LN للمنتجات الطبية التجميلية

🎉🎈بلشنا عروض العيد لاخر اسبوع من رمضان🌙 ورح تشمل نوعين مع فئة العروض المخملية

الفئة الاولى

اما خصومات مادية🔰
عالقطعة 1000
3 قطع 4000
5 قطع 6500
7 قطع 9000

او هدايا مجانيه🎁

🎀مع كل 3 قطع اختياري واحد من هدول
ماء الورد
ماء الدهب
بديل الليزر للوجه
لوسيون الشفايف

🎀مع كل 5 قطع اختياري واحد من هدول
اعشاب تقوية الشعر
سبراي الفيتامينات
بديل الليزر
بلسم

🎀مع كل 7 قطع اختياري واحد من هدول
لوسيون المنطقة الحساسة
قابض المسام
ديتوكس التفتيح
اكسترا كيراتين

🎀مع كل 10 قطع اختياري واحد من هدول
كريم كولاجين للبشرة
كريم نحت اقتصادي
شامبو زبدة الشيا
غسول نسائي

✨فئة العروض المخملية ✨

👑يلي بتاخد 15 منتج وفوق رح تحصل ع الكرت الدهبي وهو كرت عضوية بمنحا خصم مادي ع اي منتج بتاخدو لمدة 6 اشهر
وكمان رح تحصل على خصم فوري بقيمة 12 الف عالمنتجات الاساسية

💎اما يلي بتاخد 25 قطعة رح تكون فعالية الكرت الدهبي لمدة سنه ونصف اضافة لهدية مجانيه من اختيارا كل 3 اشهر ورح تحصل ع خصم فوري بقيمة 17 الف عالمنتجات الاساسية

وكل عام وانتو بخير حبايبي ❤️

كريم الكولاجين للوجه😍
يساعد الكولاجين على تقليل معدل ظهور التجاعيد على البشرة
اخفاء الخطوط الرفيعة على البشرة
يشد البشرة ويعطيها الحيوية والنضارة
يقلل التجاعيد والخطوط الدقيقة على سطح البشرة
يحافظ على الدهون التي تحافظ على نضارة البشرة
يعزز نقص الكولاجين
ويعمل على شد ونعومة الوجه
يجدد الخلايا ويرمم ويعالج البشرة
يحارب علامات التقدم بالسن
يوحد لون البشرة من البقع السوداء
يزيل الجلد الميت ويقلل من المسامات

تجربة لمجموعة منتجات مع نتائج توب😎

رأي صبايا بمجموعة منتجات من

الاستمرارية والسعي سر نجاح أي مشروع عم نبدأ فيه..❤️
لهيك انطرو كل جديد من عنا😎

أدام الله فرحة أعيادكم بقربِ من تحبون.. كل عام و أرواحكم في فرح..
وكل عام وأنتم بألف خير 💟💟

مجموعة تجارب لأشخاص استخدمو كورس الشعر و شغلات تانية طبعاً المصداقية عنوانا😇

منتجات ولا أحلى😎

القسم الأخير من كورس الشعر و هنن هالمنتجين :
سبراي الفيتامينات لتعزيز الطول والكثافة
والأكسترا كيراتين معالج للشعر المتقصف والجاف
😉

تتمة كورس الشعر 🥰
حمام زيت ممتاز مقوي ومحفز لنمو الشعر
ومجموعة حمامات كريم لتقوية الشعر بنوعية الجاف والدهني ولتطويل الشعر والختام أكيد مسك مع حمام تنعيم الشعر للشعر التالف والمحروق بعد الصبغة والميش


#التجربة خير برهان منتجات مصنوعة بحب وثقة ❤️

كورس الشعر المميز بيتضمن شامبو للشعر الدهني وشامبو مغذي للشعر الجاف وشامبو زهرة الكاموميل ليوازن بين الجذور الدهنية والأطراف الجافة

