Sukar Cosmetics

تجربة النزوح ساقتنا نجرب حياة جديدة في مكان جديد , سواء جوة السودان أو برة السودان .
وائل وأبوهو بدو شغل في البلد 🥳🥳
شهد فازت في مسابقة التصوير وسافرت 🤩
سعاد رحلت وبدت في بيت جديدة ليها ولي أسرتها 🥰
وواضح إنو تالا أسعد زول 😂❤️

كل زول فيهم بدا قصة وفصل جديد من حياتو ورونا قصصكم الجديدة في التعليقات

أرض الخير
الحلقه الثالثة: البداية
بعد تنتهي مرحلة الصدمة ورفض الواقع الجديد، بتبدأ مرحلة التقبل اللي دايماً بتكون مشروطه بأمل التغيير.
بتظهر رغبة كبيرة لإيجاد حلول ترجع لينا الأمل وتدينا فرصة جديدة نرسم ملامح حياة مختلفه عن العشناهو زمان والعايشنو الآن
حياة بإختيارنا.....
إنتهى.

فكرة : Nahla Omer
سيناريو : Nahla Omer , Khulood Tawfeeg و عمر جمايكا - Omer jamaica
رسم : Ameenation

اليوم حتنزل الحلقة الأخيرة من أرض الخير 🙏🏾❤️

المساء الساعة 8:13 دقيقة بتوقيت السودان

النزوح تجربة قدر ما هي صعبة قدر ما فيها عدد من الإيجابيات , بنكون اتعلمناها بعد اضطرينا نتأقلم نتعايش في بيئة جديدة علينا ونشوف خيراتها , جوانبها الحلوة التبخلينا نعيش, ممكن الإيجابية دي تكون ناس أو أهل الحرب خلتنا نعرفهم بصورة أقوى وأحسن .
شاركونا تجاربكم الإيجابية وقصصهم الحلوة خلال النزوح في التعليقات ومنشنو الناس السمحة الكانت واقفة معاكم في الفترة دي ❤

أثر الحرب والنزوح الداخلي على الأطفال صعب جداً , المشاهد القاسية المرو بيها وفقدهم لحياتهم اليومية ( اللعب , المدرسة وأصحابهم ) , إختفاء البيت والمكان البحسو فيهو بالأمان دا كلو بسبب ليهم :
- القلق المستمر والخوف
- مشاكل بالنوم وأحلام مزعجة
- غضب ومشاعر مكبوتة
الأطفال قدر تأثرهم السريع بالظروف الحوالينهم عندهم قدرة تأقلم سريعة فمهم جداً إننا نعرف نتعامل معاهم بالطريقة المناسبه في ظروف النزوح فنكون حريصين دايماً انو نخليهم يعبرو عن مشاكلهم ونديهم مساحة آمنة يفرغو المشاعر دي ويعبرو عن اشتياقهم لحاجاتهم الفقدوها ومشتاقين ليها.
جانب أساسي ومهم بيأثر في نفسيات الطفل هي حالة أمو وأبو كل ما كنتو هادئيين بتتكلمو معاهم بصوت هادئ بتناسب مع عمرو كل ما حس بالإحتواء وخففنا آثار النزوح النفسية عليهم .

شاركونا تجاربكم مع أطفالكم خلال فترة النزوح في الكومنتات 👇

أرض الخير
الحلقة الثانية: الحنين

الحنين للماضي بيجي دايماً لما نتصادم مع واقع جديد صعب ومفروض علينا...
بنحِن للأمان الجوه بيوتنا وشوارعنا لما الخوف يكون بطاردنا.
بنحِن لإحساس العزة والكرامة لما نكون في وضع مضطرين نستحمله ونسكت عشان ما في بديل .
بنحِن للبيت والأصحاب والأهل والشوارع والمحلات والونسه وراحة البال.....
نكمل مع بعض رحلة اسرة عادل والتحديات الهتواجهم 🤔

-فكرة Nahla Omer
-سيناريو عمر جمايكا - Omer jamaica و Khulood Tawfeeg و Nahla Omer
-رسم Ameenation

الأسرة أخيراَ قررت إنها تطلع من الخرطوم للولايات
هل وصلو سالمين ولا لأ؟

حنعرف في الحلقة الثانية من أرض الخير
بكرة الساعة 8:11 مساء بتوقيت السودان

طلعنا من بيوتنا على أمل إنو " كدة كدة أسبوع وحنرجع " ! 💔💔

لحظات الحرب الأولى ما بتتنسي , شاركونا أول ما سمعتو الخبر كنتو وين وبتعملو في شنو؟

أرض الخير
الحلقة الأولى: المفتاح
قفلنا باب البيت واحنا ماعارفين هل هنرجع تاني ولا لا من أصعب اللحظات العشناها في الحرب.البحث عن أمان مجهول ما معروف هنلاقيهو وين.
مفتاح البيت شايل معاهو ذكريات وحياة وآمال وأمان وأمل الرجوع يوم من الايام

سعاد و باشمهندس عادل وأسرتهم الصغيرة حضرو الحرب في بيتهم في بحري تعالو نشوف سوا حيحصل ليهم شنو...
تابعو معانا..

