Eyman Design

١-ألوان الطراز البوهيمي هي ألوان الأحجار الكريمة: التوباز، الزفير، الروبي، ...
٢- إذا تحبي الطراز بس ودك يكون هادئ شوي اعتمدي الألوان المحايدة كأساس واستخدمي ثلاث ألوان على الأكثر..
٣- فكرة الطراز البوهيمي اجتماع الثقافات، تلاقي فيه قطع أفريقية و آسيوية وأوروبية، فإذا تحبي السفر وتجمعي تحف وتذكارات تقدري تعرضيها في هذا الطراز 👌🏻
٤- الأثاث يكون منخفض وقريب من الأرض والبوفا شي أساسي
٥- خاماته متعددة ومن الطبيعة: جلد وشعر الخروف، الخيش، الخشب، الهدب، الريش، الكورشيه..
٦- في هذا الطراز ممكن تحطي طبقتين أو أكثر من السجاد على بعض وتكون مليانة نقشات..
٧- النباتات فيه أساسية: حطيها عالأرض، عالطاولات، على رفوف أو تكون معلقة...
٨- في الإضاءة استخدمي الشموع، الإضاءة المعلقة المصنوعة من الخيزران، الفوانيس، وممكن تستخدمي حبال الإضاءة خاصة في الجلسات الخارجية..
٩- بالنسبة لقطع الديكور ممكن تعلقي بساط مزخرف، خريطة العالم، مكرامية، سبحة، لوحات فنية فيها ألوان "بوهيمية"، الخداديات المغربية، أحجار الكرستال، وماننسى تذكارات السفر..

مين من عشاق هذا الطراز؟

حددت لكم في الصور العناصر اللي طرازها حديث.. طيب إيش يميزها؟ تابعوا القراءة 😊

١-ألوان الطراز الحديث تكون محايدة وأرضية،: رمادي، بيج، درجات البني الدافي، الأزرق الهادىء، والأخضر فقط في النباتات..
٢- الأثاث المودرن مايكون فيه زوايا حادة، وهاذي ميزة للي عندهم أطفال..
٣- اللي يعطي جاذبية للطراز المودرن هو تعدد الخامات، ممكن تستخدمي الخشب، الحجر، الزجاج، الحديد، النيكل المطفي، الجلد، وتنويع في خامات الخداديات..
٤- الإضاءة ماعرفت أوصفها بس حطيتها لكم في الصور 😂
٥- اللوحات تكون رسمات أصلية أو صور أو فن مجرد وممكن تعمليها على شكل معرض..

إيش رايكم في الطراز، حبيتوه ولا لا؟
@ Riyadh, Saudi Arabia

فيه ثلاث خطوات تسويها عشان تعرفي نمط الديكور اللي تحبيه..
١- ادخلي على قوقل أو تطبيق بينترست واكتبي "غرفة معيشة" واحفظي كل الصور اللي أعجبتك في ملف..
٢- تأملي الصور وشوفي إيش العنصر اللي أعجبك في كل صورة، هل هو الكنب، اللوحات، الاضاءة، الألوان، ...؟
٣- ركزي على كل عنصر في الخطوة ٢ وبعدين أسألي نفسك: إيش الميزة المشتركة في كل الصور اللي أعجبتني؟ مثلا لو أخذنا عنصر اللوحات.. شوفي هل هي لوحات من الطبيعة ولا فن مجرد ولا ألوانها جرئية ولا...
٤- بعدها قارني بالبوستات اللي حنزلها بإذن الله عن كل طراز ديكوري وحتعرفي إيش طرازك المفضل 👌🏻

فيه ملاحظة مرررة مهمة: كل واحد منا له شخصيته وكيانه ولايمكن يكون مقولب في طراز معين.. عشان كذا حتلاقي إن الطراز اللي يعجبك خليط بين نوعين أو حتى ثلاثة.. فلا تقيدي نفسك، إذا فيه قطعة تحبيها في بيتك، احتفظي فيها لإنها أكيد من الطرازات اللي تحبيه❤️

الدليل اللي حنزله بإذن الله راح يخليك تتسوقي بسهولة وماتتأثري بطريقة العرض والإضاءة في محلات الأثاث، لإنك عارفة بالضبط مواصفات وألوان القطع اللي تحبيها..