العيد قرب😍 والطلة المثالية حلم الكل😍 ولتكمل طلتك بحلاها لازم تكون بشرتك صافية ومافيها أي مشاكل💞.. لهيك خترتلكم مجموعة منتجات للبشرة بتخليكي تحصلي عالبشرة ل بتحلمي فيها..
بداية من غسول الوش لماء الورد 😉طبعا مابنسا الواقي الشمسي اللي هوي الخطوة المهمة والمثالية ليحمي البشرة من اغلب مشاكلا🥰 لمجموعة لوسيونات بتحاكي كل بشرة بمشاكلا👌 ومن بينن كولاجين لتصير بشرتك متل بشرة البيبي وكريم الفيلر لبسمن الوش وبيعطي امتلاء مثالي للخدود😍 وطبعاً مامننسا الهالات تحت العين والخطوط كمان 🤩وبحب ضيف لوسيون الشفاف ليعطيهن نعومة وطراوة ولون وردي بجنن 😍 لهيك أيا حدا عندو مشكلة او استفسار عن شي يحاكيني خاص لاشرحلو عن كل شي🥰🥰
وبالنهاية بدعمكن منوصل للكل 💙💙

⚡كتير صبايا بعانو من الم بفروة الراس ومابيعرفو شو السبب.. بزيد وقت التمشيط او حتى لمس الجذور..
وهالشي بخلين يحممو شعرهم بشكل شبه يومي بس الراحة بتكون مؤقتة ومابتدوم
الحل مو بالحمام.. الحل نعرف شو السبب ⭐

❇️لوضحلكم الفكرة رح نقسم الشعر لنوعين دهني وجاف....
الاغلب عم يكون شعرن دهني بدرجاته ال 3
كيف يعني❓
يعني الالم مرتبط بدرجة التزيتت يلي بعانو منها...

الصبايا يلي شعرن بزيت تاني يوم ببلش عندن الالم بشكل تدريجي من اليوم التالت وبزداد مع اهمالن للاستحمام ممكن تكون لظروف معينة

🔰وفي صبايا بعانو من تزييت متوسط والالم ببلش عندن اذا تاخرو بالحمام منيح وبلاحظو دوما قبل حمامن انو صار في وجع راس وممكن يصل للعيون ولوجع الراس العادي

طيب ليش.. وشو السبب❓

🔹السبب ببساطة انو الزيت يلي بتفرزه الغدد الدهنية كل ماطول عالشعر بعمل ضغط عالاعصاب الموجودة بطبقات فروة الراس.. هاد الضغط بولد الالم وبزداد حدة اذا مشطنا الشعر او لامسنا الارضية بايدينا..

🔸وكل ماتاخرنا بالحمام هي المادة بتتراكم وبتولد الم أكبر والدليل انه منشعر براحة فورية بعد غسل الشعر خاصة اذا كان الشامبو للشعر الدهني

♦️الصبايا يلي عندن شعر دهني متوسط مارح يلاحظو الألم الا بعد مايمر وقت منيح عالحمام او مثلا بوقت الدورة الشهرية نسبة كبيرة بتهمل غسل الشعر المنتظم وهالشي بزيد بتراكم الدهون وبسبب الالم يلي حكينا عنه

🎈من ناحية تانية الشعر الجاف كمان بصير فيه الم بس بوتيرة اقل من الدهني وفينا نخصص هاد الألم ليلي شعرن جاف كتير ويلي مع ذلك قسم كبير منن عم يستخدمو شامبو طبي عم ينشفلن شعرن بزيادة اعتقادا منه انه احسن شي لشعرن مع انه مغاير لنوع الشعر الاساسي

✨بهالحالة ممكن نلاحظ الالم بعد الحمام مو قبله نتيجة الجفاف الزائد
يعني أصحاب الشعر الجاف كجذور بنسبة عالية بعانو من الالم وممكن يتطور الامر لتقرحات وقشرة والتهاب بتكرار استخدام الشامبويات الناشفة وعدم استخدام اي مرطبات اسعافية

☘️العلاج بسيط لكلتا الحالتين وبعتمد بشكل رئيسي ع فهمنا الصح لنوع الجذور عنا.. هالنقطة كتير مهمة.. ولازم نحدد بدقة نوعية الجذور مو الأطراف ليكون شغلنا صح

