Chef fy nfsooo

((بسم الله الرحمن الرحيم))
النهارده أصدقائي وحبايبي هانشوف طريقه عمل كتف خروف محشي ارز
المقادير
كتف خروف مخلي بدون خدش الجلد
٣ك ارز بسماتي
١/٢كوب زيت نباتي
١٠٠ جرام ذبده
١م ملح
١/٢م فلفل اسود
١/٢م بهار حلو
١/٢م كزبره
١/٤م قرفه
الطريقه
بعد مانخلي اللحم ونفتحه زي المنديل نتبه بنصف كميه البهارات بعد خليها مع بعض والزيت ونسبها في التربيه ساعتين علي الاقل
بعد كده نبشر البصل ونحمره في الزبده مع ملعقه زيت حتي تحمر نضيف باقي التوابل والارز المغسول ونحمره شويه علي النار وبعد كده نضيف البيون ونسوي الأرز نص سوى بعد كده نحشي الكتف ونلفه زي المنديل ونحطه في الفرن علي درجه حراره ٢٠٠ لمده ساعه وبعد كده نحطه علي باقي الأرز بعد مانكمل سواه ويزين بالمكسرات وبالهنا والشفا

((بسم الله الرحمن الرحيم))
مساء الخير أصدقائي وحبايبي النهارده معانا خروف محشي ورق عنب
المقادير
خروف وسط حوالي ١٧ك بعد الذبح والتنظيف
٣ك ورق عنب ملفوف وجاهز للسوى
٤م ملح
٤م بهار مشكل
٢م فلفل اسود ناعم
٣ جرام زعفران مذاب في فنجان شاي
١كوب زيت
٢لتر بيون
بيض وفلفل وفسدق حلبي للتزيين
الطريقه
بعد ما نغسل الخروف كويس جدا بالملح والخل ناشفه من المياه ونتبله بالملح والفلفل والبهارات والزعفران من جوه وبره نحشيه بورق العنب ونحط في قلبه نص كميه البيون ونحطه في صنيه ونضيف باقي البيون ونعطيه بورق ذبده وورق فويل ونحطه في الفرن علي درجه حراره ٢٥٠ لمده ٣ ساعات بعد كده نطلعه من الفرن ونقدمه مع ورق العنب والبيض المسلوق ومحمر والفلفل الأحمر وبالهنا والشفا

((بسم الله الرحمن الرحيم))
صباح الخير اخواتي وحبايبي النهارده هنعمل كاليماري مقلي مع صوص تارتار
المقادير
١ك كاليمارى منظف
٨ فصوص توم مهروس
٢م مسترده
عصير ٣ليمونه
١/٢م ملح
١/٤م كمون
١/٤م كزبره
٥٠٠ جرام دقيق
زيت نباتي
١٥٠جرام مايونيز
٢ خيار مخلل مفروم
٢م بقدونس مفروم
١ بيضه مسلوقه مبشوره
٢م خل ابيض
الطريقه
نقطع الكاليماري حلقات حوالي ٢سم ويتغسل كويس جدا بالملح والخل ويتشطف بالمياه ويتتبل بالملح والتوم والليمون والمسترده والكمون والكزبره ويترك لمده ساعه ثم يوضع في الدقيق ويقلي في زيت غزير علي نار عاليه بعد كده نعمل التارتار نحط البقدونس والخيار المخلل والبيض والخل علي المايونيز ويقلب جيدا وبالهنا والشفا

