Dr afaf hariri

ونعم بالله ....
لا اعتراض على حكمتك يارب
والزعل مو على الشهداء .... لانو صارو عندك بالجنة يلي هيه خير الدنيا ومافيها
ولكن الزعل علي بقيو على القهر على بلاد المسلمين على قضيتنا يلي هيه جزء لايتجزأ مننا
يارب صبر قلوبهم وأنزل السكينة عليهم وارحم مواتهن وتغمدن برحمتك
يارب كافئنا بالصبر على ألمنا..... على ألم بلاد المسلمين
بسم الله الرحمن الرحيم
"قال لا تخافا إنني معكما أسمع وأرى"
صدق الله العظيم

أحلى وأغلى حدا بنورني العيادة
بابا حبيبي 💙

الحمدالله دائما وأبدا عحصولي على شهادة الامتياز يلي تعبت فيا بكل دقيقه وكل يوم واعتبرتا مسؤولية
فخورة ب اني حققت ولو شي بسيط بظل هالظروف الصعبة
عطول كنت واثقة انو بقدر أعمل كتير بس بنفس لوقت ولا مرا قارنت أي شي بحصل عليه بغير اشخاص عايشين ببلاد تانية ظروفا أحسن
انك تحقق شغلات بسيطه وتتعب عحالك بكل شهادة بتحصل عليها بظل هالظروف هو شي كتير حلو وبدعي للفخر 💙
الحمدالله

كل عام وانتو بألف خير 🌸💙
اللهم نسألك العفو والعافية
انشالله تكون أيام الجاي خير عالكل وسعد وسعادة وتعطي كل شخص سؤلو

💙

من الطف واحلى الذكريات يلي مرقت مجسده بهل صور 
مرت مواقف بسيطة بس الا معنى كبير بالنسبه الي
الحب والشغف لتعطي شي حقيقي من قلبك بخلي رسالتك توصل اكيد
سعيدة بالمحبة يلي عم شوفا
هاد الشي هو كان امنية ويمكن امنيه لكل حدا انو يكون شخص محبوب ومعطاء حقيقي مو مجرد حكي
كلام كتير نكتب ونحكالي ترك معنى بقلبي كتير كبير وعطاني دعم معنوي قوي
شكرا عكل كلمه نحكت كانت من القلب
طلابي وزملائي المستقبليين بحبكن من قلبي 🌸

It was my pleasure that I met a person just like your scientific stature 💙💙
I would like to thank you from my heart for giving us all the this information with every details which support our study journey 🌸🌸mourad

اليوم العلمي للجديد في زرع الأسنان

هاد البوست ممكن يفيد المرضى بمعرفة الجرعات المناسبة بالنسبة للاعمار وبلاخص الأطفال

ملاحظة : هدول البوستات للطلاب والدكاترة لمساعدتن أثناء كتابة الوصفة
لانو حتى المضمضة فيا مواد مؤذية جدا للأسنان اذا استخدمناها بدون وصفه طبية

شو #الصادات المستخدمة للانتانات السنية عم خربط فيهم كثير ؟
شو في ادوية غير #الفلاجيل بنستخدمها للخراجات ؟
طيب راح نقدملك #ملخص عن الادوية المستخدمة لعلاج الانتانات سنية المنشأ:
🔵اذا كان المريض #خارج المشفى (انتان غير شديد ):
بنسلين -كليندامايسين - سيفالكسين (اذا لم يتحسس للبنسلين من النمط التٱقي )
🔴في حالة #الحساسية للبنسلين :
كليندامايسين - موكسي فلوكساسين - الميترونيدازول لوحده

🔵اذا كان المريض #داخل المشفى (انتان شديد ) :
كليندامايسين - امبيسلين +ميترونيدازول -امبيسلين +سولباكتام
🔴في حالة #الحساسية من البنسلين :
كليندامايسين -الجيل الثالث من السيفالوسبورينات عن طريق الوريد (فقط اذا كانت الحساسية للبنسلين ليست من النوع التٱقي ) - #الميترونيدازول لوحده (في حال عدم السماح باستخدام الكليندامايسين والسيفالوسبورينات )

الإنسان قد ما حصل عشهادات بضل بمرحلة الطالب
من اول ما وعيت عالدنيي حلمي أخد لقب دكتورة ((علما وعملا))
شعور كتير حلو تكون سبب بإبتسامة انسان بالأخص اذا انت صنعتا ... او خففت اوجاعو 💙
أحلى شي تحصل على بداية أحلامك بايدك الحمدالله 💙

دورة تجميل الوجه والإبتسامة الشاملة في مركز الإختصاصات الوطني بدمشق 💙
الحمدالله 💙

