Reham.MakeUp

عودة على بدء ..
هلا رح نحكي عن رفع الرموش lash lifting
هالتقنية بتعتمد بالشغل بشكل كامل عالرمش الطبيعي
ماعنا رموش صناعية إنما هي عبارة عن مواد مغذية معالجة لشعرة الرمش بتقلب الرمش او بترفعو وبتخلي منظرو كانو حاطة مسكرة خفيفة
بتنفع كتتتير للصبية الي رموشها كثيفين فهي مو بحاجة لرمش صناعي انما بيكفي نشتغل عالرمش الطبيعي لنعطي احلى نتيجة
طبعاً هالمواد مابتأذي أبداً لانو تركيبة المواد المستخدمة هي عبارة عن :
مادة كرياتين خاصة لرفع الرمش
مادة كولاجين لحماية وتغليف الرمش
مادة بروتين بتعطي حيوية للشعرة
صبغة خاصة بالرمش بتعطي لون مميز
* مدة الجلسة بتاخد ساعة ونص تقريبا ً
*بتضاين من شهرين ل تلت شهور اذا اتقيدنا بالتعليمات
*ممنوع استخدام المي و لبعد يومين ممكن نستخدم مسكرة ويفضل تكون ضد المي

هالتقنية مختلفة عن الاكستنشن الي حكينا عنو بالبوست الماضي ببعض النقاط رح اشرحن بالبوست الي جاي ..

خلونا نبلش بتقنية الرموش الدائمة
*متعارف عليها باسم Lash extention
*مبدأ الي بتعتمد عليه هو لصق رمش فوق الرمش الطبيعي باستخدام مباعدات للرموش وملقط خاص ...
*طبعاً اللصق بيتم بواسطة مادة لاصقة او غراء مخصص ل لصق الرمش يعني آمنة .
*جلسة الشغل بتاخد بين ساعة ونص ل ساعتين حسب كثافة رموش الزبونة و السماكة الي بتطلبا
*بتضاين الرموش بين 6 ل 8 شهور و بتعطي مظهر أقرب للطبيعي
*طول الرمش بيتناسب مع العدد يعني كل ماكان رمش الزبونة طويل كل مااحتاجت لرموش أكتر وبالعكس .
*طبعاً ممنوووع استخدام الماء بيوم الي منعمل فيه الشغل ممكن المادة تدوب او يخف مفعول اللاصق .
*منجي ل طريقة إزالة الرمش الدائم ..
طبعاً في مادة خاصة بترجع الزبونة عالمركز لنستخدم هالمادة ونشيل الرمش يعني ممنوع نحاول نشيل الرمش بأيدينا بالسحب أو الحك وإلا منعمل أذى ومشكلة بالعين ...

هيك منكون حكينا أغلب النقاط بخصوص موضوع الرموش الدائمة
أي استفسار تركولي بالتعليقات و بجاوب بأسرع وقت ..
واستنوني بمنشورين واحد عن تقنية رفع الرموش
والتاني التمييز والفرق بين lash lifting و lash extention

الطريقة .. مدة الشغل ..المواد .. والفرق بين التقنيتين
رح نحكين بالتفصيل ...😇
بشو بتحبو نبلش 🤔
(lash lifting) رفع الرمش
(lash extention) الرمش الدائم

🌸 الجمال عدا الكلام🌸

الجمال الرايق 🌸

مرحبا ..
بوجود أكتر من حجم ونوع للفراشي المستخدمة بالمكياج
منلاقي أحياناً صعوبة بالتمييز فيهن
أكتر من قاعدة مهمة وأساسية لازم نتعرف عليهن :
*القاعدة الأهم النظافة ثم النظافة قبل استخدام أي فرشاية و بعد الإنتهاء من المكياج تنضيف الفراشي قبل مانضبن

*عمر الفرشاية بيتعلق بطريقة اهتمامك فيها وبنضافتا وطريقة استخداما بلطف وما نتركا عرضة للرطوبة أو تتراكم عليها المواد بدون تنضيف لو كنتي وحدك بتستخدميها

*أخيراً وليس أخراً كل فرشاية إلها استخدام وبالصور موضحة بعض الأنواع واستخداماتها وبيبقى في فراشي أساسية والباقي زيادات منقدر نستغني عنهن
طبعاً في بعض الاستثناءات لما منقدر نستخدم نوع واحد من الفراشي بأكتر من شغلة وعالأغلب بيكون بدمج الشادو ..

خليكن Update على طول بصفحتنا حتى ماتفوتكن ولا معلومة 😃🥰
لنحكي كل فترة عن موضوع بالإضافة لصور الشغل👍🏼😊

Instagram : https://instagram.com/reham_make.up?utm_medium=copy_link

My collection 😍

My weapons💄

إعمل بصمت ... ودع عملك يتحدث عنك ....
تفاصيل صغيرة .. بتعمل تغيرات كبيرة ..

ورجعنا بعد غياب