بالنسبة للدهني لازم نشتغل ع اكتر من قصة

🌼لازم نحرر الفروة من الدهون لنرتاح من الألم ونخفف من تقل الزيت عالاعصاب لنعطي الفرصة للارضية لتتنفس وهالشي من خلال
استخدام منقوع اعشاب بشكل يومي
(فينا نعمل منقوع اي نوع اعشاب متوفر عنا) ( اكليل الجبل.. السدر.. بابونج )
منعملو سبراي وفينا نبخ مكان الألم عدة مرات باليوم ع حسب حدة الالم وهيك منتحكم فيه تماما
هاد المنقوع كفيل بتنضيف الدهون وتحرير الارضية وتهدئة فروة الراس اضافة لتغذية وتقوية للشعر

🌹كمان نخفف تمشيط وتدليك فروة الراس قدر المستطاع ونخفف وجبات سريعة ودهنيات وننظم الدورة اذا مخربطة ونحاول نشرب مي منيح
نعتمد شامبو خاص للدهني.. مو اي نوع تجاري.. انتبهو عهالقصة منيح
ونخفف مي سخنة ع فروة الرأس اد مافينا ونختم بفاترة

🌸بالنسبة للنوع الجاف حمام زيت زيتون دافي بمعدل مرتين اسبوعيا او كل ماشعرنا بالألم كفيل بإذن الله يقضي ع المشكلة ويعزز نمو الشعر ويقويه

🌸كتير ضروري باي مشكلة ان كان شعر بشرة اوجسم نفهم ليش هيك عم يصير معنا
مانقبل اي علاج من اي حدا لنعرف كل شي اسباب ادت لهالشي وشو ترتيبة العلاج يلي رح نشتغل عليها

🌸هاد الوعي برفع مناعتنا لانه ببساطة مارح نكرر الاسباب بالمستقبل

كونو بحب ❤️

لكل صبية بتحلم ببشرة مثالية 🥰😉

الشحنة وصلت ❤️
الصبايا الموصيين يتفضلو يستلمو 😘
وفي كم قطعة لبحب يتفرج أهلا وسهلا😇

الشعر يلي مابتساقط ابدا للوهلة الأولى مبين مثالي وهدف لكل بنت بس هو بالحقيقة شعر مريض ومالو عايش ضمن اطوار الشعر الطبيعية♦️

الشعر الصحي هو الشعر يلي بتساقط وبنمو وبطول وبنقص ضمن فترات محددة ع مدار السنة📆

ببساطة الشعر كائن حي بعيش ضمن خطة حياة منظمة .. بفترات تساقط.. وفترات نمو وفترات بكون بمرحلة راحة.. وكل هي الفترات مرتبطة بتنظيم دورتك وحالتك النفسية ونمط اكلك ونومك وكل شي ادوية عم تاخديا💊

الشعر يلي مابتساقط ابدا وهالشي حرفيا مستحيل هو واقف بمرحلة خمول يعني لاعايش ولا ميت مافي نمو ولا طول ومالو روح.. 🚫

بنفس الوقت في حالات عندا كل شي انذكر مع تساقط شديد وهون بكون داخل بطور التساقط المرضي وواقف عنده اضافة لانه واقف النمو بسبب معيقات موضعية او داخلية حادة ⛔

لازم نعرف شعرنا ونفهمه ونتقبل انه بتساقط يوميا فوق ال 50 شعرة وهاد الرقم طبيعي ومافي علاج ع وجه الأرض بلغي هي ال 50 شعرة لانه بكون عم يغير بالتركيبة الطبيعية لنمو الشعرة

امتا منحتاج علاج ❓

لما منشعر انه عم يتجاوز هاد الرقم وفي عنا مشكلة بفروة الراس يلي بتعبر عنها الفروة من خلال الحكة والقشرة الاكزيما والتساقط الشاذ❕
فهون لازم نعالج ونرجع الشعر لطور النمو الصحيح
اما تحت ال 50 فما في خوف
هالشي بس للتساقط.. أما روتين العناية الخاص بالشعر من حمامات كريم وزيوت وغيرا فهالشي مالو مرتبط بالتساقط 🔸

