MBBS 25

الاسواء من القوز
كتاحه في القوز 💔

٢٤
٢٥
كل التوفيـــــــــــــــق يا جميــــــــــــليــــــــــن💛🌸

محاضره الساعــــــه ٨ في الشتاء ده مفروض تصنف من إنتهاكات حــــــقوق الإنســــــــان🙂💔

حدوث حريق صباح اليوم بداخليه علويه بغرفه طالبات كليه الطب والجراحه الدفعه (25) ،، أدى إلى فقد ممتلكات 14 طالبه
ونحمد الله على سلامتهن

لكن يظل الإهمال بداخليات الطلاب سيد الموقف ....فقد أبلغت الطالبات أكثر من ست مرات متواصله من حدوث إلتماسات كهربائيه وفي المقابل لم تعيرهن إداره الصندوق أي إلتافتآ

إلى متى سيظل صندوق نهب وتعذيب الطلاب قائمآ ...؟؟؟؟

القرايه دي والله محتاجه ليها حبيبه تصحيك، وتحنسك انك تقرأ وبتاع.
المستقبل عاوز دفع معنوي من الحبيبه، الموضوع دا م ح يمشي كده براهو......🌚😴

ﻓﻲ قاعة ﺍﻹﻣﺘﺤـﺎﻥ
#ﺍﻟﺒﻨﺖ .. . ...
1- ﺑﺘﻜﻮﻥ ﻗﺎﻋﺪﺓ ﺑﻜﻞ ﻫﺪﻭﺀ ﻭ ﻣﺎ ﺑﺘﺮﻓﻊ ﻋﻴﻨﻬﺎ ﻣﻦ ﺍﻟﻮﺭﻗﺔ
2- ﻛﻞ ﻣﺎ ﺧﺼﻠﺔ ﻣﻦ ﺷﻌﺮﻫﺎ ﺗﻨﺰﻝ ﻋﻠﻰ ﻋﻴﻮﻧﻬﺎ ﺗﺼﻠﺤﻬﺎ ﻭﺭﺍﺀ ﺃﺿﺎﻧﻬﺎ
3- ﺑﺘﺠﺎﻭﺏ ﻋﻠﻰ ﺃﺳﺌﻠﺔ ﺍﻹﻣﺘﺤﺎﻥ
4- ﺑﺘﺠﺎﻭﺏ ﻛﻞ ﺳﺆﺍﻝ ﺑﻰ ﻗﻠﻢ ﻟﻮﻧﻮ ﻣﺨﺘﻠﻒ
5- ﺑﺘﻮﺍﺻﻞ ﺍﻟﺘﻔﻜﻴﺮ ﻭ ﺍﻟﻜﺘﺎﺑﺔ
6- ﺑﺘﻄﻠﺐ ﻣﻦ ﺍﻟﻤﺮﺍﻗﺐ ﻭﺭﻕ ﺯﻳﺎﺩﺓ
7- ﻭ ﺑﺮﺿﻮ ﺑﺘﺮﺟﻊ ﺗﻌﺎﻳﻦ ﻟﻠﻮﺭﻗﺔ ﺗﻔﻜﺮ ﻭ ﺗﻜﺘﺐ ﻭ ﺗﺤﻞ ﻟﺤﺪﻱ ﻧﻬﺎﻳﺔ ﺍﻟﺰﻣﻦ .
#ﺍﻟﻮﻟﺪ
1- ﺃﻭﻝ ﺣﺎﺟﺔ ﺑﻴﺤﺴﺐ ﻋﺪﺩ ﺍﻟﺒﻨﺎﺕ ﻓﻲ ﺍﻟﻘﺎﻋﺔ
2- ﻳﻌﺎﻳﻦ ﻟﻠﻤﺮﺍﻗﺒﺎﺕ ﻭ ﻳﺸﻮﻑ ﺃﺣﻠﻰ ﻭﺍﺣﺪﺓ ﻓﻴﻬﻢ
3- ﻳﻌﺎﻳﻦ ﺷﻮﻳﺔ ﻟﻰ ﻭﺭﻗﺔ ﺍﻹﻣﺘﺤﺎﻥ
4- ﻳﺒﺪﺃ ﻳﺤﺴﺐ ﻋﺪﺩ ﺍﻷﺑﻮﺍﺏ ﻭ ﺍﻟﺸﺒﺎﺑﻴﻚ ﻓﻲ ﺍﻟﻘﺎﻋﺔ
5- ﻳﻬﺒﺶ ﻓﻲ ﺟﻴﺒﻮ ﻭ ﻳﺮﺍﺟﻊ ﻣﻜﺎﻥ ﺍﻟﻔﻜﺔ ﻟﻠﻤﻮﺍﺻﻼﺕ ﺑﻌﺪﻳﻦ
6- ﻳﺒﺪﺃ ﻳﻜﺘﺐ ﺷﻮﻳﺔ ﻭ ﻳﺤﻞ ﻭ ﻳﺒﺪﺃ ﺍﻟﻌﻤﻞ ﺍﻟﺠﻤﺎﻋﻲ ﺑﻴﻦ ﺍﻷﻭﻻﺩ ﻛﻞ ﻣﺎ ﺍﻟﻤﺮﺍﻗﺐ ﻳﻤﺸﻲ
7- ﻳﻮﻗﻒ ﻭ ﻳﺒﺪﺃ ﻳﻌﺎﻳﻦ ﻟﻠﻘﻠﻢ ﻭ ﺍﻟﻤﺎﺭﻛﺔ ﺑﺘﺎﻋﺘﻮ ﻭ ﺗﺎﺭﻳﺦ ﺍﻟﺼﻨﻊ
8- ﻳﻨﺎﺩﻱ ﺍﻟﻤﺮﺍﻗﺐ ﻳﺸﺮﺡ ﻟﻴﻬﻮ ﻣﻌﻨﻰ ﺍﻟﺴﺆﺍﻝ
9- ﻳﻌﺎﻳﻦ ﻟﺴﺎﻋﺘﻮ ﺷﻮﻳﺔ
10- ﻳﺪﺧﻞ ﻓﻲ ﺻﺮﺍﻉ ﺩﺍﺧﻠﻲ ﻣﻊ ﻧﻔﺴﻮ ﻭ ﻧﺪﻣﺎﻥ ﺇﻧﻮ ﺿﻴﻊ ﻟﻴﻠﺔ ﻛﺎﻣﻠﺔ ﻣﺰﺍﻛﺮﺓ ﻉ ﺍﻟﻔﺎﺿﻲ
11- ﻳﺤﺴﻢ ﺇﻣﻮﺭﻭ ﻭ ﻳﺠﻬﺰ ﻧﻔﺴﻮ ﻋﺸﺎﻥ ﺣﻴﻤﺘﺤﻦ ﺍﻟﻤﺎﺩﺓ ﺩﻱ ملحق .

