Hawary

مشهد في سوبر ماركت- بين كاشير وعميلة

= كده 4670 جنيه يا فندم

- ده إزاي ؟

= مجرد إستفسار وهتدفعي ولا أزمة فقدان هوية المكانة فى الشريحة الإجتماعية المعتادة ؟

- لا منا لو دفعت كده الدنيا هتخرم معايا جامد

= تبقي أزمة الهوية المعتادة

- ده إيه ده ؟

= حضرتك بدون أى غلطة إرتكبتيها نزلتي درجة فى الترتيب الهرمي من الطبقة المتوسطة للطبقة الأدني

- أنا مش طبقة فقيرة

= هو مش عيب .. بس عشان خاطر النزاهة هنسميها الطبقة المتشبثة فى الخيط الضعيف الرابط ما بينا وده النصيب هتخاف عليه هخاف عليه هتسيب هسيب

- نعم ؟

= تلخيصا يعني هنسميها الطبقة المتشبثة

- تمام

= الطبقة دي تستدعي حاليا إننا نعمل مراجعة سريعة للأوردر وتعديله للتناسب مع حالة التشبث اللى حضرتك فيها

- ماشي

= عندك أول خطأ طبقي في أول الفاتورة فوق .. البهارات والتوابل المغلفة في علبة تجعل شكلها يبدو متناسقا علي رفوف المطبخ

- إيه الغلط فى التوابل دي حاجة تافهة

= كانت .. إنما حاليا علبة الفلفل الأسمر دي لوحدها ب45 جنيه .. واللي هي بتوازي نفس الكمية اللى بتقدر بحوالي 7 جنيه من عند أى عطارة .. بس الفرق الوحيد إنه هيديهالك فى كيس شفاف بدل العلبة المتزوقة

- ماشي بسيطة

= هنا حضرتك تقدري تستعملي أسلوب العلبة المارلبورو .. عارفاه ؟

- مبدخنش

= أسلوب العلبة المارلبورو هو أسلوب يتبعه أفراد الطبقة المتشبثة بشراء علبة مارلبورو واحده فى الشهر .. وباقي الشهر بيشتري كليوباترا عادي .. لكنه بيحتفظ بالعلبة المارلبورو الفاضية ويملاها سجاير كليوباترا .. حفاظا علي شكله الإجتماعي قدام الناس

- يعني أشتري البهارات من العطارة وأفضيها فى العلبة النضيفة الفاضية

= بالظبط كده

- تمام .. وفرنا كام ؟

= هنحتاج نشيل كمان البابريكا والكركم والزعتر والكاري .. لان كل دي رفاهيات فارغة بالنسبة لطبقتك الحالية .. ونكتفي فقط بالفلفل والشطة والكمون اللى هما أساس المطابخ ما قبل الإنترنت .. هتوفر معانا حوالي 350 جنيه

- حلو ده .. إللي بعده

= الشامبوهات والHand wash والBody lotion وال skin care و hair care وال body splash وكل هذه الرغوات

- لا دي حاجات مقدرش أستغني عنها .. شوف غيرها

= فاكره حضرتك أسلوب العلبة المارلبورو ؟

- لا دي عفانه بقي .. مش هجيب شامبو سايب أنا وأفضيه فى العلبة

= لا مقولتش لحضرتك كده خالص .. انتي طبقة أرقي من كده

- أومال

= هنتبع أسلوب مماثل بنسميه نحن معشر الرجال أسلوب " الأي رغوة يا عم "

- و ده إيه ؟

= أسلوب الأي رغوة يا عم بيتمثل في إن أى حاجة بتعمل رغوة فهي هدفها الوحيد الثابت علميا وفنيا وإستحماميا هو " النظافة " .. وطالما الرغوة بتنضف الإيد .. تبقي بتنضف الوش .. تبقي بتنضف الشعر تبقي بتنضف الجسم وأحيانا بتنضف الحلل والأرضيات لو إستلزم الأمر

- يا عم لأ يا عم

= البند ده لوحده لو قدرنا نتجاوزه هنوفر حوالي 1600 جنيه .. نكتفي بنوع شامبو واحد بس لعمل الرغوة .. ونكتفي بbody splash عشان ريحتك تبقي كويسة والناس متحسش بإختلاف ريحتك وتفقدي هويتك الإجتماعية

- هنوفر كام ؟

= 1600 يا فندم

- تمام شيل

= هايل .. طبعا الناجتس والإستربس والبرجر والوجبات سريعة التحضير اللى بنعملها بالليل واحنا بنتفرج علي مسلسل علي نتفلكس .. واللى لا منها محصلة وجبة أساسية فى اليوم ولا منها محصلة عشا جبنه و لانشون وطماطم .. هنحتاج نراجعها ونكتفي بحاجة واحده منهم ونزود جبن وزتون

- شيل

= الخمس طماطميات .. والخمس خيارات .. والخمس جزرات .. والخمس فلفلات اللى متغلفين فى طبق فويل وشكلهم حلو نقدر نجيب 3 أضعافهم بنص التمن لو نزلنا السوق علي أول الشارع وبطلنا مرقعة

- إحترم ذاتك

= نتشبث يا فندم

- شيل إخلص

= الفول بييجي من علي العربية أو مطعم الفول اللى جنبنا .. تعليب الفول ده جريمة توازي تعليب المسقعة والبصارة