إيش الصعوبات اللي تواجهكم في التأثيث؟

إيش طراز الديكور اللي تحبيه؟
طبيعي إننا ما نعرف نجاوب على السؤال، لإننا مو مختصين في الديكور..
طيب أنا ما أبغى أروح لمصمم ديكور، كيف أعرف اسم الطراز اللي أحبه؟ فيه في النت اختبارات لمعرفة اسم الطراز لكن أغلبها بالأنجليزي، وللأسف بس تعطيك اسم الطراز، وزي ماتعرفوا أغلب اللي يبيعوا في محلات الأثاث عندنا مايعرفوا معنى "طراز الديكور"!
حجاوي في البوستات الجاية بإذن الله بالتفصيل عن الأسئلة:
كيف أحدد اسم طراز الديكور اللي أحبه؟ 😍
إيش العناصر اللي تميز كل طراز عشان أعرف كيف أتسوق صح 👌🏻

إذا ماتعرفي اسم طراز الديكور اللي تحبيه بس عندك صورة له ارسليها لي عالخاص👍🏻
وإذا تعرفي اكتبي لي اسمه في التعليقات 👇🏻☺️

وحبدأ اتكلم عن الطراز الأكثر شعبية 😄

إذا تحبي الألوان إبدأي ديكور الغرفة بسجاد أو لوحة أعجبتك ألوانها، لإن الألوان اللي فيها أكيد مدروسة..
لاحظي الصورة بدأ المصمم بالسجاد.. الكنبات ممكن تشتري قطع جاهزة إذا متوفر، أو تلبسيها مخمل بنفس درجة اللون اللي في السجاد..

إيش رايكم في النتيجة؟

إيش الخطأ المشترك في الصورتين؟ @ The Boulevard Riyadh

كنب، سجاد، طاولات، ستاير، لوحات، خداديات، نبتات، اكسسورات، ... أغلبها نحتاجها في تأثيث غرفة الجلوس... كيف نبدأ؟
في الصورة تتوقعون المصمم بدأ بأي قطعة؟
صح! بدأ بأكثر قطعة فيها ألوان: طاولة القهوة..
لاحظوا ألوانها:
١-أرضيتها أسود ومنها أخذ إطار المراية واللوحات وألوان الطاولات الجانبية والخطوط في الستاير والخداديات والإضاءة وهيكل الكرسي
٢- أوف وايت ومنها أخذ لون الكنب الكبير ولون الورد
٣-موف بدرجتين ومنها أخذ لون الكرسي والخداديات والورد
٤- بيج ومنها أخذ لون السجاد وحبال الإضاءة والستاير والخداديات والأباجورة..
النتيجة تناسق وجماااااال 😍

صديقتك سكنت بيت جديد وحابة تفرش صالة الجلوس، بس مو عارفة من فين تبدأ، وطلبت نصيحتك، بإيش حتنصحيها؟
متحمسسسة أقرأ ردودكم؟ 😊

إيش رايكم في التغيير 😍👌🏻؟

إيش جاء في بالك تغيري عشان تطلع الصالة أحلى؟

حنزلكم بعد في البوست الجاي 😊

كيف نتعامل مع الممرات الطويلة الضيقة في بيوتنا؟ @ Riyadh, Saudi Arabia

#الديكورات #ديكور #اثاث #نصيحة #سؤال

أثاث القصب "ترند" في عام ٢٠٢١ 😍 @ Riyadh, Saudi Arabia

أعجبنا كنب واشتريناه لكن مامعاه خداديات أو خدادياته ما أعجبتنا.. كيف نختار الخداديات المناسبة؟

أول خطوة نحدد الألوان.. ألوان الخداديات لازم تكون متناسقة مع لون الكنب، السجاد، اللوحات، ...
إحنا تكلمنا بالتفصيل عن تنسيق الألوان في بوستات سابقة..

بالنسبة لاختيار وترتيب الخداديات حقولكم القواعد العامة لكن في النهاية هي مسألة ذوق وتفضيل شخصي..

💫قاعدة النقوش: اختاري خداديات سادة، وخداديات نقوشها صغيرة وخداديات نقوشها كبيرة..

💫قاعدة الخامة: اختاري خامات مختلفة.. قطن، مخمل، فرو، جلد..

💫قاعدة الحجم : اختاري أحجام مختلفة من الخداديات المربعة بحيث لما ترتبيها تكون الكبيرة في الخلف واللي أصغر منها قدامها..