ﺑﻌـﺪ ﺍﻹﻣﺘﺤـﺎﻥ
#ﺍﻟﺒﻨﺖ
ﺑﻴﻜﻮﻥ ﺷﻜﻠﻬﺎ ﻣﺘﻮﺗﺮ ﺷﺪﻳﺪ ﻭ ﺧﺎﻳﻔﺔ ﻭ ﻣﺪﻣﻌﺔ ﻭ ﺗﺤﻀﻦ ﺃﻭﻝ ﺑﻨﺖ ﺗﻼﻗﻴﻬﺎ
ﻭ ﺗﻘﻮﻝ :
" ﺍﻹﻣﺘﺤﺎﻥ ﻛﺎﻥ ﺻﻌﺐ ﺷﻮﻳﺔ ﻭ ﻣﺎ ﻣﺘﺄﻛﺪﺓ ﻣﻦ ﺷﻐﻠﻲ ) "
ﻣﻌﻨﺎﻫﻮ ﺣﺘﺠﻴﺐ 80 ﻣﻦ . 100
#ﺍﻟﻮﻟﺪ
ﺑﻴﻜﻮﻥ ﺷﻜﻠﻮ ﻫﺎﺩﻱﺀ ﻭ ﻣﺒﺘﺴﻢ ﻭ ﻛﻠﻮ ﺗﻤﺎﻡ ﻭ ﻳﺮﻣﻲ ﺍﻟﺸﻴﺖ ﻭ ﻳﻘﻌﺪ ﻓﻮﻗﻮ
ﻭ ﻳﻘﻮﻝ :
" ﺇﺷﺘﻐﻠﺖ ﻛﻮﻳﺲ ﻭ ﺇﻥ ﺷﺎﺀ ﺍﻟﻠﻪ ﺣﺄﺟﻴﺐ ( ﺣﻖ ﺍﻟﺤﻜﻮﻣﺔ ) . "
في النتيجه
البنت رسوب
الولد نجاح
ﻛـﻢ ﺃﻧﺖ ﻋﻈﻴـﻢ ﺃﻳﻬﺎ ﺍﻟﻄﺎﻟﺐ ﺍﻟﺴـﻮﺩﺍﻧﻲ

