فداء ابراهيم - Fedaa Ibrahim

🔴 #عااااجل || وزارة التربية تصدر نتائج اختبارات الترشح للتقدم لامتحان الشهادة الثانوية العامة بصفة دراسة حرة بفرعيها العلمي والأدبي لدورة عام 2024

اللحظة اللي بتوصل فيها لمرحلة عالية من التعب و الضغط النفسي وقلة الشغف و الخلق، اللحظة اللي بتحس نفسك فيها خلص يأست و ما بقا تقدر تدرس حرف ، اللحظة اللي تحس نفسك فيها منتهي حرفياً من كمية الضغط!

هون اثبتتتتت دير بالك تتراجع خطوة ، هي اللحظة هي اللي رح تغير حياتك!
هون نقطة التحول بحياتك ، فلا تتراجع ، استجمع قواك ، وسيطر على نفسك ، و وقف بوجه هي اللحظة ، و صدقني رح تصير شخص آخر!

تعرف ليش؟

لا مو لأنك حريمة 🤣🤣

لان هي اللحظة الحاسمة، و رح تصير بعدين موقف ينحكى بكل تعبها و خوفها و قلقها و ضغطها، بس رح تضل نتيجتها ، نتيجة صمودك، نتيجة تعبك رح تحصلها!

إياك والاستسلام..كلشي بهون و بصير موقف تجاوزناه ينحكى بعدين❤️

البكالوريا تختصر بعباره واحده فقط :

التعب والسهر والعزلة والوحدة كلها اشياء مؤقتة لــــــكن الإنجاز للأبد 💙

‏لأُمنياتك المستحيلة :
﴿ وَكَانَ اللَّهُ عَلَى كُلِّ شَيْءٍ مُّقْتَدِرًا ﴾

وتشاء انت من البشائر قطرةً ويشاء ربك إن يغيثك بالمطر ..💜

خليكم اقوياء كلها كم شهر و رح تكونوا بالفرع الي عم تحلموا فيه حالياً...

الحدود الدنيا للتعليم المفتوح بجامعة البعث للعام الدراسي 2023-2024

معلومة |

اهم شي لما تدرس ، تدرس بتركيز عالي ، و تطبع المعلومة بعقلك ، مشان لما ترجع تراجعها بعدين ما تتعبك .. و ترجع تتذكرها بسرعة و ما تاخد من وقتك..

في مقولة بتحكي what comes easy goes easy.... يعني اللي يجي بسرعة يروح بسرعة.. اذا درست دراسة هات ايدك و الحقني رح تشوف حالك بعدين عم تحفظ من جديد..

فحاول تدرس نظامي و تدرس بتركيز ، مشان لما ترجع بعدين تراجع تشوف نفسك حافظ المادة و مسيطر و ما تاخد من وقتك كتير

انت كطالب ضروري جداً تتقرب من كل شخص إيجابي ، شخص يزرع الطاقة الايجابية فيك ، شخص واثق منك ، شخص يقلك قوم ندرس ، خلينا ما نضيع وقت ، هدول الأشخاص كنز ! و الن تأثير كتير كبير عليك بدون ما تحس !

"الصاحب ساحب "

اذا بتمشي مع شخص سلبي رح تصير سلبي متلو بدون ما تحس ع حالك!

اذا بتمشي مع شخص إيجابي رح تصير إيجابي غصباً عنك!

بعد الف متر عن الأشخاص السلبيين ، عن جماعة ما بنقدر ، ما رح نوصل ، راح الوقت علينا ، المنهاج صعب ووو! هدول رح يحطموا نفسيتك و يغيروك للأسوء و انت مو حاسس !!

اختار اصدقائك صح!❤

ابداً مو شي سهل انت صرلك شهور و في منكن سنين تدرس و مقاوم ظروفك و مشاكلك و حالتك النفسية، و تعبك الجسدي و العقلي هاد بحد ذاته شي عظيم و كبير عند رب العالمين، مستحيل يضيع تيقن و تأكد من هاد الشيء.

دراستك عاليوتيوب و كل درس بياخد من وقتك و تركيزك و يضعف نظرك و يتعبك بشكل كبير، هاد الشي مو هين، انت بطل لأنك عم تعمل هالشغلات ، و هالتعب مستحيل يضيع هباءاً منثورا، رب العالمين ما بشضيع تعب إنسان ابداً!

كسرة شغفك ، ضعفك بمرات عديدة وترجع أقوى ، نومتك ع الكتاب، قعدتك الصبح بكير و غيرك نايم، و كتير أمور، هي الشغلات كلها ما رح تضيع ابدا ابدا كون متطمن!