🔵 روتين العناية بشعرنا لازم يكون دائم لنحافظ ع طور النمو السليم والطول الطبيعي للشعر يعني لازم يطول طبيعيا بمعدل (14سم سنويا) وهالشي مابصير لحالو الا بخطة عناية مستمرة لانه العوامل يلي بتتاثر فيا الشعرة كتيرة وكلا بتتراكم لتكون معيقات
وباتباعنا روتين عناية صح منصل للشعر المثالي يلي بدنا ياه مع الحفاظ عليه وبشكل دائم

كونو بحب ❤️

#كونو كتار ونطرو جديدنا ومعلومات بتهم كل حدا بيهتم يطل بطلة مثالية صحية🥰

❤️❤️
فعالية أكتر من ممتازة 🌸
😉😘

❤️
المنتجات حاصلة على ثقة كتير من الأشخاص ودخلت بيوتن والتجربة هي الطريق الوحيد لهالتحدي بيننا 😉

LN
من الأبحاث العلمية الاخيرة يلي اشتغلنا عليها رح تنطلق اول مجموعة علاجية للشعر ضمن منتجات 2021 يلي الاهتمام فيها رح يكون اغلبه للشعر وهالشي لنحصل ع نتائج مزدوجة ضمن فترات قياسية✔️

⭐ البداية رح تكون مع اول مجموعة اساسية للجذور والاطراف...وهي سلسلة حمامات كريم LN للتطويل والكثافة والتنعيم 💧

🌸..حمام الكريم هو عبارة عن كريم بقوام خفيف سريع الامتصاص.. بيحتوي على محفزات نمو قوية للدورة الدموية بفروة الراس.. سلسلة فيتامينات وبروتينات مرممة لطبقات الشعرة واساسية لنمو البصيلة السليم... بتم وضعها عالجذور والأطراف قبل الحمام بنصف ساعة ⌛

رح تكون 3 انواع ⭐

🌼1. حمام كريم تقوية الشعر :
محفز دورة دموية للانبات والكثافة.. مقوي للشعر.. بعبي الفراغات وبغذي فروة الرأس..مخصص ليدعم بناء البصيلات لطور نمو نشط.. رح يكون العنصر الاساسي الجديد بكورس انبات الشعر المطور.. متوفر منه دهني وجاف

🌸2.حمام كريم تطويل الشعر :
مخصص لتسريع نمو الشعر وزيادة طوله وهالشي بسبب غناه بزيوت خاصة بتدعم هالمهمة..
بزيد تدفق العناصر المغذية للبصيلات وبغلفا وبحميا... كمان متوفر منه دهني وجاف ...

🏵️3.حمام كريم تنعيم الشعر : . مرطب عالي بزيوت تقيلة.. مرمم لطبقات الشعر الجافة المتضررة من الصبغات....الحرارة .. والمواد الكيماوية.. بمنح الشعر اللمعة والنعومة والترطيب العميق..
رح يكون العنصر الاساسي التاني بكورس الانبات للمعالجة المزدوجة..

تجارب أغلا صبايا عم يثبتو فعالية المنتجات #زبايني

بثقتكن منكبر❤️

رح كمل معكن بالشرح المفصل عن اللوسيونات الخاصة بالبشرة 💞..
كل بشرة بتحتاج لوسيون مختلف عن التاني كتير مهم ننتبة لهالنقطة😘
🏵️3. لوسيون محيط العين
عناية مركزة خاصة بتشمل درجات التفتيح والترطيب العالي.. التخلص من الخطوط الدقيقة وشد الترهل بالجفن
هو اختيار ممتاز للأشخاص يلي بعانو من عيون مجهدة فترات طويلة بسبب ضغوط العمل او توترات نفسية.. سهر ودراسة.. او مكياج يومي.. اضافة للسيدات المتقدمة بالعمر يلي محيط العين عندها بحاجة لعناية خاصة 🌀

🌺4. لوسيون نضارة يومية
هالنوع مهم للاشخاص يلي ماعندن مشاكل بالبشرة من حبوب وغيرا بس بنفس الوقت مافي نضارة ولون البشرة باهت وعاطية اكبر من عمرها🍁 وهالشي بسبب تركيبته يلي اعتمدنا فيها ع زيوت خاصة بتعطي البشرة التفتيح والتوريد المطلوب 🌼

🌹5. لوسيون مرطب مركز
مخصص لاصحاب البشرة الجافة لانه بيحتوي ع زيوت تقيلة بتعطي ترطيب مزدوج بدوم فترات طويلة.. مع شد للبشرة ونضارة ...

