Voix des Cabistes صوت الكابيستية

آخر مرة تباعت بطاقات الإنخراط في النادي البنزرتي عام 2018 قبل الجلسة العامة الإنتخابية 😡
اول طلب من جماهير النادي البنزرتي فتح بيع بطاقات الإنخراط في أقرب الآجال كما الجمعيات الكل 😡
بطاقة الإنخراط حق موش مزية 👍 كفى دكتاتورية 👌

جماهير النادي البنزرتي سيقوم بمطلب إلى السيد قيس سعيد رئيس الجمهورية التونسية لفتح تحقيق قضائي ضد الهيئة المديرة لوجود شبهات فساد مالي و إداري ⚖
نطالب من الجماهير الإمضاء في المطلب بأعداد غفيرة لإستراجاع حقوق جمعيتنا و وضعها في مكانها الطبيعي في أقرب الآجال 👍
الجمعية ماشية نحو المجهول و إلى حد الآن ما ربنا كان الأكاذيب و الوعود الزائفة و أغلبية اللاعبين غادرو الفريق 😡
عاش النادي البنزرتي و جماهيره الأوفياء 💛🖤💛
(إن شاء الله غدوة نقولولكم أين تجدون النسخ للإمضاء)

نسمع في حكايات فارغة غريبة هاو نعرات جهوية في بنزرت هاو حقرة وهذا موش صحيح بتاتا :

البنازرتية بالعكس أصحاب عشرة والدليل الى يجي لبنزرت يستقر ، تعاشرنا عبر التاريخ مع ليهود ومع الروس وحكاية شيرنسكي تعرفوها موش لازم نعاودها ومع الفرانسيس أساتذة قراونا وقرينا مع العلوية والمنازلية والجميلية والرحامنية والسجنانية وتعاشرنا مع الدزيرية والجرابة الى تنجمو تسألوهم ومزالو موجودين ونعتبروهم بنازرتية وعمرنا لا فكرنا الى هوما جرابة والى صفاقسية والى جنادبة والى سواحلية لذا ما تخلطوش كل شي مع بعضو على خاطر ماتشات الكورة الى يصير فيهم ما يصير فى العالم لكل ونزيدكم زيادة أكثر مدينة يتعايشو فيها كل الملل والنحل هى بنزرت وسكانها القدم باش ما نقولش الأصليين خاطر هذي أرض الله ما يتعداوش 18% من إجمالى سكانها وهي مدينة عسكرية وأغلب العساكر جاوها من مدن أخرى وإستقرو والمدرسين والأطباء وطلبة الجامعات الى يجي لبنزرت معادش يخرج ويستقر فيها من طيبة أهلها وإماليها موش على سواد عينيهم.
لذا يزيونا بلا لوغة جهويات وبلا نعرات قبلية والى عندو عقدة يحلها فما إختصاص طب نفسي وما عليه كان يعالج روحو ويزيونا من لوغة من سجنان الى أوتيك ومن جومين الى رفراف بنزرت واحدة موحدة ويزيونا بلا ريق حبو بعضكم الى قالها الفاسد الأكبر موش تو بعد التاريخ والنضال بعابص كبار تجي تورينا كيفاش نتعاملو وهوما كان وراو الضو لعينيهم خير، وبربي ثبتولنا رواحكم موش ديما تقولو البنازرتية ما تضوي كان عالبراني تو منين نشدوكم .CABSSZ

اللهما ان نسألك النصر 🤲 اللهما لا تمكن الاعداء فينا 🤲
الكلنا يد وحدة مع الجمعية مهما صار و مهما يصير و مهما كان المصير 👊👊👊
عاش النادي البنزرتي و جماهيره الأوفياء 💛🖤💛

الوقت هو منافسنا الأول 👊

يلزمنا نخليو الإختلافات و نتلمو الكلنا اليد في اليد لإنقاذ الجمعية و بعد في الانتخابات كل واحد يورينا اش عندو، الوقت يجري و المشاكل تزيد 🤔🤔🤔

عاش النادي الرياضي البنزرتي و جماهيره الأوفياء 💛🖤

Give me One C , alo alo alooo FORZA CAB

إيصبر على الرجال يا البنزرتي، بحول الله جمهورك ما يلوحكش 👊👊👊

اجمل اللحظات والتتويج للنادى البنزرتى بكاس افريقيا للاندية الفائزة بالكاس 1988

الجمهور هو المفتاح 👊👊👊