Sport News in Zande

Ti agu aregbo agi akumba re anaangi fu Nigeria, si aima du ni mbumbuhe gbe ka zo Nigeria. Gini bata kandi dagba agi ata kandi re mo atingida pa ni naangba tiro gbe?

Cristiano Ronaldo nga gu bangi kandi zokodi agoni kisusi aboro dunduko rogo gi garã nga 2023 re

Ronaldo rogo 2023:

Ko ngi akandi nga 43
Ki zokodi agoni 40
Ki undo aboro na kandi i zohe bara 9

Ko zokodi agoni kisusi aboro dunduko rogo gi garã re, na ko ima susa Erling Haaland nga guko zohe bara (39) gbiati Kylian Mbappe nga guko zohe bara (35).

Na ka bangironi gonga ti gupai nga garã Ronaldo awere nga 38 ya!

Agi abata kandi nangia nga ga England yo du sura yo re du naangi gu Euro nangia ga 2004. I angia kere abangi kandi. Ya mo mo natindida arimo yo?

Tona garebe yo ku kumbabe yo nga:

Owen, Cole, Terry, Campbell, Rooney, James, Lampard
Gerrard, Scholes, Beckham, Neville

WERE DU MBIISA NGA GA PREMIER LEAGUE ANGERA AWERE!

Abadona Nga ga gu Africa Cup of Nations Nika Ngi Rogo 2024, Rogo Sa Diwi Kida ku Rogo Ue Diwi.

Gini badona oni abihe nga si nyaki dagba agi abadona re?

Manchester City ngbe Mateo Kovacic Chelsea yo!

AGU AKANDI NGA GA AGU ARAGO DU VURU YAMBIO NIKA NGI AREME RAGO BIATA, BANZINGA 28, 2023.

Napere na Kisanga
Regbo: 12:00
Ba: Midani Huriya

Naduru na Gangura
Regbo: 3:00 PM
Ba: Midani Huriya

ASANGBANA AGU AKANDI NAANGI VURU YAMBIO GBA RAGO BISUE, BANZINGA 23, 2023

Kuzee 0-0 Kokora
Kisanga 1-3 Naduru
Naagori 2-3 Asanza
Gangura 0-3 Napere

AGU AKANDI NGA GA AGU ARAGO DU VURU YAMBIO NIKA NGI AREME RAGO BISUE, BANZINGA 23, 2023

Kisanga na Naduru
Regbo: 9:00 AM
Ba: Midani Huriya

Naagori na Asanza
Regbo: 12:00 PM
Ba: Midani Huriya

Gangura na Napere
Regbo: 3:00 PM
Ba: Midani Huriya

Enner Valencia zokodi agoni ue wa Ecuador nata Qatar ue kurii gbua rogo Kasi Nga ga Zegino!

Gu kapiteni kidu ni bangembatayo nga ga Ecuador ko du rimoko nga Enner Valencia, nga guko naangi angi mbata fu Everton na West Ham England yo zokodi agoni ue wa Ecuador nata Qatar ue kurii gbua rogo gu bambata kandi yo nga ga Kasi Nga ga Zegino!
Gi paranga nangi awere fu gu riigbu ta kandi nga Fenerbahçe, Turkey yo re niima mbusa agu abangi sayo nga ga Qatar yo ni kerehe, na ka i naakatanga kura gako goni yo, ka ko ima zokoda he biata.
Na wa gu Kasi Nga ga Zegino aenge, ringaraha ho i angihe rogoho, si ki gbi ti tonatona gayo kandi te, kina Qatar sa si namangi tipaha. Ani namaa bangirani nga i aduadu na diabese rogo gu gayo akandi du kumbatayo.

GU URU ANI ANGORA NIPIDIHE!

NGBANGBA, 20, 2022

Areme gu Kasi Nga ga Zegino (World Cup) atona Qatar yo!

Qatar na Ecuador
Regbo: 6:00 PM
Ba: Al Bayt Stadium, Al Khor, Qatar

ZAKPERE ZAKPERE APANGBANGA!

Aston Villa ima do Steven Gerrard kusayo fuo ta Fulham yo biata kurii gbua!

Gu riigbu ta kandi nga Aston Villa ima do gayo bangbembatayo nga Steven Gerrard tingbafuo gbi yo ni gi nyemu re nga biata kurii gbua kua Fulham yo.
Aston Villa ta aboro bara ue gbua rogo Premier League rogo gi regbo ngi kandi re.
Gerrard adi ba Dean Smith ni bangbembatayo nga ga Aston Villa rogo Ngbangba 2021 tingbafuo mbuko gu bangiriba ko adu rogoho Rangers yo.