كيف تعرف الشتاء جا في السودان

الجو يبقي بارد❌
شلوفتك تنشرط فجأه✔

بتعرفو سميه الفي النشاط ،، المعظمكم قاعد يشرب عندها جبنه 💅🌚

سميه ترفض إستئناف الدراسه ما لم يتم تحقيق مطالبها ✋

جميلات أنتن يا بنات ال 25 كجمال هذه الماعزه
💅❤

💅🌚

أيتها الفاتنه الجميله جهزي عبايتك الجامعه كبست🌚🌹

العملها زاته دكتور 😹😹😹😹😹😹♥
دكتور_حب

الجامعه وراجعه🤗

إنتو مستعدين🌹🌚

لمن ننزل جامعة،والاقي ناس الدفعة😳 ي عسل😘ي السمحه😍ي جميلة😻،م ح اتذكر الأسامي طبعاً🐸وبالتالي م ف داعي للإحراج🐸🌚💜💞

المأساه ما هنا 😔 المأساه في جامعتنا عامله زي المزرعه السعيدة💔 لا يوجد بها شيء سوا الحشائش 😹

ثلاثة أشخاص حكم عليهم بالإعدام بالمقصلة ،
هم( عالم دين - محامي - فيزيائي )
عند لحظة الإعدام تقدّم ( عالم الدين ) ووضعوا رأسه تحت المقصلة ، وسألوه : ( هل هناك كلمة أخيرة توّد قولها ؟ )
فقال ( عالم الدين ) : الله …الله.. الله… هو من سينقذني وعند ذلك أنزلوا المقصلة ، فنزلت المقصلة وعندما وصلت لرأس عالم الدين توقفت .فتعجّب النّاس ، وقالوا : أطلقوا سراح عالم الدين فقد قال كلمة الله . ونجا عالم الدين .
وجاء دور المحامي إلى المقصلة ..
فسألوه : هل هناك كلمة أخيرة تودّ قولها ... ؟؟؟
فقال : أنا لا أعرف الله كعالم الدين ، ولكن أعرف أكثر عن العدالة ، العدالة ..العدالة ..العدالة هي من سينقذني .ونزلت المقصلة على رأس المحامي ، وعندما وصلت لرأسه توقفت ..
فتعجّب النّاس ، وقالوا : أطلقوا سراح المحامي ، فقد قالت العدالة كلمتها ، ونجا المحامي
وأخيرا جاء دور الفيزيائي ..
فسألوه : هل هناك كلمة أخيرة تودّ قولها ؟فقال : أنا لا أعرف الله كعالم الدين ، ولا أعرف العدالة كالمحامي ، ولكنّي أعرف أنّ هناك عقدة في حبل المقصلة تمنع المقصلة من النزول
فنظروا للمقصلة ووجدوا فعلا عقدة تمنع المقصلة من النزول ، فأصلحوا العقدة وانزلوا المقصلة على رأس الفيزيائي وقطع رأسه .
من الأفضل أن تبقي فمك مقفلا أحيانا ....
حتى وإن كنت تعرف الحقيقة ... ؟؟؟
من الذكاء أن تكون غبياً في بعض المواقف
لا تحاول ان تكون كتاب مفتوح لكل من يقترب منك ... !!!

من أروع القصص لقد ابكتني هذه القصه

قصة أسرة ضعيفة تتكون من خمسه افراد
اب وزوجته وام الزوجه وطفلين لا يتجاوز عمر الواحد منهما سن العاشرة
هذه الأسرة تسكن خارج العاصمة في الريف بمسافة سبعين كيلو متر.