هي المجموعة بانواعا ال 5 مالا وليدة الصدفة.. هي نتاج سلسلة ابحاث ودراسات اشتغلنا عليها الفترة الأخيرة لتشمل اغلب مشاكلكم وتعطيكم نتائج ممتازة بإذن الله خلال فترات قصيرة


بدعمكن منكبر🤗❤️

اليوم رح أعلن اسم الفائزة بالمسابقة 🥰
بما أنة أخي العزيز مسافر ومابيلزمو هيك قصص 😂😂
Ahmad Kh
فبحب بارك للصبية لربحت معنا بديل ليزر للوجة ❤️
ألف مبررروك 💞💞🌸
Rama habib
خلوو عينكن ع صفحتنا ومنتجاتنا بأي لحظة ممكن تربحو 💞

بما إنو التفاعل عالمسابقة كتر متدني وضعيف ف رح الغيا للأسف 😓
والرابح بقطعة بديل الليزر للوجة رح تكون من نصيب أول شخص بياخد شارة أبرز المعجبين 😉
ورح اعلن الأسم بمجرد يظهر ❤️
ودمتم بخير

رح ارجع معكن لمنتجات البشرة وتحديداً ل اللوسيونات رح احكي اليوم عن ٢ 😍 مخصصة لتكون الاختيار الصح لروتين العناية الخاص فينا ..

مجموعة ( لوسيون العناية بالبشرة ) 🎀

🌼هي عبارة عن لوسيونات مطورة بعدة انواع لعناية مركزة بتم اعتمادها بشكل يومي قوامها خفيف وامتصاصها سريع... مخصصة للاستخدام النهاري أكتر .. ورح تكون الأنواع عالشكل التالي :

🌼1. لوسيون إكسترا كولاجين
بنسبة عالية من زبدة الشيا.. البروتينات.. والزيوت الغنية بتبلش رحلة إكسترا كولاجين ليقضي عالخطوط والتجاعيد الخفيفة والقوية حول العين.. الفم والجبين... بصغر من عمر البشرة.. وبشد الترهلات 🧡 هو اختيار رائع نبلش فيه من عمر مبكر لنحافظ ع بشرتنا مشدودة وعم تصغر يوم بعد يوم

🌸2. لوسيون مبيض مركز

مخصص للتصبغات وعلام الحبوب القديمة .. النمش والبقع العنيدة..♦️ هو اختيار مثالي للاشخاص يلي بشرتهم اكتر من لون ويلي عانو من حبوب بالسابق وعندن بقع متفرقة اضافة لحروق الشمس🌞

# لوشن الجسم 💓. الترطيب.. تفتيح اللون.. والنعومة..
🌸.. بامتصاص سريع ونتيجة مباشرة..
بتم استخدامه عالجسم الناشف بشكل يومي.. وطبعا الرطب بعد كل حمام

🌸هو مرطب عالي بيحتوي زيوت وزبدة الشيا وكولاجين وفيتامينات E. C.. بيعطي تفتيح لون مدرج وبعشق الجسم بالعطر 🌀

الطلة المثالية✨ هي حلم لكل شخص
ابداعك بحياتك بيبدا من ثقة كاملة بمظهرك... قوة حضورك واسلوبك.. 🎀
اهم الشي لنحصل عهالطلة هي نعرف بالاساس شو عنا مشاكل ونعالجا بالشكل الصحيح....✅
ومن هون انطلقت فكرة المنتجات🔮 يلي اندمجت مع خبرة سنوات طويلة لتعالج وتعطي النتائج المطلوبة👍🏻

✨مجموعات الشعر.. كريمات الجسم.. وكل المنتجات منطلقة بقوة وتميز... 💎

و♦منتج اليوم رح يكون الأول بعلاج اطراف الشعر... التقصف النفشة.. التلف واللون الباهت... مشاكل الشعر المصبوغ والتكسر⚡