في كتير منكم بيدرس بس خايف يضيع تعبوا ، خايف ينكسر، خايف ما يحصل نتيجة و ما يوصل لشي ، و هالتفكير غلط، مافي طالب تعب عنجد و رجع مكسور الخاطر كون متطمن لهالشي تماماً!

ابداً ما رح يضيعلكم تعب ، تعبكم رح تحصلوا ثمرته عن قريب ، و رح يتّرجم ع أرض الواقع بأفضل نتيجة!

لكل طالب عم يتعب و خايف ما يحصل نتيجة تعبه ، اطمن ما ضاع تعب حدا و حاشالله يضيع تعبك!

دائما تذكر حلاوة الوصول ، يهون عليك تعب الطريق ❤

2

بدرس من هون بنسى من هون!

#الحلول:-

#النسيان هو من اهم مشاكل طالب البكالوريا هي الخطوات السبعة بيفيدوك و بحلوا مشكلتك إنشاءالله ، فالمؤشرات التالية تساعد عقلك على الاحتفاظ بالمعلومات لمدة أطول:

1) اكتب بخط ايدك:
حاول انو تكتب بدل التسميع ، لأنو الكتابة هي شرارة التواصل بين العقل والجسد، و هي الي بتساعد على حفر المعلومات بالذاكرة.

2) سّمع ما تحفظه :
حاول بعد الدراسة و الحفظ انو تختبر نفسك، سّمع كلشي حفظته، واستخدم تقنيات التذكر والتسميع.

3) إسأل و جاوب:
حاول التركيز باستخدام طريقة السؤال و الجواب، إسأل نفسك أسئلة عن الشغلات الي درستها ، و كّرر الاسئلة حتى تتأكد من حفظك و ترضى عن نفسك.

4) راجع و اكتب:
قبل موعد الامتحان بيوم راجع الي حفظته كتابة، و اكتب أكثر من مرة إذا اقتضى الأمر.

5) ابذل قصارى جهدك:
نام منيح و فيق بنشاط، اوثق بنفسك ولا تقلق، و رح يكون تقديمك منيح إن شاء الله لأنك استعديت بالشكل المناسب.

6) اعمل "بروفة"للإمتحان
العقل بيتذكر بسهولة الأفكار الي بتحفظها في ظروف مشابهة لظروف الامتحان، و إذا كانت مدة الامتحان ساعتين، لازم تمرن نفسك بالبيت على امتحان مدته ساعتين و هيك.

و موفقين ..وإن شاءالله رح استمر معكن بمنشورات لاحقة عن مشاكل اخرى 💚

الدراسة مو شغلة شغف ... هي شغلة مستقبل
اغلبنا ما عندو شغف يدرس ، ولا عندو خلق للكتب ، بس في شي اسمو "مستقبلنا" هاد الي بخلينا نركز و ندرس رغم كلشي فينا.

1

#الخوف

الخوف مشكلة بتواجه أغلب الطلاب

●أسبابه و أنواعه

1_الخوف من الفشل و الرسوب و التفكير السلبي ! و سببه قلة الثقة بنفسك و بقدراتك!

2_الخوف من الإمتحان و الارتباك! يعني بيجي الطالب ع الامتحان دارس المادة و حافظها..بس من التوتر بيغلط!

3_الخوف من المجتمع و التأثر بكلامهم ، متل (انت ما بتقدر توصل .. انت ما رح تنجح)

●علاجه

1_خلي ثقتك بربك و بنفسك كبيرة..انت بتقدر ، غيرك ملايين الطلاب نجحوا وحققوا احلامهم ، هنن مو احسن منك!

2_ادرس المادة منيح ، و اعطيها حقها من الدراسة ، و لما تفوت ع الامتحان توكل على الله ، و استغفر ربك واستعين بالله هي ورقة إمتحان..مافي داعي للخوف و القلق و الارتباك!

3_يا جماعة كلام الناس مو مهم..نبينا محمد صلى الله عليه وسلم ، ما سلم منن..اكيد انا و انت و غيرنا ما رح نسلم منن ، خلي ببالك هاد اللي بينتقدك او يحاول انو ينزل من معنوياتك ، هاد عندو نقص ، او مضغوط منك..لذلك نجاحك أفضل حل للرد عليهم!

و موفقين ..وإن شاءالله رح استمر معكن بمنشورات لاحقة عن مشاكل اخرى 💚

⁨‎⁩سهرك ، تعبك ، عزلتك ، إرهاق جسدك ، و كثرة تفكيرك ، جهدّك و اجتهادك ، كل هذا لن يذهب سُداً ، سترى ثمرة أفعالك أمامك قريباً!