وذات يوم اصيبت الأم بمرض خطير
اسعفت الى احدى المستشفيات واجري لها الكشف والفحوصات
وتبين انها تعاني من مرض خطير
قال الطبيب للاب: يجب ان تخضع لعملية في اسرع وقت.

اب الأسرة رجع المنزل هو وزوجته
كان الاب في وضع مؤلم لايملك المال ليجري العملية
ظل خائفا على زوجته من الموت كان يتذكر كلام الطبيب عندما قال له ذلك.
فتذكر ان لديه أصدقاء في العاصمة فقرر الذهاب اليهم ليقترض منهم المال ويجري العملية لزوجته.
تجهز للسفر الى العاصمة واوصى طفليه على الاعتناء بوالدتهما الى حين عودته
امرهم ان يقوموا بجمع الحطب واحضار اللبن الى والدتهم.
من شدة المرض كانت الام طريحة الفراش،
نساء الجيران اتين لزيارتها
وعند خروجهن كانت كل واحدة منهن تدعو لها بالشفاء
كانت النساء يقلن اسال الله ان يشفيك
اسال الله ان يرزقك العافية الخ.....
كان الطفلان يستمعان لدعاء النساء لوالدتهما ويسمعان اسم الله
ظلا يتساءلان من هو الله؟؟

خرجن الزائرات وبقيت الجدة
والام طريحة الفراش
لم يتحمل الطفلان إلا أن يسألا جدتهما من هو الله؟؟
واين يكون؟؟وهل هو يشفي؟؟وهل اذا دعيناه يسمعنا؟؟
الجدة بتعجب من سؤال الطفلين :نعم
الله يسمع من دعاه.
واكملت قائلة لماذا هذا السؤال!!!
رد الطفلان: إننا نسمع النساء يدعين لوالدتنا بالشفاء
ان الله يشفيها وان الله يرزقها ويعطيها العافيه؟!
الجدة: نعم الله في كل مكان
يستجيب لمن دعاه من المؤمنين اما الكافرين فلا.
الطفلين جعلا حديث الجدة في اذنيهما.

اتى الليل والوالد لم يعد بعد من العاصمة
كان الطفلان ممددين ظهريهما على الصرح ينظرون الى القمر
قال الأخ لأخته: ياترى اين هو الله؟؟
هل هو في القمر؟؟ أم في السماء؟؟
ظلا يتساءلان فيما بينهما
بعد ذلك نام الطفلان.

اتى الصباح وذهبا الى المدرسة
وعند خروجهما منها ذهب الاخ مع اخته الى البائع ليشتريا الظرف ويبعثا برسالة.
قال البائع: ياولدي مابك مستعجل لتبعث رسالة الى ابيك ؟؟
سياتي ولن يتاخر.
الطفل: لا لن ابعث برسالة إلى والدي، بل اريد الظرف فقط.

بعد ذلك عادا الطفلان الى منزلهما، وقاما بالاختباء بحاوية الغنم و بدأءا بكتابة رسالتهما:
بسم الله الرحمن الرحيم
تعال يا الله و اسعف والدتنا انها مريضه
و والدنا قد تاخر و لم يعد بعد من العاصمة والمرض قد اشتد بوالدتنا.
تعال اسعف والدتنا لقد قالت جدتنا أنك رحيم وانك رؤوف وانك تستجيب لمن دعاك
يالله لا تخيب أملنا فيك
فقد قالت جدتنا ايضا بأنك تحب الصغار لان الصغار بريؤون ولم يذنبوا.
تعال يالله لكي تسعف والدتنا
إذا اسعفتها سنحبك ونشكرك ونكون فرحين لانك قد ساعدتها.
وان لم تأت فإننا سنبكي طول حياتنا ونحزن منك لأنك لم تسعف والدتنا
يالله نحن سوف ننتظر السيارة التي ستسعف بها والدتنا في راس الشارع.