كله بمنتج واحد...ويلي هو .... سيروم فيتامين Vitamins, Oils ✨

💡هو عبارة عن مجموعة فيتامينات وزيوت ومواد مغذية رح تلتف بكل خصلة وتغلفا بكل هي المواد لتعطيا تغذية أضافة للترطيب💠

نتيجة المنتج رح تكون من المرة الأولى.. ✅رح تختفي النفشة ويضل الشعر ناعم إضافة لانه مستحيل يتقصف بعد السيروم لانه سبب التقصف الجفاف وبمجرد وضع السيروم رح يختفي الجفاف ويضل الشعر متغذي مرطب💛

بعد فترة قصيرة اللون الحيوي رح يظهر وتبلش الصحة تلمع باطراف شعرك ✨ورح يعطي تسبيل تدريجي اضافة لطول على غير المعتاد لانه التقصف والتكسر بيعطو قصر والشعر بظهر اقل من طوله الحقيقي💠

السيروم غذاء كامل لاطراف الشعر في حال كانت الجذور عندك قوية بس الأطراف تعبانة ف هاد السيروم هو علاجك المثالي ✅
وماتنسو شرب المي كتير منيح ونتعامل مع الشعر على انه قطعة منا💛
#

تجارب زبايننا الغاليين #لكريم الفيلر 😍

تجارب زبايننا الغاليين #لغسول البشرة #الجافة و #الدهنية
😍
فيكن منكبر

يسعد أوقاتكن صبايا ❤️
لاني حابة اشكركن على دعمكن لألي رح أعمل #مسابقة صغيرة والرابحة رح تكون صبية وحدة نظراً لان فكرة المشروع بعدا ببدايتا 😅
شروط #المسابقة رح تكون:
♦️ لايك للصفحة مع تعليق ع البوست
♦️ عمل دعوة لأكبر عدد من الأصدقاء على الصفحة
نتيجة #المسابقة رح تكون يوم #الجمعة القادم
♦️ الهدية رح تكون عبوة بديل ليزر للوجة🥰
➰وبين فترة والتانية رح يكون عندي #مسابقات اكتر و #هدايا اكتر وخاصة للصبايا اللي دايماً بعلقو عالبوستات داخل الصفحة❤️
مع محبتي للجميع 😍

صلو على من ينادي يوم القيامه .."أمتي ..أمتي"..
صلو على من بكا شوقا لرؤيتنا…"!ًً!
‏- "اللهم صلِ وسلّم وبارك على سيدنا مُحمد ﷺ."❤️

#جديد
🌸منتج اليوم هو اساس كورس البشرة وقاعدة العلاج الصح لاي مشكلة فيها 🎈

اهم الشي بالعلاج وقبل اي كريمات هو التنضيف الصح الآمن يلي مابيإذي البشرة اضافة لانه بصغر المسامات وبعقم الحبوب واثارها وهالشي رح يعطينا نتائج فوق المتوقع 🎀

منتج اليوم هو ..

🎈هو تركيبة مطورة عن الصابون .. متوفر منه دهني وجاف.. ليناسب كل نوع

🌸الدهني بنشف الحبوب وبعقم وبقبض مسام.. بيعطي نضارة وشد

🏵️الجاف.. برطب وبغذي وبنعم وبفتح لون

🌸
💧
☀️مع هالطقس الحار صار الوقت لانطلاقة منتجات الجسم بعطور فواحة ورغوة كريمية بنوعين للجاف والدهني⭐
شاور جل للجسم بخواص علاجية عالية بتتضمن مايلي :

🔸 بيقضي عالبكتيريا المسببة للتعرق والروايح الغير لطيفة
🔸 بعقم حبوب الجسم..متل حب الشباب.. والحبوب الدهنية ..
🔸 بزيل الدهون عسطح الجلد وبيعمل قبض للمسام
🔸 بعالج الحكة الجلدية ومسببات الاكزيما الدهنية
🔸ترطيب عالي لأصحاب الجلد الجاف ونعومة مباشرة
🔸 بساعد ع تفتيح لون الجسم
🔸 اقتصادي جدا وبكفي فترة طويلة
🔸 وطبعا انتعاش وبرودة لطيفة عالجسم
دمتم بحب 🌸