Ono gi kuru bange bebere rago nanaangi fu England na Liverpool du garako awere 42 re ta aboro gbua bara 13 rogo akandi yo 40 rogo agu adiwi 11 ko nadihe ni bangbembatayo nga ga Aston Villa.

Sidu, da oni abihe nga ni rengbe ka dia ba Steven Gerrard Aston Villa yo awere?

AGU AKANDI NGA GA PREMIER LEAGUE NGI BEBERE GI POSO RE!

Manchester City ta Manchester United nga sita kurii biata Etihad Stadium yo!

Manchester City zo agu aboro du yo na yo sa rogo gbata nga Manchester United sita kurii biata vurube ga Haaland na Foden agoni. Haalanda nizo agoni biata, Foden ki zo agoni a biata. Agu aboro niizo ga Manchester United agoni niingia, Antony (1) gbiati Martial (2). Sidu, gu sanahe du ho nga: Ada rengbe ka rugusa Manchester City na Haaland?

Chelsea ta Crystal Palace nga ue kurii sa!

Chelsea ye sayo ka zo Cristal Palace nga ue kurii sa. Christal Palace niima zohe mbata vurube gu gayo bange mbatayo nga Edouard ti aminiti 7. Sidu, Aubameyang gbiati Gallagher kini ye ka zokadahe kusa tipa ka undo Chelsea i gbia apointi biata kua Crystal Palace yo.

Arsenal ta Tottenham biata kurii sa Emirates Stadium!

Arsenal nandu kindi kumbatayo na gayo wene ngi kandi rogo gi regbo ngi kandi re. I nita Tottenham nga biata kurii sa rogo gu kandi niingi dagba yo Emirates yo. Agu aboro niizokodi ga Arsenal agoni niingia Partey, Jesus gbiati Xhaka. Gu boro niizo ga Tottenham goni niingia Harry Kane. Arsenal awere na apointi 21. Na i kindi rii mbiisa yo nga ga Premier League.

GU KANDI DU AREME VURU YAMBIO NGA DA NAKPI, DA NANYE!

RIKO BIAMA NGA GA SOUTH SUDAN CUP!

Al Wehida FC na Nile City FC
Regbo: 3:30 PM
Ba: Midani Huriya

Da nika du na diabese, Peti Emma watadu Sadam Opera?

ASANGBANA AGU AKANDI NIINGI AREME RAGO NZENGU!

YA MO MO AININGO GIPAI RE?

Gu ringara nga Ivory Coast di gu kasi nga ga Africa Cup of Nations bara ue rogo gayo raka yo (rogo 1992 na rogo 2015)- na ti agu aregbo dunduko ue i adihe re, i angi na Ghana.

Berewe a, ti agu aregbo re dunduko, agu akandi re anyasi nga gbua-gbua ka boro azonga goni ya na i kini ndu kuti daraba giza.

Ivory Coast azohe nga 11 kurii 10 rogo daraba giza yo rogo 1992 na ki zohe nga 9 kurii 8 rogo 2015.

ZAKPERE ZAKPERE APANGBANGA!

Agu akandi nga ga Premier League anginga ti gi digido poso re te. Gipai re wo mbiko aboro na rungo kpotoyo yo tipa pakpio Nakindo Erizabeta Gu Ue Ri, nga guri naakpi gba ti ramediwi muambe nga ga ribua diwi, 2022. I avungu ri ti ramediwi 21 nga ga biama diwi rogo 1926. Nakindo Erizabeta zogo Ringara Angirisi tipa agara nga 70. Na ri kpi na gara 96. Gu wiiri nga unvuru du rimoko nga Charles nika dia ba ri ni bakindo.

AGU AKANDI NGA GA EUROPA LEAGUE NAANGI GBA YURU!

PSV Eindhoven 1:1 Bodø/Glimt
Zürich 1:2 Arsenal
AEK Larnaca 1:2 Rennes
Fenerbahçe 2:1 Dynamo Kyiv
HJK Helsinki 0:2 Real Betis
Ludogorets 2:1 Roma
Union Berlin 0:1 Union Saint-Gilloise
Malmö FF 0:2 Sporting Braga
Man Utd 0:1 Real Sociedad
Omonia Nicosia 0:3 Sheriff Tiraspol
Lazio 4:2 Feyenoord
SK Sturm Graz 1:0 FC Midtjylland
Nantes 2:1 Olympiakos
Freiburg 2:1 FK Qarabag
Red Star Belgrade 0:1 Monaco
Ferencvárosi TC 3:2 Trabzonspor

YA MO MO AININGO GIPAI RE?

Arsenal nga gu yangara riigbu ta kandi naabanda gigiri pio bara dunguhe ti genehe rogo gu pangbanga yo nga ga Champions League. I angi akandi nga ga Champions League bara bawe zanga aboro no gayo pio.