و كتبا في آخر الرساله
هذه رسالة من ....و...... الى الله.
ثم وضعوها في الظرف ولم يكتبا خارجها العنوان.
وذهب الأخ د ووضع الرساله في البريد في نهايه الشارع
وبعدها غادر الطفل
اتى ساعي البريد وأخذ الرسائل من صناديق الشوارع الى مكتب البريد لفرز الرسائل
كل رسالة الى المنطقة التي كتب عليها العنوان.
واثناء فرز الرسائل تعجب احد العاملين من هذه الرسالة التي لم يكن عليها عنوان.
قال أحد العاملين لصديقه: يوجد هنا رسالة بلا عنوان ؟؟
قال العامل الثاني: يبدو ان أحدا يلعب بنا، افتح وانظر ما بداخلها.
فتح الرسالة و وجد فيها قليلا من الورد و رسالة.
فقرا الرسالة و فجأه أصبح يبكي بكاءا شديدا، سأله العامل الثاني: ما بك ؟؟وماذا جرى لك ؟ماذا قرات؟؟
اعطني الرسالة .
فقرأها الثاني فاغرورقت عيناه قليلا فلم يتحمل حتى بكى هو الاخر.
حصلت ضجة بكاء في المكتب
اتى بقية العاملين ومعهم المدير يسأل:
ما هذا البكاء؟؟ما هذه الفوضى ؟؟
ماذا يجري هنا ماذا حصل لكم ؟؟اخبروني؟؟
قالو له اقرا هذه الرسالة فقرأها وبدأ بالبكاء.
بعد ذلك قرر المدير ان يقرأها على الجميع
فلما قرأها عليهم بدا جميع العاملين بالبكاء ترى اعينهم تسيل من الدموع الغزيرة
وبعد ان انتهى المدير من قرائة الرسالة ظل متعجبا من براءة هذين الطفلين وفطرتهما السليمة واستلطافهم وكيف نظرتهم الى الله وتقربهم اليه .
فقال المدير :والله منذ طفولتي لم أشعر بهذا الشعور أبدا .
كان المدير يحكي وعينه تسيل من الدموع
بعد ذلك قام المدير بجمع العاملين جميعا للتبرع بمرتباتهم كاملة لأم الطفلين
ثم بحثوا عن عنوانهم في الرسالة
وتحرك الإسعاف نحو المنزل التي تسكن فيه تلك الأسرة البريئة

كان الطفلان منتظرين لسيارة الله ان تاتي
وكان انتظارهم في راس الشارع حسب الرسالة تحت المطر الغزير.
فلما اتت سياره الإسعاف شاهدها الطفلان فصاحا بصوت مرتفع
الله جاء
و هم يركضون نحو السيارة بكل حب و فرح
كان السائق و الراكب يبكون بكاءا شديدا وهم ينظرون الى الطفلين الذين يسعون نحوهم
ويرددون كلمه الله جاء الله جاء شكرا لك يالله
ثم توجهت السيارة الى المنزل
واخذت الوالدة الى المشفى واجريت لها العمليه بنجاح..
انظروا لرحمة الله ورعايته
تاملوا القرب
تاملوا الطفلين اللذان ذهبا الى الله
تاملوا قليلا في قرب الله منكم
دعوا أنفُسنا تتأمل قليلا في قوله تعالى: ( أمن يجيب المضطر اذا دعاه ويكشف السوء )، وقوله تعالى: ( وإذا سألك عبادي عني فإني قريب اجيب دعوة الداعي اذا دعان).
صدق الله العظيم.

اغنية المجزرة التي ابكت 43 مليون سوداني وعموم العالم اجمع..

‏يا امي لازم تعفي لي
‏شان زغت خليتكم نيام
‏كان بالي في الترس الهناك
‏صايمين وبايتين في الخيام
‏هجمونا والبنوت نيام
‏درشونا بالدوشكات دريش
‏جيناهو نقالد وطن
‏غدرونا في نص الهويش
‏في حرمه الشهر العظيم
‏حتونا زي كفار قريش
‏مديتلو تمرة وزهرتين
‏مدالي ميه طلقه ليش..؟؟؟؟
وتكتبو فوق تربتي مدنية حرية وسلام
‏⁧‫
لهم الرحمه والمغفره اللهم عوضهم الجنه في شبابهم

‏خليك كده عايش ورا الشاشه بين الميمز والاغاني والابليكيشنز والحياه الافتراضيه دي والفي سنك ركب السمبك ونال وهسه بصنع ف الذكريات يا عديم الحياه
#دكتور حب

والله أنا شايله هم للسلام والنفاق الح يحصل أول أيام الجامعه ،، و ح ألقى ناس ويقولو لي مشتاقين وأنا أقول ليهم كتيير والله ( وأنا أصلآ ما متذكره أسمائهم) 💔💔💔🌚