#جديد💛
بعد جهود مليانة شغف ولانه حوا هي محور اهتمامي رح قدملا اليوم منتج خاص فيا🌸 من سلسلة منتجات رح يشمل كل العناية المركزة يلي بتلزما ⭐


كتار منا صار عنا تشققات بالبطن بعد الحمل والولادة او حتى ع اثر زيادة الوزن بتزيد الخطوط ع الايدين والرجلين من هون اجت فكرة الكريم لتزيل تباعاً كل هالخطوط المزعجة

❓عم اعمل ريجيم قاسي، وجهي كتير ضعف ونزل وزني بس مع ترهلات وبقايا دهون شاذة بالبطن والخواصر✳️

💫كتير بتصلني رسائل من هالنوع والفكرة انو الاغلب مقتنع انو الريجيم هو يلي بنزل الوزن ⚡. الريجيم هو بس كابح لسعرات حرارية جديدة مارح تنحرق بنفس اليوم

الفكرة ببساطة انو جسمنا بيحتاج كل يوم سعرات حرارية
هي السعرات بيحرقا الجسم ليشتغل عكل وظايفه
اذا دخل عدد سعرات اكبر من يلي حرقناه رح يصير زيادة وزن لانه تخزنت هي السعرات ع شكل دهون لوقت الحاجة

وتاني يوم رح ندخل سعرات جديدة واذا ماحرقنا القديم
رح يصير عنا كتل دهنية بمناطق محددة بالجسم خاصة الارداف الخواصر و البطن 〽️

الريجيم لازم ينظم سعرات يعني يخلي الجسم يسحب من المخزون المخبى وهيك بنزل الوزن🔰

النقطة بقا انو أغلب الريجيمات بتنزل الوزن عشوائي واول شي ببين عليه هو الوجه✳️❇️ والمنطقة العالية من الجسم اما باقي المناطق ف هي بتحتوي ع كم اكبر من الدهون لذلك صعب تزول بسهولة

من هون كانت فكرة كريم النحت ♻️
وهي انو نتخلص من مناطق دهنية بحد ذاتا من دون مانشتغل ع ريجيمات قاسية بتأثر ع حياتنا... نفسيتنا ونمط أكلنا اليومي ⭕

يعني كريم النحت مابيحتاج ريجيم قاسي بيحتاج تنظيم بس وبعض التعليمات يلي لازم نعتبرها ضمن روتين حياتنا اليومية ♊

طريقة عمله ببساطة
هي توصيل الدهون لدرجة حرارة بحيث تخرج بسهولة من الجسم↪️
والشي التاني انو بشد الجلد مع تكسير الدهون يعني بظبط شكل الجلد بعد ماتتكسر الدهون وتخرج من الجسم ولذلك رح يتم نحت الجسم تباعا للمناطق يلي بدنا نشتغل عليها📍

اليوم رح اعرضلكن مجموعة منتجات للجسم ❤️
عن تجربة شخصية بجنن بجنن بجنن😍


(غسول ومطهر ومبيض)
#تابعوني لتعرفو جديدي

♦️
بنقاش وجدال مطول عن طرق ازالة الشعر بلشت جلستنا انا ورفقاتي بمرة من المرات 🧐
ووحدة من رفقاتي كانت مقتنعة انو الليرز⚡ اسرع واضمن حل لازالة الشعر لانه بعتمد عالحلاقة بس ومافيو تعب متل الميم وغيرا 🌀
التانية كانت رافضة ل الليزر تماما خوفا من اي مضاعفات جلدية اضافة لكلفته العالية وكانت ضد مبدا الحلاقة لذلك اتجهت لبديل الليزر ك علاج لهالقصة ⭐

ولاني بحب الاكشن 💪قلتلن عملو تحدي بيناتكم ويلي بتخسر بتشتري من عندي بديل ليزر لكل العيلة هههههه

المهم وافقوا وبلش هالتحدي بيناتن تقريبا ببداية الشهر 11 يعني من شي 5 شهور💭
من كم يوم جبنا سيرة التحدي مع النتائج الحقيقية عالارض ويلي كانت كالتالي 🔰