((بسم الله الرحمن الرحيم))
صباح الخير اخواتي وحبايبي
النهارده هاعمل حاجه خفيفه ولذيذه كده عشان المحشي بتاع امس كان تقيل شويتين 😂😂
سندويتشات استربس الدجاج
المقادير
١ك صدرو دجاج
١٠٠ جرام هوت صوص
١٠٠ جرام مايونيز
٥٠ جرام كاتشب
١٥٠ جرام صوص الجبنه الناتشو
١٠٠ جرام خيار مخلل
١٠٠ جرام دقيق
٢٠٠جرام بقسماط ناعم
٣ بيض كامل
١م ملح
رشه فلفل
١/٢م بابريكا
١/٤م بهار حلو
خبز تورتيلا
زيت للتحمير
الطريقه
نقطع الدجاج شرائح بالطول وتغسل جيدا وتنشفثم تتبل بالملح والفلفل والبابريكا والهوت صوصوالبهار الحلو وتترك لمده ساعه علي الاقل بعد كده تتحط في الدقيق ثم البيض ثم البقسماط وتقلي في زيت غزير
بعد كده نحضر المايونيز والخيار المخلل و المسترده والكاتشب وصوص الناتشو يقلب مع بعضه ويوضع في خبز التورتيلا ويلف ويسخر في طاسه علي الجانبين ويقدم مع بطاطا ويدجز وبالهنا والشفا

((بسم الله الرحمن الرحيم))
النهرده يا حبايبي هانتكلم شويه عن المحاشي
هنعمل محشي كوسه وورق عنب بالخلطه الشاميه بالصلاه علي النبي
المقادير
١/٢ك لحمه مفروم
١٥ ريشه ضاني
١/٢ك ارز مصري
١ك كوسه
١/٢ك ورق عنب
٢م سمنه
١/٤م ملح
١م نعناع يابس
رشه فلفل اسود
١م زيت
١/٢ كوب عصير ليمون
٤ كوب بيون
١ بصل كبير
الطريقه
لعمل الحشوه نحط اللحمه المفروشه مع الأرز المغسول والسمنه والملح والفلفل والنعناع ونقلبها جيدا ونقدر الكوسه ونسلق ورق العنب ونمشي الكوسه ونلف ورق العنب وبعد كده نجيب الحله اللي هانعمل فيها المحشي و نحط الزيت ونحمر البصل ونشوح معاها الريش و بعد كده نرص ورق العنب فوق الريش وبعد كده نرص الكوسه وبعد كده ننزل بالبيون وعصير الليمون ونغطي الحله ونسبها تغلي ٥ دقايق ونهدي النار عليها خالص لحد ما تستوي نرصها في طبق التقديم بالشكل ده والصوص اللي فاضل في الحله نرجو علي وش الطبق وبالهنا والشفا.

((بسم الله الرحمن الرحيم))
اولا احب اشكر ال١٠٠ صديق واحب كمان اذكركم بأن دعمكم ليا هو الحافز الوحيد اني استمر في تقديم محتوي هادف و مفيد وان شاء الله بدعمكم للصفحه نوصل ل١٠٠٠٠٠٠صديق قبل نهايه السنه ان شاء الله
معلش الاصفار زادت مني من غير ما اقصد بس خلاص اللي حصل وانا مرجعش في اصفار ابدااااا😂😂😂
النهارده هانعمل طاجن اللحمه بالبصل او صنيه عادي
المقادير
١ موزه بتلو
٦بصلات متوسطه
٥فصوص توم
٣م سمنه
طماطم مقشره
١/٤م ملح
رشه فلفل
جوزه الطيب
الطريقه
نحط السمنه في الحله ونقطع البصل جوليان ونضيف مع السمنه لحد ما تدخل نحط التوم ونقطع اللحمه قطع متوسطه ونشوحها مع البصل لحد ماتشرب المياه اللي فيها بعد كده نقطع الطماطم المقشره مكعبات ونضفها مع اللحم و نضيف الملح والفلفل وجوز الطيب ونسبها تغلي علي النار ونضيف عليها كوب مياه واحد أو بيون ونحطها في طاجن او صنيه ونقفل عليها باحكام ونحطها في الفرن علي درجه حراره ١٨٠ درجه لمده ٤٥ دقيقه بعد كده نكشفها لمده ١٥ دقيقه وبالهنا والشفا