بسم الله الرحمن الرحيم


النتائج
الليلة جيناكم مليانين امل😅 وح نملاكم امل وتفاؤل
ح نلخص ليكم أشهر كتاب في تنمية الذات في البوست دا واللي هو عباره عن :
The7 Habits Highly Effective people😍
العادات السبع للأشخاص الأكثر فعاليه 😍
بالمناسبه الكتاب دا ترجموه لأكتر من ٤٠ لغه واتعملت منو اكتر من 25 مليوون نسخه
💢 الكتاب بوضح انو في سبع عادات بشتركو فيها الناس الناجحين في العالم
الكاتب اسمو :
ستيفن كوفي
والعادات دي يا ناس ممكن اي زول اتعلمهن واكونو جزء من حياتو 😊
تابعوا التلخيص :
1⃣ العاده الأولى :
Be proactive💪
خليك إيجابي ومبادر 💪
عشان نفهم العاده دي :
الناس دائما مقسومه لفريقين :
❇️ ناس بتخلي الأحداث والظروف والمشاكل تحدد حياتها 😢 والناس ديل دائمآ بستسلموا للظروف وغالبآ الناس ديل بكونو ما ناجحين
❇️ الفريق التاني ديل الناس الإيجابيه والمبادرة
والناس ديل بتعاملوا مع الظروف انها بتحصل لكل الناس
وانو دي ظروف وبتعدي
وكمان بفكروا انو دي فرصه ليهم اكونو متميزين وناجحين😻
وديل غالبآ برسموا لنفسهم خطوات وطريق للنجاح وبنفذو الخطوات
✅ انت كمان خليك إيجابي ومبادر وما ترمي لوم عدم نجاحك ع الظروف وخليك متفائل واعرف انك زول متميز وماف منك ✌️
ارسم طريقك وأبدأ رحلة نجاحك
2⃣ العاده الثانيه :
Begin with end in mind
ابدأ والنهاية في ذهنك
الناس الناجحه ناااجحه بتخيلوا يوم وفاتهم انو الناس تتذكرهم بي شنو وعلى الأساس دا بخططوا لنجاحهم
طيب لو قالوا ليك اكتب قصة حياتك عايز اكون مكتوب فيها شنو؟
لو داير تكون زول متميز اكاديميآ لازم تدي زمن كافي للمذاكره
لو عايز تنمي موهبه معينه لازم تتمرن وتديها زمن كافي
✅ انت كمان شوف انت عايز شنو وعلى الأساس ابدأ بالحاجه واديها زمن كافي من زمنك وكمان اهتم بيها ☺️
3⃣ العاده الثالثه :
Put First things first
رتب أولوياتك
عشان تفهم الاولويات وترتيبها :
✅ في حاجات مهمه وطارئه :
زي العباده والمذاكره للامتحان او تسليم عمل معين مربوط بزمن
✅ في حاجات مهمه بس ما طارئه :
زي مثلآ الرياضه
الرياضه لو ما قمت بيها حاليآ ما ح تضرر بشي بس مع الزمن صحتك ح تتدهور
وزي كمان التخطيط للمستقبل
في الحاضر ما ح تتضرر بشي بس مع الزمن ح تكون انسان ما ناجح
اعرف قيمة الحاجات وابدا في إنجازها
✅ في حاجات غير مهمه لكن طارئه
زي مشاهدة مباراه
هي حاجه ما مهمه بس لو ما حضرتها في زمنها ح تفوتك المباراه
✅ في حاجات غير مهمه ومااا طارئه
زي الوناسه والكلام الما منو فائده