Gipai re amangi ti gu regbo ngi kandi nangia ga 2005-06, nga gu regbo i abanda gigiri pio tona rogo Mbirinvuo 2005 kuti Merekoko 2006, na gipai re adi bange aminiti nga 995.

I akparaka agi aminiti re dagba abazi goni ue: Jens Lehmann (aminiti 648) na Manuel Almunia (aminiti 347).

Arsenal atona banda gu gigiri apio re tingbafuo gu boro Ajax nangia Markus Rosenberg zo goni rii yo ti aminiti 71 rogo namba ue kandi nga ga gu ngigo nga ga abadona.

Kandi aarimongo ku rogo ga Arsenal ngbadimo goni rogo agu akandi biama nga ga badona naangbefuo gure te, na rogo agu akandi sita i naado aboro kusayo rogo ra naangbefuo gure a te.

Gi ga Arsenal gbanga nunguro re adigi ti gu regbo Samuel Eto'o azo goni rii yo ti aminiti 76, ti regbo gu yangara kandi nga ga Champions League naangi dagba yo na Barcelona.

Napoli zo Liverpool nga gbegbere rogo Champions League!

Napoli zo Liverpool nga biama kurii sa Itaria yo. Mbata fu bebere regbo da, Napoli niima zokada agoni nga biata. Gu yangara regbo agoni adu biata kurii gbua kurii Liverpool mbata fu bebere regbo rogo Champions League angia 2014 ti regbo gu kandi i angi ru na Real Madrid.

Agu aboro niizokodi ga Napoli agoni niingia Zielinski (2), Zambo Anguissa (1) gbiati Simeone (1). Gu boro niizo ga Liverpool bangisa goni niingia Díaz.

Rogo agu akandi dunduko saba Liverpool nangira kusayo, i ta aboro gbua bara ue.
Badungu aboro nape gupai nga pa bagayo Sadio Mane du sa gupai nga i naambu wa gure.

Ya mo oni nabihe nga re du?

ASANGBANA AGU AKANDI NGA GA CHAMPIONS LEAGUE NIINGI AREME YURU!

Ajax 4:0 Rangers

Napoli 4:1 Liverpool

Atl Madrid 2:1 FC Porto

Club Bruges 1:0 B Leverkusen

Barcelona 5:1 Viktoria Plzen

Inter Milan 0:2 Bayern Munich

Frankfurt 0:3 Sporting

Tottenham 2:0 Marseille

AGU AKANDI NGA GA CHAMPIONS LEAGUE NIKA NGI AREME RAGO BIATA, MBIRINVUO 7, 2022

Ajax na Rangers 6:45 PM

Napoli na Liverpool 9:00 PM

Tottenham na Marseille 9:00 PM

Frankfurt na Sporting 6:45 PM

Atl Madrid na FC Porto 9:00 PM

Club Bruges na B Leverkusen 9:00 PM

Barcelona na Viktoria Plzen 9:00 PM

Inter Milan na Bayern Munich 9:00 PM

Agu aregbo i namoihe agu akandi re nika ngi ti ni, si kuti gu regbo nga ga South Sudan

ZAKPERE ZAKPERE APANGBANGA!

CHELSEA I MA DO THOMAS TUCHEL KUSAYO!

Aira gu riigbu ta kandi nga Chelsea ima do gaha barumbatayo nga Thomas Tuchel kusayo. Thomas Tuchel di akasi biata fu Chelsea vuru adiwi yo 20. Wa gi regbo ngi kandi re natona, Chelsea ta aboro bara biata, ki gbi bara ue na ki ngi gu kandi nagasa agasa bara sa, na Chelsea awere nga namba sita ti mbiisa nga ga Premier League.
Ya mo oni nabihe nga si naaida aira Chelsea du kindi na zerangbaduse na Tuchel?

YA MO MO AININGO GIPAI RE?

Gu boro Itaria nangia Gianluca Pagliuca nangia gu bambata bazi goni i akusi ko kusayo na zamba karte rogo gu pangbanga yo nga ga gu Kasi Nga ga Zegino (World Cup).

I afu zamba karte fuko mbiko gupai nga ko azadi kandi na beko ho u aadunga ni rogo gako dagbarago ya, ti regbo gu kandi nga ga abadona naangi dagba Itaria na Norway ti ramediwi nga 23, Bazinga, 1994.

Fuo gipai re mangi, Itaria akusi Roberto Baggio tipa ka ye na kura bazi goni nangia Luca Marchegiani kuba guko i akusi ko na zamba karte re.

Wa Itaria avura du ni kpakpa yo, i aima du na diabese rogo gu kandi re, i azo Norway nga sa kurii gbua. Gu boro naazo gu goni re angia Dino Baggio ti aminiti 69, na gu boro naatayi kandi fuko ko zo ru angia Giuseppe Signori.