💫قاعدة الشكل: اضيفي خدادية مستطيلة أو اسطوانية للخداديات المربعة..

💫قاعدة العدد: الأفضل يكون عدد الخداديات عالكنب الواحد فردي.. ثلاث للكنب بمقعدين، وخمس للكنب بثلاث مقاعد، و سبع لكنب الزاوية..

💡إيش أفضل مكان تشتروا منه الخداديات؟ @ Riyadh, Saudi Arabia

الخداديات الأسطوانية أصلها من جنوب شرق آسيا.. ممكن تستخدميها كمسند الرقبة أو للظهر أو لليد.. نشوفها كثير في المجالس العربية.. @ Riyadh, Saudi Arabia

الخداديات المستطيلة نستعملها عشان تدعم وتريح الظهر.. استثمري في حشوة طبيعية لها 👌🏻
فيه أشكال منها للزينة ممكن نستخدم لها حشوة البوليستر الصناعية.. @ Boulevard Riyadh

بيت مشهورة شخصيتها شتوية ❄️.. لاحظوا التضاد في الألوان واستخدام الأبيض والأسود بكثرة في الديكور.. الخامات فخمة وحديثة: رخام، كريستال، مخمل، حرير وفرو.. المعادن فضي وأسود.. @ Riyadh, Saudi Arabia

أتوقع أغلبكم تستخدموا الخداديات المربعة.. بشكل عام ممكن تكون للزينة بس أو للاستعمال والزينة.. يفضل تكون الحشوة طبيعية إذا كانت الخدادية للاستخدام اليومي، لكن اذا كانت للزينة بس فعادي تكون الحشوة صناعية.. جمعت لكم طرق استخدامها بالصور..

اكتبوا لي في التعليقات إذا تستخدموها بطرق ثانية 🤗 @ Madinah Al Munawwarah

أعشق شكل وريحة النباتات في البيت 😍
بس ألاقي صعوبة في العناية فيها 🥺
كيف تحافظوا عليها ؟

Autumn style! 🍂

بيت أحد المشاهير وهو خريفي ١٠٠٪؜🍂
لاحظوا كل الخامات في بيته طبيعية: حجر، خشب، جلد، عاج وقش وفخار ونار .. والمعادن براس وبرونز وأسود.. والألوان الأحمر والبرتقالي والأخضر المطفي..

إيش رايكم في البيت؟ @ Riyadh, Saudi Arabia

عندنا خيارين للحشوة طبيعي أو صناعي.. كل واحد له مميزاته وعيوبه..

الطبيعي وهو غالبا يكون معبأ من ريش أو زغب الطيور وهو اللي يخلي الخدادية تاخذ الشكل المفنوخ 😍.. هذا النوع مرررة مريح لما تتكي عليه وتاخذ معاك سنوات ماتخرب 👌🏻.. مشكلتها إنها ماتناسب اللي عندهم حساسية، وتحتاج عناية خاصة في التنظيف والاستعمال، وسعرها غالي بالنسبة للصناعي..
المصنوعة من الزغب أفضل من الريش لإنها أخف وتحسي لما تحطي راسك عليها كأنها سحابة 💞..وحاجة ثانية الريش ممكن تخرج ساقه من نسيج الخدادية 😑📌..
اللي عنده حساسية من الريش ممكن ياخذ حشوة الصوف الطبيعي، وماتحتاجي تنفشيها بعد استعمالها..

نجي للصناعي أشهرها البوليستر وميزته رخصه وتوفره في كل مكان.. شكله وهو جديد أوكي لكن محبي حركة الchop ماتنفع لهم 😅.. الشي الثاني البوليستر يتجمع على بعضه مع الاستعمال ويصير صلب ومو مريح.. حاجة ثالثة أنه "مايصلب طوله"، يعني إذا عندك كنب جلد وركزتي الخدادية على ظهر الكنب تلاقيها متزحلقة ومسدوحة على مقعد الكنب 😕

إي نوع تفضلوا، طبيعي ولا صناعي؟ وياليت تكتبوا لي السبب 😘
@ Riyadh, Saudi Arabia

Complementary colors 😍
@ يو ووك U Walk

خبروني في التعليقات...

أبعاد الخداديات والحشوة المناسبة 👌🏻 @ cafe bateel

الأشكال الأساسية الخداديات ✨

إيش أكثر شكل تحبوه؟ @ Riyadh, Saudi Arabia

Welcome! 😊