⭕️ استفيد من زمنك رتب حاجاتك ال بتخليك ناجح اتجاوز الحاجات البتضيع زمنك وخليك زول منضبط مع نفسك اولآ
وانا بضمن ليك انك تكون زول ناجح
4⃣ العاده الرابعه :
Think win win
فكر بطريقة المكسب المشترك
🔘 النجاح هو :
انك تكون عايز القدامك ناجح وسعيد زي ما انت عايز تكون ناجح وسعيد
لو عندك مشروع معين وداير تكبرو وتخليهو مشروع ناجح ومربح لازم كمان الموظفين المعاك اكونو ناجحين وهم كمان اكسبوا واربحوا
لازم نجاحكم اكون مرتبط مع نجاح القدامكم ☺️
عايز اهلك اكون مبسوطين منك اقرا وذاكر واجتهد وجيب نتائج حلوه عشان اكونو مبسوطين
سعادتك مع سعادة القدامك شوف الموضوع بتطلب شنو وابدا في التنفيذ
لو مثلا عندك معلومات وشيتات ومراجع اوعك تلمهم من اصحابك وزملائك لانو كدا عمرك ما ح تكون انسان ناجح وح تكون مجرد زول اناني
✅ قدم لغيرك لأنك ح تكسب من الحاجه دي وخليك عارف النجاح بجي بمشاركة الناس ليك واوعى تكون انسان اناني
5⃣ العاده الخامسه :
Seek First to understand then to be understood
حاول انك تفهم اولآ
قبل أن يفهمك الآخرون
لازم تقدر وتشعر بمجهود اهلك اتجاهك
لازم تقدر وتشعر بمجهود اصحابك اتجاهك
عشان فهمت وقدرت مجهود الآخرين اكيد ح تعرف ترد ليهم حسب فهمك وتقديرك للمجهود
✅ افهم الناس وحس بالناس وما تكون زول بارد واحساسك ميت
لانو النجاح نظام متكامل فيهو كل مكونات الحياة 😊
6⃣ العاده السادسه :
Senergize
التعاون الإبداعي
هو تعاون بين اكتر من شخص عندهم إمكانيات مختلفه بكملوا بعض في العمل
عندكم مثلا :
Endocrine system
اتفقوا انتو الأصحاب القراب اي زول فيكم اختار جزئيه معينه واقراها من المراجع والفيديوهات والنت
Endocrine physiology
مثلا على فلان
Endocrine pathalogy
مثلا على فلان وفلان
Endocrine Pharmacology
على على فلان
لمن اي زول اقرأ جزئيتو وافهمها اجتمعوا واشرحوا لبعض
وكدا ح تكونو وفرتو مجهود
✅ خليكم متعاونين وقسموا الشغل واستفيدوا من الزمن
وح تصلو لاحلامكم اكيد
ازرعوا الأفكار الحلوة جواكم وحبو لبعض الخير وعيشوا في الحياه ع اساس انها آخر لحظه
7⃣ العاده السابعه والآخيره :
Sharpen the saw
سن منشارك وموهبتك
العاده دي بتعني انك لازم تقوي مهاراتك وتكون زول دائما على الاستعداد الدائم انك تتعلم ع طول
اوعك توقف تعلم حاجات جديده
يوميا اتعلم وكل لحظه اتعلم ما تخلي زمنك اضيع ساي
واستفيد من قدراتك
مثال ع العاده :
لو مثلا قالوا ليك اقطع عشره شجرات بمنشار في ساعتين
انت ح تسن منشارك في الساعه الأولى والساعه التانيه ح تقطع بيها عشرين شجره لانو منشارك حاد وسنين
ابقى طورك من نفسك دائما وابدآ
✅ عايز تقوى الانجليزي ابدأ الأن منتظر شنو
عايز تتعلم مهارة معينه ابدأ فيها الأن
عايز تتعلم برمجه اتعلم مالو
داير تتعلم رسم تعلم برضو
قوي مهاراتك وخليك زول مستفيد من قدراتك
الحياة الدنيا دي واحده استفيد من كامل طاقتك
واوعك تمر عليك ساعه وانت ما بتتعلم في شي

❇️ خليكم دائما مبادرين ومتفائلين أبدو يومكم بحب
اتكلموا مع نفسكم شوفوا انتو محتاجين شنو
خططوا لحياتك
استمتعوا بكل لحظاتكم

⭕️ اكتب الخطوات دي وابدا فيها تنفيذ
ولاحظ النتائج مع الايام
واتعلم مهارات جديده

كل التوفيق ليكم أصدقائي في كل مكان وبتمنى ليكم النجاح والتقدم
وح نلخص ليكم كتب كمان في المرات الجايه وأفضل وأفضل الكتب
انتو بس انتظرونا وادعوا لينا
❤❤✌