- تمام

= يبقي نجيب الفول منين ونبطل مرقعة ونتشبث ؟

- من ع العربية

= وطعمة أفضل بأربعة مليار ضعف .. وعم صفوت بيدرمغه زيت حار ولمون وتوابل وممكن تخرم الكيس وتاكل فى الشارع في طقس مشابه لكيس الكشري من حلاوته

- مش هتوصل للدرجادي بس فهمت قصدك .. تمام

= مشاريب الطبقة المتشبثه هي شاي وقهوة ونسكافيه بس .. الشاي بالهيل والقهوة بالبندق والينسون بالليمون والأحيه بالكركديه كل دي مشاريب صايصة تستخدمها الطبقات الأعلي .. نكتفي بالشاي والقهوة والنسكافيه عشان الترمس اللى بتمليه وانتي نازلة الشغل

- إسمه thermal mug

= إحنا متشبثين .. يبقي ترمس

- تمام

= كده فاتورتنا وصلت 1860

- كده قليل أوي

= ده مرتب موظف فى الطبقة الكادحة .. بس بالنسبالك بقي عندك رفاهية إنك ترجعي عنصر أساسي من اللى تخليتي عنهم لجعلك تشعري إنك منزلتيش أى طبقات إجتماعية ويديلك شعور ولو كاذب إنك لسه في مكانتك

- حلو أوي .. رجعلي بقي ال

= وبما إنك أنثي ممكن متاكلش ولا تشرب بس برستيجها وريحتها تبقي تمام .. هترجعي الشامبوهات والبادي لوشن والرغوات اللى لغيناها كلها وترفضي مبدأ الأي رغوة يا عم

- بالظبط كده

= 3260 جنيه

- إتفضل

= مبسوطة ؟ 😊

- متشكرة جدا ليك 🙏

= نورتي .. المتشبث اللى بعدها إتفضل👉🤭😁😁

علي متن الطائرة السعوديه موجوده عروس ذاهبه بأحلامها وطموحاتها ترتدي فستانها الأبيض فتحدث قائد الطائرة مبارك لها وقدموا لها الهدايا ومرة الساعتين وكنت اشعر بتوترها وان الساعتين يمرون عليها كأنهما دهراً من الزمن نزلنا من الطائرة وأنهت الجوازات قبلي وانا عيني تراقبها حتي اذا خرجنا عند السير الذي يحمل حقائبنا ساعدتها في حملها وخرجت وعند الباب وجدنا منظراً ابكي كل الحضور
الزوج المنتظر لم تعجبه العروس فلقد راي صورتها وبناء عليها وافق وعقد اخوه له الزواج ففعل العريس ما لم يتوقعه احد صرخ بصوت عالي والله ما هي والله ما هي بتاعت الصوره وفر هارباً
وقفت هذه المسكينه لا تدري ماذا تفعل فهي ليس لها أحداً في هذه البلد نعم معها تأشيرة دخول لمدة ٩٠ يوماً ولكن بماذا تفعل بها فهذا الشئ المحسوب علي جنس الرجال رفضها وتركها كأنها لا تعنيه وقفت ومعي اكثر من خمسة اخوه نفكر وهذه المسكينه تنهمر دموعها من شدة الصدمه لم تنطق بكلمه فاقترح احد الموجودين ان تعود الي مصر واقتنعت العروس وكانت هناك اخت سوريه واقفه فقالت لهذه المسكينهلزم تغيري الفستان ده فأخذتها الي الحمام وأخذت عبائه من شنطتها والبستها وقمنا بالتوجه الي مقر شركة الطيران وتكلمنا مع مدير الفرع وشرحنا له الظروف فكان رجلاً شهماً قال لبد ان تذهب في طياره طالعه بعد ساعه هنشوف لو فيها مقعد وفعلاً وفر مقعد لهذه المسكينه وسألناها هل معكي فلوس قالت لا فجمعنا تمن التذكره حتي مدير فرع شركه الطيران دفع ربع التذكره وعادت هذه المسكين مره اخري الي شباك الجوازات الذي ما لبثت ان غادرته منذ دقائق ومعها كل الأحلام والأماني الان عادت له بكل الآلام والانكسار لم قبل ان تذهب قلت لها هاتي رقم بيتكم نكلمهم علشان حد ينتظرك في المطار فظلت تتذكر رقم بيتهم الذي عاشت فيه كثيرا من شدة الارتباك واتصلت وأخذت الجوال وكان اخوها فبدأت أمهد له وأخبرته بكل رقه ولين فسمعة بكائه علي اخته وظل شكرني كثيراً ثم قال انا طالع حلاً علي المطار اجبها فقترحت عليه الا يذهب بها الي البيت فقال اكيد وشكرني واعطيتها الجوال فكلمها وهي لا تقول الا حاضر يا اخويا ثم ذهبت الي الجوازات وعبرت واشارت اشاره المنكسر كأنها تقول ستشهدون امام الله علي هذا الخائن الندل ودخلت الي الطائرة لم استطع ان اذهب قبل ان تقلع الطائرة وتأكدت من سفرها ظللت ايام غير مصدق ان هذا رجل او بشر او إنسان محسوب علي الإنسانيه ولكن الله صاب التقدير
الاستفاده
الرئيه الشرعيه ضروره وحق ومن الدين
لا تبيعوا بناتكم فلتظل عانس بكرامتها خيراً من ان تهان كرامتها عند رجلاً لا يخشي الله
ليس كل ذكراً رجلاً