Business ideas

پنجاب کے مختلف محکموں میں تبادلے اور تقرریاں جاری ہیں ۔ سابقہ نگران وزیرِ اعلیٰ کے دور میں سیکرٹری خوراک و سابق کین کمشنر پنجاب زمان وٹو کو مافیاز کے خلاف کاروائیوں پر عہدے سے ہٹا دیا گیا تھا ۔ اب موجودہ حکومت نے انہیں ممبر ریوینیو بورڈ جیسی ایک معمولی سی پوسٹ پر تعینات کیا ہے ۔ زمان وٹو وہ دلیر افسر ہیں جنہوں نے تاریخ میں پہلی بار شوگر مافیا جیسے بد مست ہاتھی کو قانون کی زنجیروں سے قابو کر کے ثابت کردیا تھا کہ ان میں قابلیت کے ساتھ ساتھ جرآت بھی ہے اور مافیاز کے خلاف لڑنے کا جگرا بھی ۔

لاکھوں کسانوں کی آواز بننے والے زمان وٹو کے جاتے ہی کین کمشنر پنجاب کا عہدہ بے معنی سا ہو کر رہ گیا ہے اور اب تو لوگوں کو موجودہ کین کمشنر کے نام تک کا علم نہیں اور یہی شوگر مافیا کی خواہش تھی جو بوجوہ پوری ہوگئی ۔ اس کے علاوہ جب تک وہ سیکرٹری خوراک پنجاب ریے ، فلور ملز مافیا اور گندم کے ذخیرہ اندوزوں کو لگام ڈالے رکھی ۔

سوال یہ ہے کہ بہتری کی دعوے دار پنجاب حکومت اس طرح کے ایماندار اور تجربہ کار بیوروکریٹس کو اہم عہدوں سے دور رکھ کر کیسے بہتری لا سکتی ہے ۔ یہ ممکن ہی نہیں ۔ ایک شخص نے ہر اہم پوسٹ پر نہ صرف ڈیلیور کیا بلکہ کسانوں اور دیگر عوام کیلئے اوپن ڈور پالیسی کے تحت اور اپنا فون نمبر لاکھوں لوگوں میں وائرل کرکے ہر وقت دستیاب رہ کر ثابت کیا کہ وہ حقیقتاً ایک دردِ دل رکھنے والے افسر ہیں تو کیوں نہ انہیں ان کے مقام اور تجربے کے مطابق عہدہ دے کر ان کی صلاحیتوں کا بھرپور استعمال کیا جائے ۔ آپ انہیں مشکل سے مشکل مگر اہم پوسٹ پہ تعینات کریں ، یہ آپ کو حیران کن کارکردگی دکھائیں گے ۔

(طارق نعیم شاہ) 🇵🇰❤️