‏انا بحب المواصلات وبحب زنقة الامتحانات وبحب الجامعة وبحب سماعتي الشغالة بي جهة واحدة وبحب اقيف في صف العيش وبحب انوم من غير مكيف وبشتغل بالتلفون وهو عامل 5% وبحب خوفة النتيجة ديك وبحب أي زول وما تعرف دا شنو زاتو 😴

أي خطوة بتخطيها خت ليها إحتمالين:
يا تصيب، يا تخيب.
لمن تصيب يبقى النصيب
وان خابت، يبقى تكتيك عشان لي قدام تستفيد
فارفع راية هجوم لي كل حاجه عشان يا تصيب، يا تستفيد.

انت وقت تجي تشكي لي اعراضك انا ك برلوم طب ما عندي حل غير ادعي ليك ب عاجل الشفاء 😐😹😹💔

كل ما تفرح بي إنو الجامعه ح تفتح في مطلع أكتوبر
إتذكر إنو عندك نتجة سمستر كامل😂😂❤
حبيت أذكركم بس
#كسره: في ناس طبعآ ما عارفين المواد الإمتحنوها....!!!

بيـان رقم ”1“
جماهير صفحتنا الابيه نحييكم تحية فخر واحترام 💙

لقد ظللنا ف الاونه الاخيره نراقب م تقومنا به من إنعدام اللايكات و التعليقات
وندعوكم لبذل المزيد من التفاعل حتى نرتقي بهذه الصفحه ونعدكم بمزيد من المنشورات والمسابقات دمتم ودامت تفاعلاتكم تعليقاتكم ومشاركاتكم 😂💔
وندعوكم لعدم الخجل والتعليق ع المنشورات والتفاعل معها😂💔

اذا ظهر لك هذا المنشور فهذا يعني انك لست اعمى وشكرآ🐸🌝

الناس البتشوف المنشورات و ما بتتفاعل احب اقول ليكم سود الله ركبكم اكثر من ماهي سوداء 😂💔☻

داير تمشي امريكا اسمع الكلام ده كويس✌ اول تمش نيالا 👌من هناك تركب طيران تشاد انجمينا ☝ من هناك تمشي نيجيريا بي مواصلات عااااادي 🚍🚎 يكون عندك شوية انجليزي في قرية اسمها كولانك دي حدود الكاميرون 👋 بعد داك تخش الكاميرون👋 تلقا ناس ماشين جنوب افريقيا👈 بتمشو تهريب لي مدينة اسمها (صن داون) في جنوب افريقيا دي جمب المحيط بعد داك تلقي السفن
بتركب بي ٥٠٠ دولار لي الإكوادور هناك الوضع ساهل بعدها تحاول تدخل المكسيك بي تاكسي عادي لانو في الحدود مافي بوابات لو دخلت المكسيك بتمسكك الشرطة
وبسئلوك جيت كيف وبعد داك بيودوكم مركز ايواء اللاجئين في مدينة مكيامو دي جمب الحدود الأمريكية بعد داك بتلقي جميع الجنسيات داخل المركز بتاع اللاجيين بتلقي سودانيين وحبش ومصريين ونجيريين ؟؟؟الخ
المهم من هناك في مهربيين بدخلوكم الحدود الأمريكية بي ١٠٠دولار منطقة اسمها باتريو دي تلقي السلك الشائك تنط وجوه امريكا بتعكشك الحكومة👲👮 بفتشوك اول حاجة مهرب كوكاويين ولا هيروين لو لقوك نضيف بودوك المركز وبشوفوك من اي دولة👦
وبشيلو اقوالك كلها وبعد داك في اليوم التاني تفطر وتتغدا زي الساعة ٤ كدا بركوب الطيارة وبرجعوك السودان وينزلوك في مطار الخرطوم /////////
وتاني تركب من الخرطوم تاااااااني تمشي نيالا من هناك تمش انجمينا////🐸🐸🐸
ههههههههههه / فاتحيين خشومكم ومركزين ماشين وين👅👽🐸🐸
صف العيش البقيف فيو منو😹😹😹

MD

انا المجنون في زمن بلا ليلى فأين تكون هيفائي ؟
انا وطن بلا زمن وأنتي زماني الآتي♥

#الحقوق محفوظه للشاذلي
_ دكتور_ حب