المهم ألا تكُف عن المحاولة ، ربما الأمور تأخذ وقتاً ، وأحياناً وقتاً طويلاً لكنها تتجه للأفضل مهما اشتد الحال وساءت الأحداث من حولك ، دائماً هُناك نور ، وفجرٌ قريب ، قد تعتقد أنها نهاية القصة لكنها نهاية الأحزان وبداية الأفراح ، المهم ألاَ تكُف عن المحاولة ، ألاَ يُزعزع خُطواتك شيء!

استمر و رح توصل صدقني ❤️

ألم التعب يهون..❤️

سهرت رح تنام بعدين
تركت النت رح ترجعلوا بعدين
ما طلعت مشوار تطلع بعدين
منعزل لوحدك رح ترجع و تختلط مع الناس بعدين
مسلسلات و أفلام وغيرو رح تشوف بعدين
تعبت رح ترتاح بعدين

هي كلها كم شهر تعب لحتى ترسم مستقبل حلو الك.... ❤️

ابداً لا تقارن نفسك بغيرك ، فلان وصل للوحدة العاشرة و انا لساتني بالوحدة الأولى !

فلانة رح تبلش تعيد اول السنة و انا لسا ما خلصت نص المنهاج

كل طالب منكن ظروفوا بتختلف، قدرتوا عالحفظ و الفهم بتختلف ، حتى بيئتوا بتختلف! كل شخص الو حياتوا!

انت الي عليك تدرس و بس، و تنسى العالم الخارجي ، وتنسى كلام رفقاتك خصوصاً الي بقلك انا موصل لهون و انت وين وصلت!

بعد عن كلشي ، دراستك بس ، الي بيدرس و ما بيهتم لحدا صدقوني رح يوصل ، اما الي بضل تفكيروا مع فلان وين وصل ، و هاد وين صار ، و انا لساتني.. رح يتعب كتير ع الفاضي.

و قصة ما بنلحق شيلوها من بالكم ، بتلحقوا و كلشي ، الوقت كافي بس ادرسوا... انت بس درست رح تأنجز شي ، رح تمشي بالمادة ، رح تسيطر عليها ، رح تخلصها..

بس ادررررس❤️

لابدّ من حلمٍ نناضلُ من أجله!
ما شُگِّل َدُنيانا بِلا أحلام؟

والبحث العلمي تمدد فترة استلام طلبات الطلاب الذين بنتيجة #المفاضلة ( #العامة و #الموازي) للفرعين #العلمي و #الأدبي للعام الدراسي 2023 / 2024 لغاية يوم الخميس 30 / 11 / 2023.

دائما تذكر حلاوة الوصول ، يهون عليك تعب الطريق !❤❤

من شوي عم اتصفح الفيسبوك ولا بيطلعلي بوست من صفحة تعليمية محتواه "انو يوم الجمعة للعطلة و الراحة مو للدراسة الدراسة الها غير وقت"
طبعاً اغلب التعليقات كانت اي والله معك حق كنت قايم ادرس بطلت ادرس و من هالكلام الفاضي هاد

عم اكتبلكن هاد البوست لحتى حذركن من هيك اشخاص موجودين بحياتنا بكثرة و ممكن يكونوا اقرب اصدقائنا... بتلاقيه عم يحاول يلهيك و يبينلك انو مو دارس شي مشان ما تدرس و هو بكون من جوا لجوا اكل الكتب اكل و مخلص المنهاج ... حتى الي منزل البوست بكون دارس و متخرج دكتور و عم يحكي هيك
ف لا تنجروا ورا هيك حكي بتسمعوا منو كتير كل يوم ..
بالنهاية ما رح تروح غير عليك .. رفيقك رح يجيب علامات و انت رح تصفى بلا شي و الي نزل البوست ما رح ينضر كمان.. انت الي رح تنضر بس فكر فيها

و صادفني هاد التعليق ع نفس البوست ف بحب قول لصاحبة التعليق:
لا تصدقي انو حدا درس و ما وصل لحلموا ممكن يكون درس بس مو شي يكفي يوصل لحلموا و الأغلبية الي ما بتوصل لحلمها بتكون ما درست و بيقعدوا يحكوا ما وصلنا لحلمنا بسبب البلد و الظلم و مدري شو.. هاد الكلام فاضي بكون العطل منن ...
انت كطالب مُطالب تعمل الي عليك و تدرس منيح و النتيجة ع رب العالمين... اما اذا ما درست ف اكيد ما رح توصل لحلمك