((بسم الله الرحمن الرحيم))
أصدقائي الحلوين
النهارده معانا اكله حلوه وخفيفه ممكن تنفع للعشاء هى فطيره اللحمه الايطاليه
اولا العجينه
١/٢ك دقيق ابيض متعدد الاستخدامات
١ م حليب بودره
١٥ جرام زبده
٢م زيت
١/٤م ملح
رشه سكر
٥ جرام خميره فوريه
١/٤كوب مياه
١بيضه
نخلط المكونات الجافه مع بعضها ثم السائله لو احتاجت مياه تاني ممكن نضيف حليب سائل ونعجنها ونسبها ١٥ دقيقه تريح في الوقت ده نحضر الحشو
١م زيت
٥٠٠ جرام لحم جوليان او دجاج جوليان او جمبري حسب الرغبه
٢ بصله متوسطه جوليان
٢ فص توم مهروس
فلفل الوان حسب الرغبه
ملح وفلفل
١٥٠جرام جبنه مبشوره اى نوع او ميكس
١صفار بيضه
نسخن الزيت ونضيف البصل حتي يصفر نضيف التوم بعد كده اللحمه لحد ما تستوي نضيف الفلفل ونقلب لمده خمس دقائق ويتلب بالملح والفلفل ويرفع من علي النار
بعد كده نفرد العجينه علي شكل مستطيل وبظهر السكينه نعمل خط بسيط بطول العجينه علي بعد ٢سم من الاتجاهين بعد كده نقطع بالسكين العجينه بالعرض كل ١سم نحط الحشوه في النص والجبنه علي الوش ونقفل أطراف العجينه ونعملها علي شكل ضفيره ونضغط عليها وندهن الوجه بصفار البيض ثم تخبز علي درجه حراره ٢٢٠ درجه لمده ١٢ دقيقه بعد ما تطلع من الفرن تقطع وترص في طبق التقديم
وبالهنا والشفا
يسعدني أراكم او استفساراتكم

بسم الله الرحمن الرحيم
((بلح البحر بصوص البشاميل والليمون))
دي اكله خفيفه وسهله ولذيذه جدا
المقادير:
نجيب كيس بلح البحر أو ماسيل وننظفها كويس من الطحالب اللي عليها وبعد كده نجهز صوص البشاميل الليمون
٣م زيت ذره
٢م زبده
٣م دقيق
١ بصله كبيره
رشه ملح وفلفل
١كوب كريمه طبخ
١/٢كوب بيون
١م ليمون مجفف او عصير ٤ ليمونات
جبنه مبشوره اي نوع او ميكس
الطريقه:
نحط في طاسه كبيره الزيت والزبده ونقطع البصله جوليان او شرائح رفيعه ونضفها علي الزيت والزبده لحد ما تدبل وبعد كده نضيف الماسيل ونقلب لمده ٤ دقائق وبعد كده نرفع الماسيل ونضيف الدقيق لحد ما يستوي الدقيق نضيف الكريمه والبيون والليمون والملح والفلفل ونقلب لحد ما يتماسك الصوص بعد كده نحط البشاميل علي بلح البحر كل واحده علي حدى ونرش عليه جبنه مبشوره ونحطه في الفرن علي درجه حراره ٢٠٠ لمده من ١٠ الي ١٢ دقيقه وبالهنا والشفا

اول حاجه نقول
بسم الله الرحمن الرحيم
انا عملت الصفحه دي عشان حابب تكون صفحه نقدر كلنا نفيد بعض بيها بطرق اكلات مختلفه ونصائح عن الأدوات اللي ممكن نستخدمها في المطبخ ونقدر من خلالها نعيش في صحه افضل
وان شاء الله الصفحه تقدم محتوى مفيد ودلوقتي خلينا نبداء بأول وصفه ولو في حد عايز وصفه معينه او ليه اي استفسار يكتبلي في الكومنتات وانا ان شاء الله ارد عليه في أقرب وقت