الطيب بيبو Eltayeb Bebo

نحن كسودانيين للأسف عندنا عدم القدرة على التفرقة بين الهظار والسخرية، بنلقى أننا بنأذي زول تحت مسمى دا كان هظار..

ويجي يزيد الطين بلة يلومك كمان ويقول ليك لو م بتتحمل الهظار م تقعد معانا..

وفي واحد بعد يأذيك ويفرج عليك العالم يقول ليك ما قايلها بتزعلك!

يا أخوانا الهظار للضحك وفي وقته بيظهر إنو هظار، بس لمن تقلل من قيمة زول، أو عرقه أو مكانته الاجتماعية أو حتى وضعو المادي، شكلهُ أو لونو، هنا تبقى سخرية وتطاول وأذية مسؤول عنها يوم القيامة.

عشان كدا خلي بالك من هظارك. 💙

مساء الخير حبا💙

الانتكاسات في العبادات مرحلة جيدة..

أيوه

الانتكاسات سببها الرئيسي الكسل والتعجيز، الناتج بتأثير الشياطين، أعوذ بالله

فلمَّ تكون وصلت مرحلة ممتازة من استقرار العبادة بتأدي لضعف ابليس وأعوانه مما يخليهم يزيدو الضغط عليك عشان تنتكس أو ترخي شوي عشان ينشطوا

، فحاول جاهدًا أنك تعدي الانتكاسة دي، عشان بعدها بإذن الله ما ح تنتكس تاني قريب، وزي ما بقولوا الزول بشيل من الماعون المليان ما الفاضي، فخليك مليان بالعبادة حتى لو كنت بتقطِّعها .❤️

مساء الخير حُبًّا ❤️

اتذكر..

كل ما هو لله ناجح وكل ما هو لغير الله خاسر

فانتبه!

صباح الخير حُبًا 💙

من الحاجات الناس الغافلة عنها وهي نعمة كبيرة ، هي الاعتيادية

شوفوا كنا وين وبقينا وين !

بالرغم من الحاصل الناس بي حرب بدونها بعون الله الأمور بقت ماشة..

والاعتيادية دي نعمة من نعم الله سبحانه وتعالى عن طريقها بنتخطى حاجات كتيرة..

الاعتيادية هي مرحلة نزول السكينة ، وخصوصًا في لحظات البلاء، من الموت والغربة الاجبارية، الطرد وغيره

رحمة ربنا متواجدة في كل لحظة معانا، وما أي بلاء لازم يختفي حتى نقول دي رحمة ربنا ، كفاية إنو أنزل السكينة علينا وجاوزنا لحظات الهلع وآمننا من الخوف. 💙

صباح الخير حُبًا 💙

خليك مفيد تعيش محبوب..

في شخصيات بطبعها مفيدة، وقت م تقعد معاها أو تلمك بيها أي ونسة ح تلقى نفسك بتتلقى في معلومات جديدة، شخصيات مُلمة بمختلف المجالات ، وونستها بعيدة تمامًا عن القطيعة والنميمة، بتلقاها طوالي مركزة قدام ، أول م تقعد معاها وتتعرف عليك ، بتبدأ تديك في حلول واقتراحات في حاجات بتحبها، بتفتش مشاكلك وتساعدك في أنك تحلها، النوع دا بتلقى نفسك ما بتمل منه وأول ما تحتاج لي حاجة أول زول بتفكر فيه، وبي ذكاءه دا قادر يخلق مساحة راحة غير عادية بالنسبة ليك، ومهما ساءت الظروف بكون إنسان متفائل وبزيد من يقينك بالله سبحانه وتعالى وكل جلسة معاو ح تكون عبارة عن راحة نفسية بالنسبة ليك ومساحة من الفائدة، النوع دا نحن مدينين ليهم بحياتنا وبنحمد الله سبحانه وتعالى ألف مرة إنو ختاهم في طريقنا.

عندكم زول زي دا في حياتكم؟

مساء الخير حُبًا 💙

ما ضروري صحبك أو صحبتك يكون متواصل معاك طوالي حتى يحتاج ليك في شئ، في ناس بطبعها بترسل ليك وقت الحوجة بس، إياك ترفض مساعدتهم، أو تلومهم كفاية إنو جاك في حوجة، اتخذك محل يلجأ ليو في حوجته، فساعدهُ وأقيف معاو، وأكرمه كمان، عشان البينكم حتى لو كان في تقصير، فالإكرام في التقصير دا أكبر تأنيب ممكن تقدمه لي زول.

"يا ربّ،
‏أجِب دعائي
‏وأعطني مسألتي
‏وقُرّ عيني بمُرادي
‏يا قادرًا على قضاء حوائجي،
‏وإن عزَّ عليّ مطلبي..
‏هو عليك هيّنٌ يا ربّ."

بنوت ارح واتس

‏إني على ثقة تامة، بأن الله سيصلح كل شئ، وأن الله يخبي لي العديد من المفاجآت اللطيفة، وأنه كلما ضاقت بي الدنيا زادتني صبرًا ، وكَبُر حسن ظني بالله. 💙

مساء الخير حُبًا 💙

مهما كنا رجال وطبعنا الغلاب عنيد في النهاية بنرجع لي ..

-أم تطبط علينا

-زوجة تعيينا وننفس ليها عن الفينا

-أخت تكون لينا عون ونكون ليها عون..

سيدنا آدم في الجنة لمّ استوحش ربنا خلق له أمنا حواء عشان تكون أنس ليه..

أي نعم نحن رجال، بس نون النسوة تكميل لينا 💙

مساء الخير حُبًا 💙

مهما حصل ليك في الدنيا، اتذكر إنو البتسوي اليوم بلاقيك بكرة، كلها أقدار مؤجلة، لأعمال سابقة فأحسن الزراعة عشان تُكرم بالحصاد.

صباح الخير حُبًا 💙

يعرف الناس قيمة الأشياء بعد فقدانها ..

لذا حاول تقييم كل حاجاتك واعطيها ما تستحقه قبل أن تندم على فقدانها..

حتى وإن كانت نفسك 💙

صباح الخير حُبًا 💙

#الطيب بيبو

‏ﺳﻴﻔﺎﺟﺌﻚ ﺍﻟﻠﻪ ﻗﺮﻳﺒﺎً ﺑﺸﻲﺀ ﺃﺭﺩﺗﻪ ﺩﻭﻣﺎً ..
‏بشيء سيجعلك ﺗﺴﺠﺪ ﻟﻠﻪ ﺷﻜﺮﺍً .. ﻭﺗﺒﻜﻲ ﻓﺮﺣﺎً ﺇﻥ ﺷﺎﺀ ﺍﻟﻠﻪ

يشد الشيطان الظنون السيئة من جانب ويخبرك بأن الدنيا لا تريد لك أن تتوفق ، ويشدك اليقين بقوة من الجانب الآخر ليخبرك بأن أمر المؤمن كله خير.

كم من حزنٍ قديم قد جبرك الله بعدما فقدت الأمل.

وكم من تجاوز لأشخاصٍ بقربك قد فعلته بعد ما فعلوه في قلبك.

وكم من همٍ عضال بالدعاء انكشف. 💙