و تذكروا قول ربنا عز و جل (وَأَنْ لَيْسَ لِلإِنسَانِ إِلَّا مَا سَعَى ۝ وَأَنَّ سَعْيَهُ سَوْفَ يُرَى)
و موفقين❤

كتير بيجيني رسائل من طلاب انو عم نتعب كتير بالدراسة .. ما عم نقعد ناكل أحياناً من الضغط .. ما عاد قعدنا مع اهلنا ولا شاركناهن شي

لحظة ليش مين قلك انو النجاح بيجي بغير هالطريقة؟ النجاح ما بيجي غير بالتعب و انك تعطي كلشي عندك و تنعزل عن الناس .. ع قولة اخواتنا المصريين(اتعب لحد ما تجيب اخرك)

بعمرو التفوق ما اجا بسهولة و بلا دراسة و معلش هي 7 شهور اتعب و جيب اخرك فيهن بس صدقني رح تلاقي نتيجة حلوة كتير ما رح تندم عليها مع الأيام ... بينما اذا ما درست فالندم رح يضل ياكلك طول العمر

اذا انت عم تتعب و ما عم تفضى و ما عم تلحق تعمل شي بسبب دراستك ف انت ماشي عالطريق الصح❤

و خليك متذكر دائماً
التعب بروح و بتضل النتيجة!❤️

مسا الخير

من بكرا إن شاء الله رح بلش نزل مفاضلات المفتوح الي نزلت مع كلشي بخصها من طريقة التقديم للمعدلات لكلشي
و الجامعات الي صدرت لحد الآن هي #دمشق و #حلب

#هام
يبدأ يوم الثلاثاء 7-11-2023 ولغاية يوم الخميس 28-12-2023

🔵عااجل || تعلن جامعة #دمشق عن بدء التقدم #لمفاضلة التعليم #المفتوح للعام الدراسي 2023ـ2024 اعتباراً من يوم #الثلاثاء 10/31/ ولغاية #الخميس 2023/11/9 .

#هام

موعد تقديم طلبات التسجيل المباشر من يوم الاثنين 30/10 إلى يوم الخميس 9/11
التقديم بمديرية الشؤون المركزية بالجامعة

طبعاً الي بحقلوا يسجل تسجيل مباشر بس الي طلعلوا جميع الرغبات مرفوضة
أما الي طلعلوا رغبة ما فيه

الحدود الدنيا عام و موازي ادبي (المفاضلة التانية)

الحدود الدنيا عام و موازي علمي (المفاضلة التانية)

⭕ #عاااااجل | تسوية أوضاع #الطلاب الذين رفضت جميع رغباتهم بنتيجة #المفاضلة بتسجيل مباشر وفق الحدود الدنيا

بالنسبة للطلاب الي طلعلها جميع الرغبات مرفوضة ف مو بسبب خلل من المفاضلة السبب انو كل الرغبات الي حاطينها ما طلعتلكن عالمفاضلة التانية ... شو فيك تعمل؟ ما فيك تعمل شي غير انو تسجل خاص او افتراضي أو مفتوح أو تستنى للسنة الجاية

و الحكي كمان بينطبق ع الي طلعلوا من الرغبات الأخيرة مو بسبب خلل بالمفاضلة بسبب انو الرغبات الي قبلها ما طلعتلكن عالمفاضلة التانية

*مافي شي اسمو اعتراض عالمفاضلة أو كذا
*ما فيك تنزل ع رغبة غير الي طلعتلك هلق .. راحت للسنة الجاية

#فعلياً هي أسوأ مفاضلة بتمر على كل دفعات البكلوريا جد !!!

منقول من أحد الطلاب

🔴 #عااااجل || سيتم بعد قليل تفعيل نتائج المفاضلة عبر رمز التقدم والاكتتاب على موقع المفاضلة

تحضيري: حد عام ٢٣٤٨
تحضيري: حد موازي ٢٣٢٦

رابط تحميل تطبيق المفاضلة بالتعليقات

#هام

النتائج طالعة عالتطبيق و لسا ما نزلت ملفات اول ما تنزل ملفات رح نزلها هون
رابط تحميل التطبيق
https://t.me/bacfedaa/1353

#عاجل || صدور نتائج جميع المفاضلات عبر تطبيق المفاضلة وبعد قليل سيتم نشر المعدلات المطلوبة

ما حدا غيري توقع الموعد صح و من 3 ايام🤣
لك تجري الرياح بما تشتهي سفينتنا نحن الرياح و نحن البحر و نحن السفن 🤣🤣🤣