أكثر من 365 يوم من حرب السودان أثرت في كل واحد فينا , أثرت في حياتنا, شغلنا , أسرنا وكل شي. أي سوداني (جوة البلد أو برة البلد) الحرب كانت نقطة مفصلية بالنسبه ليهو أثرت فينا كلنا من غير فرز.

في يوم كل شي اتغير!
بعد صباح السبت اتكتبت لينا حياة جديدة علينا !

في اللحظة دي في أكثر من 9 مليون سوداني نزحو داخليا في مختلف ولايات السودان, تجربة النزوح تجربة صعبه جدا خلقت مشاكل نفسية وإقتصادية ومشاكل كتيرة تانية وتحديات ما قادرين وممكن نكون ما عارفين نتكلم عنها ونعبر عنها بصورة صحية وصحيحة.

كلكم حبيتو قصة سكرة السنة الفاتت, فالسنة دي جيناكم بقصة أرض الخير, أرض الخير محاولة من سكر كوزمتيكس نحكي فيها الواقع المعاش للنزوح المر بيهو كل واحد مننا.

بكرة حتنزل الحلقة الأولى من أرض الخير من خلالها حنتكلم أكتر , نخلق حوار مع بعض ونتشارك قصصنا المختلفة. خليكم قراب

مواعيدنا معاكم بكرة ❤️‍🔥❤️‍🔥❤️‍🔥❤️‍🔥❤️‍🔥

متابعات ومتابعين سكر حابين نعتذر ليكم عن التأخير في المفآجاة الكننا بنحضر ليكم فيها الفترة الفاتت لظروف خارجة عن إرادتنا.
خليكم متابعيننا الأيام الجاية مفآجأتنا قربت 🫣🥰

متحمسين زينا ؟ 😍😍

عرفتو بنجهز ليكم في شنو؟
ورونا توقعاتكم في التعليقات 😁

يتبع...

مساءكم سعيد
شكرا لكل المسجات الوصلتنا شكر لكل المحبة و الدعم والتشجيع 🥰🥰🥰

اختيار نقاط التوزيع زي اختيار شريك العمر يانجحك يا...
عشان نختار نقطه كنا بنسأل نفس سؤال النسابة اهم سؤال هل ملتزمين بالدفعيات ولا لا . في نقاط كبيرة رفضنا التعامل معاها بسبب سمعتها في السوق وعدم التزامها بالدفعيات

Parilla shop Zeinab Khaleil Abdalraheim
باريلاشوب من افضل نقاط التوزيع الاتعاملنا معاها في السودان

واحنا في مرحلة البحث واختيار نقاط توزيع كنا مدركين تماما لأهمية الاختيار ومدركين اهمية انضباط دورة المال بسبب محدودية رأس المال .كنا شغالين بطريقة shoestring budget
بنكبر راس المال من الارباح في المبيعات ف كانت المساحه المالية محدودة جدا واي اختلال ممكن يأثر في قدرتنا علي الانتاج.رأس مالنا كان متمثل في بضاعتنا في السوق والمواد الخام في المخزن. كانت معادلة صعبة وحساسة مافي مساحة لأي خطاء او خسائر بالاخص في دفعيات نقاط التوزيع

سعيدين وممتين لكل نقاط التوزيع الاتعاملنا معاهم و شاكرين ثقتهم فينا. شراكتنا معاهم كانت واحد من اسباب نجاحنا والنمو السريع للبراند.

رمضان كريم ربنا يتقبل الصيام القيام
مشتاقين ليكم كتير انشاءالله تكونو بخير

سعيدين بمشاركة د.نهله عمر مؤسسة سكر كوزمتيكس لمجموعة الطاقة والتعدين في برج جياد احتفالهم باليوم العالمي للمرأة. قدمت د.نهله محاضرة تحفيزية وشاركت تجربتها كرائدة اعمال للحضور وكانت خاتمة الاحتفال تقديم هدايا من منتجات سكر كوزمتيكس للحضور ❤️

كل عام وكل نساء بلادي بخير❤️

رسالة محبة من سُكرة ❤️
كل عام وكل نساء بلادي قويات،جميلات وقادرات علي صنع التغير

#سُكرة في كل بيت سوداني ❤️

نعلن عن انتهاء منتج زيت الليمون lemone Dose❌

💚وسعيدين جدا بنجاح منتجنا الجديد lemon dose وآراء الزبائن فيه والنتائج الممتازة للمنتج بعد الاستخدام الكانت سبب في انتشار المنتج وانتهاء الكميات المتوفرة في مدة اقل بكتير من توقعاتنا
💚اغلب طلبيات التوصيل في الفترة الاخيرة كان ثابت فيها زيت الليمون للجسم lemon dose 🔥🔥🔥
هيتم توفيره للطلب مرة تانية قريبا 😊
سكر كوزمتيكس منتجات ⬅️ طبيعية . امنة .فعّالة

للتواصل والاستفسار ارسال رساله للصفحه او الاتصال0123733375

الرفيو من من نورة مستقرة في دولة المانيا🇩🇪 .... فخورين جدا انو منتجاتنا قادرة تنافس وتكون بجودة عالية لدرجة الزبائن حريصين يشيلوها معاهم بلدانهم المستقرين فيها 🔥🔥🔥
الرفيو عن ⬇️
-زيت الليمون للجسم lemon dose
-ومقشر الجسم bubble gum body scrub
-ومقشر الشفايف peppermint lip scrub