🌸الصبية الاولى بلشت فورا بجلسات الليزر لمساحة معتدلة مع اعتمادا للحلاقة
الامور يلي اعترفت فيا انو👈🏻 حصلت ع نتائج حلوة والشعر خف منيح عن قبل بس كانت عندا اكتر من نقطة سلبية حكت فين

⭕اول شي انو نتيجة الحلاقة المتكررة الشعر زادت قوته واسود لونه وفي حال تاخرت بالجلسة لعدة ايام عم تزداد سرعة النمو هالشي بسبب تكرار الحلاقة تباعا في حال التاخر لظروف محددة
➿بغض النظر عن مشاكل الحكة والحساسية والتهاب الجلد بعد الحلاقة

🔻ومرة من المرات اخرت جلسة الليزر شهر بسبب ظرف هالتاخير لغى الجلسة يلي كانت قبلا ع حكي المسوؤلة عن الجلسة يعني اي تاخير زايد بلغي نتائج الجلسات السابقة

🔺نوع الاجهزة والعيارات كانت مشكلة ثقة لانه بنحاف من اي تلاعب لزيادة عدد الجلسات

🔻الكلفة العالية كمان كانت مشكلة خاصة مع مسح جلسة كاملة في حال التاخير

🔺كمان في نقطة انو عملت للبشرة اكتر من 8 جلسات ولسع الشعر عم يطلع غير التسبب بعدة حروق نتيجة حرارة النبضة
وانا برجع السبب للون الشعرة لانه اغلب شعر الوجه بكون كاشف ع اشقر والليزر مابيحسن يضربه لانه هو بعتمد عاللون ك عامل اساسي بنجاح الضربة 💫

⭐بالمقابل الصبية التانية حكت عن تجربتا كمان وقالت انو النتائج كانت كتير منيحة مقارنة بالمجهود البسيط المبذول والتكلفة اضافة للسرعة

وبشكل عام اعتمدت نفس روتين الازالة وكانت الطريقة الإزالة من الجذور واعتماد الكريم كمرطب ليلي قبل النوم🌸
ع حكيا بعض المناطق استجابت بشكل أسرع من غيرا وانا بقول هالشي برجع لنوع الشعرة نفسها وكثافتا اضافة للمنطقة 🌀

🔰بعد ال 5 ازالات صار الشعر وبري ببعض المناطق وعم يطول كتير ليطلع بمناطق تانية

بالمقابل ماكان في نتائج سلبية لانه العلاج بسيط والكريم ريحته طيبة وبغبو الجسم بسرعة 💠

⚜️بعد هالتحدي ومقارنة بين ال 2 وكتجربة شخصية برايي بديل الليزر بيستحق التجربة فعليا لانه ابسط الحلول لمشكلة من اكبر المشاكل عنا

⭐فيكم تعطوه فرصة ليثبت فعاليته ولساعدكم لتبلشو بالجسم والبشرة سوا رح تحصلو مني مع كل تركيبة جسم التركيبة المخصصة للبشرة

مجموعة سكرينات لصبايا استعملو المنتجات وحصلو على نتائج رووعة🥰🥰
❤️

القسم الأخير من #كريمات البشرة بيتضمن
#تونر ماء ورد قابض للمسام وبيساعد عالتفتيح
#لوسيون توريد شفاه
#غسول للبشرة الجافة وواحد للدهنية
وأخيراً بيضعف بصيلات الشعر وبيعطي نعومة 💞
#وبالنهاية لاتنسوني من دعمكن لايك وتعليق عالبوست ليصل للكل ويستفيدو 🌹

#مجموعة كريمات البشرة التانية هي عبارة عن
كريم #فيلر لتسمين الخدود وملئها
كريم حول العين بيرطب وبيفتح المنطقة
وكريم #تبييض وتفتيح للوجه وبيزيل التصبغات بالبشرة
وأخيراً كريم صار أساسي ومطلوب بحياة الكل #الكولاجين
هي الكريمات #ليلية طبعاً البشرة بالليل بتكون رايقة وبتتقبل كل علاج ممكن ينضفلا 😍
ماتنسوني بتعليق حلو ولايك للصفحة🥰
تابعوني لتعرفو كل جديد ❤️