiba kibashishikaje ari inyungu zabo bwite, bakunda guhimbira abarwayi indwara zijyanye n’imiti bafite kugirango icyo cyashara kitabacika kandi ntibatinya kuyibaha kabone n’ubwo iyo miti yaba yararengeje igihe cyo gukoreshwa. Birumvikana ko aho kuvura umurwayi ahubwo umubiriwe barushaho kuwurembya bawuhindura ingarane y’imiti idafite icyo iwumariye cyangwa barushaho kuwuca intege kubwo kuwuvura bakoresheje uburyo butajyanye n’igihe. Umuryango nyarwanda rero twawugereranya n’umubiri w’umuntu. Ntabisaba ibihamya byinshi kugirango werekane ko uwo mubiri ufite ibibazo; kandi iyo urebye uko ibibazo byawo byagiye byiyongera usanga bifite aho bihuriye n’abayobozi bagiye basimburana ku banyarwanda bavugako bagiye kubafasha gukemura ibibazo byabo aho kugirango bikemuke bikarushaho kugwira. Ese ibyo byatewe n’iki? Ntagushidikanya ko abayobozi twagize mu mateka yacu cyane cyane nyuma y’igihe cy’ubwami babaye ba Magendu. Ntidushatse kuvuga ko abo bayobozi batari barize, ahubwo bari barize inyigisho idakwiriye. Ndetse usanga bari barize byose usibye ukuri kw’imyubakire y’umuryango nyarwanda, imikoranire y’ibice bigize umuryango nyarwanda imirwarire y’ibyo bice biwugize n’ibibazo imikoranire yabyo yagize, ngo babashe kuba bavura umuryango nyarwanda. Ibi bishatse kuvuga ko bari gukora ibindi byose neza uretse kuyobora abanyarwanda. Turahamya y’uko icyo umuyobozi uwo ariwe wese yafasha umuryango nyarwanda turimo muri iki gihe ni ukuwubera umuganga kugirango imikoranire hagati y’abawubatse igende neza. Ibyo ubundi ntabwo bisaba koko impamyabushobozi z’ibirenga nyinshi ahubwo birasaba kumenya mu buryo bwimbitse uwo muryango muri za ngingo enye twatondaguye haruguru. Niba ushaka kuba umunyarwanda utarangwa n’amacakubiri y’uburyo bwose, ugaturana n’abandi mudatongana cyangwa ushaka kuba umuyobozi wabafasha abanyarwanda kuva mu bibazo barimo; urirushya muri byinshi kandi ngombwa ari kimwe gusa! Soma ubu butumwa bwiza nkuko ubusanga hano kuri uru rubuga www.facebook.com/gatokezapage umenye uko u Rwanda rwagiye rwiyubaka uhereye ku miturirwe yarwo, umenye ibintu bitandukanye ugomba kumenya byagufasha mu bu*ima bwawe bwa buri munsi. Nyuma y’ibyo byose uramenya umuti wagufasha wowe kugiti cyawe kandi ushobora no guhaho abaturanyi bawe cyangwa abaturage ureberera.