Can you guess the age? 💙

💥💥💥💥الإبتسامة اللثوية 💥💥💥💥
من أكثر الحالات يلي بتواجهنا ك أطباء أسنان هي الإبتسامة اللثوية والسبب الرئيسي لمراجعة المرضى هي الناحية الجمالية
عنا عدة حلول لتصحيح الإبتسامة اللثوية وبتعتمد ع طول اللثة يلي مغطية الأسنان
1 - اذا كان طول اللثة ما بين (0.5 / 2 ملم )
الحل قطع لثة ويفضل تتويج الأسنان لأنو اللثة نسيج متجدد ممكن ترجع متل قبل
2 - اذا كان طول اللثة المغطية للأسنان فوق 3 ملم
الحل :
إما قطع لثة مع قطع شفة علوية لاعادة تموضعا
أو قطع لثه مع اجراء بوتكس لعضلات الشفة العلوية
أو قطع لثة مع قطع عظمي جراحي
وطبعا جميع الحلول يتم اتخاذا بعد المشاورة بين الطبيب والمريض واتخاذ الإجراء المناسب

بالنسبة لرأي الشخصي
بالحالة الأولى (اللثة المغطية 2 ملم وأقل)
بفضل قطع لثة مع تتويج الأسنان الأمامية لعدم العودة للحالة السابقة
وبالحالة التانيه ( اللثة المغطية 3 ملم وأكثر )
بفضل قطع لثة مع قطع عظم الفك العلوي جراحيا او اجراء بوتكس

1 _ الفيديو الأول لعملية قطع عظم الفك العلوي
2 _ الفيديو التاني لعملية قطع اللثة
3 _ الفيديو التالت لعملية اجراء بوتوكس للعضلة الرافعة للشفة العلوية

انشالله تكونو استفدتو 💙💙
ورجوني تفاعلكن ومشاركتكن للبوست ليستفاد أكبر عدد من الناس 💙
وعطوني رأيكن بالكومنتات 🌸🌸

💙💙

💥💥 فطريات اللسان 💥💥

متل ما شفنا بالصورة أهم أسباب فطريات اللسان ...

خلينا نتعرف ع أهم طرق العلاج : 😍😍😍

1- عدم استخدام الغسول الفموي بدون وصفة طبية بالإضافة فإن استعمال الغسول الفموي فترة طويلة أمر مضر وليس نافع

2-مضمضة الفم بماء وملح

3- تغير فرشاة الأسنان القديمة بعد الانتهاء من العلاج

4- يوصف بأغلب الحالات دواء فلوكونازول أو كلوتريمازول أو غسول نيستاتين ...... ويمكن مشاركة أكثر من دواء حسب الحالة

5-بالنسبة لمرضى نقص المناعة البشرية يوصف : إيتراكونازول
6- أحد أهم نجاح العلاج هو الاهتمام بالنظافة السنية اليومية ومراجعة طبيب الأسنان بشكل مستمر

الحمدالله رسميا الدكتورة عفاف حريري 💙
حبيت شاركن فرحتي واشكركن عكل كلمة حلوة عطتني تحفيز ودعم لتمرق هالايام الصعبه 💙

رح أحكي اليوم عن الفرق بين 😍😍
1- E MAX ( ثاني أوكسيد الليثيوم )
2-Zircone ( أوكسيد الزيركون )
💥💥💥 E MAX 💥💥💥

أول شي خلينا نحكي عن القساوة .... الايماكس مادة منستخدما أكتر بتحضيرات الفينير على الأسنان الأماميه نظرا للجمالية والشفوفية يلي بتتمتع فيا
بالاضافة لميزة تانية مهمة 😍😍
هي انو لون السن بتخلل من خلال الماده حتى يحاكي لون السن الطبيعي (منطلق على هي الخاصية اسم خاصية السحلية، ك تشبيه بالسحلية اللي بتستطيع تغيير لونها لمحاكاة لون الشي المحيط فيا 😍)
أما بالنسبة للسعر ف بسبب القدرة على التحكم بالمواد المضافة للايماكس لتعطي نتائج جمالية عالية .... بكون سعرا غالي نوعا ما

💥💥💥 zircone 💥💥💥

بالنسبة للقساوة ....مادة الزيركون منستخدما بشكل أكبر للجسور الخلفية بسبب قساوتا العالية وتحملا لقوى الضغط مقارنة بلايماكس
أما بالنسبة للجمالية .... حديثا صار في أنواع للزيركون بتعطي نسب جمالية قريبه للايماكس .... بس مازال المناصرين بفضلو الايماكس وبشوفو فيو روح وجمالية أعلى
أما بالنسبة للسعر .... هاد الشي بختلف تبعا للمخبري وطريقة التقنيات يلي بستخدما ليصنع كل مادة
حبيتو المعلومات ؟؟ 😍😍
شاركوني آرائكن متابعيني الحلوين بالكومنتات 💙💙